Category: Uncategorized

Kuri uyu wa Kane tariki 16 Kamena 2022 habaye imikino ine y’umunsi wa 30 usoza Shampiyona ya 2021-2022, ikipe ya APR FC itwara igikombe cyayo cya 20, (…)

Ibi byagarutsweho n'Umunyamabanga wa Leta muri Minisiteri y'Uburezi ushinzwe amashuri abanza n'ayisumbuye, Twagirayezu Gaspard, kuri uyu wa 15 Kamena 2022.

Hari mu muhango wo guhemba abana biga mu mashuri abanza bahize abandi mu marushanwa yo gushushanya n'ubugeni (drawings, arts, and Painting), bagamije kugaragaza ibyiza by'umuryango wa Commonwealth.

Ni amarushanwa yateguwe mu gihe u Rwanda rugiye kwakira Inama y'abakuru b'ibihugu na za Guverinoma bagize Commonwealth, CHOGM. Yateguwe na Minisiteri y'Uburezi binyuze mu Kigo gishinzwe ubugenzuzi bw'amashuri n'ibizamini NESA.

Aba bana bahawe ingingo zitandukanye bagomba kuvugaho zirimo inkingi z'uyu muryango w'ibihugu bivuga ururimi rw'icyongereza, n'icyerekezo u Rwanda rufite muri rusange.

Izo ngingo zirimo ubukungu, iterambere, ubuzima, imibereho myiza, imiyoborere, ikoranabuhaga, uburinganire n'iterambere ry'umuryango, kwihangira imirimo, guhanga udushya n'ibindi.

Muri izo ngingo buri mwana yakoraga umushinga wo gushushanya ashingiye ku yamukoze ku mutima, ari nako nabo bagaragaza ubuhanga budasanzwe.

Ni amarushanwa yahereye ku rwego rw'ibigo by'amashuri, agera no ku rwego rw'uturere ari naho abana 30 batsinze mu turere twose tw'igihugu bahurijwe i Kigali, bagaragiwe n'ababyeyi babo bagashyikirizwa ibihembo.

Birimo ibikoresho by'ishuri n'ibizabafasha gukomeza umwuga wabo wo gushushanya.

Umunyamabaga wa Leta muri Minisiteri y'uburezi ushinzwe amashuri abanza n'ayisumbuye, Twagirayezu Gaspard, yavuze ko abana nubwo bakiri mu mashuri yo hasi bagaragaje ubuhanga buhanitse, bityo ko impano zabo zikwiye gusigasirwa.

Yagize ati “Ibyo mwakoze bigaragara ko mwabikoranye ubuhanga n'umuhate wo gutsinda. Nibyo rero tuba twifuza kandi tukaba twizera ko izi mpano zanyu tubonye hano muzazikomeza, natwe tukaba tubizeza ko tuzakomeza kubafasha uko tubishoboye kugira ngo mukomeze gutekereza aho twageze n'uruhare mufite mu kubaka ejo hazaza.”

Yakomeje agira ati “Twebwe tubarera, ubu buhanga bafite biradusaba natwe gushyiramo izo mbaraga kugira ngo dukomeze gufasha abana bacu gukoresha ubuhanga bafite none ndetse n'ejo hazaza, kandi uwo ni umukoro kuri Minisiteri y'Uburezi ndetse n'abandi bari mu mashuri.”

Yavuze ko mu rwego rwo guteza imbere ubugeni no gushushanya, muri rusange hagiye gushyirwa imbaraga mu gutegura imfashanyigisho no guhugura abarimu ku birebana no gufasha abana mu guteza imbere impano zabo.

Amasaha yo kubyiga mu mashuri aracyari make

Ubusanzwe abana biga mu mashuri abanza bagiraga isomo bigamo gushushanya, kuririmba n'ubundi bugeni.

Muri iki gihe byakugora kubona umwalimu wicaye ari kwigisha gushushanya, ibyo bikanatuma abana badakunda uwo mwuga nubwo uri mu yihagazeho muri iki gihe.

