Webrwanda Backend

Category: Uncategorized

  • Menya 7 biza ku isonga umukobwa yitaho kureba ko ufite igihe abona umushaka #rwanda #RwOT

    Ubu busesenguzi yihutira gukora mu minota mike abakobwa n'abagore benshi babuhuriyeho.

    Ntabwo butwara igihe kinini akwigaho ahubwo bifata igihe gito gishoboka.
    Ibi bintu bukurikira abakobwa n'abagore babyitaho iyo muhuye akabona ko hari icyo umushakaho:

    1.Imiterere y'umubiri wawe

    Imiterere y'umubiri wawe iba ivuze ikintu kinini kuri we. Abakobwa n'abagore benshi bakunda umusore wubatse umubiri.
    Bityo rero iyo muhuye yita kureba ibiro byawe n'ingano yawe.

    2.Isura

    Iki ni igice abakobwa n'abagore bakunda kwitaho.
    Iyo abonye ufite mu maso hakurura atangira kukwiyumvamo kabone n'ubwo waba uri muto muto.
    Iyo abonye ufite mu maso hagaragara nabi kukwiyumvamo biva kure.
    Mu bintu yita kureba mu maso harimo ubwanwa, amaso, umusatsi, umunwa,…

    3.Uko ugaragara

    Hano harimo uko wifata, uko ukora umusatsi, imigaragarire yawe muri rusange.
    Hano kandi n'imyambarire nayo ayitaho cyane.

    4.Icyizere

    Ucyivuga ijambo rya mbere riba rihagije guhita icyizere wifitiye kigaragara.
    Buri mukobwa cyangwa umugore akururwa n'icyizere yakubonyemo.

    5. Ibiganiro

    Igihe utagira ibiganiro ngo abyishimire kukwiyumvamo biba biri kure kabone n'ubwo yaba yanyuzwe na bimwe byavuzwe ruguru.
    Nta mukobwa cyangwa umugore wifuza ikintu kimubangamiye.

    6.Gusetsa
    Abakobwa bakunda umuntu ubaganiriza bakishima. Igihe ugira ibiganiro ushobora kumusetsa biroroha kwigarurira umutima we.

    7.Inseko
    Uburyo useka kuri we abona koko niba uri umwizerwa cyangwa uri indyarya.
    Iyo akubonamo ko wakwizerwa byoroha kukwiyegurira.

    Wowe wibwiraga ko umukobwa cyangwa umugore afata igihe kinini akwigaho siko bimeze ahubwo atangira bwa mbere mugihura.

    Ibi rero bakaba byafasha wowe ugiye kwinjira cyangwa ugiye gushaka umubano n'uko wakwitwararika.

    Refe:elcrema.com

    Source : https://umuryango.rw/ubuzima-115/udushya/article/menya-7-biza-ku-isonga-umukobwa-yitaho-kureba-ko-ufite-igihe-abona-umushaka

  • Kigali :Baratabariza Umukecuru w’Imyaka 90 wishyuzwa umusoro y’ubukode bw’ubutaka ungana na 4.300.000 Frw #rwanda #RwOT

    Kankundiye Gatarina ni umukecuru uri mu kigero cy’imyaka mirongo icyenda y’amavuko , atuye mu kagali ka Karama mu mudugudu wa Nyabyunyu mu murenge wa Kanombe mu karere ka Kicukiro.

    Ku va ahazwi nko kuri Radar ugera iwe bigufata hagati y’iminota mirongo itatu na mirongo ine uciye mu muhanda w’igitaka.

    Aha niho uyu mukecuru usabwa kwishyura imisoro ya miliyoni 4 zirenga atuye

    Iyo umubajije imyaka afite biragoye kuko ntazi n’agace tuyemo ,ijambo avuga gusa ni uko afite uburwayi akeneye ko bamuvuza .

    Afite imbaraga nke bigaragara ndetse no kugira ngo abe yasohoka mu nzu biragoye nta muntu aba ashaka guhura nawe.

