Category: Uncategorized

Utembereye hirya no hono mu maguriro asanzwe acururizwamo amata i Kigali no mu nkengero zayo usanga igiciro cyari gisanzwe cyayo cyamaze kwikuba inshuro zigera kuri ebyiri.

Nko mu mezi atatu ashize litiro y'amata yaguraga 300Frw gusa byaje guhindura isura ubwo igiciro cyazamutse aho ubu iri hagati ya 500Frw na 700Frw.

Ubundi igiciro fatizo cy'amata mu Rwanda kuri litiro ni 228Frw ku barangura mu Mujyi wa Kigali bayifatira hagati ya 230Frw na 400Frw, bakayigurisha hagati ya 500Frw na 800Frw.

Izamuka ry'igiciro rijyana no kuba yarabaye make ku isoko kugeza aho abacuruza aturuka mu Ntara bajya gutega abayazana mu nzira kugira ngo babashe kuyarangura.

Bamwe mu bacuruzi babwiye Televiziyo Rwanda ko amata yabaye make ku isoko bigatuma bayarangura ahenze, bigatuma abakiliya babo binubira ibiciro bayabaheraho.

Byiringiro Benvenue yavuze ko ubu babangamiwe no kurangura amata ku giciro cyo hejuru ariko ugasanga abayagura batumva impamvu.

Ati 'Mbere amata yarabonekaga ku giciro kiri hasi, abaturage bakayazana ariko nk'ubu iyo twayafashe ahenze no kuyacuruza aba ahenze, abaturage bakabyinubira.'

Ku ruhande rw'abaguzi, Tuyizere Jean Bosco, yavuze ko hakwiye ubuvugizi, amata akagabanuka kuko ibiciro biriho bitakigonderwa na buri muntu kandi akenerwa na bose.

Ati 'Kariya gakaririto k'amata afunze gapima igice cya litiro kaguraga amafaranga 500Frw ubu kageze kuri 700Frw cyangwa 800Frw, abaguzi b'amata icyo twasaba ni ubuvugizi ibiciro bimanuke kuko amata akenerwa n'abantu benshi abakuru n'abana kandi iyo ibiciro bizamutse wa muturage wayabonaga ku giciro gito ntaba akiyabona.'

Ubusanzwe abacuruzi b'amata baba bayakuye ku makusanyrizo yagiye ashyirwaho hirya no hino, nayo aba yayakuye mu borozi batandukanye, akayageza ku bacuruzi.

Umwe mu bafite ikusanyirizo mu Karere ka Rulindo, Munyankindi Eugène, avuga ko bitumvikana impamvu abacuruzi batumbagiza ibiciro kuko n'ubwo amata yabuze ariko atakabaye ahenze nk'uko bimeze.

Ati 'Twebwe tubona ari urwitwazo rw'abacuruzi kuko mwumvise ibiciro byacu uko bihagaze, tukumva nibura banazamuye bakongeraho 100Frw ku yo bagurishagaho agakombe ariko ntibagombye kuzamura ku buryo burenze aho ngaho ngo igikombe cyikube kabiri kubera 50Frw gusa twazamuye kuri litiro imwe iyo baje kurangura hano.'

Ku ruhande rw'Umuyobozi w'ishami rishinzwe kongerera agaciro ibikomoka ku matungo muri RAB, Dr Niyonzima Eugene, yavuze ko icyateye ibura ry'amata ku isoko ari impeshyi yatumye inka zitabona ubwatsi ngo zitange umukamo uhagije.

Anasobanura ko guverinoma ishyize imbaraga mu gushyiraho uburyo n'ibikorwaremezo bizatuma amata adakurwa mu gace kamwe gusa.

Ati 'Twavuze kuri ibyo biri gukorwa kugira ngo amazi abashe kuboneka ariko ntitunakwiye guharira Intara y'Iburasirazuba gutanga umukamo ukoreshwa mu gihugu hose kuko imiterere y'iriya ntara bigaragara ko bagirwaho ingaruka n'impeshyi.'

'Hariho rero gahunda yo guteza imbere ubworozi mu bindi byanya, twavuga nk'icyanya cya Gishwati dore ko bo umukamo babonaga utanagabanyutse cyane tukabona hakwiye gutekerezwa cyane kugira ngo umukamo waho ujye ugoboka mu gihe nk'iki cy'izuba. Na ho bororera mu nzuri ariko hariyo imbogamizi z'imihanda idatunganije umukamo uhaboneka ntubashe kugezwa ku nganda, ubu imihanda irimo iratunganywa.'

