Category: Uncategorized

Nyuma y'imyaka ibiri afungiye mu Rwanda, Paul Rusesabagina yageze muri Leta zunze ubumwe za Amerika, nk'uko abategetsi baho n'umukobwa we babitangaje.

Carine Kanimba, umukobwa we wayoboye ibikorwa byo guhirimbanira ko arekurwa, yishimira kuhagera kwa se yatangaje kuri Twitter ati: 'Uyu munsi amaherezo umuryango wacu wongeye guhura'.

Jake Sullivan umujyanama mu by'umutekano muri White House we yanditse kuri Twitter ati: 'Twishimiye kuba agarutse ku butaka bwa Amerika.' Yongeyeho ati 'Rusesabagina yongeye guhura n'umuryango we n'inshuti ze bari bategereje cyane uyu munsi.'

Uyu muyobozi yashimiye abagize uruhare muri uku kurekurwa kwa Rusesabagina ku bufatanye na Guverinoma y'u Rwanda.

Ibiro ntaramakuru by'Abongereza, AP, byatangaje ko Rusesabagina indege yamuzanye imaze kumugeza i Houston yoherejwe mu bitaro bya gisirikare biri i San Antonio 'kuganira izindi nteguro'.

Rusesabagina yarekuwe nyuma y'ibiganiro hagati y'u Rwanda na Amerika bahujwe na Qatar, nyuma yo gufatwa mu 2020 agakatirwa gufungwa imyaka 25 ku byaha by'iterabwoba.

Mu ibaruwa yatangajwe na minisiteri y'ubutabera ku wa gatanu igaragazwa ko yasinywe na Rusesabagina asaba imbabazi Perezida Kagame ngo amurekure, yanditsemo ko yicuza 'ihuriro iryo ariryo ryose n'ibikorwa by'urugomo bya FLN' kandi ko narekurwa 'nzasiga inyuma yanjye ibya politike yo mu Rwanda'.

Uruhande rwe ntacyo ruravuga kuri iyo baruwa.

Mu 2005, Rusesabagina yahawe 'US Presidential Medal of Freedom' na Perezida George W Bush kubera ubutwari bwe bwo kurokora abantu muri Jenoside bukinwa muri film yamamaye ya Hollywood yiswe Hotel Rwanda. Ubwo butwari ntibuvugwaho rumwe mu Rwanda.

Source : https://umuryango.rw/amakuru/mu-rwanda/politiki/article/amerika-yemeje-amakuru-y-uko-rusesabagina-yageze-mu-muryango-we

Papa Francis afite indwara (infection) mu buhumekero izatuma amara iminsi mu bitaro i Roma, nk'uko byatangajwe na Vatican.

Uyu mugabo w'imyaka 86 yagize ibibazo byo guhumeka mu minsi ishize ariko nta Covid afite, nk'uko itangazo ribivuga.

Rivuga ko akeneye 'indi minsi micye yo kwitabwaho bikwiye mu bitaro'.

Ryongeraho ko 'Papa Francis yakozwe ku mutima n'ubutumwa bwinshi bwakiriwe kandi ashimira kumuba hafi no kumusabira'.

Abakozi be ba hafi, barimo abashinzwe umutekano, byitezwe ko baguma ku bitaro bya Gemelli Hospital, nk'uko umwe mu babizi neza yabibwiye BBC.

Ibi bibaye mu gihe iki ari cyo gihe cy'umwaka kirimo akazi kenshi kuri Papa Francis, aho hateganyijwe byinshi agomba gukora muri weekend ya Pasika.

Misa ya Mashami itegerejwe ku cyumweru, hakurikireho icyumweru gitagatifu n'ibirori bya Pasika.

Ateganya kandi gusura igihugu cya Hongrie mu mpera z'ukwezi gutaha kwa Mata.

Kuwa gatatu mu gitondo yakiriye anumva abantu, igikorwa akora buri rimwe mu cyumweru ku rubuga rwa Mutagatifu Petero.

Hano yabonetse nk'ufite intege, ariko nyuma aboneka ahina isura nk'urimo kubabara ubwo yariho afashwa kwinjira mu modoka ye.

Mbere Vatican yari yavuze ko yajyanywe kwa muganga gusuzumwa, ariko ibinyamakuru mu Butaliyani byashidikanyije ibi nyuma y'uko ikiganiro yari afite kuri televiziyo gihagaritswe ku munota wa nyuma.