    Agace atuyemo gakikijwe n’imirima n’ishyamba inzu atuyemo ifite ibyumba bibiri na salon irimo udutebe tubiri dushaje cyane.

    Nk’uko bigaragara ku mpapuro z’umusoro w’ubukode bw’ubutaka , buri mwaka yandikirwa umusoro aho kuri ubu , agejejemo agera kuri miliyoni enye n’ibihumbi Magana atatu z’amafaranga y’U Rwanda

    Abana n’abaturanyi bavuga ko atabasha kuyishyura kuko n’imirima imukikije si iye.

    Umukobwa we mukuru baturanye witwa Mujawamariya Velediana niwe umufasha mu mibereho ya buri munsi gusa akagaragaza ko nta bushobozi afite no kubona ibiryo byo kumuzanira bigoye kuko hashize igihe adahabwa inkunga y’ingoboka ihabwa abageze mu zabukuru.

    Aganira n’umunyamakuru wa Flash mu buhamya bwe avuga uburyo nyina umubyara amaze imyaka itanu yishyuzwa aya mafaranga y’ubukode bw’ubutaka kandi ko nta bushobozi afite ko kugira ngo yishyure byasaba ko agurisha aho atuye hakaba impungenge ko yabura aho aba.

    Yagize ati”Ikibazo afite ni icy’imisoro kuko ni myinshi twagiye kureba ikibazo cy’imisoro uko ingana dusanga irenga miliyoni enye ubwo rero gahunda yo gusora ni ikibazo byasaba ko hagurishwa aho atuye kandi ntiyabona aho yaba,turasaba ko yakurirwaho imisoro”

    Uyu mukobwa wa Kankundiye arasaba ko umubyeyi we yarenganurwa iyo misoro igakurwaho bitewe n’ubushobozi buke afite ni nabyo abaturanyi be bifuza.

    Umuturanyi we yagize ati”Ikibazo afite ni ikibazo cy’imisoro kandi kiragoye cyane,bibaye ngpombwa ko aho afite hagurishwa ntabwo yabona aho aba bakwiye kumufasha pe,kuko arashaje

    Mukeshimana Nadine nawe utuye mu mudugudu wa Nyabyunyu mu kagali ka Karama Yagize ati”Ubuyobozi bwakamugabanyirije imisoro kuko ayo bamwatse ni menshi ntabwo yaybona ,ubuyobozi nibumufashe rwose,kuko n’imirima imukikije si iye ku buryo yayigurisha akishyura imisor kandi arashaje cyane kuko na ho atuye atahibuka.”

    Ubutaka butatangiwe umusoro kuva muri 2014

    Iki kibazo ni gishya mu buyobozi bw’umurenge wa Kanombe.

    Umunyamabanganshingwabikorwa w’umurenge wa Kanombe bwana Nkurunziza Idrissa avuga ko ari bwo akimenya iby’ iki kibazo ariko bagiye kugikurikirana kigashakirwa umuti urambye.

    Yagize ati’Twabanza kumenya ikibazo kuko nta cyangezeho bazaze ku murenge batwereke impapuro tubashe gukurikirana iki kibazo babanje kuza ku murenge tukareba uko kimeze.”

    Abaturanyi ba Kankundiye bavuga ko iki kibazo cyagejejwe mu buyobozi ku va ku rwego rw’akagali kugeza ku rwego rw’akarere gusa nta gisubizo kirambye bahawe nubwo bagaragaje ibimenyetso byose bifatika ,akaba yarahawe itariki ntarengwa yo kwishyura uyu musoro bitarenze mu kwezi kwa gatanu uyu mwaka wa 2022,nubwo uyu mukecuru we aba atazi iyo bigana.

