Category: Uncategorized

Aya masezerano yashyizweho umukono n'Umuyobozi Mukuru w'Agateganyo wa WASAC, Gisèle Umuhumuza, uri muri Singapore, ndetse na Ng Joo Hee, Uyobora Ikigo gishinzwe amazi muri Singapore. Ni amaserano yasinywe mu gihe Singapore iri mu cyumweru cyahariwe amazi.

Ibi bigo byombi bihuje inshingano yo kugeza ku baturage amazi meza kandi ahagije. Imbogamizi bihura na zo ni nyinshi zirimo imihandagurikire y'ikirere, kwandura kw'amazi, ubwiyongere bw'abaturage butajyanye n'ubushobozi buhari, ikiguzi cy'ibikorwa kigenda cyiyongera n'ibindi.

Aya masezerano azibanda ku gusangira ubumenyi hagati y'ibigo byombi mu bijyanye no gukwirakwiza amazi, gufata neza imiyoboro yayo, imicungire y'amazi yakoreshejwe, ikoranabuhanga no kumenya uburyo byakwitwara ku bijyanye n'imihandagurikire y'ikirere.

Gusangira ubumenyi bizibanda ku bushakashatsi n'iterambere, ikoranabuhanga rigezweho rijyanye n'imirimo yo gukwirakwiza amazi ndetse no kugenzura ubuziranenge bw'amazi. Aya masezerano kandi yitezweho koroshya isangirwa ry'ikoranabuhanga ritanga icyizere mu gukemura ibibazo by'amazi ku ruhande rw'ibi bigo bibiri.

Umuyobozi Mukuru w'Agateganyo wa WASAC, Gisele Umuhumuza yavuze ko gusinya aya masezerano, biri mu ngamba za WASAC zo gutsura imikoranire n'ibigo bikomeye ku isi mu bijyanye no gukwirakwiza amazi na serivisi z'isukura hagamijwe kunoza imikorere binyuze mu gusangira ubunararibonyengiro no gukoresha ikoranabuhanga ritandukanye.

Yagize ati 'Twizeye ko hari byinshi tuzigira ku Kigo gishinzwe amazi muri Singapore (PUB), tukabakuraho n'ubunararibonye buhagije mu bijyanye n'udushya kuko cyazanye impinduka, gishyira ishoramari mu guteza imbere ikoranabuhanga mu bijyanye n'amazi mu myaka 50 ishize.'

Yongeyeho ati 'Twizeye ko tuzabaha urubuga rwo kugaragaza ikoranabuhanga bafite cyangwa iry'abafatanyabikorwa babo kandi cyane cyane ibyo bikaba bijyanye n'icyerekezo cy'u Rwanda, aho hari amahirwe akomeye y'ishoramari no gushakira hamwe ibisubizo birimo udushya.'

Isinywa ry'aya masezerano rije rikurikira andi maserano atandukanye WASAC yagiye igirana n'ibigo binyuranye hagamijwe imikoranire mu bijyanye no gukwirakwiza amazi no kuyacunga ndetse na serivisi z'isuku n'isukura.

Aya masezerano yashyizweho umukono n'Umuyobozi Mukuru w'Agateganyo wa WASAC, Gisèle Umuhumuza na Ng Joo Hee, uyobora ikigo gishinzwe amazi muri Singapore

Abayobozi ku mpande zombi nyuma yo gushyira umukono ku masezerano y’ubufatanye

Iyi gahunda igusha neza kuri imwe mu ntego z'Umuryango w'Abibumbye zigamije iterambere rirambye yo kurandura ubukene bukabije bitarenze mu 2030, ariko u Rwanda rukaba rwifuza kubigeraho mu 2024.

Mu gushyira mu bikorwa gahunda ya VUP hatangwa ubufasha mu byiciro bitandukanye birimo gutanga imirimo y'amaboko ihemberwa ku bashoboye gukora no gutanga inguzanyo ziciriritse zo gutangiza imishinga mito.

