Category: Uncategorized

Bisabye iminsi 20 gusa kugira ngo abanyempano 30 bavuyemo bane bahembwe miliyoni imwe n'ibihumbi 100, yatanzwe n'itsinda ry'abahanzikazi rya Charly na Nina ryari ryashyiriyeho umwana w'umukobwa mu rwego rwo kumuteza imbere no kumutinyura.

Mu cyumba cya L'Espace niho habereye ibirori byo gutoranya abakobwa bari mu irushanwa rya 'One Million Challenge'  kuri uyu wa kabiri tariki 5 Mata 2022, aho abakobwa bagera kuri 30 aribo bari batoranyijwe nyuma yo kwerekana impano zitandukanye zirimo gushushanya, kubyina, kuririmba, gukina firime n'izindi.

Abakobwa 30 bose banyuze imbere y'akanama nkemurampaka kari kagizwe na Gaelle Gisubizo akaba ari nawe muyobozi wa Dope Apps Ltd, ifite mu nshingano Charly na Nina, umuhanzikazi Bukuru Christiane ndetse na Rwibutso Judith.

Muri abo bakobwa harimo umubyeyi waje uhagarariye umwana we witwa Shillo bitewe n'uko umwana we ari ku masomo bitamukundiye kuza, yahawe umwanya yerekana amashusho y'impano umwana yagaragaje.

Kayitesi Yvonne (Tessy) umunyamakuru wa Isango Star niwe wari uyoboye ibirori byo guhemba abanyempano

Hari kandi Murekatete wavuze ko ari umukozi wo mu rugo ariko bitamuteye ipfunwe na gato kuza kwerekana impano ye, na cyane ko ngo akunda Charly na Nina cyane ndetse ari ubwa mbere ababonye amaso ku maso, maze Charly na Nina baramuhobera arishima cyane.

Nyuma y'uko abakobwa bose uko ari 30 banyuze imbere y'akanama nkemurampaka, abagize akanama nkemurampaka bahawe umwanya bajya guteranya amajwi y'abanyempano bose kugira ngo hamenyekane uwahize abandi akegukana ibihumbi 500, umukurikiye agahembwa ibihumbi 300 naho uwa gatatu agahabwa ibihumbi 200.

Mu gihe abagize akanama nkemurampaka  bari bagiye guteranya amajwi, itsinda rya Charly na Nina ryahawe umwanya n'uwari uyoboye umuhango maze riganiriza abanyempano bose, nyuma yo kubaganiriza abanyempano babajije ibibazo Charly na Nina ndetse baza no kubasusurutsa.

Abagize akanama nkemurampaka

Nyuma y'uko itsinda rya Charly na Nina risusurukije abari aho bose, akanama nkemurampaka kagarutse maze gatangaza abahize abandi mu banyempano bagera kuri 30 bari babukereye, ndetse banagaragaza impano zabo.

Uwari ukuriye akanama nkemurampaka, Gaelle Gisubizo yabwiye abanyempano bose ko bakoze neza ndetse byabagoye guhitamo, abamenyesha ko habayeho impinduka zo kuba hari butoranywe abanyempano 3 ariko bongeyemo uwa kane kubera ko babonye nawe yakoze cyane.

 Mbere yo guhitamo abanyempano 4, babanje guhamagara abanyempano icumi maze babemerera kubitaho no kubakurikirana bitewe n'uko bose bagaragaje impano zidasanzwe, muri abo harimo:

Yagaragaje impano yo kubyina

1. Ndayishimiye Rachel wagaragaje impano yo kuririmba, 

2. Kanyana Nadine wagaragaje impano yo gukora imyenda akaba ari nawe wari wambitse Charly na Nina, 

3. Linca Lilly wagaragaje impano yo gushushanya 

4. The Queens bagaragaje impano yo kubyina 

5. Diane wagaragaje impano yo gushushanya 

6. Ruth wagaragaje impano yo gukora ikawa 

7. Ignacienne wagaragaje impano yo gukora ibipupe 

8. Kanyange Louise 

9. The Eazy na  

10. Murekatete wagaragaje impano yo gukina Firime.

Muri aba banyempano 10 ninabo bavuyemo abanyempano 4 bahize abandi aribo Bahawe Miliyoni n'ibihumbi 100.