    Source : http://www.ukwezi.rw/1-1/Amakuru-anyuranye/article/Kigali-Baratabariza-Umukecuru-w-Imyaka-90-wishyuzwa-umusoro-y-ubukode-bw-ubutaka-ungana-na-4-300-000-Frw

  • U Rwanda rwakiriye Micomyiza ukekwaho kugira uruhare muri Jenoside #Rwanda #RwOT via @kigalitoday #rwanda #RwOT

    Mu gitondo cyo kuri uyu wa Gatatu tariki 27 Mata 2022, Ubushinjacyaha bw’u Rwanda bwakiriye Jean Paul Micomyiza woherejwe na Suède kuburanishwa ku byaha bya (…)

    Source : https://www.kigalitoday.com/ubutabera/jenoside/article/u-rwanda-rwakiriye-micomyiza-ukekwaho-kugira-uruhare-muri-jenoside

  • #COVID19: Abantu batandatu bashya banduye babonetse mu bipimo 6,291 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Kabiri tariki 26 Mata 2022 mu Rwanda habonetse abanduye Covid-19 bashya batandatu, bakaba babonetse mu (…)

    Source : https://www.kigalitoday.com/ubuzima/indwara/article/covid19-abantu-batandatu-bashya-banduye-babonetse-mu-bipimo-6-291

  • Abatoza ba Arsenal bari mu Rwanda aho bari gu… – #rwanda #RwOT

    Kuri uyu wa gatanu muri Hoteri Marriott nibwo ishyirahamwe ry’umupira w’amaguru mu Rwanda FERWAFA, ryatangije amahugurwa y’abatoza 50 agamije kuzamura urwego rwabo ndetse no kubongerera ubushobozi.

    Abatoza 2 batoza irerero rya Arsenal, Simon McManus na Kerry Green  nibo bari gukoresha aya mahugurwa, yatangiye kuri uyu wa 26 azasozwa tariki 30 Mata uyu mwaka.

    Aya mahugurwa ari mu bufatanye bw’urwego rw’igihugu gishinzwe iterambere (RDB) n’ikipe ya Arsenal, aho ubu bufatanyije bwashyizweho umukono muri Kanama 2021 agamije iterambere ry’umupira w’amaguru.

    Abatoza bari guhugurwa barigishwa mu masaha ya mugitondo, hanyuma ku mugoroba bakajya mu mikorongiro ku kibuga cya  Cercle Sportif de Kigali.

    Abatoza 50 bari munama

    Muhire Henry umunyamabanga wa FERWAFA niye watangije aya mahugurwa ku mugaragaro

    Source : https://inyarwanda.com/inkuru/116669/abatoza-ba-arsenal-bari-mu-rwanda-aho-bari-guhugura-abatoza-basaga-50-babanyarwanda-116669.html

  • Peace Cup 2022: AS Kigali yateye intambwe iga… – #rwanda #RwOT

    Uyu mukino bisa nkaho wabaye uw’amateka kuko ubwo AS Kigali yatwaraga igikombe cy’Amahoro mu 2019 yari yasezereye Gasogi United nabwo muri 1/4.

    Wari umukino wa mbere umutoza Cassa Mbungo Andre atoje nyuma y’amasaha macye ahawe inshingano zo gutoza iyi kipe kugeza uyu mwaka w’imikino yarangiye.

    Ni umukino watangiye impande zombi zisatirana ndetse amakipe agaragaza inyota y’igitego.

    Uwakurikiye iminota 45 y’igice cya mbere yavuga ko yihariwe na Gasogi United kuko yageragejemo uburyo bwinshi bwo gutsinda ndetse ikaba yageze kenshi imbere y’izamu rya AS Kigali.

    Gasogi yahushije uburyo butatu bw’ibitego bwari bwabazwe ariko amahirwe ntiyabasekera.

    Abakinnyi barimo Malipangu Theodore, Nsengiyumva Moustapha na Djibrine bagoye cyane ubwugarizi bwa AS Kigali byanatumye Abakinnyi 4 b’iyi kipe y’Umujyi wa Kigali babona amakarita y’umuhondo.

    AS Kigali yanyuzagamo igasatira ibifashijwemo na Haruna wari kapiteni, Tchabalala, Lawal na Sefu.

