Category: Uncategorized

Nyuma yo kuvugururwa, Stade ya Kigali yamenyekanye nka Stade Regional Nyamirambo, n’izina rya yo ryamaze guhindurwa aho yitiriwe igihangange muri ruhago, Pele uheruka kwitaba Imana.

Yatangiye kuvugururwa muri Mutarama 2023, kuri uyu wa Gatatu tariki ya 15 Werurwe 2023 ni bwo iyi Stade yiswe “Pele Kigali Stadium”, yatashywe kumugaragaro.

Ni muri gahunda Impuzamashyirahamwe y’umupira w’amaguru ku Isi FIFA yasabye ibihugu byibuze kugira ikibuga kimwe kitirirwa umunyabigwi ukomoka muri Brazil, Pele uheruka kwitaba Imana.

Ni umuhango wayobowe na Perezida wa Repubulika y’u Rwanda, Paul Kagame ndetse na Perezida wa FIFA, Gianni Infantino.

Nk’uko The East African ibitangaza, iyi Stade ibikorwa byo kuyivugurura hari igice cyatanzwe na FIFA kingana n’ibihumbi 350 by’amadorali, ni ukuvuga arenga miliyoni 350 z’amafaranga y’u Rwanda. Iyi Stade yakiraga abantu ibihumbi 10 ubu bivugwa ko ari ibihumbi 15.

Umunya-Brazil, Edson Arantes do Nascimento wamamaye nka Pelé witiriwe iyi stade, afaatwa nk’umukinnyi wa mbere mwiza wabayeho mu mateka ya ruhago, yitabye Imana tariki ya 29 Ukuboza 2022 ku myaka 82, azize indwara ya kanseri.

Mu muhango wo kuyitaha kumugaragaro hakaba hakurikiyeho irushanwa ry’umupira w’amaguru ryahuje Impuzamashyirahamwe (Confederations) zitabiriye y’Inteko Rusange ya FIFA izaba ku munsi w’ejo ku wa Kane tariki ya 16 Werurwe 2023 ari na yo izatorerwamo Perezida wa FIFA.

Mbere yo kuyifungura izina Pele ryari rihishwe

Perezida Kagame na Gianni Infantino bagiye kuyifungura kumugaragaro

Pele yitiriwe Stade ya Kigali

Perezida Kagame na Gianni Infantino basuhuzanya nyuma yo kuyifungura kumugaragaro

Kigali Pele Stadium irasa neza cyane

Ni igikorwa cyabaye ku mugoroba wo kuri uyu wa Kabiri tariki 13 Werurwe 2023.

Itsinda yahize ayandi ni iryitwa Abadahemuka rikorera mu karere ka Kamonyi mu murenge wa Nyarubaka, risanzwe rikora ubuhinzi, rikaba ryegukanye 2,000,000 Frw.

Muri iki gikorwa mbere yo gutangaza uwahize abandi, Umuyobozi Mukuru wa MTN, Mapula Bodibe, yavuze ko iki kigo gisanzwe gikora ibikorwa bigamije gushyigikira umugore n'umukobwa.

Ati 'Impamvu nyamukuru ni uko duha agaciro abategarugori n'abari. Uyu ni umwaka wa kane dukora iki gikorwa cya 'Women in Business' kubera ko iyo ufashije umugore uba ufashije sosiyete muri rusange.'

Yakomeje avuga ko yizera ko nk'ikigo cy'ikoranabuhanga bazakomeza gushyigikira ibikorwa by'umwari n'umutegarugori aho ava akagera.

Yabashishikarije gukoresha ikoranabuhanga, ati 'Hakoreshejwe ikoranabuhanga ndabizi ko bizabafasha gucuruza aho mwaba muri hose mu gihugu.''

