Category: Uncategorized

Ni amafaranga yakusanyirijwe mu nama yiswe Partner2Connect Digital Development Roundtable, yaberaga mu Rwanda kuva ku wa 7-9 Kamena 2022. Ni igice cy'inama y'Ihuriro Mpuzamahanga ry'Itumanaho (ITU), yiswe ITU World Telecommunication Development Conference, WTDC, ibera mu Rwanda kuva ku wa 6-16 Kamena.

Ku munsi wa nyuma ya Partner2Connect , ITU yatangaje ko mu gukusanya ubushobozi hitanze inzego 360, hakusanywa miliyari $18.55 agenewe gufasha miliyari z'abaturage kugerwaho n'ikoranabuhanga.

Mu itangazo yasohoye, Umunyamabanga Mukuru wa ITU, Houlin Zhao, yatangaje ko inkunga, serivisi, umusanzu mu bya tekiniki n'ubundi bufasha byatangarijwe muri iyo nama, bizafasha mu kwegereza abantu no kubategurira kubyaza umusaruro ikoranabuhanga.

Yakomeje ati 'Inkunga zatanzwe ndetse n'ukwiyemeza kwagaragarijwe i Kigali no mu mezi abanziriza iyi nama, bitanga ubutumwa bukomeye ko dufatanyije twagera ku ishoramari mu iterambere ry'ikoranabuhaga kandi ntihagire n'umwe usigara inyuma.'

Bibarwa ko mu basaga miliyari zirindwi batuye Isi, abagera kuri miliyari 2.9 batagerwaho na Internet.

Minisitiri w'Ikoranabuhanga na Inovasiyo, Paula Ingabire, unayoboye WTDC, yavuze ko ibihugu byose bikeneye gukorera hamwe niba bikeneye kugera ku ntego byihaye.

Yakomeje ati 'Partner2Connect ni bumwe mu buryo bwiza bwafasha mu kwihutisha iyo gahunda no kubaka ubufatanye bwageza ku ikoranabuhanga rirambye kuri bose.'

Ni ishoramari ryakusanyijwe mu gihe icyorezo cya COVID-19 cyagaragaje ko ikoranabuhanga ari ingenzi mu gutuma imirimo myinshi ishoboka.

Ubwo yatangizaga iyi nama ku wa Mbere, Perezida Paul Kagame yavuze ko mu Rwanda kimwe n'ahandi ku Isi, icyorezo cya COVID-19 cyihutishije uburyo inzego zitandukanye zibyaza umusaruro ikoranabuhanga, ariko ngo haracyari imbogamizi.

Zirimo kuba kubona internet yihuta cyane bitagendanye n'izamuka ry'uburyo ikoranabuhanga rikoreshwa, nko mu kubakira ubukungu ku ikoranabuhanga muri rusange.

Yakomeje ati “Mu gihe ubwo busumbane bwakwirengagizwa, iterambere rizihuta cyane mu bice bimwe by'Isi, mu gihe ahandi rizagenda buhoro. Imibare irivugira. Kimwe cya gatatu cy'isi ntabwo gifite internet, kandi umubare munini ni abagore bo mu bihugu biri mu nzira y'amajyambere.”

“Inshingano zo guhindura ahazaza h'ubukungu mu ikoranabuhanga kandi ntihagire n'umwe usigara inyuma, ziri mu biganza byacu dukoreye hamwe. Nta kigo, igihugu, cyangwa urwego rufite ubushobozi bwo kubikora cyonyine. Tugomba gushyira imbere ubufatanye bwa leta n'abikorera mu kwagura uburyo bwo kugera ku ikoranabuhanga rihendutse, kandi tugafasha abaturage bo hasi kubona ubumenyi bukenewe muri iryo koranabuhanga.”

Yavuze ko ibyiciro by'ibiganiro bizaranga iyi nama, ari amahirwe mashya akwiye kubyazwa umusaruro.

