Category: Uncategorized

Perezida wa Repubulika ya Demokarasi ya Congo, Felix Tshisekedi, hamwe na mugenzi we w’u Rwanda, Paul Kagame bahuriye i New York bagirana ibiganiro ku buhuza bwa Emmanuel Macron.

Aba bombi bari i New York muri Leta Zunze Ubumwe za Amerika aho bitabiriye inama rusange ya 77 y’Umuryango w’Abibumbye.

Kuri uyu wa Gatatu tariki 21 Nzeri nibwo hagiye hanze ifoto Perezida w’Ubufaransa Emmanuel Macron ari hagati ya Perezida Tshisekedi na Paul Kagame.

Iyi foto yafashwe nyuma y’ibiganiro byagizwemo uruhare na Emmanuel Macron byibanze ku kugarura amahoro n’umutekano mu Burasirazuba bwa Congo.

Amakuru avuga ko Ubufaransa bwafashe inshingano zo guhuriza mu biganiro u Rwanda na RD Congo bimaze amezi birebana ay’ingwe.

Ibiro bya perezida wa DR Congo byatangaje ko aba bategetsi bumvikanye gukorana kugira ngo M23 ive mu duce yigaruriye 'vuba bishoboka'.

Ibi biro bivuga kandi ko bumvikanye ku 'gucyura impunzi' zahunze utwo duce, hamwe no 'kurwanya imitwe yitwaje intwaro…irimo FDLR'.

Ibyavugiwe i Luanda

Mu nama yabereye i Luanda muri Angola hagati ya Perezida wa Repubulika iharanira demokarasi ya Congo (RDC), Félix Tshisekedi na Perezida w’u Rwanda Paul Kagame, byatumijwe n’umuhuza Perezida wa Angola João Lourenço.

Mu byo abakuru b’ibihugu banzuye harimo ko umutwe wa M23 ugomba guhita ushyira intwaro hasi, ukava mu birindiro wigaruriye. Ni mu gihe kandi ibikorwa byose by’ubucukuzi bw’amabuye y’agaciro muri RDC bigomba gukorwa hubahwa ubusugire bw’igihugu.

Maj Willy Ngoma yashimangiye ko ikibazo cya M23 ntaho gihuriye n’u Rwanda

Umuvugizi wa M23 mu bya Gisirikare Maj Willy Ngoma, yahise atangaza ko umutwe wa M23 utiteguye guhita uva mu birindiro byawo kuko ikibazo cy’uyu mutwe ari icya politiki kireba Abanye-Congo, kidakwiye kuganirwaho hagati y’u Rwanda na RDC.

Major Ngoma yabwiye BBC ati “Turahava [mu birindiro] kugira ngo tujye hehe ? Kugira ngo dusubire mu buhungiro ?.Twebwe turi Abanye-Congo, muragira ngo tubeho nta gihugu tugira ?”

Yakomeje avuga ko ibi biganiro by’i Luanda nta cyo bizageraho kuko 'twebwe turwanira impamvu nziza kandi y’ukuri’.

U Rwanda rwanyomoje imyanzuro

Nyuma y’inama y’inyabutatu y’u Rwanda, RDC na Angola urugamba rwakomereje mu itangazamakuru. Inkuru z’imyanzuro yafatiwe mu nama zikomeje kuvugwa mu buryo butandukanye kugeza n’aho Guverinoma y’u Rwanda yasabye RDC guhagarika gukomeza kuyobya abantu.

Minisitiri w’Ububanyi n’Amahanga, Dr Vincent Biruta, yanditse kuri Twitter ye asaba Repubulika Iharanira Demokarasi ya Congo, kwirinda gukomeza kuyobya abantu igoreka imyanzuro yafatiwe mu nama ya Luanda.

Kuva iyi nama yarangira tariki ya Gatandatu Nyakanga, imyanzuro yatangajwe n’impande zose irabusanye. RDC ni yo yabanje gushyira hanze imyanzuro, ivuga ko ibyemejwe bikubiye ahanini mu ngingimira zayo.

