Webrwanda Backend

Category: Uncategorized

  • Bruce Melodie yerekeje muri Uganda-AMAFOTO – #rwanda #RwOT

    Kuri uyu wa kane tariki 20 Ukwakira 2022 saa moya z'ijoro za hano i kigali, nibwo Bruce Melodie yahagurutse ku kibuga cy'indege i Kanombe yerekeza mu gihugu cy'u Bugande.

    Mbere yo guhaguruka i Kigali, inyaRwanda.com yamenye amakuru y'uko uyu muhanzi agiye muri iki gihugu kuhafatira amashusho y'indirimbo. 

    Ni amashusho azafatwa n'umuhanga mu gutunganya no gufata amashusho, Sasha Vybz aho azamufata amashusho y'indirimbo ebyiri agiye kuhakorera.

    Amakuru aturuka muri Camp ya Sasha Vybz avuga ko uyu muhanzi ariwe bari bafite kuri gahunda ndetse ko ibikorwa ajemo ari ugukora amashusho y'indirimbo ze ebyiri, na cyane ko banyurwa no gukorera umuhanzi w'icyamare nka Bruce Melodie. 

    Bruce Melodie ubwo yari ahagurutse i Kigali

    Abagize ikipe ngari ya Bruce Melodie mu kiganiro gito bahaye inyaRwanda.com, bemeje aya makuru bavuga ko yagiye muri Uganda ariko arahamara igihe gito.

    Usibye kuba Bruce Melodie agiye gufatira amashusho muri iki gihugu, afite indirimbo nyinshi yahakoreye ari kumwe n'abahanzi bakomeye nka Eddy Kenzo, B2C, Sheebah Karungi, Fik Fameika n'abandi.

    Bruce Melodie agiye gufata amashusho y'indirimbo ebyiri

    Bruce Melodie yavuze ko Munyakazi ari mu nzira

    Source : https://inyarwanda.com/inkuru/122070/bruce-melodie-yerekeje-muri-uganda-amafoto-122070.html

  • Dore ukuri mutamenye ku ngemu Ingabire Victoire yohererezwa nk'umuyobozi wa FDU-Inkingi mu Rwanda #rwanda #RwOT

    Mu mpera z'umwaka wa 2019 ni bwo Ingabire Victoire Umuhoza yatangaje ko avuye mu ishyaka rye FDU-Inkingi, ahita ashinga iryo yise Dalfa- Umurinzi naryo ritemewe n'amategeko. Abasesenguzi batangiye kwibaza ukuntu yava muri iri shyaka yashinze akanariyobora kuva mu 2006, kandi koko ibimenyetso simusiga biragaragaza ko atigeze ayivamo, kuko abayoboke ba FDU-Inkingi bakimuha imisanzu, nawe akabaha amabwiriza nk'umukuru w'ishyaka. DALFA-Umurinzi ni FDU-Inkingi  yahinduriwe izina byo kujijisha, nk'uko iyi nkuru ibisobanura.

    Baca umugani ngo'amabuno y'inkoko agaragazwa n'umuyaga'. Niko byagendekeye Ingabire Victoire n'amatsinda ayoboye, ubwo rimwe muri ayo matsinda ya FDU Inkingi ikorera hanze y'u Rwanda ryishimiraga uko Ingabire Victoire abahagarariye mu Rwanda, ndetse ngo n' ingemu bamuha akaba azikoresha neza.

    Umwe mu bambari ba Ingabire Victoire akaba no mu itsinda: 'INGEMU YOUTH CREW' (agatsiko k'urubyiruko gatanga ingemu ya Victoire Ingabire) yohereje ku rubuga rwa Whatsapp bahuriramo  ubutumwa Ingabire yashyize kuri Twitter, avuga ko yaganiriye na bamwe mu Banyaburayi bari baje mu nama  mpuzamahanga y'Abagize Inteko Nshingamategeko iherutse kubera mu Rwanda.

    Yagize ati 'Ndabasuhuje. Nizere ko ibi bikorwa byiza mwabibonye. Twese twihe amashyi ku nkunga dutanga zituma Mme Victoire Ingabire abasha kuduhagararira mu rwatubyaye. TWESE TUZATSINDA'. 

