Umunyarwenya Zaba Missedcall yatanze igisubizo ku bantu bakwibaza uwo yahitamo hagati ya Miss Cadette Umukundwa na Miss Lynda Priya Nkusi mu gihe yaba asabwe guhitamo umwe hagati yabo.
Mu kiganiro Zaba Missedcall, Miss Cadette na Miss Lynda bagiranye na Yago Tv show, Yago yabajije Zaba Missedcall uwo yahitamo hagati ya Miss Cadette na Miss Lynda.
Zaba Missedcall yamusubije mu magambo agira ati ” Nabahomba bose! “
Umuhanzikazi nyarwanda uri mu bakora umuziki gakondo, Clarisse Karasira yahakanya ibivugwa numukobwa wagiye mwitangazamakuru akiyita murumunawe.
Clarisse akoresheje urubuga rwe rwa Twitter yahakanye yivuye inyuma ibyuyu mukobwa witwa Uwingeneye Chantal avugako abeshya.
Mu magambo ye Clarisse Karasira yanditse atya.
'Sinifuje kubivuga ho kuva kera kuko natekerezaga ko benshi Muzabasha kubona ko ari ikinyoma ariko kuko benshi nabonye ko batabashije kumenya ikuri nifuje kubivugaho.
Uyu mwana w'umukobwa witwa Uwingeneye Chantal arabeshya ntabwo tuvukana ndetse nta Sano nanke iri hagati yacu uretse kuba twese turi abanyarwanda ndetse tukaba ikiremwa muntu. Ni Umwana ushaka kumenyekana yuririye ku kwisanisha nanjye ndetse n'ubuzima bwanjye.
1. Uyu mwana avuga ko ngo se umubyara yabyaye Umwana hanze muri 1994 ndetse ko se yapfuye muri icyo gihe kandi icyo gihe haburaga imyaka itatu ngo mvuke. Bityo ni ikinyoma cya mbere yabeshye. Ikindi, niba se yarapfuye muri 1994 papa wanjye icyo gihe yari akiri umusore kandi yasezeranye na mama nyuma ya Genocide yakorewe abatutsi.
Uyu mwana arabizi mu mutima we neza ko arimo kubeshya mubyo avuga bitanahura, ntanzi ntanubwo azi Umuryango wanjye. Mwibaze impamvu atamvugisha kandi email na numero yanjye biri ahagaragara Ahubwo akajya mu itangazamakuru guhuza ko avukana nanjye nuko nawe afite impano ngo yo kuririmba?
Ikibazo amagambo nkaya ni mabi cyane kuko ababaza ababyeyi bacu cyangwa agatuma abantu batekereza ku babyeyi bacu uko batari kandi ari abantu bafite inshingano ndetse bareberwa ho na benshi.
Kuvuga kuri Clarisse Karasira ntacyo njye bintwaye ndabimenyereye ariko kuzana ababyeyi mu bintu bidafite ukuri kandi byagira ingaruka kuri reputation yabo byo ntabwo aribyo kwihanganira.
Kumenyekana ni ibikorwa byiza bishimwa na benshi bakagufata nk'inyenyeri ntabwo ari ukwirirwa twigira photocopy y'abandi. Kugira ishusho isa nanjye ntakintu bimaze, kuko njye ndi umwana w'umuntu, Ahubwo uwakwirata yakwirata ko asa n'Imana kuko niyo nziza.
Inyota yo Kumenyekana muri ubu buryo nimbi cyane. Ikindi ibyo uyu mwana arimo gukora ni ibyaha bihanwa n'amatekegeko Bityo niba hari nuwaba amuha inama cyangwa bakabifatanya amategeko azabibabaza bose.
Niba uyu mwana ankunda akaba akunda ibyo nkora n'ibyiza kandi ndabimushimiye ariko kubirebana n'ibinyoma arimo gukwirakwiza abizi neza ndetse anabishaka ikibabaje akanabizanamo umubyeyi we bwite byo ntabwo aribyo kurebera.
Ntimuzizere ikintu na kimwe uyu mwana avuga ibindi turabikurikirana'
Uwingeneye Chantal ni umukobwa ugaragara ku gice cyiburyo mu ifoto ibanza hejuru.
