Category: Uncategorized

Perezida Paul Kagame, yagiranye ibiganiro kuri telefoni n'igikomangoma Charles w'u Bwongereza, ku bijyanye n'imyiteguro y'Inama y'Abakuru b'Ibihugu na za Guverinoma z'Umuryango w'Ibihugu bikoresha ururimi rw'Icyongereza, Commonwealth izwi nka CHOGM, u Rwanda ruzakira muri Kamena 2022.

Perezida Kagame abinyujije kuri twitter yavuze ko ii biganiro byabaye ku mugoroba wo ku wa Kabiri tariki 12 Mata 2022.

n'igikomangoma Charles w'u Bwongereza, yavuze ko yiteguye kwitabira iyi nama ya CHOGM.

Iki kiganiro kibaye mu gihe hasigaye amezi abiri kugira ngo u Rwanda rwakire inama ihuza Abakuru b'Ibihugu na za Guverinoma bigize umuryango w'ibihugu bikoresha ururimi rw'Icyongereza (Commonwealth) izabera i Kigali mu Cyumweru kizatangira tariki 20 Kamena 2022.

Iyi nama yari kuba yarabaye muri Kamena 2020 iza gusubikwa kubera icyorezo cya COVID19. 

Nyuma Ubunyamabanga Bukuru bwa Commonwealth ku bufatanye n'abashinzwe gutegura iyi nama ni bwo bari bafashe icyemezo ko yongera kuba tariki 21 Kamena 2021, yongera gusubikwa kubera ubwiyongere bwa Covid19.

Ibihugu 54 ni byo bibarirwa mu muryango w'ibihugu bikoresha ururimi rw'icyongereza, n'abantu bangana na miliyari 2.4, muri abo 60% ni urubyiruko ruri munsi y'imyaka 30.

Inama ya CHOGM ubusanzwe iba rimwe mu myaka 2, ikaba ari urwego rukomeye rugishwa inama rugahuza abafata ibyemezo kuri politiki zinyuranye.

The post Perezida Kagame yagiranye ibiganiro n'Igikomangoma Charles byibanze ku nama ya CHOGM appeared first on FLASH RADIO&TV.

Source : https://flash.rw/2022/04/13/perezida-kagame-yagiranye-ibiganiro-nigikomangoma-charles-byibanze-ku-nama-ya-chogm/?utm_source=rss&utm_medium=rss&utm_campaign=perezida-kagame-yagiranye-ibiganiro-nigikomangoma-charles-byibanze-ku-nama-ya-chogm

Ku munsi w'ejo hashize tariki ya 12 Mata 2022, nibwo abakurikirana uyu Muhugu wa Perezida Yoweri Museveni batangiye kugaragaza impungenge zerekeye konti ye ya Twitter, nyuma y'uko uwageragezaga kuyishaka yabwirwaga ko 'Iyi konti ntikibaho'.

Benshi babanje gutekereza ko ba nyiri ruriya rubuga ari bo bahisemo gusiba Konti ya Muhoozi ,kubera kunyuranya n'amabwiriza agenga imikoreshereze yarwo.

Umuvugizi we Lt Col Chris Magezi yemeje ko ari we wayihagarikiye ku giti cye, gusa ntiyatangaza impamvu yafashe uyu mwanzuro.

Umwe mu bantu ba hafi ya Muhoozi baganiriye n'iki kinyamakuru yagize ati 'Uretse muri iyi minsi ya vuba, ubundi konti ye (Muhoozi) yabonaga abamukurikira bashya 2000 buri cyumweru, ariko nyuma uyu mubare watangiye kugwa. Ari gukeka ko haba hari ubyihishe inyuma, niyo mpamvu yafashe umwanzuro wo guhagarika konti ye.'

Mu butumwa bwa nyuma Muhoozi yanditse kuri Twitter, yagaragaje ko hari ikigo cy'ikoranabuhanga kiri kumugendaho nubwo atigeze yerura ngo avuge ko ari Twitter.

Yagize ati 'Ku baharanira impinduramatwara mwese, abaharanira Isi irimo ukuri n'ubutabera, aho abantu bose bareshya, maze iminsi numva ko twe abafite ijwi rito ariko rivugira ababarirwa muri miliyari batagira uruvugiro turi kwibasirwa n'ibigo by'ikoranabuhanga bishaka ko duceceka. Ukuri kudashidikanywaho kw'abakandamizwa buri gihe kuzahora gutsinda.'

