Category: Uncategorized

Mu gihe hakomeje ibikorwa by’Inama ya 73 ya FIFA iri kubera mu Rwanda, kuri uyu wa Gatatu nibwo habaye irushanwa rihuza abakinnyi ba FIFA bakanyujijeho ndetse n’abandi bayobozi batandukanye bitabiriye iyi nama. 

Umukino wa mbere wahuje ikipe y’u Rwanda yari irimo Perezida Paul Kagame wari wambaye nimero 7 mu mugongo, yatsinze ikipe ya FIFA yarimo umuyobozi w’ishyirahamwe ry’umupira w’amaguru ku Isi, Gianni Infantino.

Mbere y’umukino Perezida Kagame yabanje gusuhuzanya na Perezida wa FIFA Gianni Infantino wari wambaye nimero 9, nk’umwe mu bakinnyi ikipe ya FIFA yari yitezeho ibitego

Ibitego 3 bya Augustine Azuka bakunze kwita Jay-Jay Okocha, nibyo byahesheje amanota atatu ikipe y’u Rwanda, mu gihe ikipe ya FIFA yatsindiwe na Cafu wabaye Kapiteni w’ikipe y’igihugu ya Brazil imyaka itari mike.

Ikipe y’u Rwanda iri gutozwa na Mashami Vincent, yakoresheje abakinnyi barimo; Perezida Kagame, Jay Jay Okocha, Jimmy Mulisa, Karekezi Olivier, Murangwa Eugène, Nshimiyimana Eric, Kayiranga Jean Baptiste, Ngabo Albert, Mateso Jean de Dieu, Nizeyimana Olivier na Nyinawumuntu Grace. 

Perezida Paul Kagame yinjiye mu kibuga yambaye nimero 7, ndetse niwe watangije umupira nka rutahizamu mukuru w’ikipe y’u Rwanda 

Umukino wamaze iminota 11, aho mu kibuga hajyagamo abakinnyi 7. Mukansanga Salima wagaragaye ari gufasha Perezida Kagame gufunga inkweto, niwe wari Umusifuzi w’uyu mukino.

Uyu mukino niwo wabaye uwa mbere ukiniwe kuri sitade ya Kigali Pele Stadium nyuma y'aho ihawe iri zina mu minota yari itambutse.

Ikipe y’u Rwanda yarimo abakinnyi bakiniye Amavubi mu myaka yatambutse nka Karekezi Olivier, Ngabo Albert n’abandi 

Perezida Paul Kagame amaze kwiyambura ba myugariro b’ikipe ya FIFA, ashaka gusatira izamu aciye mu mpande

Source : https://inyarwanda.com/inkuru/127095/ikipe-yu-rwanda-yarimo-perezida-kagame-yatsinze-bigoranye-ikipe-ya-fifa-127095.html

Kuri uyu wa 15 Werurwe nibwo Bahati Grace yizihije isabukuru ye y'amavuko, ikaba iya kabiri yagize kuva arushinze na Murekezi Pacifique. Mbere y'uko ayizihiza, yari yabanje gusohokana n'umugabo we ndetse n'imfura ye.

Kuri uyu munsi, Murekezi yateye umugore we imitoma mu kumwifuriza ibihe byiza, bimwibutsa umunsi yaboneyeho izuba.

Abinyujije ku mbuga nkoranyambaga, yagize ati 'Isabukuru nziza mugore wanjye! Ni iby'agaciro kubakana ubuzima nawe. Ndagukunda Cyane.''

Muri Nzeri 2021 ni bwo Miss Rwanda 2009, Bahati Grace yakoze ubukwe bw'agatangaza muri Leta Zunze Ubumwe za Amerika n'uwo yihebeye Murekezi Pacifique, umuhungu wa Fatikaramu wakinnye mu ikipe ya Rayon Sports.

