Category: Uncategorized

Ni mu gitaramo cyiswe Kigali Fiesta Live Concert cyabaye kuri uyu wa Gatandatu muri BK Arena. Ubwo Bushali yageraga kuri stage, habanje kuzimywa amatara hazamurwa ibirimi by'umuriro mu kwakira umwami wa Kinya Trap. Yakiriwe kuri Stage ku isaha 23:54.

Yongeye kandi kuzana n'umuhungu we bari bambaye kimwe. Ubwo yageraga ku ndirimbo yise 'Bahabe' abantu babyinnye muri za mbyino zimeneyerewe za Trap. Nk’uko byari byitezwe kandi indirimbo Bushali yise ‘Mukwaha’ yafashije cyane abitabiriye.

Ageze ku ndirimbo nyirizina yitwa 'KinyaTrap', abafana ibyo banywaga babitereye hejuru na we aryama ku butaka ngo arusheho kubashimisha, ari nako ajyana n’umurindi w’abakunzi be batari bacye.

Uyu mugabo uri muri bacye bashobora gutigisa inzu y'imikino n'imyidagaduro ya BK Arena, indirimbo ze zirakunzwe cyane. Iyitwa 'Ni Mwebwe' iri mu zitazibagirana mu mateka ya Kigali Fiesta Live bitewe n'uburyo yatigishije bikomeye iyi nyubako.

Ku isaha ya saa 00:17 nib wo Bushali yavuye ku rubyiniro bigaragara ko abantu bagikeneye ku mwumva nubwo amasaha yari amaze gukura.

Bushali arakunzwe bikomeye!

Argentine yatambukanye umucyo muri ⅛ cy’igikombe cy’isi, isezerera Australia, ihita iba ikipe ya kabiri igeze muri ¼, aho izahurira n’ u Buholandi nabwo bwasezereye Leta Zunze Ubumwe za America.

Mu mukino watangiye i Saa 21:00 kuri Stade ya Ahmed bin Ali, ikipe ya Argentine bita ‘La Albiceleste’ bishatse kuvuga ikirere cy’umweru n’ubururu yasatiriye bikomeye ndetse birangira itsinze ‘Socceroos’ ya Australia ibitego 2-1.

Lionel Messi wakinaga umukino w’1000 muri ruhago y’umwuga, yafunguye amazamu ku munota wa 35, yinjiza neza  umupira yari ahawe na Nicholas Otamendi. Uyu mukino wasinze Messi yinjije igitego cya cya 789.

Lionel Messi Cucittini yishimira igitego cya 789 mu mikino 1000 amaze gukina

Nyuma y’iminota y’igice cya mbere, Julian Alvarez yaboneye Argentine igitego cya kabiri ku munota wa 57, icyizere cyo kuzahurira n’ u Buholandi muri ¼ gihita cyiyongera.

Australia yabonye igitego cy’impozamarira rukumbi ku munota wa 77, ubwo Mathew Lecki yateraga umupira, ugakubita kuri myugariro Enzo Fernandez wa Argentine, ugahita unakomereza mu izamu, umukino uza kurangira nta kindi gitego kibonetse.

Uyu mukino wasifuwe n’umunya-Polonye, Szymon Marciniak warangiye Australia isatira cyane byanatumye abakinnyi n’abafana ba Argentine baryoherwa cyane n’intsinzi kuko kuyibona byagoranye, bitandukanye n’uko benshi babitekereza mbere y’umukino.

Messi wigaragaje azonga abugarizi ba Australia ni we watowe nk’umukinnyi mwiza w’umukino

Kuri iki Cyumweru, hategerejwe imikino ibiri ya ⅛ cy’igikombe cy’isi, aho hari uhuza u Bufaransa na Polonye guhera i Saa 17:00 ndetse n’undi uri buhuze u Bwongereza na Senegal Guhera i Saa 21:00′. Amakipe abasha kwitwara neza aha, azahurira mu mikino ya ¼ iri mu cyumweru gitaha.

AKABANDO K'IMINSI UGACA KARE UKAKABIKA KURE, iyi mvugo iva ku mugani nyarwanda ugira uti 'Akabando k'iminsi Gacibwa Kare kakabikwa Kure', bishatse kuvuga ko iki ari cyo gihe cyiza cyo kwibikaho ubumenyi bwazagirira umumaro nyiri kubukurikirana mu minsi iri imbere.