Hari kandi gutanga inkunga y'ingoboka ifasha cyane cyane abageze mu za bukuru batagishoboye gukora, kubona iby'ibanze nkenerwa mu buzima, kwigisha imyuga ku rubyiruko rukomoka mu miryango ikennye cyane, gutanga inkunga y'ingoboka igenewe abagore batwite n'abana bari mu nsi y'imyaka itanu bo mu miryango ikennye n'ibindi.

Hari abaturage bahawe akazi abandi bagahabwa inguzanyo zo gutangiza imishinga itandukanye irimo n'ubucuruzi, ubworozi n'iyindi.

Mu gutanga izi nguzanyo hibandwaga cyane ku bakorera mu matsinda ndetse n'amakoperative kugira ngo bahuze imbaraga bazamurane ku buryo bworoshye gusa hari n'abadafata inguzanyo ahubwo bafite imbaraga zo gukora bashima ko byabahinduriye ubuzima.

Nsengimana Télesphore yagaragaje atarabona akazi muri VUP, ubuzima bwe bwari buri habi ariko kuri ubu ibintu bigenda bihinduka ku buryo yabashije no kwiyubakira inzu.

Ati 'Mbere ntarajya muri VUP, ntabwo nashoboraga kujya guca inshuro kuko ubu n'akaboko kanjye karamugaye, ubwo umugore wanjye ni we wabyukaga akajya guhahira urugo, turi abakene rwose. Maze gukora muri VUP natangiye guhinga, ndatisha, ubu mbona ibyo kurya.'

Yakomeje agira ati 'Byaje gake gake ariko icyiza njyewe n'umugore twarumvikanaga cyane rwose, dutangira kubona umusaruro. Kwa kundi twacaga inshuro natwe twatangiye gushyiramo abandi baduhingira mu mirima. Mu mihigo nari mfite kwari ukubona inzu yo kubamo kandi urabona ko iyi nujuje ari inzu imeze neza.'

Umuturage wo mu Karere ka Gasabo, Twizerimana Jean d'Amour, umaze imyaka ine akorana na VUP muri gahunda y'inguzanyo ziciriritse, agaragaza ko kuyikoresha neza byamukuye ahantu hakomeye.

Ati 'Mbere hari ibyo nakeneraga ariko simbibone bitewe n'ubushobozi buke. Ubusanzwe mfite ubumuga ku buryo buri cyumweru mba ngomba kujya kubonana na muganga. Nta handi nkura uretse kuba narabashije gusaba inguzanyo ngakora ubu bucuruzi. Ibanga nkunze gukoresha ni ukuganira n'umugore wanjye ndetse tugakoresha uburyo bwo kwizigamira haba muri SACCO no mu bimina.'

Yavuze ko inkunga zigenerwa abaturage muri Gahunda ya VUP zishoibora kongererwa igihe cyo kwishyurwa ku buryo abantu babasha kuzishyura ariko zigize icyo zibafasha ndetse no kongera ingano y'amafaranga atangwa kugira ngo uyahawe amuteze imbere.

Uwizeyimana Vestine wo mu Karere ka Nyamasheke avuga ko mu gihe yari ataratangira gukora muri VUP yari ari inyuma cyane ariko ubu yageze ku iterambere kuko abona amafaranga y'iby'ibanze nkenerwa no kwita ku bana, mu gihe mbere atari kubasha kubyibonera.

Umunyamabanga wa Leta muri Minisiteri y'Ubutegetsi bw'Igihugu ushinzwe Imibereho myiza y'Abaturage, Ingabire Assoumpta, yavuze ko gahunda ya VUP igamije gufasha gukura abaturage mu bukene yatanze umusaruro kuko kugeza ubu abantu bari mu bukene bukabije bagabanyutse bakaba bageze kuri 16% bavuye kuri 38%, naho abari mu bukene bakaba baranganaga na 57% mu 2007.

Yagize ati 'Bigenda bitanga umusaruro ukabona ko byibuze iyo ugeze mu Murenge, usanga umuntu wese azi VUP kandi akamenya icyo yagiye imugezaho'.