Ni ubukwe bwatashywe n'ibyamamare binyuranye nka Meddy n'umugore we Mimi, The Ben, Ally Soudy, Miss Umutesi Kayibanda Aurore, Miss Nimwiza Meghan, Miss Iradukunda Elsa, Ndayishimiye Jean Claude na Jay bazwi mu kwerekana imideli, Cedru wamamaye mu gukora amavidewo y'indirimbo n'abandi benshi.

Miss Bahati Grace na Murekezi banyuzwe n’urukundo rwabo

Miss Bahati Grace yizihije isabukuru ashimishwa n’ubutumwa bw’umugabo we

Miss Bahati Grace n’imfura ye

Imitoma ya Murekezi kuri Nyampinga w’u Rwanda 2009, Grace Bahati

Urukundo rwabo barweretse inshuti n’abavandimwe baranyurwa

Nyuma bakoze ubukwe babwereka imiryango n’amahanga yose

Source : https://inyarwanda.com/inkuru/127086/miss-bahati-yatatswe-numugabo-we-amubwira-ko-gufatanya-nawe-ubuzima-ari-ibyagaciro-amafoto-127086.html

Amakuru avuga ko imihango ijyanye no kumusezerano no kumushyingura izaba ku wa Kane tariki 16 Werurwe 2023 .

Umubiri we wagejejwe mu Rwanda tariki 12 Werurwe, aho ku Kibuga cy'Indege cya Kigali, i Kanombe wakiriwe n'abarimo Minisitiri w'Ingabo Maj Gen Albert Murasira, abasirikare bakuru muri RDF n'umuryango we.

Gen (Rtd) Gatsinzi yakoze inshingano zitandukanye mu ngabo z'u Rwanda zirimo izo kuba Umugaba wungirije w'Ingabo zirwanira ku Butaka, ndetse yayoboye Urwego rw'Igihugu rushinzwe Umutekano n'Iperereza, NISS.

Mu 2004 ni bwo Gatsinzi yagizwe General, aba umusirikare wa mbere wabonye iri peti. Yabaye Minisitiri w'Ingabo guhera 2002 kugeza 2010.

Nyuma y'imyaka irindwi n'amezi atandatu muri iyi minisiteri, yagizwe Minisitiri w'Impunzi n'Ibiza hagati ya 2010 na 2013.

Mu Ukwakira 2013 ni bwo Gen Gatsinzi Marcel yagiye mu kiruhuko cy'izabukuru. Icyo gihe yari kumwe n'abandi bajenerali batanu.

Inkuru wasoma: Umubiri wa Gen (Rtd) Marcel Gatsinzi wagejejwe mu Rwanda

---

Source : http://igihe.com/amakuru/u-rwanda/article/gen-rtd-marcel-gatsinzi-agiye-gushyingurwa

Ibi yabibasabye kuri uyu wa Gatatu tariki ya 15 Werurwe 2023 ubwo abahagarariye inzego z'urubyiruko mu turere twose tugize Intara y'Iburasirazuba bahuriraga mu nama igamije gukumira no kurwanya ihohoterwa rishingiye ku gitsina, hakumirwa inda z'imburagihe ziterwa abangavu n'ubuvugizi bwo kubasubiza mu buzima busanzwe.

Ni inama yateguwe n'ubuyobozi bw'Intara y'Iburasirazuba ku bufatanye n'Umuryango uharanira Iterambere ry'Umwari n'Umutegarugori mu Cyaro (Réseau des Femmes).

Imibare iherutse kugaragazwa na Minisiteri y'Uburinganire n'Iterambere ry'Umuryango, igaragaza ko kuva muri Nyakanga 2022 kugeza mu Ukuboza abangavu bafite kugeza ku myaka 19 babyaye bangana n'ibihumbi 13 ku rwego rw'Igihugu.

Iyi mibare igaragaza ko kandi Intara y'Iburasirazuba ariyo iyoboye izindi mu kugira umubare munini w'abana baterwa inda bangana 4 797 bangana na 37%.

