Category: Uncategorized

Agathon Rwasa yasubizaga ku birego bya Perezida Evariste Ndayishimiye ubwo yasubiraga mu gihugu cye avuye mu Bubiligi, aho yari yitabiriye inama ihuza Umuryango w’Ubumwe bw’u Burayi n’uwa Afurika Yunze Ubumwe.

Perezida Ndayishimiye yavuze ko muri iyi nama yabonye umwanya wo guhura no kuganira n’Abarundi bari mu buhungiro, yishimira ko bagiye bahinduka.

Yagize ati 'Nk’uko nagiye mbivuga Abarundi barahindutse. Abitabye baje kundamutsa bavuga bati 'dukeneye kubona umukuru w’igihugu’ wabonaga ko bafite akanyamuneza kandi ntitwavuga ngo haje abo mu ishyaka iri cyangwa ririya.'

'Baraje bose harimo n’abo wavuga ko binuba igihugu. Twaraganiriye mbamenyesha uko u Burundi bumeze na bo batanga ibyifuzo byubaka, bafite inyota yo kuza mu gihugu cyabo.'

Nubwo bimeze bityo, Perezida Ndayishimiye yakomeje avuga ko yababajwe n’uko hakiri bake bifuriza nabi u Burundi barimo abigaragambije bavuga ko u Burundi budakwiye gukurirwaho ibihano.

Yanenze CNL yivuye inyuma ko yashishikarije Abarundi baba mu buhungiro kwigaragambya bamagana ubutegetsi bw’u Burundi.

Agathon Rwasa kuri uyu wa 22 Gashyantare, yavuze ko ishyaka rye ridashobora kubazwa ibyakozwe na Aimé Magera utari ku rutonde rw’abayobozi b’iri shyaka kuva ryashingwa.

Ati 'Ntaho agaragara kuva CNL yashingwa. Ku rutonde rw’abayobozi b’ishyaka izina rya Aimé Magera ntaho rigaragara. Ni umuturage usanzwe uba mu buhungiro, ibikorwa bye ntaho ahuriye na CNL. Ishyaka ryacu ntirishobora kubazwa ibikorwa ritateguye. CNL ntishobora kubazwa iby’imyigaragambyo itateguye.'

Inkuru dukesha ikinyamakuru Iwacu ivuga ko Agathon Rwasa afite impungenge ko haba hari ibikorwa bibi bigambiriwe ku ishyaka CNL.

Yananyomoje ibirego bya Perezida washinje ishyaka rye ko rifitanye imikoranire n’imitwe yitwaje intwaro irwanya ubutegetsi irimo Red Tabara ikorera mu Burasirazuba bwa Repubulika Iharanira Demokarasi ya Congo.

Ku rundi ruhande ariko, sosiyete sivile yo muri Repubulika Iharanira Demokarasi ya Congo yamaganye ibikorwa bya kinyamaswa bikorwa n’imitwe yitwaje intwaro ku bukata bw’iki gihugu irimo Imbonerakure (urubyiruko rw’ishyaka riri ku butegetsi bw’u Burundi) hamwe n’ingabo z’iki gihugu.

Kugeza ubu Minisitiri w’Ingabo mu Burundi yanyomoje aya makuru avuga ko kohereza ingabo mu kindi gihugu bifatwaho icyemezo n’Inteko Ishinga Amategeko nyamara ikaba itarigeze ishyikirizwa iby’iki kibazo.

Dr Tedros Adhanom Gebreyesus

Dr Tedros yabitangarije mu nama y’Abayobozi n’Impuguke bateraniye i Munich mu Budage, ku wa Gatanu tariki 18 Gashyantare 2022, avuga ko iyo myanzuro igamije gushyira iherezo kuri Covid-19.

Yavuze ko mu kwezi gushize kwa Mutarama 2022, ubuyobozi bwa OMS bwamuhaye umukoro wo gutegura ibyifuzo byashimangira ingamba zo gukumira icyorezo, bikaba ari byo bigomba kwemezwa n’ibihugu byose bigize isi muri Gicurasi uyu mwaka wa 2022.

