Category: Uncategorized

Aya makuru yatangajwe na Lt Gen Muhoozi ku giti cye kuri uyu wa Mbere tariki 28 Gashyantare 2022, abinyujije kuri Twitter.

Yagize ati 'Nyuma y'ikiganiro kirekire nagiranye na marume/data wacu, Perezida Paul Kagame muri iki gitondo, twemeranyije ko nsubira i Kigali mu minsi iri imbere kugira ngo dukemura ibibazo byose bikiri hagati y'u Rwanda na Uganda.'

Nubwo Lt Gen Muhoozi yatangaje ibijyanye n'uru ruzinduko, ntacyo Leta y'u Rwanda irabivugaho.

Lt Gen Muhoozi usanzwe ari n'imfura ya Yoweri Kaguta Museveni uyobora Uganda yaherukaga mu Rwanda ku wa 22 Mutarama 2022.

Ni mu ruzinduko n'ubundi rwari rugamije gukemura ibibazo bimaze igihe hagati ya Uganda n'u Rwanda.

Muri uru ruzinduko yagiranye ibiganiro na Perezida Kagame ndetse n'abayobozi batandukanye biganjemo abo mu nzego nkuru z'igihugu mu by'umutekano.

Ku wa 8 Gashyantare 2022, ubwo Perezida Kagame yakiraga indahiro z'abayobozi bashya muri Guverinoma barimo iya Minisitiri w'Ibikorwaremezo, Dr Erneste Nsabimana n'Umunyamabanga wa Leta muri iyo Minisiteri, Patricia Uwase yavuze ko ibiganiro yagiranye na Lt Gen Muhoozi bitanga icyizere ndetse akaba aribyo byaganishije ku cyemezo cyo gufungura umupaka wa Gatuna wari umaze imyaka itatu ufunze.

Ati 'Iyo ntumwa yazanye ubwo butumwa mu biganiro twumvikana ko hari ibyo twese twakora. Ariko njye nkomeza kuvuga ko gufungura umupaka ni byiza ariko gufungura umupaka udakemura ikibazo cyatumye umupaka ufungwa ntabwo byakunda. Habaho kwemeranya ko n'ibyateye umupaka gufungwa nabyo bigiye kwitabwaho.'

Umupaka wa Gatuna wari warafunzwe mu 2019 nyuma y'uko u Rwanda rutangaje ko Uganda ishyigikira ibikorwa bigamije guhungabanya umutekano warwo, ndetse igafunga Abanyarwanda mu buryo bunyuranyije n'amategeko kandi ntibagezwe imbere y'ubutabera. Ifungurwa ryawo ryabaye ikimenyetso cy'uko umubano w'ibihugu byombi mu gihe Uganda nayo yaba yubahirije ibyo isabwa.

Lt Gen Muhoozi agiye kugirira urundi ruzinduko mu Rwanda

Perezida Kagame yavuze ko ibiganiro yagiranye na Lt Gen Muhoozi biri mu byatumye u Rwanda rufata icyemezo cyo gufungura Umupaka wa Gatuna

---

Source : http://igihe.com/amakuru/u-rwanda/article/gen-muhoozi-agiye-kugirira-urundi-ruzinduko-mu-rwanda

Uyu mwiherero watangiye kuri uyu wa Mbere tariki 28 Gashyantare 2022 uzasozwa ku wa 20 Werurwe 2022 ubera kuri La Palisse Hotel  Nyamata mu Bugesera.

Ni mu gihe Nyampinga w'u Rwanda 2022, azamenyekana ku wa 19 Werurwe 2022.

Kuri uyu wa Mbere, muri Intare Conference Arena habereye ikiganiro n'abanyamakuru, cyitabiriwe n'abakobwa 20 ndetse n'ababyeyi babo.

Iki kiganiro cyagurutse ku gushimira aba bakobwa babashije kugera muri iki cyiciro, uko bagiye kubaho mu mwiherero n'ibyo bazakora. Ndetse, ababyeyi bizezwa ko umunsi ku munsi bazajya bamenya amakuru y'abana babo.