Mu gihe ibintu biri guhenda cyane, aho n'ibiciro by’ibikomoka ku ifarine byazamutse cyane, ubu ni igihe cyiza cyo kwihugura ku bumenyi bwo kwiga gukora imigati, cake na snacks zitandukanye zirimo;

Sambusa, Amandazi, Pizza, Humberg, Pain France, Pain viande, Gozette, Brettes n’ibindi byinshi bitandukanye, bikagufasha kujya ubyikorera mu rugo iwawe bitagoranye bitanaguhenze, ndetse ukaba wanabyaza umusaruro ubwo bumenyi ukihangira umurimo.

Aya mahugurwa y'igihe gito kitarengeje amezi atatu, nuyitabira uzayasoza ubizi neza ndetse wemererwe na Stage yo kumenya kunoza no kwimenyereza ibyo wize muri Bakersnation, bityo ukaba ubitse ubumenyi buzakugirira umumaro mu gihe kiri imbere.

Ku babyeyi bareba kure, namwe mwategura abana banyu baje mu biruhuko, aho kwirirwa bazerera bakajya baza bakiga, kuko umunyeshuri uruhukiye ku kwihugura atandukanye n'uwirirwa azerera.

Cake zijyanye n’igihe nta handi ziboneka hatari muri Bakesnation

Ku bifuza gutangira Business mu bijyanye no gukora imigati cakes ndetse na snacks z'amoko yose namwe Bakersnation ni ahantu heza hasobanutse wakwigira udapfunyikiwe, aho wigishwa amasomo y'ubumenyi ngiro, 100% pratique (Practical Training); ibi byoroha cyane kubitwara ku isoko ry'umurimo aho abakiriya badashobora gushidikanya ku byo ubaha.

Ni nko kwitoragurira kuko ni ugutangira Business wizeye aba clients kubera ubwiza bw'ibyo uba ugiye kubaha. Aha ubuyobozi bwa Bakersnation buri gutegura uburyo bwazajya bwongera ho igice cyo kwiga Business, ukiga ubumenyi witeguye no kugenda uzi bidashidikanywaho aho uzahera Business.

“Ni Karibu rero muri Bakersnation ku banyarwanda bifuza gutangiza Business zabo, bakeneye ayo mahugurwa, ndetse n'abateganya kujya mu mahanga bifuza kujyana iyo mpano nk'impamba y'ubumenyi ngo bajye kuyoboramu ruhando rw'amahanga”.

Abanyamahanga nabo ntibatanzwe, BAKERSNATION imaze kuba ubukombe aho yakiriye abanyamahanga barenga 60, harimo abazungu bitabiriye amahugurwa baturutse muri America (USA), Cameroon, RDC, Uganda, Burundin a Kenya.

Umunya Camerron Kazi usoje amahugurwa muri BAKERSNATION, yavuze imyato amahugurwa yitabiriye mu mezi atatu ashize, yashimye cyane umumaro aya mahugurwa amariye urubyiruko rw’u Rwanda na Afrika muri rusange. Ni amahugurwa ngarukakwezi ategurwa na Bakersnation yo kwiga gukora cakes, imigati na snacks z'amoko yose.

Mu gihe twitegura kwinjira mu minsi mikuru ya Noel n'ubunani, BAKERSNATION yiyemeje gukora ‘Discount’ [kugabanya ibiciro] ku mahugurwa ngaruka kwezi yo kwiga gukora cakes, imigati na snacks z'amoko yose.

Bakersnation kandi iributsa abanyarwanda ko yabateguriye CAKES nziza kandi ziryoshye, z'amoko menshi atandukanye zirimo Redvelvet Cake, Chocolate Cake,Lemon Cake, Vanilla Cake, Strawberry Cake, Banana Cake, Honey Cake, Carrotte Cake, Free Sugar Cake ishobora gukoreshwa n’abarwayi ba Diabet, n'izindi nyinshi.

Bakersnation bahinduye nimero, bika iyi nshya bari gukoresha: 0791333165 

Kuri ubu Bakersnation yahinduye numero wakoraho Order, inshya bari gukoresha ni: 0791333165. Bahamagare barakwakira neza kuri Phone Call na WhatsApp kuko iyari isanzwe yagize ikibazo.