Amata azanyawa mu Mujyi wa Kigali menshi aturuka mu Ntara y'Iburasirazuba ibarurwamo inzuri zisaga ibihumbi 10 ziri ku buso bungana na hegitari ibihumbi 100, habarurwamo kandi inka zisaga ibihumbi 500 mu gihe nibura ku munsi haboneka umukamo uba wagiye ku makusanyirizo ungana na litiro zisaga ibihumbi 200.

Impungenge ku giciro cy'amata gikomeje kuzamuka muri Kigali

Ibi ni bimwe mu byaranze urugendo shuri abikorera bo mu Karere ka Rubavu bakoreye mu bice bitandukanye birimo Musanze, aho basuye isoko ryaho bakifuza ko n'irya Gisenyi ryaba rimeze nkaryo.

Iri soko rya Gorilla Investment Company (GOICO), kompanyi y'abikorera ba Musanze ryuzuye ritwaye akayabo ka Miliyari zisaga 7Frw, kuri ubu rikorerwamo ku kigero cya 96.5%.

Visi Perezida wa Mbere w'Urugaga rw'Abikorera mu Karere ka Musanze Baziruwiha Iddy Abdalaziz, yavuze ko inyubako zatangiye kuzamurwa muri uyu Mujyi byaturutse ku ihinduka ry'imyumvire y'abikorera muri aka karere yanatumye babona aho gukorera hajyanye n'igihe.

Ati 'Uburyo twakoresheje kugira ngo umujyi wa Musanze use neza, byaturutse ku bikorera bo muri aka karere bahinduye imyumvire bakumva ko inyubako zizamurwa aribo bazazikoreramo kandi bikabaha inyungu mu kuzikoreramo no kuzikodesha, iyo inyubako zirimo zubakwa zijyanye n'igihe abaturage baba barimo bubaka Igihugu cyabo.'

Baziruwiha yakomeje avuga ko inyubako zimaze kuzamurwa mu Mujyi wa Musanze n'izikirimo kubakwa ari icyiciro cya mbere bahereyeho mu kuvugurura umujyi, bakaba basanga mu minsi ya vuba bazatangira ikindi cyiciro cya kabiri.

Mabete Niyonsaba Dieudonne, Umuyobozi w'Urugaga rw'Abikorera mu Karere ka Rubavu avuga ko uru rugendo shuli rwatumye nabo biyemeza kuvugurura umujyi wabo nyuma yo kuzuza isoko rya Gisenyi.

Ati 'Uru rugendo twabashije kwigira ku bikorera bo mu karere ka Musanze uburyo bahuje imbaraga bakiyubakira isoko rigezweho rya GOICO nyuma yo kuryuzuza bagahita batangira gahunda yo kuvugurura umujyi aribo babigizemo uruhare.'

'Ibi twabigiyeho rero byatumye abikorera ba Rubavu nabo biyemeza gushyira imbaraga no kugura imigabane muri RICO irimo kubaka isoko rya Gisenyi kugira ngo naryo ryuzure vuba hatangire imirimo yo kuvugurura umujyi.'

Mabete yakomeje avuga ko abikorera bo mu Karere ka Musanze kuba barabashije kwiyubakira Isoko rikaba rikorerwamo n'abacuruzi batandukanye ari umusanzu ukomeye bahaye Igihugu.

Isoko rya Gisenyi nk'imwe mu nyubako zitezweho guhindura isura y'umujyi wa Gisenyi riri hafi kuzura.

Nubwo bimeze gutyo ariko aho aya masoko yamaze kugera amwe muriyo ntakorerwamo. Abayakoreragamo babwiye IGIHE ko icyatumye bayavamo ari uko nta bakiliya babonaga.

Irakunda Dorcas avuga ko isoko rya Ryanyirakabano bacururizagamo ibiribwa, riri imyuma y'amabutiki acuruza nk'ibyo bacururizagamo.

Ati “Iyo bwije kubera n'umuriro ntawe urimo, ntihabona, ntihagire umuntu uza kutugurira. Bamwe ubucuruzi babuvuyemo kubera guhomba abandi dusigaye ducururiza hano ku muhanda.'

Isoko rya Ryanyirakabano rimaze imyaka irenga 10 ryubatswe, mu mwaka ushize nibwo abarikoreragamo barishizemo, ubu rimaze umwaka nta mucuruzi urikoreramo.