Ati “Muri make ndabona inkingi eshatu z’ingenzi zaba zigize iyo nyandiko, ari zo ubuyobozi butajegajega, ubufatanye no gukorana”.

Umuyobozi wa OMS avuga ko mu nama y’uyu muryango yabaye mu mwaka ushize wa 2021, ibihugu 194 byijeje ko bizemeza amasezerano mashya, akubiyemo amabwiriza yo kwirinda no gukumira icyorezo cya Covid-19.

Avuga ko uwo muryango ushyigikiye imyanzuro y’Inama y’Abakuru b’Ibihugu bigize isi, itanga icyerekezo cya politiki cyo kwihutisha no gukorana, ikaba ari yo izajya mu mategeko ngenderwaho ya OMS.

Dr Tedros yizeza kandi ko umuryango OMS urimo gushyiraho ikoranabuhanga rituma isi ibasha gukumira ibyorezo, mu buryo bwihuse hashingiwe ku bufatanye bw’ibihugu.

Uwo muyobozi avuga ko abantu benshi bakunze kumubaza igihe icyorezo kizarangirira, aho bamwe ngo bishimira ko babonye inkingo ku bwinshi, bikajyana n’ubukana buke bwa virusi ya Omicron, bakumva ko icyorezo kirangiye, ariko ngo si byo.

Avuga ko ibyo bihe bitaraza (byo kurangira kw’icyorezo), mu gihe ngo hakiri abantu 70,000 bapfa ku munsi bazira indwara zikira kandi zishobora kwirindwa.

Ashingira kandi ku kuba 83% by’Abanyafurika batarabona nibura doze imwe y’urukingo rwa Covid-19.

Akomeza avuga ko iherezo ry’icyorezo ritaraba mu gihe inzego z’ubuzima zitarakomera ahenshi ku isi, aho virusi ikwirakwira abantu ntibabirebe ngo bakurikirane uburyo yandura.

Dr Tedros ariko atanga icyizere ko muri uyu mwaka icyorezo Covid-19 gishobora kurangira, nk’ikintu cyihurirwa ku isi mu bijyanye n’ubuzima, kuko ngo hari ibikoresho n’ubumenyi, by’umwihariko bakaba barimo guhamagarira ibihugu byose kuziba icyuho cy’amafaranga miliyari 16 z’Amadolari akanewe mu gukora inkingo, ibipimo n’imiti byajya ahantu hose ku isi.

Umuherwe w’Umunyamerika Bill Gates, na we witabiriye Inama y’i Munich, yabaye mu bafashe ijambo avuga ko isi igomba guhora yiteguye ko yaterwa n’ikindi cyorezo, kugira ngo ishyireho ingamba zo gukumira hakiri kare.

Gates avuga ko Covid-19 itagifite imbaraga ku buryo uyu mwaka ngo uzajya kurangira itagikanganye cyane, n’ubwo ngo hakiri ugushidikanya ko 70% by’abatuye isi bazaba bamaze kubona urukingo.

Yabivuze kuri uyu wa Mbere tariki 22 Gashyantare 2022 ubwo Urukiko Rwisumbuye rwa Nyarugenge rwatangiraga kuburanisha urubanza rw’ubujurire rwa CSP Kayumba Innocent na SP Ntakirutimana Eric bajuririye ibihano bakatiwe n’Urukiko rw’Ibanze rwa Nyarugenge.

Aba bombi bahamijwe ibyaha bifitanye isano n’amafaranga yibwe umunyamahanga witwa Kassem Ayman Mohamed, aho bashinjwa kuba barayishimishijemo bakaguramo ibintu bihenze bifashishije ikoranabuhanga.

CSP Kayumba Innocent ubwo yahabwaga ijambo ngo asobanure ubujurire bwe, yavuze ko nta ruhare yagize mu kwiba uyu munyamahanga, asaba urukiko kuzatesha agaciro icyemezo yafatiwe n’Urukiko rw’Ibanze rwa Nyarugenge, agahanagurwaho ibyaha kuko ntabyo yakoze.

Ati 'nkasubizwa mu buzima busanzwe kuko ibyaha byose ubushinjacyaha bwangeretseho ari amagambo gusa kandi mu rukiko ntabwo hakora amagambo hakora ibimenyetso bigize icyaha.'

