Category: Uncategorized

Uru rugendo yise 'KJJP3 (KJJ Private Press Party)' rwatangiye mu ijoro ryo kuri uyu wa Kane tariki 29 Werurwe 2023 mu musangiro wabereye kuri Onomo Hotel mu Kiyovu, aho witabiriye n'abanyamakuru bakorera ibitangazamakuru byandika, iby'amajwi n'amashusho.

Umuyobozi wa RG-Consult Inc, Remmy Lubega, yavuze ko iyi gahunda 'igamije gushimira by'umwihariko itangazamakuru no kubahuza n'abahanzi bazajya baririmba muri Kigali Jazz Juntion, mu rwego rwo kumenyana birushijeho, atari ukumubaza ibibazo binyuranye, ahubwo ari ukuganira bisanzwe musangira'.

Abanyamakuru basabanye n'umuhanzi w'umunya-Kenya Wyre, Dady Andre ndetse na Levixone bo muri Uganda bategerejwe mu gitaramo cya Kigali Jazz Junction, kuri uyu wa Gatanu tariki 31 Werurwe 2023 muri Camp Kigali bazahuriramo na Alyn Sano.

Hatanzwe kandi ibihembo bya Telephone [Hot12 ya Infinix] ku banyamakuru basubije neza ibibazo bijyanye na Kigali Jazz Junction, barimo Matata watangiranye n'ibi bitaramo na Uwiduhaye Theogene wa InyaRwanda.com.

Umuyobozi washinze Ikinyamakuru Kigalihits, Kalisa John [KJohn], yavuze ko ibitaramo bya Kigali Jazz Junction byashyize itafari ku muziki w'u Rwanda. 

Yibuka ko hagati ya 2006 na 2008, hari umugore wateguraga ibitaramo nk'ibi byazanaga abahanzi bo mu mahanga mu Rwanda, byafashije benshi kwizihirwa.

K John ati 'Ibitaramo bya Kigali Jazz Junction bituma abanyarwanda bakunda abahanzi, baba aba cyera, baba ab'iki gihe bakababona […] Ikintu njyewe nababwira Jazz Junction bagerageze, ubushize bari bazanye abahanzi bakunzwe cyane nka Kidum bazanamo na B2C (ubu) bazanyemo Alyn Sano, kuki ejo bundi noneho batazana uwo muri Amerika.'

Mu kiganiro cyihariye na InyaRwanda, Wyre wamamaye mu ndirimbo nka 'Sina Makosa' yavuze ko yishimiye kugaruka mu Rwanda, bitewe n'uko Kigali ari Umujyi wuje ubwuzu.

Ati 'Nkunda kugaruka mu Rwanda. Kubera ko nabaye hano imyaka micye ishize ndi kumwe n'umuvandimwe wanjye Naziz ndetse n'abandi mu bitaramo twahakoreye. Niba nibuka neza nahakoreye ibitaramo nka bibiri nk'umuhanzi wigenga, ariko nishimiye kuba nagarutse nje muri Kigali Jazz Junction.'

Uyu muhanzi yavuze ko yiteguye gutanga ibyishimo ku bakunzi be, binyuze mu ndirimbo ze yahereyeho mu rugendo rw'umuziki we ndetse n'izindi aherutse gushyira hanze. 

Ati 'Bizaba ari ibintu byiza, mwitegure rwose uburyo nzigaragaza muri iki gitaramo, imbaraga zirahari, kandi nditeguye.'

Abajijwe ibijyanye no kuba yaba ari gukorana indirimbo n'abahanzi bo mu Rwanda, Wyre yasubijeho ko ari uruhisho ku bafana be n'abakunzi b'umuziki. Ati 'Turi muri studio, ni 'Surprise' sinabivuga ariko nkubwije ukuri hari ibyo turi gutegura.'

Wyre asanzwe afitanye indirimbo ‘Nakutaka’ na Miss Shanel. Uyu munyamuziki, yavuze ko umuziki w'u Rwanda uri ku rwego rwiza, kuko muri iki gihe indirimbo z'abahanzi zisigaye zicurangwa mu bitangazamakuru byo muri Kenya.

Yavuze ko mu ndirimbo z'abahanzi zicurangwa cyane muri Kenya harimo iza Mugisha Benjamin wamamaye nka The Ben. 

Ati 'Umuziki w'u Rwanda ugeze ahantu heza, kandi wavuye kure. Indirimbo zanyu ziri gucurangwa cyane muri Kenya muri iki gihe, hari umuhanzi witwa The Ben indirimbo ze ziri gucurangwa cyane iwacu, kandi hari n'izindi zihuriyeho abahanzi zicurangwa, rero nishimira uburyo umuziki uhageze muri iki gihe.'