Nyirasafari Donatha, avuga ko icyatumye bafata umwanzuro wo gucururiza ku muhanda ari uko mu isoko ibicuruzwa byabasaziragaho babuze ababagurira.

Ati “Iyo wabisohoye ukabishyira ku muhanda byibuze abantu bakabibona baragura.'

Abafite amabutike, bifuza ko abacururiza ku muhanda basubizwa mu isoko kuko batuma batabona abakiriya.

Umwe muribo yagize ati “Abantu bacururiza imbere y'amabutike yacu baratubangamiye, kuko ntibishyura inzu, ntibatanga umusoro, uba usanga twe ducuruza twishyura inzu n'umusoro ibyacu bitagenda”.

Umuyobozi w'ishami ry'Iterambere mu ishoramari n'umurimo mu karere ka Karongi, Kaneza Cyprien yabwiye IGIHE ko bafite gahunda yo kuganira n'abakoreraga muri aya masoko, kuko intego ari uko abacuruzi bakwiye gukorera ahantu hadashyira ubuzima bwabo mu kaga.

Ati “Ryanyirakabano amabutike yariyongereye, ariko ibyo ntabwo byakabaye ikibazo kuko abaturage biyumvamo ibicuruzwa baguriye mu isoko kuruta ibyo mu mabutike. Ni ubukangurambaga tuzakora dufatanyije n'umurenge kuko ku mugoroba barambitse isambaza ku muhanda ahantu imodoka cyangwa moto bishobora no kubagonga.'

Si isoko rya Ryakirakabano ryonyine ridakorerwamo, kuko n'isoko rya Ruganda n'irya Gishyita kuri ubu adafite abayakoreramo.

Amwe mu masoko yari yarubakiwe abazunguzayi barayataye, aha ni mu isoko rya Ryanyirakabano iyo uhageze nta mucuruzi n’umwe uhasanga

Isoko rya Kigarama, umubare w’abarikoreramo ugenda ugabanuka kubera kubura abakiliya

Basubiye gucururiza mu muhanda

Muri aka gace ko mu muhanda uva Nyabihu werecyeza mu Mujyi wa Musanze, haherutse kubera impanuka y’umunyegare wamanutse yahoreye yerecyeza Nyakinama agasanga imodoka zirimo ikamyo y’iya RDF ziri mu nzira, agahita azisekuramo.

Iyi mpanuka yabaye ku wa Kane tariki 18 Kanama 2022, yakomerekeyemo abana babiri bari bahetswe n’umunyegare.

Iyi yo yabaye kuri iki Cyumweru tariki 21 Kanama 2022, aho uwari utwaye iyi modoka yatobokesheje ipine, agahita ata umurongo yarimo agahita yerecyeza mu mukono w’abanyamaguru akagonga abantu batanu barimo umukecuru, abagore babiri barimo uwari ufite utwana tubiri.

Akana kamwe muri utu twana twari dufitwe n’uyu mubyeyi twahise tugwirwa n’umubyeyi, kahise kitaba Imana.

Ibi babigaragaje kuri iki Cyumweru, tariki ya 21 Kanama 2022, ubwo abanyamuryango ba FPR Inkotanyi babarizwa mu gice cy'ubuhinzi n'ubworozi kuva ku rwego rw'akarere bahuraga.

Zimwe mu nzego zari ziri muri iyi nama harimo abashinzwe ubuhinzi n'ubworozi mu Karere babarizwa muri uyu muryango, abajyanama mu buhinzi, abacuruzi b'inyongeramusaruro, abashinzwe ubworozi ku mirenge n'abashinzwe ubuhinzi.

Imibare itangwa n'abashinzwe ubuhinzi muri Bugesera igaragaza ko hahinzwe ubuso bungana na hegitari 34.794 hahingwa ibishyimbo, ibigori, umuceri, soya, imyumbati n'ibindi bihingwa bitandukanye.

Umusaruro wabonetse mu gihembwe cya mbere hagaragajwe ko ari 18% aho byanatumye bamwe mu baturage bahabwa ibiribwa na Leta. Mu gihembwe cya kabiri habonetse umusaruro ungana na 70% wabiteranya byose haboneka umusaruro wa 55% ku mwaka wose.