    Umusifuzi Ruzindana Nsoro wayoboye uyu mukino yasifuye ko igice cya mbere kirangiye amakipe ajya kuruhuka anganya 0-0.

    Igice cya kabiri cyatangiranye impinduka ku ruhande rwa AS Kigali, who Kalisa Rashid yasohotse mu kibuga hinjira Niyibizi Ramadhan.

    AS Kigali yagarutse my gice cya kabiri yisubiyeho aho yakinnye umukino mwiza wo guhererekanya mu kibuga ndetse itangira kugera kenshi imbere y’izamu rya Gasogi.

    Mugheni Fabrice yahushije igitego cyabazwe imbere y’izamu wenyine ateye umupira cya hejuru y’izamu.

    Abakinnyi barimo Haruna na Lawal bavuye my kibuga baha umwanya Ndekwe Felix na Kayitaba Bosco.

    Ku munota wa 62′ Herone Berian Scarla wa Gasogi yakoreye ikosa Niyibizi Ramadhan ahabwa ikarita ya kabiri y’umuhondo yamuviriyemo ikarita itukura ahita asohoka mu kibuga.

    Ku munota wa 68′ ku mupira wari uturutse muri koruneri, Hussein Tchabalala yafunguye amazamu atsinda igitego cya mbere cya AS Kigali, igitego yatsindishije umutwe.

    Nyuma y’ikarita itukura no kwinjizwa igitego, Gasogi yagiye ku gitutu cya AS Kigali yacanye umuriro imbere y’izamu rya Gasogi.

    Ku munota wa 81 ku mupira wari uturutse kuri coup franc Yamini Salum yatsinze igitego cya Gasogi ariko umusifuzi yemeza ko habaye kurarira.

    Gasogi yabaye nk’ikangutse itangira gushaka igitego cya kwishyura nubwo abakinnyi bari bacye mu kibuga.

    Iminota 90 isanzwe y’umukino yarangiye AS Kigali iri imbere n’igitego 1-0, umusifuzi yongeraho iminota 4.

    Mu minota y’inyongera Cyuzuzo Gael yarokoye Gasogi United ubwo yari asigaranye na Kayitaba Bosco agakuramo umupira yateye.

    Umukino warangiye ku ntsinzi ya AS Kigali y’igitego 1-0 itera intambwe igana muri 1/2, aho igomba gutegereza umukino wo kwishyura.

    Undi mukino wa 1/4 wabereye i Ngoma, Police FC yatsindiye Etoile de l’ Est mu rugo ibitego 2-1.

    Ntabwo Kalisa yatanze umusaruro mywinshi muri uyu mukino 

    Iminota 90 ya mbere y’ubuki kuri Cassa Mbungo muri AS Kigali 

    AS Kigali yatsinze Gasogi United igitego 1-0

    Source : https://inyarwanda.com/inkuru/116671/peace-cup-14-as-kigali-yateye-intambwe-igana-muri-12-nyuma-yo-gutsinda-gasogi-yabakinnyi-1-116671.html

  • UEFA Champions League: Manchester City itsinz… – #rwanda #RwOT

    Umwe mu mikino myiza ishobora kuzaranga amateka ya Champions League usize Manchester City yari iwayo, itsinze Real Madrid ibitego 4-3, gusa bisiga Karim Benzema abaye umukinnyi ufite ibitego byinshi muri iri rushanwa n’ubwo ritararangira. Ni umukino utasabye imyiteguro myinshi mu ntangiriro zawo kuko ku munota wa gatatu gusa Manchester City yari imaze kwerekana ko iri mu rugo ubwo yafunguraga amazamu ku gitego cyatsinzwe na Kevin De Bruyne.

    Ntabwo byagombeye iminota myinshi ngo Real Madrid ibone ko ibyo yatekerezaga bikomeye ndetse ishobora kutava mu Bwongereza mu buryo bworoshye kuko ku munota wa 12 Gabriel Jesus yatsinze igitego cya kabiri cya Man City.