Asubiza ku nkuru yo gushyirwa mu bitaro kwa Papa, Perezida Biden yasabye abantu 'isengesho riruseho' ku gukira kwa Papa.

Biden, perezida wa Amerika wa kabiri gusa w'umugatolika, yigeze kuvuga ko Papa Francis ari umwe mu bantu 'bajya gusa na Kristu' yahuye nabo.

Abantu bo mu mujyi w'iwabo i Buenos Aires muri Argentina, babwiye ibiro ntaramakuru Reuters ibitekerezo byabo kuri iyi nkuru.

Daniel Saco yavuze ko Papa 'agomba kwibaza ubwe niba agishoboye gukomeza'.

Victoria Veira ukomoka muri Brazil ati: 'Birababaje cyane kuko, nk'uwo muri Amerika y'Epfo, numva mpagarariwe na Papa, umuntu ufungutse cyane.'

Madamu Anibal Pizelle, wahuye na Papa ubwo yasuraga Buenos Aires, yavuze ko yizeye ko azakira kuko 'akomeye ku mubiri no mu mutwe' kandi ari 'umuntu w'ukwizera gukomeye'.

Hashize amezi Papa agendera mu igare ry'ab'intege nke kubera uburwayi bw'ivi.

Mu 2021 yabazwe amara, ariko muri Mutarama(1) uyu mwaka yavuze ko ubwo burwayi bwagarutse.

Nubwo afite intege nke, Papa yakomeje gukora ndetse no gusura amahanga. Muri Gashyantare(2) yasuye DR Congo na Sudani y'Epfo.

Muri Mutarama, yayoboye imihango yo gushyingura uwo yasimbuye Papa Benedict XVI — wabaye Papa wa mbere weguye nyuma y'ibinyejana byinshi. Yavuze ko yeguye kubera amagara ye yari ameze nabi.

Papa Francis yigeze kuvuga ko nawe ashobora kuatera intambwe nk'iya Benedict mu gihe amagara ye yarushaho kumera nabi.

BBC

Source : https://umuryango.rw/ubuzima-115/iyobokamana/article/papa-francis-ari-mu-bitaro-kubera-indwara-y-ubuhumekero

Ikipe ya Benin yatangaje ko yareze u Rwanda nyuma y'umukino wo ku wa Gatatu,tariki 29 Werurwe 2023,ibi bihugu byombi byanganyijemo igitego 1-1 mu gushaka itike yo kwerekeza mu gikombe cy'Afurika kizabera muri Cote d'Ivoire umwaka utaha.

Umutoza wa Bénin, Gernot Rohr, yabwiye abanyamakuru ko Ikipe ye yamaze gutanga ikirego muri CAF kubera Muhire Kevin wakinnye afite amakarita abiri y'umuhondo bitemewe.

Yagize ati “Reka ndebe kuko mfite [hano impapuro], hari nimero 11, Kevin Muhire wabonye ikarita y'umuhondo mu mukino ubanza ku munota wa 68, uwo mukinnyi kandi yayibonye ku munota 74 bakina na Sénégal.'

'Ni ukuvuga ngo CAF yaratuvanze cyane mbere y'uyu mukino, itujyana hirya no hino, ariko twabonye ko uyu mukinnyi wari ufite amakarita abiri y'umuhondo atigeze ahagarikwa.'

'Twamweretse Komiseri w'umukino, ndatekereza ko ubutabera bwa siporo bugena ko ahanwa. Muzi ibihano.'

Ku ruhande rw'Ikipe y'Igihugu Amavubi bavuga ko mbere yo guhura na Bénin mu mukino wo kwishyura i Kigali,CAF yabamenyesheje ko nta mukinnyi w'u Rwanda n'umwe ufite ikibazo uretse Hakim Sahabo wari wabonye ikarita itukura.

Team Manager w'Ikipe y'Igihugu, Rutayisire Jackson, yabwiye IGIHE ko ikarita ivugwa kuri Muhire Kevin yaherewe i Cotonou itamwanditseho.

Yagize ati “Natwe twabyibajijeho ariko nyuma twaje gusanga Muhire Kevin n'ubwo yahawe ikarita y'umuhondo hamwe na Mugisha Gilbert, Muhire we ntiyamwanditsweho ahubwo yanditswe kuri Mugisha gusa.''

