Category: Uncategorized

Ni ibirego bikubiye mu itangazo rya FARDC ryasomwe na Maj Gen Sylvain Ekenge Bomusa Efomi kuri uyu wa Kane tariki 01 Ukuboza 2022, avuga ko Ingabo z’u Rwanda zifatanyije na M23 zateye ibirindiro by’ingabo za Leta zikica n’abasivile.

Maj Gen Sylvain Ekenge yashinje RDF n’umutwe wa M23 kugaba ibitero kuri Regiment ya 3410 i Kalima muri Gurupema ya Bwito no muri Gurupema ya Bambo iherutse kwigarurirwa na M23 nyuma yo kwirukana umutwe w’iterabwoba wa FDLR.

Mu birego yegetse kuri M23 n’u Rwanda, yavuze ko ku wa 29 Ugushingo 2022 hishwe abasivile barenga 50 abandi benshi baburirwa irengero i Kishishe muri Gurupema ya Bambo.

Ku mbuga nkoranyambaga, Impirimbanyi muri Politiki n’abanyamakuru bo muri Congo bakomeje gusakaza amafoto berekana imirambo irunze ahantu hamwe bivugwa ko ari abaturage b’i Kishishe bishwe na M23 ifatanyije n’ingabo z’u Rwanda.

Abasakaza ayo mafoto bavuga ko ari ubwicanyi ndengakamere buri gukorerwa abo baturage ,bagasaba ko uyu mutwe wa M23 uranduranwa n’imizi ndetse n’u Rwanda rugafatirwa ibihano bikakaye ku rwego Mpuzamahanga.

Abo biganjemo abahezanguni basanzwe bagaragaza urwango k’u Rwanda, bari kwerekana ubuhamya bwa bamwe mu bavuga Ikinyarwanda, bakavuga ko ari abo mu bwoko bw’Abahutu bari guhigwa bukware.

Hari n’abadatinya gusaba Leta ya Congo kugaba ibitero bya gisirikare k’u Rwanda mu buryo bweruye kuko ngo arirwo ruri kwica abanye-Congo binyuze mu mutwe wa M23.

Mu butumwa bwanyujijwe kuri Twitter, MONUSCO yatangaje ko itewe ubwoba na raporo z’ihohoterwa ry’uburenganzira bwa muntu ryitiriwe M23 i Kishishe muri Rutshuru.

Yagize iti 'Ibi birego, biramutse byemejwe, bishobora kuba ibyaha bihanw n’amategeko mpuzamahanga arengera ikiremwamuntu.'

MONUSCO kandi yamaganye ubwo bwicanyi bivugwa ko bwabereye i Kishishe, isaba inzego zose zibishinzwe gukora iperereza bidatinze no gushyikiriza abakoze ibyaha ubutabera.

Umutwe wa M23 binyuze mu muvugizi wayo wa Politiki, Lawrence Kanyuka, yamenyesheje imiryango Mpuzamahanga ko hatangiye ubukangurambaga bwo guhindanya isura ya M23 mu bice igenzura bigamije kuyangisha abaturage.

Ni ubukangurambaga ngo buri gukorwa na Guverinoma ya RD Congo n’ihuriro ry’imitwe bafatanyije ya FDLR, Nyatura, APLCS na Mai-Mai n’imiryango itandukanye irimo sosiyete sivile n’abanyamakuru bahengamiye kuri Leta.

M23 ivuga ko abaturage bakora imirimo yabo ya buri munsi mu duce igenzura ko ibyatangajwe na FARDC bigamije kubiba urwango.

Uyu mutwe wavuze ko ibirego bya Guverinoma by’uko wishe abaturage i Kishishe ari ibihimbano, wibukije amahanga ko nta bitero ugaba ku baturage.

M23 yongeye gutanga impuruza y’uko muri Teritwari ya Masisi hari gutegurwa Jenoside basaba ko byahagarikwa mu maguru mashya.

Uyu mutwe kandi wongeye kugaragaza ko inzira y’amahoro arambye izaturuka mu biganiro na Leta ya Congo nta yandi mananiza, ibintu Leta ya Kinshasa idakozwa na busa.

