Category: Uncategorized

Source : https://www.kigalitoday.com/ubukerarugendo/ahantu/article/u-rwanda-rwahawe-kwakira-inama-mpuzamahanga-yiga-ku-bukerarugendo

Source : https://www.kigalitoday.com/imikino-11/football/article/umukinnyi-wa-musanze-fc-uherutse-kujya-muri-koma-amerewe-ate

Mu gitondo cyo kuri uyu wa kane tariki ya 1 Ukuboza 2022 nibwo umutoza Okoko Godfroid yatangiye imirimo mishya muri iyi kipe isanzwe ibarizwa mu karere ka Rutsiro ariko ikaba kuri ubu ibarizwa mu karere ka Rubavu.

Okoko Godfroid wigeze gutoza amakipe atandukanye ya hano mu Rwanda arimo Mukura VS, La Jeunesse na Gicumbi aje gutoza iyi kipe nyuma y'igihe abarizwa mu gihugu cy'i Burundi aho asamzwe abarizwa.

Aje gusimbura Haruna Ferouz wamaze gutandukana n'iyi kipe bitewe n'uko umusaruro muri iyi kipe wakomeje kubura, kuko kuva uyu mutoza ayigezemo yakinnye imikino 11 atsindamo umukino umwe anganya indi mikino irindwi, uyu mutoza akaba yatsinzwe imikino itatu.

Uyu mutoza Ferouz watandukanye na Rutsiro FC abaye umutoza wa mbere utandukanye n'ikipe ya hano mu Rwanda mu kiciro cya mbere muto uyu mwaka w'imikino wa 2022-2023, gusa si uyu gusa utari mukazi hano mu Rwanda kuko Adil Eraddi Muhammed atari mu nshingano zo gutoza APR FC kuko yarahagaritswe.

Ikipe ya Rutsiro yatandukanye na Ferouz imusimbuza Okoko Godfroid irimo kwitegura gukina na Police FC mu mukino w'umunsi wa 12 wa shampiyona y'u Rwanda ahp izakinira i Rubavu kuri uyu wa gatandatu tariki ya 3 Ukuboza 2022.

The post Okoko Godfroid yagizwe umutoza mushya w'ikipe ya Rutsiro FC asimbuye Haruna Ferouz watandukanye n'ikipe kubera umusaruro muke appeared first on RUSHYASHYA.

Source : https://rushyashya.net/okoko-godfroid-yagizwe-umutoza-mushya-wikipe-ya-rutsiro-fc-asimbuye-haruna-ferouz-watandukanye-nikipe-kubera-umusaruro-muke/?utm_source=rss&utm_medium=rss&utm_campaign=okoko-godfroid-yagizwe-umutoza-mushya-wikipe-ya-rutsiro-fc-asimbuye-haruna-ferouz-watandukanye-nikipe-kubera-umusaruro-muke

Ku wa Gatatu w’iki Cyumweru, Minisitiri w’uburezi muri Nigeria, Bwana Adamu Adamu yabwiye abanyamakuru ko iyi gahunda nshya yo gukuraho icyongereza nk’ururimi shingiro mu myigishirize yo mu mashuri abanza yemejwe ngo ishyirwe mu bikorwa.

Nk’uko ikinyamakuru BBC kibitangaza, Leta ya Nigeria ishaka ko kwigisha mu myaka itandatu ya mbere yo mu mashuri abanza bizajya bikorwa mu rurimi kavukire.

Mu busanzwe, icyongereza ni rwo rurimi rukoreshwa mu butegetsi bwa Nigeria kandi amashuri yose arukoresha nk’ururimi rumenyerewe rwo kwigishamo, ibyo Leta yasanze ko bigomba gusubirwamo.

Minisitiri Adamu yavuze ko “abanyeshuri bo mu mashuri abanza biga neza kurushaho” iyo bigishijwe mu rurimi kavukire rwabo, bityo indimi gakondo ari zo zigiye kwibandwaho.

Nk’uko bigarukwaho na benshi mu batuye Nigeria, Minisitiri Adamu na we ubwe yemera ko gushyira mu bikorwa iyi gahunda nshya bizagorana kuko “izasaba akazi kenshi ko gukora imfashanyigisho zo kwigishirizaho no kubona abarimu”.