Uwimana Jeannette ufite ubumuga bwo kutumva no kutavuga yari kumwe na Uwinyange Beatha wamusemuririga ururimi rw'amarenga kugira ngo yumve ibyo Umuvugizi wa Rwanda Inspiration Back Up, Miss Nimwiza Meghan yabwiraga abakobwa mbere y'uko bajya mu mwiherero.

Beatha ni nawe wafashije Uwimana ubwo yahatanaga muri ‘PreSelection'. Asubiza ikibazo cy'umunyamakuru wa INYARWANDA, Miss Nimwiza Meghan yavuze ko ari bo bashatse uyu musemuzi w'ururimi rw'amarenga kandi azafasha Uwimana mu mwiherero.'

Ati 'Yego! Uyu musemuzi bari kumwe bazajyana no muri 'Boot Camp' bazaba bari kumwe. Kandi nk'uko nabivuze mu biganiro n'itangazamakuru Miss Rwanda yiteguye gufasha buri mukobwa mu byo akeneye byose.'

Akomeza ati 'Si Jeannette gusa, umukobwa ufite icyo akeneye yumva cyamufasha mu mwiherero kandi neza nk'abandi bose Miss Rwanda yiteguye kumufasha.'

Miss Nimwiza yakomeje avuga ko ibijyanye no kwishyura uyu musemuzi mu gihe cy'ibyumweru bitatu bagiye kumarana ari we bazabikora.

Ati “Ibyo byo kwishyura ni Miss Rwanda izabyitaho. Ibyo abakobwa bekeneye, niba n'uwo musemuzi akenewe niba hari n'ikindi cyose gikenewe biri mu nshingano za Miss Rwanda.”

'Nk'uko nari nabisobanuye ubushize ni inshingano zacu kwita ku mukobwa uhatanye uko yaba ameze kose, uko byaba bimeze kose aca muri 'Boot Camp' cyangwa se abana n'abandi mu buryo bumworoheye adahuye n'ibibazo. Yego Jeannette tuzamufasha.'

KANDA HANO UREBE IKIGANIRO TWAGIRANYE NA UWIMANA JEANNETTE

“>

Bizavugwa mu mateka! Niwe mukobwa wa mbere ufite ubumuga bwo kutumva no kutavuga wateye intambwe yo kwinjira mu irushanwa rya Miss Rwanda.

Uyu mukobwa w'imyaka 26 y'amavuko ahagarariye Intara y'Amajyepfo. Yize amashuri yisumbuye mu kigo gifasha abafite ubumuga cya HVP-Gatagara.

Uwimana aherutse kubwira INYARWANDA ko Nyina yamubwiye ko yagize ubumuga afite amezi abiri, ndetse ko yagerageje kumuvuza bikanga.

Yavuze ko kuba ari we mukobwa wa mbere witabiriye Miss Rwanda ufite ubumuga bisobanuye ikintu kinini kuri we.

Ati '[…] Bisobanuye ikintu kinini cyane. Kuko nabashije kwerekana ko dushoboye abafite n'abadafite ubumuga. Kuko nabonye uburyo abantu bagiye babyakira binyereka ko hari umusanzu ukomeye cyane natanze muri sosiyete.'

'Kuko abantu barishimye, bagaragaza y'uko nanjye nabashije kwigirira icyizere binyereka ko ari ikintu gikomeye cyane nakoze.'

Uwimana yavuze ko yahoze ashaka kwitabira Miss Rwanda ariko ko inshuti ze n'abandi bamucaga intege. Akavuga ko yakuranye inzozi zo kuba umugore ushoboye atatitaye ku bumuga yavukanye. Avuga ko binyuze muri Miss Rwanda ashaka gutinyura abafite ubumuga.

Imibare y'ibanze mu mwiherero wa Miss Rwanda 2022:  Umujyi wa Kigali uhagarariwe n'abakobwa 10, Intara y'Iburasirazuba ihagarariwe n'abakobwa 4, Intara y'Amajyepfo ihagarariwe n'abakobwa 2, Intara y'Uburengerazuba ihagarariwe n'abakobwa 4 n'Intara y'Amajyaruguru 0. 

