Category: Uncategorized

Kakooza Nkuriza Charles [KNC] nyuma y’urupfu rwa Muramira Gregoire yavuze ko ikintu cyamushenguye umutima kuruta ibindi ari uko yitabye Imana atabashije kumusura.

Ku munsi w’ejo hashize ni bwo Muramira Gregoire wari umuyobozi w’irerero ry’Isonga yitabye Imana azize uburwayi, inkuru ye yababaje benshi mu bakunzi b’imikino mu Rwanda kuko yari umugabo ukunda siporo cyane by’umwihariko umupira w’amaguru.

Mbere y’umukino wa shampiyona w’umunsi wa 12 wahuje Gasogi United na APR FC zanganyije 0-0, hafashwe umunota wo kumwibuka.

KNC, umuyobozi wa Gasogi United yavuze ko Muramira ari umwe mu bagabo bagize uruhare kugira ngo Gasogi United itere imbere, ndetse ko igikorwa yamukoreye cyamukoze ku mutima.

Ati 'Umunsi umwe yantumyeho umuntu witwa Shukuru amuha imipira ibiri (ballons), ibyo bintu byahinduye ubuzima bwanjye, bihundura ukuntu ntekereza Muramira.'

Yakomeje avuga ko ikintu cyamushenguye umutima kuruta ibindi ari uko yitabye Imana atabashije kumusura, ni mu gihe yarimo abitegura.

Ati 'Ikimbabaje ni ukuntu Muramira apfuye tutamusuye ajobundi ari bwo twaganiraga hano na Hadji tuvuga tuti mureke dusure Muramira (ahita yitsa umutima) ariko ntacyo nabivugaho cyane, umuryango we turi kumwe na wo kandi tuzababa hafi.'

Muramira Gregoire wari ufite imyaak 83, yitabye Imana azize kanseri y’umwijima, ni nyuma y’iminsi arwariye mu bitaro byitiriwe Umwami Faisal.

Tariki ya 12 Ugushyingo 2021, ubwo ikipe ya Gasogi United yakoraga ibirori byiswe 'Ground Breaking Ceremony', Muramira yahawe igihembo cy’indashyikirwa nk’umuntu wateje imbere umupira w’amaguru.

Kuri uyu wa 02 Ukuboza 2022 ni bwo habaye ikiganiro n'itangazamakuru mu gutegura igitaramo gikomeye kizabera muri BK Arena kuwa 03 Ukuboza 2022.

Ku isaha ya saa 16:25 ni bwo abahanzi bategerejwe muri iki gitaramo, bari bahageze. Abo bahanzi ni Bwiza, Chissy Eazy, Kenny Sol, Bushali, Christopher Muneza na Bruce Melodie, bari bahageze.

Icyumba cyabereyemo iki kiganiro giherereye mu Kiyovu muri Hotel ya Park Inn Radisson imenyereweho kwakira ibikorwa bitandukanye birimo n'iby'imyidagaduro.

Joe Boy uri mu bakunzwe kugeza ubu ni we munyamahanga rukumbi watumiwe muri iki gitaramo. Yageze ahabereye iki kiganiro ku isaha ya 16:40.

Lucky Nzeyimana uri mu bashyushyarugamba n'abanyamakuru begezweho, ni we wari umusangiza w'amagambo.

Umuyobozi wa EAP, Mushyoma Joseph, yatangiye yakira abitabiriye ikiganiro barimo abahanzi, abaterankunga n'abandi.

Joe Boy:

Ubwo uyu muhanzi yabazwaga ku kuba afite indirimbo imwe igezweho mu bice bitandukanye by'isi, niba yumva atari nk'imbogamizi mu muziki we, yagize ati: 'Ntabwo nkora umuziki nshaka ko indirimbo zikundwa ahubwo nywukora kuko ari umuziki nkunze.'

Asezeranya abanyarwanda igitaramo cyiza akanaboneraho kugira inama abahanzi nyarwanda, ati: 'Ejo bizaba ari byiza, nazanye n'itsinda ry’abamfasha mu muziki, bizaba bimeze neza. Inama nagira abantu banjye mu Rwanda ni uko ari ikibazo cy’igihe no gukomeza gukora cyane, ubundi umuziki wanyu uzagera kure.'

Abajijwe kuri Mr Eazy n’icyo yumva yafasha umuziki nyarwanda, yagize ati: 'Mr Eazi ni kimwe na mukuru wanjye no kuba yaratumye dukorana bwa mbere ntawe uramenya, ni byiza kandi nzahora mbimwubahira. Ndumva uburyo bwo kuba nafashamo umuziki nyarwanda ari ukuba nakorana n'abahanzi ba hano.'