Perezida Kagame na Tshisekedi bahuriye mu biganiro

Itangazo ry’Ibiro by’Umukuru w’Igihugu muri RDC rikijya hanze, abantu bamwe muri icyo gihugu batangiye kwandika kuri Twitter bati 'ak’u Rwanda na Kagame kashobotse’.

Nyuma u Rwanda na Angola byatangaje imyanzuro ikubiye mu nyandiko isobanura inshingano za buri ruhande rurebwa n’ibibazo bya RDC mu gushakira amahoro akarere n’Uburasirazuba bwa RDC.

Ubutumwa bwa Biruta bugira buti ' Imyanzuro y’inama y’inyabutatu ya Luanda ni inyandiko isobanutse igaragaza inshingano n’ibigomba gukorwa n’impande zitandukanye hamwe n’abafatanyabikorwa.'

'Nta mwanzuro wo guhagarika imirwano wigeze usinywa. Gukwiza ibihuha no kuyobya uburari bigamije gutesha agaciro intego zo gushakira amahoro RDC n’akarere.'

RDC yatangaje ko mu byo bemeranyije ko ari uko imirwano igomba guhita igaragara, M23 ikava no mu bice byose yari imaze igihe yarigaruriye.

Ni mu gihe nk’ingingo u Rwanda rwamurikiye muri iyi nama zishingiye ku bibazo rumaze imyaka irenga 20 ruvuga. Zirimo ko umutekano ku mipaka yarwo ugomba kuba nka makemwa, FDLR ishaka kuwungabanya ikarwanywa nk’umutwe w’iterabwoba.

Rwasabye ko uyu mutwe udakwiriye guhabwa ubufasha ubwo aribwo bwose ngo ube watera u Rwanda, kandi ko RDC idakwiye guhirahira ibirengaho ngo yemere ko FDLR itera ibisasu ku butaka bw’u Rwanda.

Inyandiko ikubiyemo ibigomba gukorwa igaragaza ko FDLR n’indi mitwe iyishamikiyeho igomba kurwanywa kandi ihohoterwa n’imvugo zibiba urwango zibasira abavuga Ikinyarwanda bikarwanywa.

Imitwe ishamikiye kuri FDLR yavuzwe muri iryo tangazo ni CNRD-FLN, RUD-Urunana, FPPH-Abajyarugamba, ifatwa nk’izingiro ry’umwuka mubi hagati y’u Rwanda na RDC, ikaba inagira uruhare mu guteza umutekano muke mu Burasirazuba bw’iki gihugu bikwiriye kuba ku isonga.

Indi ntambwe yatewe ni ijyanye no gucyura impunzi aho u Rwanda, RDC, ICGLR na HCR byahawe inshingano zo kubishyira mu bikorwa.

Ku ngingo ya M23, iyi nama yanzuye ko ibikorwa byose kuri uyu mutwe bigomba gushingira ku masezerano ya Nairobi.

Perezida w’u Rwanda muri ibi biganiro yashimangiye ko ikibazo cya M23 ari ikibazo cy’imbere mu gihugu gikwiriye gukemurwa mu buryo bwa Politiki.

Yavuze ko u Rwanda rudafite uruhare na rumwe mu bitero bya M23, rushimangira ko icyo rushyize imbere ari umutekano w’abaturage barwo.

Leta ya Congo ishinja leta y’u Rwanda guha ubufasha umutwe wa M23, leta y’u Rwanda na yo igashinja FARDC gukorana n’umutwe wa FDLR urimo bamwe mu bo u Rwanda rushinja gusiga bakoze jenoside mu 1994.

Uyu mutwe uvuga ko urwanira Abanye-Congo bavuga ururimi rw’Ikinyarwanda, uvuga ko bahejwe na leta ya Congo.