Abategura Miss Rwanda batangaje ko bashatse umusemuzi w'ururimi rw'amarenga uzafasha Uwimana Jeannette mu mwiherero Uwimana Jeannette ufite ubumuga ari mu bakobwa 20 bagiye mu mwiherero w'ibyumweru bitatu wa Miss Rwanda 

Miss Nimwiza Meghan yavuze ko Miss Rwanda yiteguye gufasha buri kimwe umukobwa wese witabiriye umwiherero Uwimana niwe mukobwa wenyine mu bana barindwi bavukana ufite ubumuga 

Abakobwa 20 batangiye umwiherero w’ibyumweru bitatu 

Aba bakobwa bahagurukiye muri Intare Conference Arena 

Mu mwiherero bazigishwa ibintu binyuranye bibategura kuba Nyampinga

Uwimana Jeannette [Ubanza ibumoso] ufite ubumuga ari mu bakobwa 20 bitabiriye umwiherero wa Miss Rwanda 

KANDA HANO UREBE UKO ABAKOBWA BEREKEJE MU MWIHERERO

“>

Source : https://inyarwanda.com/inkuru/114983/uwimana-jeannette-ufite-ubumuga-yashakiwe-umusemuzi-wururimi-rwamarenga-bajyana-mu-mwihere-114983.html

Ni umuhango wo guha ibihembo ibigo byahize ibindi  mu gutanga Serivisi nziza, wabaye kuri iki Cyumweru, muri Hotel Marriott Kigali, Cyari igikorwa cyo guhemba ibigo bisaga 71 byagize uruhare mu gutanga serivisi zinoze nk'uko byagaragajwe n'amatora yakozwe hifashishijwe murandasi.

Ubusanzwe Isuku y'imihango ni ikibazo ku bakobwa n'abagore benshi, niyo mpamvu Ikigo Inovos Ltd gikora Tamu sanitary pads cyabaye icya mbere mu bigo bigera ku munani, bari bahatanye mu irushanwa ritegurwa na Kalisimbi events. Bakaba barahembwe nk'abahize abandi mu bigo bifite Aho bihurira n'isuku n'isukura.

 

Uwineza liliane umuyobozi wa Inovos Ltd ikora Tamu sanitary pads avuga ko yishimiye iki gihembo yahawe kuko kigiye gutuma akora neza kurushaho mu gutanga serivise inoze ku bakiriya babagana, avuga ko byose babigeraho bigizwemo uruhare n'abakozi bakorana nk'ikipe imwe badahwema kwitangira uyu umurimo

Agira ati'mu byukuri iki gihembo mpawe kiranshimijije, ibi rero bidutera imbaraga zo gukora neza kurushaho dushimira abakiriya bacu ndetse n'abakozi dukorana buri mu nsi kuko nibo batumye tubona iki gihembo, Iki gihembo kiduteye imbaraga zo gukomeza kugera kuri Byinshi byiza.'

Akomeza avuga ko Tamu Sanitary pads itanga umutuzo ku bayikoresha akaba ariyo mpamvu yatumye batsinda ayo marushanwa

Mujawimana Mariya usanzwe akoresha Tamu sanitary pads avuga ko ari nziza cyane kuko zitanga umutuzo mu gihe cy'imihango.
Agira ati: 'iyi Pad ifite umwihariko wo kuba ari ntoya kandi igafata imihango myinshi, urumva ko rero nta mpungenge wagira ko ishobora kuzura vuba.'

Minisiteri y'Ubucuruzi n'inganda ivuga ko hashyizwe imbaraga mu kuzamura urwego rwa serivise, kuko u Rwanda rufite intego y'uko mu mwaka wa 2024 abaturage bazaba bishimira serivisi bahabwa ku gipimo kiri hejuru ya 90%.

Abahawe ibihembo by'ishimwe kubera serivise bahaye abaturage ni 71, bari mu byiciro bitandukanye birimo amahoteri, ubukerarugendo, ubucuruzi n'izindi zikenerwa mu z'ibanze.

Abahize abandi batorwaga n'abaturage binyuze ku rubuga rwa Murandasi rwa https://karisimbi.events/

Ni igikorwa cyitabiriwe n'inzego zitandukanye, zirimo urwego rw'igihugu rw'imiyoborere, RGB, urw'iterambere RDB, Minisiteri y'ubucuruzi n'inganda n'abikorera.