Umuyobozi Mukuru w'Ikigo Gishizwe Guteza Imbere Ibikorwa by'Iterambere mu Nzego z'Ibanze (LODA), Nyinawagaga Claudine, yavuze ko umusaruro w'ibikorwa bya VUP ushimishije.

Ati 'Kuva gahunda za VUP zatangira kugeza ubu, usanga ibyagezweho bishimishije nubwo twifuza kwihuta kurushaho.'

Nyinawagaga yavuze ko kugeza ubu abafashwa na VUP basaga ibihumbi 300. Ingengo y'imari ishyirwa muri VUP yagiye yiyongera buri mwaka, yavuye kuri miliyari 8 Frw mu 2008 VUP igitangira, ubu ikaba yari igeze kuri miliyari 67 Frw mu mwaka w'ingengo y'imari wa 2021/2022.

Abaturage bagaragaza ko guhabwa akazi muri VUP byabahinduriye ubuzima

Iyo ndwara izwi nka 'Rift Valley Fever' ikomeje kwibasira inka z'aborozi ikabateza igihombo kuko zimwe zipfa naho izindi zikaramburura.

Bimwe mu bimenyetso biyiranga harimo kugira umuriro, kutarya, guhitisha amaraso mu bice bigize umubiri nko mu kanwa no mu mazuru. Ni indwara ifata n'andi matungo yuza arimo ihene n'intama kandi ifata n'abantu.

Kuva iyo ndwara yakwibasira inka muri Werurwe 2022, Ikigo gishinzwe iterambere ry'Ubuhinzi n'Ubworozi mu Rwanda (RAB) ku bufatanye n'izindi nzego bahagurukiye kuyirwanya no gukumira ko ikomeza gukwirakwira.

Umuyobozi w'Ishami ry'Ubworozi n'Ubuvuzi bw'Indwara z'Amatungo muri RAB, Dr Fabrice Ndayisenga, yabwiye IGIHE ko hari inka zimaze gupfa ariko hari n'izayirwaye zikavurwa zigakira.

Ati 'Kuva mu kwezi kwa Gatatu hamaze gupfa inka 85 mu gihugu hose mu nka 443 zarwaye.'

Yavuze ko yibanze mu Karere ka Ngoma kuko igaragara mu mirenge irindwi, muri Huye mu mirenge itandatu ndetse na Gisagara na Nyanza.

Ati 'Huye, Gisagara, Nyanza na Ngoma ni two turere dufite imirenge irenze itanu irimo iyo ndwara.'

Gufuhera inka niwo muti urambye

Dr Ndayisenga yavuze ko kuba hari inka zarwaye indwara y'ubuganga zigakira byatewe n'uko aborozi bakurikije inama bagiriwe.

Gusa avuga ko aborozi bakwiye kwita ku bintu bitatu by'ingenzi kugira ngo inka zabo ziticwa n'indwara y'ubuganga. Icya mbere ni ugufuhera inka (kuyoza bakoresheje umuti) icya kabiri ni ukuyikingiza naho icya gatatu ni ukwihutira kuyivuza igihe yarwaye.

Dr Ndayisenga yashimangiye ko gufuhera inka ari umuti urambye wo gukumira ko inka yarwara indwara y'ubuganga.

Ati 'Icya mbere tubwira aborozi ni ugufuhera kuko iyi ndwara ikwirakwizwa n'umubu. Iyo ufuhera neza uwo mubu ntiwajya kuruma inka kubera ko umuti uguma mu bwoya. Gutunga inka udafuhera ni ikintu kimeza nka sakirirego [icyaha gikomeye].'

Yavuze ko ubusanzwe aborozi bafuhera inka rimwe mu cyumweru ariko muri iki gihe cy'indwara y'ubuganga bakwiye kubikora kabiri mu cyumweru.

Yibukije aborozi ko umuti wo gufuhera inka uboneka mu gihugu bityo bakwiye kuwugura ariko kandi gukingiza inka nabyo ntibabyibagirwe kuko ari ubuntu.