Wyre yavuze ko muri iki gihe umuziki w'u Rwanda uri kwiganza cyane ku isoko, ahanini biturutse ku kuba abahanzi barubakiye ku muziki w'injya zirimo Zouk na Kizomba.

Yemeza ko kuba abahanzi bashya bari kwigaragaza cyane ku isoko, bituruka ku mbaraga bari gushyira mu muziki wabo n'ibindi bikorwa by'ikoranabuhanga bibafasha.

Wyre yavuze ko atakemeza ko umuziki wa Kenya wasubiye inyuma, kubera ko buri njyana igira igihe cyayo, ugasanga umuziki wa Afrobeat uriganje cyane mu gihe kimwe, ikindi gihe ugasanga umuziki wa Bongo Flava wo muri Tanzania niwo ugezweho.

Matata Christophe watangije ikinyamakuru ‘Kigalifiesta’ yahawe impano ya Telephone ‘Infinix Hot 12’, ayishyikirizwa n’Umuyobozi wa RG Consult, Remmy Lubega uri iburyo bwe 

Uwiduhaye Theogene [Theos] wa InyaRwanda.com yahawe telephone nyuma yo gusubiza neza ikibazo kijyanye n’umuhanzi wa mbere waririmbye bwa mbere muri Kigali Jazz Junction ukomoka muri Nigeria    

Umunyamakuru wa Radio/Tv10 akaba n’umushyushyarugamba, Nkurunziza Gustave ari kumwe n’umuhanzi Wyre wo muri Kenya    

Kasirye Martin [Mc Tino] wa Kigalitoday aganira na Wyre uzaririmba muri Kigali Jazz Junction 

Umunyamakuru w’Ikigo cy’Igihugu cy’Itangazamakuru, Anitha Pendo na Wyre  

  

Umunyamakuru Mutsinzi Calvin [Uri iburyo] ari kumwe n’umuramyi Levixone wo muri Uganda 

Umunyamakuru Nsanzabera Jean Paul wa Ahupa na Levixone uzaririmba muri Kigali Jazz Junction 

Umunyamakuru akaba n’umushyushyarugamba Mc Nario aganira na Kazibwe wa The East African [Uri iburyo] 

Producer Pastor P wakoze indirimbo nyinshi z’abahanzi [Uri ibumoso] ari kumwe na Gary wo muri Plus 250 

Uhereye ibumoso: Kate Gustave, Anitha Pendo ndetse na MC Tino 

Kigali Jazz Junction yatangiye urugendo rwo gushimira ibitangazamakuru n’abanyamakuru 

Joy wa Radio O [Authentic Radio] ndetse n’umunyarwenya akaba n’umunyamakuru wa Kiss Fm, Rusine Patrick 

Dj Adams wa Fine Fm umaze igihe kinini mu itangazamakuru aganira na Wyre 

Ibumoso: Kalisa John washinze Kigalihits, yasabye abategura Kigali Jazz Juntion gutekereza no ku bahanzi bo muri Amerika 

Kubwimana Yvan wa Isango Radio/Tv ndetse na Mahoro Vainquer wa Igihe.com 

Abarimo Daddy Andre na Levixone basabanye n’abanyamakuru ndetse n’abagira uruhare mu gutegura Jazz Junction 

Umunyamakuru X Dealer ari kumwe na Wyre wo muri Kenya

Kanda hano urebe amafoto menshi ya Kigali Jazz Junction

AMAFOTO: Rwigema Freddy-INYARWANDA.COM

Mu buzima busanzwe hari abitwa ko bahaze amagara bitewe no gukora ibintu bisa n'ibiteye ubwoba imbere y'amaso ya bagenzi babo kandi bo bafashe umwanya wo kubitekerezaho neza.

Nubwo bimeze bityo ariko byagaragaye ko hari abantu bagira ubwoba ku buryo budasanzwe kandi babutewe n'ibintu bitangaje, ibyo abahanga bavuga ko ngo bishobora no kubagiraho ingaruka zikomeye mu buzima bwabo n'ubw'abantu bakunze kubana nabyo.

Ikinyamakuru Listverse cyatangaje ibintu 10 biza ku isonga mu bitera ubwoba abantu benshi muri iki gihe:

1. Gutinya gukorwaho (Haphephobia)

Umuntu yumvise ko habaho ubu burwayi ashobora kubifata nk'urwenya nyamara hari umubare bushobora kwibasira benshi barimo ab'igitsinagabo n'igitsinagore, abenshi usanga batinya gukorwaho n'abo bahuje igitsina cyangwa bose.

Mu buhamya bwatanzwe n'Umunyamerika w'imyaka 23 yavuze ko buri gihe ahita yiyumvamo ububabare iyo umuntu amukozeho. 

