Category: Uncategorized

Kigali Night Run ibanziriza isiganwa mpuzamahanga rya 'Kigali International Peace Marathon 2022', yabaye ku mugoroba wo ku wa Gatanu taliki ya 13 Gicurasi (…)

Leta y’u Burusiya yatangaje ko izihorera ikarasa ku bihugu bya Finlande na Suède, mu gihe byaba bibaye abanyamuryango b’Ishyirahamwe rirwanyiriza umwanzi (…)

Ni ubutumwa bwatanzwe mu bukangurambaga RIB yatangiye mu Kigo cy'amashuri cya College Inyemeramihigo mu Murenge wa Rugerero mu Karere ka Rubavu.

Bwari bugamije gusaba urubyiruko kugira uruhare mu gukumira ibyaha byo gusambanya abana, gucuruza abantu, ibiyobyabwenge n'ibindi birwibasira.

Abanyeshuri bavuze ko bahura n'ibigeragezo ariko nyuma y'ibiganiro bahawe bavuze ko hari icyo bungutse ku buryo bakwiye kubyitwaramo.

Hussein Fatuma wiga mu mwaka wa gatatu mu cyiciro rusange avuga ko nubwo na bo bagwa mu bishuko byo gukundana ariko RIB yaberetse uko babyitwaramo.

Yagize ati 'Ubundi abadutereta usanga ari abaturuta nubwo natwe dukundana nabo ariko hari imirongo ntarengwa bitewe n'icyerecyezo umuntu aba yarihaye. Nkuko RIB yabidukanguriye ahanini tugiye kujya twirinda gushukishwa n'ibintu ndetse n'amarangamutima yacu nk'ingimbi n'abangavu.''

Nyiramahirwe Christine avuga ko igihe bagezemo bituma bakundwa n'abahungu ariko ibirebana no kuryamana bagomba kubyirinda.

Yakomeje ati 'Bitewe n'imyaka tugezemo abahungu baradutereta bikaba ngombwa ko wemera hakaba ubwo mugera nubwo yifuza ko mwaryamana. Njye iyo bimbayeho bituma ntekereza ku ngaruka byangiraho ngahitamo kumuhakanira nkuko RIB yatubwiye ko imbeba ifatirwa aho inyura natwe tugomba kuhirinda.''

Umuvugizi wa RIB, Dr Murangira B Thierry, yasabye abarezi na bo gutera iya mbere bakirinda ibishuko bashyirwamo n'abanyeshuri biganisha ku busambanyi no kujya batanga ibirego igihe byababayeho.

Yakomeje ati 'Mu gukumira ibyaha tuba tubwira n'abarezi na bo bakagira uruhare rwo kubirwanya kuko mu mibare twagaragaje hari aho abarezi nabo bagiye bakora ibyaha. Na bo bagomba gufata iya mbere niba hari umwana uje umugana akaba yamubwira ko hari ingeso mbi arimo amukururiramo zijyanye no kuba yasambanywa akabifata nk'icyaha ntibibe icyaha cy'ikinyabupfura akaba yatera intambwe akegera Ubugenzacyaha ntibirangirire ku ishuri.''

Imibare ya RIB yerekana ko mu myaka itatu ishize, dosiye z'ibirego yakiriye z'abana basambanyijwe ziyongereye kuri 55.2%, abakobwa ni bo bibasiriwe cyane kuko ari 97.1% mu gihe abahungu ari 13.254%

---

Mu butumwa umukunzi wa Nishimwe Naomie yanyujije kuri Instagram, urubuga avuga ko agiye kongera uburyo yarukoreshagamo yatangiye agira ati:'Imyaka ine ishize nafashe umwanzuro wo gushyira ubuzima bwanjye mu biganza byanjye. Icyo ibi byari bivuze kuri njye kwari ukubaho ubuzima budafite aho buhuriye n'ubwo umuntu yacyeka cyangwa adakeneye gukunda bipfa kuba bihuje n'icyo njye ntecyereza, mpamanya nanjye ubwanjye ko aricyo gikwiye.'

Asobanura uko byaje ngo afate umwanzuro wo kubaho ubuzima bwe kandi yigengaho ati:'Uru rugendo rwatangiye ubwo nafataga umwanzuro wo kuza mu Rwanda mu mwaka wa 2018, kandi nishimiye kuvuga ko bitararangira. Kuva nagera mu Rwanda nagiye ntemberera mu bihugu bitandukanye, nize amasomo yerecyeranye n'isi kandi nanjye ubwanjye.'