    Uretse iri tsinda ry'urubyiruko riri mu Bubiligi, hari n'andi matsinda akusanya amafaranga agenewe gutunga Ingabire Victoire  no kwishyura ibikorwa bigamije guharabika u Rwanda, andi agahabwa imitwe y'itwaje intwaro nka FDLR, ngo ibashe kubaho no gushaka uko yatera u Rwanda ngo isoze umugambi wa Jenoside basize batarangije.

    Amafaranga Ingabire victoire agemurirwa n' abayoboke ba FDU-Inkingi  buri kwezi, niyo yishyura ibitangazamakuru nka CNN na za BBC anyuzamo ibinyoma bigamije gusebya u Rwanda. 

    Ingabire Victoire kandi akoresha inama abo bayoboke be yifashishije ikoranabuhanga mu itumanaho rya 'zoom', akabaha raporo y'ibikorwa bya FDU-Inkingi mu Rwanda, ndetse akabaha n'inshingano. Iherutse yabaye tariki ya 05 uku kwezi kwa 10 guhera isaa 18h00, yitabirwa n'inkomamashyi ze ziyobowe na Placide Kayumba. 

    Mu by'ukuri rero nta kintu Ingabire yigeze ahindukaho. Ni wa wundi usanganywe imigambi yo kwanganisha Abanyarwanda. Yibwiye ko arusha abandi ubwenge, ubwo yitwikiraga  Dalfa-Umurinzi ngo akomeze ibikorwa bya FDLR, P5 n'abandi bamufasha gutoneka u Rwanda, ariko ararushywa n'ubusa  kuko kuryarya Abanyarwanda ntibikibashije kumuhira. 

    Ingabire Victoire akwiye kumenya neza ko ikibi kitihishira, akareke gutega imitego mitindi kuko ntizasiba kumushibukana akiyitega.

    Burya ngo indyarya ihimwa n'indyamirizi. 

    The post Dore ukuri mutamenye ku ngemu Ingabire Victoire yohererezwa nk'umuyobozi wa FDU-Inkingi mu Rwanda appeared first on RUSHYASHYA.

    Source : https://rushyashya.net/dore-ukuri-mutamenye-ku-ngemu-ingabire-victoire-yohererezwa-nkumuyobozi-wa-fdu-inkingi-mu-rwanda/?utm_source=rss&utm_medium=rss&utm_campaign=dore-ukuri-mutamenye-ku-ngemu-ingabire-victoire-yohererezwa-nkumuyobozi-wa-fdu-inkingi-mu-rwanda

  • Abarenga 60% by’Abanyarwanda ntibakora isuku yo mu kanwa #Rwanda #RwOT via @kigalitoday #rwanda #RwOT

    Ubushakashatsi buheruka gukorwa ku bijyanye n’ubuzima bwo mu kanwa (Oral Health) muri 2018, bwagaragaje ko abarenga 60% by’Abanyarwanda batajya bakora isuku (…)

    Source : https://www.kigalitoday.com/ubuzima/indwara/article/abarenga-60-by-abanyarwanda-ntibakora-isuku-yo-mu-kanwa

  • Akari ku mutima wa Alliah Cool nyuma yo kuzuz… – #rwanda #RwOT

    Abinyujije kuri konti ye ya Instagram, Isimbi Alliance yerekanye umuturirwa yise Alliah Villa yujuje nyuma y'igihe awubaka, ashimira bucura mu muryango wabo wabashije guhagararira imirimo y'iyubakwa ryayo.

    Mu magambo ye, Alliah yavuze ko hamwe n'Imana byose bishoboka maze yifashisha umurongo wo muri Bibiliya ugira uti 'Kuko nta jambo Imana ivuga ngo rihere.'

    Alliah Cool kandi yashimiye cyane abavandimwe be, inshuti ze n'abandi bamufashije ku mirimo yo kubaka iyi nzu, ahishura ko ari inzu yubatswe mu gihe cy'umwaka umwe gusa.

