Category: Uncategorized

Ku gicamunsi cyo kuri uyu wa Kane tariki ya 21 Mata 2022, APR FC yari yakiriye Amagaju FC kuri Stade ya Kigali i Nyamirambo mu mukino wo kwishyura mu gikombe cy'Amahoro, nyuma yuko umukino ubanza wabereye i Nyagisenyi wari warangiye APR FC itsinze Amagaju igitego 1-0.

Bidatunguranye Amagaju yongeye kurushirizwa mu mujyi wa Kigali, ahatsindirwa ibitego 3-0 mu mukino wo kwishyura, byatsinzwe na Nshuti Innocent ku munota wa 8', uyu rutahizamu yongeramo ikindi ku munota wa 30, mu gihe Kwitonda Alain yatsinze igitego cy'agashinguracumu ku munota wa 42.

Amagaju yasezerewe atsinzwe ibitego 4-0 mu mikino yombi.

APR FC yasanze muri ¼ amakipe arimo Rayon Sports, Police FC na AS Kigali, nk'amakipe ahabwa amahirwe yo kuvamo imwe izegukana iki gikombe.

Nta kipe yo mu cyiciro cya kabiri yarenze muri 1/8 kuko yose yasezerewe atarenze umutaru.

Amakipe 8 yageze muri ¼ cy'igikombe cy'Amahoro 2022: Rayon Sports, APR FC, AS Kigali, Police FC, Bugesera FC, Etoile de l'Est, Manine FC na Gasogi United.

Uko amakipe azahura muri 1/4 kirangiza:

Bugesera FC vs Rayon Sports

AS Kigali vs Gasogi United

Etoile De L'Est vs Police FC

Marines FC vs APR FC 

APR FC yageze muri 1/4 mu gikombe cy’Amahoro yisasiye Amagaju FC

Rayon Sports yageze muri 1/4 mu gikombe cy’Amahoro itsinze Musanze FC ibitego 3-1

Aba barimu ni icyiciro cya kabiri nyuma y'abandi 25 bagiye kumara imyaka ibiri mu Rwanda bahugura abarimu bigisha uru rurimi binyuze mu mushinga 'Mobilité des Enseignants' wa OIF.

Uyu mushinga watangijwe n'Umunyamabanga Mukuru w'Umuryango w'Ibihugu Bikoresha Igifaransa, Louise Mushikiwabo, hagamijwe guteza imbere Igifaransa mu bihugu binyamuryango byagaragaje ko bikenewe, utangirira mu bihugu birimo u Rwanda, Ghana na Guinnée. Biteganyijwe ko uzagera mu bihugu 10.

Umuyobozi ushinzwe ururimi rw'Igifaransa n'uruhurirane rw'imico muri OIF, Nivine Khaled, yavuze ko hatoranywa abarimu mu bihugu bikoresha Igifaransa bigaragara ko bafite ubushobozi bwo kugira uruhare mu kunoza imyigishirize y'uru rurimi. Iyi porogaramu imara umwaka umwe wongerwa inshuro imwe.

Umunyamabanga wa Leta ushinzwe amashuri abanza n'ayisumbuye muri Minisiteri y'Uburezi, Twagirayezu Gaspard, yavuze ko aba barimu bategerejweho umusanzu wo ku rwego rwo hejuru uzatuma Igifaransa kirushaho kumenyekana.

Yavuze ko kumenya ururimi rwa kabiri cyangwa urwa gatatu ku Banyarwanda ari amahirwe akomeye muri iki gihe Isi igenda itera imbere mu nzego zose by'umwihariko ku Rwanda rugenda rwihuza n'ibihugu byo mu karere no ku rwego mpuzamahanga.

Ati 'Kugira ngo uku kwihuza kugere ku musaruro bigomba kunyura no mu ikoreshwa neza ry'indimi z'amahanga. Ikoreshwa ry'indimi nyinshi si amahitamo ahubwo ni kimwe mu bikenewe n'igihugu cyose gikeneye gutera imbere mu buryo bwihuse kandi burambye.'