 Ku mwanya wa 4 hajeho The Queens bahawe  ibihumbi ijana nyuma yo kugaragaza impano yo kubyina akaba ari nabo bongereweho

Kanyana niwe wambitse Charly na Nina

3. Linca Lydie wabaye uwa gatatu, yahawe igihembo cy'ibihumbi 200 

2. Kanyana Nadine wabaye uwa kabiri yagaragaje ubwiza bw'imyenda akora ndetse ni nawe wambitse Charly na Nina, naho uwa mbere aba

1. Ndayishimiye Rachel yegukana igihembo cy'ibihumbi 500, nyuma yo kugaragaza impano yo kuririmba akanyura benshi.

Mu kiganiro Charly na Nina bagiranye na INYARWANDA nyuma yo guhemba aba banyempano, bavuze ko abanyempano bahari ahubwo ikibura ari abantu babafasha, bavuga ko bazakomeza kugenda bafasha umwana w'umukobwa nk'uko babyiyemeje.

Yasutse amarira amaze kubona Charly na Nina

Tariki 17 Werurwe 2022, nibwo hatangijwe amarushanwa ya 'Lavender One Million Challenge', Buri wese wifuza gutsindira aya mafaranga yari yasabwe kwifata amashusho y'umunota umwe ari kuririmba, kubyina cyangwa ibindi byose yaba akorera mu ndirimbo nshya ya Charly na Nina 'Lavender', akayashyira kuri Instagram ye agakora 'Tag' kuri konti yabo ya Instagram ari na ko akoresha Hashtag ya #Lavender1millionchallenge.

Uyu mukobwa yabyinnye karahava

Abanyempano bari benshi banaherekejwe

Ubwo baganirizaga abanyempano

Nina yishimiwe n’abanyempano

Charly yasusurukije abanyempano

Rwibutso Judith avuga ibyo bagendeyeho babatoranya

Gaelle Gisubizo umuyobozi wa Doppe apps atangaza abanyempano bahize abandi

Tessy yanyuzagamo akabyina indirimbo Lavender

Ubwo hari hamaze gutoranywa abanyempano 10 muri 30

Abanyempano 4 bari bamaze guhabwa ibihembo bafata amafoto na Charly na Nina

KANDA HANO UREBE INDIRIMBO LAVENDER YA CHARLY NA NINA

Ku gicamunsi cyo kuri uyu wa Kabiri tariki 5 Mata 2022, nibwo Dr Karangwa yakiriye mu biro bye Miss Muheto nyuma y'icyumweru gishize yambitswe ikamba rya Miss Rwanda.

RFL ikorera ka Kacyiru, iteganye n'ibiro bya Polisi y'Igihugu. Iki kigo cyateye inkunga irushanwa rya Miss Rwanda, kuva mu majonjora kugeza rirangiye.

Dr Charles Karangwa avuga ko ikigo ayoboye cyishimiye gushyigikira umwana w'umukobwa, by'umwihariko binyuze muri Miss Rwanda.

Yongeyeho ko RFL yishimira ubufatanye bwayo na Miss Rwanda ndetse avuga ko buzanakomeza mu rwego rwo gukomeza kugeza kuri benshi serivisi za RFL.

Umuyobozi Mukuru wa RFL yavuze ko ubukangurambaga bwa RFL muri Miss Rwanda bumaze gutanga umusaruro, bityo iyi mikoranire ikazakomeza.

Dr Karangwa yashimye kandi Miss Muheto kuba yarabashije kwegukana ikamba rya Miss Rwanda 2022. Ati 'Nyampinga wacu ndagushimiye cyane, kandi warakoze kuba warabashije gutwara iri kamba riruta ayandi mu y’ubwiza hano mu gihugu cyacu.'