Abanyeshuri bahembwe nubwo bashushanyije ndetse bakagera ku rwego rwiza, bagaragaza ko ntaho bigeze biga gushushanya, ahubwo ko ari impano bisanzemo.

Niyonshuti Emmanuel wo mu Karere ka Ngororero yabwiye IGIHE ko gushushanya no kuririmba abifite nk'impano ye, ariko ko babonye amasaha yo kujya bahabwa umwanya wo kwiga ayo masomo byaba byiza kurushaho.

Ati “Gushushanya kuri njyewe biza ari nk'impano kuko ku ishuri ryacu ntabwo tubyiga. Baduhaye umwanya wo kwiga gushushanya ku ishuri byadufasha.”

Cyuzuzo Ngabo Glory wo mu Karere ka Gatsibo, yiga mu mwaka wa gatatu w'amashuri abanza, ariko yatunguye benshi kubera impano ye.

Yashushanyije agacuma ariko gafite byinshi gasobanuye urebye ibikagize, kandi bijyanye na Commonwealth n'inama ya CHOGM itegerejwe kuri uyu wa 20 Kamena 2022, i Kigali.

Yavuze ko ibyo yakoze byose abikomora ku mpano ye, n'ubwo afite umubyeyi umushyigikira mu bitekerezo bye, akamukundisha gushushanya.

Cyuzuzo afite inzozi zo kuzaba umupilote, kandi yizeye ko azabigeraho binyuze mu gukora cyane no guca bugufi nk'uko uyu mwana w'imyaka icyenda abivuga.

Umuyobozi muri Minisiteri y'Ububanyi n'amahanga ushinzwe u Burayi na Amerika, Ambasaderi Kavaruganda Guillaume, yavuze ko abana bato bakwiye gufashwa ku buryo bamenyekana ku rwego mpuzamahanga, mu birebana no gushushanya.

Amafoto: Igirubuntu Darcy

---

Umunyamakuru wa Rwandatribune uri Bunagana yavuze ko kuva mu masaha ya nimugoroba mu duce duhana imbibi n’umujyi wa Bunagana cyane mu marembo yaho werekeza Tchengerero habaye kurasana gukomeye aho bivugwa ko ingabo za FARDC zagabye igitero gikomeye zifatanyije na RUD Urunana.

Uruhande rwa FARDC ntirwabashije gutsimbura abo barwanyi,kuko M23 yabigaranzuye ikabambura n’uduce twa Kigote, Rubavu Gitovu ni two muri Gurupoma ya Kabindi.

Ubutumwa umutwe wa M23 wacishije kuri Twitter wagize Uti :'Turabamenyeshako twafashe ikiraro cya Rwankuba n’uduce twa Kigote, Rubavu na Gitovu.

Ibi bibaye mu gihe ingabo za Leta zikomeje kwisuka mu bice bya Rutshuru hafi ya Tchengerero aho bivugwa ko byibuze abasirikare ibihumbi 2000 bavuye mu bigo bya Kitona na Bukavu bakomeje kwikusanya ngo barebe ko bakwisubiza umujyi wa Bunagana.

Mu butumwa yanyujije kuri Twitter mu gitondo cyo kuri uyu wa Kane tariki 16 Kamena 2022, Perezisa Evariste Ndayishimiye yavuze ko ashyigikiye icyemezo cyo kohereza ingabo za EAC muri DRC.

Yagize ati 'Nakiriye neza itangazo rya Nyakubahwa Uhuru Kenyatta, Perezida wa Kenya unayoboye EAC ku muti w’ibibazo bibangamiye amahoro, umutekano n’ituze biri muri burasirazuba wa DRC bikomeje kubangamira imibereho y’abaturage bose bo mu karere.'

Muri Repubulika Iharanira Demokarasi ya Congo, hari n’imitwe irwanya ubutegetsi bw’u Burundi irimo Red-Tabara na FNL.