Abafite ibirori bitandukanye, mwese muhawe ikaze aho BAKERSNATION ikora cake ijyanye n'ibirori wateguye, ibasha gukora cake ijyanye na Bridal Shower, cake ikorwa mu birori byo gutegura umugeni, Cakes z'ibirori byo kwitegura umwana (Baby shower Cake), Cakes zo gutera ivi (She SAID YES Cake);

Cake zo kwizihiza ibirori by'amavuko, izo kwifuriza abantu urugendo rwiza (Safe Journey), izikorwa ziriho Logo y’ikigo (Company Based Cake), cake ziriho amafoto y'uwo muri gukorera ibirori by'Amavuko n’ibindi.

Bakersnation igukorera Cake iyo ariyo yose wakenera. Ni ho honyine watanga igitekerezo bakagufasha kujyanisha n'ikirori urimo gutegura ku buryo bigira injyana.

Abafite ubukwe namwe muhawe ikaze, kuri ubu BAKERSNATION igufasha gutegura cake nziza iryoshye mu birori by'ubukwe bwawe, bakayikuzanira aho ibirori bibera, iherekejwe kandi n'umukozi ufite inararibonye ku buryo umutekano wayo uba wizewe, n’ibikoresho bijyanye n'uburyo bwiza bwo kuyitegura mu birori, Champagne, icyuma cyo kuyikata na fireworks.

Bakersnation kandi nyuma y'ubukwe igenera cake yo kuzasangira n'uwo wihebeye muri Honey moon. “Ni karibu, muri Bakersnation, umukiriya ni Umwam”i.

Ubu Bakersnation wayisanga hafi n’umurenge wa Remera, ku muhanda w’amabuye KG 175 st urenze ivuriro Polyfam ugana ku rusengero rw’Abadiventiste, munsi neza ya UrbanPark Suites hotel.

Bakersnation yarimutse isigaye ikorera hafi y’Umurenge wa Remera

Ntucikwe n’iyi mpano ya Noheli n’Ubunani

Bakersnation ikorera i Remera muri Kigali hafi y’Umurenge wa Remera

Mu mezi 3 gusa uba wabaye intyoza mu gukora cake na snacks

Utegereje iki ko abatangiye kwitabira aya mahugurwa bamaze kuba intyoza?

Biroroshye nawe iyi cake waba uyikorera mu mezi atatu gusa guhera uyu munsi

Cake ifite icyanga kandi igaragara neza, wayihabwa gusa na Bakersnation

Ni wowe usigaye kuko abasirimu bose bakorerwa cake na Bakersnation

Iyo bagukoreye cake y’ubukwe banakwemerera iya Honeymoon

Bakersnation ni bo bakoze iyi cake ya Miss Naomie wabaye Miss Rwanda 2020

Wegereye Papi Clever n Dorcas bakubwira icyanga cya cake ya Bakersnation

Bakersnation nibo bakoreye MTN Rwanda iyi cake y’agatangaza

Ongera ubike ya nimero ya Bakersnation ndabizi ukibona iyi cake uhise umira amazi, wiyemeza ko nawe bazagukorera cake, nimero ni: 0791333165

Umuramyi Carine ntazibagirwa ukuntu Bakersnation yagize uruhare mu kuryoha k’ubukwe bwe 

Radiyo ya mbere mu Rwanda mu myidagaduro, Kiss Fm, yakorewe cake na Bakersnation

Iyi cake yanejeje ibyamamare ni iyo muri Bakersnation

Bakersnation bagukorera cake itangaje nawe bikakurenga!

Cake yakorewe iTel Mobile

Cake Bakersnation yakoreye Butera Knowless

Social Mula azi icyanga cya cake ya Bakersnation

Umusore wa Alex Muyoboke yasogongeye kuri cake ya Bakersnation

Uncle Austin ateruye cake yakorewe muri Bakersnation

Bakersnation imaze kuba ubukombe mu gukora cake z’agatangaza

Tuguhitiyemo Bakersnation

Kugeza ubu umubano hagati y’abareba Televiziyo mu Rwanda hamwe n'ikigo cy'igihugu cy'itangazamakuru mu Rwanda (RBA), ukomeje kurushaho kuba mwiza, kubera igikombe cy'Isi cya 2022 kiri kubera muri Qatar.