Muri iyi nama umwangavu w'imyaka 17 watwaye inda asambanyijwe n'umugabo wa mukuru we, yatanze ubuhamya bw'ukuntu yasambanyijwe bikamuviramo kubyara imburagihe, yavuze ko ubu umwana we afite imyaka ine akaba yarafashijwe na Réseau des Femmes gusubira mu ishuri ndetse n'umugabo wamuteye inda ashyikirizwa ubutabera.

CP Kabera yavuze ko urubyiruko rukoresheje amahirwe rufite rukamenya ibibazo urundi rubyiruko ruhura nabyo rukabigaragaza, byinshi byakemurwa ibindi bigashakirwa ibisubizo, yasabye buri wese kureba ibibazo byugarije urundi rubyiruko birimo ababyaye imburagihe bagatanga amakuru y'ababateye inda bagahabwa ubutabera.

Ati ' Icyo twifuza kuri uru rubyiruko bakwiriye kumva inshingano zabo, baka amaboko y'igihugu bakavuga ibyaha bikorwa bakabibwira inzego zibishinzwe bagashyiraho uburyo bwabo mu matsinda kugira ngo bakore ubukangurambaga bigishe bagenzi babo bigishe n'abakuru kuko ni urubyiruko kandi rujijutse.'

CP Kabera yavuze ko abagabo basambanya abana bakabatera inda impamvu benshi badafatwa ari uko nta makuru baba babonye gusa, avuga ko uru rubyiurko nirugenda rukigisha ababyeyi bagatanga amakuru nabo biteguye guta muri yombi uwo ariwe wese.

Batahanye ingamba nshya

Ingabire Yvonne waturutse mu Karere ka Kirehe, yavuze ko bagiye kwegera imiryango bayiganirize ku buryo ibasha kwita ku bana babo kuruta uko babikoraga ku buryo ngo buri wese amenya aho umwana we yiriwe umunsi ku munsi.

Ati ' Ingamba dukuye hano harimo gushyira mu bikorwa ibyo twiyemeje harimo gushinga itsinda [Club] zijyanye no kwita ku byaha, kubireba no kubigaragaza, muri ibyo twasanze akenshi na kenshi tutabigaragaza kuko tutabizi, ubu rero tugiye kubireba tubyiteho ubundi dutange amakuru.'

Munyanziza Phenias wo mu Karere ka Kayonza, yavuze ko biyemeje kurushaho kwigisha urundi rubyiruko ku buryo bamenya ibibazo biri mu turere baturukamo kandi bakamenya n'uburyo bakorana n'izindi nzego mu kuziha amakuru arimo n'ay'abana basambanyijwe.

Guverineri w'Intara y'Iburasirazuba, Gasana Emmanuel, yavuze ko uru rubyiruko rwiyemeje gushyira hamwe nibura ngo mu mezi atandatu bakarwanya ibyaha birimo gusambanya abana, ubusinzi mu rubyiruko n'ibindi byose bigaragara muri buri Karere, abizeza ubufatanye n'ubufasha.

CP Kabera yasabye urubyiruko rwo mu Ntara y'Iburasirazuba kwita cyane ku kuganiriza abangavu batewe inda bakamenya n'abazibateye kugira ngo bahabwe ubutabera

Uwimana Xaverine ukuriye Reseau de Femmes yavuze ko bazakomeza kwita ku rubyiruko

Rumwe mu rubyiruko rwahawe umwanya rutanga ibitekerezo

---

Source : http://igihe.com/amakuru/u-rwanda/article/cp-kabera-yahaye-umukoro-urubyiruko-rwo-mu-burasirazuba

Col Augustin Nshimiyimana 'Bora' wari ushinzwe ubutasi muri FDLR ubu akaba ari mu Rwanda, aherutse gutangaza ku mugaragaro ko Abanyarwanda bari muri Kongo badakozwa ibyo gutaha ku neza, ko ahubwo bumva bazagaruka ku ngufu z'amasasu, baje gufata ubutegetsi mu Rwanda. BORA yasobanuye ko abatari abarwanyi ba FDLR ari abagore babo cyangwa abana babo, bose basangiye ingengabitekerezo ya Jenoside.