Guhangana Hgati y’u Rwanda na Congo muri UN

U Rwanda na RD Congo bamaze igihe badafitanye umubano mwiza mubya dipolomasi kuva aho ibitero by’umutwe wa M23 bikajije umurego muri kiriya gihugu.

Congo ishinja u Rwanda gushyigikira M23 no kwigarurira ubutaka bwayo binyuze muri uyu mutwe kandi narwo rugashinja Congo gushyigikira umutwe wa FDRL ubangamiye umutekano w’u Rwanda.

Mu nama rusange ya UN, Perezida Tshisekedi ku wa Kabiri tariki 20 Nzeri 2022 ,yavuze ko M23 yasuzuguye UN, ifashijwe n’u Rwanda, irasa kajugujugu ya Monusco igwamo abantu 8 bigize icyaha cy’intambara.

Ati 'Ndamagana nivuye inyuma, imbere ya UN, n’imbaraga za nyuma ubu bushotoranyi igihugu cyacu gihura nabwo bitewe n’u Rwanda rwitwikiriye umutwe w’iterabwoba witwa M23.'

Yavuze ko we afite ubushake bw’amahoro kimwe n’abaturage b’igihugu cye ariko u Rwanda rubatera rukanafasha imitwe y’iterabwoba.

U Rwanda rwamaganye inshuro nyinshi gushyigikira M23, kuri uyu wa gatatu Tariki 21 Nzeri 2022, Perezida Kagame mu nama rusange ya UN, yavuze ko hakenewe ubushake bwa politiki mu gukemura ibibazo by’umutekano muke, byabaye akarande mu Burasirazuba bwa Congo kuruta umukino wo gushinjanya kuko ntacyo ukemura.

Ati 'Hakenewe ubushake bwa politiki bwihuse mu gukemura ikibazo cy’umutekano muke uri mu Burasirazuba bwa Congo Kinshasa, by’umwihariko no gushaka umuzi nyamukuru w’iki bibazo, umukino wo gushinjanya ntukemura ibibazo'

Perezida Kagame yavuze kandi ko hakenewe ubufatanye bw’akarere mu kugarura amahoro n’umutekano yabuze mu myaka irenga 20 mu burasirazuba bwa Congo.

Igihugu mu kindi

M23 yasabye abifuza gushora imari ndetse n’abacuruzi kwihutira kujyayo gukorera amafaranga kandi ko gutangiza ishoramari muri uyu Mujyi nta rwaserera bazahura na zo nkuko bigenda mu bindi bice byo muri Repubulika Iharanira Demokarasi ya Congo.

Umuvugizi wayo mu bya gisirikare ,Maj Willy Ngoma yavuze ko umucucurzi cyangwa umushoramari uzaza muri Bunagana atazakwa ruswa cyangwa komisiyo ya 20% nkuko bikorwa n’abayobozi bo mu bindi bice byo muri iki Gihugu. Yagize ati 'Ibintu byose bikorwa mu nzira zinyuze mu mucyo.'

Uyu muvugizi wa M23 yatangaje ibi nyuma yuko uyu mutwe unashyizeho amafaranga akoreshwa muri uyu Mujyi wa Bunagana arimo ifaranga ry’u Rwanda n’irya Uganda.

Uyu mujyi wa Bunagana umaze amezi atatu ugenzurwa na M23 kuva tariki 13 Kamena uyu mwaka wa 2022, ubwo wemezaga ko wawufashe wose ndetse kuva icyo gihe ukaba uwugenzura aho wanatangije imiyoborere mishya yawo.

Gen Sultani Makenga uyobora Igisirikare cya M23

Imirwano hagati y’ingabo za Congo n’umutwe wa M23 yongeye kubura mu mpera y’ukwezi kwa gatatu, nyuma y’imyaka igera hafi ku 10 yari ishize nta gitero gikomeye M23 ikora.

