Category: Uncategorized

Dylan Georges Francis Maes ni we mukinnyi rukumbi ukina hanze y’u Rwanda wahamagawe mu Mavubi y’abatarengeje imyaka 23 bagomba gucakirana na Libya.

Amavubi U23, yahawe umutoza Yves Rwasamanzi nk’umutoza mukuru aho agomba kungirizwa na Gatera Moussa, bamaze guhamagara abakinnyi 25 bagomba guhangana na Libya mu gushaka itike y’igikombe cy’Afurika cy’abatarengeje imyaka 23 kizabera muri Maroc umwaka utaha.

Umukino ubanza ukaba uteganyijwe kuzabera muri Libya tariki ya 22 Nzeri 2022 ni mu gihe uwo kwishyura uzabera mu Rwanda kuri Stade Mpuzamahanga ya Huye tariki ya 27 Nzeri 2022.

Mu bakinnyi bahamagawe benshi basanzwe bakina mu Rwanda uretse myugariro Dylan Georges Francis Maes wa Alki Oroklini muri Cyprus.

Uyu mukinnyi ushobora gukina mu mutima w’ubwugarizi cyangwa se ku ruhande rw’ibumoso yugarira, si ubwa mbere ahamagawe kuko no muri muri 2018 yari yahamagawe mu Mavubi atarengeje imyaka 20 yakuwemo na Zambia mu gushaka itike y’igikombe cy’Afurika.

Perezida William Ruto warahiriye kuyobora Kenya nka Perezida wa Gatanu ku wa Kabiri tariki 14 Nzeri 2022, yasezeranyije abaturage b’icyo gihugu ko azakorana (…)

Ibirori bya Meat & Greet byabaye tariki 11 Nzeri 2022 bibera muri M Hotel mu mujyi wa Kigali. Kubyitabira byasabaga kwishyura 25,000 Frw yo kwiyakira no kuba wambaye imyenda y’amabara y’umweru n’ikigina (White and Brown”. Byitabiriwe n’abantu batari bacye, gusa amakuru avuga ko hari abatinye kubijyamo kubera gutinya itangazamakuru.

Imigendekere y’iki gikorwa yanyuze abacyitabiriye biba akarusho ku bagiteguye barangajwe imbere na Rebecca Uwizeye uzwi nka Mc Becky. Kunezerwa kwe nawe ushobora kubyumva kuko byamusabye kuva i Kampala aho yari amaze igihe kinini, aza i Kigali gutegura ibi birori.

Inama n’impanuro z’ubuzima busanzwe byatangiwe muri ibi birori, byashibutsemo itsinda ryitwa Fearless Team. Ni itsinda rizahoraho aho abarigize bazajya bizigama buri kwezi, “tugatezanya imbere, ndetse n’ugize ikibazo tukamugoboka”.

Abitabiriye ibi birori biyemeje kubyuka bakarabagirana, bakava mu bunebwe. Ni intego bihaye bagendeye ku cyanditswe cyo muri Yesaya 60:1 havuga ngo “Byuka urabagirane kuko umucyo wawe uje, kandi ubwiza bw’Uwiteka bukaba bukurasiye”. Biyemeje kandi kugira inshuti z’umumaro, kureka gusuzugura akazi kandi bagasenga cyane.

Mc Becky wateguye ibi birori yari yambaye ikanzu y’ikigina nziza cyane kandi ihenze

Bishimiye kandi “uburyo amafunguro yari ateguye”. Bariye inyama baraniyongeza na cyane ko hari “hateguwe amako atatu y’inyama [Ifi, Inkoko n’Inka] n’ibindi byinshi”, ukongeraho no kuba ibi birori byari bifite umwihariko wo kuganira ku byabateza imbere ariko bakaganira barimo no kurya inyama.

Mc Becky yanyuzwe bikomeye n’imigendekere y’iki gitaramo. Yabwiye inyaRwanda ati “Cyagenze neza cyane, abantu bitabiriye, nubwo benshi batinye kuza kubera itangazamakuru. Ariko abaje, icya mbere bari bambaye neza, bari bishimye pe! Basabanye, haba ‘introduction’ yo kwibwirana neza, ibyo abantu bakora kugira ngo tujye dushyigikirana”.

