Category: Uncategorized

Minisiteri y’Ubuzima yatangaje ko ku wa Kabiri tariki 10 Gicurasi 2022 mu Rwanda habonetse abantu barindwi banduye Covid-19, bose bakaba babonetse i Kigali. (…)

Ibi byabaye mu gikorwa cyo kumenya no kugenzura ibikorwa bya Guverinoma mu birebana n'imitangire ya serivisi z'ubuvuzi n'imivurire y'indwara zitandura mu bigo nderabuzima no mu mavuriro yigenga.

Ubu bugenzuzi kandi bugamije kumenya uko abaturage bahabwa serivisi z'ubuvuzi, imbogamizi bahura nazo n'uko zakurwaho, kugenzura uko ibigo nderabuzima byubakiwe ubushobozi mu bijyanye n'abakozi, ibikoresho n'imiti mu kuvura indwara zitandura, gusuzuma ireme rya serivisi z'ubuvuzi bw'indwara zitandura ku bigo nderabuzima no mu mavuriro yigenga, uko abaturage bazitabira n'icyizere bazifitiye ndetse n'ibindi.

Senateri Dr. Habineza Faustin wari uhagarariye itsinda ryasuye Legacy Clinics, yabwiye IGIHE ko banyuzwe n'ubushobozi iri vuriro rifite.

Yagize ati 'Twishimiye ubushobozi twabasanganye, bafite ibikoresho bigezweho nk'imashini ya MRI, n'ibindi byifashishwa mu buvuzi twasanze bikora neza ku rwego rwiza. Twanabonye bafite ubushobozi bwo kwita ku barwaye indwara zitandura nk'umutima, umuvuduko w'amaraso, diabète n'izindi zitandukanye.'

Yavuze ko bunguranye ibitekerezo ku byakorwa kugira ngo ubushobozi bw'iri vuriro burusheho kwiyongera, anatanga icyizere ko hari ubuvugizi bugiye gukorwa kugira ngo imbogamizi bagaragarijwe zibashe gukemuka.

Umuyobozi ushinzwe Ibikorwa by'Ubuvuzi muri Legacy Clinics, Dr. Yves Bizimana, yabwiye IGIHE ko indwara ya diabète n'umuvuduko w'amaraso ari zo ziza ku isonga mu zitandura zikunze kugaragara cyane muri iri vuriro.

Yavuze ko Legacy Clinics ifite ibikoresho bihagije bibasha gupima indwara zitandura, ikagira n'inzobere mu kwita ku bazirwaye.

Ati 'Dufite abaganga b'inzobere mu kuvura indwara zitandukanye nk'amagufwa, umutima, indwara z'ubuhumekero n' izindi zinyuranye. Dufite kandi ibikoresho bihagije ku buryo iyo umurwayi akeneye ikizamini gikorerwa aha atiriwe ajya ahandi.'

Dr. Bizimana yanahishuye ko mu byo baganiriye n'iyi Komisiyo, harimo imbogamizi bahura nazo mu mitangire ya serivisi.

Yagize ati 'Twabagaragarije imbogamizi dufite ziri hagati y'ivuriro n'ibigo by'ubwishingizi bitishyura bimwe mu bizamini.'

Iyi Komisiyo ya Sena y'Imibereho y'Abaturage n'Uburenganzira bwa Muntu izasura ibigo nderabuzima 50 byo mu turere 14, n'Umujyi wa Kigali hitabwa ku biri mu bice by'umujyi n'icyaro,ibitaro by'Uturere 15, Ibitaro bikuru bibiri, n'ibigo by'ubuvuzi byigenga bine.

---

Ikigo cy’Igihugu cy’Imisoro n’Amahoro (RRA), cyongeye kugaragaza urutonde rw’abacuruzi batatanze inyemezabuguzi za EBM cyangwa bagatanga izitubya umusoro, (…)

Ku nshuro ya kabiri u Rwanda rugiye kongera kwakira Inama ya eLearning Africa, ikaba izatangira kuwa 11 Gicurasi 2022 ikazasozwa kuwa 13 Gicurasi 2022, ikazitabirwa n'abantu batandukanye barimo n'abo mu nzego za Leta n'iz'abikorera. Mu bashyitsi bakuru bazitabira iyi nama baturutse mu Rwanda harimo Minisitiri w'Ikoranabuhanga no Guhanga Udushya, Paula Uwingabire kimwe na Minisitiri w'Uburezi.

Mu kiganiro INYARWANDA yagiranye n'umwe mu bazitabira iyi nama, Bwana Hagenima Daniel akaba n'Umuyobozi Mukuru wa Top Skills World yasobanuye icyo biteze muri iyi nama agira ati:'Intego yacu ni ukwigisha abatuye isi, kuko njye nizera ko ubumenyi buhenze buhindura bamwe ariko ubumenyi buhendutse kuri bose bwahindura isi.'

Akomeza agira ati: 'Ni byinshi cyane nk'urubyiruko rukunda kandi rugakorera muri Africa, eLearning Africa izadufasha mu kongera ubunararibonye kubijyanye na eLearning cyane ko izaba yitabiriwe n'abandi bakora nk'ibyo baturutse kw'isi hose harimo muri Ireland, UK, USA, German n'ahandi, ibi kandi bizadufasha kwigira nk'abanya Africa.'

eLearning Africa yatangiye mu mwaka wa 2005, icyo gihe yahise ibera muri Addis Ababa mu mwaka wa 2006, ibera Nairobi 2007, Accra 2008, Dakar 2009, Lusaka 2010, Dar Es Salaam 2011, Cotonu 2012, Windhoek 2013, Kampala 2014, Addis Ababa 2015, Cairo 2016, Port Louis 2017, Kigali 2018, Abijan 2019 none igiye kongera kugaruka muri Kigali 2022.