Umuyobozi w'Ishami rishinzwe iterambere n'Imicungire y'Abarimu mu Rwego rw'igihugu rushinzwe uburezi bw'Ibanze, REB, Mugenzi Ntawukuriryayo Léon, yavuze ko mu barimu basanzwe bigisha Igifaransa harimo abataracyize neza bityo aba banyamahanga bagiye gushyiramo ikibatsi kugira ngo cyongere gukoreshwa mu mashuri.

Ati 'Ni abaje kudufasha kongera ubumenyi bw'abarimu basanzwe bigisha urwo rurimi n'abanyeshuri. Barimo abaje kongerera ubushobozi abarimu n'abazajya mu mashuri bakigisha. Bazashyirwa mu mashuri y'inderabarezi, TTC kugira ngo bigishe abarimu b'ejo bamenye urwo rurimi hakiri kare.'

Ikindi ni uko mu mahuri abanza ya leta, Igifaransa cyigishwaga guhera mu mwaka wa kane ariko hamwe n'iyi porogaramu, hifuzwa ko kizajya gihera mu mwaka wa Mbere.

Igifaransa nk'isomo kandi kigiye gushyirwa ku rutonde rw'amasomo abazwa mu bizamini bya leta nk'uko Mugenzi yabisobanuye.

Ati 'Isomo ryose ryigishwa riba rigomba kubazwa mu kizamini cya leta. Rimwe na rimwe abanyeshuri iyo bazi ko batazaribazwa ntibashobora kuryiga neza. Ni zimwe mu ngamba zigiye gushyirwaho kugira ngo Igifaransa gikundwe n'abanyeshuri kandi kimenyekane neza.'

U Rwanda ni rwo ruzahemba aba barimu

Mugenzi yasobanuye ko mu masezerano u Rwanda rwagiranye na OIF arimo ko Guverinoma y'u Rwanda ari yo izishyura umushahara kuri abo barimu 45 baje mu cyiciro cya kabiri.

Ati 'OIF yishyuye abo mu cyiciro cya mbere ariko Guverinoma imaze kubona ko batanze umusaruro mu mashuri barimo yafashe umwanzuro wo kubishyura.'

Yavuze ko batagomba guhembwa nk'abarimu b'imbere mu gihugu kuko baba bigomwe byinshi birimo no gusiga imiryango yabo.

Ku mwaka Guverinoma y'u Rwanda ishobora gutanga amafaranga arenga miliyari imwe agenda ku bikorwa birimo n'ibikoresho bikenerwa.

Aba barimu bafatwa nk'abakorerabushake baturuka mu bihugu birimo Gabon, Côte d'Ivoire, RDC, Guinnée, Mali, Sénégal, Bénin, Togo, Cameroun, u Burundi, Burkina Faso n'u Bufaransa.

Raporo iheruka ya OIF mu 2018 igaragaza ko Igifaransa cyavugwaga n'abagera ku bihumbi 300. Biteganyijwe ko mu 2060 bazaba bageze kuri miliyoni 700.

Aba barimu batoranyijwe hashingiwe ku bushobozi bwabo mu myigishirize y’Igifaransa

Abarimu 45 bakiriwe uyu munsi basanze abandi bakiriwe mu cyiciro cya mbere bageraga kuri 25

Umuyobozi Mukuru wa REB, Dr Mbarushimana Nelson atanga ikaze kuri aba barimu b’abanyamahanga bagiye gufasha mu myigishirize y’Igifaransa mu Rwanda

Umunyamabanga wa Leta ushinzwe amashuri abanza n'ayisumbuye muri Minisiteri y'Uburezi, Twagirayezu Gaspard, yavuze ko aba barimu bategerejweho umusanzu wo ku rwego rwo hejuru uzatuma Igifaransa kirushaho kumenyekana

Umuyobozi ushinzwe ururimi rw'Igifaransa n'uruhurirane rw'imico muri OIF, Nivine Khaled

Amafoto:Igirubuntu Darcy

Nyuma y’uko amakipe agomba gukina ¼ cy’igikombe cy’Amahoro amenyekanye byahise bigagaraza uko uzahura muri muri iki cyiciro aho APR FC izakina na Marines FC, Rayon Sports izahura na Bugesera FC.

Imikino ya 1/8 yasojwe uyu munsi ari nabwo hamenyekanaga ikipe ya 8 ijya muri 1/8 ari yo ya APR FC yasezereye Amagaju ku giteranyo cy’ibitego 4-0, umukino ubanza yari yayitsinze 1-0.