Akomeza ati 'Twishimiye kuba RFL yaragendanye namwe mu rugendo mwarimo, kandi mukaba mwarabashije gukora neza inshingano mwari mufite. Kuba uyu munsi uri Nyampinga w’u Rwanda ni icyizere, ubushobozi n’imbaraga wifitemo ndizera ko zizagirira umumaro munini benshi mu bakobwa muri mu rungano rumwe, abo uruta n'abandi uhagarariye.'

Dr Karangwa yabwiye Miss Muheto ko 'RFL yiteguye gukorana nawe muri gahunda zitandukanye, zirimo n'izo kumenyekanisha serivisi z'ibimenyetso'.

Amusaba kuba Ambasaderi wa serivisi zitangwa na Laboratwari y'u Rwanda y'ibimenyetso bishingiye ku bumenyi n'ubuhanga bikoreshwa mu butabera (RFL).

Ati 'Uzakomeze kutubera Ambasaderi mwiza cyane cyane uwa serivisi dutanga nka kimwe mu musanzu ukomeye uzaba uhaye abaturarwanda. Nkwifurije ishya n’ihirwe mu mirimo yawe yose uzakora muri manda yawe.'

Kuva mu 2018, RFL imaze kwakira no gusuzuma amadosiye arenga ibihumbi 25 muri serivisi zitandukanye iki kigo gitanga, zirimo guhuza umuntu n'ahabereye icyaha hifashishijwe uturemangingo, gupima abafitanye isano (DNA Test), gupima inyandiko mpimbano no kugereranya ibikumwe by'abakekwaho ibyaha.

RFL itanga services zirimo iya ADN, iyo gupima inyandiko mpimbano (questioned documents and fingerprints service), Gupima ibijyanye n'imbunda n'amasasu (ballistics and toolmarks), iyo gupima ibimenyetso by'ibyaha byifashisha ikoranabuhanga (digital forensics), ijyanye no gukora autopsies (kureba icyishe umuntu, legal medicine), Iyo gupima amarozi (toxicology), n'izindi.

Umuyobozi Mukuru wa Rwanda Forensic Laboratory, Dr Charles Karangwa yakiriye mu biro bye Nshuti Divine Muheto wabaye Miss Rwanda

Dr Karangwa yasabye Miss Muheto kuba Ambasaderi wa serivisi zitangwa na Laboratwari y'ibimenyetso bishingiye ku bumenyi n'ubuhanga bikoreshwa mu butabera (RFL) 

Miss Muheto yaherukaga gusura RFL ubwo yiyamamarizaga kuba Miss Rwanda 2022

 

Miss Nshuti Divine Muheto yahaye ishimwe Rwanda Forensic Laboratory ku bwo kugendana urugendo n'irushanwa rya Miss Rwanda 

Miss Muheto yashimye umusanzu wa RFL ku Banyarwanda, avuga ko azakomeza gukorana nayo 

Dr Karangwa yavuze ko gukorana na Miss Rwanda byatanze umusaruro, bityo iyi mikoranire ikazakomeza

 Dr Karangwa yabaye umuyobozi w'agateganyo w'Ikigo cy'Igihugu Gishinzwe kugenzura ubuziranenge bw'ibiribwa n'imiti, Rwanda FDA, umwanya yavuyeho agirwa umuyobozi mukuru wa RFL 

Uhereye ibumoso: Bwana Dieudonné Ishimwe uhagarariye Rwanda Inspiration Back up itegura Miss Rwanda, Miss Nshuti Divine Muheto na Dr Charles Karangwa uyobora RFL

Amashusho y'icyogajuru yahungabanije benshi, yerekanye umwobo ufite uburebure bwa metero 45 wahinduwe imva rusange yacukuwe muri aka gace, kegeranye n’umujyi wa Bucha watikiriyemo abatari bake.

Ubu bwicanyi bwaguyemo ababarirwa muri 300, bwanapfiriyemo Madame Olga Sukhenk wayoboraga Motyzhyn ndetse n’umugabo we kimwe n’umuhungu we.

