Category: Uncategorized

Igikorwa nyir’izina cyabaye ku mugoroba wo ku ya 1 Ugushyingo 2022, aho ubuyobozi bwa SKOL bwakiriye abaturage n’abayobozi b’Akagari ka Nzove, bishimira aho uru ruganda rusanzwe rukorera mu Karere ka Nyarugenge.

Uru ruganda rwishyuriye Ubwisungane mu kwivuza (Mituelle de Santé) abaturage 596 baruturiye, ubuyobozi bukomeza guhigura imihigo yo kuzamura imibereho myiza y’abanyarwanda haherewe ku baturiye uruganda.

Ubwisungane bwishyuwe ni ubw’umwaka wa 2022-2023

Ivan Wulffaert uyobora SKOL Brewery Ltd yavuze ko mu ntego z'uru ruganda harimo no guhindura ubuzima bw'abaturage, bikurikirana n’ubucuruzi rusanzwe rukora.

Yagize ati 'Skol si ikigo kiri hano gukorera amafaranga gusa, ahubwo kiri hano no mu rwego rw'ikigo cyita ku bijyanye n'imibereho.'

Wulffaert yavuze ko nk’uruganda, bishimira iterambere ry'abaturage rigenda rigerwaho buri mwaka kuko bamwe mu bishyuriwe Ubwisungane mu kwivuza mu bihe byashize ubu nabo biyishyurira.

Yagize ati 'Icyo twishimira cyane ni iterambere ry'abaturage, kuko umubare twatangiye dufasha kubona ubwisungane mu kwivuza ugenda ugabanuka, kubera kugenda biyishyurira.'

Ivan Wuffaert uyobora uruganda rwa SKOL

Bwana Wulffaert yavuze ibi kuko kuva mu myaka ine ishize, SKOL Brewery Ltd yagiye yishyurira Ubwisungane mu kwivuza abaturage bo mu Kagari ka Nzove, bityo byoroshye kumenya iterambere ryabo mu mibereho myiza.

Umunyamabanga Nshingwabikorwa w'Akagari ka Nzove, Kabasha Ignace, yavuze ko kuba abaturage bahabwa ubu bwisungane mu kwivuza n'uruganda rwa SKOL ari amahirwe bagize nk’abaturanyi.

Yagize ati 'Tubibona nk'amahirwe abaturage b'aka Kagari ka Nzove ndetse n'abaturiye uru ruganda rwa SKOL bafite, kugira uruganda nk'uru rwenga inzoga uko tubizi, ariko rukanatekereza ku mibereho y'abaturage cyane abatishoboye.'

Kabasha Ignace, Umunyamabanga nshingwabikorwa w’Akagari ka Nzove

Nikuze Marie, umwe mu baturage bo mu Mudugudu wa Ruyenzi yavuze ko afite abana batandatu bose bakaba nta mituweli bagiraga, ashimira SKOL yatanze ubufasha.

Yagize ati 'Nta bushobozi twari dufite bwo kwishyura mituweli, ntabwo nabashaga kujya kwivuza n'abana bakarwara bagahera mu nzu, none ndashimira kuko tubona abaterankunga badutekerezaho bakaduha mituweli, bakatwibuka ko natwe tuyikeneye.'

Mu bihe bitandukanye, SKOL Brewery Ltd igira uruhare mu bikorwa bitandukanye byo guteza imbere imibereho myiza y’abaturage, ihereye ku baturanyi b’uruganda, nabo bakomeza kuyishimira ibikorwa byiza.

Abayobozi n’abaturage basangiye ibyo kunywa bya SKOL

Uretse gutanga ‘Mituelle de Santé’, uru ruganda rwagize uruhare mu bindi bikorwa by’iterambere nko kwishyurira amafaranga y’ishuri bamwe mu bana b’abakozi bayo hadasabwe ikindi kiguzi, gutanga inkunga mu mirire ikwiriye, mu mahugurwa yo kwihangira umurimo n’ibindi.

Uru ruganda kandi rwatanze akazi ku baturage batuye hafi y'uru ruganda bangana na 60% by'abakozi bayo bose bagera kuri 300, ndetse muri 2022 rwahaye bamwe mu baturanyi barwo amafaranga yo gutangiza imishinga ibyara inyungu.

Mu bihe isi yari yugarijwe n’icyorezo cya COVID-19, SKOL Brewery Ltd yari hafi y’abaturanyi bayo batishoboye, aho bahawe ibyifashishwa mu buzima bwa buri munsi birimo ibiribwa, ibikoresho by’isuku n’ibindi, ubwo bari bugarijwe n’ingaruka za Guma mu Rugo.

Abakozi ba SKOL babanje kwakira abaturage, bica icyaka

Abatuye mu Kagari ka Nzove bashimiye SKOL Brewery Ltd

AMAFOTO: Ndayishimiye Nathaniel

Kuri iki Cyumweru hakinwe imikino itatu ya shampiyona y’umunsi wa 12 yasize Rayon Sports ku mwanya wa mbere nyuma yo gutsinda Bugesera FC 1-0. Mu gice cya (…)

Kuri uyu wa 03 Ukuboza 2022 ni bwo abakunzi b'umuziki cyane uw'u Rwanda bahuriye muri Kigali Arena, mu gitaramo cyateguwe na EAP ku nshuro yacyo ya kabiri, cyiswe Kigali Fiesta.

N'ubwo bwose urubyiruko rwiganjemo urw'abanyeshuri bo mu mashuri yisumbuye na Kaminuza arirwo ruzwiho kwitabira ibirori kandi rukaba ruri ku ishuri, ntibyabujije abantu kuza mu buryo budateye ikibazo.