    Yagize ati 'Erega hamwe n’Imana nta kintu kidashoboka.- Luka 1:37.' Arongera ati: 'Kuri murumuna wanjye Sagamba Benefice, bucura bwa mama, injeniyeri ukiri muto mu mujyi ariko ufite ubwenge bwinshi, warakoze gutuma inzozi zanjye ziba impamo, Imana iguhe umugisha'. Ashimira inshuti ze, ahishura ko iyi nzu yuzuye mu mwaka umwe gusa.

    Urebeye inyuma, iyi nzu ya Alliah Cool ni inzu nziza ndetse ifite buri kimwe, ikaba ari inzu igeretse gatatu ndetse ifite na Piscine hanze yanditsemo izina rye.

    Ni inzu isize irangi ry'umweru kuva ku gipangu kugeramo imbere, The New Times yanditse ko ifite agaciro ka miliyoni 500, ikaba ari inzu igezweho ndetse yubatse mu buryo bugezweho

    Iyi nzu Isimbi yujuje iherereye mu Karere ka Gasabo i Kibagabaga, kamwe mu duce two guturamo tugezweho mu Mujyi wa Kigali.

    Alliah yujuje inzu y'umuturirwa

    Alliah Cool aherutse gushyira hanze firime 'Alliah The Movie', yanamuhesheje amasezerano muri sosiyete ikora ibijyanye na sinema muri Nigeria yitwa 'One percent International', ubu iri kumukorera indi yitwa 'Accidental Vacation'.

    Iyi filime nshya ya Isimbi yayikoranye n'ibyamamare nka Anita Alaire Afoke Asuoha uzwi nka Real Warri Pikin, Venita Akpofure wamenyekanye ubwo yitabiraga Big Brother ku nshuro ya kane.

    Inzu Alliah yujuje

    Hari kandi Richard Mofe-Damijo w'imyaka 60 umaze igihe kinini mu ruganda rwa sinema muri Nigeria. Uyu yamenyekanye muri filime nka 'Hostages' , 'Scores to Settle', 'The Wedding Party 2', 'God Calling', 'Love Is War', 'King of Boys: The Return of the King' n'izindi.

    Muri Piscine handitsemo amazina ye

    Iyi filime izagaragaramo n'abandi benshi batandukanye bazwi cyane muri Nigeria, barimo Roxy Antak wamenyekanye muri 'Seven and a Half Dates' ukinana na Alliah Cool ari umukunzi we.

    Inzu ya Alliah yayise Alliah Villa

    Inzu ya Alliah uyirebeye inyuma

    Source : https://inyarwanda.com/inkuru/122061/akari-ku-mutima-wa-alliah-cool-nyuma-yo-kuzuza-umuturirwa-i-kigali-wa-miliyoni-500-frw-ama-122061.html

  • Manchester United yafatiye ibihano Cristiano Ronaldo witwaye nabi #rwanda #RwOT

    Ikipe ya Manchester United yirukanye Cristiano Ronaldo mu ikipe ya mbere kandi azakorera imyitozo wenyine nyuma yo kwanga kwinjira mu kibuga bakina na Tottenham.

    Cristiano yakuwe mu ikipe iri kwitegura umukino wa Chelsea kuwa gatandatu nyuma yo kujya mu rwambariro umukino wabahuzaga na Tottennahm Hotspur utarangiye bitewe n'umujinya w'uko atakinnye.

    Ubutumwa Man Utd yashyize hanze bugira buti “Cristiano ntazaba ari mu ikipe ya Man United mu mukino wo kuri uyu wa gatandatu na Chelsea. Abandi bakinnyi bari gutegura uyu mukino '.

    Ubwo United yatsindaga Tottenham ibitego 2-0 mu ijoro ryakeye,Cristiano Ronaldo yasabwe kwishyushya ngo yinjire mu kibuga ariko ntiyahabwa umwanya,byatumye arakara cyane yigira mu rwambariro ku munota wa 89 umukino utarangiye.

    Ronaldo w'imyaka 37, yavuye ku ntebe y'abasimbura ku munota wa 89, nyuma gato y'uko Ten Hag yinjije mu kibuga Christian Eriksen na Anthony Elanga,ntamushyire mu kibuga.