Muri uru rubanza kandi hagarutswe ku mufungwa Amani Olivier wafashije aba bari abayobozi ba Gereza ya Nyarugenge mu kwinjira mu ikoranabuhanga ubundi bakiba ariya mafaranga.

Uyu Amani usanzwe ari umuhanga mu ikoranabuhanga akaba anafungiwe ibyaha bifitanye isano na ryo, yemereye urukiko ko ari we wafashije aba bayobozi ariko ko bari babimuhatiye.

CSP Kayumba yabwiye Urukiko Rwisumbuye rwa Nyarugenge ko ibyaha yahamijwe byakozwe n’uyu Amani aho kuba ari we. Ati 'nkeneye ubutabera kandi abantu bose barangana imbere y’amategeko.'

Me Ngirinshuti Jean Bosco wunganira CSP Kayumba, yasabye Urukiko Rwisumbuye rwa Nyarugenge gukuraho icyemezo cy’Urukiko rw’Ibanze rwa Nyarugenge kuko kidashingiye ku bimenyetso byatanzwe.

SP Eric Ntakirutima wahoze ari umuyobozi wa Gereza ya Nyarugenge wungirije, yabwiye Urukiko ko atari umuntu wo kwiba, na we asaba Urukiko bajuririye kumuhanaguraho ibyaha.

Ubushinjacyaha butavuze byinshi, bwasabye Urukiko Rwisumbuye rwa Nyarugenge kugumishaho ibihano byafashwe n’urw’Ibanze rwa Nyarugenge kuko ibimenyetso byose byagaragajwe bifite ishingiro ko abaregwa bakoze ibyaha bahamijwe.

Urubanza rw’ubujurire rw’aba bahoze ari abayobozi ba Gereza ya Nyarugenge, rwahise rupfundikirwa, Urukiko rukazasoma umwanzuro warwo tariki 18 Werurwe 2022.

Paul Farmer yitabye Imana tariki 21 Gashyantare 2022 afite imyaka 62 y’amavuko azize uburwayi

Iyo kaminuza yasabye inshuti n’abavandimwe kuba hafi cyane cyane y’umuryango asize, muri ibi bihe bitoroshye, nk’uko bikubiye muri iri tangazo:

Inkuru bijyanye:

Dr Paul Farmer wateje imbere ubuvuzi mu Rwanda yitabye Imana

Perezida Kagame yahuriye muri Senegal n’Umukuru w’Igihugu cya Turukiya, Recep Tayyeb Erdogan uru mu ruzinduko kuri uyu mugabane na we akazitabira uriya muhango.

Sitade ya Diamniadio izafungurwa kuri uyu wa Kabiri ifite imyanya ibihumbi 50, uretse gukinirwa umupira w’amaguru izajya inaberaho n’indi inyuranye.

Umukino uzayikinirwaho bwa mbere ifungurwa uzahuza abamamaye muri ruhago ya Africa n’abamamaye bakomoka muri Senegal.

Ikibuga cy’iyi Stade kizanakinirwaho umukino Senegal izakiramo Misiri mu gushaka itike yo kujya mu gikombe cy’Isi uzaba tariki 28 Werurwe, 2022.

Diamniadio ni Umujyi uri kubakwa muri Km 30 uvuye i Dakar, Perezida Macky Sall ashaka kuhateza imbere cyane mu rwego rw’ibikorwa remezo n’ishoramari mu rwego rwo kuzamura ubukungu bwa Senegal.

Umuvugizi wa Polisi mu Ntara y’Iburasirazuba, Superintendent of Police (SP) Hamdun Twizeyimana yavuze ko uyu mukozi yafashwe kubera abantu 3 yari amaze guha ibisubizo bya COVID-19 atabapimye akabaca amafaranga y’u Rwanda ibihumbi bitanu (5,000Rwf) nabo bagahita babimenyesha Polisi.