Mugisha Emmanuel Umuyobozi wa Kampani itegura ibitaramo ndetse no gufasha iterambere ry'urubyiruko, yagize ati 'Iki gikorwa gifasha kuzamura urwego rwa serivise no kugaragaza akamaro serivise ifitiye igihugu cy'u Rwanda'.

Umuyobozi mukuru muri minisiteri y'ubucuruzi n'inganda ushinzwe igenamigambi, Munyurangabo Jonas mu ijambo yagejeje ku bari bitabiriye iki gikorwa cyo gutanga ibihembo yagize ati 'Urwego rwa serivise ruri mu byitaweho mu iterambere ry'igihugu rukwiye gushyiramo ingufu kugirango serivise zinoze zikomeze kuturanga nk'abanyarwanda'.

Muri rusange impuzandengo y'uko abaturage bishimira imiyoborere n'imitangire ya serivisi mu gihugu hose iri ku ijanisha rya 74.1%, Urwego rw'umutekano ni rwo rwishimiwe kurusha izindi n'amanota 91.6%, naho ubuhinzi bukagira amanota 59.5%.

Intego ni uko mu mwaka wa 2024 abaturage bazaba bishimiye serivisi bahabwa ku gipimo cyo hejuru ya 90%, mu bitabiriye aya marushanwa basaga 300 hahembwe 71 bahize abandi.

The post Ikigo Inovos Ltd gikora impapuro z'isuku zifashishwa mu Mihango y'abari n'abategarugori (Sanitary Pads) cyahize ibindi mu Marushanwa yo gutanga Serivisi inoze appeared first on RUSHYASHYA.

Source : https://rushyashya.net/ikigo-inovos-ltd-gikora-impapuro-zisuku-zifashishwa-mu-mihango-yabari-nabategarugori-sanitary-pads-cyahize-ibindi-mu-marushanwa-yo-gutanga-serivisi-inoze/?utm_source=rss&utm_medium=rss&utm_campaign=ikigo-inovos-ltd-gikora-impapuro-zisuku-zifashishwa-mu-mihango-yabari-nabategarugori-sanitary-pads-cyahize-ibindi-mu-marushanwa-yo-gutanga-serivisi-inoze

Ishyirahamwe ry'Umupira w'Amaguru ku Isi (FIFA) n'Impuzamashyirahamwe y'Umupira w'Amaguru i Burayi (UEFA) byahagaritse u Burusiya mu marushanwa mpuzamahanga yose.

Ni nyuma y'uko u Burusiya bushoje intambara kuri Ukraine.

Uyu mwanzuro ugiye gutuma Uburusiya bushobora gukurwa mu gikombe cy'isi cy'uyu mwaka ndetse n'amarushanwa ya Euro 2020 mu bagore.

UEFA yagize ati: “FIFA na UEFA uyu munsi bafatiye hamwe umwanzuro w'uko amakipe yose yo mu Burusiya, yaba amakipe y'igihugu cyangwa amakipe mato, azahagarikwa kwitabira amarushanwa ya FIFA na UEFA kugeza igihe hazafatirwa undi mwanzuro.”

Bongeyeho bati: “Ibi byemezo byemejwe uyu munsi na Biro y'Inama Njyanama ya FIFA na Komite Nyobozi ya UEFA, inzego nkuru zifatira ibyemezo inzego zombi ku bibazo byihutirwa”.

Ku ya 24 Werurwe, Uburusiya bwagombaga kwakira Polonye mu majonjora yo gushaka itike yo kuzakina igikombe cy'isi kandi nibakomeza guhagarikwa kugeza icyo gihe,bazakurwa mu gikombe cy'isi kandi ntibazabasha gukina imikino ya nyuma yo muri Qatar mu Gushyingo 2022.

Ishyirahamwe rya ruhago muri Polonye ryari ryavuze ko batazakina n'ikipe y'Uburusiya ndetse na Repubulika ya Czech na Suwede, bari mu nzira imwe y'imikino ya nabo bemeje ko batazakina n'Uburusiya.

Inzira imwe rukumbi yatuma Uburusiya bugaragara muri iyi mikino n'uguhagarika intambara muri Ukraine.