Uyu musore ngo mu buzima bwe ahora yibuka inshuro zose abantu bakoze ku mubiri we. Ubu burwayi budakunze korohera ababana na bwo ngo ntibinorohera inshuti zabo kwitwararika ngo birinde kubakoraho.

2. Gutinya akazi (Ergophobia)

Lorna Liebenberg yatangaje ko yamaze imyaka 17 akora mu buryo butamworoheye na gato; igihe cyose yatekerezaga ibyo gukora yumvaga ubwoba bwinshi. Uyu mubyeyi yahiriwe no kubona imirimo mishya ariko ubwoba bukarushaho kwiyongera umunsi ku wundi.

Nubwo yari afite abakoresha beza bagiye bamubera nk'ababyeyi yakomezaga kugira impungenge z'akazi ke ndetse akagira n'ikibazo cyo gukoresha umushahara.

3. Ubwoba bwo kubona ibintu by'inzaduka (Neophobia)

Neophobia ni ubwoba buterwa no kubona ikintu gishya, gishobora kuba ibintu bigezweho cyangwa kugera ahantu bwa mbere.

Iki cyiciro cy'abantu ngo baba bakunze no gutinya kugerageza kurya ku mafunguro mashya, kwambara imyenda mishya yewe ngo banatinya kuba bahindurirwa gahunda yabo y'umunsi bagahabwa indi nshya.

Abahanga bibaza impamvu abantu bagira ubu burwayi kandi kubona ibintu bishya no kujya ahantu hashya nta ngaruka mbi bigira ku buzima.

Ubushakashakatsi buvuga ko ngo guha abana ibyo kurya batari basanzwe barya bibagiraho ingaruka mbi kurusha uko byabagirira umumaro.

4. Kwinjira mu rukundo (Philophobia)

Philophobia ni uburwayi bukunze kwibasira abantu baba barigeze kujya mu rukundo ariko bakababarizwamo bigatuma bamera nk'abazinutswe.

Ibi kandi bishobora no kuba ku bana babitewe no kubona amakimbirane bahoraga babona hagati y'ababyeyi babo.

5. Gutinya koga (Ablutophobia)

Abantu bafite ubu burwayi usanga batinya koga, gufura no gukoropa. Ablutophobia ikunze kwibasira abana n'abagore.

Impamvu itera ubu burwayi akenshi ngo bikunze guterwa n'impanuka zikomoka ku mazi abantu baba barabonye bakiri bato cyangwa ngo bikanaterwa no kuba ababyeyi babo barakundaga kubaha igihano cyo koga mu gihe babaga bakoze amakosa.

Ubu burwayi bwigeze no guhitana Umwongereza witwa Thomas Townsend. Uyu yakoreshaga imibavu myinshi atinya amazi nyuma umwuka wayo warengeje urugero uza kumuviramo uburwayi bwamuhitanye kuko ngo yayiteraga ngo agire impumuro nziza hatagira utahura ko atoze.

6. Kudatunga telefone

Iterambere ry'ikoranabuhanga mu isi ya none rigira ingaruka za hato na hato ku buzima bw'abantu aho usanga kubaho udafite telefone ishobora kugufasha mu itumanaho wisanga watakaye. Impamvu nyamukuru ziri mu bitera (Nomophobia) harimo irungu no kwigunga, umutekano muke n'ibindi.

Inyigo yakorewe ku bantu 1000 mu Bwongereza yagaragaje ko 66% y'abakoreweho ubushakashatsi bafite ubu burwayi bwo kutamererwa neza igihe badafite telefone zabo hafi yabo.

Ubu burwayi ngo si umwihariko w'igihugu kimwe kuko hafi ku isi yose buharangwa. Ikindi kandi ngo iyi ndwara yibasira abakiri bato cyane kurusha abakuru.

7. Gutinya gufata umwanzuro (Decidophobia)

Ubu burwayi bukunze guterwa n'ubuzima umuntu aba yaraciyemo nko mu bwana bwe ugasanga yarigeze gufata icyemezo nyuma kikamugiraho ingaruka mbi.

Abarwaye akenshi uzasanga mu gihe cyo gufata umwanzuro bajya ku ruhande rwemejwe na benshi bituma bagenda nk'abatazi aho bagana. Decidophobia iyo itavuwe ishobora kugira ingaruka ku buzima bw'umuntu

8. Gutinya imirasire y'izuba (Heliophobia)

Abantu benshi bafite Heliophobia, indwara isa n'itangaje iterwa ahanini no kuba bizera ko imirasire y'izuba ishobora gutera indwara ya kanseri y'uruhu.

Uwitwa Lucy Jeffries w'imyaka 20 yasezeye ku kazi yakoraga ngo kuko kamusabaga kugakora ari hanze bigatuma igihe cyose ageze ku zuba akorana igihunga.