Bruce Melodie:

Ubwo yabazwaga ku birebana n’ibyo guha indabo Kizz Daniel, yagize ati: 'Ibijyanye na Kizz Daniel ntabwo byateguwe na Boubou nta marangamutima yarimo yarapeshe ndazimuha. Kuba atecyereza ko dushobora gukorana ni amahirwe kandi bizaba.'

Mushyoma Joseph [Boubou]

Agaruka ku kibazo cy'abavuga ko abahanzi bamwe ari bo bahora batumirwa, yagize ati: 'Iyo ufite ibikorwa ushobora kuririmba buri gihe kandi igitaramo kijyamo bamwe n'abandi bakajya mu bindi.'

Abajijwe ku buryo yakiriye irekurwa rya Prince Kid, mu bitwenge byinshi yagize ati: 'Wabonye ko nahise nseka, ukuri kwagaragaye kandi ubwo byavuye mu butabera bw'u Rwanda ni byo.'

RBC:

Uwari uhagarariye RBC [Rwanda Biomedical Center], yasobanuye impamvu yatumye bifuza gutera inkunga iki gitaramo, ati:'Twahisemo gukorera mu bitaramo muri iyi minsi turi mu bukangurambaga bwo kurwanya SIDA.'

BK Arena:

Naho BK Arena bati:'Turashima ubufatanye dufitanye na EAP yateguye iki gitaramo, ikindi ni uko hari ibikorwa byinshi kandi inyubako yamaze kubona abakiriya bifuza gukoreramo ibikorwa bitandukanye byiganjemo ibirori.

Bwiza:

Yavuze ko yiteguye cyane ati: 'Kuririmbana n'abahanzi bakuru ntibiba byoroshye ariko nakoze imyitozo kandi ndizera ko nzakora neza.'

Chrissy Eazy:
Kuba ari gutumirwa mu bitaramo byinshi, yabivuzeho ati:'Utabona ko ari umugisha kuba wabona ko turi kugaragara ahantu henshi ni urwego rwiza.'

Bushali:

Abajijwe ku ndirimbo ze zari zakuwe kuri Youtube, yagize ati: 'Ku kibazo cy'indirimbo zanjye, musubireyo mwongere muzirebe zaragarutse.'

Christopher Muneza:

Yatangaje ko biteguye cyane, agaruka ku bafana be na Bruce Melodie mu bihe bitandukanye bagiye bagaragaza guhangana, ati: 'Ni byiza ku buryo twifuza kuba turi ku ruhande tukayireba hashize. Imyaka 10 irashize ni amahoro na Bruce, kandi abafana ntibagakwiye guhangana.'

Joe Boy uri ku isonga mu bahanzi bazataramira abazitabira Kigali Fiesta ni umusore w'imyaka 25, akaba amaze igera kuri 5 atangiye umuziki by'umwuga.

Zimwe mu ndirimbo za Joe Boy zigaruriye imitima ya benshi zirimo 'Baby', 'Contour', 'Alcohool' na 'Lonely'.

Boubou yatangaje ko igitaramo cya Kigali Fiesta kizaba ari LiveJoe Boy aganira na Christopher Ibyishimo byari byose kuri Bushali Chrissy Eazy yavuze ko urugendo rwari rurerure ariko ashimira Imana aho agezeKenny Sol yavuze ko adahanganye na Bruce Melodie kuko byose agezeho abikesha weIgitaramo kizabera muri BK Arena inzu y’imyidagaduro ikomeje gutanga umusaruroUwari uhagarariye BK Arena iri mu baterankunga ba Kigali Fiesta

Umunsi wa 12 wa shampiyona watangiranye umuba w’ibitego nyuma yaho Marine FC iseberejwe imbere y’abafaba bayo ikanyagirwa ibitego 6-0. Ni umukino watangiye ku isaha ya saa 15:00 PM aho Marine FC yari yakiriye Mukura Victory Sports kuri sitade umuganda.

Ni umukino woroheye Mukura kuva umwaka w’imikino watangira. Ku munota wa 21 Mukura yari ibonye igitego cya mbere cyatsinzwe na Patrick Murenzi. 

Ku munota wa 34 Mukura yabonye igitego cya kabiri cyatsinzwe na Abubakar Akuki. Igice cya mbere kijya kurangira ku munota wa 45 Iradukunda Elie yatsinze igitego cya gatatu, amakipe ajya kuruhuka Mukura ifite ibitego 3 ku busa bwa Marine FC. 