Ibindi byaranze ibi birori ni ibiganiro byo kuvuga ku ndoto (Dreams), kubazwa ibibazo bigasubizwa no kuganira na ba rwiyemezamirimo batandukanye. Abitabiriye ibi birori, wibuke ko bose bari bambaye umweru n’ikigina. Bari baberewe cyane, ari na yo mpamvu bahawe umwanya uhagije wo kwifotoza no guhemba umuntu waje yambaye neza kurusha abandi.

Uwitwa Bobete ni we wahize abandi mu kwambara neza. Yari yambaye yikwije mu ikanzu ndende y’umweru de ndetse witegereje neza ubona ko iyo kanzu ishobora kuba ifite igiciro gihanitse. Impeta n’agakomo yari yambaye ku kuboko kw’ibumoso, nabyo byari umweru. Si ibyo gusa, ahubwo n’amaherena ye yari umweru. Yari yambaye isaha irabagirana n’inkweto zenda gusa ikigina.

Niba nta mweru nta n’ikigina kujya muri ibi birori wari kuba ugiye kuvangira abandi!

Muri ibi birori havukiyemo itsinda ryahawe izina rya “Fearless Team”, rigamije gutinyura abafite intinyi y’ubuzima. Bafashe ingamba zo gukora imyenda nka T-shirts n’ingofero byanditseho Fearless Team. Biyemeje kudatinya ubuzima, ahubwo bagahangana nabwo, bihangira imirimo yabateza imbere, bitinyuka, bafite inzozi nini, ariko bashobora gutangirira kuri bicye (Dream big but start small).

Mc Becky wateguye ibi birori bibaye ku nshuro ya kabiri dore ko ibiheruka byabereye i Gisenyi mbere ya Covid-19, ni umuvugabutumwa, rwiyemezamirimo n’umushyushyarugamba ukomeye mu bitaramo, ubukwe n’Ibiterane. Ubuhanga n’ubudasa bwe mu gususurutsa abantu ni bimwe mu byo acyesha igikundiro afite. 

Azwi mu bitaramo bya Groove Awards Rwanda, United Christian Church (UCC) iyoborwa na Apotre Rwandamura Charles, n’ahandi. Anazwiho kandi ibikorwa by’urukundo byo gufasha abatishoboye. Yinjiye mu ruhando rw’abategura ibitaramo bikomeye, abishimangira mu birori aherutse gukora “Meat and Greet” byabereye kuri M Hotel. Avuga ko ibi birori azajya abitegura buri mwaka.

“Bobete” ni ryo zina benshi bamuziho, ni we wahize abandi mu kwambara neza

Yahawe igihembo ku bwo kuba uwa mbere mu kwambara neza! 

Ibi birori byabereye muri M Hotel imaze kubaka izina mu kuberamo ibirori bikomeye

Hari hateguwe amafunguro ateye amabengeza, ushobora guhita ugira inzara kandi umaze kurya

Bariye amoko atatu y’inyama kandi ukiyarurira nta muntu uzihagazeho!

Abanyabirori bari bashyizwe igorora

Icyo bita umuteguro!

Bakase cake itangaje iri mu ishusho y’amadorali ya Amerika

Iyi cake ikoze mu ishusho y’amadorali bayikase mu gutangiza “Meat and Greet”

“Reka nshwekure ntakererwa muri Meat and Greet”

Nta rungu ryari rihari kuko bumvaga imiziki isingiza Imana

Jacky Flower, mushiki wa Mr Kagame ari mu bitabiriye ibi birori by’abasirimu b’i Kigali

Habayeho umwanya wo kwifotoza buri umwe uko abyumva

Ibyishimo birahenda – ni ko Mc Becky akunze kuvuga

Ni ibirori byaranzwe no kuganira no kumva amagambo y’inkomezi mu bushabitsi

Iyo bamwe bavuga “inyama” bakunze kuvugishwa, niyo mpamvu ibi birori byarimo n’urwenya

Buri umwe yasangije bagenzi be ibanga ry’ubutsinzi n’iterambere

Fearless Team ni agace kamwe k’umusaruro w’ibi birori

Uhereye ku musatsi kugera ku ikanzu yaserukanye, yari yajyanishije na ‘Dress code’ y’ibi birori uretse gusa isakoshi

Iyo agira inkweto z’umweru cyangwa z’ikigina birashoboka ko yari guhiga abandi mu kwambara neza

Hari abifuza ko ibi birori byajya biba kenshi gashoboka

Mc Becky na mugenzi we wari wakoze ku misatsi rikaka – iyo hahembwa uwasokoje neza menya nta wari kumuhiga

Yari yambaye ikanzu nziza cyane, isaha na telefone z’abifite

Kwifotoza byahawe umwanya munini – birumvikana nta foto ntacyabaye!

