Category: Uncategorized

Umuhanzi Massamba Intore yatangaje ko igitaramo yateguye cyo kwibohora kiba kuri uyu wa Gatanu tariki ya 8 Nyakanga 2022 muri Camp Kigali amafaranga avamo (…)

Mu gitondo cyo kuri uyu wa Gatanu tariki 8 Nyakanga 2022 mu Murenge wa Cyuve, Akarere ka Musanze ku Biro by’Akagari ka Kabeza niho habonetse uriya murambo.

Amakuru yatanzwe n’uwahazindukiye aje gukora isuku nk’akazi ke ka buri munsi, inzego z’ubuyobozi ndetse n’iz’Ubugenzacyaha RIB bahita bahagera.

Byakekwaga ko yishwe anizwe, ariko iperereza ry’ibanze ryakozwe na RIB ryagaragaje ko nta gikomere kimugaragaraho ndetse ahubwo ko hagaragara amaraso yavuye aturuka mu kanwa bigakekwa ko ari ubundi burwayi yari afite bwamuhitanye.

Umunyamabanga Nshingwabikorwa w’Umurenge wa Cyuve Gahonzire Landouard aganira n’Umuseke yemeje aya makuru avuga ko iperereza ry’ibanze ryerekana ko uyu musaza yaba yazize uburwayi.

Yagize ati 'Mbere ya byose turihanganisha umuryango wabuze uwabo. Natwe amakuru y’urupfu rw’uyu musaza twayamenye mu gitondo ubwo umukozi ukora isuku hano ku kagari yari agiye gukora isuku akamubona aho yari aryamye yapfuye.

Ubu RIB imaze kudufasha mu iperereza ry’ibanze bamaze kutugaragariza ko bishoboka kuba yazize uburwayi kuko nta gikomere kimugaragaraho ku mubiri hose.'

Gahonzire Landouard YAVUZE KO 'Bishoboka ko umuntu yaba afite ubundi burwayi kandi no mu makuru abaturage baduhaye ni uko yari asanzwe arwaye.'

Yakomeje agira ati 'Turizeza abaturage ko umutekano uhari kandi iperereza rirakomeza gukorwa kuko uyu nyakwigendera tugiye kumujyana kwa muganga hakorwe ibizamini ikiza kuvamo na cyo turagisangiza abaturage.'

Umurambo w’uyu musaza wajyanywe ku Bitaro bikuru bya Ruhengeri kugira ngo ukorerwe isuzuma ryisumbuyeho hamenyekane neza icya cyabaye inkomoko y’uru rupfu.

Ivomo:Umuseke

Kuri Twitter, Minisitiri w’Ububanyi n’Amahanga w’u Rwanda, Dr Vincent Biruta yavuze ko ibyaganiriweho n’ibyemezo byafashwe bisobannutse.

Ati 'Mu nama yahuje impande eshatu i Luanda inzira yo gukemura ibibazo irimo ingingo n’ibikorwa bisobanutse bizashyirwa mu bikorwa n’impande zirebwa.Nta masezerano yasinywe, nta guhagarika imirwano byasinywe.'

Minisitiri Biruta avuga ko amakuru atariyo abangamira inzira y’amahoro muri RD.Congo no mu Karere.

Ibi biravugwa mu gihe Inyeshyamba za M23 zikimara kumva ibyatangajwe n’uruhande rwa Repubulika ya Demokarasi ya Congo, ko inama yahuje ba Perezida, Paul Kagame na Mugenzi we Felix Tshisekedi, i Luanda ku wa Gatatu tariki 6 Nyakanga, 2022 ku butumirwe bwa Perezida wa Angola, João Lourenço ko imirwano igomba guhagarara kandi M23 ikava mu bice yafashe.

M23 yasigaye yibaza ahandi izajya hatari muri Congo kandi abagize uwo mutwe ari Abanyekongo, bo bakavuga ko amasezerano atasinywa hagati ya Congo n’u Rwanda ko ahubwo Congo Kinshasa ikwiye kumvikana na bo.

Umuvugizi wa M23, Major Willy Ngoma yabwiye Ukwezi ko badateze kuva ku butaka bwa Congo kuko ari abenegihugu ahubwo ko bakwemera bakahasiga agatwe kuko batifuza kongera kuba impunzi.

Stephanie Nyombayire ukuriye ibikorwa by’Itumanaho mu Biro bya Perezida mu Rwanda yavuze ko mu byumvikanyweho hagati ya Perezida Paul Kagame na Mugenzi we Felix Tshisekedi, harimo :

* Kurandura umutwe wa FDLR n’indi mitwe yose iwushamikiyeho
* Gushyiraho uburyo bukenewe mu gufasha impunzi gutahuka
* Kurwanya imbwirwaruhame zibiba urwango
* Kongera kuzura imikoranira y’abashinzwe ubutasi hagati ya Congo n’u Rwanda
* Kuba Komisiyo ihuriweho n’impende zombi igamije gukemura ibibazo izahurira I Luanda/Angola ku wa 12 Nyakanga, 2022.