    Abakinnyi Manchester City yabanje mu kibuga: Ederson, Stones, Dias, Laporte, Zinchenko, Rodrigo, De Bruyne, Bernardo, Mahrez, Foden na Jesus. 

    Real Madrid yabaye nk’ikangutse isanga iminota iri kuyicika, byatumye Karim Benzema atsinda igitego cya mbere muri uyu mukino ku munota wa 34 w’igice cya mbere.

    Abakinnyi Real Madrid yabanje mu kibuga:  Courtois, Carvajal, Militao, Alaba, Mendy, Kroos, Modric, Valverde, Rodrygo, Vinicius na Benzema.

    Igice cya mbere cyarangiye Manchester City ifite ibitego 3-1 ndetse ifite n’icyizere gikomeye cyane. Igice cya kabiri kigitangira, Manchester City yongeye gusongamo igitego ku munota wa 54 gitsinzwe na Foden.

    Nyuma y’iminota 2 gusa Vinicius Junior yaje gutsinda igitego cya kabiri cya Real Madrid cyikaba icya mbere cye muri uyu mukino. Burya ngo nta wukira asongwa mu gihe Real Madrid ishaka kwishyura ibitego byose, ku munota wa 75 Bernardo Silva yatsinze igitego cya Kane bikomeza gucanga Real Madrid.

    Umukino wenda kurangira, Karim Benzema yabonye Penariti anayitera neza cyane, ndetse umukino urangira ari ibitego 4-3. Umukino wo kwishyura uzabera muri Espagne mu cyumweru gitaha.

    Uyu mukino wari umuriro ku mpande zombi

    Karim Benzema ubu ni we ufite ibitego byinshi muri uyu mwaka w’imikino

    Man City ntabwo yahagararaga

    Mu mikino ine gusa ya Champions League Mbenzema amaze gutsindamo ibitego 9

    Source : https://inyarwanda.com/inkuru/116675/uefa-champions-league-manchester-city-itsinze-real-madrid-mu-mukino-wabonetsemo-ibitego-7-116675.html

  • Byagenze gute kugira ngo Prince Kid atabwe mu… – #rwanda #RwOT

    Amakuru avuga ko Prince Kid yari yahamagajwe kugira ngo asobanure bimwe mu byo yakekwagaho, birimo Ruswa yaba iy'amafaranga n'ishingiye ku gitsina ivugwa muri Miss Rwanda ndetse n'iby'imodoka ya Miss Muheto atarahabwa, n'ibindi.

    Nyuma yo kubazwa ibyo bibazo n'Urwego rw'Igihugu rw'Ubugenzacyaha RIB, byarangiye Ishimwe Dieudonne uzwi nka Prince Kid atawe muri yombi, amakuru akavuga ko afungiye kuri sitasiyo ya RIB ya Remera.

    InyaRwanda.com ikimara kumenya ayo makuru twifuje kuyakurikirana kugira ngo hamenyekane ukuri kwayo. Mu kiganiro Umuvugizi w’Urwego rw’Ubugenzacyaha, Dr Murangira B. Thierry yagiranye na InyaRwanda.com, yemeje aya makuru.

    Umuvugizi wa RIB yavuze ko Ishimwe Dieudonne [Prince Kid] afunzwe akekwaho icyaha cyo guhohotera bishingiye ku gitsina abakobwa bajya muri Miss Rwanda mu bihe bitandukanye.

    Yagize ati: ''Ni byo koko Ishimwe Dieudonne usanzwe ategura Miss Rwanda arafunze. Arakekwaho icyaha cyo guhohotera bishingiye ku gitsina abakobwa bajya mu marushwanwa ya Nyampinga (Miss Rwanda) mu bihe bitandukanye'.

    Umuvugizi wa RIB yakomeje avuga ko Prince Kid ubu afungiye kuri Sitasiyo ya RIB ya Remera, Iperereza rikaba rigikomeje kugira ngo hakorwe dosiye ishyikirizwe  Ubushinjacyaha.