Nyuma y’amasaha macye yashyizwe ahagaragara abakinnyi 24 b’intoranywa muri shampiyona ya Basketball mu Rwanda, ubu bamaze kwigabanya mu makipe 2 bikozwe (…)

Abarimu bo mu bigo by’amashuri bibarizwa mu Murenge wa Cyuve mu Karere ka Musanze, baributswa ko umurezi udaharanira kurangiza amasomo aba ateganyijwe mu (…)

Ikirego kivuga ko babeshye agaciro k’imitungo yabo irimo inyubako bakageza mu kinyuranyo cya za miliyari z’amadolari, binyuze mu kigo cyabo Trump Organization. Ni uburiganya bwakozwe hagati y’imyaka ya 2011-21.

Trump yamaganye icyo gikorwa, avuga ko ari ubundi buryo bwo kumwibasira.

Abana be bareganwa ni Donald Jr, Ivanka na Eric Trump, n’abayobozi babiri bakuru ba Trump Organization, Allen Weisselberg na Jeffrey McConney.

Ni ikirego cyagejejwe ku bashinjacyaha n’Intumwa nkuru ya Leta ya new York, Letitia James, nyuma y’iperereza ryari rimaze imyaka itatu.

Mu itangazo yasohoye, James yagize ati “Abifashijwemo n’abana be ndetse n’abayobozi bakuru ba Trump Organization, Donald Trump yakabirije agaciro k’umutungo we arenzaho za miliyari, kugira ngo mu buryo bw’uburiganya, yigwizeho umutungo ndetse arenge ku nzira zateganyijwe.”

Yavuze ko inyubako ya Trump Tower yabarirwaga agaciro ka miliyoni $327, ari imwe mu zahawe agaciro katari ko.

Ati “Nta apartment yo muri New York City yigeze igurishwa ku mafaranga ari hafi y’aho.”

Muri icyo kirego cya paji 222, hagaragaramo ko mu mitungo Trump yazamuriye agaciro mu nyandiko harimo amahoteli, ibibuga bya golf, n’indi.

Byongeye, ngo mu myaka isaga icumi ishize, Trump n’umuryango we bakoze igenagaciro ritari ukuri n’inyandiko z’imari zisaga 200.

Nyamara ngo izo nyandiko zemezwaga na Trump ubwe, Donald Trump Jr, cyangwa Allen Weisselberg wari umuyobozi mu bijyanye n’imari muri Trump Organization.

Muri ubwo buryo bwose, bibarwa ko umuryango wa Trump wigwijeho nibura miliyoni $250, ku buryo Leta ikeneye kugaruza ayo madolari.

Abashinjcyaha bavuga ko apartement ya Trump muri Trump Tower i New York, nubwo yabarirwaga miliyoni $327m nyuma “yo gukabirizwa igiciro”, ubaze agaciro kayo kuri metero kare, ayo mafaranga ntiyumvikana.

Apartement yagurishijwe menshi muri iyi nyubako ngo yaguzwe miliyoni $16.5.

Ku rundi ruhande, inyubako ye muri Mar-a-Lago muri Leta ya Florida, Trump Organization yayibariraga miliyoni $739, nyamara intumwa nkuru ya Leta ikavuga ko agaciro kayo kari hafi miliyoni $75, ndetse ko yinjizaga miliyoni zitarenga $25 ku mwaka.

Trump yamaganye ibyo birego, avuga ko uyu mugore yakomeje kugaragaza ubushake bwo kumugendaho, agamije kubaka izina muri politiki.

Ni inyota ngo uwo mugore afite, ku buryo yiyamamarije kuba Guverineri wa New York ntibimuhire.

Mu magambo yanditse kuri Twitter kandi, Trump yanakomoje ku magambo uwo mugore yavuze ubwo yiyamamarizaga kuba intumwa nkuru ya Leta ya New York mu 2018, yita Trump “umuyobozi utemewe n’amategeko”, ko ashaka kumukoraho iperereza.