Igisirikare cya Congo kivuga ko kiteguye kurandura umutwe wa M23 binyuze mu ntambara mu gihe uyu mutwe nawo uvuga ko mu gihe uzaterwa n’uwo ari we wese uzirwanaho ukanarinda abaturage.

Umuhanzi Byumvuhore Jean Baptsite abinyujije mu ndirimbo yagize ati 'Rutwara abasore, rutwara inkumi, rutwara amajigija n’ibikwerere, urupfu ruragapfa rupfakare, ntirugira isoni ntirugira ubupfura, ntirugira impuhwe ntirunagurirwa.' Urupfu rwatwaye Muramira Gregoire wayoboye irerero ry’Isonga akaba yazize uburwayi bwa Kanseri y’umwijima.

Mu gitondo cyo kuri uyu wa Gatanu tariki ya 12 Ukuboza 2022 ni bwo haje inkuru y’incamugongo mu muryango mugari wa Siporo mu Rwanda ko Muramira Gregoire wabaye umuyobozi w’irerero ry’Isonga kuva ryashingwa, akayobora Vital’o FC y’i Burundi yitabye Imana azize kanseri.

Muramira Gregoire nta gihe kinini yarembye kuko yamenye ko arwaye uburwayi bwaramurenze cyane ko nta mezi arenga abiri yari amaze amenye ko arwaye kanseri.

Amakuru agera ku kinyamakuru ISIMBI ni uko uyu musaza yabanje kujya atakaza ibiro bya hato na hato agenda ananuka, gusa muri we yumvaga nta kibazo afite, ni kenshi abantu bagiye bamugira inama yo kujya kwa muganga ariko we akavuga ko atarwaye.

Mu Kwakira nibwo yagiye kwa muganga Faisal ariko bamusuzumye babura indwara. Nyuma yaje kuremba asubira mu bitaro ari na bwo baje kumusuzuma basanga afite ibibyimba ku mwijima.

Hahise hakurikiraho kureba uburyo babibagaho kugira ngo barebe ko yaba ari Kanseri aho baje gusanga ari yo.

Mu gitondo cyo kuri uyu wa Gatanu akaba ari bwo yitabye Imana aho yaguye mu bitaro byitiriwe Umwami Faisal.

Muramira Gregoire yayaboye ikipe ya Vital’o FC y’i Burundi kuva mu 1987 kugeza mu 1994. Ubwo yari umuyobozi wa Vital’o FC yayifashije kugera ku mukino wa nyuma wa Coupe d’Afrique mu 1992 aho ku mukino wa nyuma batsinze na Africa Sports ku giteranyo cy’ibitego 5-1.

Mu Rwanda uretse kuba yarayoboye Isonga FC n’irerero rya yo, yari umukunzi wa Siporo muri rusange aho yakundaga kureba imikino yose yaba umupira w’amaguru, Volleyball, Basketball n’indi mikino itandukanye.

Avuga ko kuba Perezida Tshisekedi avuga ko FDLR ntacyo igitwaye biteye isoni kuko nta Leta ikwiye kwemera ko abaturage bayo batwikwa bakaribwa ku manywa.

Agaruka ku byatangajwe n’muvugizi wa FDLR Uherutse gutangaza ko bahari kandi ari umutwe witeguye kurwana atumva icyo Leta , Munyarugero avuga ko imiryango mpuzamahanga yagakwiye kwibase niba Tshisekedi ari Perezida wa FDLR cyangwa se niba uyu mutwe atari abanyarwanda.

Mu kiganiro na UKWEZI ,Munyarugeri yavuze ko FDLR yakabanje gucurwa mu Rwanda kuko M23 iri iwabo kandi nta hantu ha hamwe abarwanyi ba M23 bazava ngo hagenzurwe n’ingabo za EAC kuko bari iwabo.

Ashimangira ko mu gihe imiryango mpuzamahanga yaba itagize icyo ikora ngo ibikorwa bya FDLR ku Batutsi bihagarare bo biteguye kwirwanaho kuko ngo nubwo bashyize imbunda hasi ariko batazihambye.