Kugeza ubu ntiharamenyekana neza niba iyi konti ya Muhoozi yarahagaritswe na Twitter cyangwa niba ariwe wafashe umwanzuro wo kuyihagarika.

Source : https://umuryango.rw/amakuru/mu-mahanga/politiki/article/hamenyekanye-impamvu-gen-muhoozi-yikuye-kuri-titter

Umuhanzi Osinachi Nwachukwu ukomoka muri Nigeria yitabye Imana bivugwa ko yishwe n'umugabo we bari babyaranye abana bane.

Inkuru iri kuvugwa cyane muri Nageria no hirya no hino ku Isi ku bakunzi b'indirimbo zo kuramya no guhimbaza Imana ni iy'urupfu rwa Osinachi Nwachukwu w'imyaka 42 witabye Imana aguye mu bitaro bya Abuja.

Paul Nwachukwu hamwe n'umugore we Osinachi Nwachukwu

Uyu muhanzi wari warataziriwe 'Malayika' kubera ijwi rye ry'akataraboneka, akimara kwitaba Imana, raporo ya mbere ya muganga yaje ivuga ko yazize kanseri yo mu muhogo.

Ibinyamakuru bitandukanye byo muri NIgeria byatangaje ko abo mu muryango wa Osinachi Nwachukwu bahise babitera utwatsi, bavuga ko umuvandimwe wabo yishwe n'umugabo we kandi ko yari umaze igihe kirekire amuhohotera.

Mukuru wa nyakwigendera witwa Favour Madu, yavuze ko murumuna we yakubiswe n'umugabo we ikintu kiremereye mu gatuza.

Yagize ati 'Twahoraga tumubwira ngo natandukane n'umugabo umukubita, akatubwira ko Imana yanga ubutane akongeraho ko umugabo we azageraho agahinduka none dore birangiye amwivuganye.'

'Ntiyakundaga kuvuga ku bibazo bye n'umugabo we ndetse n'ubwo aheruka kumukubita izi nkoni zamuviriyemo urupfu ntiyabitubwiye, ahubwo inshuti ye iba muri Leta Ebonyi niyo yahamaye impanga ya Osinachi amubaza niba yaramenye ko umugabo aherutse kumukubita cyane[…] twabajije muganga atubwira ko mu gatuza ke amaraso yari yipfunditse.'

Ku mugoroba wo kuwa kabiri tariki 12 Mata 2022, Polisi yo muri Nigeria yatangaje ko yataye muri yombi Peter Nwachukwu, umugabo wa Osinachi Nwachukwu, akaba akekwaho kugira uruhare mu rupfu rw'umugore we.

Umuvugizi wa polisi yavuze ko iperereza rigikorwa kugira ngo hamenyekane ukuri ku rupfu rw'uyu muhanzi, yemeza ko kugeza ubu umugabo we yatawe muri yombi akaba akekwaho kwica umugore we.

Osinachi Nwachukwu yari umwe mu bahanzi bakunzwe cyane muri Nijeriya kubera ijwi rye byavugwaga ko rimeze nk'iry' umumarayika'.

Yagaragaye mu ndirimbo ya Ekwueme yakunzwe cyane muri 2017, afite YouTube ikurikirwa n'abagera muri miliyoni 71.

Abanyanijeriya benshi, cyane cyane abakirisitu, bashenguwe n'urupfu rwe, bamwe bifashishije imbuga nkoranyambaga basabye abanyamadini kudakomeza guhatira abayoboke babo gukomeza kubana mu gihe bafitanye amakimbirane mu ngo zabo.

Itorero ryakoreshaga Nwachukwu nk'umuririmbyi waryo mukuru, Dunamis International Gospel Centre, ntiragira icyo ritangaza ku rupfu rwe, ariko ryavuze ko rizagira icyo ritangaza mu minsi ya vuba.

Iri torero ryatanze ubutumwa muri videwo ngufi rivuga ko ryigisha abayoboke baryo ko byaba byiza kuba ingaragu kuruta gupfira mu rushako 'Gupfira mu makimbirane yo mu ngo'.