Yihanangirijre abarwaza inka bagashaja kuyivuriza kandi hari abavuzi b'amatungo bazivura neza kinyamwuga.

Umworozi wese ubonye inka ifite ibimenyetso birimo kuva amaraso mu mazuru cyangwa kuramburura n'ibindi biranga indwara y'ubuganga arasabwa guhita abimenyesha veterineri umwegereye.

Aborozi bose basabwe gukomeza kororera mu biraro naho abavuzi b'amatungo bose bibutswa kwambara ibikoresho byabugenewe mu gihe bari gukora ku itungo ryaketsweho ubuganga.

Inkuru wasoma: https://mobile.igihe.com/amakuru/u-rwanda/article/ishobora-no-gufata-abantu-ikabahitana-indwara-y-ubuganga-yibasiye-inka-zo-mu

[email protected]

Aya makipe yombi yinjiye mu mukino agiye guhatanira amanota atatu y’impinduka ku rutonde rwa shampiyona kandi y’ingenzi cyane muri uyu mwaka w’imikino.

Gutsinda uyu mukino kwa Liverpool byagombaga kuyisubiza umwanya wa mbere muri Premier league, mu gihe intsinzi ya Manchester United yari gutuma isatira Tottenham iyiri imbere bakanganya amanota.

Mbere y’amasaha macye ngo umukino utangire, Manchester United yatangaje ko kizigenza akanaba rutahizamu wayo, Cristiano Ronaldo atagaragara mu kibuga nyuma y’ibyago yagize byo gupfusha umwana we wari ukivuka.

Liverpool yinjiye mu mukino bigaragara ko irusha Manchester gukina neza, guhererekanya neza mu kibuga, kurema uburyo bw’igitego ndetse no kugaragaza inyota yo gufungura amazamu.

Ibi ntabwo byatinze kugaragara aho ku munota wa 5 Mohamed Salah yakatiraga umupira mwiza Luiz Diaz wahise utsinda igitego cya mbere cya Liverpool.

Ku munota wa 10′ Pogba yasohotse mu kibuga hinjira Jesse Lingard ku ruhande rwa Manchester United.

Iyi kipe y’umutoza Jurgen klopp yakomeje kurusha cyane United mu kibuga hagati no kugera imbere y’izamu kenshi iyihusha ibitego byinshi byari byabazwe.

Ku munota wa 22 Liverpool yabonye igitego cya kabiri cyatsinzwe na Mohamed Salah ku mupira mwiza yahawe na Sadio Mane wari wacunze uburangare no guhagarara nabi kwa ba myugariro ba Manchester.

Ntabwo liverpool yigeze iha ubuhumekero Manchester kuko yayakijeho umuriro ubutitsa idakura, bigizwemo uruhare n’abakinnyi barimo Salah, Diaz, Mane, Arnold n’abandi.

Ku munota wa 34 Luiz Diaz yatsinze igitego cyari kuba icya gatatu cya Liverpool ariko umusifuzi wo ku ruhande yemeza ko yaraririye.

Iminota 45 y’igice cya mbere yarangiye Liverpool yihariye umukino irusha Manchester United ku buryo bukomeye kandi bugaragarira buri wese, iyitsinze ibitego 2-0.

Igice cya kabiri cyatangiraye impinduka ku ruhande rwa Manchester aho Phil Jones yasohotse mu kibuga hakinjira Jadon Sancho.

United yatangiye iki gice ikina neza ndetse kugaragaza inyota yo kwishyura ibitego yatsinzwe binyuze ku bakinnyi barimo Rashford, Elanga, Bruno, Matic na Sancho.

Manchester yatangiye kugabanya igitutu ykiniyeho mu gice cya mbere, itangira gusatira ndetse umunyezamu Allison arokora kenshi ikipe ye yari isumbirijwe.

Ku munota wa 67 ubintu byabaye bibi cyane kuri Manchester ubwo Robertson yazamukanaga umupira yihuta cyane akawukatira Diaz wahise uwusinikira Sadio Mane wari uhagaze neza, ahita atsinda igitego cya gatatu cya Liverpool.