Umuhanzikazi Bwiza wari wateguye yaba mu myambarire, imiririmbire n'imibyinire niwe winjije abantu mu mavuta maze akurikirwa na Chriss Eazy, Kenny Sol, Christopher, Element, Bushali na Bruce Melodie.

Ku isaha ya saa 01:12 ni bwo Anitha Pendo yahamagaye ku rubyiniro Joe Boy gusa ntiyahita aza, habanza kuvagwa umuziki mu minota itari mike, gusa mu masaha agana saa 01:40 z'ijoro zo kuwa 04 Ukuboza 2022 ni bwo yageze ku rubyiniro.

Uyu musore wari ufite imbaraga nyinshi n'ubwo byagaragaraga ko abantu bazi indirimbo ye imwe 'Alcohol', ntibyamubujije gukoresha igihe cyose yari yahawe anavuga ko yishimira kuza mu Rwanda agezemo bwa kabiri.

Ati:'Nishimiye kongera kuba hano guhera muri Gashyantare 2020, ndabakunda cyane.' Uko yaririmbaga indirimbo zose yazituraga inkumi z'i Kigali ati: 'Bakobwa beza muri hano mbafitiye impano y'agatangaza.'

Joe Boy yatangiye umuziki mu mwaka wa 2017, mu buryo bw'umwuga. Ni umwe mu bahanzi bafashwa na Mr Eazi, afite imyaka 25 akaba ari mu bahanzi bamaze kwigarurira imitima ya benshi.

 

Urwego rw’Igihugu rushinzwe imirimo imwe n’imwe ifitiye igihugu akamaro (RURA), rwatangaje ko ibiciro bya lisansi na mazutu bizaguma aho biri mu gihe (…)

Iki gitaramo cyari cyateguriwe Ntarindwa Diogène uzwi nka 'Atome', ariko yahisemo ko azahurira ku rubyiniro na murumuna we mu buhanzi Ruti Joël.

Ubwo yari mu kiganiro n'itangazamakuru ku wa 23 Ukwakira 2022, Ntarindwa yavuze ko n’ubwo badakora injyana zimwe hari byinshi bahuje, ariko kuva bamenyana bahuza muri byinshi mu nganzo. 'Atome' yavuze ko Ruti Joel ‘anyibutsa umusore watuvuyemo Buravan’. Ati “Twarahuye, turahuza cyane.”

Yavuze ko Ruti Joel nawe yifuzaga ko igihe kimwe bazahurira ku rubyiniro, kandi yahoze yifuza ko umunyarwenya wese wo mu Rwanda yumva ko gutera urwenya bidasaba kuvuga ku bantu runaka, ahubwo bisaba kwiyizera ‘ku buryo wagikora’ udakeneye undi muntu.

Ubwo yari ahawe umwanya, Ruti Joel yabanje kuganira na Ntarindwa mu rurimi rw'igiswahili nk'abantu batari baherukanye, ubundi aranzika mu nganzo.

Yaririmbye indirimbo ye yise 'Igikobwa', 'Low Key' ya Buravan babanye igihe kinini, n'izindi.

Uko yaririmbaga ni nako ku nyakiramashusho hatambukaga ubutumwa bugaragaza album ye nshya, yise 'Musomandera’ (Izina rya Mama we). Uyu musore yavuze ko iyi album yumvikanisha urukundo rw'umubyeyi we. Ati 'Ntakiruta umubyeyi. Aransumba, akandera kandi arera. Urukundo rwe… kandi turasa, kandi ari hano.'

Yabwiye abafana be n'abakunzi be ko iyi ari album ari kubategurira, kandi 'ibikubiyemo byose ni urukundo rwe cyane. Ntacyasha kirimo. Rurera ni igitare. Ni nk'urukundo Musomandera yakunze Rumata [izina rye], ni nk'urwo u Rwanda rwadukunze'.'

Mu ndirimbo yaririmbye zizumvikana kuri album ye harimo 'Rukundorwera'. Yabwiye InyaRwanda ko yahisemo kwitirira album ye umubyeyi we mu kumvikanisha urukundo 'rudafite icyasha rwera wabwira buri wese ukunda Igihugu, umubyeyi n'umugore.

'Urukundo rudafite umwanda mu magambo meza asukuye y'ikinyarwanda n'ijyana Gakondo iyaherekeje.'

Uyu muhanzi avuga ko Album ye yakozweho na Producer X On the Beat, inononsorwa na Made Beats usigaye abarizwa mu Bwongereza.

 

Ruti Joel yaririmbye mu iserukiramuco rya 'Seka Fest', ahurira ku rubyiniro na Ntarindwa Diogene 'Atome' wamutumiye

 

Ruti yatangaje ko agiye gushyira hanze album ye nshya yitiriye umubyeyi we 'Musomandera' 

Ruti yavuze ko mu ntangiriro za Mutarama 2023 ari bwo azashyira hanze iyi album 

Ruti yavuze ko iyi album yihariye- kandi izumvikanisha urukundo rw'umwana n'umubyeyi n'Igihugu

KANDA HANO UREBE INDIRIMBO ‘LOUD SOUND MUSIC’ YA RUTI JOEL NA KENNY K

“>

Afurika yose ihanze amaso amakipe ya Senegal na Maroc ko yakora ibitangaza akaba yakwitwara neza mu mikino iri imbere mu gikombe cy’Isi cya 2022 kirimo (…)

Ku gicamunsi cyo kuri iki Cyumweru ahagana saa cyenda, imodoka ebyiri zari ziparitse mu igaraje ry’uwitwa Mushimire riri i Kagugu mu Murenge wa Kinyinya mu (…)