Yamushinje ko arimo “gukoresha ububasha ahabwa n’amategeko nk’intwaro mu kurwanya abo bahanganye muri politiki.”

Ibi byose birimo kuba mu gihe binugwanugwa ko Trump ashobora kongera kwiyamamariza kuyobora Amerika mu 2024.

Nyuma yaho kuwa 14 Nzeri 2022 abarwanyi bashigikiye Gen Maj Hakizimana Antoine Jeva ,basohoye itangazo ryashizweho umukono na Maj Beelly Alphonse alias Irumva Philbert ry’amagana Umugaba mukuru wa FLN Lt Gen Hakizimana Hamada bifuza ko yasimbuzwa kuri uwo Mwanya,kuri ubu abashigikiye Lt Gen Hamada barangajwe imbere na Gen Bde Burakeye Francis Komiseri ushinzwe uburinzi ,umutekano n’ikomeza mutsi mu Mutwe wa CNRD/FLN .

Ku rundi ruhande Abanyapolitiki nka Chantal Mutega, Hategekimana Felicien n’abandi ,barashinja igice gishigikiye Gen Maj Hakizimana Antoine Jeva ushizwe ibikorwa bya Gisirikare muri FLN, gushimuta no gufata Bugwate impunzi z’Abanyarwanda mu Majyepfo ya Kivu aho uno mutwe unafite ibirindiro .

Ibi ni ibikubiye mw’Itangazo No001/COMDEF/SEP022 ryo kuwa 20 Nzeri 2022 ,ryashizweho umukono na Col Gen Bde Burakeye Francis i Hewa Bola mu Birindiro bya CNRD/FLN rigenewe abayoboke b’uyu mutwe nk’uko bitangazwa na Rwandatribune.

Baragira bati :' Twebwe,Gen Bde BURAKEYE Francis alias Artura Komiseri ushinzwe uburinzi n’umutekano muri CNRD-FLN,mu izina rya bagenzi banjye aribo Col Emmanue lmbandaka comd Secteurs Sud Kivu na Col NDAKUBUMA uyobora Axe yakabiri ya secteur sud Kivu,dushimangiye ko tutifatanyije na gato n’agatsiko k’ibyihebe na barushimusi kayobowe na Maj Belly Alphonse alias IRUMVA Philbert wahoze ari umwanditsi mu biro bya Perezidansi ya CNRD-FLN,kahisemo gushimuta no kwangaza impunzi gakoresheje ibinyoma,iterabwoba n’uburiganya kagamije kuzigurisha .

Turabamenyesha kandi ko twifatanyije n’umugaba mukuru w 'ingabozacu FLN Lt Gen Habimana Hamada. Twamaganye izo nyangabirama,tunahamagarira intwarane n’intarumikwa zose za CNRD/FLN zirangwa na Disipuline ,kuburizamo iyo migambi mibisha no kwitandukanya mu buryo bushoboka bwose n’izo nkozi z’ibibi Ziyobowe na Gen Maj Jeva kuko ibuye ryagaragaye ntiriba rikishe isuka.'

Bakomeza bashinja agatsiko ka Gen Maj Jeva ,Gushimuta Makanga Emmanuel wari umuyobozi w’impunzi bamutwaye ku ngufu , ngo kuko atigeze yemera imikorere ya Gen Maj Jeva bakamujyana ahitwa Mikemba-Magembeyambuwe muri Kivu y’Amajyepfo, barangiza bagahita bamwambura ubuyobozi bw’izo mpunzi bugahabwa Uwitwa Kayumba Gérard alias CYIZERE umwambari wa Gen Hakizimana Antoine Jeva .