Umutoza klopp yahise aruhura Luiz Diaz aha umwanya Diogo Jota.

Manchester yakomeje gushakisha aho yamenera ngo yishyure ariko bayibera ibamba ahubwo bongera kuyicurikiraho ikibuga, barayisatira karahava.

Ku burangare bukomeye bwa ba myugariro ba Manchester, Diogo Jota yazamukanye umupira awambuye Hannibal, atera intambwe ebyiri areba uko Salah ahagaze ahita awumuhindurira Mo Salah atsinda igitego cya kane cya Liverpool, cyari icya kabiri cye muri uyu mukino.

Iminota 90 y’umukino yongeweho 3 ariko nayo irangira nta mpinduka, Liverpool yandagaje Manchester United iyitsinze ibitego 4-0 yisubiza umwanya w’icyubahiro.

Gutsinda uyu mukino byafashije Liverpool gusubira ku umwanya wa mbere muri Premier league aho kuri ubu irusha Manchester City iyikurikiye inota rimwe.

Gutsindwa kwa Manchester United bisobanuye ko urugendo rwo gushaka umwanya wa kane yakomeje gukomera kurushaho ndetse bishobora no kurangira yisanze muri Europa League umwaka utaha.

Manchester United yatsindiwe my maso ya Fergusson wayitoje igakora amateka akomeye

Liverpool XI (4-3-3): Alisson, Alexander-Arnold, Matip, Van Dijk, Robertson, Handerson, Fabinho, Thiago, Salah, Mané, Diaz

Man United XI (5-4-1): De Gea, Wan-Bissaka, Maguire, Lindelöf, Jones, Dalot, Fernandes, Matic, Pogba, Elanga, Rashford

Ibi yabigarutseho ubwo hibukwagwa ku nshuro ya 28 abishwe muri Jenoside yakorewe Abatutsi mu 1994 ku Musozi wa Mwulire uherereye mu Karere ka Rwamagana.

Hashize iminsi ku mbuga nkoranyambaga hatambutswa ubutumwa bw'abahakana n'abapfobya Jenoside yakorewe Abatutsi mu 1994, biganjemo abari hanze y'u Rwanda.

Dr. Ngabitsinze yasabye urubyiruko kudata umwanya bumva cyangwa banareba ibiganiro by'abapfobya Jenoside.

Ati 'Umuntu nk'uwo [upfobya Jenoside yakorewe Abatutsi] nimumubona mudashobora kumusubiza mumutuka kuko mwe mwarezwe, ushobora 'kumu-blocka' ntuzongere kureba ibiganiro bye, ukamubuza n'abandi.'

Yavuze ko hari n'abandi bakomoka ku miryango yasize ikoze Jenoside mu Rwanda nabo bagifite abantu babari inyuma bigatuma birirwa bandika ubutumwa bukubiyemo ingengabitekerezo ya Jenoside, asaba urubyiruko guhangana nabo ku mbuga nkoranyambaga.

Ati 'Mwe mugifite imbaraga murasane nabo kuko n'Inkotanyi zarasanye nabo kandi ntabwo bazitsinze, ni YouTube bakoresha, ni Instagram, dufite murandasi yihuta muyikoreshe mudatukana nabo [ahubwo] mubereke ibyiza twagezeho, mubereke amafoto meza y'Abanyarwanda n'abafungurwa bagataha, niba harimo abagifite umutima bazava ku izima.'

Dr. Ngabitsinze yavuze ko uko imyaka ishira hagenda hagaragara urubyiruko ruba mu mahanga rurushaho gupfobya no guhakana Jenoside yakorewe Abatutsi, asaba urubyiruko ruba mu Rwanda kwifashisha imbuga nkoranyambaga mu gusubiza no kwigisha abatannye.

munyamabanga wa Leta muri Minisiteri y'Ubuhinzi n'Ubworozi, Dr. Ngabitsinze Jean Chrysostome, yeretse urubyiruko uburyo bashobora gukoresha mu kurwanya abahakana n'abapfobya Jenoside yakorewe Abatutsi mu 1994

Ku bafite telefoni zigezweho (smartphones), hari imikino bashobora gukina irimo gutwara imodoka, kurasa, kubaka n'indi inyuranye igamije gushimisha abayikina no kubigisha ubumenyi bijyanye n'ibyo iyo mikino ivugaho.