“Yaba raporo y'umusifuzi n'iya Komiseri w'umukino zombi zirahura. Birashoboka ko nyuma basanze baribeshye ku ikarita bahaye Muhire Kevin bakayimuhanaguraho. Ibyo ni nabyo CAF yatwoherereje tariki 25 Werurwe iminsi ibiri mbere y'umukino batwereka ko nta mukinnyi wacu n'umwe ufite umuziro watuma adakina.''

Ukuri guhari n'uko Muhire Kevin yabonye amakarita abiri y'umuhondo koko ariko raporo komiseri yatanze nyuma y'umukino ubanza wa Benin, yerekana ko uwo bayanditseho ari Mugisha Gilbert.

Mbere y'umukino wo kuri uyu wa Gatatu, CAF ntabwo yigeze imenyesha FERWAFA ko Muhire atemerewe gukina kandi ubusanzwe igomba kubikora.

Haracyategerejwe igisubizo cya CAF kuri iki kibazo.

Mu itsinda L,U Rwanda ruri ku mwanya wa gatatu n'amanota atatu rukurikiye Sénégal ya mbere n'amanota 12 yanamaze kubona itike y'Igikombe cya Afurika na Mozambique ya kabiri n'amanota ane mu gihe Bénin yagumye ku mwanya wa nyuma n'amanota abiri.

Source : https://umuryango.rw/imyidagaduro/imikino/article/habonetse-umucyo-ku-ikarita-ebyiri-z-umuhondo-zivugwa-kuri-muhire-kevin

Nyuma y'aho icyihebe Paul Rusesabagina kirekuriwe ku mbabazi za Perezida wa Repubulika, hari abantu biganjemo ibigarasha n'abajenosideri bikomanga ku gatuza ngo baratsinze, ngo kuko u Rwanda rwamurekuye kubera 'igitutu' cya Leta zunze Ubumwe z'Amarika.

Aha umuntu yakwibaza niba aribo batsinze koko , cyangwa niba ahubwo haratsinze dipolomasi n'inyungu rusange z'Abanyarwanda.Icyo izo nkorabusa zirengagiza, ni uko uRwanda rwekanye ko inzego zarwo z'umutekano zishobora gushyikiriza ubutabera bwarwo icyihebe, n'iyo cyaba kiri mu mahanga, nta gihugu cy'igihangange kibigizemo uruhare, aho kucyica kidahawe ubutabera, nk'uko Amerika yagiye kwicira Bin Laden n'umuryango we muri Pakistan, itanabahaye amahirwe yo kuburana ibyaha bashinjwa, ngo babibahanirwe bimaze kubahama.

Udashaka kumva ubu butumwa, ni ingumba y'amatwi.

Rusesabagina yaraburanye, ahamwa n'ibyaha by'iterabwoba yakoze anyuze mu mutwe we wa FLN, ndetse akatirwa igifungo cy'imyaka 25. Kuva yagera mu Rwanda, Amerika n'abandi bamushyigikiye ntibahwemye gusakuza ngo narekurwe, nyamara ntibyamubujije gufungwa imyaka isaga 2. Abonye ko kwiringira igitutu ntacyo bizamufasha, Rusesabagina yahisemo gutakambira Perezida wa Repubulika, nk'uko bigaragara mu baruwa ye yo kuwa 14 Ukwakira 2022, irimo kwicuza gukomeye no kwiyemeza kutongera kwijandika mu bikorwa by'iterabwoba.

Ibi bitandukanye n'ibyo bamwe mu bategetsi b' Amarika, za Human Rights Watch, n'abo kwa Rusesabagina barimanyangamo, bavuga ko afungiye ubusa.Icyerekana ko uRwanda rudafata ibyemezo kubera kotswa gitutu, ni uko rutemeye guhita rurekura Rusesabagina nk'uko ibikomerezwa nk'Umunyamabanga wa Leta Zunze Ubumwe z'Amerika, Antony Blinken, byabyifuzaga, ndetse Bwana Blinken bikanamuzana i Kigali yibwira ko atahana na Rusesabagina.

Byasabye ko Qatar, igihugu gifitanye ubucuti bwihariye n'uRwanda, kigira uruhare mu gusabira Rusesabagina imbabazi. Aha ni dipolomasi yatsinze ndetse n'inyungu uRwanda rufite mu mubano mwiza na Qatar.Si ubwa mbere uRwanda rufashe icyemezo cyo kubabarira abanyabyaha ruharwa, hagamijwe inyungu rusange z'Abanyarwanda. Na nyuma ya Jenoside yakorewe Abatutsi hafashwe icyemezo cyo gufungura abajenosideri benshi, hagamijwe ubwiyunge bw'Abanyarwanda.