UEFA yagize ati: “Abaperezida bombi (bo mu nzego z'umupira w'amaguru) bizeye ko ibintu biri kubera muri Ukraine bizarangira neza ku buryo bwihuse ku buryo umupira w'amaguru ushobora kongera kuba inzira y'ubumwe n'amahoro mu bantu.”

Uyu muryango wavuze ko ikindi cyemezo kizafatwa vuba ku irushanwa ry'abagore rya Euro 2022 rizabera mu Bwongereza muri Nyakanga, Uburusiya bwabonyemo itike.

Kubera iki cyemezo, bivuze ko Spartak Moscow itazakina umukino wa Europa League na club RB Leipzig bityo iyi kipe yo mu budage ikazakomeza muri kimwe cya kane kirangiza.

Ku wa mbere, ubuyobozi bwa komite mpuzamahanga ya olempike yasabye amafederasiyo ya siporo kubuza abakinnyi b'Abarusiya n'Abanya Belarus ndetse n'abayobozi baho kwitabira amarushanwa.

Ku cyumweru, FIFA yari yanenzwe nyuma y'itangazo rivuga ko Uburusiya bushobora gukomeza gukina imikino ku izina rya 'Football Union of Russia'.

Uburusiya bwakiriye igikombe cyisi giheruka muri 2018 ndetse umukino wa nyuma wabereye i Moscow,witabiriwe na Perezida Vladimir Putin.

Source : https://umuryango.rw/imyidagaduro/imikino/article/fifa-na-uefa-bahagaritse-uburusiya-mu-marushanwa-yabo-yose

Murebwayire Irene uri mu bahataniye ikamba rya Miss Rwanda mu 2019, agiye kurushinga ndetse yanamaze gusezerwaho n'urungano mu birori bya 'Bridal shower'.

Mu mpera z'icyumweru turangije nibwo uyu mukobwa yasezeweho n'urungano rwe mu birori bimenyerewe nka 'Bridal shower'.

Source : https://yegob.rw/umwe-mu-bakobwa-bitabiriye-miss-rwanda-yakorewe-ibirori-bya-bridal-shower-amafoto/

Guverinoma y'u Rwanda yatangaje ko hari Abanyarwanda 85 batuye muri Ukraine imaze iminsi iri mu Ntambara karundura n'u Burusiya, aho abagera kuri 18 bamaze gufashwa guhungira muri Pologne, mu gihe abasigayeyo bagera kuri 67 nabo bari gushakirwa uburyo bwo guhunga.

Muri rusange, Abanyarwanda baba muri Ukraine hafi ya bose ni abagiyeyo ku mpamvu z'amasomo ndetse na benshi mu bakorayo babifatanya no kwiga.

Ukraine imaze iminsi iri kugabwaho ibitero karundura n'u Burusiya, ibyatumye abantu benshi batangira guhunga iki gihugu. Umuryango w'Abibumbye (LONI) watangaje ko abantu bari hagati ya miliyoni enye na zirindwi bashobora guhunga, mu gihe abarenga ibihumbi 200 bamaze guhunga mu minsi ine y'Intambara.

Mu bantu bari kwifuza guhunga harimo n'Abanyarwanda, aho abagera kuri 18 bamaze kugera muri Pologne ituranye na Ukraine, ari nacyo gihugu kiri kwakira impunzi nyinshi.

U Rwanda, binyuze muri Ambasade yarwo iri mu Budage, ari nayo ireberere inyungu zarwo muri Ukraine, rwihutiye gukusanya amakuru ajyanye n'Abanyarwanda bari muri icyo gihugu ndetse ruvugana n'imiryango yabo.

Mu kiganiro na IGIHE dukesha iyi nkuru, Umuvugizi Wungirije wa Guverinoma y'u Rwanda, Mukuralinda Alain, yavuze ko amakuru agaragaza ko nta Munyarwanda uragirira ikibazo muri Ukraine.

Ati 'Uyu munsi abo Banyarwanda uko ari 85, Guverinoma y'u Rwanda izi uburyo babayeho binyuze muri za Ambasade, iri mu Budage ari nayo iduhagarariye muri Ukraine ndetse na Pologne aho Abanyarwanda n'abandi bari kunyura bahunga.”