Imanzi creations nayo yanyuze muri uyu mujyo aho yatangiye gukora ibikorwa bigamije guteza imbere ubukererugendo bw'u Rwanda by'umwihariko ku Banyarwanda bari imbere mu gihugu, hakibandwa ku bakiri bato.

Bakoze umukino kuri ubu uboneka kuri 'Google Playstore' witwa 'Fish with Ngunda' ufasha uri kuwukina kuryoherwa n'ibyiza byo kuroba mu Kiyaga cya Kivu, binagendanye no kumenya amateka n'inkuru z'abana zakunzwe zirimo nk'iya Ngunda.

Umuyobozi wa Imanzi Creations, Umuhire Ruzigana Credia, yavuze ko uyu mukino ukinwa umuntu ajyana na Ngunda kuroba ariko hakaba harimo utundi dufi tw'umukara dushobora gutuma utabasha kuroba nk'uko ubyifuza, cyangwa se tukarya izo wamaze kuroba mu gihe utazibitse.

Yavuze ko bahisemo gutegura umukino nk'uwo mu rwego rwo gukomeza gufasha Abanyarwanda bifuza gutembere no kumenya ibyiza bitatse Igihugu binyuze muri uwo mukino.

Yagize ati 'Icyo dushaka ni ukumenyekanisha ibyo mu Rwanda n'amazina y'amanyarwanda mu buryo bumwe cyangwa ubundi, bitewe n'ibyo abantu batandukanye bakunda.'

Yakomeje agira ati 'Ubu noneho twifuje guhuza iyo mikino n'ubukerarugendo, nubwo ari ikintu kitoroshye ariko birashoboka. Dushaka kwifashisha za nkuru za kera zaba mpimbano cyangwa mpamo tukazikoresha tugamije kugira icyo tugeza ku Banyarwanda bakora ubukerarugendo.'

Umuhire yatanze urugero ku mukino wa Ngunda bamaze gukora agaragaza ko uwukina aba areba ibyiza bitatse Ikiyaga cya Kivu ndetse hasi hashyirwaho n'aho yakanda akabasha kubona aho yatemberera hameze nk'aho yakiniraga.

Ati 'Icyo dushaka gukora ni uko Ngunda muri rwa rugendo rwe rwo gushaka ibyo kurya aba agenda yerekana ahantu hatandukanye umuntu ashobora gusura ku buryo umuntu ashobora kuvuga ko yasura Kivu, Akagera n'ahandi ashobora kumenya ibikorwa biberamo binyuze muri ya mikino.'

Yakomeje ati 'Mu rwego rwo kuzamura ishusho y'ubukerarugendo tubona bizafasha cyane mu kongera ba mukerarugendo b'Abanyarwanda binyuze mu kubereka ko ahantu ho gusurwa hahari no kuhabakundisha, aho kumva ko gusura mu Rwanda bihenze.'

Ubusanzwe Imanzi Creations ikora ibikorwa bitandukanye bigamije gufasha abantu kumenye amateka, amazina nyarwanda, imigani n'ibindi binyuze mu nyandiko, inkuru zishushanyije, imikino izwi nka 'Puzzle' ndetse n'indi ikinwa hifashishijwe telefoni.

Kugeza ubu gukoresha umukino wa Ngunda byaratangiye kandi mu bawukina, Abanyarwanda barimo barenga 75% mu gihe abandi bari hanze y'u Rwanda.

Uretse gukina uyu mukino ufite intego yo gutembera no kumenya amateka y'ahantu hatandukanye hagize ubwiza nyaburanga, Imanzi Creations bateganya ko mu minsi iri imbere umuntu uzajya ugira amanota menshi kuruta abandi mu mukino yazajya ahembwa gutemberezwa ha handi yakiniraga nk'ishimwe.