Ubu butumwa bwa Perezida Evariste Ndayishimiye, buje bukurikira itangazo rya Perezida Uhuru Kenyatta ryasohotse kuri uyu wa Gatatu tariki 15 Kamena, rivuga ko atangaje ko itsinda ry’ingabo rihuriweho n’Ibihugu bya EAC rigomba kujya muri DRCongo.

I warmly welcome the statement of H.E Uhuru Kenyatta @StateHouseKenya, President of #Kenya and Chair of @jumuiya on the security situation in the Eastern DRC which aims to restore peace, security & stability for the well-being of all the population of the region.

— SE Evariste Ndayishimiye (@GeneralNeva) June 16, 2022

Iki cyemezo gishingiye ku myanzuro yafashwe n’Abakuru b’Ibihugu tariki 21 Mata 2022 ko hagomba gushyirwaho iri tsinda ry’ingabo rihuriweho.

Perezida Uhuru Kenyatta yavuze tariki 14 na 15 Kamena yavuganye n’abakuru b’Ibihugu bya EAC ku murongo wa Telefone ku bibazo by’umutekano biri mu Ntara ya Kivu ya Ruguru n’iy’Epfo.

Yavuze ko abagaba bakuru b’Ingabo bo mu Bihugu bigize EAC bazahurira mu nama izaba ku Cyumweru tariki 19 Kamena mu rwego rwo kunoza imyiteguro yo kohereza izi ngabo muri Repubulika Iharanira Demokarasi ya Congo.

Minisiteri ishinzwe ibidukikije muri Namibia, yatangaje ko inkura z’umukara 'Black rhinos’ zigera kuri 11 ziherutse kwicwa, zikavanwaho (…)

Minisitiri w’Ubutegetsi bw’Igihugu, Jean Marie Vianney Gatabazi, yasabye Abayobozi b’uturere tw’Intara y’Iburengerazuba kubera urugero rwiza abo bayobora mu (…)

Ubutumwa bwanyujijwe ku rubuga rwa Twitter rw’intara ya Kivu y’Amajyaruguru bugaragaza, Gen Ekenge ageza ijambo ku bitabiriye imyigaragambyo yamagana u Rwanda ashinja kuba intandaro y’umutekano muke uri mu burasirazuba bwa Congo-Kinshasa.

Muri iyi mbwirwaruhame Gen Ekenge yashimiye Abanyekongo mu nzego zose bashyigikiye ko igihugu cyabo gitekana, ashimangira ko FARDC itazemera na gato ko hagira akandi gace ka Kivu y’Amajyaruguru kajya mu maboko ya M23 n’abafatanyabikorwa bayo yise ibyihebe .

Yagize ati :' Ndashimira abatabiriye iyi myigaragambyo y’amahoro. Mu izina rya FARDC, Polise n’izindi nzego z’umutekano , ndababwiza ukuri ko tutazemera ko hari akandi gace ka Kivu y’Amajyaruguru n’ubutaka bw’igihugu cyacu muri rusange kajya mu maboko y’ibi byihebe n’abafatanyabikorwa babo'

Gen Ekenge yashoje ijambo rye akangurira Abanyekongo kwigaragambya mu mahoro bamagana ibikorwa bigayitse bikorwa n’abaturanyi babo.

Gen Ekenge si ubwambere yumvikanye ashimangira ko ibihugu bituranye na RD Congo bifasha M23, dore ko ubwo Umujyi wa Bunagana wafatwaga yemeje ko ari ingabo z’u Rwanda zawufashe aho kuba M23 bahanganye.

Recevant ce mercredi 15 juin le mémo de la société civile au nom de l’autorité provinciale,le Gén. Ekenge porte-parole du Gouv. remercie la population pour le soutien indéfectible aux @FARDC_off et la @comgenpnc
Il a rappelé la population à marcher pacifiquement. pic.twitter.com/eKl3m1NZjg

— Gouvernorat du Nord-Kivu 🇨🇩 (@GouvNordKivu) June 15, 2022

Ubutegetsi bwa gisirikare bwa Kivu ya ruguru buvuga ko bumaze gutegura ibikenewe byose ngo ingabo zijye kwisubiza umujyi wa Bunagana.