Uretse APR FC andi makipe ni; AS Kigali, Rayon Sports, Bugesera FC, Etoile del’Est, Police FC, Marines na Gasogi United.

AS Kigali yasezereye Etincelles FC ku giteranyo cy’ibitego 4-2, Rayon Sports yatsinze Musanze FC 3-1 mu mikino yombi, Bugesera FC 1-0 Gicumbi FC, Etoile del’Est yatunguye Mukura VS iyitsinda 3-2, Marines FC yanganyije na Kiyovu 2-2 mu mikino yombi (ubanza Kiyovu yatsinze 1-0), Marines ikomeza kubera yatsinze ibitego byinshi hanze ni mu gihe Gasogi United yasezereye Sunrise kuri 2-1.

Muri ¼, APR FC izahura na Marines FC, AS Kigali izakina na Gasogi United, Rayon Sports ikine na Bugesera FC ni mu gihe Police FC igomba gukina na Etoile del’Est.

Imikino ibanza ya ¼ iteganyijwe tariki ya 26 Mata ni mu gihe iyo kwishyura iteganyijwe tariki ya 4 Gicurasi 2022.

APR FC niyo yabonye itike bwa nyuma

Iki cyaha akurikiranyweho cyabaye kuwa 26 Werurwe, 2022, mu Murenge wa Rukira mu Karere ka Ngoma.

Uyu musirikare usanzwe ubarizwa muri Batayo ya 109 mu ngabo z’Igihugu, yasabye uruhushya rwo kujya gusura umuryango we, maze nyuma y’iminsi ibiri ageze mu rugo, ashaka abakozi bamwubakira inkingi z’urugo (igipangu ari naho amakimbirane yatangiriye).

Icyo gihe umugore we yamubwiye ko atabyemera kuko batari babyumvikanyeho, mu gihe mbere yari yamusabye ko yamwubakira inzu acururizamo, kugira ngo ijye imufasha kurihira abana.

Uyu mugabo yamenyesheje inzego z’ibanze ko hari ibyo batumvikana n’umugore we, maze zimusaba ko yakemura ibibazo bafitanye.

Uyu mugabo yaje kujya mu kabari ataha mu masaha y’ijoro yasinze maze mu gicuku, avuga ko adashobora kwihanganira agasuzuguro k’umugore.

Mu gitondo ubwo umugore yari gutegura amafunguro nibwo yakubise urushyi umugore we, amujyana hanze, amukubita hasi, umugabo amujya hejuru, niko gufata ifuni ayimukubita mu mutwe kugeza apfuye.

Mu byo Ubushinjacyaha bushingiraho bumusabira iki gihano ni uko yabikoze yabigambiriye.

Mu iburanisha ryo ku wa Kabiri tariki ya 19 Mata, 2022 ryabereye mu ruhame, Sergeant Majoro Niyigabura, yisobanuye avuga ko yabikoreshejwe n’umujinya bityo ko asaba imbabazi.

Yagize ati: “Namukubise urushyi maze kurumukubita afata umwase agiye kuwunkubita mu mutwe ndawukinga, ubwo umujinya wahise uzamuka, nahise nkora muri bya biti harimo agasuka nkamukubita mu mutwe. Ariko mu by’ukuru nabitewe n’umujinya mwinshi.”

Umucamanza yabajije Sergeant Major Niyigabura impamvu atamuretse mu gihe yari amaze kugwa hasi.

Yisobanura ayavuze ko mu by’ukuri atamenye incuro yamukubise ngo kuko yabitewe n’umujinya yari afite.

Ubushinjacyaha bwa gisirikare mu bimenyetso bugaragaza by’uko yari abigambiriye birimo kuba yarakoresheje ifuni mu kumwica ndetse no kuba atararekeye gukomeza kumukubita.

Mu bindi bushingiraho, birimo kuba yari yaravuze ko amwica maze akishyikiriza Urwego rw’Igihugu rw’Ubugenzacyaha, RIB maze busaba ko yafungwa burundu hagendewe ku bimenyetso.