[email protected]

 

The post Umuhanzi w'icyamamare muri 'Gospel' yishwe appeared first on IRIBA NEWS.

Source : https://iribanews.rw/2022/04/13/umuhanzi-wicyamamare-muri-gospel-yishwe/

Wilmot Reed Hastings Jr.[ Reed Hastings], Umunyamerika uri mu batangije urubuga rwa Netflix ruzwiho kwerekana filime binyuze kuri murandasi, yasuye Urwibutso rwa Jenoside rwa Kigali ruri ku Gisozi, yunamira imibiri ihashyinguwe.

Uyu mugabo akaba yarasuye uru Rwibutso ku munsi w’ejo hashize tariki ya 12 Mata 2022 aho yashyize indabo ku mva z’ahashyinguye Abatutsi bazize Jenoside yakorewe Abatutsi muri Mata 1994.

Urwibutso rwa Jenoside rwa Kigali, binyuze kuri Twitter yarwo, bavuze ko uyu mugabo yaje guha icyubahiro inzirakarengane zazije Jenoside zishyinguwe muri uru Rwibutso.

Bati “Mu masaha ya mu gitondo yo kuri uyu munsi, Reed Hastings uri mu batangije Netflix yasuye Urwibutso mu rwego rwo guha icyubahiro ku nzirakarengane zazize Jenoside yakorewe abatutsi.'

Yasuye uru Rwibutso nyuma y’uko Netflix abereye umuyobozi muri Werurwe 2022 Netflix yaguze filime 'Trees of Peace’ y’Umunyamerika Alanna Brown ivuga kuri Jenoside yakorewe Abatutsi mu 1994, iyi filime ishingiye ku nkuru mpamo y’ibyabaye muri Jenoside, izatangira gutambuka kuri Netflix muri Kamena uyu mwaka.

Earlier today, @reedhastings Co-CEO of @netflix visited to pay respects to victims of the Genocide against the Tutsi. #Kwibuka28 pic.twitter.com/AvHRqHD4p8

— Kigali Genocide Memorial (@Kigali_Memorial) April 12, 2022

Reed Hastings yashize indabo ku mva anunamira inzirakarengane zishyinguwe mu Rwibutso rwa Jenoside rwa Kigali

Reed Hastings ni umwe mu bashinze Netflix

Source : http://isimbi.rw/kwibuka/article/umwe-mu-batangije-urubuga-rwa-netflix-yasuye-urwibutso-rwa-jenoside-rwa-kigali

Abarokotse Jenoside yakorewe abatutsi mu murenge wa Remera kuri uyu wa kabiri tariki ya 12 Mata 2022 habaye igikorwa cyo kwibuka Jenoside yakorewe abatutsi 1994, ni igikorwa cyitabiriwe n'abantu b'ingeri zose barimo inzego za leta,abihaye Imana ndetse n'abikorera dore bibukiye n'ubundi aho ababo biciwe muri Centre Christus-Remera

Aha kuri Centre Christus batewe n'ingabo zari iza leta by'umwihariko abarindaga umukuru w'igihugu ku itariki ya 7 Mata 1994 mu masaha ya mu gitondo baza bitwaje imbunda kirimbuzi kugirango bagire vuba abatutsi badahungira CND cyangwa muri stade Amahoro yarimo MINUAR,Abarokotse bavuga ko RPA Inkotanyi nazo zarimo zirwana inkundura byibura ngo zivanemo Remera zitabare abicirwaga muri iyi zone byaje kugerwaho mu masaha ya saa kumi z'umugoroba

Emmanuel Karamba uyobora IBUKA mu Murenge wa Remera muri Gasabo yabwiye abari baje mu muhango wo kwibuka Jenoside yakorewe Abatutsi barimo abapadiri n'ababikira babaga muri Centre Christus 'ko abarokotse Jenoside yakorewe Abatutsi bakuze bifuza kuzatanga ubuhamya bw'ibyababayeho kugira ngo 'batazasaza batavuze bityo urubyiruko rukazongera rukagwa mu moshya yo kwangana no guhembera amacakubiri yabasubiza muri Jenoside, igihugu kikagwa mu kaga nkako cyahuye nako.'