Hategekimna Felicien na Chantal Mutega abambari ba Lt Gen Hamada barashinja Gen Maj Jeva gushimuta no gufata bugwate impunzi

Abakurikianira hafi amakimbirane ari mu mutwe wa CNRD/FLN ,bemeza ko ubu usa n’uwamaze Gucikamo ibice bibiri ,ku buryo mu minsi iri imbere Gen Maj Jeva ubu wibasiwe n’abambari ba Lt Gen Hamada, ashobora kwitandukanya n’igice cya Lt Gen Hamada, agashinga umutwe we nk’uko byagenze ubwo abahoze mu buyobozi bukuru bwa FDLR/FOCA barangajwe Imbere na CoL Wilson Irategeka bitandukanyije nayo bagashinga CNRD/FLN ariko ubu nabo bakaba bakomeje kuryana.

Lt Gen Hamada uri iburyo ahanganye na Gen Maj Jeva uhagaze i bumoso

Aba bombi bari i New York muri Leta Zunze Ubumwe za Amerika aho bitabiriye inama rusange ya 77 y’Umuryango w’Abibumbye.

Kuri uyu wa Gatatu tariki 21 Nzeri nibwo hagiye hanze ifoto Perezida w’Ubufaransa Emmanuel Macron ari hagati ya Perezida Tshisekedi na Paul Kagame.

Iyi foto yafashwe nyuma y’ibiganiro byagizwemo uruhare na Emmanuel Macron byibanze ku kugarura amahoro n’umutekano mu Burasirazuba bwa Congo.

Amakuru avuga ko Ubufaransa bwafashe inshingano zo guhuriza mu biganiro u Rwanda na RD Congo bimaze amezi birebana ay’ingwe.

U Rwanda na RD Congo bamaze igihe badafitanye umubano mwiza mubya dipolomasi kuva aho ibitero by’umutwe wa M23 bikajije umurego muri kiriya gihugu.

Congo ishinja u Rwanda gushyigikira M23 no kwigarurira ubutaka bwayo binyuze muri uyu mutwe kandi narwo rugashinja Congo gushyigikira umutwe wa FDRL ubangamiye umutekano w’u Rwanda.

Mu nama rusange ya UN, Perezida Tshisekedi yavuze ko M23 yasuzuguye UN, ifashijwe n’u Rwanda, irasa kajugujugu ya Monusco igwamo abantu 8 bigize icyaha cy’intambara.

Ati 'Ndamagana nivuye inyuma, imbere ya UN, n’imbaraga za nyuma ubu bushotoranyi igihugu cyacu gihura nabwo bitewe n’u Rwanda rwitwikiriye umutwe w’iterabwoba witwa M23.'

Yavuze ko we afite ubushake bw’amahoro kimwe n’abaturage b’igihugu cye ariko u Rwanda rubatera rukanafasha imitwe y’iterabwoba.

U Rwanda rwamaganye inshuro nyinshi gushyigikira M23, kuri uyu wa gatatu Perezida Kagame mu nama rusange ya UN, yavuze ko hakenewe ubushake bwa politiki mu gukemura ibibazo by’umutekano muke, byabaye akarande mu Burasirazuba bwa Congo kuruta umukino wo gushinjanya kuko ntacyo ukemura.

Ati 'Hakenewe ubushake bwa politiki bwihuse mu gukemura ikibazo cy’umutekano muke uri mu Burasirazuba bwa Congo Kinshasa, by’umwihariko no gushaka umuzi nyamukuru w’iki bibazo, umukino wo gushinjanya ntukemura ibibazo'

Perezida Kagame yavuze kandi ko hakenewe ubufatanye bw’akarere mu kugarura amahoro n’umutekano yabuze mu myaka irenga 20 mu burasirazuba bwa Congo.

Ku mugoroba w’uyu wa Gatatu tariki 21 Nzeri 2022 ni bwo Eliel Sando yasangije abamukurikira inkuru y’incamugongo y’uko umubyeyi we yitabye Imana. Uyu mubyeyi we yaguye mu bitaro byo mu Buhinde aho yari amaze iminsi micye yivuriza dore ko yagezeyo kuwa 19 Nzeri 2022.