SP Twizeyimana yagize ati” Hari abantu batatu bari batashye ubukwe mu Murenge wa Matimba kuko amabwiriza avuga ko umuntu ugiye gutaha ubukwe agomba kuba afite igisubizo cy’uko nta bwandu bwa Covid-19 afite byatumye aba bantu bajya ku kigo nderabuzima cya Matimba ngo bipimishe Covid-19. Renzaho yari ashinzwe gupima ibizamini yahise abaha icyamgombwa kigaragaza ko ari bazima atabapimye anabaca amafaranga ibihumbi bitanu.”

SP Twizeyimana yakomeje avuga ko bakimara guhabwa ibisubizo byanditse kandi batapimwe bahize bihutira gutanga aya makuru kuri Polisi, uyu mukozi ahita afatwa kugirango akurikiranwe n’amategeko.

Umuvugizi wa Polisi mu Ntara y’Iburasirazuba yibukije abaturarwanda cyane cyane abakora mu nzego z’ubuzima nk’abaganga ko kugurisha ibisubizo bya Covid-19 ari icyaha gihanwa n’amategeko kuko uba uhimbye inyandiko kandi uba unashyize ubuzima bw’abandi mukaga.

Ati“Iyo uhaye umuntu igisubizo cy’uko nta bwandu bwa COVID-19 kandi utamupimye uba ugize uruhare rwo kuba wakwirakwiza iki cyorezo bikaba byagorana kukirandura kandi ariyo gahunda Leta yihaye yo kurandura iki cyorezo. Ikindi kandi utanze icyemezo cya COVID-19 cy’igihimbano kimwe n’ibindi byangombwa cyangwa inyandiko aba akoze icyaha gihanwa n’amategeko.”

Yakomeje agira inama abanyarwanda ko bajya bashishoza ku byangombwa bahabwa kugirango badahabwa ibyangombwa bihimbano kandi bagatanga amakuru ku nzego zitandukanye.

Renzaho yahise ashyikirizwa Urwego rw’ubugenzacyaha (RIB) rukorera muri sitasiyo ya Polisi ya Matimba kugira ngo hakorwe iperereza

Itegeko no68/2018 ryo ku wa 30/08/2018 riteganya ibyaha n’ibihano muri rusange, Ingingo ya 276 ivuga ko umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha.

Umuntu wese, ku bw’uburiganya, wandika, wandikisha ibintu bidahuye n’ukuri cyangwa ukora imenyekanisha ritari ryo afatwa nk’uwakoze icyaha cyo gukora ibihimbano.

Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

Ni icyemezo cyaherukaga gufatwa kuri imwe mu mihanda y’Akarere ka Nyarugenge nk’ahashyizwe Imbuga City Walk mu Mujyi wa Kigali rwagati n’ahantu abakiliya bafatira 'Thé Vert’ mu Biryogo, i Nyamirambo.

Umujyi wa Kigali watangaje uti 'Banyakigali, Umujyi wa Kigali washyizeho uburyo bushya bwo kwidagadura mu Gisimenti. Kuva kuri uyu wa Gatanu taliki ya 25/02/2022, buri weekend, Umuhanda KG 18 Ave uzajya ufungwa ku binyabiziga, resitora n’utubari bibashe kwagurira imyanya y’abakiriya hanze mu muhanda.'

'Iyi gahunda (Car Free Weekends) ku muhanda KG 18 Ave Gisimenti, izajya itangira kuva kuwa Gatanu saa 16h00 kugeza ku cyumweru saa 18h00. Umuhanda KG 176 St n’imihanda iwuhuza n’uwa KG18 Ave niho hashobora guparikwa ibinyabiziga. Tunezerwe, twirinda gutwara mwanyoye ibisindisha.'

Uyu muhanda usanzwe ari nyabagendwa cyane mu bihe by’impera z’icyumweru, kuko wegereye utubari dukundwa na benshi, amaduka acuruza inzoga za likeri (liquors) n’ibindi.

Bijyanye n’ibinyabiziga bikunze kuba bihacucitse mu mpera z’icyumweru, bizasaba ko abakiliya bajya bashaka aho basiga imodoka zabo.

Umujyi wa Kigali wasabye ba nyiri amaresitora n’utubari, abakozi n’abakiriya kubahiriza ingamba zose zashyizweho zo kurwanya no kwirinda Covid-19.