Perezida wa IBUKA mu Murenge wa Remera avuga ko kuba hashize imyaka 28 Jenoside ihagaritswe, ubu hari abantu bakuze barimo kugenda basaza kandi bumva ko bazaba basize umurage utari mwiza nibasaza batavuze kuko bafite byinshi baciyemo bagomba kwigisha abana babo nabo bakazabyigisha ibiragano bizaza.

Yakomeje agira ati 'Hari abarokotse Jenoside mu mwaka wa 1994 bari bakuze cyane k'uburyo mu myaka 28 ishize ubu bamaze gusaza abantu nk'abo muri iki gihe bumva ko bagomba kuzagira icyo bavuga ntibarisazane'.

Akomeza agira Ati: ' Muri iki gihe abarokotse Jenoside bari bakuze ubu bari gusaza kandi bashaka ko batazasaza batagize icyo bavuga.'

Ku rundi ruhande ariko, abarokotse Jenoside yakorewe Abatutsi baba mu Murenge wa Remera bitaweho na Leta barubakirwa uretse ko ibibazo bitabura bakeneye kwitabwaho by'umwihariko nko gusanirwa amazu yabo n'ibindi

Emmanuel Karamba yashimiye Inkotanyi kuko zabarokoye avuga ko iyo hataba bo kubona Umututsi warokotse mu Rwanda byari bugorane.

Ati: ' Ubu nimwe igihugu gihanze amaso. Ingabo zahagaritse Jenoside zabahaye urugero, mugomba gutera ikirenge mu cyabo mukubaka iki gihugu.'

Yabasabye kwamagana ingengabitekerezo z'ababyeyi babigishiriza ibibi mu ndaro, ku mashyiga n'ahandi.

Umuyobozi nshingwabikorwa w'Akarere ka Gasabo Umwari Pauline yavuze ko Akarere ayobora kazakomeza kwita ku barokotse Jenoside uko amikoro azagenda aboneka ariko ngo bikorwa bahereye ku bacyeneye ubufasha kurusha abandi.

Uwari Umushyitsi mukuru muri uyu muhango Madamu Martine Urujeni yavuze ko abakoze Jenoside batashizwe kuko ngo n'ikimenyimenyi bakomeza kuyihakana aho bari hose ariko abanyarwanda bazakomeza kubarwanya batazarebera kwerekana ibyiza birimo ubumwe bw'abanyarwanda.

Yakomeje avuga ko abakiri bato nibatamenya igihugu cyabo, ngo bajye bakurikira amakuru y'urukundo,ubumwe,ubwiyunge n'iterambere ngo bamenye ukuri kw'amateka babashe kuyasigasira, ibyabo bizaba bibi.

Abatutsi bagera kuri 17 biganjemo abapadiri, abaseminari n'ababikira barishwe. Mu bishwe harimo Padiri w'umuyezuwiti Chrysologue Mahame w'imyaka 67, wayoboraga ikigo cya Christus akaba yari mu bashinze Umuryango Uharanira Uburenganzira bwa Muntu no Kwimakaza Amahoro 'Association des Volontaires de la Paix'. Abo bose bishwe n'abasirikare barindaga umukuru w'igihugu bafatanyije n' Interahamwe

Abenshi mu Batutsi biciwe mu cyahoze ari Segiteri ya Remera bashyinguye mu rwibutso rwa Kibagabaga ndetse hibutswe n'abaguye imihanda itandukanye bahunga.

The post Twese Twiteguye Gutanga Ubuhamya Buzafasha Urubyiruko Kuzirikana ko Jenoside ari Icyaha Ndengakamere — Ibuka Umurenge wa Remera appeared first on RUSHYASHYA.

Source : https://rushyashya.net/twese-twiteguye-gutanga-ubuhamya-buzafasha-urubyiruko-kuzirikana-ko-jenoside-ari-icyaha-ndengakamere-ibuka-umurenge-wa-remera/?utm_source=rss&utm_medium=rss&utm_campaign=twese-twiteguye-gutanga-ubuhamya-buzafasha-urubyiruko-kuzirikana-ko-jenoside-ari-icyaha-ndengakamere-ibuka-umurenge-wa-remera

Source : https://www.kigalitoday.com/ubuzima/indwara/article/covid19-mu-rwanda-habonetse-umuntu-umwe-wanduye-56626

Source : https://imirasire.com/?NYIRANDIKUBWIMANA-Mediatrice-Itangazo-ryo-guhinduza-amazina-asanganywe

Cyabaye nyabagendwa guhera kuri uyu wa Mbere tariki ya 11 Mata 2022. Iki kiraro cyari cyangijwe mu ijoro ryo ku wa 25 Ukuboza 2021, abantu 11 bahita batabwa muri yombi bakekwaho kugisenya.