Mu makipe ahagarariye Afurika, Ghana na Morocco hagendewe ku mibare n'umwanya zariho mu matsinda muri iki gikombe cy'Isi, ni zo zahabwaga amahirwe yo gukomeza muri 1/8 cy'Irangiza.

Bidatunguranye, Morocco yakatishije itike, hiyongeraho na Senegal nayo yatunguranye itsinda Equateur yari iyoboye itsinda barimo rya mbere.  

Ghana yagerageje kwihorera biranga, gusa yari mu makipe ya Afurika yagaragaje kurwana

Andi makipe yari atahiwe kumenya uko bigenda yo ku mugabane w'Afurika, ni Ghana na Cameroon, gusa Ghana yahabwaga amahirwe menshi kuko mu itsinda yarimo yari ku mwanya wa kabiri, mu gihe Cameroon yo yasabwaga imibare myinshi yo gutsinda ikipe ya Brazil kandi ikayitsinda ibitego biri hejuru ya 2 nabwo bigaturuka kuba Ubusuwisi bwatsinzwe mu mukino nabo bakinaga muri iri tsinda.

Uyu mukino wa Ghana na Uruguay watangiye nyuma y'inkundura y'amagambo ashingiye ku mateka ibihugu byombi bifitanye kuko byahuriye mu Gikombe cy'Isi cya 2010 cyabereye muri Afurika y'Epfo mu 2010 warangiye Ghana isezerewe kuri penaliti.

Nyuma y'imyaka 12 Luis Suarez akuyemo igitego cya Ghana cyayibujije itike yo kujya muri ¼, ni we wari kapiteni muri uyu mukino watangiranye ishyaka ryo hejuru.

Uruguay yaritse ariko biranga birangirira mu marira

Bitewe n'aya mateka rero uyu mukino watangiye amakipe yose ari hejuru, Ghana yanyuzagamo igasatira izamu rya Uruguay binyuze ku bakinnyi bayo barimo Jordan Ayew ariko nta buryo bufatika yabonye.

Ku munota wa 16, ni bwo Jordan Ayew yateye ishoti rikomeye, umupira ukurwamo na Sergio Rochet Alvarez ariko Mohammed Kudus ashatse kuwusongamo umunyezamu amukoraho hatangwa penaliti yatewe na André Ayew Dede ishyikira mu biganza by’umunyezamu wa Uruguay.

Amateka yisubiyemo kuko penaliti ya Ghana mu 2010, yatewe na Asamoah Gyan yayikubise umutambiko w'izamu, umupira ujya hanze. 

Senegal n’ubwo itari ifite Sadio Mane yabashije kubona itike ya 1/8

Guhagarara nabi kwa ba myugariro ba Ghana bari beza mu minota ya mbere, byatumye Luis Suarez atanga undi mupira mu rubuga rw'amahina, Giorgian de Arrascaeta ashyiramo igitego cya mbere ku munota wa 26 w'umukino. 

Ghana yavuye mu mukino byatumye nyuma y'iminota itanu gusa Suarez yongera gutanga undi mupira kuri Giorgian de Arrascaeta, na we awushyira mu izamu bitamugoye. Uku ni na ko igice cya mbere cy'umukino cyarangiye Ghana itarabasha kugaruka mu mukino ngo ishake uko yishyura ibitego yatsinzwe.

Umukino waje kurangira gutyo Ghana isezererwa ityo na Uruguay, gusa nubwo iyi kipe ya Suarez yatsinze nayo ntiyakomeje kuko ku kindi kibuga Portugal ya Cristiano Ronaldo yari yatsinzwe n'ikipe ya Koreya y'Epfo nayo itarahabwaga amahirwe muri iri tsinda ibitego 2-1, ibi byahise bituma Ghana na Uruguay zitaha. 