Minisitiri w’Uburinganire n’Iterambere ry’Umuryango, Prof Bayisenge Jeannette, wari uri muri iki gikorwa, yatangiye yifuriza abagore bari bateraniye muri iki gikorwa umunsi mwiza w’Abagore n'ubwo wabaye ku wa 8 Werurwe ababwira bakiri mu kwezi kwabo.

Yaboneyeho no gushimira MTN Rwanda ku bw'iki gikorwa cyiza. Yibukije aba bagore Insaganyamatsiko y’uyu mwaka ijyanye n'umunsi w'umugore igira iti 'Ntawe uhejwe, guhanga udushya n’ikoranabuhanga biteza imbere uburinganire.' Abashishikariza guhanga udushya.

Arakomeza ati 'Kimwe mu bibazo bikunze kubaho, ni ukongera kudufasha guha amahirwe abana bose cyane abiga ubumenyingiro. Leta y'u Rwanda yabishyizemo kugira ngo izi gahunda zagiye zishyirwaho, zigirire akamaro abana bose natwe usigaye inyuma.'

Yagarutse ku babonye ibihembo n'amashimwe abashishikariza kudapfusha ubusa amahirwe babonye.

Ati 'Ndagaruka ku matsinda yabonye ibihembo uyu munsi, mugomba kwigira ku babibonye mbere cyane ko ubuzima bwabo bwahindutse. Aya mahirwe hari benshi bayashakaga ariko mutoranywa muri abo barenga 100, ariko kandi ni umukoro kuri mwe. Mukomeza mwiteze imbere munazirikare gufata akaboko bagenzi banyu bakiri inyuma.'

Uwizeyimana Redempta wari uhagarariye itsinda ry’Abadahemuka ryabaye irya mbere, yavuze ko igihembo bahawe kigiye kubafasha kongera ibikorwa bari basanzwe bakora.

Ati “Iki gihembo nyamukuru duhawe n’ubundi twakoraga umurimo w’ubuhinzi bw’ibigori, ubu rero tugiye gutangira gutunganya kawunga.”

Aya marushanwa abera mu gihugu hose yiswe 'Connect in Women'.

''Connect women in Business' yatangiye mu 2020 ikaba yibanda ku bagore bakora ubuhinzi n'ubworozi, abakora ikoranabuhanga, ubukorikori n'ubugeni. Uyu mwaka hanarebwe ku bafite ubumuga.

Aya matsinda yatoranyijwe hakurikijwe ibikorwa byabo harebwa abiteje imbere kurusha abandi. Uretse amafaranga kandi, amatsinda yose yahawe  amahugurwa ku bijyanye no kwagura ubucuruzi.Mapula Bodibe uyobora MTN Rwanda yavuze ko mu bikorwa byose bakora bagerageza gushyigikira igitsinagore

Bimwe mu bikorwa bikorwa na bamwe muri aba bagore byamuritswe 

Minisitiri Bayisenge n’Umuyobozi Mukuru wa MTN Mapula berekwa bimwe mu bikorwa aba bagore bagiye bakora Minisitiri Bayisenge yasabye abatsinze kudapfusha ubusa amahirwe babonye  

Abitabiriye basusurukijwe n’iritsinda 

Connect Women in Business, uyu mwaka yasize abagore bo mu matsinda 12 bahawe amahugurwa ndetse bamwe bahabwa amafaranga n’impano zitandukanyeUmwe mu bagize itsinda ry’Abadahemuka ahobera na Minisitiri Bayisenge Abari bahagarariye itsinda ‘Abadahemuka’ ryatwaye igihembo nyamukuru Ibyishimo byari byose ku ‘Abadahemuka’Abaje bahagarariye ‘Abadahemuka’ bamara gutangazwa nk’abahize abandi bapfukamye bashima Imana Itsinda ‘Turashoboye’ ry’abafite ubumuga ryahawe inkunga mu buryo bw’amafaranga ngo rikomeze kwiteza imbere Umuyobozi wungirije muri MTN Foundation, Bishop Gasatura Nathan afatana ifoto na rimwe mu matsinda yari ahatanyeAlain Numa uri mu bayobozi ba MTN Rwanda, yasemuraga ubwo Umuyobozi w’iki kigo Mapula Bodibe yavugaga Wibabara Phanny uri mu bayobozi ba MTN Rwanda niwe wayoboye iki gikorwa Abatsinze umwaka ushize bari bitabiriye iki gikorwa Abagore bari babukereye Ababishoboye bacinye akadiho karahava Amatsinda 12 niyo yageze mu cyiciro cya nyuma mu irushanwa rya MTN Rwanda Wari umugoroba w’ibyishimo ku bitabiriye irushanwa 