9. Gutinya gukora imibonano mpuzabitsina (Genophobia)

Abenshi bakunze kugaragaraho ubu burwayi ni abakunze kuba barigeze guhura n'ibibazo by'ihohoterwa bikabaviramo ihungabana buri gihe batekereje kuri icyo kintu.

Genophobia iterwa no kuba uwafashwe ku ngufu agendana ihungabana rikomeye cyangwa yaririnze gukora imibonano mpuzabitsina by'igihe kirekire.

10. Gutinya kuvugira mu ruhame (Glossophobia)

Ubu ni uburwayi butuma umuntu abura uko yifata mu gihe asabwe kuvugira mu ruhame bishobora no kumuviramo kwikubita hasi.

Glossophobia ikunze kwibasira abatari bake ndetse abayifite babura aho barigitira iyo basabwe guhagarara imbere y'abandi bituma babyirinda.

Georgina Rodriguez umukunzi wa Cristiano Ronaldo yavuze ko adashishikajwe n’ubukwe bwe n’uyu mukinnyi kuko imbere y’Imana bamaze kubukora.

Uyu munyamideli Georgina ari mu rukundo na Cristiano Ronaldo kuva muri 2016 ndetse babana nk’umugore n’umugabo ariko nta bukwe buzwi bigeze bakora.

Mu gice cy’ubuzima bwe yise ‘I Am Georgina’ gitambuka kuri Netflix, Georgina aheruka kuvuga ku mubano we na Ronaldo n’abibaza ku bukwe bwa bo.

Yavuze ko adateze kongera gukora ubukwe kuko imbere y’Imana bamaze gukora ubukwe.

Ati “mu by’ukuri sinshobora kongera gukora ubukwe. Njye na Cristiano Ronaldo twakoze ubukwe imbere y’Imana. Umunsi umwe ibirori bizaba.”

Kuva muri 2016 batangira gukundana, bamaze kubyarana abana 2, Alana Martina dos Santos Aveiro na Bella Esmeralda dos Santos Aveiro wari ufite impanga ye ariko yitabye Imana ikivuka.

Georgina yavuze ko nta bundi bukwe bateze gukora kuko mu maso y’Imana basezeranye

Kuri uyu wa Gatatu nibwo BNR yatangaje uko Politiki y'Ifaranga na Politiki igamije Ubutajegajega bw'Urwego rw'Imari zihagaze, muri ibi bihe birimo kurangwa n'izamuka riri hejuru ry'ibiciro ku masoko n'izindi mpungenge z'ubukungu.

Imibare ya Banki Nkuru y'u Rwanda igaragaza ko urwego rw'Ubwishingizi rwakomeje kwaguka, kuko umutungo mbumbe warwo wazamuseho 17 ku ijana ukagera kuri miliyari 824 Frw mu Ukuboza 2022, uvuye kuri miliyari 701 Frw mu Ukuboza 2021.

Urebye mu bwishingizi rusange, igice kinini kigizwe n'ubwishingizi bw'ibinyabiziga n'ubwishingizi bwo kwivuza, byiharira 63% by'imisanzu muri iki cyiciro na 27% by'imisanzu yose mu bwishingizi.

BNR yakomeje iti “Amafaranga asabwa kwishyurwa ubariye ku misanzu yatanzwe, yagabanyutse mu bigo byigenga ava kuri 67 ku ijana agera kuri 62 ku ijana, mu Ukuboza 2022. Ariko imibare yazamutse mu bwishingizi bw'ibinyabiziga. Ubwiyongere bwayo bushingiye ku kwiyongera kw'impanuka, n'izamurwa ry'ibiciro by'ibikoresho bisimbura ibindi byakoze.”

Iyi mibare yerekana ko ko kugeza mu Ukuboza 2022, abantu bishwe n'impanuka bari 729, ugereranyije na 655 bapfuye kugeza mu Ukuboza 2021 na 687 kugeza mu Ukuboza 2020.

Muri rusange, abakoresha umuhanda bakoze impanuka bari 6351 kugeza mu Ukuboza 2020; 14,591 kugeza mu Ukuboza 2021 na 17,179 kugeza mu Ukuboza 2022.

Aho hose ni ko hasabwaga amafaranga yo kwishyura ibyangijwe, ku buryo amafaranga yasabwe kubera ubwishingizi bw'ibinyabiziga yazamutse akava kuri miliyari 21,1 (63%) mu Ukuboza 2021, agera kuri miliyari 24,9 (67%) mu Ukuboza 2022.

Umubare w’abantu bagwa mu mpanuka na wo wakomeje kwiyongera

Guverineri wa Banki Nkuru y'Igihugu, John Rwangongwa, yagaragaje ko kuba impanuka zarakomeje kwiyongera, ari imbogamizi ku nyungu y'uru rwego.