Izi ngorane kandi ziyongeraho indi ikomeye cyane y’uko indimi zibarurwa ko zivugwa muri Nigeria zirenga 600, bityo bigoye kumenya izizajya zigishwa mu mashuri abanza.

Abategetsi bo muri Nigeria bumvikanisha ko bazabanza gutanga imfashanyigisho n’abarimu bigisha mu ndimi zo muri Nigeria, mbere y’uko batangira gushyira mu bikorwa iyi gahunda hataramenyekana igihe izatangirira.

Source : https://inyarwanda.com/inkuru/123391/nigeria-ivugwamo-indimi-zirenga-600-igiye-guca-icyongereza-mu-mashuri-abanza-123391.html

Shampiyona y’icyiciro cya mbere mu Rwanda umwaka w’imikino wa 2022-23 izakomeza ku munsi w’ejo aho abazareba umukino wa APR FC na Gasogi United bashyizwe igorora.

Azaba ari umunsi wa 12 wa shampiyona uzatangira ejo ku wa Gatanu tariki ya 2 Ukuboza 2022.

Iyi mikino izabimburirwa n’umukino wo Gasogi United izakiramo APR FC saa 19h00′ kuri Stade Regional i Nyamirambo.

Abazareba uyu mukino bakaba bashyizwe igorora aho bazazanirwa Screen muri Stade babe bareberaho umukino w’igikombe cy’Isi uzahuza Uruguay na Ghana uzaba saa 17h, ni mbere y’umukino wa APR FC na Gasogi United.

Undi mukino utegerejwe na benshi ni uwo AS Kigali izakiramo Kiyovu Sports ku wa Gatandatu saa 15h00′ kuri Stade ya Kigali.

Gahunda y’umunsi wa 11

Ku wa Gatanu tariki ya 2 Ukuboza 2022

Gasogi United vs APR FC
Marines FC vs Mukura VS

Ku wa Gatandatu tariki ya 3 Ukuboza 2022

AS Kigali vs Kiyovu Sports
Sunrise FC vs Espoir FC
Rutsiro FC vs Police FC

Ku Cyumweru tariki ya 4 Ukuboza 2022

Musanze FC vs Rwamagana City
Rayon Sports vs Bugesera FC
Etincelles FC vs Gorilla FC

AS Kigali izesurana na Kiyovu Sports

Source : http://isimbi.rw/siporo/article/shampiyona-irakomeza-as-kigali-yesurana-na-kiyovu-sports-agashya-ku-mukino-wa-apr-fc-na-gasogi-united

Umujinya urimo kwiyongera muri Nigeria nyuma y'uko umunyeshuri wa kaminuza afashwe agafungwa aregwa gusebya umugore wa Perezida Muhammadu Buhari kuri Twitter.

Abashinjacyaha bavuga ko Aminu Adamu Mohammed yatangaje ifoto ya Aisha Buhari, akandika mu rurimi rwa Hausa amagambo asobanura kumushinja kunyereza umutungo wa leta.

Bashinja uyu musore w'imyaka 23 gukwiza amakuru y'ibinyoma.

Umwunganira mu mategeko yavuze ko Adamu yahakanye ibyo aregwa ubwo yagezwaga mu rukiko.

Uyu munyeshuri agomba gutangira ibizamini bya nyuma muri kaminuza kuwa mbere.

Ntabwo bizwi neza niba azabasha kubikora, kuko kugeza ubu agifunze.

Umunyamategeko we, Chijioke Kingsley Agu, yabwiye BBC ko yasabye ko afungurwa by'agateganyo, kandi yizeye ko ibi biza kwemerwa mu masaha 48.

Ababyeyi ba Adamu basabye ku mugaragaro Aisha Buhari kubabarira umuhungu wabo. We n'abategetsi nta cyo baravuga kuri iki kirego.

Adamu bivugwa ko yafashwe mu ntangiriro z'ukwezi gushize akaburirwa irengero, ariko akagezwa mu rukiko kuwa kabiri w'iki cyumweru.

Abashinjacyaha bavuga ko amagambo asobanuye ibyo yanditse mu gihausa kuri Twitter ari: 'Mama yanyereje amafaranga yari agenewe abakene.'

Ku mbuga nkoranyambaga abantu bakomeje kwifatanya na Aminu Adamu basaba ko arekurwa.

Adamu ashobora gufungwa imyaka itarenze ibiri mu gihe ibyaha aregwa byamuhama.