    Mu bibazo Umuvugizi wa RIB yabajijwe na InyaRwanda.com, ntiyigeze yemeza cyangwa ngo ahakane niba Prince Kid yari ari kumwe na Miss Muheto igihe atabwa muri yombi, ndetse ntiyigeze anavuga ku bibazo by’imodoka itaratangwa, gusa amakuru InyaRwanda.com ifite ni uko Miss Muheto na Prince Kid bari bari kumwe. Kugeza ubu RIB ikomeje iperereza.

    Prince Kid yatawe muri yombi

    Iri tabwa muri yombi rya Ishimwe Dieudone [Prince Kid], rije rikurikira isezera ry'uwari umuvugizi w'iri rushanwa Miss Nimwiza Meghan.

    Tariki 31 Ukwakira 2013, nibwo Rwanda Inspiration Backup yegukanye isoko ryo gukurikirana (management) Nyampinga, mu rwego rwo kugabanya impungenge zimwe na zimwe zaterwaga no kuba Nyampinga yabaga adafite abamukurikirana.

    Kuva Rwanda Inspiration Back Up yatorwa kugeza ubu impinduka zaragaragaye cyane muri iri rushanwa kuva ku myumvire yari isanganywe n'ababyeyi kugeza ku bihembo umukobwa yahabwaga amaze kuritwara.

    Source : https://inyarwanda.com/inkuru/116668/yari-kumwe-na-miss-muheto-byagenze-gute-kugira-ngo-prince-kid-atabwe-muri-yombi-116668.html

  • Champions League: Manchester City yatsinze Real Madrid mu mukino w'ishiraniro (Amafoto) – #rwanda #RwOT

    Mu mukino w'ishiraniro warumbutsemo ibitego n'amahirwe menshi atabashije kubyazwa umusaruro, amakipe yombi yerekanye impamvu asigaye muri ane yageze muri ½, ahigitse andi 32 batangiranye amatsinda.

    Umukino ugitangira, Kevin De Bruyne uri mu bihe byiza yafunguye amazamu ku munota wa kabiri gusa, nyuma y'uko Manchester City yatangiye yatakana imbaraga mu buryo bugaragara. Ni igitego yatsinze n'umutwe ku mupira yari ahawe na Riyad Mahrez, wacenze ba myugariro ba Real Madrid bari bagihuzagurika.

    Iki gitego cyakurikiwe n'ubundi buryo ariko butabashije kwinjira mu izamu ryari ririnzwe na Thibout Croutois wa Real Madrid. Ku munota wa 11, Rutahizamu Gabriel Jesus yasonze Real Madrid ayitsinda igitego cya kabiri, abafana barenga ibihumbi 50 bari ku Kibuga cya Etihad Stadium gikoreshwa na Manchester City iyo yakiriye imikino bikoza ibicu.

    Jesus yatsinze igitego nyuma yo gucenga Alaba mu rubuga rw'amahina, yakira umupira mwiza yari ahawe na Phil Foden mbere yo kuwuboneza mu rucundura mu buryo bworoshye.

    Kugeza aha, byagaragaraga ko ubwugarizi bwa Real Madrid bwari bugizwe n'abarimo David Alaba, Militao, Carvajal na Ferland Mendy butari bwakubaka ubwumvikane bwuzuye, ari nacyo cyatumaga Manchester City ikomeza kotsa igitutu mu rubuga rw'amahina rwa Real Madrid.

    Icyakora nyuma y'imonota 20 y'igice cya mbere, Real Madrid yatangiye kwibona mu mukino no kubonana neza hagati mu kibuga, ndetse biza gutanga umusaruro ku munota wa 33 ubwo Karim Benzema, kapiteni wa Real Madrid unahagaze neza, yatsindaga igitego ku mupira mwiza yahawe na myugariro w'ibumoso, Umufaransa Ferland Mendy.