Cameroun yatsinze Brazil ariko birangira itashye

Kuri uyu wa Gatandatu tariki ya 3 Ukuboza 2022 mu Rwanda habaye imikino itatu ya shampiyona aho uwari uterejwe na benshi ari uwa AS Kigali yatsinze Kiyovu (…)

Ubuyobozi bw’Urugaga rw’Abikorera mu Rwanda (PSF) buratangaza ko ikigega cyabo cy’ubwishingizi bw’indwara kizatangirana n’umwaka wa 2023, kugira ngo ubuzima (…)

Imikino y’Igikombe cy’Isi kirimo kubera i Qatar, muyikurikira binyuze kuri televiziyo y’u Rwanda, shene ya RTV CH 101 & CH 725 ( Dish) kuri Decoderi ya (…)

Umukino wabimburiye indi yo muri 1/8 kirangiza mu gikombe cy’isi ikipe y’igihugu y’u Buhorandi yazamutse ari iya 1 mu itsinda A ifite amanota 7 yatsinze ikipe y’igihugu ya Leta zunze ubumwe z’Amerika yazamutse ari iya 2 mu itsinda B ifite amanota 5.

Uyu mukino wakinwe uyu munsi tariki 03 zu kwa 12 ubera kuri Khalifa international stadium, Ikipe y’igihugu y’u Buhorandi niyo yinjiye mu mukino ihabwa amahirwe kuko ariyo ifite amateka meza mu gikombe cy’isi ugereranyije na Leta zunze ubumwe z’Amerika. U Buhorandi nibwo bufite agahigo ko kugera ku mukino yanyuma inshuro nyinshi nubwo butigize bugitwara bwageze ku mukino wanyuma inshuro 3 mu 1974,1978 ndetse na 2010 ariko ikipe y’igihugu ya Leta zunze ubumwe z’Amerika yo ntamateka ahambaye mu mikino y’igikombe cy’isi.

Abasore ba Louis Van Gaal utoza u Buhorandi binjiye mu kibuga baherekejwe n’ibigwi bituma aribo binjira mu mukino hakirikare. Ku munota wa 10 gusa Memphis Depay utajya uhabwa umwanya muri FC Barcelona yahise aterekamo igitego cyambere cy’ u Buhorandi ku mupira mwiza yarahawe na Denzel Dumfries.

Memphis Depay watsinze igitego cya 1

Nyuma yuko Leta zunze ubumwe z’Amerika itsinzwe igitego nayo yagerageje kwinjira mu mukino ngo yishyure nkaho ku munota wa 28 Antonee Robinson yagerageje guhindura umupira mwiza imbere y’izamu ariko Virgir aragoboka awukuraho. Iminota 45 yarangiye bikiri igitego 1 maze umusifuzi yongeraho iminota 3 ,ku munota wa 1 w’inyongera u Buhorandi bwahise butsinda igitego cya 2 gitsinzwe na Daley Blind ku mupira n’ubundi yarahawe na Denzel Dumfries warutanze umupira wa 2 uvamo igitego muri uyu mukino. Igice cyambere cyarangiye u Buhorandi buyoboye n’ibitego 2 ku busa bwa Leta zunze ubumwe z’Amerika.

Daley Blind witwaye neza cyane mu mukino

Igice cyakabiri cyatangiye n’ubundi u Buhorandi bukomeza kwigisha umupira ikipe y’igihugu ya Leta zunze ubumwe z’Amerika. Mu minota 50 noneho ikipe y’igihugu ya Leta zunze ubumwe z’Amerika yatangiye kugerageza uburyo bwashoboraga no kuvamo ibitego cyane cyane binyuze kuri Christian Pulisic ariko gutsinda biranga. ikipe y’igihugu ya Leta zunze ubumwe z’Amerika yakomeje guhanana umupira neza kuko byageze ku munota wa 70 ariyo iri imbere mu guhanana umupira na 59% naho u Buhorandi bufite 41% ariko ntihagire ikivamo. Ku munota wa 76 Haji Wright winjiye mu kibuga asimbuye yatsinze igitego cya 1 cya Leta zunze ubumwe z’Amerika ku mupira mwiza yarahawe na Christian Pulisic. u Buhorandi bukimara gutsindwa igitego cya 2 bwahise bushaka igitego cy’umutekano maze ku munota wa 81 Denzel Damfries atsinda igitego cya 3 ahawe umupira na Dailey Blind.

Umukino warangiye u Buhorandi butsinze ibitego 3 kuri 1 cya Leta zunze ubumwe z’Amerika buhita bukatisha itike yerekeza 1/4 mu mikino y’igikombe cy’isi cy’uyu mwaka kirikubera muri Qatar. U Bohorandi muri 1/4 buzahura nizava hagati ya Argentine na Australia.