Hari abatarishimiye uyu mwanzuro, nyamara uyu munsi babona ko wari ingirakamaro mu kubaka uRwanda ruzima.Bidateye kabiri Perezida wa Repubulika yongeye gufata icyemezo kiremereye cyo kubabarira umugome Ingabire Victoire Umuhoza, nyamara wari warakatiwe n'inkiko kubera ibyaha birimo guhakana no gupfobya Jenoside yakorewe Abatutsi, ndetse no gukorana n'imitwe y'abagizi ba nabi, irimo n'uw'abajenosideri wa FDLR.

Harya icyo gihe ninde wari washyize igitugu ku Rwanda?Uko ibihugu bigenda byibohora, bimaze kugaragara ko 'igitutu' kitagikora cyane ku bihugu nk'uRwanda, byiha agaciro kandi bikomeye ku busugire bwabyo. Umwaka ushize Amerika yagerageje kufunguza ku mbaraga umuturage wayo Wittney Griner(umukinnyi wa basketball ukomeye cyane, unakinira ikipe y'igihugu y'Amerika) wari ufungiye mu Burusiya akurikiranyweho gukoresha ibiyobyabwenge, ariko biba iby'ubusa.

Nyuma y'imishyikirano ikomeye ndetse yanagizwemo uruhare n'ibihugu bya Arabia Saudite na Leta Zunze Ubumwe z'Abarabu, Amerika yemeye kubanza kurekura Umurusiya Viktor Bout waregwaga gucuruza intwaro zishe abantu batabarika hirya no hino ku isi, maze mu mpera z'umwaka ushize Uburusiya nabwo burekura Wittney Griner we utarunakurikiranyweho ibyaha biremereye nk'ibya Viktor Bout.

Guhererekana imfungwa zombi byabereye mu mujyi wa Abu Dhabi muri Leta Zunze Ubumwe z'Abarabu.Irekurwa rya Viktor Bout wamamaye ku izina ry' 'umucuruzi w'urupfu' ryateje induru muri Amerika, abaturage bashinja Perezida Joe Biden imbaraga nkeya mu guhana abanyabyaha. Perezida Biden we yireguye avuga ko yubaha ibyemezo binyuze muri dipolomasi kandi birengera inyungu rusange z'Abanyamerika. Iyo nzira ya diplomosi ni nayo ubutegetsi bwa Biden burimo gukoresha ngo undi Munyamerika, Paul Whelan ugifungiye mu Burusiya nawe arekurwe, ariko hari ikiguzi kizasabwa byanze bikunze, aho kurambiriza ku gitutu nk'uko bijya bikorwa ku bihugu by'inkomamashyi.Bigarasha rero namwe bajenosideri, nimwige kujyana n'isi ya none. Ubu harakora cyane dipolomasi, si igitutu cyangwa induru nka zimwe mwirirwamo.

Bagenzi banyu bari muri gereza mu Rwanda, nimubagire inama yo kwemera ibyaha no gusaba imbabazi, naho kwiringira ko bazarekurwa kubera 'igitutu' byo ni ukwibeshya cyane.

The post Abantu nibareke kwitiranya igitutu na dipolomasi mu irekurwa rya Paul Rusesabagina appeared first on RUSHYASHYA.

Source : https://rushyashya.net/abantu-nibareke-kwitiranya-igitutu-na-dipolomasi-mu-irekurwa-rya-paul-rusesabagina/?utm_source=rss&utm_medium=rss&utm_campaign=abantu-nibareke-kwitiranya-igitutu-na-dipolomasi-mu-irekurwa-rya-paul-rusesabagina

Guverineri w'intara ya Kisumu Prof. Anyang Nyong'o, yatangaje ko imyigaragambyo yamagana ubutegetsi bwa William Ruto yateguwe na Raila Odinga yabaye ayihagaritse mu ntara ategeka, avuga ko abaturage be bazajya bajya kwigaragambiriza mu mujyi wa Nairobi.

Kuri uyu wa mbere tariki 27 Werurwe 2023, guverineri Anyang Nyong'o  yashoboye kumvisha abaturage be ko bagomba kwigaragambya mu mahoro, ariko bakirinda kugira ibikorwa bangiza nk'uko ahandi byagendaga.