Bishimangirwa na Guverineri wungirije wa BNR, Soraya Hakuziyaremye, wavuze ko impanuka za moto ziyongereye kurusha iz'imodoka.

Mu binyabiziga byakoze impanuka muri icyo gihe, moto zari 1683 kugeza mu Ukuboza 2020, 3693 kugeza mu Ukuboza 2021 na 4664 kugeza mu Ukuboza 2022.

Hakuziyaremye yavuze ko ibigo by'ubwishingizi birimo gufata ingamba zigamije guhangana n'ibi bihombo, birimo kureba neza uko ikiguzi cy'ubwishingizi gishyirwaho, n'amafaranga atangwa ku muntu wakoze impanuka.

Yagize ati “Icyo barimo gukora ni ukugenzura neza ibyago umuntu aba afite byo gukora impanuka barebye mu myaka yashize impanuka yagize, icyo bizafasha, ikindi kirimo gukorwa ni ukureba itegeko rireba kwishyura abantu bagize impanuka, ni amafaranga usanga arengereye.”

“Ibyo ni ibintu bikiri mu biganiro, twumva bizanafasha urwego rw'ubwishingizi kugira ngo ayo mafaranga batanga iyo habaye impanuka agabanuke, ntibakomeze kujya mu bihombo.”

Ku rundi ruhande, ngo usibye ibibazo biri mu bwishingizi bw'ibinyabiziga kubera amafaranga atangwa ku mpanuka ziyongereye, ubundi bwishingizi buhagaze neza.

Ati “Ibigo by'ubwishingizi bifite inyungu kandi bifite imari shigiro ihagije ku buryo bikomeza guhangana n'uko kwishyura abafashe ubwishingizi igihe bagize ibyago cyangwa bakoze impanuka.”

Ingano y’amafaranga yishyuwe mu byiciro bitandukanye by’ubwishingizi

Senateri Alexis Mugisha yatanze igitekerezo ko ibigo by'ubwishingizi bikwiye kureba uko byajya bishimira ba nyiri ibinyabiziga bikora impanuka nke, “binyuze mu kugabanya ikiguzi cy'ubwishingizi, ubundi bakagira icyo bongera ku kiguzi cy'ubwishingizi bw'abakora impanuka nyinshi.”

Umuyobozi w'Ihuriro ry'abishingizi mu Rwanda, Annie Nibishaka, yavuze ko barimo gutekereza ku buryo bwo gutanga umusanzu mu kugabanya impanuka z'ibinyabiziga, binyuze muri politiki igenga ubwishingizi, ba nyiri ibinyabiziga bitwara neza bakaba bashimirwa.

Ati “Ariko dufite imbogamizi, kuko iyo urebye twishingira ikinyabiziga ntabwo twishingira abantu, kandi izo modoka zihindagura abashoferi buri munsi. Ni ibintu turimo kurebaho, ariko nanone iyo urebye, muri Afurika y'Iburasirazuba nitwe twishingira ibyo ikinyabiziga gishobora kwangiza hatabayeho umupaka. Turimo kubikoraho nabyo, kuko biri mu byongera ingano y'ibihombo ugira mu bwishingizi bw'ibinyabiziga.”

Imibare igaragaza ko mu mpanuka zose zabaye mu myaka itatu ishize, zakomerekeyemo abantu 2704 kugeza mu Ukuboza 2020, abantu 5928 kugeza mu Ukuboza 2021 na 7918 kugeza mu Ukuboza 2022.

Impanuka zikomeje kwiyongera, bikongera n’ikiguzi kizitangwaho

Ni ikibazo bagaragaza nk'intandaro ya bimwe mu bibazo birimo ibikomeje gukoma mu nkokora ireme ry'uburezi ndetse no kuba bamwe mu bana bahitamo kuva mu mashuri.

Minisitiri w'Uburezi, Dr Uwamariya Valentine kuwa 28 Werurwe 2023, yari yitabye iyo komisiyo kugira ngo asobanure ingamba zihari mu gukemura ibibazo byagaragariye Abadepite mu ngendo bakoreye hirya no hino mu gihugu, mu mpera z'umwaka ushize.

Mu bibazo Abadepite bagaragaje birimo kuba hari ibitagenda mu micungire y'ibigo aho usanga hari abayobozi bagaragaraho imyitwarire idahwitse, ibintu bigira ingaruka ku mitangire y'uburere n'uburezi.

Depite Muhongayire Christine ati 'Iyo ugeze mu kigo kimwe ugasanga kiyobowe neza ukabona ikindi byegeranye bibaho mu buryo bumwe gifite imiyoborere itanoze, uhita ubona itandukaniro haba mu bana, imyigishirize ndetse n'imibereho y'icyo kigo.'