Mukura yujuje imikino 5 idatsindwa

Mu gice cya kabiri Mukura victory Sports nabwo yagarutse mu njyana irimo imbaraga nk’izo mu gice cya mbere, nabwo igumya kubabaza no gutoneka Marine FC iri kurwana n’ubuzima.

Ku munota wa 61 Kubwimana Cedric yatsinze igitego cya 4, Ashraf Kamanzi atsinda igitego cya 5 ku munota wa 81, naho ku munota wa 89 umukino wenda kurangira, Ndizeye Innocent yatsinze penariti y’igitego cya 6, umukino urangira Mukura Victory Sports isangiye n’udakoramo. 

Ukwezi ku Ugushyingo Mukura yakumaze idatsinzwe none n’Ukuboza ikomerejeho

Mukura yahise ijya ku mwanya wa 8 n’amanota 17, inganya na Musanze FC Gorilla FC na Police FC. Marine FC ntihindura intebe, iracyari ku mwanya wa nyuma n’amanota 5 mu mikino 12. 

Abakinnyi ba Marine FC bifashe mu mayunguyungu birabacanga 

Nka kimwe mu bikorwa byarwo bigamije gufasha umuryango Nyarwanda kurushaho kugira ubuzima bwiza, Uruganda rwenga ibinyobwa bisembuye n’ibidasembuye, Skol Brewery Ltd (SBL), rusanzwe rumenyerewe muri Siporo nk’umuterankunga wa Rayon Sports, rwatanze ubwisungane mu kwivuza 'Mutuelle de Santé' bw’umwaka wa 2022/23 ku bantu 596 batishoboye.

Iki gikorwa cyabereye ku cyicaro cya yo kiri mu Nzove ku wa Gatanu, tariki ya 2 Ukuboza 2022.

Abantu 596 bo mu miryango 123 bahawe ubwisungane mu kwivuza muri uyu mwaka wa 2022/23 ni abaturiye aho SKOL ifite ibikorwa byayo mu Kagari ka Nzove, Umurenge wa Kanyinya, mu Karere ka Nyarugenge kari muri dutatu tugize Umujyi wa Kigali.

Buri mwaka, kuva mu myaka ine ishize, SKOL itanga ubwishingizi mu kwivuza kuri imwe mu miryango itishoboye, ndetse kuri ubu imaze gufasha abagera ku 2500.

Abaturage bahawe ubu bwisungane, bashimiye uru ruganda uburyo rubazirikana, na bo bemeza ko ahasigaye ari ahabo mu kugira uruhare mu iterambere ry’Igihugu kuko ubuzima bwabo bushinganye.

Umunyamabanga Nshingwabikorwa w’Akagari ka Nzove, Kabasha Ignace, yavuze ko kuba abaturage bahabwa ubu bwisungane mu kwivuza n’uruganda rwa SKOL ari amahirwe bagize.

Ati 'Tubibona nk’amahirwe abaturage b’aka Kagari ka Nzove ndetse n’abaturiye uru ruganda rwa SKOL bafite, kugira uruganda nk’uru rwenga inzoga uko tubizi, ariko rukanatekereza ku mibereho y’abaturage cyane abatishoboye.'

Ivan Wulffaert uyobora Uruganda rwa SKOL, yavuze ko igikorwa nk’iki kigamije gufasha abatishoboye no gufasha umuryango Nyarwanda kubaho neza.

Ati 'Ubu ni umwaka wa gatanu dushyigikira abaturanyi bacu ba hano ku ruganda tubaha Mutuelle de Santé. Impamvu tubikora ni uko twumva ko kuba turi hano bikwiye kugira umumaro kandi abatishoboye hari icyo tubagomba.'

Umuyobozi w’uru ruganda yongeyeho ko mu mwaka utaha bazongera umubare w’abo baha ubu bwisungane mu kwivuza ndetse hakiri ibindi bintu byo gukora muri aka gace.

Kuri ubu, gutanga ubwisungane mu kwivuza mu Kagari ka Nzove bigeze kuri 92%.