Yiga gucunga ibidukikije muri Federal University muri leta ya Jigawa yo mu majyaruguru.

Abigana nawe bavuga ko ari umunyeshuri w'umuhanga.

Abakoresha imbuga nkoranyambaga n'abaharanira uburenganzira banenze abategetsi muri Nigeria kuburyo bafashe uyu munyeshuri, basaba ko ahita arekurwa.

Bamwe bavuga ko abategetsi ba Nigeria bagenda barushaho kutihanganira ababanenga.

Mu ntangiriro z'uku kwezi abantu babiri b'urubyiruko bakoresha TikTok baciwe amande kandi bakubitwa ibiboko ku karubanda baregwa gusebya guverineri wa leta ya Kano mu butumwa bashyize ku mbuga nkoranyambaga.

Muri Gashyantare(2) itaha bitaganyjwe ko Nigeria yinjira mu matora, Perezida Buhari byitezwe ko ava ku butegetsi nyuma ya manda ye ya kabiri ari nayo yanyuma.

BBC

Source : https://umuryango.rw/amakuru/mu-mahanga/ubutabera/article/nigeria-umunyeshuri-yajyanwe-mu-nkiko-azira-gusebya-umugore-wa-perezida

Source : https://www.kigalitoday.com/ubutabera/amakuru/article/angola-umukobwa-w-uwahoze-ari-perezida-arashakishwa-n-ubutabera

Source : https://www.kigalitoday.com/politiki/amakuru/article/perezida-kagame-yavuze-ku-barwanya-imitwe-yitwaje-intwaro-muri-drc-bakirengagiza-fdlr

Perezida Kagame yabwiye abaturage bo ku mipaka iri aho u Rwanda ruhana imbibi na Repubulika Iharanira Demokarasi ya Congo, RDC, kuryama ntacyo bishisha kuko umutekano wabo ucunzwe neza.

Ni ubutumwa yatanze kuri uyu wa Gatatu, tariki ya 30 Ugushyingo 2022, ubwo yakiraga indahiro za Dr Sabin Nsanzimana wagizwe Minisitiri w'Ubuzima na Dr Yvan Butera wagizwe Umunyamabanga wa Leta muri iyo minisiteri.

Umukuru w'Igihugu mu ijambo rye yagarutse by'umwihariko ku mubano w'u Rwanda na RDC umaze igihe waratokowe ahanini bishingiye ku birego abaturanyi badahwema kwegeka ku Rwanda bavuga ko rutera inkunga M23 ndetse rukora ubucuruzi bw'amabuye y'agaciro butemewe.

Ibihugu byombi byongeye kurebana ay'ingwe ahanini nyuma y'uko M23 yongeye gusubukura imirwano mu ntangiriro z'uyu mwaka.

M23 ishinja Leta ya RDC kwirengagiza amasezerano y'amahoro bagiranye no gukomeza gutoteza abavuga Ikinyarwanda muri icyo gihugu.

Kuva icyo gihe, Abanye-Congo batangije intambara y'amagambo ku Rwanda, barugaragaza nk'ururi ku ruhembe y'intambara zayogoje igihugu cyabo ariko rwo rukabihakana.

Byageze aho hatutumba n'umwuka w'intambara ahanini bitewe n'ubushotoranyi RDC yakoze ku butaka bw'u Rwanda burimo ibisasu byarashwe mu Birunga.

Muri Nyakanga 2022, Perezida wa RDC, Félix Antoine Tshisekedi, na we yunze mu ryabo, aburira u Rwanda ko mu gihe rwakomeza gufasha M23, igihugu cye kizarugabaho intambara.

Yabwiye Financial Times ko imyitwarire y'u Rwanda ku gihugu cye ikomeje n'intambara 'yashoboka'.

Ati 'Ubushotoranyi bw'u Rwanda nibukomeza, ntituzicara ngo turebere. Ntituri ibigwari, nta gushidikanya na guto ko u Rwanda rudashyigikiye M23, turashaka amahoro ariko nidukomeza gusunikwa tuzagera aho dufata umwanzuro.'

Icyo gihe, Perezida Tshisekedi yashimangiye ko afite amakuru yizewe ko u Rwanda ruri muri RDC ndetse arushinja gushaka gusahura umutungo kamere wayo.