Olga Sukhenk n'umuryango we byaketsweho ko bashimuswe n'ingabo z' u Burusiya ku wa 23 Werurwe, kimwe n’abandi baturage.

Umwobo warimo Olga Sukhenk n’umuryango we, wanagaragayemo imirambo y’abandi bantu batanu barambaraye hasi barimo abari baboshywe amaboko n’amaguru.

Iyi kipe irimo ingimbi n'abangavu bari hagati y'imyaka 9-17 barimo abahoze bari mu buzererezi ndetse bakoresha ibiyobyabwenge, ariko kuri ubu bakaba barafashijwe kuva muri iyo migirire bahurizwa hamwe mu ikipe y'umupira w'amaguru.

Pasiteri Ntavuka avuga ko nk'umuntu ukunda urubyiruko ariko aterwa agahinda no kubona umwana w'u Rwanda ari mu muhanda aho kuba mu ishuri cyangwa mu muryango.

Aha niho yashatse icyo yakora kugira ngo atange umusanzu we mu kurandura ubuzererezi ariko by'umwihariko akaba yarahereye mu Murenge wa Kigali, Akarere ka Nyarugenge.

Ati 'Twahereye hano bitewe n'ubushobozi, aho tuvana abana mu muhanda bagasubira mu mashuri, tukabishyurira ishuri ariko noneho tukanagira na gahunda yihariye ijyanye no gukumira, aho dufata ba bana dukeka ko bashobora kuzajya mu buzererezi cyangwa mu biyobyabwenge tukabahuriza hamwe binyuze mu mikino.'

Yakomeje agira ati 'Ubusanzwe abana bashobora kuva mu miryango bajya mu muhanda bitewe n'impamvu zirimo amakimbirane ari mu miryango, ubukene ndetse n'izindi mpamvu. Izo rero twe dushobora gufasha mu gukumira duhereye mu mizi y'ikibazo.'

Pasiteri Ntavuka yatanze ibikoresho birimo imipira, imyenda n'inkweto byo gukinana n'ibindi byifashishwa mu mupira w'amaguru byose bifite agaciro ka miliyoni 15Frw.

Bizimana Thierry wahoze akoresha ibiyobyabwenge nyuma akaza kubivanwamo n'Umuryango Rwanda Legacy Church, yavuze ko nyuma yo kubireka ubuzima bwe bwongeye kuba bwiza.

Ygize ati 'Nababaje mama wambyaye, mbabaza abo tuvukana ndetse n'abo mu muryango wanjye ariko nyuma naje kubona ko nta cyiza cy'ibiyobyabwenge mbifashijwemo n'Itorero Legacy International Church Rwanda.'

Umunyamabanga Nshingwabikorwa w'Umurenge wa Kigali, Ntirushwa Christophe, yashimye Pasiteri Ntavuka watekereje gufatanya n'inzego za leta ndetse n'ababyeyi muri gahuda yo gukumira no kurinda abana kugira ngo batishora mu buzererezi.

Ati 'Nyuma y'aho uru rubyiruko ruvuye mu buzima butari bwiza, aho bari mu biyobyabwenge n'ubuzererezi, ubu Legacy kuba yahurije hamwe aba bana igatangiza siporo ibashyiriraho ikipe y'umupira w'amaguru bisobanuye ko imbere habo ari heza.'

Yakomeje agira ati 'Ntabwo twavuga icyerekezo cy'u Rwanda mu 2050, dufite urubyiruko ruri mu biyobyabwenge, mu busambanyi, baterwa inda zitateganyijwe. Uru ni urugendo dutangije dufatanyije n'abakozi b'Imana twizeye ko ejo tuzaba dufite umunyarwanda muzima usenga kandi wifitiye icyizere.'

Ntirushwa yavuze ko iyi gahunda ije kunganira izindi zashyizweho n'Umurenge wa Kigali mu kurwanya ubuzererezi zirimo iyitwa 'Umudugudu uzira Umwana wataye ishuri' aho nko mu gihembwe gishize hari abana 395 bari barataye ishuri barisubijwemo.