    Nyuma y'umukino,Ten Hag yabwiye abanyamakuru ati: “Ibyo nzabikemura ejo, si uyu munsi. Ubu twishimiye iyi ntsinzi.

    Namubonye, ​​ariko sinigeze mvugana na we.”

    Erik Ten Hag yafashe icyemezo cyo guhana uyu mukinnyi ngo ntazagaragare ku mukino wa Chelsea kandi ngo ubuyobozi bwa United bbushyigikiye uyu muholandi 100%.

    Source : https://umuryango.rw/imyidagaduro/imikino/article/manchester-united-yafatiye-ibihano-cristiano-ronaldo-witwaye-nabi

  • Impaka zishire! Aho Harmonize, Phil Peter na… – #rwanda #RwOT

    Ubwo yashyiraga hanze iyi ndirimbo ku wa 7 Ukuboza 2015 [Yari imaze kurebwa n'abantu 894,720 ubwo twandika iyi nkuru], yavuze ko byari ibihe bitoroshye kuri we mu ifatwa ry'amashusho yayo, kuko byamusabye gucurama [Umutwe uri ku butaka amaguru ari mu kirere], ku buryo byarangiye umutwe uri kumurya mu buryo bukomeye.

    Yavuze ko Barrel Maker wafashe aya mashusho yamusubirishijemo inshuro zitabarika, ashaka gufata ishusho rizima, aririmba, aboshye amaboko, abasore batatu b'ibigango babiri bamugendana mu maboko. Bimeze nko gucurika umuntu, ubundi ukamukorana urugendo.

    Kuri we, n'ubwo byamusabye ubwitange bwo ku kigero cyo hejuru, ariko byatanze umusaruro w'indirimbo yari akeneye. Avuga ko yishimira ikipe y'abahanga bakoranye mu kunoza iyi ndirimbo, akanateguza zimwe mu ndirimbo ziri kuri album ye.

    Uyu mugabo w'imyaka 41 y'amavuko, atuye mu Mujyi wa Kansas muri Leta ya Missouri, muri Leta Zunze Ubumwe za Amerika.

    Ni umwanditsi w'ibitabo wihariye. Ni we kandi washinze Inzu ifasha abahanzi mu bya muzika ya Black Clover Records, ndetse yabaye umunyamakuru kuri KRBZ yumvikana kuri 96.5 Fm, aho yakoraga ikiganiro 'Buzz Show', yanakoze kuri Black Clover Radio.

    Ubundi azwi cyane mu ndirimbo zirimo ‘Alphabet Insanity’ yo mu 2014, ‘Angel of Death’ yo mu 2016 n’izindi.

    Muri iyi ndirimbo 'Upside Down Flow' yakoresheje imbaraga nyinshi, kuko yamaze iminota 2 n'amasegonda 16 arapa acuramye, aboshye n'amaboko.

    Uyu mugabo afite ibishushanyo byinshi ku mubiri (Tatoo), cyane cyane ku maboko. Mu 2011, yanze kontaro yahawe na Sony ya 250,000$ yo kugura album ze, arabyanga.

    Impaka zishire hagati ya Harmonize, Dj Phil Peter na Kenny Sol

    Uburyo Mac Lethal yakozemo amashusho y'indirimbo ye bwifashishijwe n'umuhanzi-Tanzania Harmonize mu ndirimbo 'Leave Me Alone' yakoranye n'umuhanzikazi Abigail Chams.

    Ubu buryo kandi bwifashishijwe na Dj Phil Peter na Kenny Sol mu ndirimbo yabo 'Terimometa'.

    Iya Harmonize yasohotse ku wa 18 Ukwakira 2022, mu gihe iya Phil Peter na Kenny Sol yasohotse ku wa 23 Nzeri 2022- Buri wese arumva iyasohotse mbere.

    'Leave me alone' imaze kurebwa n'abantu 662,603 iherekejwe n'ibitekerezo birenge ibihumbi bitatu. Ni mu gihe 'Terimometa' imaze kurebwa n'abantu 549,048, iherekejwe n'ibitekerezo birenga 1000.