Urukiko rwa Gisirikare rwatangaje ko umwanzuro uzatangarizwa mu ruhame ku wa 25 Mata, 2022 saa sita z’amanywa.

Yabigarutseho mu kiganiro yagejeje mu buryo bw’ikoranabuhanga ku itsinda ryo muri Brown University kuri uyu wa Gatatu, ryari riyobowe na Stephen Kinzer.

Ku wa 14 Mata nibwo Guverinoma y’u Rwanda yasinye amasezerano n’iy’u Bwongereza, muri gahunda y’imyaka itanu izatuma rwakira abimukira benshi binjiye muri icyo gihugu mu buryo budakurikije amategeko.

Muri urwo rugendo, u Bwongereza bwemeye gushora mu Rwanda miliyoni 120£ (miliyari zirenga 120 Frw), mu mahirwe atandukanye ku Banyarwanda n’abimukira, mu nzego zitandukanye nk’uburezi.

Ni icyemezo u Rwanda rwafashe nyuma yo kubona ikibazo cy’abimukira gikomeza gukara, ugasanga n’uburyo bushyirirwaho gukemura icyo kibazo “ntabwo bukora”.

Perezida Kagame yagarutse kuri iki kibazo, ahera mu 2018 ubwo Abanyafurika benshi bari baraheze muri Libya, ubwo bageragezaga kwambuka ngo bajye mu Burayi.

Bamwe bapfuye bagerageza kwambuka inyanja ya Méditerranée, abandi bashyirwa muri za gereza mu mijyi itandukanye ya Libya, barahahera.

Inzego zirimo UNHCR zageragezaga gushakira umuti icyo kibazo nazo ngo zari zaraheze mu cyeragati.

Perezida Kagame wari ayoboye Umuryango w’Ubumwe bwa Afurika (AU) ngo ikibazo cyamugezeho, asanga u Rwanda atari igihugu kinini, gikize, ariko hari ibisubizo rwazana mu gutanga umusanzu.

Uburyo butatu bwashyizwe ku meza

Perezida Kagame yavuze ko babwiye inzego mpuzamahanga n’ibihugu byageragezaga guhangana n’ikibazo, ko abo bimukira bashobora kuzanwa mu Rwanda.

Yakomeje ati “Nibaza mu Rwanda, dushobora no kubemerera kuguma mu Rwanda kubera ko nubwo imibereho yacu atari myiza kurusha ahandi ku Isi cyangwa ngo ibe iri hafi aho, ibyo twaha aba bantu ni byiza kurusha kuba muri gereza muri Libya idafite guverinoma , kandi benshi bari barimo gupfirayo.”

Icyo gihe ngo yashimangiye ko ibyo u Rwanda rwatanga biruta gukomeza kujya mu Burayi ugapfira muri Méditerranée .

Ingingo ya kabiri itari ukuguma mu Rwanda, ngo kwari ukuhazanwa mu gihe hagishakwa ibindi bihugu byabemera, ariko hagati aho bakaba batekanye.

Amahirwe ya gatatu ngo yari uko abo bantu bavuga ko bashaka gusubira mu bihugu byabo, ntibashake gukomeza kujya mu Burayi cyangwa ngo bagume muri Libya.

Perezida Kagame yakomeje ati “Hari bamwe bavuye muri Libya baje mu mezi make ashize, hari n’abandi amagana bamaze kunyuzwa mu nzira ziteganywa bari muri izi nkambi mu Rwanda bajyanywe muri Canada, ibice bitandukanye by’u Burayi, u Bufaransa, ibihugu byo muri Scandinavia ndetse no mu Bwongereza ubwabwo, Leta Zunze Ubumwe za Amerika… byakomeje kuba.”

Ikibazo cy’abimukira i Burayi

Perezida Kagame yavuze ko u Bwongereza bwegereye u Rwanda bushingiye ku mateka n’uburyo rwatanze umusanzu mu gukemura ikibazo muri Libya.

Yavuze ko muri iki gihe u Burayi buhanganye n’ibibazo by’abimukira, bitizwa umurindi n’abantu babajyanayo rwihishwa kandi bakabikoreramo amafaranga menshi.

Kenshi ngo usanga abo bimukira bavuga ko barimo guhunga itotezwa mu bihugu byabo, ari n’ukuri.