Ubuyobozi bw'Umurenge wa Kigali buvuga kandi ko buzakomeza gukorana n'abandi bafatanyabikorwa mu gushyira mu bikorwa ubu buryo bwo kuvana abana mu muhanda, bagashyirwa ahantu bigishwa siporo, indangagaciro ndetse n'andi masomo abafasha gusubira mu buzima busanzwe buzira ibiyobyabwenge.

Abana barenga 70 bahurijwe hamwe mu ikipe y’umupira w’amaguru hagamijwe kubarinda ubuzererezi n’ibiyobyabwenge

Pasiteri Osée Ntavuka yinjiye mu rugamba rwo gukumira ubuzererezi n'ikoreshwa ry'ibiyobyabwenge mu rubyiruko rw'i Kigali

Bizimana Thierry wari warabaswe n’ibiyobyabwenge yabatuwe n’Itorero rya Legacy International Church

Umunyamabanga Nshingwabikorwa w’Umurenge wa Kigali, Ntirushwa Christophe (hagati) yashimye Pasiteri Ntavuka watekereje gufasha umurenge mu gukumira ubuzererezi

Ubusanzwe Nziza Training Academy ni ikigo gitanga amahugurwa ahanitse yibanda cyane ku ikoreshwa ry'ikoranabuhanga mu guhindura uburyo bw'imyubakire no kongera ubumenyi mu mwuga.

Aba basoje amasomo bahuguwe mu gukora imbata z'inzu (Architecture Design), gusesengura inyubako ndende n'imitingito (structural and earthquakes engineering), gusuzuma ubukomere no gukora inyigo z'ibiraro (Bridge design and analysis), gukora ibaruramari ry'imishinga y'ubwubatsi (Quantity surveying) no kuyobora imishinga migari y'ubwubatsi (construction project management).

Umuyobozi Mukuru wa Nziza Training Academy, Nzirorera Alexandre, yavuze ko bareba cyane ku cyuho kiri ku isoko ry'umurimo bagategura amahugurwa agamije kukiziba ku bari muri uwo mwuga.

Ati 'Twebwe tureba icyuho gihari tugategura amahugurwa agamije kukiziba, nk'ubu mu Rwanda hari kubakwa ikiraro cyo mu kirere kandi nta ba enjeniyeri babyo tugira, ni yo mpamvu tukibibona twahise dutumira abahanga muri byo bo mu kigo MIDAS cyo muri Korea y'Epfo baza gatanga amahugurwa kugira ngo Abanyarwanda biyungure ubumenyi bwo gukora inyigo z'ibiraro.'

Yavuze ko kuba abahabwa amahugurwa yo mu mwuga ari abarangije kwiga icyiciro cya Kaminuza cyangwa abari mu kazi bidasobanuye ko za Kaminuza zidatanga ubumenyi bukwiye.

Ati 'Hari abavuga ko Kaminuza zitigisha nk'uko bikwiye ariko njyewe sinemeranya na bo. Kaminuza ziba zakoze akazi kazo neza ariko kandi murabibona ko ikoranabuhanga riba ryihuta kandi ntabwo dufite ubushobozi bwo kuba Kaminuza zacu zigendera kuri uwo muvuduko niyo mpamvu amahugurwa nk'aya aba akenewe.'

Yakomeje avuga ko mu banyeshuri bari kurangiza ugereranyije no ku isoko ry'umurimo ahanini harimo n'ikoreshwa ry'ikoranabuhanga cyane ko rigenda ritera imbere uko bwije n'uko bukeye.

Yavuze ko Nziza Training Academy bafite ibyemezo mpuzamahanga bibemerera gukoresha zimwe muri porogaramu za mudasobwa zifashishwa mu gukora inyigo z'imishinga ikomeye y'ubwubatsi (CAD, CAE, CAM and BIM Technologies)

Abanyeshuri bahawe impamyabushobozi ya Nziza Training Academy harimo abasanzwe bari mu mwuga n'abakirangiza amashuri makuru na za kaminuza. Bagaragaza ko bahabwa ubumenyi bubafasha kunoza akazi kabo ka buri munsi bitandukanye n'ibyo biga muri za Kaminuza nk'uko Girbert Irakoze wize ibijyanye no gukora imbata z'inzu yabigarutseho.