Perezida Kagame yavuze ku muyobozi ushaka kwitwaza ko afite amatora mu mwaka utaha, akitwaza u Rwanda nk'impamvu y'ibitagenda neza mu gihugu cye, amugira inama yo gushaka urundi rwitwazo.

RDC iyobowe na Tshisekedi [uziyamamariza manda ya kabiri] ni yo ifite amatora mu mwaka utaha, ateganyijwe ku wa 20 Ukuboza 2023.

Perezida Kagame yasabye RDC ko u Rwanda rwatanga umusanzu mu gukemura ibibazo by'umutekano muke biterwa na FDLR igizwe n'abasize bakoze Jenoside ariko yo ikabyanga.

Yavuze ko mu gihe FDLR yakomeza kurasa ku butaka bw'u Rwanda, nta bundi butumire azasaba.

Ati 'Muzi ibivugwa ko ubusugire bwa Congo bugomba kubahwa? Ndabyemera. Ariko n'ubusugire bw'u Rwanda bugomba kubahwa. Kandi ubusugire bw'igihugu si ukuba umusirikare yakwinjira ku butaka bwacyo, ahubwo ni ibyo wakorera no ku butaka bwawe. Niba urashe ku butaka bw'u Rwanda [aho waba uri hose] ni ubudahangarwa bwabwo buvogerewe. Ntituzavogera ubudahangarwa bw'igihugu icyo aricyo cyose, ariko twizera ko ibyo na byo bigomba kubahirizwa kuri twe.''

Perezida Kagame yijeje abaturage bo hafi y'imipaka ko batuza kuko umutekano wabo.

Yakomeje ati 'Abantu baturiye hafi y'umupaka, bashobora kuryama mu ijoro bazi neza ko bafite umutekano. Bitabaye ibyo, tuzatuma undi muntu arara amajoro menshi adasinziriye.''

Mu bihe bitandukanye, abasirikare ba RDC bakoze ubushotoranyi ku Rwanda aho bagerageje kwinjira ku butaka bwarwo i Rubavu ariko bagakumirwa batarahungabanya umutekano.

Ibiheruka ni ku wa 19 Ugushyingo 2022, ubwo umusirikare wa RDC yinjiye ku butaka bw'u Rwanda arasa amasasu ane aho Abasirikare b'u Rwanda baba bari ku burinzi hafi ya Petite Barrièrre ariko mu kwirwanaho bakamurasa kuko yari yambutse umupaka uhuza ibihugu byombi nko muri metero 50, yarenze agace katagira nyirako.

Umukuru w'Igihugu yibukije ko ibijyanye n'intambara azi neza ibibi byazo ariko yifuza kuba mu mahoro.

Ati 'Nzi ibijyanye n'intambara, niba ushaka kubimenya uzaze nkubwire. Nzi ububi bwayo, kandi niba hari ikintu cyiza wakwifuza kugira, nta kirenze amahoro.'

Perezida Kagame yagaragaje ko ibikorwa na RDC ari ugushaka gufata u Rwanda nk'insina ngufi buri wese yatemaho urukoma nyamara ari igihugu gifite ubusugire kandi gikwiye kubyubahirwa.

Perezida Paul Kagame avuga ko ikibazo cya Congo kireba abanyekongo ubwabo ariko kandi bidakwiye kukegeka ku bandi ku buryo byagera aho batekereza intambara ku Rwanda.

The post Perezida Kagame yibukije Tshisekedi wa RDC ko u Rwanda atari insina ngufi appeared first on FLASH RADIO&TV.

Source : https://flash.rw/2022/12/01/perezida-kagame-yibukije-tshisekedi-wa-rdc-ko-u-rwanda-atari-insina-ngufi/?utm_source=rss&utm_medium=rss&utm_campaign=perezida-kagame-yibukije-tshisekedi-wa-rdc-ko-u-rwanda-atari-insina-ngufi

Iki gikorwa cyabaye kuri uyu wa gatatu mu nyubako ya Fair View iherereye Kacyiru mu karere ka Gasabo, gitangira ku isaha ya saa munani.

Kitabiriwe n’umuyobozi wa Inkomoko, Rwagasore Aretha, abakozi baje bahagarariye MTN Rwanda, ndetse n’urubyiruko rw'abakobwa n'abahungu 6 baje kumurika ibikorwa bifuza ko ‘Level up your Biz Initiative’ yabafasha guteza imbere.