Depite Ahishakiye Médiatrice ati 'Wa mwana wize mu kigo kirimo byose, aho ibikoresho biri, aho laboratwari iri, na wa wundi wigiye aho ibyo byose bitari, bakora ikizamini kimwe.'

Minisitiri w'Uburezi, Dr Uwamariya Valentine yavuze ko ahari imiyoborere myiza mu mashuri usanga n'abanyeshuri batsinda neza.

Ati 'Habayeho kubanza gukora isesengura ry'ibibazo bigaragara muri rusange kuko ahari imiyoborere myiza bigenda neza gutsinda, abanyeshuri bagatsinda ku kigero cyo hejuru, kandi ugasanga ishuri rimeze neza ntabwo ari uko rifite byinshi kurusha ibindi ahubwo biterwa n'imicungire yaryo.'

Ikigo cy'Igihugu gishinzwe ibizamini n'ubugenzuzi mu mashuri (NESA) gikora ubugenzuzi ahari ikibazo mu miyoborere gitanga raporo ku buyobozi bw'Akarere kugira ngo abe ari bwo bufata icyemezo cyo guhana uwo mwarimu cyangwa umuyobozi w'ishuri.

Minisitiri Dr Uwamariya yavuze ko kuri ubu hagiye gushyirwaho sitati nshya igenga abarimu ku buryo izaba inateganya uburyo bwo guhana abakoze amakosa mu kazi.

Ati 'Kugira ngo rero umukozi azahanwe, usanga bifata igihe kirekire, bikajya muri bimwe by'amategeko, kwihanangirizwa […] ugasanga bizafata igihe kirekire kandi ari rya kosa wowe igihe wahageze wasanze ridakwiye kwihanganirwa, ku buryo umuyobozi yagombaga no guhagarikwa.'

Yakomeje agira ati 'Ari na byo dushaka gukosorera muri sitati y'abarimu y'uburyo umwarimu cyangwa umuyobozi wagaragayeho amakosa yajya ahanwa ariko hatabayeho no kumuhohotera ariko hakabaho uburyo bugaragara bwo kubahana no kumva inshingano bafite.'

Minisitiri Dr Uwamariya yagaragaje ko muri rusange kuba iyo sitati itaraboneka, bituma bigoye kugira ngo iyo miyoborere itanoze muri amwe mu mashuri ishyirweho iherezo.

Abadepite bagize komisiyo ifite uburezi mu nshingano bagiranye ibiganiro na Minisitiri w’Uburezi

Minisitiri w’Uburezi, Dr Uwamariya Valentine n’abo bafatanya kuyobora iyi minisiteri bagaragaje ingamba zo gukemura bimwe mu bibazo bigaragara mu burezi

Babitangaje kuri uyu wa 29 Weruwe 2023, mu gikorwa cyo gutaha ku mugaragaro umuyoboro Rugobagoba-Tongati-Kazibaziba ufite uburebure bwa kilometero 68.2, wahaye amazi abaturage bo mu mirenge ya Ruganda, Gashari na Murambi.

Muri gahunda ya guverinoma y'u Rwanda yo kwihutisha iterambere mu myaka irindwi biteganyijwe ko bitarenze umwaka utaha wa 2024, Abaturarwanda bose bazaba bafite amazi meza ku kigero cya 100%.

Mu batuye mu mijyi nta wuzaba akora urugendo rurenze metero 200 ajya gushaka amazi meza naho mu cyaro umuturage azaba abona amazi meza muri metero zitarenze 500.

Magingo aya mu Karere ka Karongi kwegereza amazi meza abaturage bigeze kuri 75% kuko hamaze kubakwa amavomo rusange 795 akora neza ku kigero cya 98%.

Abaturage bamaze kwegerezwa amazi meza, bavuga ko byagize uruhare mu kugabanya indwara zikomoka ku mwanda n'amafaranga bakoresha kugira ngo babone amazi meza.

Nsengiyumva Jean Nepo wo mu Murenge wa Gashali yabwiye IGIHE ko atarabona amazi meza hafi byamusabaga amafaranga 400Frw buri munsi kugira ngo abashe kuhira inka.

Ati 'Ijerekani twayiguraga amafaranga 100Frw kuko amazi twayaguraga n'abayakuye munsi y'umusozi ariko ubu turimo turayigura amafaranga 20Frw. Ndashimira Leta y'u Rwanda ikomeje kutugezaho iterambere'.

Eugene Dusingizumuremyi uhagarariye umuryango Water for People mu Rwanda, yavuze ko mu Karere ka Karongi hakenewe miliyari 40 z'amaafaranga y'u Rwanda kugira ngo abaturage bose b'aka Karere babone amazi meza.

Ati 'Aya mafaranga nabonekera igihe abaturage bose b'Akarere ka Karongi bazaba bafite amazi 100% bitarenze 2024'.