Umuyobozi w'Ishami ry'Ubuhinzi n'Umutungo Kamere mu Karere ka Bugesera, Singenibo Jean Damascène, yavuze ko zimwe mu mpamvu zatumye umusaruro ugabanuka umwaka ushize byatewe n'imihindagurikire y'ibihe aho muri Nzeri abaturage bateye imyaka maze amezi atatu yakurikiyeho haboneka izuba ryinshi cyane ryateye amapfa mu baturage.

Ati 'Twahise dufatanya na Minisiteri y'Ubuhinzi n'Ubworozi n'abafatanyabikorwa dukorana mu Karere abahinzi barunganirwa bafashwa mu bikoresho byo kuhira banafashwa mu gutera imbuto zera vuba, ya mbuto yumye isimbuzwa ibijumba imboga n'imbuto. Minisiteri yanaduhaye amafaranga tugura lisansi kugira ngo abaturiye amazi bashobore kuhira.'

Yavuze ko impamvu hagaragara umusaruro ari uko mu gihembwe cy'ihinga cya B abahinzi bejeje imyaka myinshi aba ariho beza neza ugereranyije n'igihembwe cya mbere muri iki gihembwe cya B habonetse umusaruro ungana na 70%.

Singenibo yavuze ko kuri ubu bari gushaka ubutaka bwose bushobora guhingwa ngo bwose buhingwe kugira ngo abahinzi igihombo bagize umwaka ushize ntibazongere kukigira

Yasobanuye ko Akarere kazashora miliyoni 300 Frw mu bikorwa byo kuhira hagamijwe gufasha abahinzi benshi.

Komiseri w'Ubukungu muri FPR Inkotanyi mu Karere ka Bugesera, Asiimwe Joanna, yavuze ko batumijeho abashinzwe ubuhinzi kugira ngo bitegure igihembwe cy'ihinga gitaha, abahinzi ntibazongere kugira igihombo nk'icy'umwaka ushize. Yavuze ko abayobozi bashobora kwitegura hakiri kare bagafasha abahinzi ku buryo babona umusaruro mwinshi.

Ati 'Tugomba gushakisha imbuto hakiri kare abacuruzi b'inyongeramusaruro bakayibona kare ndetse bakanitegura kuzigeza ku baturage kare ku buryo nta bukererwe buzongera kubaho.'

Muri iyi nama hagaragajwe bimwe mu bibazo bibangamiye ubuhinzi n'ubworozi birimo ifumbire ihenze cyane ku buryo bigora umuhinzi kuyigura, aborozi boneshereza abaturage bikagabanya umusaruro w'ubuhinzi, utumatirizi twibasiye imbuto zirimo imyembe n'izindi mbuto nyinshi abaturage bakaba barabuze imiti n'ibindi byinshi bitandukanye.

Sendegeya Norbert ukuriye Sitasiyo ya RAB ya Rubirizi, yijeje abashinzwe ubuhinzi n'abacuruza inyongeramusaruro kubagezaho imbuto n'inyongeramusaruro kare ku buryo ngo abahinzi batazongera kumara igihe kinini bategereje imbuto.

Yabijeje kandi ko RAB igiye kumanuka mu baturage kugira ngo irebe icyo kibazo cy'utumatirizi n'ibindi byatuma umusaruro utiyongera kugira ngo bikemurwe kare, igihembwe kizagende neza.

Abashinzwe ubuhinzi mu Karere ka Bugesera bashashe inzobe ku mpamvu zatumye haboneka umusaruro mubi mu buhinzi umwaka ushize

Byagarutsweho mu nama yahuje abanyamuryango ba FPR Inkotanyi babarizwa mu gice cy'ubuhinzi n'ubworozi kuva ku rwego rw'akarere

Abitabiriye iyi nama batanze ibitekerezo bitandukanye

Abo mu Bugesera baganiriye ku cyatumye umusaruro uba mubi

Kuri uyu wa Gatandatu tariki ya 20 Kanama 2022, nibwo aba batoza 16 basoje amahugurwa bari bamazemo iminsi 5 bahabwa inyigisho ku koga mu mazi y’ibiyaga, bitandukanye no gutoza aboga muri Pisine.

Aya mahugurwa yiswe 'FINA Open Water Training for Coaches Level I', yaberaga mu Karere ka Karongi guhera tariki ya 15 Kanama 2022. Yari ayobowe n’inzobere mu mukino wo Koga, Mohamed Marouf ukomoka muri Canada aho yari yoherejwe n'Impuzamashyirahamwe y'Umukino wo Koga kw'Isi (FINA).