Kuri uyu munsi wa gatatu wo gukusanya ubushobozi, u Busuwisi bwatangaje ko bugiye kuba icyicaro cya Giga — gahunda ihuriweho ya ITU-UNICEF igamije kugeza internet ku mashuri yose kugeza mu 2030.

---

Abantu barahaguruka bakavuga baranguruye n'amajwi yabo yose, bakagaragaza ko bakunda Imana n'umutima wabo wose, nyamara iyo witegereje ibikorwa bya bamwe na none ubona ibihabanye n'ibyo ushobora kwibwira.

Umugore witwa Tejumola yatinyishije umugabo we, avuga ko umunsi yabaye umukozi w'Imana (Pastor) batazongera kubana, ashimangira ko azahita amuta burundu umubano wabo ukarangira. Uyu mugore yemeje ko umunsi umugabo we azamurutisha gusenga, amasengesho akaba ariyo ashyira imbere batazongera kubana. Uyu mugore yasoje avuga ko atajya yibona yakundanye n'umuntu uvuga ko yiyeguriye Imana, cyangwa Pasiteri. Mu nyandiko ye, uyu mudamu yagize ati

'Mu gihe uwo twashakanye yaramutse abaye Pasiteri, bizaba bihagije ngo dutandukane. Ibyo ntabwo aribyo mba naraje gukora, sinzigera mva ku mwanzuro wanjye rwose, nzamusezera'.

Bamwe mubabonye ibi uyu mugore yanditse bifashe ku munwa, abandi baramuhanura bamwereka ko ukuri kwe ntaho gutaniye no kwishuka. Ese wowe utekereza ko uyu mudamu ari mu nzira nziza? Ahari ntabwo ari mu nzira nzima. Ese birakwiriye ko umugore asiga umugabo ngo ni uko yabaye umukozi w'Imana?

Ibi ubuyobozi bwabitangaje nyuma y'aho muri Gashyantare bwari bwavuze ko bwamaze kubona ibyangombwa byose ndetse imirimo yo kubaka ikaba yari gutangira muri Mata.

Kuri ubu nta kintu na kimwe kirakorwa ku hazubakwa isoko rishya kuko hakiremera isoko rishaje.

Bamwe mu bacuruzi bahacuririza bavuga ko bataramenya igihe bazimukira ngo kuko ubuyobozi buhora bubabwira ko ari mu minsi mike iri imbere ariko ngo bareba n'aho bazabimurira bagasanga nta kintu na kimwe kirahakorwa.

Umuyobozi w'Akarere ka Rwamagana, Mbonyumuvunyi Radjab, yavuze mu byumweru bibiri biri imbere imirimo yo kubaka isoko rishya aribwo izatangira nyuma yo gutunganya aho bagiye kwimurira isoko.

Ati ' Abaturage twababwira ko imirimo igiye gutangira vuba cyane, kuko kwimura abaturage bari bafite isoko ntabwo byoroshye. Navuga ko habayemo ibintu bibiri byatumye bisa naho imirimo idindira, icya mbere ni ibijyanye n'amasoko. Muzi ko iyo hari uwapiganwe akavuga ko abona yajurira bishobora gutwara amezi atatu kugira ngo twongere dushungure neza dusesengure, ibyo byose byagiye bidukoma mu nkokora.'

Icya kabiri yavuze ko ari ukureba aho bimurira isoko rya Rwamagana aho ngo kuri ubu babonye ubutaka bunini buri hafi y'agakiriro ka Rwamagana ari naho bagiye kwimurira isoko.

Ati ' Ubu turi gusiza ngo tuhubake aho bazaba bagiye kugira ngo mu gihe cy'izuba n'imvura batazagira ikibazo. Turizera ko mu gihe kitarenze ibyumweru bibiri bazaba bimutse kuko uzubaka isoko yamaze kuboneka ndetse n'uzamukurikirana nawe yarabonetse.'

Meya Mbonyumuvunyi yavuze ko kuri ubu bamaze gukorana inama n'abahagarariye abikorera mu Karere ka Rwamagana ndetse n'abayobozi b'isoko kugira ngo batangire kubwira abarikoreramo kwitegura kwimuka kugira ngo hatazagira utungurwa no kubona yimuriwe ahandi.