Ikinyamakuru The Standards cyanditse ko nubwo iyi myigaragambyo ihagaze muri Kisumu, bitavuze ko abanya Kisumu batandukanye n'ibitekerezo by'ihuriro Azimio la Umoja One Kenya rya Raila Odinga.

Raila aherutse kuvuga ko kuwa mbere no kuwa kane abaturage bazajya bigaragambya, ariko ashinja Perezida Ruto kubangamira imigendekere myiza y'iki gikorwa, amushinja gukoresha abacanshuro ngo bangize bizajye ku mutwe wa Odinga.

Ku rundI ruhande senateri w'umujyi wa Nairobi, Edwin Sifuna, yatangaje ko batazongera kumenyesha polisi ko bazigaragambya kuko basanze babivuga, igahindukira ikabahukamo ikabahohotera.

Ubu gahunda ngo ni ukubyuka bajya mu muhanda kuri uyu wa Kane, polisi yaza bagahangana igihe itakubaha amahitamo y'abaturage.

Uyu musenateri usanzwe ari umunyamabanga w'ishyaka ODM rya Raila Odinga, yavuze ko guhera umwaka utaha nta munsi wo kwigaragambya uzabaho, igihe cyose bazajya bajya mu mihanda kandi nta kumenyesha polisi.

Uyu musenateri avuga ko bamenye ko polisi ya Kenya ubu iri guha intwaro abantu ba leta ngo bajye bajya mu myigaragambyo, bagirire nabi abanyapolitiki badashyigikiye Perezida Ruto.

Abasenateri benshi bashyigikiye Perezida William Ruto, bavuga ko uwo yasimbuye Uhuru Kenyatta, ariwe uri inyuma y'iyi myigaragambyo ngo Ruto azabure uko akorera igihugu abaturage birirwa bigaragambya.

The post <strong>Kenya: Guverineri wa Kisumu yategetse ko imyigaragambyo ihagarara</strong> appeared first on FLASH RADIO&TV.

Source : https://flash.rw/2023/03/30/kenya-guverineri-wa-kisumu-yategetse-ko-imyigaragambyo-ihagarara/?utm_source=rss&utm_medium=rss&utm_campaign=kenya-guverineri-wa-kisumu-yategetse-ko-imyigaragambyo-ihagarara

Paul Rusesabagina yageze muri Leta Zunze ubumwe za Amerika nk'uko umuryango ww wabitanage.

Mu butumwa umukobwa we Carine Kanimba yanyujije kuri Twitter, yavuze ko yishimiye ko umuryango we wongeye guhura.

Ati 'Papa yageze i San Antonio muri Texas. Ndashimira buri wese wakoze cyane kugira ngo agaruke mu rugo. Umuryango wacu wongeye guhura uyu munsi.'

Rusesabagina w'imyaka 68, yavuye muri Qatar kuwa gatatu mu gitondo n'indege ya Amerika agera i Houston muri Texas kuwa gatatu nimugoroba ku masaha yaho.

Rusesabagina hamwe n'abandi bantu 20 bareganwaga hamwe, bahawe imbabazi n'Umukuru w'Igihugu nyuma yo kwandika bazisaba.

Ku wa Gatanu nibwo Paul Rusesabagina yavanywe muri Gereza ya Nyarugenge hubahirizwa umwanzuro w'imbabazi yahawe n'Umukuru w'Igihugu.

Yahise ajyanwa mu rugo rwa Ambasaderi wa Qatar, ahamara impera z'icyumweru zose, ku wa Mbere mu gitondo yerekeza i Doha muri Qatar nk'uko byari byemeranyijweho n'impande zagize uruhare mu ifungurwa rye.

Aha ni ho yagombaga kuva yerekeza muri Amerika nk'uko byakozwe kuri uyu wa Gatatu tariki 29 Werurwe 2023.

The post Rusesabagina yageze muri Amerika appeared first on FLASH RADIO&TV.

Source : https://flash.rw/2023/03/30/rusesabagina-yageze-muri-amerika/?utm_source=rss&utm_medium=rss&utm_campaign=rusesabagina-yageze-muri-amerika

Top 5 best cloud-based phone systems for small and medium-sized […]

The post Best Cloud-based phone systems 2023 appeared first on UGWIRE.

Source : https://ugwire.com/cloud-based-phone-systems/

Akarere ka Karongi kizihije umunsi wahariwe amazi (Water Day )kuri uyu wa 29 Werurwe 2023,gafatanyije n'abafatanyabikorwa bako barimo WASAC, Water for People na World Vision.