    Nyuma y'igitego cya Benzema, Real Madrid yakomeje kwihagararaho nubwo yarushwaga na Manchester City mu bijyanye no guhererekanya umupira, kuko umukino wose warangiye Real yihariye umupira ku kigero cya 40% gusa.

    Mu gice cya kabiri, Foden yaje gutsinda igitego cy'umutwe nyuma y'umupira mwiza yahawe na kapiteni we, Umunya-Brazil Fernandinho.

    Ibi byishimo ariko byari iby'akanya gato kuko Real Madrid, binyuze kuri Vinicius Jn. yishyuye igitego cyiza, nyuma y'uko uyu musore w'imyaka 21 gusa yacenze Fernandinho akavana umupira mu kibuga hagati akawinjiza mu rubuga rw'amahina, mbere yo kuwuboneza mu izamu ryari ririnzwe na Ederson.

    Ibintu ariko byari bitararangira kuko ku munota wa 74, Bernardo Silva yateye ishoti rikomeye cyane agatsinda igitego cya kane, nyuma y'uko ba myugariro ba Real Madrid basaga nk'abarangaye ku kimeze nk'ikosa umusifuzi atatanze.

    Real Madrid yakoze iyo bwabaga iza gutsinda igitego cya gatatu cyatsinzwe na Karim Benzema, wujuje ibitego 14 muri iri rushanwa ry'uyu mwaka.

    Umukino wo kwishyura utegerejwe ku itariki ya 4 Gicurusi 2022, mu gihe kuri uyu wa 27 Mata, Liverpool iri bwakire Villarreal FC yo muri Espagne ku Kibuga Anflield Road, ukaba ari undi mukino wa 1/2 muri iri rushanwa.

    Ubwo Benzema yari amaze gutsinda igitego cya mbere cya Real Madrid

    Foden yatsinze igitego cyiza cy’umutwe

    Umuzamu wa Real Madrid, Courtois ntiyabashije gukuramo umupira wa Jesus

    Gabriel Jesus yatsinze igitego cyiza nyuma yo gucenga myugariro Alaba

    Benzema yaboneje umupira yahawe na Mendy mu rubuga rw’amahina

    Kapiteni wa Real Madrid, Karim Benzema, yatsinze ibitego bibiri muri uyu mukino

    Kevin De Bruyne yatsinze igitego cya mbere ku munota wa kabiri w’umukino

    Abakinnyi ba Manchester City bari kwishimira igitego cya Foden

    Phil Foden ubwo yishimiraga igitego yatsinze n’umutwe

    Source : http://igihe.com/amakuru/u-rwanda/article/champions-league-manchester-city-yatsinze-real-madrid-mu-mukino-w-ishiraniro

  • Hagaragajwe ko iterambere ry'ubuhinzi muri Afurika rizashingira ku ikoranabuhanga rigezweho – #rwanda #RwOT

    Iyi nama yatangiye kuri uyu wa Kabiri tariki 26 Mata 2022, ifite insanganyamatsiko igaruka ku kongera ibiganiro ku ruhare rwa siyansi, ikoranabuhanga no guhanga ibishya bigamije guhindura urwego rw'ubuhinzi n'ibiribwa muri Afurika.

    Minisitiri Dr. Mukeshimana yavuze ko ibiganiro n'imyanzuro izafatirwa muri iyi nama bizatanga umusanzu mu guhanga ibishya mu ikoranabuhanga ndetse n'impinduramatwara zikenewe mu buhinzi n'ibiribwa muri Afurika.

    Ati 'Kuba muri hano uyu munsi, ni ubuhamya bw'umuhate uganisha ku guteza imbere siyansi, ikoranabuhanga no guhanga ibishya nk'inkingi zafasha mu mpinduramatwara zikenewe mu rwego rw'ubuhinzi.'

    Yakomeje agira ati 'Kwagura ubumenyi, ikoranabuhanga, no guhanga ibishya mu buhinzi ni ingenzi cyane mu kubaka gahunda irambye yo kwihaza mu biribwa.'