 AMAFOTO-Ndayishimiye Nathanael

Uyu muhango wari witabiriwe kandi na bamwe mu bakinnyi bakanyujijeho barimo; Khalilou Fadiga, Portia Modise, Lucas Radebe, Asamoah Gyan, Kwadwo Asamoah, Houssine Kharja, Perpetua Nkwocha, Pierre Webo, Maia Jackman, Wes Brown na Cafu wabaye Kapiteni w’ikipe y’igihugu ya Brazil.

Mu ijambo yanyujije kuri Twitter, Jimmy Mulisa yashimye uru ruzinduko ndetse no kuba ruzirikana akazi k’iterambere ry’umupira w’amaguru. 

Yagize ati: “Ni iby’agaciro ku ruzinduko rudasanzwe rwa Madamu Jeannette Kagame na Mrs Leena Infantino ndetse n’abanyabigwi ba FIFA, ndetse no kuzirikana ibikorwa byacu byo guhindura imibereho y’abana binyuze mu mupira w’amaguru.”

Umuri Foundation ni irerero ryashinzwe muri 2018 n’umunyabigwi muri ruhago y’u Rwanda, Jimmy Mulisa, nyuma yo kubona ko abana b’abanyarwanda bifuza gukina umupira w’amaguru, ariko bazitiwe n’ubukene no kutabona ibyangombwa, ari na ho Jimmy Mulisa usanzwe ari umutoza w’Amavubi wungirije yakuye iki gitekerezo.

Madamu Jeannette Kagame ubwo yageraga ahari bubere umuhango wo gusura irerero rya Umuri 

Iri rerero kandi rifite intego yo kwifashisha umupira w’amaguru nk’igikoresho cyo guhindura imibereho, guha imbaraga urubyiruko, kubatoza kuzana impiduka ndetse no kuba abaturage beza bigendanye n’indangagaciro zaryo arizo ubunyangamugayo, guhanga udushya, kwishyira hamwe n’uburinganire.

Izindi nkuru zijyanye na Umuri Foundation wasoma: 

Jimmy Mulisa yatangije irushanwa ryo gushaka impano mu bana bato rizazenguruka umujyi wa Kigali

Jimmy Mulisa akomeje ibikorwa byo gushaka impano mu bakiri bato 

Cafu nyuma yo guconga ruhago ari kumwe n’abana, yaje kubaganiriza abagira inama yabafasha kuzavamo abakinnyi beza 

Houssine Kharja wakiniye ikipe y’igihugu ya Morocco nawe ari mu bifatanyije n’abana baba mu Muri Foundation yashinzwe na Jimmy Mulisa wakiniye ikipe ya APR FC 

Umuri Foundation yatangiye kugaburira u Rwanda, nyuma yaho mu 2021 yatanze abakinnyi 3 mu ikipe y’igihugu y’abatarengeje imyaka 17 bitabiriye CECAFA

Diamond Platnumz yasangije abamukurikira amafoto ari kumwe n’umuhungu we Naseeb Jr yabyaranye na Tanasha yazamuye amarangamutima ya benshi.

Ni mu myambaro myiza ya Kiyisilamu ubwo bari bitabiriye ibirori batumiwemo na Haji Manara mu kwizihiza iminsi 40 y’umwana we Ghalib Manara amaze avutse.