Uretse gutanga ubwisungane mu kwivuza, uru ruganda rwagiye rugira kandi uruhare mu bindi bikorwa bizamura Abanyarwanda birimo kugurira impuzankano abana biga ku Ishuri ribanza rya Nzove no gutanga ibiribwa [umuceri] ku baturage bamwe ubwo icyorezo cya COVID-19 cyari cyarakajije umurego. Hari kandi guha akazi abatuye hafi y’uru ruganda bangana na 60% by’abakozi bayo [bagera muri 300],

Mu bindi bikorwa harimo kuba uru ruganda rwarahaye Guverinoma y’u Rwanda inkunga y’udupfukamunwa n’amafaranga mu guhangana n’icyorezo cya COVID-19, umushinga wa SKOL FXB Village wamaze imyaka itatu ufasha imiryango 60 (abantu 434) mu kwikura mu bukene;

Gahunda yo kwimenyereza umwuga mu gihe cy’amezi atandatu ku banyeshuri beza basoje Icyiciro cya Kabiri cya Kaminuza, gutanga 'bourse’ ku bana b’abakozi ba SKOL, gushyigikira Umuryango utari uwa Leta wa Gira Impuhwe ufasha abatishoboye n’imiryango ifite abarwayi b’agakoko gatera SIDA, kugira uruhare mu iyubakwa ry’ibibuga n’amarushanwa muri Kaminuza ya UTAB, n’ibindi.

Ku wa kane, tariki ya 1 Ukuboza, MTN Rwanda yagize umugoroba wo gusangira, bishimana n’abafatanyabikorwa bayo barimo abakiriya, inzego za Leta bakorana bya hafi n’abandi bakorana mu bucuruzi, mu gikorwa bise ‘MTN Corporate Gala Dinner’.

Ni igikorwa cyabereye muri Kigali Serena Hotel, cyitabirwa n’abayobozi batandukanye ba MTN, abayobozi ba Leta barimo Minisitiri w’ikoranabuhanga, Paula Ingabire, umuvugizi wa Polisi, CP John Bosco Kabera, n’abandi bafatanyabikorwa baturutse mu bigo by’imari bitandukanye.

Mu kiganiro yagiranye na InyaRwanda, Didas Ndoli uhagarariye ishami ry’ubucuruzi rijyanye n’ibigo muri MTN Rwanda, yadusobanuriye impamvu nyamukuru yo guhuza abafatanyabikorwa n’abakiriya muri uyu mugoroba.

Ati “Uyu mugoroba twahuje abakiriya bacu, kugirango tubashimire kubera ubufatanye, kubera ubucuruzi dukorana nabo, ndetse n’inzego zitandukanye z’igihugu twabashije, kugira ngo tugire umugoroba wo kwishimana nabo, twishimira ibyo twagezeho, ariko cyane cyane tubashimira kuba abafatanyabikorwa beza.”

Yakomeje avuga ko baboneyeho kwakira no kwerekana umuyobozi mushya wa MTN Rwanda, Mapula Bodibe, agira ati “Dufite umuyobozi mushya umaze iminsi mike uyobora MTN Rwanda, umuyobozi Mapula, nabwo bwari uburyo bwo kugira ngo tumwereke abakiriya bacu bimena.”

Yongeyeho ko nk’icyigo cy’itumanaho cya MTN, bishimira ibikorwa bagezeho agira ati “MTN ubu imaze imyaka 24 … yatangiye itanga serivisi zo guhamagara no kwitaba gusa.

Uyu munsi tumaze kugera ku bikorwa bitandukanye birimo gutanga interineti, birimo ubucuruzi bwa Mobile money twatangiye, bubasha kugeza uburyo bwo guhererekanya amafaranga cyangwa no gukora serivisi zitandukanye kuri Mobilemoney, ibikorwa twagezeho ni byinshi.”

Mu ijambo Mapula umaze igihe gito agizwe umuyobozi wa MTN Rwanda yagejeje ku bitabiriye uyu mugoroba, yagarutse ku gushimira byimazeyo ubufatanye abafatanyabikorwa n’abakiriya ba MTN badahwema kugaragaza.

Ati “Turimo gukura, ariko nkuko nabivuze ntitwari gukura tutari kumwe namwe, turi hano kwishimira ko twashoboye kurwana n’imbogamizi, twabashije guteza imbere Mobile money, imwe mu ntsinzi mu bucuruzi bwacu yabaye Mobile money.

Bikaba byaragezweho ku bwa buri wese, ejobundi twakiriye ubutumwa bwatanzwe n’itsinda ryacu rya MTN, ko MTN Rwanda ariyo iyoboye mu bikorwa izindi MTN zose.”