Isoko rya Rwamagana biteganyijwe ko rizubakwa mu byiciro bitatu, rikazaba rigeretse inshuro eshanu. Rizuzura ritwaye miliyari 10.8 Frw.

Mu cyiciro cya mbere hazubakwa ibisima byo gucuririzaho 1000, amaduka 40, ububiko ndetse na parikingi y'imodoka 58 n'ubwiherero 32.

Mu gice cya kabiri isoko rizagira imiryango 88 ndetse hanubakwe irerero rizajya rikoreshwa n'ababyeyi baricururizamo, naho mu gice cya gatatu imiryango izazamuka igere kuri 90, rigire na parikingi yakira imodoka 90 zirimo imbere hanze ho igire parikingi yajyamo imodoka 26.

---

Urwego rw’Igihugu rw’ubugenzacyaha (RIB), rurasaba urubyiruko kwitwararika mu kwitabira ibirori bibera mu bwihisho, kuko ari hamwe mu hacurirwa ibikorwa (…)

Ikigo cy’Igihugu cy’isuku n’isukura (WASAC), ku bufatanye na komisiyo ishinzwe kubungabunga amazi y’ikiyaga cya Victoria (LVBC), baratangaza ko bitarenze (…)

Iyi nama izaba kuva kuwa 20 kugeza kuwa 25 Kamena 2022. Mu gihe imyiteguro ikomeje yo kwakira iyi nama, imihanda y'ahazwi nko muri ‘Peyage’ ugana mu Mujyi rwagati, ‘Peyage’ ugana kuri Kigali Convention Centre yashyizwemo ibyapa bisobanura byinshi kuri iyi nama.

Bisa n'aho iyi mihanda ari imwe mu mihanda izifashishwa mu gihe cya CHOGM.

Minisitiri w'Intebe, Dr Edouard Ngirente, aherutse kubwira itangazamakuru ko hari gutegurwa ikarita izagaragaza imihanda izifashishwa mu gihe cya CHOGM, bityo ko ntawe ukwiye kugira impungenge.

Polisi y'Igihugu, igira abantu inama yo gukoresha indi mihanda, mu gihe uwo bashakaga kunyuramo basanze ufunze. Ibi byapa byashyizwe muri iyi mihanda, bitanga ubusobanuro kuri CHOGM n'ibindi.

U Rwanda rugiye kwakira inama ya CHOGM, mu gihe imibare igaragaza ko ari igihugu cya gatatu ku isi mu kubahiriza ihame ry'uburinganire, aho abarenga 61% by'abagize Inteko Ishinga Amategeko y'u Rwanda ari abagore.

Ku wa 23 Nzeri 2008, Perezida Paul Kagame yavugiye mu Nteko Rusenge ya 63 y'Umuryango w'Abibumbye i New York ko ihame ry'uburinganire ari imbarutso y'iterambere y'u Rwanda rwifuzwa.

Ati 'Ku birebana no kongerera ubushobozi abagore no kubashishikariza kugira uruhare mu buzima bwa politiki, imibereho myiza n'ubukungu by'igihugu; twakomeje gutera intambwe igana imbere.

Twemera ko, usibye no kwimakaza ihame ry'uburinganire mu gihugu cyacu, iyi ari n'imbarutso y'iterambere rituganisha ku kugera ku cyerekezo cyacu cyo kubaka u Rwanda rwa bose, rutekanye kandi rurangwa na demukarasi.'

Ibihugu 48 muri 54 bigize Commonwealth bifite amategeko ahamye ajyanye no kurwanya ihohoterwa rishingiye ku gitsina. Ni mu gihe 41 bifite amategeko ahana guhoza ku nkeke bifitanye isano n'imibonano mpuzabitsina.

Mu kiganiro cyabereye kuri Twitter Space mu minsi ishize, Umuyobozi w’Ikigo cy’Igihugu cy’Iterambere (RDB), Clare Akamanzi yavuze ko CHOGM ari ‘amahirwe akomeye ku Rwanda akwiye kubyazwa umusaruro, mu ishoramari no kwagura ubufatanye'.