Source : https://yegob.rw/clarisse-karasira-yigariyse-uwiyise-murumuna-we/
Hari ibintu bito wakora maze ukongera ingano y'amasohoro ku muntu w'igitsinagabo nk'uko abashakashatsi babigaragaje.Nibyo tugiye kwibandaho muri iyi nkuru.
Rya indyo yuzuye
Kugira ngo amasohoro yiyongere, umugabo akwiye kurya indyo yiganjemo ifite amavuta make, ibikungahaye muri poroteyine, imboga, n'ibinyampeke.
Ikindi kigarukwaho ni ubunyobwa, amazi menshi , ikawa, ibiribwa bitukura (nk'inyanya mbisi, inkeri, beterave,â¦), avoka, imineke, inyama z'inka, urusendaâ¦
Hiyongeraho 'Chocolat yijimye.
 Ruhuka, nywa inzoga nke
Indi nama ku bagabo ni ukuruhuka no guhindura ibitekerezo, kunywa inzoga nkeya no kwirinda itabi n'ibindi biyobyabwenge bitandukanye.
 Kora siporo
Hari kandi gukora siporo zitagamije kunaniza umubiri : ' Siporo ni nziza kuko ituma habaho ikwirakwizwa ry'imisemburo ya 'testosterone' mu mubiri kandi iyi misemburo ni yo ifasha mu ikorwa ry'amasohoro.
Siporo nyinshi nayo ituma habaho indi misemburo yitwa 'adrenal steroid' ituma habaho igabanuka rya 'testosterone'. Gutwara igare na moto igihe kinini na byo ni ibyo kwirinda'.
Na none umubyibuho ukabije ni uwo kwirinda, umugabo akihatira kwivuza kare mu gihe arwaye indwara zandurira mu mibonano mpuzabitsina nk'imitezi, mburugu n'izindi.
Irinde kubangamira udusabo tw'intanga twawe
Hari impamvu iki gice cy'umubiri cyaremewe hanze y'ibindi kandi kibaba gikenera ubwisanzure. Iyo udusabo tw'intanga tugize ubushyuhe bwinshi ntitubasha gukora amasohoro ahagije.
Ikindi, irinde kwambara imyenda ikomeye, ndetse byaba byiza wirinze kwambara ikariso twakwita 'mpande eshatu' (keretse mu gihe ugiye gukora siporo) ahubwo ukambara imwe ijya kuba nk'agakabutura izwi ku izina rya 'boxer' kuko ariyo itanga umudendezo'.
Source : https://yegob.rw/musore-mugabo-ongera-amasohoro-yawe-ukora-ibi-bintu-byihuse/
Umugabo witwa Nizeyimana Hamza akomeje gutangaza abatari bake kubera uburyo asa nka Uwihoreye Jean Bosco uzwi nka NDIMBATI .Uyu mugabo utuye ahazwi nka Rwagitima mu ntara y'i Burasirazuba ntiwamutandukanye na Ndimbati kuko barasa cyane.
Uyu mugabo aganira na The Choice Live kuri Youtube yasobanuye ko impamvu asa nka Ndimbati ari umuvandimwe we, uyu mugabo akaba ari we muto kuri Ndimbati.Hamza yavuze ko abantu batari bake aho atuye bamwitiranya na Ndimbati kubera ukuntu basa cyane.Hamza avuga ko kuri ubu yatangiye na we gukina amwe mu mafilime mukuru we yakinaga ,ahanini bitewe n'uko babonye afite imiterere imeze nk'iye cyane.
Niziyemana wamaze guhabwa izina rya Ndimbati kubera uburyo basa, avuga ko kuba bamwita Ndimbati akaba ari n'umuvandimwe we, ntacyo bimutwaye.
Ati 'Nabikoraho iki se? mbyakira gutyo rimwe na rimwe hari igihe najyaga mu modoka ngahita muhamagara nti 'bimeze gute ko bampamagara bazi ko ari wowe' ariko nkabyakira gutyo.'