Kwifotoza neza ni ibintu bye!

Itegereze neza insokozo y’uyu uri hagati urahita uvuga nka ba bandi uti “Cyakoze”

Bombi bakaraze imisatsi bati ntitugomba gucikwa na “Meat and Greet”

Abitabiriye ibi birori nta n’umwe wigeze anywa inzoga, byari Gospel ijana ku ijana

Ushobora gukeka ko abambaye umweru bari bironze!

N’aba Rasta bari bahari!!

Habanje kubaho umwanya wo kumenyana, baganira baziranye

Bafataga amafunguro banumva umuziki wacurangwaga na Dj ushobora kuba yaribagiwe akambara ipantalo n’ikote bitemewe (ibara)

Baganiriye ku bijyanye n’uko bavamo ba rwiyemezamirimo bagatanga akazi ku bandi

Mc Becky yishimiye cyane imigendekere y’ibi birori yakoze ku nshuro ya kabiri

Ifoto y’urwibutso y’abari bambaye Ikigina gusa

Ifoto y’urwibutso y’abari bambaye umweru gusa

Ibi birori byari bibereye ijisho

Byaba ari igihombo kujya mu birori nk’ibi ugataha utifotoje, Jacky Flower we ntiyabishobora!

Becky wagira ngo yarimo abwira mugenzi we ati “Gira vuba nanjye umfotore?”

Mc Becky yakoreye umuti abasirimu b’i Kigali, bagaruje ayabo rwose!

Uwatanze amanota y’uwahize abandi mu kwambara neza ubanza atibeshye, Bobete (iburyo) yari aberewe cyane!

Ibyishimo by’umuryango! Yanze kujya kwishima wenyine asize umwana mu rugo

Ibirori bya Meat and Greet byerekanye ko abanya-Kigali bazi kwambara kandi bakaberwa

Abanze kujya muri ibi birori batinya itangazamakuru bashobora kuza kwigaya nibabona aya mafoto!

Urubyiruko rwiganje mu bitabiriye ibi birori by’akataraboneka byavukiyemo itsinda “Fearless Team” 

Bye Bye ni ah’ubutaha! Kwinjira muri ibi birori byari ukwishyura 25, 000Frw ugahabwamo ibyo kunywa n’ibyo kurya birimo amoko atatu y’inyama

Mr Eazi wakunzwe mu ndirimbo zirimo 'Leg Over' ni umwe mu bantu barebye uyu mukino wabaye kuri uyu wa Gatatu tariki 14 Nzeri 2022.

Rayon Sports yatsinze ibitego 2 ku busa bwa Rwamagana (2-0). Uyu mukino wanyujijwe kuri shene ya Youtube ya Ferwafa imbona kubone. 

Ku munota 24' nibwo uyu muhanzi yagaragajwe aho yari yicaye muri VIP mu gice kimwe n'aho Gacinya Chance Denis wayoboye Rayon Sports yari yicaye.

Andi mashusho yasohotse, agaragaza uyu muhanzi yishimira mu buryo bukomeye intsinzi ya Rayon Sports ari kumwe na Perezida wa Rayon Sports FC, Uwayezu Jean Fidèle bakoma amashyi.

Mr Eazi yatangiye ibikorwa by'ishoramari mu Rwanda, ndetse hashize igihe ashinze Sosiyete y'Imikino y'Amahirwe yise betPawa, ifite ishami ku Gisimenti i Remera riba irya mbere yagize ku butaka bw'u Rwanda.

Iri ishoramari rye ryinjiye ku isoko ry'u Rwanda nk'ishoramari rishya mu bijyanye n'imikino y'amahirwe no gutega hamwe n' intego yo gufasha abantu kwiteza imbere binyuze mu gutega amafaranga.

Gutega kuri betPawa bikorwa binyuze ku rubuga rwa internet rwayo rwa www.betpawa.rw cyangwa kuri porogaramu yayo ya telefoni. Bikorwa n'abafite hejuru y'imyaka 18.

Iyi sosiyete yashinzwe mu 2013, ubu ikorera mu bihugu icumi birimo Cameroun, Repubulika Iharanira Demokarasi ya Congo, Ghana, Kenya, Nigeria, Tanzania, Malawi, Uganda na Zambia n'u Rwanda.