Diamond Platnumz yagaragaye ari kumwe n’umuhungu we w’imyaka 3 Naseen Jr.

Gusa ntabwo nyina Tanasha watandukanye na Diamond muri 2020 ntabwo yagaragaye muri ibi birori aho yari yohereje umuhungu.

Abantu benshi bavuze kuri aya mafoto, bagiye bagaragaza amarangamutima ya bo bavuga uburyo we n’umuhungu we baberewe.

View this post on Instagram

A post shared by SIMBA..!🦁 (@diamondplatnumz)

Bafashe ifoto y’Urwibutso

Diamond Platnumz n’umuhungu we bazamuye amarangamutima ya benshi

Byatangajwe kuri uyu wa 14 Werurwe 2023, ubwo hasozwaga umwiherero w'abayobozi b'iyi Ntara wari umaze iminsi ibiri ubera mu karere ka Karongi.

Uyu mwiherero witabiriwe n'abayobozi b'uturere twa Rusizi, Nyamasheke, Karongi, Rutsiro, Rubavu, Nyabihu na Ngororero n'ababungirije, abanyamabanga nshingwabikorwa b'uturere, abakozi n'abayobozi bo ku rwego rw'Intara y'Iburengerazuba.

Ni umwiherero ubaye nyuma y'iminsi mike, habaye inama y'igihugu y'umushyikirano yamurikiwemo uko uturere duhagaze mu mihigo.

Imibare igaragaza ko iyi Ntara iri hejuru mu kugira abana benshi barwara impiswi kuko bari kuri 18% mu gihe ku rwego rw'igihugu ari 14%.

Mu karere ka Nyabihu abana barwaye impiswi ni 24% naho Ngororero ni 22%.

Ugereranyije n'ubushakashatsi bwakoze muri 2014 na 2015 mu Ntara y'iburengerazuba impiswi ziyongereyeho 3% mu gihe ku rwego rw'igihugu ziyongereho 2%.

Ubwiyongere bw'indwara zikomoka ku mwanda zirimo n'impiswi nibwo bwatumye ubuyobozi bw'Intara y'Iburengerazuba bufata umwanzuro wo gukaza ingamba z'isuku by'umwihariko hubakwa ubwiherero mu ngo zitabufite no muzifite ubutujuje ibisabwa.

Guverineri w'Intara y'Iburengarazuba Habitegeko François yavuze ko kubaka ubwiherero atari ikibazo cyananirana kuko icyo bisaba ari ubushake no gukorana neza n'abafatanyabikorwa.

Ati 'Twihaye rero ayo mezi abiri, kugira ngo iki kibazo gitera n'ibindi bibazo byinshi tugikemure kuko urugo rutagira ubwiherero ruteza ibibazo no mu zindi ngo zibufite. Umwanda murabizi ko atari amahitamo yacu, niyo mpamvu twavuze ngo iki cyo kirihutirwa cyane n'ubwo n'ibindi byihutirwa'.

Umuyobozi w'Akarere ka Ngororero, Nkusi Christophe yavuze ko bagiye gushyira imbaraga mu bukangurambaga no kwigisha abaturage kugira ngo babigiremo uruhare.

Ati 'Umuturage udafite ubwiherero ikiba gikenewe ni ubukangurambaga kugira ngo na we uruhare rwe rugaragare muri ya gahunda yo gukemura ibibazo bibangamiye imibereho y'abaturage harimo n'icyo kutagira ubwiherero bwujuje ibisabwa'.

Umuyobozi w'Akarere ka Nyamasheke yabwiye IGIHE ko abaturage bari babaruye ko badafite ubwiherero bose bamaze gufashwa kubwubaka.