Abo rero nibo INGABIRE Victoire, FDU-INKINGI ye, n'abandi bayoboke ba FDLR batabariza, ngo ni'impunzi' zabujijwe amahwemo.
Abo se uretse gutinya kuryozwa ibyaha ndengakamere bakoze, no gushaka kugarura mu Rwanda ubutegetsi bw'abajenosideri, bumva barusha iki amamiliyoni y'abandi bamaze gutaha ku bushake, kandi bakaba baguwe neza mu Gihugu cyabo?

Iso ukwanga akuraga ibyamunaniye koko! Nterahamwe-baparmehutu- mpuzamugambi, mwaretse gukomeza gushora urwo rubyaro mu ntambara mwatsinzwe kuva mu myaka 33 ishize?!
Iyo urebye abari mu bukangurambaga ngo bwo gutabariza 'impunzi z'Abanyarwanda ziri muri Kongo', usanga ari ba Ingabire Victoire, umwe mu bashinze bakanayobora RDR yaje kubyara ALIR na FDLR, abayoboke ba FDU-INKINGI nayo yashinzwe n'uwo Ingabire Victoire, abahungu ba Dominiko Mbonyumutwa bose ibere rya Parmehutu, ibigarasha nka Twagiramungu, Gasana Anastase n'abandi bataye umutwe nkabo, hakiyongeraho n'abategetsi ba FDLR muri iki gihe.

Ntaho baduhishe rero, intego ni ukubungabunga FDLR ngo idasenyuka, kandi ari yo bagize igisabisho, babeshya abashukika byoroshye ngo bazafata ubutegetsi mu Rwanda.
Munyarwanda ukiri impunzi mu mahanga, nta mpamvu yo gufatwa bugwate ngo uzarinde upfana akarago ku mutwe.

Ba rusahuriramunduru biguheza ishyanga kubera indonke zabo.
Hitamo kubatera umugongo witahire none, kandi uzakiranwa yombi mu Rwakubyaye.

The post FDLR YIYITA IMPUNZI Z'ABANYARWANDA ZITOTEZWA MURI KONGO, KANDI AHUBWO YARAFASHE BUGWATE IZO MPUNZI appeared first on RUSHYASHYA.

Source : https://rushyashya.net/fdlr-yiyita-impunzi-zabanyarwanda-zitotezwa-muri-kongo-kandi-ahubwo-yarafashe-bugwate-izo-mpunzi/?utm_source=rss&utm_medium=rss&utm_campaign=fdlr-yiyita-impunzi-zabanyarwanda-zitotezwa-muri-kongo-kandi-ahubwo-yarafashe-bugwate-izo-mpunzi

Bamwe mu bacuruzi b'inyama basabye ko bahabwa igihe gihagije cyo kwitegura, gushyira mubikorwa amabwiriza avuga ko inyama zemewe gucuruzwa ari izanyuze muri firigo.

Kuwa Kabiri tariki 14 Werurwe 2023, nibwo Urwego rw'Igihugu Rushinzwe Ubugenzuzi bw'Ubuziranenge, Ihiganwa no kurengera Umuguzi (RICA), rwasohoye itangazo rivuga nta bagiro ryemerewe gucuruza inyama itamaze amasaha 24 muri firigo.

Ni icyemezo gikomeje kutavugwaho rumwe muri Rubanda, kuko abatari bacye mu banyarwanda kuva cyera ngo bikundira inyama zibagiweho zitakonjeshejwe, kandi ko nta ngaruka ngo byabagizeho.

Umwe ati ' Igihe twaziririye ntawe turumva ngo zamuteye indwara.'

Mugenzi we ati ' N'abakera inyama barazinzikaga ntabwo bazishyiraga muri firigo .'

Undi nawe ati 'Kuva cyera inyama bakibaga ako kanya niyo nyama yaryohaga cyane, ariko iyo inyama yaraye muri firigo iba yabaye nabi ntabwo iba iryoshye neza.'