Imwe mu mishinga Imanzi Creations bafite kandi ni uko mu by'umweru bibiri bazasohora undi mukino uri mu buryo bw'amagambo usobanura inyamaswa ziboneka mu Rwanda, bifuza kandi kugeza ibyo bakora ku bantu benshi bakagira n'inzu ibarizwamo ibyo bakora nibura umwaka utaha.

Imanzi Creations isanzwe ikora ibikorwa bigamije kwigisha abana amateka binyuze mu nkuru zishushanyije, igaragaza ko hakiri imbogamizi zo kugera ku bana bo mu bice by'icyaro kandi nabo bakeneye kumenya ayo mateka.

Kuri ubu hari gushakwa igisubizo cy'uko bagera ku bana bose binyuze mu kugirana amasezerano y'imikoranire n'Urwego rw'igihugu rushinzwe Uburezi bw'Ibanze mu Rwanda (REB), ku buryo ibyo bakora byakwifashishwa mu mashuri.

Abakoresha telefoni zigezweho bashobora gukina uyu mukino

Inkuru z’abana zakunzwe nka Ngunda nizo zifashishwa muri uyu mukino

Uyu mukino ushobora kuboneka kuri Google Playstore

Umuyobozi wa Imanzi Creations, Umuhire Ruzigana Credia, yavuze ko bafite intego yo gushishikariza Abanyarwanda gusura ibyiza nyaburanga by’u Rwanda

Umukino wa Ngunda ushobora gufasha uwukina kumenya byinshi ku Kiyaga cya Kivu

Mu itangazo bashyize ku mbuga nkoranyambaga zirimo Twitter, bavuze ko Nimwiza Meghan wabaye Nyampinga w'u Rwanda 2019 'yatandukanye n'umuryango wa Miss Rwanda.'

Rwanda Inspiration Back Up yavuze ko mu gihe Miss Nimwiza yari amaze ari mu nshingano nk'Umuvugizi wa Miss Rwanda, yagaragaje umurava n'umuhate.

Bamwifuriza amahirwe masa mu byo yerekejemo. Muri iri tangazo, ntibasobanura impamvu yatumye Nimwiza Meghan ava ku kazi.

Mu gitondo cyo kuri uyu wa Kabiri, nibwo amakuru yatangiye gusakara ko Nimwiza Meghan yamaze gusezera kuri Miss Rwanda Organisation yagezemo mu 2020.

Miss Nimwiza Meghan yari Umuvugizi wa Miss Rwanda. Iradukunda Elsa wabaye Nyampinga w'u Rwanda 2017 ayobora ishami rishinzwe abafatanyabikorwa [Director of Partnership], ni mu gihe Iradukunda Liliane wabaye Miss Rwanda 2018 ashinzwe guhuza ibikorwa.

Amakuru yizewe agera kuri INYARWANDA aravuga ko Miss Nimwiza Meghan yavuye muri Miss Rwanda Organisation kubera akazi yabonye ko gukora mu ruganda rwa Sima, Prime Cement, ruherereye mu Karere ka Musanze mu Majyaruguru y’u Rwanda.

Sima ni kimwe mu bikoresho by’ibanze byifashishwa cyane mu mirimo y’ubwubatsi.

Uru ruganda ruherutse kugira 'Brand Ambassador, Mutesi Aurore Kayibanda wabaye Nyampinga w'u Rwanda 2009, ndetse Uwase Hirwa Honorine wamamaye nka 'Igisabo' ni umukozi muri uru ruganda ushinzwe ibijyanye n'iyamamazabikorwa.

Miss Nimwiza Meghan azakomeza gukorana na Miss Rwanda mu bijyanye n'ubujyanama, cyangwa se igihe yaba akenewe mu Kanama Nkemurampaka no mu bindi bikorwa bitarimo kuvugira iri rushanwa.