Akomeza avuga ko nk’uko byemerejwe I Luanda mu gihe M23 ikomeje gutabaza amahanga ngo atabare abatutsi barimo kwicwa na FDLR ndetse no kuba aba yita abicanyi batarava mu gihugu cyabo nabo bazakomeza guhagarika ubwicanyi bukorwa uko byagenda kose.

Yongeraho ko koko niba Ingabo za EAC zije kugaba ibitero kuri M23 n’abaturage icungiye umutekano nabo bazirwanaho.

Ku biherutse kuvugwa na Minisitiri w’Itumanaho akaba n’Umuvugizi wa Leta ya Congo, Patrick Muyaya wavuze ko M23 yari ihagarariwe n’u Rwanda mu biganiro biteye isoni kuko u Rwanda Rwahagararira FDLR kuko ariyo banyarwanda naho abandi ari Abanye-Congo ntaho bahuriye n’u Rwanda.

Ati” Congo ni iyacu twese, Muyaya afite aho avuka, Ngira aho mvuka, Tshisekedi akagira aho avuka na Makenga akagira iwabo, twese dufite iwacu muri Congo, turi Abanye-Congo nkabo rero , nibemere batuze dusangire nk’uko natwe tutabavutsa
uburenganzira bwabo”

M23 : Nta gice na gito twarekuye mu byo twafashe kandi tuzirwanaho|| Nubu hari abo bishe barabatwika

Ikipe y’Igihugu ya Maroc yakoze amateka yo kugera muri 1/8 cy’Igikombe cy’Isi iyoboye itsinda rya gatandatu. Maroc yageze kuri aya mateka nyuma yo gutsinda (…)

Umuhanzi Joeboy wamaze kwandika izina mu muziki wa Nigeria, yageze mu Rwanda aho gutaramira Abanyarwanda, ahishura ko abahanzi Nyarwanda azi ari 2, Bruce Melodie na Ish Kevin.

Yageze mu Rwanda mu ijoro ryakeye ryo ku wa 1 Ukuboza 2022 aho aje mu gitaramo cya “Kigali Fiesta Live Concert” kizaba ejo ku wa Gatandatu tariki ya 3 Ukuboza 2022 muri Kigali Arena.

Joeboy waherukaga gutaramira mu Rwanda muri 2020 cyane ko igitaramo yagombaga gukora muri Nyakanga uyu mwaka cyaje gusubikwa, yabwiye itangazamakuru ko yishimye cyane kugaruka mu Rwanda kuko ubwo ahaheruka yafashwe neza, yishimiye cyane ibiryo byo mu Rwanda.

Yavuze ko kandi nubwo aba atumva ibyo baririmba ariko abahanzi Nyarwanda azi ari Ish Kevin na Bruce Melodie.

Ati “Yego! Nanyuzwe na Ish Kevin ndetse na Bruce Melodie. Ntabwo numva neza ibyo baririmba ariko akunze 'vibes’ za bo.”

Yahishuye kandi ko ari mu biganiro n’aba bahanzi ngo arebe ko bazakorana indirimbo.

Joeboy wavutse ku wa 21 Gicurasi 1997, avukira mu Mujyi wa Lagos mu gihugu cya Nigeria, afite Impamyabumenyi y’icyiciro cya Kabiri cya Kaminuza (Bachelor’s Degree’) mu bijyanye na 'Human Ressources Management’ yakuye muri Kaminuza yo muri Lagos.

Yakunzwe mu ndirimbo nka 'Baby’, 'Beginning’, 'Don’t call me back’ n’izindi.

Mu mikino ya nyuma y’igikombe cy’isi yo mu itsinda E yakinwe uyu munsi kuri uyu wa Kane tariki 1 Ukuboza 2022 ahagana saa tatu z’ijoro, ikipe y’igihugu ya Espagne yatsinzwe n’ikipe y’igihugu ya Japan n’aho ikipe y’igihugu y’u Budage yatsinze ikipe y’igihugu ya Costa Rica biba iby’ubusa.

Umukino w’u Budage na Costa Rica wabereye kuri Khalifa international stadium. kipe y’igihugu y’u Budage yinjiye mu mukino ntayandi mahitamo ifite usibye gushaka igitego kububi no ku bwiza kugira ngo yizere kurenga amatsinda ibone itike yerekeza muri 1/8.