Iki gikorwa cyaranzwe no kuganira no gusangira, ndetse hatangwa ibihembo ku bantu b’ingeri zitandukanye, barimo uwatanze abandi kugera aho uyu muhango wabereye n’abandi bantu batandukanye bagiye batomborwa, bahabwa ibihembo birimo telefone za Smartphone, interineti ya MTN n’ibindi.

Mapula Bodibe, Umuyobozi Mukuru wa MTN Rwanda

Umuyobozi Mukuru wa MTN Rwanda, Mapula Bodibe (Ibumoso); Umuyobozi Mukuru wa RDB, Clare Akamanzi (Hagati); na Minisitiri w’ikoranabuhanga, Paula Ingabire (Iburyo)

Abafatanyabikorwa ba MTN batomboye ibihembo

Abafatanyabikorwa batandukanye ba MTN bitabiriye umugoroba wo gusangira

Ambasaderi w’u Bufaransa Antoine Anfre, aramukanya na mugenzi we wa Israel, Dr Ron Adam

Umuvugizi wa Polisi y’u Rwanda, CP John Bosco Kabera

Abaririmbyi basusurukije abitabiriye ‘MTN Corporate Gala Dinner’

Isabelle Masonga wayoboye iki gikorwa

Umuyobozi wa MTN aganira n’Umuyobozi wa RDB

Didas Ndoli, uhagarariye ishami ry’ubucuruzi rijyanye n’ibigo muri MTN

Mapula Bodibe Umuyobozi wa MTN Rwanda

Umunyarwenya Arthur Nkusi yafatanyije na Isabelle Masonga kuyobora ‘MTN Corporate Gala Dinner’

Minisitiri w’ikoranabuhanga, Paula Ingabire

“MTN Corporate Gala Dina” ni ibirori byari bibereye ijisho

Kanda hano urebe amafoto menshi

AMAFOTO: SANGWA JULIEN

Mu butumwa burenga ibihumbi bwoherejwe n'abantu batandukanye, benshi bishimiye itaha rya Prince Kid ariko abo bakoranye mu cyumba kimwe yari yaranashyize mu ikipe itegura Miss Rwanda zagombaga gukurikira, baruciye bararumira.

Hashize amasaha macye Miss Iradukunda Elsa yerekanye ko anyuzwe n'ifungurwa rya Prince Kid, mu butuwa yanyujije kuri konti ye ya Instagram yifashishije indirimbo 'Ibuye' ya Vestine na Dorcas mu gace baririmba bagira bati: ''Ibuye ryo kwizera yampaye ntiryari guhusha Goliyati, ntibyashoboka ko nangara kandi Data ari umwami''. 

Usibye Miss Elsa, Umuhoza Emma Pascaline waje mu icumi ba mbere bavuyemo Miss Rwanda nawe yerekanye ko anyuzwe no gutaha kwa Prince Kid yifashishije indirimbo 'Nubu Nihondi' ya Vestine na Dorcas. Hari n’amakuru avuga ko uyu mukobwa yanasuye Prince Kid aho yari afungiye.

Usibye aba, abandi bose babaye muri Miss Rwanda barimo Miss Jolly, Miss Muheto, Miss Iradukunda Liliane, Miss Nimwiza Meghan, Miss Ingabire Grace n'abandi babaye ba Nyampinga barimo Bahati Grace, Akiwacu Colombe, Kundwa Doriane, Nishimwe Naomie baruciye bararumira.

Abantu benshi babigarutseho ku mbuga nkoranyambaga bibazwa niba haba hakiri kare kuri aba bakobwa kugira ngo bifurize uwari umuyobozi akaba na Boss wabo kugirwa umwere no gutaha. Ntibyadukundiye kuvugana n’umwe muri aba bakobwa babaye ba Miss Rwanda.

Urukiko Rwisumbuye rwa Nyarugenge rwagize umwere Ishimwe Dieudonné wamenyekanye nka Prince Kid, waregwaga ibyaha byo gukoresha undi imibonano mpuzabitsina ku gahato, gusaba no gukora imibonano mpuzabitsina ku gahato no guhoza undi ku nkeke bifitanye isano n'imibonano mpuzabitsina.

Miss Jolly wabaye Miss Rwanda 2016

Urukiko rwanzuye ko Prince Kid w'imyaka 34 agirwa umwere, kuko nta bimenyetso bikomeye byatanzwe bigaragaza ko ibyaha yashinjwaga byakozwe.

Ubwo icyemezo cy'urukiko cyatangazwaga kuri uyu wa Gatanu, umucamanza yabanje kwibutsa abari mu cyumba cy'iburanisha uko iburanisha ryagenze, n'ibyaha uyu musore akurikiranyweho.