Abatoza bitabiriye aya mahugurwa bari bahagarariye amakipe 9 asanzwe ari abanyamuryango ba RSF ariyo; Les Dauphins, AQUA Wave, Karongi Cercle Sportif de Karongi, Karongi CBS, Cercle Sportif de Kigali, Rwamagana Swimming Club, Rwesero Swimming Club, Gisenyi Beach Boys na Vision Jeunesse Nouvelle.

Ubwo yasozaga aya mahugurwa ku mugaragaro, Madamu Rugabira Girimbabazi Pamela uyobora Ishyirahamwe ry’umukino wo Koga mu Rwanda yanaboneyeho gusura Ikipe ya Karongi, asaba abayigize kubyaza umusaruro amazi y’ikiyaga cya Kivu baturiye, bityo bakazaha igihugu umusaruro mwiza muri uyu mukino.

Umutoza hagati ya Marouf wahuguye na Pamella uyobora RSF

Mohamed Marouf watanze amahugurwa yavuze ko yizeye ko inyigisho abatoza bahawe zizabafasha kuzamura urwego rw’abakinnyi ndetse n’umukino muri rusange, cyane ko ‘Koga mu mazi magari ari umukino ugezweho’.

Yahamije ko mu Rwanda yahabonye abanyempano beza mu mukino wo Koga, anashima abakinnyi n’abatoza bakora ibishoboka ngo bazamure urwego rwabo ndetse ashimira RSF yateguye neza aya mahugurwa y’abatoza.

Madame Rugabira Girimbabazi Pamela uyobora RSF yavuze ko aya mahugurwa yari agenewe abatoza bakorera mu mazi magari, kimwe n’uko hahugurwa abatoreza muri Pisine ‘Kuko hose haba hari impano’.

 Rugabira kandi yasabye abatoza gushyira mu bikorwa ibyo bahuguwemo, ati “Turasaba gushyira mu bikorwa ubumenyi bahawe… Kubishyira mu bikorwa ni ukubona ba bakinnyi bacu bazamuka, Impano bafite bayishyiremo Tekiniki, babishyire muri gahunda no mu bikorwa, Twizeye ko iyi Siporo izaba neza kandi yivugira mu bikorwa byayo mu minsi iri imbere.”

Bamwe mu batoza bahuguwe, bahabwa impamyashobozi

Mu mateka y'uruganda rw'imideli mu Rwanda, uyu munsi, ibirori bya 'Bianca Fashion Hub' uwavuga ko biyoboye ubanza ataba yibeshye.

Ubwo byabaga mu ijoro ryakeye bikaba byari nk'ijuru rito uhereye kubabyitabiye uburyo baje bambaye, kugera ku babiteguye n'abagaragaye ku rubyiniro.

Muri abo hakaba harimo ibyamamare mu ngeri zitandukanye z'imyidagaduro yo mu Karere k'Iburasirazuba.

Uhereye mu banyamahanga bitabiriye Bianca Fashion Hub bafite amazina akomeye, barimo Hamisa Mobeto, Eddy Kenzo, Abryanz, Sheila Gashumba n'abandi.

Mu Rwanda ho benshi bitabiriye n'ubwo umuntu atavuga ko ari bose kubera ikiriyo cy'abarimo Yanga witabye Imana ku myaka 42, Yvan Buravan witabye Imana ku myaka 27 n'umubyeyi wa Meddy, Cyabukombe Alphonsine witabye Imana afite imyaka 66.

Mu byamamare nyarwanda byitabiriye harimo Arthur Nkusi, Bamenya, Uwase Muyango, Dj Phil Peter, Franco Kabano, MC Buryohe, Peacemaker, Emmalito, Anitha Pendo, Alyn Sano, Bwiza Keza Maolithia, Kayumba Darina n'Umuhoza Pascaline.