Muri karere hagaragara amavomo y'amazi yatashwe ku mugaragaro ariko akaba afunze bitewe n'uko habuze umuturage uvomera bagenzi be.

Umuyobozi w'Akarere ka Karongi wungirije ushinzwe ubukungu n'iterambere Niragire Theophile, yavuze ko mu rwego rwo gukemura iki kibazo bashyiraho komite zishinzwe imicungire y'aya amazi.

Ati 'Abatagerwaho n'amazi meza kugera mu kwezi kwa gatandatu, azabageraho umwaka utaha. Buri vomo rizaba rifite komite ishinzwe gucunga amazi kugira ngo nagira akabazo abe ari bo batabaza.'

Kwegereza amazi meza abaturage ba Karongi bigeze kuri 75%, biteganyijwe ko uyu mwaka w'ingengo y'imari uzasiga bigeze kuri 80%.

Umusifuzi w’umunya-Botswana, Joshua Bondo wasifuye umukino ubanza w’u Rwanda na Benin ashobora guhanwa mu gihe CAF yasanga muri raporo yatanze yaribeshye kwandika ikarita yahaye Muhire Kevin.

Ejo hashize tariki ya 29 Werurwe 2023, Amavubi yari yakiriye Benin mu mukino w’umunsi wa 4 w’itsinda L mu gushaka itike y’igikombe cy’Afurika aho amakipe yombi yanganyije 1-1.

Ubwo umukino wari urangiye, umutoza wa Benin, Gernot Rhor yavuze ko bamaze gutanga ikirego ko u Rwanda rwakinishije Muhire Kevin ufite amakarita abiri y’umuhondo.

Hari iyo yabonye ku mukino wa Senegal muri Kamena 2022, ndetse n’iyo yabonye ku mukino wa Benin ubanza tariki 22 Werurwe 2023. Gusa iyo urebye ku mashusho usanga koko Kevin Muhire yarabonye aya makarita.

Itegeko rya 42 mu mategeko agenga imikino y’Igikombe cya Afurika rigaruka ku bijyanye no guhagarikwa kw’abakinnyi kubera amakarita, rigena ko umukinnyi ubonye amakarita abiri asiba umukino, CAF ikabimenyesha amashyirahamwe bireba ariko na none kubimenya bikaba inshingano z’ishyirahamwe ku giti cyaryo.

Ese Amavubi ntabwo yari azi ko Kevin Muhire yabonye amakarita abiri y’umuhondo?

Team Manager w’ikipe y’igihugu Amavubi, Rutayisire Jackson nyuma y’uko ejo yumvise ibi birego bya Benin yabwiye abanyamakuru ko n’abo muri raporo bafite Kevin yari afie amakarita 2 ariko basanga binyuranye na raporo y’umusifuzi na komiseri bahaye CAF.

Raporo umusifuzi w’umukino yahaye CAF ndetse n’iya komiseri zose zikaba zihura, aho bagaragaza ko abakinnyi b’u Rwanda babonye amakarita muri uyu mukino ari Hakim Sahabo wahawe ikarita itukura nyuma yo kubona amakarita 2 y’umuhondo na Mugisha Gilbert wabonye ikarita y’umuhondo.

Ibi ni nabyo CAF yoherereje FERWAFA mbere y’umukino wa Benin wo kwishyura bagaragaza ko uretse Sahabo nta w’undi mukinnyi w’u Rwanda utemerewe gukina umukino wa Benin wabaye ejo hashize.

Umusifuzi wasifuye uyu mukino yishyize mu bibazo?

Mu gushaka kumenya uko byagenda biramutse bigaragaye ko uyu musifuzi atarashyize iyi karita muri raporo kandi yarayitanze koko, ISIMBI yagerageje kuvugana n’abasifuzi batandukanye.

Aba basifuzi bavuga ko mu gihe koko Joshua Bondo, umusifuzi wasifuye uyu mukino yaba yaratanze iyi karita ariko ntiyandikwe ngo abitange muri raporo byaba ari ikibazo kuko byagira ingaruka kuri uyu musifuzi kuko yabihanirwa.

Umwe yaize ati 'ntabwo nabonye uko byagenze kuko hari n’igihe umusifuzi azamura ikarita akayiha undi bakayandika ku mukinnyi utari we. Ariko bigaragaye mu mashusho ko yatanze ikarita ayihaye Muhire ariko ntayishyire muri raporo CAF yazamuhana, gusa hari igihe azamura ikarita mu kavuyo ntumenye uyihawe.'

Agaruka ku bihano bishobora guhabwa u Rwanda cyangwa niba rwabitambuka neza, yavuze ko yaba abeshye kuko bizasaba CAF kwicara bakareba icyo amategeko ateganya, gusa ngo niba atarayanditse yaba abifitiye ubusobanuro.