Ibyaha bibiri bya mbere Prince Kid yabirezweho n'abakobwa babiri bavuzwe hifashishijwe 'codes' bahawe, icyaha cya gatatu akaba yarakirezweho abakobwa babiri, ariko umwe arabihakana.

Prince Kid yaburanye ahakana ibyaha, ahamya ko nta kimenyetso na kimwe gifatika kigaragaza ko yabikoze. Aha yagaragaje inyandiko za bamwe zasinyiwe imbere ya noteri, zigaragaza ko nta cyaha yakoze.

Ubushinjacyaha bwo bwasabye Urukiko ko izi nyandiko zidakwiye guhabwa agaciro, cyane ko zavuguruzanyaga n'ubuhamya bwatanzwe n'aba bakobwa.

Ibi byatumye Urukiko rutumaho abo batangabuhamya ngo rubiyumvire.

Iki gihe babiri mu bakobwa batatu bari batumweho, bavuze ko inyandiko ari izabo kandi bahamya ko yaba ibyo bavugiye mu iperereza cyangwa mu nyandiko basinyiye kwa noteri ari ukuri.

Uwa gatatu we yavuze ko ukuri kwe ari uko yavugiye imbere y'inzego zakoze iperereza yaba mu Bugenzacyaja ndetse n'Ubushinjacyaha.

Ishimwe Dieudonné yari afungiwe muri Gereza ya Nyarugenge iri i Mageragere kuva ku wa 16 Gicurasi 2022.

Ibyaha akurikiranyweho bivugwa ko yaba yarabikoze ubwo yayoboraga Rwanda Inspiration Back Up, yateguraga irushanwa ry'ubwiza rya Miss Rwanda.

Miss Muheto ubwo yatwaraga ikamba rya Miss Rwanda 2022

Ibyaha bibiri bya mbere Prince Kid yabigizweho umwere kuko Urukiko rwasanze ibimenyetso byatanzwe bidahagije.

Icyaha cyo guhoza undi ku nkeke, hatanzwe ubutumwa Prince Kid yandikiye umukobwa umushinja, amusaba ko basambana ndetse n'amajwi yafashwe.

Urukiko rwasanze nta hantu na hamwe ubu butumwa bwatanzwe, cyane ko bwakuwe muri telefone y'undi muntu.

Miss Nimwiza Meghan 

Aha, Urukiko rwakomeje gusesengura amajwi yatanzwe nk'ikimenyetso, ruburamo ijambo na rimwe risaba gukora imibonano mpuzabitsina, ahubwo rusangamo ijambo ry'umusore wasabaga urukundo ku mukobwa.

Ibi bigahuzwa n'inyandiko yakozwe n'uwamuregaga yavugaga ko nta hohoterwa yigeze akorerwa kandi ikaba yarasinyiwe kwa noteri.

Ikindi ni uko Urukiko rwasanze amajwi afite inenge kuko ataherekejwe na raporo y'umuhanga wagombaga kuyasobanura, bityo ruhamya ko ari ikiganiro hagati y'umusore n'inkurmi basabana urukundo.

Nyuma yo kumva ababuranyi bombi no gusesengura ibimenyetso byose Urukiko rwanzuye ko Ishimwe Dieudonne uzwi nka Prince Kid agizwe umwere, kuko ibyaha yashinjwaga bidafitiwe ibimenyetso.

REBA IKIGANIRO PRINCE KID YAGIRANYE N’ITANGAZAMAKURU AKIVA MURI MAGERAGERE

Wari umukino w’ihangana hagati y’amakipe yombi dore ko Gasogi United yashakaga gutsinda umukino wa mbere wayo itsinda APR FC. Ku isaha ya Saa 19:00 PM umukino wari utangiye abafana babucyereye, ariko amakipe atangira akinira mu kibuga nta kipe ishaka gushotora indi. 

Iminota 20 y'igice cya mbere umukino ntabwo wari uryoheye ijisho aho wakinirwaga mu kibuga hagati nta mahirwe afatika impande zombi zaremye. Amahirwe afatika ya mbere yabonetse kuri uyu mukino ni ayo ku munota wa 25 aho Ramadhan yahinduye umupira imbere y'izamu ashakisha Nshuti Innocent ariko akawihera umunyezamu Cuzuzo Aime Gael.