Eliel Sando yabwiye inyaRwanda ko umubyeyi yishwe n’indwara ya Cancer yo mu maraso. Iyi ndwara yayivurije mu bitaro binyuranye byo mu Rwanda, birananirana, biba ngombwa ko ajya kwivuriza mu Buhinde ari naho aguye. 

Iyi ndwara yatinze kubonwa n’abaganga bo mu Rwanda. Baje kuyibona nyuma yo kohereza ibizamini hanze y’igihugu ari na bwo bahise basaba umuryango we kujya kumuvuriza hanze kuko hariyo amavuriro ajya ayivura igakira. Ntiyabashije guhita agenda kubera ibyangombwa no kuremba dore ko byasabye kugeda mu ndege yihariye.

Mu butumwa yanyujije ku rukuta rwe rwa Instagram, Eliel Sando yavuze ko atazibagirwa ibihe byiza yagiranye n’umubyeyi we waranzwe mu buzima bwe bwose n’umutima w’ineza ku bamuganaga bose. Ati (“…Nzahora iteka nibuka ibihe byiza twagiranye, urukundo rwawe kuri twe no kuri buri umwe. Ruhukira mu mahoro adashira Mubyeyi”.

Ni inkuru yababaje abantu benshi barimo ab’amazina azwi mu myidagaduro bagiye bakorana na Eliel Sando mu mishinga itandukanye yaba iyo mu muziki no mu buzima busanzwe nka The Ben, Social Mula, Auddy Kelly, Tidara Kabendera, Ben Adolphe n’abandi.

Eliel Sando wabuze umubyeyi we, ni umwe mu bashyize itafari ku iterambere rya muzika nyarwanda. Mbere yo gutangira gutunganya imiziki abinyujije muri kompanyi yise “Eliel Filmz”, yahoze ari gafotozi w’umwuga ndetse yanabaye umunyamakuru wa inyaRwanda.com. Ni we washinze itsinda ry’abaririmbyi b’abahanga b’Abadivantiste b’Umunsi wa Karindwi ryitwa Holy Music Ministry.

Eliel Sando yashavujwe n’urupfu rw’umubyeyi we

The Ben na Social Mula mu bihanganishije Eliel Sando

Producer Eliel Sando ari mu kababaro ko kubura umubyeyi we

Mu kiganiro inyaRwanda.com yagiranye na Micheline, yagize ati:'Iyi ndirimbo nayikoze nyuma yo kumva ko hari abantu batajya banezezwa no gufasha abandi, bakumva ko bakwigwizaho ubutunzi kandi hari abantu babayeho nabi.'

Akomeza agira ati:'Buri wese akwiriye kubaho afasha mugenzi we, bityo bakaba babafasha mu buryo bashoboye. Nsabye Imana muri iyi ndirimbo nise 'Ngomororera' kumpa umugisha, kugira ngo nanjye abanyegereye bawungirireho.'

Ngomororera niyo ndirimbo ya mbere yo kuramya no guhimbaza Imana  Uwiduhaye Micheline ashyize hanze, gusa uko Imana izamushoboza azakomeza komora imitima binyuze mu bihangano by'umwuka.

Uwiduhaye Micheline, ni umwe mu bahanzi bazi kuririmba banicurangira aho anagenda yigisha abandi gucuranga 'guitar'. Aherutse gukora ubukwe n'Umunyamakuru Kwizera Jean De Dieu, bwabereye mu Karere ka Rubavu ari naho batuye bombi.

Yashyize hanze indirimbo ‘Ngomororera’ mu buryo bw’amajwi, aritegura kuyikorera amashushoAheruka gukora ubukwe n’umunyamakuru Kwizera Jean De Dieu

KANDA HANO WUMVE ‘NGOMORORERA’, INDIRIMBO NSHYA YA MICHELINE

“>

Umuhanzi Dukuzimana Emerance uzwi nka Emerance Gakondo ni umukobwa umaze kumenywa cyane biciye mu ndirimbo ze aririmba mu njyana gakondo, akaba yamaze (…)