Joshua (uri mu kaziga) ashobora guhanwa aramutse ataranditse iyi karita muri raporo

Ibyabaye ku munsi w’ejo hashize ku wa Gatatu ubwo abakinnyi b’u Rwanda bayirwaniraga, byatumye benshi bibaza amahitamo ya mbere y’umutoza ku gutera penaliti.

Hari ku mukino wo gushaka itike y’igikombe cy’Afurika cya 2023 ubwo Amavubi yari yakiriye Benin kuri Kigali Pelé Stadium ejo hashize ku wa Gatatu tariki ya 29 Werurwe 2023.

Ubusanzwe mu ikipe iyo ari yo yose usanga harimo uba ari we mahitamo ya mbere y’umutoza mu gutera penaliti.

Mu Mavubi hagaragaye igisa no kuyirwanira ku munota wa 17 ubwo Amavubi yari ayibonye nyuma y’uko Cedric Yannick yari akoreye umupira mu rubuga rw’amahina.

Mugisha Gilbert ni we wageze ku mupira bwa mbere asa nubwira bagenzi be ko bamureka akayitera, nyuma haje na Muhire Kevin ndetse na Rafael York bahise bamugeraho bayishaka.

Byaje kurangira Rafael York ari we uyiteye ndetse n’umunyezamu ayikuramo.

Umutoza w’ikipe y’igihugu Amavubi, nyuma y’umukino yavuze ko ubusanzwe Muhire Kevin na Rafael York ari bo mahitamo ya mbere kuri penaliti.

Ati “ubwo twiteguraga umukino penaliti byari Muhire na York, ubwo twageruga imipira y’imiterekano twanzuye ko penaliti ari Muhire na York.”

Yavuze ko uyu musore atarimirwaho itaka kubera ko yayihushije kuko penaliti uwo ari we wese yayihusha.

Mugisha Gilbert ni we wageze ku mupira mbere ashaka gutera penaliti

Hahise haba inama bishakamo uyitera

York yarayiteye arayihusha

Ugiye kubara abakinnyi u Rwanda rwegereye bafite inkomoko mu Rwanda baba cyangwa bakina i Burayi ngo babe baza gukinira ikipe y’igihugu y’u Rwanda, ni benshi gusa abemeye ni mbarwa.

Ugiye gukora urutonde rw’abakinnyi bafite inkomoko mu Rwanda bakina i Burayi rwo ntiwaruvamo, ahanini biba bishingiye ku mateka y’igihugu cyacu.

Hari kandi abakinnyi benshi begerewe ngo baze gukinira ikipe y’igihugu babitera utwatsi hari n’abakirimo kwingingwa magaingo aya barimo Mike Tresor umaze igihe aseta ibirenge, George Lewis Igaba-Ishimwe Maniraguha wa Arsenal na Emeran Noam wa Manchester United akaba umuhungu wa Emeran Flitz Nkusi wakiniye Amavubi benshi bavuga ko byakabaye binoroshye kuko se yakiniye Amavubi, nyina akaba ari umunyarwandakazi ariko ntabwo birakunda ndetse bikavugwa ko hakiri n’inzira ndende.

Si aba gusa kuko hari n’abandi bagiye begerwa ariko ntibikunde ko baza gukinira u Rwanda.

Habimana Chrysostome wahoze akina umupira w’amaguru akaba na se wa Habimana Glen ukinira FC Victoria Rosport muri Luxembourg we wemeye gukinira Amavubi, yavuze ko impamvu ya byo ari uko abakinnyi benshi baba baravukiye hanze, nta byinshi bazi ku Rwanda rimwe na rimwe gusanga ababyeyi babo ntacyo babaganiriza ku gihugu cyabo, bikaba bisaba gukomeza kubaganiriza.

Ati “ni abana bavukiye iriya hirya, ntabwo aragera mu Rwanda, ntahazi wenda n’ababyeyi ntibamusobanurira ngo bamubwire ukuntu ibintu bimeze, ni umuntu ugomba kwicarana na we, ukamubwira na we ubwe akaza kwirebera yakumva abishimye akabikomeza, atabishima akagenda kuko ntabwo wahatira umuntu ikintu ariko waganiriye na we, wamweretse umushinga ufite akabona ashobora kuwujyamo ngo awugiremo uruhare, mbona nta cyamubuza kuza.”

Habimana Jean Chrysostome kandi yahishuye ko umutoza w’ikipe y’igihugu Amavubi, Carlos Alós Ferrer kuva umwaka ushize yamuhaye akazi ko kumushakira abana bakina i Burayi bafite inkomoko mu Rwanda akaba yabumvisha kuza gukinira Amavubi.

Habimana Jean Chrysostome avuga ko aba bakinnyi biba bisaba kubaganiriza bihoraho kubera ko nta byinshi baba bazi ku Rwanda