    Minisitiri Dr. Mukeshimana yavuze ko Afurika izi neza uruhare rw'ubumenyi n'ikoranabuhanga no guhanga ibishya mu bukungu ndetse no guhindura imibereho y'abaturage.

    Niyo mpamvu kandi mu 2014, Umuryango wa Afurika Yunze Ubumwe watangije gahunda yiswe 'STISA-2024' igamije guteza imbere ubumenyi, ikoranabuhanga no guhanga ibishya muri Afurika.

    Minisitiri Mukeshimana ati 'Gushyira mu bikorwa neza izi ngamba bisaba ishoramari rirambye mu bushakashatsi n'iterambere ndetse no kubona ikoranabuhanga rishya no guhanga ibishya mu biganza by'abafatanyabikorwa mu nzego z'ingenzi z'ubukungu bwacu harimo n'ubuhinzi.'

    Guverinoma y'u Rwanda kandi yijeje ubufasha mu kugira ngo iyi gahunda yo kwagura ubumenyi n'ikoranabuhanga igerweho muri Afurika ndetse n'izindi mpinduramatwara zikenewe mu rwego rw'ubuhinzi.

    Umuyobozi Mukuru w'Ikigo gishinzwe Iterambere ry'Ubuhinzi n'Ubworozi mu Rwanda (RAB), Dr. Karangwa Patrick, yavuze ko hakenewe ishoramari rihagije kugira ngo Umugabane wa Afurika ubashe kugera ku mpinduramatwara zikenewe mu rwego rw'ubuhinzi ari nabyo bizafasha mu kwihaza mu biribwa no gusagurira amasoko.

    Yagize ati 'Gushora mu bumenyi, ikoranabuhanga no guhanga ibishya mu buhinzi ni ingenzi ku Mugabane wacu.'

    Umuyobozi wa AATF, Dr. Canisius Kanangire yavuze ko urwego rw'ubuhinzi muri Afurika ari rwo rutanga akazi ku baturage benshi, ariko usanga hakiri imbogamizi zituma umuhinzi atabasha guhinga kinyamwuga cyangwa ngo asarure ibingana n'imbaraga aba yashoye muri ubwo buhinzi.

    Ati 'Iyo tuvuga ubuhinzi dusanga ari ahantu umusaruro uba muke ugereranyije n'ubutaka cyangwa ahantu umuntu aba yahinze. Ugasanga turimo gusarura toni imwe kuri hegitari abandi basarura toni eshanu kuri hegitari.'

    Yakomeje agaragaza ko ibyo ari ikibazo gikwiriye gushakirwa umuti, ati 'Icyo ni ikibazo gituma tudasarura ibiribwa bihagije ku bantu batuye ibihugu cyangwa Afurika. Ibyo birasaba umuti. Noneho ku rwego rw'igihugu ugasanga igihugu kiratanga amafaranga menshi cyane yo kugura ibiribwa byunganira ibisarurwa bike bidahagije.'

    Yakomeje agaragaza imbogamizi abahinzi bahura nazo, ati 'Umuhinzi muri Afurika ntabwo abona ibyangombwa akeneye kugira ngo ahinge yeze. Ibyo bya ngombwa birimo amamashini, buriya ntabwo wahaza abantu miliyoni mirongo ingahe ukoresha isuka, birasaba kuzana imashini.'

    Iyi nama ku bumenyi, ikoranabuhanga no guhanga ibishya mu rwego rw'ubuhinzi muri Afurika ibaye ku nshuro ya kabiri. Iteganyijwe kuba hagati ya tariki 26-28 Mata 2022.

    inisitiri w'Ubuhinzi n'Ubworozi, Dr. Mukeshimana Gerardine, yavuze ko Afurika ikwiye gushora imari mu buhinzi bugezweho bwifashisha ikoranabuhanga

    Source : http://igihe.com/amakuru/u-rwanda/article/hagaragajwe-ko-iterambere-ry-ubuhinzi-muri-afurika-rizashingira-ku