Hagati aho Perezida Félix Tshisekedi yaraye ayoboye inama nkuru y’igihugu ya gisirikare yigaga ku kibazo cyo mu burasirazuba bw’igihugu, nk’uko ibiro bye bibitangaza.

Mu itangazo, umutwe wa M23 – uvuga ko ushaka ibiganiro na leta – watangaje ko ingabo za leta zimaze kohereza abandi basirikare hagati ya 1,000 na 2,000 muri Rutshuru kandi ugira uti : 'Ntabwo bazanywe n’amahoro”.

Francine Mundele atuye i Kinyamahura hafi y’umujyi wa Bunagana uri ku mupaka, yabwiye BBC ati : 'Ubwoba ni bwinshi, intambara ikomeye ishobora kuba hano. Abahunze ni benshi nabo ubu batinye kugaruka'.

Emery Samvula uba mu mujyi wa Bunagana nawe yabwiye BBC ko nubwo hari ituze ariko hari n’ubwoba ko imirwano ikaze ishobora kubera iwabo.

Mu butumwa bwanditse, Samvula yagize ati : 'Hari ituze hano, ariko sinavuga ko ubuzima ari ubusanzwe kuko hari ubwoba ko FARDC igihe cyose ishobora kugaba ibitero bikomeye'.

Abaturage baheruka guhunga imirwano yo mu mpera z’icyumweru gishize b’i Bunagana n’ibice by’inkengero zayo benshi ntibaragaruka mu ngo zabo, nk’uko Mundele na Samvula babyemeza.

Samvula ati : 'Hari bacye bagarutse ariko benshi baracyagumye aho bahungiye kugira ngo babanze barebe uko ibintu bigenda.'

Kuwa gatatu, Brig. Gen. Sylvain Ekenge, umuvugizi w’ubutegetsi bwa gisirikare bwa Kivu ya ruguru, yabwiye abaturage bari mu myigaragambyo ati : 'Tugiye gukora ibishoboka byose kugira ngo tuvane ku butaka abo baterabwoba n’ababafasha.'

Kuwa gatatu, Angèle Dikongue-Atangana uhagarariye ishami rya ONU ryita ku mpunzi muri DR Congo yavuze ko abantu 130,000 bavuye mu byabo muri teritwari za Rutshuru na Nyiragongo za Kivu ya ruguru kuva mu kwezi gushize kwa Gicurasi, nk’uko Radio Okapi ibivuga.

Muri abo, abagera ku 8,000 bahungiye muri Uganda kubera iyi mirwano imaze igihe hagati ya M23 n’ingabo za leta.

Ndasaba ko umutwe w’ingabo z’akarere utangira — Kenyatta

Ibiro bya Perezida Uhuru Kenyatta wa Kenya ari nawe ukuriye Umuryango wa Africa y’iburasirazuba byasohoye itangazo rivuga ko yifuza ko umutwe w’ingabo z’akarere abakuru b’ibi bihugu bemeje utangira gukora.

Iri tangazo rivuga ko Kenyatta yavuganye na bagenzi be kuri telefone kuwa kabiri n’ejo kuwa gatatu ku kibazo cya DR Congo.

Aba bategetsi mu kwezi kwa Mata(4) bari bemeje ishyirwaho ry’uwo mutwe w’ingabo 'ako kanya' ngo ujye kurwanya imitwe y’inyeshyamba yose muri DR Congo.

Mu gushyiraho uwo mutwe w’ingabo, inama y’abakuru b’ingabo yiga ku ishyirwaho ry’uyu mutwe yabereye i Goma izakurikirwa n’indi nama yabo izaba ku cyumweru tariki 19 Kamena i Nairobi yo 'kurangiza imyiteguro yo kohereza umutwe w’ingabo z’akarere', nk’uko iryo tangazo ribivuga.