Kuva mu kwezi gushize, umutwe wa M23 wigaruriye ibice bimwe byo mu ntara ya Kivu ya Ruguru birimo n’umujyi wa Bunagana uri ku mupaka na Uganda.

Leta ya Congo ishinja leta y’u Rwanda guha ubufasha umutwe wa M23, leta y’u Rwanda na yo igashinja FARDC gukorana n’umutwe wa FDLR urimo bamwe mu bo u Rwanda rushinja gusiga bakoze jenoside mu 1994.

Uyu mutwe uvuga ko urwanira Abanye-Congo bavuga ururimi rw’Ikinyarwanda, uvuga ko bahejwe na leta ya Congo.

Leta ya Congo yamaganye abibasira Abanye-Congo bavuga ururimi rw’Ikinyarwanda cyangwa abakoresha imvugo ihembera urwangano.

Imirwano hagati y’ingabo za Congo n’umutwe wa M23 yongeye kubura mu mpera y’ukwezi kwa gatatu, nyuma y’imyaka igera hafi ku 10 yari ishize nta gitero gikomeye M23 ikora.

Mu cyumba cy’urukiko cyari kizengurutswe n’abashinzwe umutekano benshi, yavuze ko afungiwe mu kato kandi ko ubuzima bwe buri mu kaga asaba kurekurwa akaburana ari hanze.

Karasira aregwa ibyaha birimo guhakana jenoside no kuyiha ishingiro, no gukwirakwiza ibihuha, ibi byaha byose arabihakana.

Uyu yahoze ari umwalimu muri Kaminuza y’u Rwanda washinze urubuga rwa YouTube yavugiragaho amagambo arimo no kunenga ubutegetsi bwa FPR-Inkotanyi.

Uyu munsi yasubiyemo ko arwaye ihungabana n’agahinda gakabije hamwe na diabete, kandi akaba adahabwa ubuvuzi bukwiye.

Ni ubwa gatatu atanze inzitizi asaba gufungurwa akaburana urubanza rwe mu mizi adafunze.

Yabwiye umucamanza ko aho afungiye atemererwa kubona dosiye ikubiyemo ibirego kandi adahabwa umwanya uhagije wo kuvugana n’umwunganizi we mu mategeko.

Uyu mwunganizi we, Me Gatera Gashabana, yabwiye urukiko ko uburwayi bwa Karasira bwongerwa n’uburyo bubi afunzwemo kandi akaba atemererwa guhura n’abaganga b’inzobere.

Ubushinjacyaha bwavuze ko Karasira afunzwe kimwe n’abandi.

Bwongeraho ko uburwayi afite butamubuza kuburana bityo ko agomba gukomeza kuburana afunze.

Urukiko rwavuze ko ruzafata umwanzuro ku nzitizi Karasira yatanze tariki 11 z’uku kwezi kwa Nyakanga.

Karasira yatawe muri yombi mu mpera za Gicurasi (05) 2021, hashize amezi abiri yakatiwe gufungwa by’agateganyo iminsi 30 ategereje urubanza mu mizi.

APR FC mu rwego rwo kwiyubaka yitegura umwaka w’imikino wa 2022-23, yamaze gusinyisha abakinnyi 6 ni mu gihe yanafashe umwanzuro wo kongerera abandi 9 amasezerano.

Nubwo itarabitangaza kumugaragaro, gusa APR FC yamaze kwibikaho abakinnyi 6 yaguze bavuye mu yandi makipe.

Mu bwugarizi yasinyishije Ishimwe Christian wakiniraga AS Kigali, Abouba wakiniraga Police FC na Niyigena Clement wari usoje amasezerano muri Rayon Sports.

Iyi kipe kandi yasinyishije abakinnyi basatira izamu barimo Mbonyumwami Taibu wakiniraga Espoir FC, Niyibizi Ramadhan wakiniraga AS Kigali ndetse na Ishimwe Fiston wa Marines FC.

APR FC yafashe umwanzuro ko nta mukinnyi wa yo n’umwe izarekura, ikaba yaramaze kongerera amasezerano abakinnyi 9 bari basoje amasezerano.

Ku isonga hari umunyezamu Ahishakiye Hertier, myugariro Buregeya Prince, Nshimiyimana Yunusu na Ndayishimiye Dieudonne.