Yavuze ko yababajwe n'ifungwa ry'umuvandimwe we ubu ufungiye muri Gereza ya Nyarugenge nyuma y'uko afatiwe icyemezo cyo gufungwa by'agateganyo kubera ibyo akurikiranyweho birimo gusambanya umukobwa.
Source : https://yegob.rw/umugabo-usa-nka-ndimbati-akomeje-kuvugisha-abatari-bake-video/
Umuhanzi Humble Jizzo yatangaje ko agiye kwerekeza mu gihugu cya Kenya aho biteganyijwe ko azajyana n'umuryango we.
Kunkuru dukesha isimbi ivugako uyu muhanzi yiteguye kurira indege ndetse n'umuryango we Amy Blauman .
Tubibutse ko Kandi Manzi James [Humble Jizzo] yari umwe mu baririmbyi b'itsinda Urban Boyz kurubu ryatandukanye , mumwaka wa 2018 nibwo yakoze ubumwe mu birori bibereye ijisho byabereye ku nkengero z'ikiyaga cya Kivu. Abantu b'ibyamamare bitabiriye ubu bukwe ni bacye cyane. Mu babwitabiriye harimo; Alex Muyoboke, DJ Pius, Riderman, Nizzo na Mighty Popo.
Kumakuru dufite nuko yarasanzwe ajya I Burayi ariko ubu akaba agiye gutura muri Kenya byigihe kirekire.
Source : https://yegob.rw/breaking-newsbitunguranye-humble-jizzo-agiye-kwerekeza-iburayi/
Icyo cyayi ni umutungo ukomeye ku baturage bo mu Karere ka Nyaruguru n'abashoramari bashoyeyo ayabo mu buhinzi no mu nganda zigitunganya zikacyongerera agaciro.
Imibare igaragaza ko kugeza ubu ubuso bwa hegitari 5750 ari bwo buhinzeho icyayi mu Karere ka Nyaruguru, kikaba gitanga umusaruro urenga toni 5700 ku mwaka.
Hari inganda eshatu zigitunganya ari zo Mata Tea Company Ltd, Nshili-Kivu Factory na Muganza- Kivu Factory. Hari n'izindi ebyiri zigiye kubakwa n'umushoramari mushya.
Bamwe mu bahinzi b'icyayi muri ako karere bavuga ko cyahinduye imibereho yabo kubera amafaranga bakuramo abafasha kubaho no gukoresha ibyo bakeneye.
Ngarukiye Deo wo mu Murenge wa Mata yatangiye guhinga icyayi mu 1978 ahereye ku buso bwa are eshanu ariko kuri ubu ageze kuri hegitari 10.
Ati 'Kuri ubu nsarura toni zirenga icyenda nkakuramo amafaranga arenga miliyoni imwe n'igice. Guhinga icyayi byamfashije kwigisha abana banjye, umuto muri bo ari kurangiza kaminuza. Icyayi cyanteje imbere kuko nubatse inzu kandi mfite n'amatungo ndi umuturage ubayeho neza.'
Mukarwego Cancilida avuga ko yatangiye guhinga icyayi mu 2018 none imibereho ye yatangiye guhinduka.
Ati 'Nari mfite ahantu hari ishyamba ariko nta musaruro mbona kuko nta biti byiza byabagamo, hari harimo ishinge gusa. Kuva nahatera icyayi cyatangiye kwera mu 2019 ku buryo nkigurisha ku ruganda nkabona amafaranga nkayikenuza. Namaze kuvugurura inzu yanjye kandi naguzemo n'inka.'
Ngendahayo Théoneste we avuga ko akimara gushishikirizwa guhinga icyayi yabikoze none cyatangiye kumuha umusaruro.
Ati 'Mu 2019 nibwo icyayi nahinze cyatangiye kumpa umusaruro, nkigurisha nahise ngura inka ku buryo nsigaye mbona amata n'ifumbire kandi nta kibazo cy'ibiribwa kikiba iwanjye mu rugo. Ibikoresho byo mu rugo na byo narabiguze ku buryo nta kibazo cy'ubukene kiri iwanjye.'