Ati 'Mu by'ukuri ibyo twiga ku ishuri usanga bitandukanye n'ibyo duhura na byo ku isoko ry'umurimo kuko usanga bigenda bihinduka bijyanye n'aho iterambere rigeze. Muri Nziza baguhugura bigendanye n'ibikenewe ku isoko kandi duhabwa n'umwanya wo gushyira mu bikorwa ibyo twiga.'

Umuyobozi w'ihuriro ry'ingaga z'Aba-Ingénieurs muri Afurika (FAEO), Eng. Papias Kazawadi yasobanuriye abasoje amahugurwa ko kwiga ari uguhozaho, abasaba ko kugira ubumenyi bidahagije ahubwo bagomba kubishyira mu bikorwa.

Ku ruhande rwa Minisiteri y'Uburezi, Umujyanama Mukuru wa Minisitiri mu bya tekinike, Pascal Gatabazi, yagaragaje ko ibikorwa nk'ibi byo guhugura abanyeshuri bagisoza za kaminuza n'abari mu murimo bifasha cyane kubahuza n'isoko ry'umurimo cyane ko hatangirwa amasomo atandukanye n'ayo mu ishuri.

Yasobanuye ko amashuri icyo akora ari ugutanga ubumenyi bw'ibanze bitewe n'uko ahanini hagenda havuka imirimo mishya bigendanye n'iterambere ry'ikoranabuhanga. Akaba ari ho yahereye ashima ubuhanga Nziza Training Academy iri kugenda izana mu Rwanda ku rwego ruhanitse.

Aba banyeshuri bari baherekejwe n’imiryango yabo

Abayobozi mu nzego zitandukanye bari bitabiriye ibi birori byo guha abanyeshuri impamyabushobozi

Bamwe mu basanzwe bafasha aba banyeshuri mu kubongerera ubumenyi mu ikoranabuhanga

Umunyeshuri wahize abandi mu cyiciro cy abakora imbata z’inzu

Kwiga muri Nziza Training Academy ku banyeshuri bashimangira ko bitanga umusaruro mu bwubatsi buvuguruye

Abize amasomo mu gihe cy’amezi atatu kuko bari basanzwe mu kazi nabo bahawe impamyabushobozi

Abanyeshuri barangije basabwe gukomeza gushyira mu bikorwa ubumenyi bahawe

Umuyobozi wari uhagarariye Urwego rw'Igihugu Rushinzwe Iterambere RDB, Nzabamwita Rahim yitabiriye uyu muhango

Umunyamabanga Nshingwabikorwa w'Urugaga rw'Aba-Ingénieurs, Steven Sabiti nawe yishimiye intambwe aba banyeshuri bateye

Umuhanzi w'Umunyamerika Britney Spears yemeje ko ari muri gahunda yo kwandika igitabo, ahamya atyo amakuru yari aherutse gutangazwa mu bitangazamakuru byo muri Amerika ko ashaka kwandika igitabo ku buzima bwe kivuga kuri byose nta cyo aciye ku ruhande.

Spears yatangaje iyo nkuru mu butumwa yashyize ku rubuga rwa Instagram ku wa mbere nijoro.

Uyu muririmbyi yavuze ko icyo gitabo kizavuga ku bintu bibabaje byo mu buzima bwe 'ntigeze nshobora kuvugaho mu buryo bweruye'.

Mu kwezi kwa cumi na kumwe mu 2021, umucamanza yasoje uburyo bwo kumugenzura bwo mu rwego rw'amategeko, mu gihe cy'imyaka irenga icumi bwagenzuraga byinshi mu bijyanye n'ubuzima bwe.

Mu 2008 ni bwo Spears yari yashyizwe muri ubwo buryo bwo kumugenzura bwakorwaga na se Jamie Spears, ubwo uyu muhanzi yari afite ikibazo cy'ubuzima bwo mu mutwe.