    Witegereje neza, ku isegonda rya 20' mu ndirimbo 'Terimometa' Kenny Sol atangira kuririmba acuramye, aboshye amaboko ateruwe n'abasore babiri. Aririmba ataka umukunzi we, avuga ko ashaka kuba inshuti ye y'akadasohoka.

    Ku munota wa 1 n'amasegonda 5' nabwo yongera kugaragara aririmba acuramye, ariko noneho amaboko aboshye atagaragara. We aba aririmba ntabwo arapa.

    Uburyo Dj Phil Peter na Kenny Sol bakoze aya mashusho, birahura neza n'uburyo Mac Lethal yayakoze. Aho bitandukanira, ni uko amashusho yose Kenny Sol adacuramye, kandi akaba aririmba nk'umuririmbyi aho kurapa nk'umuraperi.

    Mu ndirimbo 'Leave me alone', Harmonize yakoze amashusho neza neza asa n'aya Mac Lethal mu ndirimbo ye yise 'Upside Down Flow' yasohoye mu 2015-Mbese harimo ikimenyetso cya bihwanye.

    Harmonize we atangira atekera itabi, abasore babiri bamugendana, kuko aba acuritse, ubundi akarapa neza neza nk'uko Mac Lethal yabigenje.

    Aho bitandukanira ariko ni uko Harmonize ataboshye amaboko, kandi itabi aba ari gutumura ararijugunya ubundi akiyambaza Imana.

    Yaba indirimbo ya Harmonize, iya Dj Phil Peter na Kenny Sol basohoye bakuye igitekerezo- shusho ku ndirimbo y'uyu munyamerika Mac.

    Bamwe mu bafana bo muri Tanzania bari batangiye kwanjama Harmonize, bavuga ko 'yamaze gutora umuco wo gushishura ibihangano by'abandi'.

    Ejo ku wa Gatatu, Dj Phil Peter yabwiye InyaRwanda ko kuba Harmonize yakoze indirimbo imeze nk'iye bigaragaza ko abahanzi bo mu Rwanda bamaze gutera imbere, ahubwo Abanyarwanda ari bo batarabizera.

    Yavuze ati 'Njyewe navuga ko biriya bigaragaza ko abanyarwanda bakwiye kwizerera mu bantu babo bakabaha imbaraga zishoboka zose, kugira ngo barusheho kubakorera ibyiza kuko bimaze kugaragara ko natwe ibitekerezo bizima tubifite.'

    Harmonize aririmba yisanisha neza neza n'indirimbo y'umunyamerika Mac yasohotse mu 2015

    Dj Phil Peter avuga ko abahanzi bageze ku rwego rwiza mu muziki, asaba abanyarwanda kubashyigikira

    Kenny Sol aririmba acuramye mu ndirimbo 'Terimometa' yakuruye impaka

    KANDA HANO UREBE AMASHUSHO Y'INDIRIMBO 'TERIMOMETA'

    “>

    KANDA HANO UREBE AMASHUSHO Y'INDIRIMBO 'LEAVE ME ALONE'

    “>

    KANDA HANO UREBE AMASHUSHO Y'INDIRIMBO 'UPSIDE DOWNFLOW'

    “>

    Source : https://inyarwanda.com/inkuru/122049/impaka-zishire-aho-harmonize-phil-peter-na-kenny-sol-bakuye-igitekerezo-cyamashusho-bifash-122049.html

  • Ubwongereza: Nyuma yiminsi 45 gusa Liz Truss… – #rwanda #RwOT

    Liz Truss asezeye nyuma y’igihe kigera ku minsi 45 gusa amaze ari mu biro ayoboye. Iyegura rye niwe waryitangarije dore ko rije rikurikira ihindagurika ridasanzwe ryaranze ubutegetsi bwe, mu gihe yari amaze ayoboye.

    Mbere y’uko Liz Truss asezera, Michel Barnier yanyuze kuri twitter ye agira ati: “Nta muntu n'umwe ushobora cyangwa wagashoboye kwishimira ubu buyobozi n'igabanuka ry’ubukungu mu Bwongereza.

    Hari impamvu nyinshi kandi zikomeye zigaragaza ko dushobora gushaka ubufasha mu Burayi. Ibintu byakomeje gukora kandi bikomejwe na Brexit”.