Michael nyuma yo kunyura mu bihugu bitandukanye, yamaze gufata umwanzuro wo gutura mu Rwanda iteka agatangira ubuzima bushya, ati:'Ukwezi kwa Nzeri gushize nibwo nafashe umwanzuro wo kuza gutura by'iteka mu Rwanda, nkubaka ubuzima bwanjye. Muri iki gihe ndi kwitegura kurushaho kandi gukoresha Instagram, nyikoresha nk'umuyoboro wo kunyuzaho urugendo rwanjye n'ibyo ngenda ndwungukiramo.'

Mu minsi micye ishize nibwo Miss Nishimwe yaherukaga gusangiza abamukurikira ifoto y'uyu musore, akagaragaza amarangamutima ye kuri uyu musore akoresheje akamenyetso k'umutima ubusanzwe karanga abakundana, aba bombi kandi bakaba gukundana kwabo bitari iby'ubu kuko bamaze igihe bari mu munyenga w'urukundo.

Michael Tesfay akaba ari umusore ufite n'ubumenyi dore ko yasoje icyiciro cya Masters mu buvuzi, muri Kaminuza ya Edinburgh yo mu Bwongereza. Afite imishinga itandukanye ijyanye n'ubuzima irimo n'uwo afatanya na Miss Akaliza Amanda, ujyanye no kwita ku buzima bwo mu mutwe hifashishijwe ikoranabuhanga.

Mu mwaka wa 2018 akaba yarakoze muri Kaminuza y'u Rwanda yimenyereza umwuga, aho yamaze amezi agera kuri ane. Mu birori biheruka bya Miss Rwanda 2022, we na Miss Nishimwe Naomie bakaba barabiserukanyemo bagiye kwihera ijisho uwegukana ikamba, baniyibutsa ibihe bya Miss Rwanda ya 2020 yasize Nishimwe Naomie yambaye ikamba.

Yiyemeje kuguma mu Rwanda agatangira ubuzima bushya

Aha agaciro gukora icyo ahamanya n’umutima kurenza ibyo abandi bacyeka

Arifuza kurushaho gukoresha imbuga nkoranyambaga

Michael n’umukunzi we Miss Nishimwe Naomie

Ubutumwa bwa Michael

   

Akoresha Michael Tesfay (Prophetic_) ku mbuga nkoranyambaga

Sheebah uzwi mu ndirimbo 'Beera Nange' avuga ko “igihe kimwe Abanya-Uganda bazaterwa ishema n'umugore umeze nkanjye’. Ashimangira ko ameze neze kandi ni umugore w'indwanyi. 

Avuga ko yaganiriye na benshi kandi yumviswe. Uyu muhanzikazi yavuze ko adacibwa intege n'ibivugwa. Kandi ko umugore witinyutse uyu munsi 'hari igihe yabayeho yitinya muri we'.

Muri aya mashusho, uyu mukobwa w'ikimero yavuze ko mu minsi ishize hari ahantu yagombaga kuririmba mu gitaramo cya bamwe mu bantu 'mwubaha, mufatiraho urugero (role model) bigaragaza nk'abantu beza kuri Televiziyo'.

Avuga mbere y'uko ajya ku rubyiniro umwe mu bagabo yamusanze mu mudoka amusekera, ari kumwe n'abarinzi be, bafungura urugi rw'imodoka yari arimo.

Uyu muhanzikazi avuga ko yari muri iyo modoka ategereje ko umujyanama we amubwira ko igihe cyageze cyo kujya ku rubyiniro.

Avuga ko uwo mugabo wamukoreye ihohoterwa rishingiye ku gitsina atatangaje amazina, yitwaye nabi imbere ye n'imbere y'abashinzwe kumufasha mu muziki.

Sheebah avuga ko yagize umujinya ku buryo yumvaga atajya ku rubyiniro, ariko kubera ko yubaha akazi ke yarabikoze.

Uyu muhanzi yabwiye abagabo kudafata abagore 'nk'ibikoresho'. Ababwira ko niba bashaka kuryamana n'umugore bakwiye kubisaba neza.

Yavuze ko abagabo bose bakwiye guharanira guha icyubahiro abagore nk'uko bubaha abakobwa babo.

Sheebah Karungi ntiyavuze umugabo wamukoreye ihohoterwa…Andrew Mwenda yabihakanye

Umunyamakuru rurangiranwa muri Uganda akaba n'umushabitsi Andrew Mwenda yashyizwe mu majwi n'abafana ba Sheebah Karungi bavuga ko ari we wamukoreye ihohotera rishingiye ku gitsina.

Kuri uyu wa Gatanu tariki 13 Gicurasi, Andrew yanditse kuri konti ye ya Facebook ubutumwa burebure, avuga ko Sheebah yagiye kuri Youtube agatangaza ko 'umwe mu bagabo bakora kuri Televiziyo wifata nk'ikitegererezo yamukoreye ihohoterwa rishingiye ku gitsina'.