Ibi birori bya Bianca Fashion Hub ku nshuro ya kabiri bikaba byabereye muri Camp Kigali mu ijoro rya tariki 20 Kanama 2022 rishyira iya 21 Kanama 2022. Dj Briane yari yabucyereye

Dj Diallo yanahawe umwanya kuvanga umuziki

Uwase Muyango yari yazanye n’inshuti ze

Bwiza mu ikanzu yambitswe n’iduka rimaze kwamamara mu kwambika ibyamamare rya Dova Shop

Alyn Sano na Symphony bari mu basusurukije ibiroriBamenya n'umwe mu bakinnyi bagaragara muri filimi ye

Igisonga cya I cya Miss Rwanda 2022 Kayumba Darina yari yabucyereye

Umwe mu banyamideli bahagaze neza mu kwamamariza amakompanyi atandukanye, Umuhoza Pascaline

Umuhoza Pascaline na Kayumba Darina

Abryanz na Hamisa Mobeto ubwo batangazaga abegukanye ibihembo 

Bianca ibinezaneza byari byose 

Mu ntambuko nzia Mobeto na Abryanz baza gutangaza amanota n'abegukanye ibihembo

Anitha Pendo ari mu bitabiriye ndetse bakanayobora ibirori 

Eddy Kenzo ni we wari umuhanzi mukuru aha yahamagaye Bianca na Abryanz ku rubyiniroEddy Kenzo yanyuze abitabiriye igitaramo

Eddy Kenzo yahamije ko yishimira kuba mu Rwanda ndetse atewe ishema no gushyigikira Bianca yari yazanye itsinda ry’ababyinnyi n’abaririmbyi bagera kuri 25

Platini P yitabiriye ibirorori anafatanya na Eddy Kenzo kuririmbira abitabiriye iki gitaramoBianca na Hamisa Mobeto bakurikirana uko ibirori bigendaDj Phil Peter, MC Buryohe, Emmalito bari mu bitabiriye 

Hamisa Mobeto ubwo yari akurikiranye ibirori

Sheila Gashumba uri mu banyamakuru b’imyidagaduro bakomeye muri Uganda ari mu  bayoboye ibirori

Arthur Nkusi na Sheila Gashumba bacinya akadiho

Bianca yiyerekanye mu myambaro yatunganirijwe mu nzu y’imideli ye

Ibi birori byari biteguye neza

Hamisa Mobeto akanyamuneza kari kose ku maso

Wari umunezero wo ku rwego rwo hejuruMiss Photogenic 2019 Uwase Muyango akamwenyu kari kose Gael umujyanama wa Bruce Melodie n'inshuti ze bari bahabaye

AMAFOTO: SANGWA JULIEN+BABOU PHOTOGRAPHY-INYARWANDA.COM

Kuwa Gatandatu tariki 20 Kanama 2022, nibwo ahasanzwe hakorera Croix Rouge y'u Rwanda ku Kacyiru hateraniye Inama y'Inteko Rusange yahuje abanyamuryango b'Ishyirahamwe Nyarwanda ry'Umukino wa Rugby (RRF), nyuma y’imyaka ibiri yari ishize inteko idaterana.

Ku ngingo yo kwakira abanyamuryango bashya, hakiriwe batatu ari bo amakipe ya Ruhango Women Rugby Club, UR Rwamagana (abakobwa n'abahungu) ndetse na UR Nyagatare (abakobwa n'abahungu).

Abanyamuryango

Umunyamabanga wa FRR, Bwana Uwayezu Felix yagejeje ku banyamuryango raporo y’imyaka ibiri ishize anabagezaho  imyanzuro y'inama iheruka, yose yemejwe n’abanyamuryango.

Ku ngingo y’ibikorwa biteganywa, havuzwe ko mu Ukwakira n’Ugushyingo hazakinwa Shampiyona mu cyiciro cya mbere n’icya kabiri, mu gihe kandi hateganijwe amahugurwa y’abakinnyi batarengeje imyaka 14 kuri Tag Rugby.

Harateganywa kandi amahugurwa yo kongerera imbaraga abakinnyi n'uburyo bwo kwiyitaho, amahugurwa y’ubuvuzi bw’ibanze bw’abakina Rugby ndetse n’amahugurwa azahabwa abanyamakuru ba Siporo ku mukino wa Rugby.

Umunyamabanga, Uwayezu Felix

Hanavuzwe ko amakipe y’igihugu mu byiciro by’abagabo n’abagore azitabira imikino Nyafurika, iteganijwe muri Kamena na Nyakanga 2023.

Perezida wa FRR, Kamanda Tharcisse, yabwiye abanyamuryango ko iri shyirahamwe rigiye kubaka ikibuga kigezweho cya Rugby, ahazakoreshwa amwe mu mafaranga agera kuri Miliyoni 69 FRW yatanzwe n’umufatanyabikorwa (Penguin).

Shema Serge wo muri 1000 Hills Rugby

Kamanda Tharcisse uyobora FRR