    Bamwe mu bagize icyo bavuga ku matora yo gushyiraho Liz nka Minisitiri w’Intebe watsinze Boris Johnson, gusa bavuga ko nta mpamvu ishikamye igaragara yashoboraga gutuma bashyiraho Boris.

    Justin Tomlinson, umudepite mu ishyaka ry’aba Conservateur yagize ati: 'N’ubwo nari mpari kandi mushyigikiye (Boris Johnson) yaje gutakaza icyizere cya benshi ku buryo ntekereza bitari igitekerezo cyiza cyo kuba yari bwongere gutorwa”.

    Perezida wa Leta Zunze Za Amerika, avuga ko Lizz Truss yagaragaje ko atazi gushyikirana n’amahanga byafashwe nk’ikibazo gikomeye mu gihe yari amaze ku buyobizi.

    Inkomoko: Theguardian

    Source : https://inyarwanda.com/inkuru/122063/ubwongereza-nyuma-yiminsi-45-gusa-liz-truss-yeguye-122063.html

  • Umugore yanenze bagenzi be bamututse kubera guterera ivi umugabo akunda [AMAFOTO] #rwanda #RwOT

    Umugore wagaragaye mu mashusho asaba umukunzi we kumubera umugabo,yatangaje ko arimo gutukwa kuri interineti ndetse ko bamwe mu bagore bamubwiye ko 'bahitamo gupfa' aho gutererera ivi umugabo.

    Muri Nyakanga uyu mwaka,Sukhmin Garcha w'imyaka 27, umwarimu ku by'uruhu, yatereye ivi umukunzi we, Shiraz Brar w'imyaka 27, usanzwe ari umuganga w'amenyo, bombi batuye i Vancouver, muri Canada.

    Ariko nyuma y'iyi videwo ishimangira uburinganire busesuye, Sukhmin avuga ko yatutswe n'abagore bamubwira ko atiyubaha, ko agomba guterwa isoni nibyo yakoze ndetse ko umukunzi we atigeze yishimira ko yamutereye ivi.

    Video yishimiwe cyane n'abagabo ariko Sukhmin yatunguwe no kubona abagore benshi bamuha inkwenene.

    Ibitekerezo bimwe ngo byamubajije niba ivi rye ritarakobotse,abandi bamubwira ko bahitamo gukamya inyanja kuruta guterera ivi umugabo.

    Sukhmin we yabasubije ko yari yaramaramaje kuzaterera ivi uyu mukunzi we.

    Sukhmin yagize ati: 'Nahoraga niteguye gutera ivi. Nabanje kugira ubwoba bwinshi. Nashakaga kubona igihe nyacyo cyo kubikora.

    'Ntabwo byanteye ikibazo ku giti cyanjye. Umukunzi wanjye yaramwenyuye cyane mu maso. Imiryango yacu rwose yaranshyigikiye kandi irabyishimiye. Mama yarishimye rwose.

    Mvugishije ukuri, navuga ngo bikore! Niba mwembi muri ku rwego rumwe mu mibanire, nta kibazo kirimo.

    'Kuba abantu benshi batabikora, ntibisobanura ko ari bibi.

    Iyi ni imyumvire ishaje ishingiye ku gitsina yazanwe n'abantu. Turi mu kiragano gishya kandi rwose dushobora kubaka umuryango mushya aho ivangura rishingiye ku gitsina rivaho.

    Incuti zanjye n'umuryango wanjye barabikunze. Nakiriye ubutumwa buntuka kuri TikTok ariko ni buke cyane ugereranyije n'ibitekerezo byiza.

    Nakiriye ibitekerezo byinshi bibi. Benshi muribo baravuze ngo 'Nkwiriye gupfa' cyangwa ngo 'ntabwo yiyubaha,' Ntabwo asa n'uwishimye 'n'ibindi.

    'Ubutumwa bwuzuye urwango rwinshi bwaturutse ku bagore batunguwe cyane. Birashimishije cyane kubona abagabo bashyigikira umugore watereye umugabo ivi.