Urwego rw'Igihugu Rushinzwe Ubugenzuzi bw'Ubuziranenge, Ihiganwa no kurengera Umuguzi (RICA), rusobanura ko inyama zitanyuze mu byuma bikonjesha byibura amasaha 24, zishobora kugira ingaruka kuwaziriye kuko inyama z'itungo rikibagwa ziba zigifite utunyabuzima tutarapfa, bityo tukaba twakwanduza uziriye, nko kuba yakwandura inzoka ya Teniya.

 Nonese ko Abavaterineri babanza gupima itungo rigiye kubagwa, izi mpungenge zishigiye kuki?

Mbabazi Olivier ni veterineri mu ibagiro rya Nyabugogo ryitwa SABAN.

Ati 'Yego itungo mbere y'uko ribagwa turabanza tukaripima na nyuma y'uko ribagwa nabwo tukaripima, ariko ibizamini dukora hari ibyo tuba tutakoresheje 'microscope'  kandi hari indwara ziba ziri mu maraso.'

Kur uhande rw'abacuruzi b'inyama bamwe muri bo bagaragaje ko bakeneye igihe gihagije cyo kwitegura, bakishakamo ubushobozi butuma babasha kubahiriza  amabwiriza yo  gucuruza inyama zanyuze mu byuma bikonjesha.

Bavuga ko kubasaba kubahiriza aya mabwiriza muburyo buhutiyeho bishobora gutuma ingano z'inyama bacuruza zigabanuka, bityo n'igiciro cyazo ku isoko kigatumbagira.

 Kanyambo Prosper ni Perezida w'Abacuruzi b'inyama muri Kigali bakorana n'ibagiro rya Nyabugogo SABAN

Ati 'Aya mabwiriza twayakiriye neza usibye ko dufite imbogamizi nk'abacuruzi, twebwe ibagiro rya Saban ntabwo rirabyitegura kuburyo ryabasha gukonjeshereza abacuruzi. Ubundi dusanzwe dukoresha (tubagisha ) inka 150 ku munsi, ariko ubu kubera ubushozi bafite bwa 'chambre froide' (firigo) turimo gukoresha inka 100. Ubwo urumva ko inyama ziragera hanze ibiciro bizamuke.'

Undi Mucuruzi w'inyama i Nyabugogo uzwi ku izina rya Kazungu, yavuze ko bisaba imbaraga guhindura imyumvire y'abaturage bamaze igihe barihebeye inyama zako kanya.

Ati ' Iyo zaraye muri firigo batekereza ko ziba zapfuye, kuko bumva ko inzima ari ukuzibona zikibagwa.'

Ubuyobozi bw'Urwego rw'Igihugu Rushinzwe Ubugenzuzi bw'Ubuziranenge, Ihiganwa no kurengera Umuguzi (RICA), ruvuga ko kubuza abantu gucuruza inyama zitabanje gukonjeshwa nibura amasaha 24 muri Firigo, bigamije  kubahiriza ibipimo mpuzamahanga by'ubuziranenge, no kurengera ubuzima bw'abantu kandi ko abacuruzi b'inyama hashize igihe barabimenyeshejwe.

Uwumukiza Beatrice ni umuyobzi wa RICA

Ati 'Abashinzwe ririya bagiro rya Nyabugogo twaganiriye igihe kinini, tunemeza n'itariki bizatangiriraho twari mu nama twabyemereje hamwe.'

Hiryo no hino mu gihugu aho bacururza inyama ikilo cyazo kiri hagati y'amafaranga 3,000 na 5,000 bitewe n'ubwoko bwazo n'isoko ry'aho uziguriye.

Kuba abacuruzi b'inyama bategetswe gucuruza gusa izanyujijwe mu byuma bikonjesha hari impungenge ko ikiguzi cyazo kigiye gutumbagira.