Perezida Kagame yakomeje ati “Ariko ntabwo ari igihe cyose, kubera ko bamwe muri bo usanga babasha kwishyura ibihumbi by’amayero, amadolari cyangwa amapawundi, kugira ngo bajyanwe rwihishwa muri ibyo bihugu.”

“Bamwe muri bo ni abantu bafite amafaranga cyangwa badafite ibyo bibazo nko gutotezwa, ni ukuba ashobora kwishyura ubundi akabona inzira umujyana.”

Yavuze ko umuntu akoze ubushakashatsi akabaza n’abanyarwanda cyangwa abandi banyafurika, niba bishimiye kuba hano cyangwa niba bashaka kujya mu Burayi, Amerika cyangwa Canada, amahitamo ya mbere y’aba bantu 'yego, yego, yego, dushaka kugenda, tujyaneyo'.

Ni igisubizo ngo wabona nubwo baba bagiye kubaho ubuzima bubi kurusha ubwo babayemo.

Ntabwo u Rwanda ruri mu bucuruzi

Perezida Kagame yavuze ko u Bwongereza bwemeye kwegera u Rwanda mu gushaka umuti, kuko budakeneye ko abo bimukira bakomeza kwisukiranyayo.

Hagati aho ngo hazajya haba isesengura harebwa abimukira bushobora kwakira cyangwa kutakira, ariko bikaba bari mu Rwanda.

Perezida Kagame yakomeje ati “Nubwo baba bari hano, bamwe muri bo bashobora gusubizwayo (mu Bwongereza), mu buryo bujya gusa n’ubwo navuze kuri Libya, aho abo bantu bavanwa muri Libya bakazanwa hano, hagashakwa igisubizo rimwe na rimwe bigafata igihe.”

“Bamwe baracyategereje, bari hano, ariko bari hano ari bazima, bitabwaho neza uko bishoboka, kandi umuryango mpuzamahanga wakomeje gufasha muri iyo gahunda.”

Perezida Kagame yavuze ko kwibwira ko u Rwanda rurimo gukorera amafaranga muri ibi bibazo byaba ari ukwibeshya.

Yakomeje ati “Rero byaba ari ukwibeshya kugera ku mwanzuro ngo u Rwanda rwabonye amafaranga, ntabwo ari ubucuruzi, ntabwo turimo gucuruza abantu ! Ntabwo ariko bimeze. Turimo gutanga ubufasha, nababwiye aho bitangirira.”

“U Bwongereza buzatanga ubushobozi bukenewe ngo aba bantu babone imibereho myiza bari hano, mu gihe bakireba niba bishoboka ko basubira mu Bwongereza cyangwa se u Bwongereza bushobora gukorana n’ibindi bihugu ngo byakire bamwe muri bo, n’ibindi.”

Israel yarabigerageje biranga

Mu mwaka wa 2014, Israel iyobowe na Minisitiri w’Intebe Benjamin Netanyahu yaganiriye n’u Rwanda kugira ngo rube rwakwakira abimukira bajyagayo mu buryo butemewe.

Icyo gihe abatemera kujya mu Rwanda bagombaga guhitamo gufungwa, bisa n’agahato maze urukiko ruza kubihagarika mu 2017.

Bivugwa ko buri muntu u Rwanda rwari kwakira yagombaga gutangwaho 5.000$ azamufasha ahageze.

Perezida Kagame yavuze ko ikibazo cyishe ubwo bwumvikane cyaturutse muri Israel.

Ati “Haje ikibazo ko bahatirwaga kuva muri Israel, kandi muri make nicyo cyishe amasezerano. Kubera ko ntabwo bagombaga guhatira abantu kuza mu Rwanda. Byari ku bushake, nicyo twari twemeranyije. Nanone, icyatumye tubirebaho, benshi muri bo bari abavandimwe bo muri Afurika, benshi muri bo bakomokaga muri Ethiopia, Eritrea n’ibindi bihugu byo hafi aho.”

“Bari barimo kujugunywa hanze, turavuga ngo oya, aho kugira ngo baze bafatirwe hagati y’imbaraga zishaka ko basohoka mu gihugu n’amategeko avuga ngo oya mukwiye kuba hano, bikarangira ntacyo babonye, twaravuze ngo ntabwo turi igihugu kinini, ariko twumva ko twakwakira abantu benshi barimo kujugunywa hanze ahantu hatandukanye.”