    Muri sosiyete yacu duhora dushaka kureshya ariko kubera kubogamira kumuco habaho kuba abahezanguni.Numva twareka iyo mitekerereze tukabaho mu buzima bwuzuye ibyishimo.”



    Source : https://umuryango.rw/ubuzima-115/imibereho/article/umugore-yanenze-bagenzi-be-bamututse-kubera-guterera-ivi-umugabo-akunda

  • François-Xavier Nsanzuwera mu rubanza rwa Kabuga yavuze ku ruhare rwa RTLM mu gukwirakwiza urwango #rwanda #RwOT

    François-Xavier Nsanzuwera, uvuga ko yahoze ari umushinjacyaha mu Rwanda, yashinje Kangura na RTLM gukwiza urwango rwavuyemo ubwicanyi na jenoside, mu rubanza rwa Félicien Kabuga uregwa ibyaha bya jenoside.

    Nsanzuwera yavuze ko kuva mu mwaka wa 1990 kugeza mu 1994 yari umushinjacyaha wa repubulika ushinzwe ifasi y'umurwa mukuru Kigali n'icyahoze ari perefegitura ya Kigali-Ngali.

    Ubuhamya bwe bwakomoje ku gice (chapter/chapitre) kiri mu gitabo cye, igice anagarukaho mu nyandiko y'ubuhamya bwe yashyikirije urukiko.

    Icyo gice kivuga ku bwicanyi bwakorewe Abatutsi mu Bugesera mu 1992, ako gace kakaba kari kari mu ifasi ashinzwe nk'umushinjacyaha.

    Kuri iyi nshuro nabwo, umucamanza yavuze ko Kabuga yahisemo kutitabira iri buranisha, ku mpamvu umucamanza atavuze, ariko ko rikomeza adahari.

    Mu gihe cyashize, Kabuga yahakanye ibyaha aregwa bya jenoside yo mu Rwanda.

    Nsanzuwera yabwiye urugereko rw'i La Haye (The Hague) rwasigaye ruca imanza zitarangijwe n'urukiko rwa Arusha (ICTR/TPIR), ukuntu ikinyamakuru Kangura cyakongeje ubwicanyi bwo mu Bugesera.

    Yavuze ko ku munsi wabubanjirije, Hassan Ngeze wari umwanditsi mukuru wacyo  urukiko rwa ICTR rwaje guhamya ibyaha bya jenoside  yakwirakwije mu Bugesera kopi z'icyo kinyamakuru ari kumwe n'umukuru w'iperereza.

    François-Xavier Nsanzuwera mu rukiko atanga ubuhamya bushinja Kabuga

                                                            François-Xavier Nsanzuwera

    Yavuze ko urupapuro rubanza rwacyo rwari ruriho ifoto y'uwahoze ari Perezida w'u Rwanda Grégoire Kayibanda afite umuhoro.

    Ku mutangabuhamya, ibyo byari nko kwibutsa Abahutu bo mu Bugesera icyiswe impinduramatwara yo mu 1959 ubwo Abahutu bicaga Abatutsi bari bamaze igihe bari ku butegetsi, abandi bagahunga.

    Yavuze ko abategetsi bo mu Bugesera, barimo nk'uwari burugumesitiri (bourgmestre) wa komini Kanzenze, bari baramaze gukoresha inama zitandukanye.

    Izo nama yavuze ko zatumye hari haramaze kubaho umwuka w'ubwoba mu baturage b'Abahutu, aho babwirwaga 'gufata iya mbere mu gutera' Abatutsi, kuko bari barayobejwe babwirwa ko Abatutsi bari kuzabica.

    Ahawe umwanya wo guhata ibibazo (ikizwi nka 'cross-examination' cyangwa 'contre-interrogatoire') umutangabuhamya, umunyamategeko Emmanuel Altit yamubajije niba ubwicanyi nk'ubwo bwarabereye mu Bugesera gusa.

    Nsanzuwera yavuze ko bwanaberaga mu tundi duce tumwe tw'igihugu, mu mwuka w'umutekano mucye wari mu gihugu kuva intambara yatangira mu kwezi kwa cumi mu 1990. Muri utwo duce, nk'i Mutura ku Gisenyi, yavuze ko hagendaga haterwa ibisasu.