 Abasore b’umutoza w’u Budage H.Flick byabahiriye ku munota wa 10 gusa bahita babona igitego cya 1 gitsinzwe na Serge Gnabry ku mupira mwiza yahawe na David Raum. 

Abakinnyi b’u Budage nyuma yo gutsinda igitego bahise bongera icyizere. U Budage bwatatse cyane bushaka igitego cya 2 ariko bakomeza kurata amahirwe. Igice cya mbere cyarangiye u Budage aribwo buyoboye umukino n’igitego 1 . 

Igice cya 2 cyatangiranye n’imbaraga nyinshi za Costa Rica yagiye gukina uyu mukino iri imbere y’u Budage mu manota. 

Costa Rica yakomeje urugendo rwo gushaka igitego cyo kwishyura bituma ku munota wa 58 Yeltsin Tejeda atsinda igitego cyo kugombora. 

Ikipe y’igihugu ya Costa Rica yakomeje gukina nk’iyariye amavubi ku munota wa 70 irongera ibona igitego cya 2 gitsinzwe na J.Vargas. 

Costa Rica ikimara gutsinda igitego cya 2 imibare yahise ihinduka ku ruhande rw’u Budage bwashakaga itike maze burataka cyane ku munota wa 73 Kai Havertz atsinda igitego cyo kwishyura ku mupira yari ahawe na Niclas Fuelkrug. 

U Budage bwakomeje gukina bwishora bwataka cyane ku munota wa 85 Kai Havertz yongera atsinda igitego cya 3 ku mupira yarahawe na Serge Gnabry.

Costa Rica yakomeje kwatswaho umuriro maze ku munota wa nyuma u Budage butsinda igitego cya 4 gitsinzwe na Niclas Fuelkrug ku mupira yari ahawe na Leloy Sane.

Umukino warangiye u Budage butsinze ibitego 4 kuri 2 ariko biba ibyubusa kuko n’ubundi bwahise butaha ari ubwa 3 mu itsinda.

Mu wundi mukino nawo wo muri iri tsinda ikipe y’igihugu ya Espagne yatsinzwe n’ikipe y’igihugu ya Japan bihita biba imbarutso yo gusezererwa ku ikipe y’igihugu y’u Budage yatsinze ariko ntikomeze. 

Igitego cya Espagne cyatsinzwe na Alvaro Morata ku munota wa 11 ku mupira yari ahawe na Cesar Azpilicueta.

Ibitego bya Japan byatsinzwe na Ritsu Doan ku munota wa 48 ku mupira yahawe na Junya Ito. Icya kabiri cyatsinzwe na Ao Tanaka ku munota wa 51.

Impamvu ikipe y’igihugu y’u Budage yabaye iya 3 mu itsinda kandi inganya amanota na Espagne ni ukubera ko Espagne izigamye ibitego 6 naho u Budage bwo buzigamye igitego 1.

Uko amakipe arangije ahagaze mu itsinda 

Japan ifite amanota 6

Spain ifite amanota 4

U Budage bufite amanota 4

Costa Rica ifite amanota 3

Ku cyicaro cya Minisiteri y’Ubuzima mu Mujyi wa Kigali, tariki 01 Ukuboza 2022, habereye umuhango w’ihererekanyabubassha hagati ya Minisitiri w’Ubuzima (…)

Rayon Sports yandikiye FERWAFA yamagana abasifuzi 3 ivuga ko batozongera kuyisifurira, gusa ibaruwa ntiyigeze igera mu bunyamabanga bw’iri shyirahamwe nyuma y’uko muri komite ya Rayon Sports hari ababyanze.

Amakuru ikinyamakuru ISIMBI gifite ni uko ku wa Kabiri w’iki cyumweru Rayon Sports yari yandikiye FERWAFA ndetse ibaruwa igomba kuba yageze mu bunyamabanga bw’Ishyirahanwe ry’Umupira w’Amaguru mu Rwanda bitarenze ku wa Gatatu.

Iyi baruwa yari yasinyweho na perezida w’iyi kipe, Uwayezu Jean Fidele yavugaga ko itifuza ko abasifuzi Twagirumukiza Abdul (usifura hagati) n’abafisifuzi bo ku ruhande Mugabo Eric na Karangwa Justin bazongera gusifurira iyi kipe.