Uyu munyamakuru yavuze ko Sheebah atatangaje igihe ibyo byabereye n'aho byabereye. Yavuze kandi ko Sheebah atigeze avuga niba yarafashwe ku ngufu cyangwa se yaratutswe. Ati 'Ahubwo avuga [Sheebah] ko ibyo byabaye mu maso y'abamufasha mu muziki, kandi ko uwo [mugabo] yari kumwe n'abarinzi.'

Mwenda yibaza ukuntu umuhanzikazi nka Sheebah uzwi muri Uganda atihutiye gutanga ikirego kuri polisi, ahubwo akajya ku mbuga nkoranyambaga gutangaza ko yakorewe ihohoterwa rishingiye ku gitsina.

Yibaza niba Sheebah yarabikoze agamije kwamamara no kuba abantu bamugirira impuhwe. Ati 'Kuki atajya kuri Polisi cyangwa mu rukiko.'

Uyu munyamakuru yavuze ko ubwo aya mashusho yamaraga kujya hanze, bamwe mu bafana ba Karungi bavuze 'ni njye wamukoreye ihohoterwa rishingiye ku gitsina'.

Yavuze ko mu buzima bwe atarigera ahura na Sheebah kugeza ubwo 'aya mashusho yajyaga hanze ashinja kumuhohotera'.

Yakomeje avuga ko ubwo yabonaga aya mashusho yatekereje ko Sheebah yamwibeshyeho, kugeza ubwo abonye bifashe intera agahitamo kugira icyo abivugaho.

Andrew Mwenda yavuze ko yagerageje kuvugisha Sheebah binyuze kuri WhatsApp agira ngo amubwire avugishe ukuri avuge umugabo wamukoreye ihohoterwa rishingiye ku gutsina.

Avuga ko mu nshuro zose yahamagaye Sheebah atigeze amwitaba, ndetse n'ubutumwa yamwandikiye ntiyabusubije. Amenya ko bwasomwaga n'umujyanama we.

Mwenda yavuze ko ibyo Sheebah yakoze atari bishya, kuko ari byo byatumye abarimo Kim Kardashian baramenyekanye ku Isi kandi mu gihe gito.

Uyu munyamakuru anavuga ko Sheebah yatangaje ko yakorewe ihohoterwa ku munsi umwe n'ibirori byo kwizihiza isabukuru ya Lt Gen Muhoozi Kainerugaba.

Isesengura rye, asanga uyu mukobwa yari agamije kwemeza ko byabaye avuye mu birori bya Muhoozi. Nyamara atari mu bahanzi bagombaga kuharirimba.

Lt Gen Muhoozi Kainerugaba, umuhungu wa Perezida Yoweri Museveni, yanditse kuri konti ye ya Twitter avuga ko yagize umwanya uhagije wo kuganira na Andrew Mwenda, asanga ibyo Sheebah Karungi avuga ari 'inkuru y'ikinyoma'.

Ati 'Nasomye ibitekerezo byanyu bigaruka kuri Sheebah Karungi. Nahase ibibazo umuvandimwe wanjye Andrew Mwenda, ambwira ko atigeze ahura n'uyu mukobwa [Sheebah Karungi]. Iyi ni indi nkuru y'ikinyoma.'

Uyu jenerali w’inyenyeri eshatu yavuze ko Sheebah Karungi ari 'umuhanzikazi w'umunya-Uganda ukomeye'. Ati “Ndi umufana we ukomeye”. Yongeyeho ko nta cyaha akoze mu gutangaza ko ashyigikiye urugendo rw'umuziki rw'uyu mukobwa.

Sheebah Karungi ategerejwe i Kigali mu iserukiramuco rizamara iminsi ibiri ryiswe 'A Thousand Hill Festival (ATHF) azahuriramo na Kizz Daniel. Iri serukiramuco rizabera kuri Canal Olympia ku Irebero, ku wa 12 na 13 Kanama 2022 guhera saa kumi n'ebyiri z'umugoroba.

 

Sheebah Karungi amaze igihe kinini afatwa nka nimero ya mbere mu bakobwa bakora umuziki muri Uganda 

Lt Gen Muhoozi yatangaje ko ari umufana wihariye w'umuhanzikazi Sheebah Karungi  

Uhereye ibumoso:  Lt Gen Muhoozi Kainerugaba, umunyamakuru Andrew Mwenda n'umuhanzikazi Sheebah Karungi

Minisiteri y’Ubuzima yatangaje ko ku wa Gatanu tariki 13 Gicurasi 2022 mu Rwanda habonetse abantu icyenda banduye Covid-19, abantu barindwi muri bo bakaba (…)