Muri iryo tangazo, Uhuru Kenyatta avuga ko asaba 'ko umutwe w’ingabo z’akarere zitangira' zikarwanya inyeshyamba 'zose' mu ntara za Ituri, Kivu ya ruguru, na Kivu y’epfo.

U Rwanda, rushinjwa na DR Congo gufasha M23, ntirwitabiriye inama y’i Goma mu gihe hari umwuka mubi n’ubu ukomeje, ntibizwi niba ruzitabira inama y’i Nairobi. U Rwanda ruhakana gufasha M23.

Rayon Sports bivugwa ko yamaze kumenyesha abakinnyi bayo bagera ku 10 ko batazakomezanya mu mwaka utaha w’imikino wa 2022-23.

Iyi kipe yagize umwaka w’imikino wa 2021-22 utari mwiza aho ishobora gusoza shampiyona ku mwanya wa 4.

Amakuru agera ku kinyamakuru ISIMBI ni uko iyi kipe nubwo itarasohora itangazo ariko yamaze kumenyesha abakinnyi 9 bari n’bagifite amasezerano ko umwaka utaha itakibakeneye, aba bakiyongera ku basoje amasezerano ariko batifuza gukomezanya n’iyi kipe.

Bivugwa ko abakinnyi 5 b’abanyamahanga kubera umusaruro mubi barimo Kwizera Pierrot wari wasinye imyaka 2 n’igice muri Gashyantare uyu mwaka bagomba gusezererwa.

Hari kandi umunya – Cameroun, Mael Dinjeke wasinyiye Rayon Sports muri Gashyantare asinya amezi 6 akaba atazongerwa andi, mu mikino yakiniye Rayon Sports yayitsindiye igitego kimwe, hari na mugenzi we bakomoka mu gihugu kimwe cya Cameroun Steve Elomanga wari wasinye imyaka 2 ariko akaba agiye nyuma y’umwaka umwe, na we yatsindiye iyi kipe igitego kimwe.

Hari kandi umunya- Mali, Sanogo Souleyman winjiye muri Rayon Sports muri Nzeri 2021 asinye imyaka 2, bivugwa ko agomba gutandukana n’iyi kipe ataratsindira igitego na kimwe.

Undi mukinnyi w’umunyamahanga ugomba gutandukana na Rayon Sports ni Manace Mutatu wari wasinye imyaka 3 muri 2020 akaba yari asigaje umwaka umwe, uretse umusaruro muke, uyu mukinnyi anashinjwa imyitwarire mibi.

Uretse aba bakinnyi hari n’abakinnyi b’abanyarwanda bagomba gutandukana n’iyi kipe, yamaze kumenyesha ko itakibakeneye.

Barimo myugariro Habimana Hussein Eto’o uri ku mpera z’amasezerano ye muri Rayon Sports.

Undi mukinnyi usoje amasezerano wamaze kumenyeshwa ko atazakomezanya n’iyi kipe, ni Mujyanama Fidele wayinjiyemo avuye muri Heroes FC 2020.

Abakinnyi babiri bakina mu kibuga hagati binjiye muri Rayon Sports mu ntangiriro z’uyu mwaka w’imikino basinye imyaka 2, Byumvuhore Tresor na Mushimiyimana Mohammed nabo bivugwa ko bamaze kubwirwa ko batagikenewe.

Bukuru Christophe winjiye muri Rayon Sports muri Gashyantare 2022 na we ni undi mukinnyi iyi kipe yamenyesheje ko yajya kwishakira ahandi.

Uretse aba bakinnyi bivugwa ko nka Bukuru Christophe na we ashobora gutandukana na Rayon Sports.

Hari kandi n’abakinnyi basoje amasezerano bivugwa ko batifuza kongera amasezerano bayobowe n’umunyezamu Kwizera Olivier ndetse na kapiteni wayo, Muhire Kevin.