Ati 'Twebwe mu karere ka Nyamasheke abaturage badafite ubwiherero twari twabaruye, yaba abafite ubutameze neza, ubwo bwiherero bwose bwararangiye ku bufatanye n'urubyiruko rw'akarere ka Nyamasheke'.

Imibare yo mu 2020 igaragaza ko mu Rwanda ingo 72% ari zo zifite ubwiherero bwujuje ibisabwa, 25% zifite ubwiherero butujuje ibisabwa mu gihe ingo 3% nta bwiherero zigira.

Umuvugizi wa Polisi mu Ntara y'Amajyepfo, Chief Inspector of Police (CIP) Emmanuel Habiyaremye yavuze ko uwo mugabo yafatiwe iwe mu rugo mu mudugudu wa Nyamure, akagari ka Sabusaro mu murenge wa Kansi, ari mu gikorwa cyo gutunda ibiti yari yatemye mu ishyamba rya Leta.

Yagize ati 'Ahagana saa yine n'igice za mu gitondo, twahawe amakuru n'abaturage ko hari umugabo winjiye mu ishyamba rya Leta, atemamo ibiti, akaba arimo no kubitunda abijyana iwe. Hateguwe igikorwa cyo kumufata, abapolisi bageze iwe mu rugo bamusangana ibiti bitanu yari amaze gutunda.'

Yiyemereye ko ari ibyo atema muri iryo shyamba rya Leta aho bimwe abigurisha n'abashaka kubaka ibindi akabyasamo inkwi zo gucana.

CIP Habiyaremye yashimiye abatanze amakuru yatumye afatwa, aburira abishora mu bikorwa byo gutema amashyamba ya Leta, bangiza ibidukikije ko ibikorwa byo kubafata bizakomeza bashyikirizwe ubutabera.

Yashyikirijwe urwego rw'Ubugenzacyaha (RIB) kuri sitasiyo ya Nyanza kugira ngo hakomeze iperereza.

Itegeko N°48/2018 ryo ku ya 13/08/2018, mu ngingo yaryo ya 44 ivuga ko hagamijwe kurengera ibinyabuzima, ibikorwa bikurikira birabujijwe: gutwika amashyamba, pariki z'Igihugu n'ibyanya; gutwika ibishanga, inzuri, ibihuru, ibyatsi hagamijwe ubuhinzi cyangwa gutunganya inzuri z'amatungo ndetse n'ibindi bikorwa ibyo aribyo byose byangiza ibidukikije birabujijwe.

Ingingo ya 59 y'iri tegeko ivuga ko umuntu wese utuma ibimera bikomye bipfa, ubisenya, ubisarura cyangwa ubyangiza, aba akoze icyaha.

Iyo abihamijwe n'urukiko, ahanishwa igifungo kitari munsi y'imyaka itatu (3) ariko kitarenze imyaka itanu (5) n'ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenze miliyoni eshatu (3.000.000FRW).

Ibi byagarutsweho kuri uyu wa Mbere tariki ya 13 Werurwe 2023 ubwo komite nyobozi y'Akarere ka Rwamagana yatangiraga ibiganiro n'abayobozi bahagarariye abaturage mu byiciro bitandukanye, hagamijwe kuganira ku mihigo no gufatira hamwe ingamba zo kuyesa.

Bimwe mu byagarutsweho cyane harimo serivisi mbi zikunze gutangwa hirya no hino zirimo n'ibyangombwa by'ubutaka n'ibyo kubaka bidapfa kubonekera igihe.

Muri Werurwe 2021 mu Mudugudu wa Kabeza mu Kagari ka Cyanya mu Murenge wa Kigabiro, hari umuturage witwa Manikuze Miriam wasenyewe inzu yari ari kubaka azira gukoresha ibyangombwa bihimbano.

Icyo gihe uyu muturage yabwiye IGIHE ko abo mu nzego z'ibanze bamwatse ruswa akayibima bigatuma nabo bamwihimuraho bakamusenyera, uretse gusenyerwa yari yiringiye ko afite ibyangombwa byuzuye nyamara uwamufashaga kubaka yaramuzaniye ibyangombwa bihimbano.