Akarere ka Muhanga kabinyujije kuri Twitter katangaje ko cyongeye kuba nyabagendwa.

Kati 'Guhera uyu munsi ikiraro cya Gahira gifasha ubuhahirane hagati y'abaturage ba Muhanga na Gakenke cyamaze gusanwa. Ubu ni nyabagendwa nyuma y'igihe kimaze kidakora kubera ko cyari cyangijwe.'

Icyo kiraro cy'abanyamaguru gihuza umurenge wa Rongi mu Karere ka Muhanga n'uwa Ruli muri Gakenke, cyubatse ku mugezi wa Nyabarongo kibaka kireshya na metero 60 z'uburebure.

Gifite ubushobozi bwo kwikorera toni 15 bikaba bitaganyijwe ko kizaramba imyaka 15 abaturage nibagikoresha neza.

Ubwo cyangizwaga ku wa 25 Ukuboza 2021, hafashwe umwanzuro wo kwambutsa abaturage hifashishijwe ubwato, hahita hatangira imirimo yo kucyubaka.

Kucyubaka byatwaye amafaranga asaga miliyoni 185Frw. Uturere twa Muhanga na Gakenke twatangaga amavuta ya moteri kugira ngo abaturage bambukire ubuntu mu bwato.

Gusa ntabwo bagendaga bisanzuye kuko hambutswaga bake bake bitewe n'ubushobozi bw'ubwato.

Kuba cyabaye nyabagendwa byasubukuye ubuhahirane bwari bwaradindiye hagati y'uturere twombi.

[email protected]

---

Source : http://igihe.com/amakuru/u-rwanda/article/ikiraro-gihuza-uturere-twa-muhanga-na-gakenke-cyongeye-kuba-nyabagendwa

Ku ya 4 Mata 2022 nibwo Leta y'iki gihugu yatangaje ko buri muturage wese ukoresha telefoni agomba kuyihuza n'imyirondoro ye [indangamuntu] abatazabikora bakazahagarikwa.

Abahagaritswe gukoresha iyo mirongo bahangayikishijwe n'uko badashobora guhamagara ariko bo bakaba bahamagarwa.

Umwe mu bahagaritswe witwa Godswill Otokpa, yagize ati 'Ndumva merewe nabi, sinshobora guhamagara ariko nshobora guhamagarwa, ni akajagari. Leta igomba kugira icyo ibikoraho, iki kibazo kigakemuka.”

Undi mufatabuguzi witwa Aluka Kingsley, yavuze ko agomba kwirengera ingaruka ziri kumugeraho kuko baburiwe kenshi ko bagomba guhuza imirongo yabo ya telefoni n'imyirondoro yabo ariko bo bakabirengaho.

Umusesenguzi Jide Ojo, avuga ko ashyigikiye ko ikoranabuhanga rigomba kwifashishwa mu kurwanya umutekano muke, yemeza ko iki gikorwa cyo guhuza telefoni n'imyirondoro ari kimwe mu byafasha kurwanya ibyaha.

Nyuma y'amabwiriza yatanzwe ku ya 4 Mata uyu mwaka, amasosiyete y'itumanaho muri Nigeria yatangiye kubuza abafatabuguzi bayo batarahuza telefoni zabo n'indangamuntu guhamagara.

Muri Gashyantare uyu mwaka muri Nigeria habaruwe abakoresha imirongo y'itumanaho basaga miliyoni 198.

Aba barirwa muri miliyoni 125 bihutiye gutanga imyirondoro yabo ngo ihuzwe n'amatelefoni zabo nyuma y'uko hasohowe iri tegeko.