Yakomeje agira ati 'Guverinoma izi neza telefoni zabo, email zabo, aho batuye ndetse n'aho ababyeyi babo hano mu Rwanda babarizwa. Abo bose bari kuvugana na Ambasade, bari ukuvugana na Minisiteri y'Ububanyi n'Amahanga, ababyeyi babo, ibyo byose birakorwa.'

Mukuralinda yavuze ko kugeza ubu Abanyarwanda 18 bamaze kwambuka bajya muri Pologne, abandi 27 bari kugana ku mupaka wa Pologne, aho bari nko mu birometero 50.

Ati 'Uyu munsi dufite amakuru yemeza ko Abanyarwanda 18 bamaze kwambuka bajya muri Pologne, ni ukuvuga ngo bavuye muri Ukraine binjira muri Pologne, twavuga ko bafite agahenge.'

Yakomeje agira ati 'Hari abandi 27 bataragera ku mupaka kuko aho Ukraine yashyize bariyeri ya mbere kugira ngo bagenzure ibyo bagenzura ni nko mu birometero 50 utaragera ku mupaka wa Pologne, abo bari aho hagati kandi urugendo ruragoye kubera abantu benshi, barahagera bagahitamo kugenda n'amaguru kugera igihe uzagerera ku mupaka.'

Uyu muyobozi yakomeje avuga ko 'Hari ibibazo by'amafaranga, niyo waba uyafite uyu munsi ushobora kujya ku cyuma, ntibikore cyangwa se byakora bakakubwira bati 'nturenza aya n'aya.''

Yongeyeho ko hari abandi Banyarwanda batandatu kugeza kuri uyu wa Mbere bari bakiri mu rugendo berekeza ku mupaka bashaka kwambuka, ndetse n'abandi bantu 34 bari ahantu hari imirwano, ku buryo bigoye ko bahita bahava.

Mukuralinda ati 'Icy'ingenzi kirimo, nyuma y'uko imyorondoro yabo izwi, tuzi aho bari, bavugana na Minisiteri y'Ububanyi n'Amahanga, bavugana n'ababyeyi babo, ni uko ntawe twari twamenya wakomeretse cyangwa se witabye Imana muri iriya ntambara iri kuba hagati ya Ukraine n'u Burusiya.'

Abageze muri Pologne bafashwa iki?

Guverinoma ya Pologne yatanze ibyumweru bibiri ku bantu bose bari guhungira muri icyo gihugu. Ni ukuvuga ko nyuma y'icyo gihe basabwa guhita bafata indege iberekeza iwabo cyangwa mu bindi bihugu.

Guverinoma y'u Rwanda ivuga ko ababebyi cyangwa abavandimwe b'abantu bari muri Ukraine, bakwiye gutangira gutekereza uko bazafatanya n'ubuyobozi bw'igihugu mu gucyura abo bantu.

Mukuralinda ati 'Ababyeyi cyangwa abavandimwe babimenye ko abantu bageze muri Pologne batazahaguma. Ni ukuvuga ngo ni ukugerageza gutangira gushakisha uburyo abantu babo bahava, haba ku giti cyabo, byaba binaniranye, nta kwihererana icyo kibazo.'

Yakomeje agira ati 'Minisiteri y'Ububanyi n'Amahanga irahari, hari ababishinzwe, hanyuma ikibazo icyo ari cyo cyose kigashakirwa umuti, ubwo butumwa babwumve ejo hatazagira ugira ikibazo akavuga ngo 'umuntu we yabuze uko agenda.''

Mukuralinda yasabye Abanyarwanda gukomeza gutanga amakuru kugira ngo Leta ibone uko ikomeza gufasha Abanyarwanda bari muri Ukraine bifuza gutaha.

Source : https://umuryango.rw/amakuru/mu-rwanda/ubuzima/article/guverinoma-y-u-rwanda-yavuze-ku-kibazo-cy-abanyarwanda-bari-muri-ukraine

Source : https://www.kigalitoday.com/imikino-11/football/article/umutoza-banamwana-camarade-yatandukanye-n-ikipe-ya-etoile-de-l-est

Amezi atanu arashize akoze amateka akomeye yo gutsindira Real Madrid muri UEFA Champions League.Umutoza wa Sheriff Tiraspol, Yuriy Vernydub, yasubiye muri Ukraine aho avuka maze yiyandikisha mu gisirikare.