Abareberaa ibantu ahirengeye bagaragaza ko amabwiza ashobora kuzakomwa mu nkokora no kuba mu byaro ibyuma bikonjesha ari bicye, kandi hamwe na hamwe hakaba hataragera umuriro w'amashanyarazi naho uri ugakunda kubura,  hakiyongeraho no kuba hakiri na benshi bihebeye  inyama  yabazwe uwo munsi.

Daniel Hakizimana

The post <strong>Inyama zigiye kurushaho guhenda kubera amabwiriza mashya yashyizweho- Abacuruzi bazo</strong> appeared first on FLASH RADIO&TV.

Source : https://flash.rw/2023/03/15/inyama-zigiye-kurushaho-guhenda-kubera-amabwiriza-mashya-yashyizweho-abacuruzi-bazo/?utm_source=rss&utm_medium=rss&utm_campaign=inyama-zigiye-kurushaho-guhenda-kubera-amabwiriza-mashya-yashyizweho-abacuruzi-bazo

Indege z'intambara z'igisirikare kirwanira mu kirere cy'Ubwongereza hamwe n'iz'Ubudage zatangiriye indege y'Uburusiya hafi y'ikirere cya Estonia mu gikorwa cya mbere cyo muri ubwo bwoko.

Izi ndege ebyiri zoherejwe byihuse ejo ku wa kabiri gutangira indege y'igitoro ya Il-78 Midas yari mu kirere hagati ya St Petersburg na Kaliningrad.

Byanze ko iyi ndege ihanahana amakuru n'abashinzwe kugenzura urujya n'uruza mu kirere muri Estonia.

Ingabo z'Ubwongereza n'iz'Ubudage zirwanira mu kirere muri iki gihe zirimo gukora imyitozo rusange yo mu kirere mu rwego rwa OTAN/NATO muri ako karere.

Kuzibira iyi ndege byo byari ibisanzwe, ariko ni bwo bwa mbere igikorwa nk'iki gikorewe hamwe n'ibi bihugu.

Ibi bibaye mu gihe umwuka mubi ukomeje kwiyongera hagati ya OTAN n'Uburusiya, bivuye ku gitero Uburusiya bwagabye kuri Ukraine, n'ubwo nta kintu na kimwe cyerekana ko hari isano riri hagati yacyo y'ibyabaye ejo, aho indege y'intambara y'Uburusiya yagonganye na drone ya Amerika hejuru y'Inyanka yirabura.

Zimaze gusubiza inyuma iyi ndege ya Midas, izi ndege zahise zoherezwa kuzibira indege yo mu bwoko bwa An-148 nayo yarimo ica hafi y'ikirere cya Estonia.

Igisirikare cy'Ubwongereza kirwanira mu kirere (RAF) kirimo kwitegura kuyobora ubutumwa bwo gucunga ikirere cya OTAN mu karere ka Baltique, gisimbuye icy'Ubudage, mu kwa kane.

Kizayobora ubu butumwa mu gihe cy'amezi ane, mu gihe ibikorwa bihuza Ubwongereza n'Ubudage bizakomeza kugeza mu mpera z'ukwa kane.

Indege enye za RAF ni zo zoherejwe muri iki gikorwa zikaba ziri ku birindiro bya Ämari by'igisirikare kirwanira mu kirere muri Estonia.

BBC

Source : https://umuryango.rw/amakuru/mu-mahanga/umutekano/article/indege-z-intambara-z-ubwongereza-n-iz-ubudage-zitambitse-iy-uburusiya-hafi-y

Stade ya Kigali, iherereye i Nyamirambo mu isura nshya nyuma yo kuvugururwa. Biteganyijwe ko itahwa ku mugaragaro ku gicamunsi cyo uyu wa Gatatu.

Imirimo yo kubaka iyi sitade yatangiye ku wa 4 Mutarama 2023, ubu yararangiye aho bimwe mu bice bigize Stade ya Kigali byasenywe, hashyirwaho ibishya.

Amakipe arindwi yari asanzwe ahakirira imikino yashatse ahandi yimukira. Ayo arimo APR FC, Gasogi United, Gorilla FC na AS Kigali zahisemo Stade ya Bugesera mu gihe Rayon Sports, Police FC na Kiyovu Sports zizajya zikinira i Muhanga.