Umutoza wa APR FC, Adil Erradi Mohammed avuga ko Jacques Tuyisenge yikuye mu mwiherero w’iyi kipe mbere y’umukino wa Kiyovu Sports, ikintu avuga ko ari ikosa rikomeye ku mukinnyi nka Jacques Tuyisenge.

Tariki ya 30 Werurwe nibwo ISIMBI yabagejejeho inkuru y’uko Jacques Tuyisenge usanzwe ari kapiteni wa APR FC atakiri mu mwiherero w’iyi kipe ndetse yahagaritse imyitozo akaba yaranasabye gutandukana nayo.

Agaruka ku kibazo cya Jacques Tuyisenge, umutoza wa APR FC nyuma yo gutsinda Amagaju 1-0 mu gikombe cy’Amahoro, Adil yavuze ko uyu mukinnyi yakoze amakosa atajyanye n’urwego rwe.

Ati “Jacques ni kapiteni w’ikipe, mbere y’umukino wa Kiyovu Sports, yavuye mu mwiherero, mbere y’umukino wa Kiyovu Sports njyewe Jacques namufataga nk’umutoza wungirije, nka kapiteni ugomba kumfasha abakinnyi bakiri bato, nk’umuntu ugomba kuba intangarugero, ugomba kuhaba igihe ntahari.”

“Imyitwarire ye mbere y’umukino wa Mukura VS ntabwo ikwiye kapiteni, kuri njye mbifata nk’ikosa rikomeye nk’umukinnyi w’umunyamwuga wo ku rwego nk’urwe.”

ISIMBI yamenye amakuru ko uyu rutahizamu atishimiye uburyo umutoza mukuru w’iyi kipe ukomoka muri Maroc, Adil Erradi Mohammed ababwiramo, cyane cyane abataha izamu ababwira nabi avuga ko badatsinda.
Ni kenshi uyu mutoza yagiye yumvikana mu itangazamakuru anenga ba rutahizamu be ko ikipe irema uburyo bwinshi ariko ba rutahizamu be ntibatsinde.

Ubwo yari amaze kunganya na AS Kigali tariki ya 22 Mutarama 2022, icyo gihe yagaragaje kutishimira imyitwarire ya ba rutahizamu be kuko baremye amahirwe menshi ariko ntibabasha kureba mu izamu.
Ibi byaje kwisubiramo ubwo batsindwaga na Mukura VS 1-0 tariki ya 1 Gashyantare 2022, nabwo ntiyishimiye imyitwarire y’abakinnyi be bataha izamu.

Amakuru avuga ko uko yagaragazaga ko atishimiye umusaruro wabo ari nako yavuganaga n’abakinnyi be bataha izamu ababwira nabi, akaba ari n’aho haje kuva kutumvikana hagati ye na Jacques Tuyisenge wamubwiraga ko nubwo badatsinda ariko na none akwiye kureka kubatuka buri munsi, ngo hari uburyo yababwiramo atabatutse kuko n’abo ari abantu.

Umwuka mubi hagati y’aba bombi waje gukomeza gututumba kugeza aho Jacques Tuyisenge afashe umwanzuro wo gusohoka mu mwiherero arataha, ndetse abamuri hafi bavuga ko yifuza kuba yatanduka n’iyi kipe.

Jacques Tuyisenge yinjiye muri APR FC muri Nzeri 2020 akaba yari yarayisinyiye imyaka 2 ubu akaba ari mu mwaka we wa nyuma.

Mu gihe amazemo ntabwo yahiriwe kuko yaranzwe n’imvune ndetse n’imikino yakinnye akaba atarabashije gutsinda ibitego nk’ibyo yari ategerejweho kuko amaze kuyikinira imikino 26 aho yayitsindiyemo ibitego 2 gusa yatsinze AS Muhanga muri shampiyona, hari tariki 11 Gicurasi 2021 ubwo bayitsindaga 3-1, yatsinzemo 2.

Ntabwo ibintu bimeze neza hagati ya Jacques Tuyisenge na Adil Erradi