Uwamaliya Jeanne yavuze ko yiyubakiye inzu ayikuye mu buhinzi bw'icyayi kandi yinjiza amafaranga arenga ibihumbi 100 Frw buri kwezi.
Ati 'Niyubakiye inzu nziza nyikuye mu cyayi kandi buri kwezi nibarira umushahara w'ibihumbi 150.'
Uwizeyimana Anne Marie avuga ko icyayi yahinze muri 2017 cyatangiye kwera kandi asigaye asarura akagurisha.
Umuyobozi w'Akarere ka Nyaruguru wungirije ushinzwe Iterambere ry'Ubukungu, Gashema Janvier, avuga ko amafaranga icyayi cyinjiza mu baturage asaga miliyari 4 Frw mu mwaka.
Ati 'Nko mu minsi ishize twabaraga amafaranga agera muri miliyari enye na miliyoni 500 yinjiye mu baturage.'
Ayo mafaranga yinjira mu baturage binyuze mu bahinze icyayi bakagurisha umusaruro, abahabwa akazi ko kugisoroma, abakora mu nganda zigitunganya, abashyiriweho amarerero yo gusigamo abana babo igihe bagiye mu cyayi n'abandi bayabona mu bundi buryo.
Imyumvire yo hasi yari yarekenesheje bamwe
Hari bamwe mu bahinzi b'icyayi bo mu Karere ka Nyaruguru bavuga ko kuba basigaye bahabwa icyo kunywa mbere y'uko cyoherezwa ku masoko mpuzamahanga, byabakuyemo imyumvire yo kumva ko ari icy'abazungu gusa bituma bacyitaho by'umwihariko.
N'ubwo hari abamaze imyaka myinshi bagihinga, bavuga ko batari bakagize umuco wo kukinywa kuko bumvaga ko ari icy'abifite bigatuma batacyitaho neza.
Mbarubukeye Thomas ati 'Ntabwo icyayi twakinywaga twumvaga ari icy'abazungu cyangwa abantu b'abaherwe; twebwe twinyweraga ibigage n'urwagwa. Kuba tutaranywaga icyayi byatumaga tutamenya agaciro kacyo ngo tucyiteho tugihinge neza tubone amafaranga.'
Mukanyonga Cécille we avuga ko kuri ubu basigaye banywa icyayi bakumva uburyohe bwacyo bikabatera umurava.
Ati 'Ariko iyo nyoye kuri cya cyayi cyacu cyatunganyirijwe mu ruganda iwacu ndavuga ngo ndimo kumva uburyohe bw'umurimo nakoze.'
Umusaruro kuri hegitari uracyari muke
Iyo ugeze mu Karere ka Nyaruguru ukitegereza icyayi cyahinzwe n'inganda ndetse n'icy'abaturage uhita ubona itandukaniro.
Bigaragara ko umusaruro w'icyayi gihingwa n'abaturage ukiri muke ugereranyije n'uboneka mu cyayi cy'inganda.
Ibyo ahanini biterwa n'uko hari abaturage bahinga icyayi ntibacyiteho ngo bagifumbire neza banagisasire.
Abo baturage bagirwa inama yo kwita ku cyayi kugira ngo kibahe umusaruro mwiza uruta uwo basanzwe babona. Barasabwa no kujya bigira ku nganda bakamenya ibanga zikoresha kugira ngo zibone umusaruro mwiza.
Mu Karere ka Nyaruguru hagaragara imisozi myinshi yamezeho ishinge kandi ba nyirayo bavuga ko nta cyo ibamariye kuko ni yo bayahiriye amatungo itabasha kubora ngo ivemo ifumbire.
Ubuyobozi bw'Akarere ka Nyaruguru bukangurira abaturage kubyaza umusaruro imirima yabo, cyane cyane ahari ishinge bakahahinga icyayi kuko bafite ubutaka bwiza cyeraho.
Muri ako karere bazaniwe umushoramari wo mu Bwongereza ufasha abashaka guhinga icyayi akabaguriza amafaranga yo kubikora noneho bakazamwishyira kimaze kwera nta nyungu bamuhaye. Icyo basabwa ni ukuba abafite amasambu yo kugihingaho noneho cyamara kwera bakajya bakigurisha mu ruganda rushya azubaka mu ntangiriro z'umwaka utaha.