Tapis ikinirwaho, amazamu n'uruzitiro bigize Stade byakuweho bisimbuzwa ibishya.

Stade ya Kigali imaze igihe itemerewe kwakira amarushanwa mpuzamahanga. Yahagaritswe guhera mu Ugushyingo 2021 kubera ko itujuje ibisabwa n'Impuzamashyirahamwe ya Ruhago muri Afurika (CAF).

Source : https://umuryango.rw/imyidagaduro/imikino/article/stade-ya-kigali-mu-isura-nziza-cyane-nyuma-yo-kuvugururwa-amafoto

Abantu benshi mu Rwanda bavuze ku mabwiriza y'ikigo cya leta gishinzwe ipiganwa mu bucuruzi no kurengera umuguzi ko ubu inyama zemewe kugurishwa ari izimaze nibura amasaha 24 mu byuma bikonjesha.

Ni icyemezo kitavugwaho rumwe ku bazi akamaro k'inyama zabanje gukonjeshwa n'abakunzi b'inyama zibagiweho bisa n'aho aribo benshi kubera amateka, umuco n'ubushobozi.

Ikigo gishinzwe kurengera umuguzi kivuga ko aya mabwiriza agamije kubahiriza ibipimo mpuzamahanga by'ubuziranenge, no kurengera ubuzima bw'abantu.

Abahanga bamwe bavuga ko inyama z'itungo rikibagwa ziba zigifite utunyabuzima tutarapfa bityo tukaba twakwanduza uziriye, mu gihe zaba zitateguwe neza.

Antoinette Mbabazi, ukuriye ishami rifite mu nshingano iyubahirizwa ry'ibyemezo yumvikanye kuri televiziyo y'u Rwanda avuga ko iki cyemezo kigamije kurengera abaguzi.

Yagize ati: 'Hari nk'indwara tumenyereye bita taenia, ubushakashatsi bugaragaza ko iyo wakonjesheje ukubahiriza ya mabwiriza aba yavuzwe bikuraho ibyago byo guhura na teania, nayo ni ikibazo gikomoka ku nyama (zikibagwa).

'Inyama ni iy'ako kanya'

Ku mbuga nkoranyambaga abakunzi b'akaboga (inyama) batari bacye bagaragaje icyo batekereza kuri aya mabwiriza, bamwe bavuga ko akwiye abandi ko ari ukwibasira icyanga cy'imbonekarimwe.

Kuri Facebook, uwitwa Emile Kalinijabo yanditse ati: 'Ntabwo leta yafata icyemezo gutyo nta bushakashatsi bufatika ishingiyeho, inyama zaraye muri frigo niba ari zo nziza koko nibareke abe arizo turya.'

Uwitwa Claudine Umurerwa we yanditse ati: 'Birashoboka ko benshi batabizi kuko hari n'indwara barwara ntibamenye icyazibateye, ariko inyama z'ako kanya ni mbi ku buzima.'

Umugabo utifuje gutangazwa izina yabwiye BBC Gahuzamiryango ati: 'Njyewe inyama nifuza ni ishyashya kuko iy'umuranzi nta buryohe bw'umwimerere buba burimo. Izaraye muri frigo ziba zataye umwimerere atari nziza.'

Undi witwa Antoine Uwimana yanditse kuri Facebook ati: 'Ubundi inyama ni iy'ako kanya. Ariko nanone iki si ikibazo kiduhangayikishije cyane kuko mu ngo nyinshi ubu inyama irya umugabo igasiba undi.'

Mu Rwanda ikilo cy'inyama kiri hagati y'amafaranga 3,000 na 5,000 bitewe n'ubwoko bwazo n'isoko ry'aho uziguriye.

'Niba atari nshya ndajya ahandi' — Impungenge z'abacuruzi

Bamwe mu bacuruza inyama mu mujyi wa Kigali bavuga ko nta kibazo batewe n'iki cyemezo kuko n'ubundi basanzwe bagurisha inyama ziri muri frigo, cyane cyane abo muri supermarket.