Vernydub wavukiye ahitwa Zhytomyr, umujyi uherereye mu majyaruguru ya Ukraine, yafashe icyemezo cyo gusubira mu gihugu cye avuye ku mirimo ye yo gutoza ikipe y'umupira w'amaguru muri Moldova.

Ifoto yashyizwe ku mbuga nkoranyambaga yerekana Vernydub yambaye ya gisirikare, ari kumwe na bagenzi be babiri b'abasirikare,bari ku rugamba igihugu cyabo gihanganyemo n'Uburusiya mu cyumweru gishize.

Vernydub, ufite imyaka 56,yifatanyije n'abanyabigwi k'isi mu iteramakofe barimo Vasyl Lomachenko wagaragaye yambaye imyenda ya gisirikare ya Ukraine yose.

Kimwe na Lomachenko na Vernydub, ibyamamare mu iteramakofe byo muri Ukraine Wladimir na Vitaly Klitschko na bo bitabiriye urugamba.

Hashize amezi make Vernydub n'abakinnyi be bamenyekanye kw'isi yose nyuma yo gutsinda igihangange,Real Madrid muri Espagne mu mikino y'amakipe yabaye aya mbere iwayo, UEFA Champion League.

Source : https://umuryango.rw/imyidagaduro/imikino/article/umutoza-uheruka-kwesura-real-madrid-muri-champions-league-yagiye-ku-rugamba

General Muhoozi Kainerugaba umuhungu wa Perezida Museveni yavuze ko agiye kugaruka mu Rwanda mu biganiro byo Kugarura umubano hagati y'ibihugu byombi.

Ni ubutumwa Lt Gen Muhoozi Kainerugaba uyoboye ingabo zirwanira ku butaka yanyujije kuri Twitter ikurikirwa n'abasaga ibihumbi 500, kuri uyu wa mbere tariki 28 Gashyantare 2022.

Generali Muhoozi yanditse kuri Twitter ati 'Nyuma yo kuganira umwanya munini na data wacu perezida Kagame mu gitondo cyo kuri uyu wa mbere,twemeranijwe ko ngomba kugaruka I Kigali mu minsi iri imbere tugakemura ibikibangamiye imigenderanire y'ibihugu byacu, n ukuvuga Uganda n'u Rwanda'

Tariki 22 Mutarama 2022, nibwo Gen Muhoozi Kainerugaba yaherukaga mu Rwanda mu ruzinduko rw'umunsi umwe.

Ubwo yageraga i Kigali, Gen. Kainerugaba yakiriwe n'umuyobozi ushinzwe Ububanyi n'amahanga muri Ambasade ya Uganda mu Rwanda, Anne Katusiime, hamwe n'abandi bayobozi mu Ngabo z'u Rwanda, barimo Brigadier General Willy Rwagasana uri mu bashinzwe umutekano w'abayobozi bakuru b'igihugu, na Col Ronald Rwivanga, Umuvugizi w'Ingabo z'u Rwanda.

Icyo gihe yagiranye ibiganiro na Perezida Paul Kagame bigamije kuzahura umubano w'ibihugu byombi.

Ni ibiganiro byatanze umusaruro kuko nyuma yaho u Rwanda rwatangaje ko rufunguye umupaka waruhuzaga na Uganda wa Gatuna kandi uyu niwo mupaka wakoreshwaga cyane.

The post General Muhoozi agiye kugaruka mu Rwanda appeared first on FLASH RADIO&TV.

Source : https://flash.rw/2022/02/28/general-muhoozi-kainerugaba-agiye-kugaruka-mu-rwanda/?utm_source=rss&utm_medium=rss&utm_campaign=general-muhoozi-kainerugaba-agiye-kugaruka-mu-rwanda

'Ese ashobora gukanda 'button' y'igisasu kirimbuzi?'

Ntabwo ari ikibazo cy'amagambo gusa kuko yamaze gutegeka ko intwaro kirimbuzi z'igihugu cye zitegurwa 'bidasanzwe', kubera 'amagambo y'ubushotoranyi' kuri Ukraine y'abategetsi ba NATO.