Hari abakinnyi bakina mu kibuga hagati Ruboneka Bosco ndetse na Itangishaka Blaise. Yongereye amasezerano kandi abakinnyi 3 bataha izamu Nshuti Innocent, Mugunga Yves na Bizimana Yannick.

Brittney Griner witabye urukuko kuri uyu wa kane, yireguye imbere  y'umucamanza agira ati: “Mu cyubahiro cyanyu ndashaka kwemera icyaha, ariko ntabwo nari mbigambiriye.  Sinifuzaga kurenga ku mategeko”. Yakomeje ati: “Ndashaka kuzatanga ubuhamya bwanjye nyuma. Nkeneye igihe cyo kubitegura”.  Ubuhamya yavavuga azatanga nyuma ntibyumvikanaga neza kuko yari yamaze kwemera icyaha, byumvikanye nko kuzasaba imbabazi ku bihano yashakaga kuvuga.  
 

Ubwo yinjiraga mu rukiko uyu munsi, camera z'itangazamakuru zari zimuhanze amaso aho yari yitwaje ifoto y'umugore we, Cherelle Griner nk'ikimenyetso cyo kwifuza kurekurwa ngo ajye mu rugo. Iyi foto yari afite yagerageje kuyigaragaza muri camera z'abanyamakuru aho yari ayifatanye n'izindi mpapuro.

     

 Yinjiye mu rukiko yitwaje ifoto y'umugore we

Uyu mugore ufite imyaka 33 y'amavuko, yitabye urukikio nyuma y'iminsi mike atabaje Perezida Biden ngo amukure mu buroko aho mu Burusiya. Perezida Biden na Visi Perezida we, Kamala Harris binjiye mu kibazo cye aho bijeje Cherelle Griner umugore we ko barimo kubikurikirana mu nzira zose zishoboka ngo arekurwe agaruke muri Amerika. N'ubwo bimeze gutyo ariko, mu gihe urukiko mu Burusiya rwakwanzura ko ahamwe n'icyaha ashobora gukatirwa imyaka icumi y'igifungo. Azongera kwitaba urukiko ku itariki ya 14 Nyakanga uyu mwaka.

 

Brittney Griner ari hamwe n'umugore we Cherelle Griner

Twabibutsa ko Brittney Griner akurikiranyweho kuba yari afite ibiyobyabwenge mu mizigo ye, ubwo yageraga ku  kibuga cy'indege cya Moscou hagati muri Gashyantare uyu mwaka.

 

Src: TMZ

Mu kiganiro n’abanyamakuru cyabereye ku biro bikuru bya MTN i Nyarutarama kuri uyu wa Kane tariki 7 Nyakanga, MTN Rwanda yatangaje ko itangije kumugaragaro ubu buryo bwiswe ‘Unicall’ bukoresha Murandasi, aho buzafasha by’umwihariko abafite ibigo byagutse byakira abahamagara benshi.

Iyi Serivisi kandi izafasha abakoresha kujya bavugana n’abakozi benshi bashoboka mu gihe kimwe kandi bitabagoye, cyo kimwe n’uko ari Serivisi ishobora gukoreshwa n’abo mu muryango umwe cyangwa abandi bahuriye ku kintu runaka.

Hasobanurwa ibya MTN unicall

Ndoli Didas, umuyobozi ushinzwe ibikorwa n’ubucuruzi muri MTN Rwanda yavuze ko ari igitekerezo bari bamaranye igihe nyuma yo kubona ko uburyo busanzwe bufasha abantu guhamagara kuri ‘Fixed Telephones’ zo mu kazi zari zihenze, zifite umubare ntarengwa w’abo zakira mu gihe kimwe kandi bigora kuzimura ngo zive hamwe zijyanwe ahandi.

Ndoli yavuze ko kandi ari igikorwa batekereje gukora bihereye ku kuba barabonye ko ubwo igihe icyorezo cya Coronavirus cyadukaga muri 2020, ibigo by’ubucuruzi bitorohewe no guhuza imikorere y’abakozi bakoreraga mu rugo badafite itumanaho rinoze.

Ndoli avuga ko MTN Rwanda yizeye ko ubu buryo bushya buzanezeza abakiliya bazabukoresha, cyane ko buzorohereza abantu guhamagarana nta mupaka w’umubare, kandi buhendutse.

Ndoli Didas

Iyi Serivisi yashyizweho, izabashisha abantu barenga 100 kuvugira icyarimwe bahujwe na Telephone imwe. Ibi bije bivugurura uburyo busanzwe bwa ‘Fix’, bwo bwashoboraga kwakira abantu 30 gusa bahujwe na Telephone imwe.

Hasobanuwe Imikorere ya ‘Unicall’

AMAFOTO: SANGWA Julien