Muhanga yari yatsinze Rwamagana City igitego 1-0 mu mukino ubanza wari wabereye i Rwamagana, gusa umukino wo kwishyura nayo itsinzwe ibitego 2-1 ihita isezererwa ku kinyuranyo cy’igitego cyo hanze. Muhanga yari yazamutse mu itsinda rya 2 iri ku mwanya wa mbere aho yari ifite gahunda yo kugaruka mu cyiciro cya mbere yaherukagamo umwaka ushize.
Heroes FC nayo ni indi kipe ikuwe amata ku munwa, nyuma y'aho inyagiriwe iwayo na Vision FC ibitego 4-0. Heroes FC yari yagaragaje ko ifite gahunda yo kuzamuka, ubwo mu mukino ubanza yari yagiye gutsinda ku mumena Vision FC ibitego 2-1.
Mu majyepfo y’u Rwanda mu Karere ka Nyanza naho hari umukino ukomeye, aho Nyanza FC yari yakiriye Interforce FC yari yanayitsinze ibitego 2-1. Uyu mukino waje kurangira Nyanza FC nayo itsinze Interforce FC ibitego 2-1 amakipe yombi yitabaza penariti, birangira Nyanza FC isezerewe kuri penariti 10 kuri 9.
Mu Karere ka Nyagatare, Sunrise FC yari yakiriye Intare FA zanayitsindiye i Shyorongi, abenshi batangira kwikanga ko Sunrise FC ishobora kukanirwa kuzamuka. Ku munota wa 4 gusa, byari bihagije ko Intare FA zibona ko bitari buze koroha nyuma y’igitego Shyaka yari atsinze. Ku munota wa 33 gusa, Mubilu yaje gutsinda igitego cya 2 naho igice cya mbere kibura iminota 8 ngo kirangire, Rucogoza Djihad aterekamo igitego cya 3 umukino unarangira uko. Imikino ya 1/2 izatangira tariki 11 Kamena Sunrise FC yakira Vision FC, naho Rwamagana City yakire Interforce FC, imikino yo kwishyura izabe tariki 14 Kamena uyu mwaka.
Nyanza FC isezerewe kuri penariti
Umuhanzi Nyarwanda usigaye wibera muri Canada, Safi Madiba yavuze ko urukundo ari ibintu atagitekereza kubera ko yabigiyemo igihe kinini ariko bikaba byaramunaniye.
Yatangaje ibi nyuma y’uko we na Niyonizera Judithe bari barakoze ubukwe bahisemo gutandukana.
Mu kiganiro uyu muhanzi yahaye Ally Soudy mu cyumweru gishize, yavuze ko we n’umugore we impamvu batandukanye ari uko bananiwe guhuza nta kindi, ngo nta gihe cyo kwigana babonye.
Ahamya ko yasanze gukundana atabishobora ahitamo kubivamo burundu.
Ati “Ibintu iyo usanze utabishobora ubivamo, ibintu by’urukundo nabaye nshyize hasi umupira.”
Ngo yasanze ari umwanditsi mwiza n’umuhanzi mwiza w’urukundo ariko we atashobora gukundana.
Ati “Kubera ko turirimba urukundo cyane, hari igihe kigera ukabona urabishoboye, nakubwiye mu buzima tugenda twiga, urukundo nzi kururirimba no kurwandika ariko si ibintu byanjye kuko nk’uko ubivuga nabyivurugusemo inshuro nyinshi cyane ariko byarananiye, ndagerageza nkashaka koroha bikananira.”
Muri 2017 nibwo yakoze ubukwe na Niyonizera Judithe, 2020 yaje kumusanga muri Canada aho umugore we yabaga, nyuma y’igihe gito nibwo yahise atangaza ko batandukanye.
Safi kandi yavuzwe mu rukundo n’abakobwa batandukanye barimo na Parfine, Knowless ariko nabo ntibarambanye.
Source : http://isimbi.rw/imyidagaduro/article/ibintu-by-urukundo-si-ibintu-byanjye-umuhanzi-safi-madiba