---

Source : http://igihe.com/amakuru/u-rwanda/article/nigeria-abarenga-miliyoni-72-bahagaritswe-gukoresha-imirongo-y-itumanaho

Bamwe mu baturage n'abarokotse Jenoside yakorewe Abatutsi mu Murenge wa Nyarugunga mu Karere ka Kicukiro, bavuga ko abasirikare ba Habyarimana bishe abatutsi babasanze mu ngo zabo abandi bakabajyana mu kigo kubicirayo, ku buryo n'ubu hari abataraboneka ngo bashyingurwe mu cyubahiro.

Ibi abaturage babigaragaje kuri iki Cyumweri tariki ya 10 Mata 2022, mu muhango wo kwibuka Abatutsi 800 biciwe muri uyu murenge wa Nyarugunga urimo ikigo cya gisirikare cya Kanombe.

Babwiye IGIHE ko iyo abasirikare barangwa n'umutima wa kimuntu nta mututsi n'umwe wo muri aka gace wari kwica kuko bari kubarengera nk'uko ari inshingano zabo.

Byiringiro Clement yagize ati 'Abasirikare aha ni bo ahubwo bishe abantu benshi kuko indege ikimara kugwa bahise batangira kujya mu baturage barabica cyane cyane abarindaga Habyarimana.'

Umugore wari uturanye na Habyarimana Juvenal witwa Niyonshuti Marie Chantal, yakomeje agira ati “Barishe cyane [abasirikare] kuko iyo bakora kinyamwuga nta n'umuturage w'aha wari gupfa. Nkanjye twavutse turi icyenda ariko ubu dusigaye turi babiri kandi nibo babishe”.

Umuyobozi wa Ibuka mu Murenge wa Nyarugunga, Mutabazi Martin, yavuze ko indege ya Habyarimana ikimara kugwa abamurindaga bahise binjira mu baturage batangira kubica.

Yagize ati 'Impamvu mvuga ko bagize uruhare muri Jenoside ni uko indege ikimara kugwa bahise bashyiraho za bariyeri banategeka abaturage ko bagomba kuzishyiraho ndetse banabaha intwaro n'imihoro. Abandi banabigishije gukoresha intwaro nk'abazizi cyane bakajya banigisha interahamwe zo mu kibaya cya Nyandungu.'

Yongeyeho ko iyo abasirikare ba Leta batagira uruhare muri jenoside yakorewe abatutsi muri uyu murenge wa Nyarugunga hatari gupfa abantu bagera kuri 800.

Ati “Icyo gihe bahise bashyiramo za bariyeri na bo basohoka mu kigo batangira kwica Abatutsi ku buryo twapfushije abantu 800”.

Umunyamabanga Nshingwabikorwa w'Umurenge wa Nyarugunga, Uwamahoro Genevieve, yagaye abasirikare ba Habyarimana batakoze inshingano zabo ahubwo bakajya kwica abaturage bari bashinzwe kurinda.

Ati 'Abatutsi bari baturiye ikigo barishwe bikozwe n'abo basirikare bari bashinzwe kubarinda aho gukora inshingano zabo ahubwo bahise bajya kwica inzirakarengane.'

Yaboneyeho gusaba abaturage bafite cyangwa bazi ahari imibiri y'abishwe muri jenoside yakorewe Abatutsi mu 1994 itarashyingurwa gutanga amakuru kugira ngo nayo ishyingurwe mu cyubahiro.

Minisitiri w'Ubumwe bw'Abanyarwanda n'Inshingano Mboneragihugu, Dr Jean Damascène Bizimana, aherutse kuvuga ko gushyiraho ingabo zitwa iz'igihugu hagakumirwa Abatutsi ari imwe mu mpamvu zatumye kuva mu mwaka wa 1959 ubwicanyi bwarakorerwaga Abatutsi abasirikare ntibabukumire, bakanagira uruhare mu kwica.

Tariki 21 Nzeri 1992, Ingabo z'u Rwanda zasohoye inyandiko ndende ya Col Nsabimana waziyoboraga yemeza ko Umututsi ari umwanzi w'u Rwanda, ushyigikiye Umututsi akaba umugambanyi. Ibi ni impamvu yatumye abasirikare bica Abatutsi.

---

Source : http://igihe.com/amakuru/u-rwanda/article/uko-abasirikare-ba-habyarimana-bishe-abatutsi-i-kanombe-bagaha-n-ibikoresho