Umva neza ibyo Putin yakomeje kuvuga. Mu cyumweru gishize ubwo yatangazaga kuri TV ibitero kuri Ukraine, yatanze kuburira gukomeye.

Yagize ati: 'Ku muntu wese watekereza kubyinjiramo wo hanze nubikora, uzabona ingaruka zikomeye kurusha izo wigeze ubona mu mateka.'

Dmitry Muratov umwanditsi mukuru w'ikinyamakuru Novaya Gazeta uherutse guhabwa igihembo cy'amahoro cya Nobel ati: 'Amagambo ya Putin arumvikana nko kuburira intambara y'intwaro kirimbuzi.'

Yongeraho ati: 'Muri ririya jambo, Putin ntiyavugaga nk'umukuru wa Kremlin, ahubwo nk'umutegetsi w'isi; mu buryo nk'ubwo nyiri imodoka ashobora kuzunguza imfunguzo z'imodoka ye ayiratira abandi, niko Putin nawe yariho azunguza 'button' y'igisasu.

'Yavuze kenshi ati; niba nta Burusiya, kuki habaho isi? Nta muntu wabyitayeho. Ariko ibi ni ukuburira ko niba Uburusiya budafashwe uko bubishaka, ubwo ibintu byose bizasenyuka.'

Mu mashusho mbarankuru yasohotse mu 2018, Perezida Putin avuga ko '…igihe hari uwagerageza gusenya Uburusiya, dufite uburenganzira bwo gusubiza. Yego, bizaba ari akaga ku isi n'abayituye. Ndi umuturage w'Uburusiya n'umukuru wabwo. Kuki habaho isi itariho Uburusiya?'

Wihutishije ukagera mu 2022, Putin yagabye ibitero byagutse kuri Ukraine, ariko ingabo za Ukraine ziri kwihagararaho uko bitari byitezwe, ibihugu by'iburengerazuba  mu buryo bwatunguye Kremlin  byafatiye hamwe ibihano bikomeye kuri Moscow. Kuri Puti kwa kubaho k'Uburusiya kuri mu kibazo.

Pavel Felgenhauer umusesenguzi mu bya gisirikare uri i Moscow ati: 'Putin ari ahatoroshye. Nta mahitamo menshi asigaranye, mu gihe iburengerazuba bwahagaritse imari ya Banki nkuru y'Uburusiya urwego rw'imari rwabwo ruragwa. Ibyo bituma 'system' idakora.

'Inzira asigaranye ni ugufungira gas Uburayi, yizeye ko bishobora gutuma abanyaburayi bacururuka. Indi nzira ni ukurasa igisasu kirimbuzi ahantu mu nyanja ya ruguru hagati y'Ubwongereza na Denmark akareba igikurikira.'

Niba Putin ahisemo inzira y'igisasu kirimbuzi, hari umuntu mu ba hafi ye wabimushishikariza? cyangwa wabimubuza?

Dmitry Muratov ati: 'Abategetsi bakuru mu Burusiya nta narimwe baba ku ruhande rwa rubanda. Buri gihe baba bari ku mutegetsi.'

Kandi Vladmir Putin niwe mutegetsi w'imbaraga zose w'Uburusiya. Iki ni igihugu gifite inzego nkeya ngenzuzi, Kremlin niyo igena byose.

Pavel Felgenhauer ati: 'Nta muntu witeguye guhangara Putin. Turi ahantu hatoroshye.'

Intambara muri Ukraine ni iya Vladmir Putin ubwe. Niba ageze ku byifuzo bye bya gisirikare, ahazaza ha Ukraine nk'igihugu cyigenga hari mu kaga. Niba atsinzwe iyi ntambara akanayitakarizamo benshi, ubwoba ni uko ashobora gufata icyemezo giteye ubwoba.

Cyane ko interuro 'ntiyabikora' idakora kuri we.

Src: BBC 

The post Uwagerageza gusenya Uburusiya dufite uburenganzira bwo gusubiza…bizaba ari akaga ku isi n'abayituye-Putin appeared first on IRIBA NEWS.

Source : https://iribanews.rw/2022/02/28/uwagerageza-gusenya-uburusiya-dufite-uburenganzira-bwo-gusubizabizaba-ari-akaga-ku-isi-nabayituye-putin/