    Gusa yavuze ko Bugesera yari umwihariko kuko yari ituwe n'Abatutsi benshi, bamwe muri bo bahageze bahahungiye bavuye mu bindi bice by'igihugu nyuma y'icyiswe impinduramatwara yo mu 1959.

    Nsanzuwera yanavuze ku nama yo mu kwezi kwa kabiri mu 1994, yari yatumiwemo abarimo nka Ferdinand Nahimana wari umukuru wa RTLM, Félicien Kabuga wari ukuriye 'comité d'initiative' ya RTLM, uwari Minisitiri w'itangazamakuru Faustin Rucogoza, na André Kameya wari ukuriye ikinyamakuru Rwanda Rushya.

    Nsanzuwera yanatanze ubuhamwa mu rukiko rwa Arusha mu rubanza rwiswe urw'itangazamakuru rwarezwemo Ferdinand Nahimana na bagenzi be, wahamijwe ibyaha bya jenoside.

    BBC dukesha iyi nkuru yavuze ko iyo nama, na we yari yitabiriye, ahanini yari yatumijwe mu kwihaniza RTLM ngo ireke gukomeza gutangaza ubutumwa bw'urwango.

    Umunyamategeko Altit yabajije Nsanzuwera uwavuze mu izina rya RTLM muri iyo nama, asubiza ko ari Kabuga.

    Altit yahise amubaza impamvu mu nyandiko y'ubuhamya bwe yavuze ko Nahimana ari we wavuze cyane muri iyo nama ku ruhande rwa RTLM.

    Asubiza ko impamvu ari uko muri iyo nama Nahimana na Kameya bateranye amagambo cyane, Nahimana akavuga ko ibyo RTLM yatangazaga nta ho byari bitandukaniye n'icengezamatwara (propaganda) ikinyamakuru Rwanda Rushya cyakoreraga FPR.

    Yavuze ko Nahimana yari umuntu 'ushyamirana cyane' ('très combatif'), ariko ko Kabuga na we yari aho areba nk'umuntu mukuru wo muri RTLM.

    Umunyamategeko Altit yanabajije Nsanzuwera niba ibivugwa byuko ibitangazamakuru bitari bishyigikiye amasezerano ya Arusha ari ingingo yagarutsweho na yo muri iyo nama.

    Asubiza ko atari byo kuko icyari gihangayikishije Minisitiri Rucogoza ari ubutumwa bw'urwango bwo guteranya Abahutu n'Abatutsi, n'ubwibasiraga abanyapolitiki batavugaga rumwe n'ubutegetsi.

    Umunyacamanza ukuriye iburanisha yavuze ko iburanisha rizakomeza ku wa kabiri w'icyumweru gitaha, umunyamategeko Altit agakomeza guhata ibibazo Nsanzuwera.

    Umucamanza yanibukije Nsanzuwera ko kugeza kuri uwo munsi abujijwe kugira umuntu aganira na we mu bari muri uru rubanza.

    iriba.news@gmail.com

    The post François-Xavier Nsanzuwera mu rubanza rwa Kabuga yavuze ku ruhare rwa RTLM mu gukwirakwiza urwango appeared first on IRIBA NEWS.

    Source : https://iribanews.rw/2022/10/20/francois-xavier-nsanzuwera-mu-rubanza-rwa-kabuga-yavuze-ku-ruhare-rwa-rtlm-mu-gukwirakwiza-urwango/

  • Imashini zizwi nk’ibiryabarezi zahagaritswe mu buryo bw’agateganyo #Rwanda #RwOT via @kigalitoday #rwanda #RwOT

    Minisiteri y’Ubucuruzi n’Inganda (MINICOM) muri iyi minsi yakoze umukwabu wo gufata imashini zikinirwaho imikino y’amahirwe zizwi nk’ibiryabarezi zikora ba (…)

    Source : https://www.kigalitoday.com/ubukungu/ubucuruzi/Imashini-zizwi-nk-ibiryabarezi-zahagaritswe-mu-buryo-bw-agateganyo