Abacuruza inyama mu mijyi kandi usanga hari abafite ibyumba n'ibyuma binini bikonjesha, ndetse n'amakamyo azitwara afite ubushobozi bwo gukomeza kuzikonjesha.

Aba iki cyemezo gishobora kutababangamira kuko bafite n'abaguzi bamenyereye kugura inyama zikonjesheje batitaye cyane ku gihe zimaze.

Gusa abacuruzi baciriritse, ari nabo benshi, bo ngo biteze ingaruka zivuye kuri iki cyemezo.

Andre Sebanani ucuruza inyama ahitwa Ziniya ku Kicukiro yabwiye BBC ko abashaka inyama zibagiweho uwo munsi aribo benshi.

Ati: 'Abo nibo bakiriya bacu beza… [araza ati:] 'niba atari nshyashya ndajya kwa runaka' 'ndashaka iy'uyu munsi', akiyibona muri congelateur ahita avuga ati 'reka reka'.'

Mu byaro naho bishobora kuba ikibazo kuko ibyuma bikonjesha ari bicye n'umuriro w'amashanyarazi ugakunda kubura, hiyongeraho ko hakiri na benshi babona ko inyama nyayo ari iyabazwe uwo munsi.

BBC

Source : https://umuryango.rw/amakuru/mu-mahanga/ubuzima/article/impaka-ni-ndende-ku-mbuga-nkoranyambaga-ku-nyama-zo-muri-frigo-n-izako-kanya

Harmonize avuga ko nta nyungu akibona zivuye mu icuruzwa ry'ibihangano yakoze akiri muri WCB (Wasafi) kandi ajya kugutandukana nabo yarasize yishyuye amafaranga yose bamusabye kugira ngo yigenge ndetse akishyura na sosiyete icuruza umuziki ya Mziiki.

Ati 'Wasafi na Mziiki bafatanyije kuntesha umutwe nyamara nta kibi nabakoreye. Nagerageje guharanira ibyanjye bikwiye kugira ngo nshobore kugaburira umuryango wanjye nkuko nabo babikora n'imiryango yabo.'

'Kuki bambuza kubona uburenganzira bwanjye ku mutungo bwite mu by'ubwenge (IP) mu gihe bakomeje gukusanya amafaranga mu mitungo yanjye ndetse no mu izina ryanjye?.'

Uyu muhanzi yongeyeho ko we n'abamwunganira mu mategeko bari gukusanya amakuru yose akenewe kuri ibi vuba aha bidatinze bazagana inkiko.

Konde Boy avuga ko ari gukorana na Mwana FA uherutse kugirwa Minisitiri wungirije ushinzwe umuco n'ubuhanzi muri Tanzania, ngo amufashe gushakisha uburenganzira ku mitungo bwite mu by'ubwenge.

Diamond Platnumz we aherutse gutangaza ko kenshi abahanzi bakiri bato iyo bamaze gukira no kwamamara baba bashaka kurya bonyine bakirengagiza igishoro cyagiye kuri bo.

Uyu muhanzi yavuze ko nk'umushabitsi ibi adateze kubyihanganira, yemeza ko Wasafi nubwo ifasha abanyempano ariko nayo ubwayo ari igikorwa cy'ubushabitsi.

Harmonize yavuye muri WCB mu 2019 asiga yishyuye miliyoni 500 z'amashilingi ya Tanzania.

Rayvanny na we aherutse gutangaza ko yishyuye miriyali 1.3 y'amashilingi ya Tanzania kugira ngo ave muri WCB Wasafi atangire kwigenga abone n'uko akomeza ibikorwa bya The Next Level sosiyete ifasha abahanzi yatangije.

Source : https://umuryango.rw/imyidagaduro/article/harmonize-yatangaje-ko-agiye-kujyana-mu-nkiko-wasafi-records-bahoze-bakorana