Icyo gihe ngo amasezerano yari yumvikanyweho yahise ahagarikwa.

Perezida Kagame yakomeje ati 'Ntekereza ko batazanye hano na 30 ku ijana by’abo twari twemeranyije ko bazazana hano, ni uko byarangiye.'

U Rwanda rusanzwe rwakira impunzi nyinshi n’abimukira, ndetse hari n’abahamaze igihe kirekire cyane. Kuri ubu habarirwa impunzi zigera mu 130,000, harimo Abanye-Congo 77.288.

Indege ya sosiyete y'u Rwanda y'ubwikorezi bwo mu kirere kuri uyu wa Gatatu mu gitondo yaranyereye igwa inyuma y'ikibuga mu byo isesengura ry'ubuyobozi bwa RwandAir na UCAA ryabanje kuvuga ko byatewe n'ikirere kitari kimeze neza.

Iyi ndege ikorera ingendo ziva Kigali zigana Nairobi ifite imyanya 75 y'abagenzi. Abari bayirimo bose ntacyo babaye nk'uko iki kigo cyabisobanuye mu itangazo cyashyize ahagaragara.

RwandAir yatangaje ko iki kibazo kiri kwigwaho kandi ko iri gukurikiranira hafi abakiliya bayo bari muri uru rugendo.

Itangazo rya RwandAir rigira riti 'Abakozi bacu bahuguwe mu bijyanye no gutwara indege mu bihe bitandukanye harimo n'igihe ikirere cyabaye kibi.' Rikomeza rigira riti “Umutekano w'abakiliya n'abakozi bacu ni cyo dushyira imbere.”

Nyuma y'iyi nsanganya, igice kimwe cy'ikibuga cy'indege cya Entebbe (17/35) cyarafunzwe by'agateganyo, ibi bikaba byagize ingaruka ku zindi ngendo z'indege zari ziteganyiwe.

Ikigo cya Uganda gishinzwe iby'indege za gisivile (UCAA), cyatangaje ko ikindi gice (12/30) ari cyo cyifashishijwe ku ndege nto mu gihe hari hategerejwe ko indege ya RwandAir ikurwa mu nzira kugira ikibuga cyongere gukoreshwa mu buryo bwuzuye, ibi bikaba byagezweho ahagana saa kumi n'imwe n'igice z'umugoroba nk'uko mu butumwa cyanyujije kuri twitter bubivuga.

Iyi ndege yanyereye ku kibuga cya Entebbe kuri uyu wa Gatatu

Umuholandi Erik Ten Hag yagizwe umutoza wa Manchester United asimbuye Ralf Rangnick wari umutoza w’agateganyo.

Manchester United yemeje ko uyu mugabo w’imyaka 52 wari umaze imyaka 4 atoza Ajax yo mu Buholandi ari we ugomba gukomezanya n’iyi kipe kugeza 2025 aho ashobora kwiyongeraho umwaka umwe.

Ten Hag yavuze ko agiye kuza muri Manchester United azi amateka yayo, gusa ngo bizamugora gusiga Ajax bitewe n’ibihe yagiriyemo.

Ati “Nzi amateka y’iyi kipe ikomeye n’ibyishimo by’abafana bayo, kandi niteguye kubaka ikipe ifite ubushobozi bwo kugera ku byiza bakwiriye.”

“Bizaba bigoye kuva muri Ajax nyuma y’iyi myaka itagira uko isa, kandi ndizeza abafana bacu umuhate wanjye wose kugira ngo uyu mwaka tuzawusoze neza bishoboka mbere y’uko njya muri Manchester United.”

Biteganyijwe ko azatangira akazi ko gutoza Manchester United umwaka utaha w’imikino.

Kuva 2013 Sir Alex Ferguson yasezera muri Manchester United, Ten Hag abaye umutoza wa 5 w’iyi kipe nyuma ya David Moyes, Louis Van Gaal, Jose Mourinho na Ole Gunnar Solskjaer.

Erik Ten Hag yagizwe umutoza wa Manchester United