Mu myaka yose itambutse, abarenga ibihumbi 18,188 bitabiriye iyi nama ya eLearning Africa baturutse mu bihugu bisaga 100 by'isi yose, ariko  80 ku ijana bya Africa inararibonye zigera 3730 zagiye zitanga ibiganiro muri iyi nama kubyerekeranye n'iterambere ry'imyigire yifashishije murandasi.

Indimi zikoreshwa muri iyi nama ni igifaransa n'icyongereza.

Iyi nama ikaba ikorwa mu buryo bw'ibiganiro mpaka byo mu matsinda ku ngingo runaka, kimwe no guhanahana ibitekerezo byose bigakorwa hifashishijwe uburyo bwuje udushya butuma abantu babasha gutanga ibitekerezo binoze kandi by'ingirakamaro, abitabiriye iyi nama kandi bahabwa umwanya wo gutanga ubunararibonye bagiriye mubyo bakora bya buri munsi.

Habaho kandi n'umwanya kubitabiriye wo kumurika udushya bahanze mu birebana n'uburyo bwo kwiga hifashishijwe murandasi, buzwi nka eLearning mu rurimi rw'icyongereza.

Minisitiri w’Ikoranabuhanga no Guhanga Udushya, Paula Ingabire uri mu bashyitsi bakuru bategerejwe mu nama ya eLaerning Africa muri Kigali Convetion Center

Minisitiri w’Uburezi, Dr Valentine Uwamariya nawe ari mu bazitabira inama ya eLearning Africa

Umuyobozi Mukuru wa Top Skills Hagenimana Daniel uri mu ntiti zizitabira iyi nama

Reba hepfo Urutonde rwa bamwe mu bitezweho kuzatanga ibiganiro muri iyi nama

Ni uruzinduko CG Marizamunda n'itsinda ayoboye batangiye ku wa Mbere tariki 9 Gicurasi 2022, aho rugamije gutsura umubano no gukomeza kwihutisha ishyirwa mu bikorwa ry'amasezerano RCS yagiranye na ZCS [Zambia Correctional Service].

Ku munsi wa mbere w'uruzinduko, CG Marizamunda yagiranye ibiganiro na Minisitiri w'Umutekano imbere mu gihugu muri Zambia, Jack Mwiimbu.

CG Marizamunda kandi yakiriwe Biro Bikuru bya ZCS biherereye ahitwa Kabwe aho yahuriye akanaganira na mugenzi we, Komiseri Mukuru wa ZCS, CGP Fredrick S.S.Chilukutu.

Muri uru ruzinduko biteganyijwe ko ruzarangwa n'ibikorwa bitandukanye birimo gusura ahatangirwa amahugurwa y'Abacungagereza muri Zambia, gusura gereza zitandukanye no kuganira n'abayobozi bazo.

Umuvugizi wa RCS, SSP Pelly Uwera Gakwaya yabwiye IGIHE ko bazanabona umwanya wo kwigira kuri Zambia by'umwihariko ku buryo bukoreshwa n'icyo gihugu mu kugorora no gusubiza mu buzima busanzwe aba bagonganye n'amategeko bagafungwa.

Ati 'Ni uburyo bushya twifuza gutangira gushyira mu bikorwa hano mu Rwanda aho tuzajya twibanda cyane ku kugorora no gusubiza mu buzima busanzwe aho kuvuga ngo turashyira imbaraga mu guhana no gufunga.'

Mu Ukuboza 2020, inzego za RCS na ZCS zagiranye amasezerano y'imikoranire mu bijyanye no kugorora, kubaka ubumenyi ndetse icyo gihe hashyizweho komisiyo ihuriweho n'impande zombi ikaba ifite inshingano zo gukurikirana ishyirwa mu bikorwa z'ayo masezerano.

Mu ruzinduko uwari umuyobozi wa ZCS, yagiriye mu Rwanda ku wa 26 Mata 2021, nibwo hasinywe amasezerano yo gushyira mu bikorwa ayari yasinywe mu mwaka wabanje.

Ni amasezerano yatangiye gushyirwa mu bikorwa kuko nko mu bijyanye no guhanahana ubumenyi, hari Abacungagereza bo mu Rwanda batanu baherutse gusoza amasomo y'umwuga muri Zambia.

Biteganyijwe ko CG Marizamunda wagiye muri Zambia aherekejwe n'abarimo CP John Bosco Kabanda ushinzwe amahugurwa muri ECS, azasura ahatangirwa amahugurwa muri Zambia hagamijwe kwiga uburyo babikora kugira ngo ubwo buryo bube bwakoreshwa no mu Rwanda.

---

Kuri uyu wa Kabiri tariki 10 Gicurasi 2022, Umugaba mukuru w’Ingabo z’igihugu cya Mali, Maj Gen Oumar Diarra, yegeze mu Rwanda mu ruzinduko rw’iminsi (…)

Icyambu cya Odesa muri Ukraine cyarashweho ibisasu bya misile n’Ingabo z’u Burusiya, hapfa umuntu umwe hakomereka batanu ubwo ibisasu byagwaga mu gace (…)