Muri iki gikorwa, uru rubyiruko rwamuritse imishinga yarwo imbere y’akanama nkemurampaka karebaga niba nyir’umushinga awufitiye icyizere, akamaro uzagirira sosiyete muri rusanjye, inyungu bateganya, no guhanga udushya biwugaragaramo.

Mu kiganiro InyaRwanda yagiranye na Olivia Kaze, umwe mu rubyiruko ufite uruganda rukora ibicuruzwa bitangiza ibidukikije, birimo amavuta yaba ayo ku ruhu cyangwa mu mutwe, yatubwiye icyo yumva yiteze nyuma yo kumurika ibikorwa bye.

Yagize ati ” Nta kindi nitezemo ni uko bampfasha, babasha kuduha inkunga turi kubasaba, ndetse no kudufasha kugenda twaguka mu bikorwa byacu, bakaduha ibitekerezo ndetse n’inkunga y’amafaranga bazaha abatsinze.”

Nyandekwe Simplice ufite uruganda rwitwa ‘Real brothers Ltd” rukora ubucuruzi bwo guhinga no kugurisha ibihumyo, yavuze imbogamizi ahura nazo n’igisubizo yumva ‘Level up your Biz Initiative’ yamugezaho aramutse agize amahirwe yo gutsinda.

Yagize ati “Ikibazo gihari mu bucuruzi dukora ni uko tutabasha guhaza isoko ry’abakiriya bacu, ni ukuvuga ngo nitubona aya mafaranga bizongera ingano y’ibyo twatangaga ku isoko, hanyuma n’abagenerwabikorwa bacu bazaba babyungukiyemo.”

Daria Umuringa, umukozi wa MTN muri serivisi ishinzwe abakiriya yadutangarije ko nyuma y'imurikwa ry’ibi bikorwa, hazakurikiraho gutoranywamo batatu bazahiga abandi, ati “Igikurikiyeho ni ukuzabamenyesha batatu batsinze.”

Yakomeje avuga ibyo MTN yahisemo gushyiramo imbaraga mu kuzamura urubyiruko, agira ati “Muri MTN n’ubundi dukunda gukora imishinga izamura sosiyete dutuyemo, noneho na cyane cyane urubyiruko kuko tuziko ariyo maboko y’igihugu mu gihe kiri imbere.

N'ubundi tuzakomeza dushyigikira urubyiruko mu mishinga igiye itandukanye, kuko ntabwo duha abakiriya bacu serivisi zijyanye no guhamagara cyangwa interineti gusa, ahubwo turarengaho tukabaha n’izindi serivisi zabafasha gutera indi ntambwe, bakava aho bari bahagaze bagera ku rundi rwego.”

Emmanuel Gashagaza, umwe mu bashinzwe ‘Level up your Biz Initiative’ mu Inkomoko yatubwiye amwe mu mahugurwa yatanzwe kuri ba rwiyemezamirimo b’urubyiruko arimo “Kwamamaza ibyo bakora, ndetse n’uburyo bwo kubyamamaza n’aho babyamamariza, ndetse no kubafasha kumenya abo babicuruzaho.”

Yakomeje agira ati “Nyuma tubahugura kubijyanye noneho no gucunga umutungo waba wavuye muri icyo gihe baba bacuruje ibicuruzwa byabo kuri ba bantu twabafashije nanone kumenya.”

Iki gikorwa kizasozwa no gutangaza batatu bahize abandi mu bikorwa bifitiye sosiyeti akamaro, aho bazahabwa ibihembo birimo amafaranga no gufashwa n’ibi bigo kumenyekanisha ibikorwa byabo ku bakiriya bari hirya no hino mu gihugu.

Abakemurampaka baje kumva ibikorwa bya batandatu bakomeje muri ‘Level up your Biz Initiative’

Rwagasore Aretha uhagarariye Inkomoko mu Rwanda

Kaze Olivia umwe mu rubyiruko rwamuritse ibikorwa byabo

Daria Umuringa ushinzwe serivisi z’abakiriya muri MTN

 

AMAFOTO: Serge

Source : https://inyarwanda.com/inkuru/123374/mtn-na-inkomoko-batangaje-imishinga-yabakomeje-muri-level-up-your-biz-123374.html