Ubwo ISIMBI yageragezaga kuvugana n’umuvugizi w’iyi kipe Nkurunziza Jean Paul yirinze kwemeza cyangwa ngo ahakane ko iyi baruwa ihari.

Yagize ati “iyo baruwa hari iyo wabonye? Mwategereza igasohoka.”

Umuvugizi wungirije wa FERWAFA, Jules Karangwa yabwiye ISIMBI ko iyo baruwa nta yo bigeze babona.

Ati “ese iyo baruwa ya Rayon Sports abantu bose bavuga ko ntayo ndabona? Ntayo rwose. “

Amakuru ISIMBI yamenye ni uko nyuma yo kwandika iyi baruwa habayeho kutumvikana aho bamwe muri Rayon Sports bifuzaga ko itangwa, ni mu gihe abandi babyamaganiye kure bavuga ko ntaho byabaye ko ikipe yanga umusifuzi, bivugwa ko byaje kurangira iyi baruwa bahisemo ko itagomba gutangwa.

Yabibwiye itangazamakuru mu ijoro ryo kuri uyu wa Kane tariki 1 Ugushyingo 2022, ubwo yari ageze ku kibuga cy'indege Mpuzamahanga cya Kigali i Kanombe.

Ategerejwe mu gitaramo gikomeye cyiswe “Kigali Fiesta Live Concert” kizaba ku wa Gatandatu tariki 3 Ukuboza 2022 mu nyubako y'imyidagaduro ya BK Arena.

Ni ubwa mbere agiye kuharirimbira, kuko muri Gashyantare 2020 yatanze ibyishimo mu gitaramo yakoreye ahazwi nka Camp Kigali. Icyo gihe yari yatumiwe na RG Consult Inc, kuri iyi nshuro agaruwe na East African Promoters.

Umunyamakuru yamubajije niba hari abahanzi bo mu Rwanda azi. Asubiza ko azi cyane umuraperi Ish Kevin ndetse na Bruce Melodie.

Yavuze ko n'ubwo atumva neza ibyo baririmba ariko abakundira uburyo bitwara mu ndirimbo (Ibizwi nka Vibes). Joeboy wakunzwe mu ndirimbo zirimo nka 'Alcohol', avuga ko aba baririmbyi bombi bagiranye ibiganiro biganisha ku gukorana indirimbo.

Joeboy ati 'Yego! Nanyuzwe na Ish Kevin [Arabishimangira] ndetse na Bruce Melodie. Ntabwo numva neza ibyo aririmba ariko nakunze 'vibes' ze. Yego! Ndi mu biganiro nabo.'

Uyu muririmbyi yavuze ko 'buri gihe nishimira kugaruka mu Rwanda'. Yavuze ko yakunze u Rwanda, ibiryo by'aho, abanyarwanda n'ibindi bituma ahora yumva yagaruka.

Yavuze ko igitaramo cyo ku wa Gatandatu ategerejwe kizasiga 'urwibutso' kuko yiteguye bihagije.

Asubiza ikibazo cy'umunyamakuru wa InyaRwanda, Joeboy yavuze ko emPawa Africa ya Mr Eazi abarizwamo, ari umuryango wahinduye ubuzima.

Uyu musore agaragaza atabona amagambo yumvikanisha ishimwe afite kuri iyi nzu ifasha abahanzi mu bya muzika yamuhinduriye ubuzima.

Ati 'Ni urugendo rwiza. Ndabishima rwose. Bameze nk'umuryango wanjye, kandi ndabashimira. Ni ibihe byiza rwose (yagiriyemo).'

Imyaka ibiri n'amezi 10 byari bishize uyu muhanzi adataramira i Kigali. Muri Nyakanga 2022, byarageragejwe ariko bisubikwa ku munota wa nyuma bitewe n'imyiteguro. Bwa mbere akandagiza ikirenge i Kigali, hari ku wa 27 Gashyantare 2020.