Uyikinnye imikino ya betPawa abona amahirwe yo gutega kuva ku ifaranga 1 Frw, ukaba wakubirwa kugera kuri 500% ku yo wateze.

Ukina kandi ashobora guhitamo imikino itandatu, ku cyumweru agahitamo uko izarangira hanyuma akagira amahirwe yo gutsindira miliyoni 25.5 Frw.   

Nyuma y'intsinzi ya Rayon Sports, Mr Eazi yahuye na bamwe mu bakunzi b'umuziki we

 

Rayon Sports yatsinze ibitego 2-0 Rwamagana mu mukino wabereye kuri sitade i Nyamirambo 

Mr Eazi yagaragaje ko yasuye ukoresha izina rya Nomadic.shahrazad kuri Instagram ubarizwa i Kigali 

Uyu mukobwa ni we Mr Eazi yasuye. Ni umwe mu baherutse kwitabira umuhango wo Kwita Izina

Wari umukino w’umunsi wa 3 wa shampiyona wabereye kuri Stade Regional i Nyamirambo saa 18h30′. Rayon Sports ibifashijwemo na Musa Esenu na Paul, yaraye ku mwanya wa mbere n’amanota 9. Nubwo iyi kipe yari yakiriye ndetse inahabwa amahirwe gutsinda uyu mukino ariko iminota 20 yarangiye itarabona amahirwe afatika yavamo igitego. 

Guhera ku munota wa 25, Rayon yari yacuritse ikibuga, ku munota wa 26 Mbirizi Eric yagerageje amahirwe ariko Mazimpaka Andre umupira awohereza muri koruneri itagize icyo itanga. Ku munota wa 32, Mbirizi yongeye kugerageza ishoti rikomeye yatereye inyuma y’urubuga rw’amahina ariko nabwo Mazimpaka Andre awukuramo.

Uku gushyira igitutu kuri Rwamagana City byaje kubaha igitego ku munota wa 44 gitsinzwe na Musa Esenu ku mupira Muvandimwe JVM yarenguye maze Mbirizi agakozaho umutwe umupira ugasanga Esenu ahagaze neza aterekaho umutwe Mazimpaka Andre abura icyo akora, ndetse igice cya mbere kirangira nta zindi mpinduka zibaye.

Rwamagana City yatangiye igice cya kabiri ikora impinduka Kamanzi Joseph asimbura Uwimana Emmanuel. 

Ku munota wa 50, Muhindo Benson yateye ishoti mu izamu rya Rayon Sports ariko ku bw’amahirwe make ukubita igiti cy’izamu. 

Nyuma yo guhererekanya neza kw’abakinnyi ba Rayon Sports,  Onana yacomekeye umupira mwiza Paul Were wahise atsindira Rayon Sports igitego cya kabiri ku munota wa 52. 

Rwamagana City yakoze impinduka za kabiri ku munota wa 58, rutahizamu Mbanza Joshua havamo Olivier Uwayo.

Rayon Sports na yo yakoze impinduka za mbere ku munota wa 63, Mugisha François Master hinjiramo Rafael Osalue.

Ku munota wa 85, Rayon Sports yakoze impinduka 3, Musa Esenu, Paul Were na Ndekwe Felix bavuyemo hinjiramo Rudasingwa Prince,  Tuyisenge Arsene na Nishimwe Blaise ni na ko Rwatubyaye wagize akabazo k’imvune yahaye umwanya Mitima Isaac ku munota wa 90. 

Rayon Sports yakomeje gukina ishaka ibindi bitego ariko nta mahirwe afatika yigeze aboneka maze umukino urangira ari 2-0.

Shampiyona irakomeza  Kuri uyu wa Kane tariki ya 15 Nzeri 2022 hakinwa imikino 3 ariyo;

Espoir FC vs Mukura VS

Gorilla FC vs Kiyovu Sports 

Rutsiro FC vs Marines

Rwamagana City ikomeje kugaragaza intege zidahagije nyuma yaho imaze gutsindwa imikino 3 ya shampiyona kandi yikurikiranya harimo umukino ubanza batsinzwe na Gorilla FC, umukino batsinzwe na Rutsiro FC ndetse n’uyu mukino. Iyi mikino yose kandi Rwamagana City ntirabasha gutsinda igitego na kimwe mu izamu ry’uwo bahanganye.

Umutoza w’ikipe y’igihugu “AMAVUBI” y’abatarengeje imyaka 23 Yves Rwasamanzi yatangaje abakinnyi 23 batangira umwiherero wo kwitegura (…)