Uyu munyezamu wa Gasogi United yongeye kurokora ikipe ku munota wa 36 nyuma y'uko yakuyemo umupira yari arobwe na Nshuti Innocent nyuma yo kwisanga basigaranye.

Nshuti Innocent yongeye guhusha andi mahirwe yabazwe ku munota wa 41, ni nyuma yo guterera ishoti rikomeye mu rubuga rw'amahina ariko umupira ugakubita umutambiko w'izamu. Igice cya mbere cyarangiye ari ubusa ku busa.

APR FC yatangiye igice cya kabiri ikora impinduka, Ramadhan, Bizimana Yannick na Nshuti Innocent bavamo hinjiramo Mugisha Gilbert, Manishimwe Djabel na Mugunga Yves.

Ishimwe Kevin aba yatsindiye Gasogi United igitego cya mbere ku munota wa 55 ariko umunyezamu Ishimwe Pierre awohereza muri koruneri itagize icyo itanga.

Ku munota wa 61, Omborenga Fitina yahinduye umupira mwiza imbere y'izamu ariko Djabel ateye mu izamu umunyezamu awukuramo.

Djabel yongeye gutera ishoti rikomeye ku munota wa 68 ariko unyura hanze gato y'izamu. Rutahizamu Maxwell ku munota wa 72 yabonye amahirwe aho yasigaye arebana n'umunyezamu Pierre Ishimwe ariko yatera mu izamu ukanyura hejuru y'izamu.

Ku munota wa 75 Niyomugabo Claude yahaye umwanya Ishimwe Christian. Ishimwe Anicet yaje gusimbura Lague, gusa izi mpinduka ntacyo zatanze kuko umukino warangiye ari ubusa ku busa. 

Undi mukino w'umunsi wa 12 wabaye, Marines yatsinzwe na Mukura VS 6-0.

Muri iki gihe usanga ingo nyinshi zisenyuka zitarambanye bitewe n’impamvu zitandukanye zituma batabasha gushyira mu ngiro ibyo basezeranye byo kubana ubuziraherezo. Ibi akenshi biterwa n’amahitamo baba barakoze bajya kubana, kuba mukundana ntabwo biba bihagije ko murushinga kuko hari n’ibindi bintu uba ugomba kugenzura mbere yo gukora ubukwe.

Dore ibintu umusore yareberaho umukobwa wamuviramo umugore barwubaka rugakomera:

1. Udahora yinuba

Umukobwa uzavamo umugore muzima ubereye urugo amenya gucunga ururimi rwe, ntabwo ahora yinubira ibitagenda akaba cyangwa se ibyo abonye byose akaba afite icyo abivugaho .

Uburanga bwose umukobwa yaba afite aramutse ahora ari umuntu winuba yatera umugabo we kwicuza.

2. Umukobwa utikubira

Igihe mu rukundo ubona ko umukobwa mukundana ashishikajwe n'inyungu ze gusa cyangwa se ibimwerekeyeho, aba ari ikimenyetso ko atazavamo umugore muzima.

Iyo rero ubona ako ashishikajwe n'iterambere ryanyu mwese ,adakurura yishyira , bikugaragariza yuko azubaka

3. Umukobwa ugushyigikira

Umukobwa uzavamo umugore ukubereye umubona kare, aba yitaye ku iterambere ryawe,uburyo ugaragaramo ndetse agakora uko ashoboye kugira ngo abigufashemo.

Igihe rero ubona ko uwo muri kumwe adashishikajwe n'ibyawe buriya no mu rugo azajya agutererana

4. Umukobwa wigomwa

Umukobwa wigomwa kugira ngo urukundo rwanyu rugire aho rugera, azakora na byinshi mu kwitangira urugo rwanyu.

Iyo rero mubana mu byiza gusa akishimira ibyo umugezaho we ntacyo yakora ngo akurwanire ishyaka, ntabwo ashobora kuvamo umugore ubereye urugo

5. Umukobwa ucisha make

Umukobwa ucisha make ntiyishimire gusumbya ububasha uwo bakunda, iyo agezeyo arubaka ariko iyo bigaragara ko ashaka kuba ariwe ufata buri cyemezo cyose, iyo bageze mu rugo umuriro uraka.