Mu 2021 nabwo yaje i Kigali, aje guhura na Boss we Mr Eazi wari mu Rwanda muri icyo gihe muri gahunda z'ubushabitsi mu muziki akora, sosiyete ifasha abantu gutega ku mikino ya betPawa n'ibindi bitandukanye.

Joeboy ni umuhanzi w'umunya-Nigeria, umuririmbyi, akaba umuhererezi mu muryango w'abana bane. Mu ndangamuntu ye handitsemo ko, yavutse tariki 21 Gicurasi 1997, aho yavukiye mu Mujyi wa Lagos mu gihugu cya Nigeria.

Ni umwe mu bahanzi bo muri iki gihugu, banakandagiye ku ntebe y'ishuri, kuko afite Impamyabumenyi y'icyiciro cya Kabiri cya Kaminuza (Bachelor's Degree') mu bijyanye na 'Human Ressources Management' yakuye muri Kaminuza yo muri Lagos.

Imiziki ye ishingiye cyane ku njyana ya Afro-Pop ndetse na Rnb, akaba umwe mu babarizwa mu inzu ifasha abahanzi mu bya muzika ya Empawa Africa ya Mr Eazi.

Inyandiko zimwe ziri kuri internet, zivuga ko yatangiye urugendo rw'umuziki nk'umuhanzi wigenga ubwo yari afite imyaka 16 y'amavuko.

Yigeze kuvuga ko gukora umuziki byashibutse ku muhanzi 9ice ndetse na Proucer ID Cabasa yakuze yumva ibihangano byabo, yanzura kujya muri studio.

Indirimbo ye ya mbere yayishyize hanze afite imyaka 17, yayise 'Gbeseyin' iri mu njyana ya Afrobeat. Kuva icyo gihe, yahise ashyira imbere gusubiramo indirimbo z'abandi.

Nawe avuga ko umwaka wa 2017 wabaye udasanzwe mu buzima bwe, kuko ubwo yasubiragamo indirimbo 'Shape of you' ya Ed Sheeran itangazamakuru n'ibihumbi by'abantu bashimye impano ye, biramurenga atangira kuba ikimenyabose mu muziki.

Joeboy yanagize izina rikomeye binanyuze mu ndirimbo zirimo nka 'Baby', 'Beginning', 'Don't call me back' n'izindi zafashe imitima ya benshi.

Umuyobozi wa East Africa Promoters, Mushyoma Joseph uzwi nka Boubou aherutse kuvuga ko batumiye Joeboy kubera ko ari umuhanzi ukunzwe, kandi nawe akaba yifuza gukora igitaramo kigari gitandukanye n'icyo yakoreye mu Rwanda mu 2019.

Ati 'Yego! Afite ibikorwa yakoze bye. Afite umuziki yakoze. Hari iterambere yagize mu muziki. Tubona ko ari igihe cyo kuba yakongera agakora igitaramo, kuko cyane cyane nawe yifuza gukora igitaramo kinini kurusha icyo yakoze (mu 2019).'

Joeboy  avuga ko indirimbo ye 'Baby' yamuhinduriye ubuzima, kandi ayifata nk'ibihe byose 

Joeboy yatangaje ko yiteguye gutanga ibyishimo muri iki gitaramo yatumiwemo 

Joeboy yavuze ko akunda uburyo Ish Kevin na Bruce Melodie bitwara mu ndirimbo 

Joeboy yavuze ko Label ya emPawa Africa abarizwamo ari 'umuryango wahinduye ubuzima bwe 

Joeboy yagendeye mu modoka ya sosiyete icuruza imodoka ikanazikodesha ya Ndoli Safaris

Joeboy yakiriwe n’abarimo Mushyoma Joseph washinze EAP [Ubanza ibumoso] n’abakobwa bo muri Kigali Protocol

Joeboy azahurira ku rubyiniro n’abahanzi Kenny Sol, Bruce Melodie, Ish Kevin, Bwiza na Christopher 

KANDA HANO UREBE IBYO JOEBOY YATANGAJE AKIGERA I KIGALI

“>

REBA INDIRIMBO ‘BABY’ JOEBOY AVUGA KO YAMUHINDURIYE UBUZIMA

“>

Kanda hano urebe amafoto menshi

AMAFOTO: Ndayishimiye Nathaniel-INYARWANDA.COM