Umuyobozi wa Commonwealth ni Umwamikazi Elizabeth II. Azasimburwa n’Igikomangoma cya Wales, Prince Charles. Commonwealth igizwe n'abaturage basaga miliyari 2.5.

U Buhinde ni cyo gihugu gifite abaturage benshi mu bibarizwa muri uyu muryango, kuko gifite miliyari 1.4. Ni mu gihe Nauru ari cyo gihugu gifite abaturage bacye, kuko gifite abakabakaba ibihumbi 13.

Afurika ni wo mugabane ufite ibihugu byinshi muri Commonwealth, kuko harimo ibihugu 19.

Intego z'uyu muryango ni Iterambere, Demokarasi, n’Amahoro. 

U Rwanda rwinjiye muri uyu muryango mu mwaka wa 2009.

Guhera muri Kamena, Umuyobozi wa CHOGM azaba Perezida Paul Kagame, icyicaro cyayo kimukire mu Rwanda kugeza mu 2024.

Icyicaro giheruka cyari mu Bwongereza, umuyobozi akaba Minisitiri w’Intebe w’u Bwongereza, Boris Johnson.

Iyi nama ya CHOGM igiye kubera mu Rwanda yahawe insanganyamatsiko igira iti 'Ejo heza dusangiye: dushyira hamwe, duhanga udushya, twiteza imbere.'

Uretse kuba inama ya CHOGM ihuriza hamwe abakuru b’ibihugu na za Guverinoma, abikorera ku giti cyabo, abahagarariye ibihugu byabo, abashoramari n'abandi, inajyanishwa n'ibikorwa by'imyidagaduro bifasha abayitabiriye kwidagadura.

Ni ku nshuro ya kabiri iyi nama igiye kubera muri Afurika nyuma y’imyaka 14.

Ku kigero cya 86% u Rwanda ni cyo gihugu gifite umubare w'abagore benshi bari mu kazi mu muryango wa CommonWealth.  Ikigero muzandengo muri Commonwealth ubundi ni 56.3%

Canada ibarizwa muri uyu muryango ni yo ifite umubare w'abakobwa benshi bagera mu mashuri yisumbuye ku kigero cya 100%.    

Imihanda imwe n'imwe yo muri Kigali yarimbishijwe ibyapa bya CHOGM 

Inama ya CHOGM (Commonwealth Heads of Governments Meeting), yitabirwa n'Abakuru b'ibihugu 54 bigize uyu muryango    

U Rwanda rugiye kwakira 'bwa mbere' Inama y’abakuru b’ibihugu bihuriye mu muryango wa Commonwealth izwi nka CHOGM 

Mu 2009 ni bwo u Rwanda rwinjiye mu muryango wa Commonwealth uyobowe n'Umwamikazi w'u Bwongereza, Elizabeth II 

Umuhanda wa ‘Peyage’-mu Mujyi rwagati- ‘Peyage’ kugeza kuri Convention Centre harimbishijwe ibyapa bya CHOGM 

Ubusitani buritabwaho uko bucyeye n’uko bwije 

Kwita ku bidukikije ni inkingi ikomeye mu mibereho ya muntu 

M Hotel iri muri hoteli zo muri Kigali zizakira abazitabira CHOGM    

Hari inyungu nyinshi u Rwanda ruzakura mu kwakira iyi nama ya CHOGM no kuba rubarizwa muri uyu muryango mugari wa Commonwealth     

Mu nama ya CHOGM yo mu 2018 i Londres nibwo u Rwanda rwahawe kwakira iyi nama     

Hari gukorwa imirimo yo kwagura imihanda, kuyirimbisha (gusiga amarangi) n'indi   

Commonwealth ni umuryango uhuriyemo ibihugu 54 byiganjemo ibyahoze bikoronijwe n’Ubwongereza

AMAFOTO: Sangwa Julien-INYARWANDA.COM