6. Umukobwa uzi gukunda

Umukobwa uzubaka rugakomera usanga ashyize imbere urukundo kurenza ibindi byose. Igihe cyose umukobwa atagufitiye urukundo nushaka ntuzigore umushyira mu rugo kuko ntacyo wakora ngo umuntu utagukunda akubere mwiza

7. Umukobwa udahuzagurika

Ntabwo umukobwa yavamo umugore mwiza igihe ahuzagurika . Kuba umuntu akuze mu mutwe nabyo bigira uruhare mu gutuma ahazaza h'urugo rwe hatabamo rwaserera kuko aba afite ubushobozi bwo guhangana n'uburemere bw'ibibazo urugo rushobora kugira

8. Umukobwa w'umunyakuri kandi wubaha

Umukobwa w'umunyakuri, wubaha umugabo we , udasuzugura , umuha agaciro akwiriye n'ubundi iyo umushatse arabikomeza biba biri mu ndangagaciro ze

9. Umukobwa usenga

Umuntu wiyambaza Imana, uyubaha, umenya n'uburyo afata abantu, iyo rero ushatse umuntu utarigeze abimenya usanga ntacyo atinya, kuri we nta kirazira.

Urutonde rushobora kuba rurerure bitewe n'icyo umuntu wese ashingiraho mu gushakisha umugore yakumva amunyuze ariko n'ibyavuzwe haruguru ni ingenzi.

10. Agira umwete ku mirimo myiza

Abanyarwanda bavuga ko ineza uyisanga imbere, ninayo mpamvu mu biranga umugore mwiza agomba kuba azi ko iyo ugira neza iyo neza iba izagarukira urugo rwawe.

11.Azi kugabura ku gihe

Umugabo ntabwo akunda umugore uzamwicisha inzara, bityo iyo mukundana akabona ko uri umunebwe mu guteka, cyangwa akabona ko utazi guteka ashobora kukureka kuko aba akeka ko bishobora kuzabishya imibanire yanyu mu rugo.

12. Akunda gufasha abo arusha ubushobozi

Umugore mwiza ni umugore uzajya kwa muganga, cyangwa umuntu wo mu muryango we yajya kwa muganga ntabure umugemurira kuko mu bushobozi afite afasha abandi barimo abishoboye n'abatishoboye.

13. Amenya kubana neza n'abaturanyi

Iyo umugore azi kubana neza n'abaturanyi bituma urugo rwe rugira amahoro, n'ikibazo kivutse akamenya kwegera abaturanyi bakagikemura.

15. Yita ku bashyitsi akabagirira neza

Mbere yo gufata icyemezo cyo gushaka umugore, abasore babanza kureba niba uwo mukobwa azashobora kwita ku bashyitsi basura urugo rwe, kuko mu Kinyarwanda bavuga ko 'Urugo ari urugendwa', kandi na Rugamba Cyprien yabivuze ukuri ifuni ibagara ubushuti ni akarenge.

16. Azi kwifata mu magambo

Umugore mwiza ni uzi kwifata mu magambo avuga kuko iyo ari umugore uvuga ibyo abonye byose bimuteranya n'abagore bagenzi bigatuma urugo rwanyu aho kunguka inshuti rugwiza abanzi.

17. Yihanganira ubukene n'igihombo

Muri iyi minsi hadutse imvugo ivuga ngo 'amafaranga ni umushyitsi', birashobora ko umuntu yaba yari afite akazi abayeho neza bakamuhagarika ku kazi agakena, cyangwa yaba yikorega agahomba, umugore mwiza aba hafi y'umugabo mu gihe cy'ibibazo by'ubukene bagafatanya gushaka uko babisohokamo ariko umugore ukunda ibintu agakabya ahita ata umugabo we akajya gushaka abagifite amafaranga.

18. Ubukire ntibumutera isumbwe no kwishyira hejuru

Nanone kimwe mu biranga umugore mwiza ni uko atishyira hejuru ngo yice ku bantu kuko urugo rwe rwateye imbere kuko abantu bahora bakeneranye.

19. Aharanira ibyakubahisha umugabo we

Umugore mwiza aharanira icyahesha umugabo we ishema mu bandi, akamuvuganira aho bibaye ngombwa. Niyo umugabo we ari mu ikosa rito umugore mwiza yirinda kumuteza abantu byaba ngombwa akaza kumucyaha biherereye.

20. Kwita ku bana

Umugore mwiza yita ku bana be cyane cyane mu bijyanye n'uburere bwabo, ibi akabikora yunganirwa n'umugabo we ntihavemo umwe ngo yigire ntibindeba.

Kuri uyu wa Gatanu tariki 02 Ukuboza 2022, ikipe ya APR FC yanganyije na Gasogi United 0-0 mu mukino wabereye kuri stade ya Kigali, APR FC yuzuza imikino (…)