Miss Nimwiza Meghan yabonye akazi mu ruganda rukorera sima mu Karere ka Musanze, Prime Cement

Rwanda Inspiration Back Up yashimye Nimwiza Meghan ku bw'umurava n'umuhate yagaragaje mu kazi yari ashinzwe 

Nimwiza Meghan yatangiye gukorana na Miss Rwanda Organisation kuva muri Gicurasi 2020 

Nimwiza Meghan yagiye agirana ibiganiro bitandukanye n'ibitangazamakuru asobanura byinshi ku irushanwa rya Miss Rwanda n'ibindi 

Miss Nimwiza Meghan yashimye Rwanda Inspiration Back Up ku cyizere yamugiriye

Kuri uyu wa Mbere nimugoroba ni bwo Sheikh Tamim bin Hamad Al-Thani yahuriye mu ngoro ye, Al Bahr Palace, na Amb. Nkulikiyinka na mugenzi we Dr. Emmanuel Enos wari uhagarariye Ghana muri Qatar, ngo bamusezereho nyuma yo gusoza imirimo yabo muri iki gihugu.

Ambasaderi Nkulikiyimfura François yasoje inshingano ze nka Ambasaderi w'u Rwanda muri Qatar. Inama y'Abaminisitiri yateranye ku wa 9 Mata 2022, yamugize Ambasaderi w'u Rwanda mu Bufaransa.

Sheikh Tamim bin Hamad Al Thani yamuhaye umudali witwa Al Wajbah Decoration. Uyu mudali uhabwa ba ambasaderi b'ibihugu by'amahanga muri Qatar, ba Minisitiri bungirije, abayobozi bakuru na ba ambasaderi b'icyo gihugu. Ushobora kandi no guhabwa abandi mu kuzirikana ibikorwa by'indashyikirwa bakoreye igihugu cyangwa ikiremwamuntu.

Ukoze muri zahabu y'umuhondo ivanze n'iy'umweru, ukaba utatswe n'utubuye twa diamant na sapphire 184 dushushanya amabara y'ibendera rya Qatar.

U Rwanda na Qatar bisanzwe bifitanye umubano mu ngeri zitandukanye, wanashimangiwe n'amasezerano y'ubufatanye yasinywe ubwo Emir Sheikh Tamim bin Hamad al Thani, yagiriraga uruzinduko i Kigali muri Mata 2019.

Aya masezerano yasinyiwe i Kigali yaje akurikira ayashyiriweho umukono i Doha muri Qatar ubwo Perezida Kagame yagiriraga uruzinduko muri iki gihugu rwabyaye imikoranire mu bijyanye n'indege, guteza imbere no kurengera ishoramari n'amasezerano y'ubufatanye ku butwererane mu bijyanye n'ubukungu, ubucuruzi na tekiniki.

Muri Gicurasi 2017 u Rwanda na Qatar nabyo byashyize umukono ku masezerano yo gushyiraho imikoranire mu bya dipolomasi.

Mbere y'aho ku wa 26 Gicurasi 2015, ibihugu byombi byasinye amasezerano y'ubufatanye mu birebana no kurwanya ibiyobyabwenge.

Ibihugu byombi bisanzwe bifitanye imikoranire iganisha ku ishoramari aho mu Rwanda hari abanyemari benshi bo muri Qatar ndetse indege za Qatar Airways zikora ingendo zihuza Doha na Kigali n'ibindi byerekezo birimo na Dubai.

Abanya-Qatar bakomeje kugaragaza ubushake bwo gukorera mu Rwanda aho mu mpera za 2018 u Rwanda rwakiriye itsinda ry'abashoramari baturutse muri icyo gihugu barambagiza amahirwe ahari.

Qatar yemeye gushora imari mu Kibuga Mpuzamahanga cy'Indege cya Bugesera kiri kubakwa.

Umuyobozi w'Ikirenga (Emir) wa Qatar, Igikomangoma Sheikh Tamim bin Hamad Al Thani, yashimiye Ambasaderi Nkulikiyimfura François