Umukuru w'Umudugudu wa Miyange uherereye mu Murenge wa Kigabiro, Izerimana Safina, yavuze ko abenshi baza kubaka bazana inyandiko baba basinyiwe n'ubuyobozi bw'Akarere kuburyo ngo utamenya niba ari ibihimbano cyangwa ari ukur, bikarangira rimwe na rimwe asenyewe n'abaturutse ku Karere bo baba banazi ukuri kwabyo.

Ati 'Urabona hari ubwo umuturage ajya kubaka inzu yabanje no kuguza amafaranga byanze bikunze rero biratubabaza iyo ubona umuntu bamusenyeye nta handi hantu ari bukure amafaranga kandi akanakomeza kwishyura ya nguzanyo.'

Nzisabira Richard uyobora Umudugudu wa Rurembo uherereye mu Kagari ka Cyanya, yavuze ko kuba abaturage batabonera ku gihe ibyangombwa byo kubaka biri mu bisubiza inyuma imitangire ya serivisi.

Ati ' Usanga hari abatanga ruswa ngo babone ibyangombwa byo kubaka nyamara ya mafaranga batanze yamufasha kubona icyangombwa cyemewe n'amategeko akubaka ntawe umusenyeye, ubu rero ndumva inzego zose twafatanya tukigisha abaturage bakaka ibyangombwa mu nzira zikwiye n'abo ku Karere bakabitangira igihe.'

Umuyobozi w'Akarere ka Rwamagana, Mbonyumuvunyi Radjab, yavuze ko gutanga serivisi zinoze aricyo kintu cy'ingenzi basaba abayobozi bo mu nzego z'ibanze, abasaba gukurikirana abatekera umutwe abaturage bakabaha ibyangombwa bihimbano byo kubaka bamwe bakanasenyerwa.

Ati ' Si ngombwa ko ushaka kubaka wese ajya aho batangira ibyangombwa ashobora kwifashisha ibiro by'Umurenge, twabasaba kugana inzego za Leta yaba ku Karere ku Murenge hose harafunguye kandi twiteguye kubakira, aho bitinda rwose bikamara nk'ukwezi bajye bamenya ko ababikenera ari benshi bihangane bategereze ibyangombwa.'

Akarere ka Rwamagana kavuga ko kuba kari mu turere tugaragiye Umujyi wa Kigali bituma kagira abantu benshi baka ibyangombwa byo kukubakamo bigatuma abatanga iyi serivisi bagira abantu benshi ku buryo batabitangira igihe.

Umuyobozi w'Akarere ka Rwamagana Mbonyumuvunyi Radjab yasabye abo mu nzego z'ibanze gufasha abaturage kwaka ibyangombwa byemewe byo kubaka

Abayobozi mu nzego zitandukanye batanze ibitekerezo byafasha aka Karere kwesa imihigo

Bagomba kuba bubakitse mu mitekerereze, babasha gushaka ibisubizo by'ibibazo bibugarije, guhahana amakuru n'abandi no gutegura ahazaza bashingiye ku biri kuba mu gihe bagezemo.

Iyi politiki yemejwe n'Inam y'Abaminisitiri yo muri Mata 2016 ni yo ikigenderwaho icyakora hari amakuru ko iri mu nzira zo kuvugururwa. Yagombaga gushyirwa mu bikorwa mu byiciro bine, mu 2019 ikaba yaragombaga kuba imaze gushorwamo miliyari 35 z'amafaranga y'u Rwanda.

Muri uwo mwaka ibigo by'amashuri byagombaga kuba bifite ibyuma by'ikoranabuhanga 'Smart Classrooms' ku kigero cya 100% nyuma y'aho byari bimaze kugaragara ko porogaramu ya mudasobwa imwe ku mwana igomba kuvugururwa.

Kuva mu 2008, Minisiteri y'Uburezi yatangiye gushyira mu bikorwa porogaramu ya mudasobwa imwe ku mwana (OLPC) mu mashuri abanza n'isomero rifite mudasobwa (Computer Lab) mu mashuri yisumbuye.

Mudasobwa zigera ku bihumbi 250 zatanzwe mu mashuri 764 ariko abanyeshuri bangana na 10% mu gihugu nibo bagezweho na zo.

Uretse kuba zarageze ku banyeshuri bake, iyi porogaramu yahuye n'ibibazo byinshi birimo ubushobozi buke bw'abarimu mu myigishirize y'ikoranabuhanga, kuba amashuri amwe yarazihawe atagira umuriro bigatuma zibikwa igihe kirekire, kuba mu bigo bimwe na bimwe zaribwe izindi zikabura gisanwa mu gihe zapfuye n'ibindi.

Kugeza mu 2016 abanyeshuri bangana na 5% nibo bari bamaze kugerwaho na Computer Lab mu cyiciro cy'ayisumbuye kandi na zo zigakoreshwa mu masomo yerekeranye n'ibya mudasobwa gusa.

Izi porogaramu zaje gusubirwamo zitwa 'One Digital Identity Per Child' ku biga mu mashuri abanza na 'Smart Classroom' ku bo mu mashuri yisumbuye, hagamijwe ko ibikoresho by'ikoranabuhanga bigera ku banyeshuri benshi mu buryo bungana mu mitegurire y'amasomo, imitangirwe yayo, isuzumabumenyi n'ubushakashatsi.

Smart Classroom yagejejwe henshi

Inkingi ya 64 ya gahunda y'igihugu y'imyaka irindwi igamije kwihutisha iterambere (NST1: 2017-2024) igena ko u Rwanda rugomba kongera imbaraga mu ikoreshwa ry'ikoranabuhanga mu myigire n'imyigishirize, binyuze mu kwagura 'Smart Classrooms' no gukwirakwiza mu mashuri ibindi bikoresho by'ikoranabuhanga.

Ibi kandi bigomba kujyana no gushyira mu bikorwa integanyanyigisho ishingiye ku bushobozi bw'umunyeshuri.

Smart Classoom ni icyumba cy'icyitegererezo mu ikoranabuhanga gifite ibikoresho bijyanye n'igihe bifasha mu myigire n'imyigishirize ya buri munsi bijyanye n'aho isi igeze.

Kigomba kuba kirimo mudasobwa zifite internet, ibikoresho birimo indangururamajwi byorohereza umwarimu kumvana n'abanyeshuri mu gihe cy'isomo, projecteurs, 'smart boards', ibikoresho by'intabaza (alarm system) n'ibindi.

Kugeza ubu hamaze kubakwa ibyumba nk'ibi bigera kuri 61 hirya no hino mu gihugu byashyizwemo mudasobwa 3120 zifite internet.

Urwunge rw’Amashuri rwa Cyahafi mu Karere ka Nyarugenge ni kimwe mu bigo byahawe Smart Classroom ivuguruye

Muri buri Karere hubatswe ibyumba nk'ibi bibiri, hiyongeraho indi imwe mu Karere ka Rusizi yashyizwe ku Kirwa cya Nkombo binyuze mu mushinga watewe inkunga na Koreya y'Epfo wo gushyigikira ikoranabuhanga mu burezi (Capacity Development for ICT in Education: CADIE).

Umuhuzabikorwa w'imishinga iterwa inkunga mu rwego rw'Igihugu rushinzwe iterambere ry'uburezi bw'ibanze (REB), Shyaka Emmanuel, yavuze ko ibi byumba bizaba icyitegererezo ku buryo n'ibindi leta izajya yubaka uko amikoro yayo azajya aboneka ari byo izajya ireberaho.

Smart Classrooms mu myigishirize

Nizeyimana Frank wiga mu mwaka wa gatatu kuri GS Cyahafi mu Karere ka Nyarugenge, yavuze ko Smart Classroom bahawe ibafasha mu myigire y'amasomo y'ikoranabuhanga ku buryo bamaze kwiyungura ubumenyi ku mikoreshereze ya mudasobwa.

Ati 'Iki cyumba kiradufasha cyane kuko akenshi usanga abanyeshuri baba badafite ubumenyi buhagije kuri mudasobwa ariko iyo tujemo mu masaha abiri y'isomo ryerekeye ibya mudasobwa hari ubumenyi twunguka ugasanga no mu myigire bimeze neza.'

Nubwo bimeze bityo Nizeyimana yavuze ko hakiri imbogamizi z'uko internet icika bikagorana mu gihe bakeneye gukora ubushakashatsi.

Umuhozawase Mediatrice, wigisha amasomo y'ikoranabuhanga, yavuze ko mu gihe bari batarabona imashini zo kwigishirizaho byagoranaga gushyira mu ngiro ibyo abanyeshuri biga.

Ati 'Ikoranabuhanga ni isomo rigomba gushyirwa mu ngiro, mu gihe tutari dufite imashini byatumaga abanyeshuri batabikora. Aho twaboneye iki cyumba mu 2020 amasomo barayakunze. Baraza tugashyira mu ngiro ibyo biga, bagakora imyitozo bakishima.'

Uyu mwarimukazi yavuze ko hamwe n'iki cyumba cy'ikoranabuhanga imyigishirize n'imyigire byorohejwe. Urugero ni uko ashobora gukora 'ishuri ryo kuri internet' agahurizaho abanyeshuri be ku buryo no mu gihe batari kumwe imbonankubone aho umunyeshuri aherereye ajya kuri internet agasoma ibyo mwarimu yashyizemo, bakazahurira mu myitozo.

Mwarimu kandi ashobora gushyiraho imyitozo abanyeshuri bakayikora bitabaye ngombwa ko bahura na we kuko ahita abibona akanabakosora.

Uretse mu gihe cy'amasomo y'ibya mudasobwa n'abarimu bigisha andi masomo bakenera 'Smart Classroom' nk'uko Umuhozawase yakomeje abivuga.

Ati 'Kubera ko twese dukenera iki cyumba, twashyizeho ingengabihe, buri mwarimu aba azi isaha n'umunsi azajyamo; gusa icyumba ni kimwe ntabwo gihagije ariko turagikoresha mu masomo yose kugira ngo umunyeshuri abone ko ashobora kwiga amasomo hafi ya yose hakoreshejwe ikoranabuhanga.'

Muri GS Cyahafi bafite mudasobwa 50 mu banyeshuri 811 mu mashuri yisumbuye na OLPC (mudasobwa nto) 163 ku banyeshuri 1331 mu mashuri abanza.

Muri Mutarama uyu mwaka, Umuyobozi Mukuru w'Ikigo cy'Igihugu Gishinzwe guteza imbere uburezi bw'Ibanze, Dr Mbarushimana Nelson, yavuze ko Leta ifite intego y'uko mu gihe gito kiri imbere abarimu bose bazaba bafite mudasobwa zabo bwite kandi ko ikoranabuhanga rigomba kwimakazwa ku kigero cyo hejuru mu mashuri yose mu byiciro byose.

Icyo gihe yari amaze kwakira mudasobwa 7000 zigenewe abarimu zatanzwe na Banki y'Isi.

Ati 'Ubu twishimira ko abarimu bo mu mashuri nderabarezi yose bafite mudasobwa zabo bwite kandi n'abandi bo mu yandi mashuri tuzabageraho ndetse twaratangiye nk'uko na bo babizi.”

Mu isomo rya mudasobwa buri munyeshuri aba afite mudasobwa ye