Uyu munsi wizihijwe hatahwa imiyoboro ibiri y'amazi n'ikigo cy'isuku n'isukura ( District Sanitation Center) kizafasha Abaturage kugira ubwiherero bwujuje ibisabwa.

imiyoboro yatashywe ni iya Rugobagoba-Tongati-Kazibaziba ufite uburebure bwa kilometero 68.2 uha amazi abaturage n'abafatanyabikorwa b'akarere bagera ku 22,000 bo mu Mirenge ya Ruganda , Gashali na Murambi.

Undi n'umuyoboro wa Mukura Rubengera uha amazi abaturage 26,000 bo mu Murenge wa Rubengera ufite uburebure bwa kilometero 47.2km

Abaturage bo mu murenge wa Ruganda baganiriye na Umuryango.rw bavuze imyato ubuyobozi butabatereranye bukabaha amazi Meza .

Mukantabana vVestine yagize ati ,”Maze imyaka 50 nywa amazi mabi tuvoma epfo ni nko mu birometero 5 urumva kuba amazi atwegereye ni byiza tuzanywa amazi meza ndetse n'abana ntibazongera gukererwa ishuli.Mbere byagoranaga ndabona ari nko kubonekerwa .”

Naho Ntakirutimana Innocent we yavuze ko bishimiye amazi bagejejweho.Ati, “mvugishije ukuri mbere numvaga ko batubeshya ntayo bazaduha ariko ndishimye burya Leta yacu itwitayeho.”

Mukarutesi Vestine,Umuyobozi w'akarere ka Karongi aganira na Umuryango.rw yavuze ko amazi ari isoko y'ubuzima ariyo mpamvu bifuza ko buri muturage yagira amazi meza.

Ati “Uyu muyoboro twatashye uzatuma abaturage bagira ubuzima bwiza.Iyo unyoye amazi meza bikurinda indwara zituruka ku mwanda, ikindi n'igwingira rizacika kuko abantu bazaba banywa amazi asukuye bityo bibarinde inzoka.Turasaba abaturage kubungabunga ibi bikorwa remezo bahawe ntibabyangize .”

Ibi bikorwa byakozwe ku bufatanye bw'Akarere ka Karongi n'abafatanyabikorwa bako barimo WASAC, World Vision, Water for People,byatwaye amafaranga y'u Rwanda asaga miliyari imwe na miliyoni 614 (Frw 1,614,956,327).

Ku bufatanye bw'akarere n'abafatanyabikorwa, Akarere ka Karongi kihaye intego ko ingo 100% zizaba zifite amazi meza mu mwaka wa 2024.

Nubwo hari uyu muhigo w'uko muri 2024 Ingo 100% zizaba zifite amazi meza, haracyari abaturage banywa amazi y'ikivu nay'imigezi bakaba bagaragaza ko ari imbogamizi ndetse binateye inkeke ku buzima bwabo.

Hari abagaragaza kandi ko aba bafatanyabikorwa babaha amazi Wasac ikaza ikayafunga batazi impamvu.

Sylvain Ngoboka
Umuryango.rw

Source : https://umuryango.rw/amakuru/mu-rwanda/ubukungu/article/karongi-ingo-zose-zizaba-zifite-amazi-meza-muri-2024

Have you been looking out for the list of the […]

The post Top 10 eCommerce companies in India 2023 appeared first on UGWIRE.

Source : https://ugwire.com/top-10-ecommerce-companies-india/

Ni gahunda yatangijwe ku wa Gatatu, tariki ya 29 Werurwe 2023, ubwo habaga Inama Mpuzabikorwa y'Akarere ka Ngoma. Yari ifite insanganyamatsiko igira iti 'Kwiyemeza bijyanye n'ibikorwa, imibare, ibipimo, imihigo, ingamba, igihe n'ingaruka.'

“Bwije nkoze iki?” izafasha abayobozi bose kujya bisuzuma bakareba icyo bakoze buri munsi yaba mu gukemura ibibazo by'abaturage, kugira icyo bakora ku mihigo n'ibindi bibazo bitandukanye bigaragara aho bayobora.

Umuyobozi w'Akarere ka Ngoma, Niyonagira Nathalie, yavuze ko iyi gahunda bayitezeho byinshi mu kongera uburyo bwo gukemura ibibazo by'abaturage no kwesa imihigo ku bayobozi bamwe na bamwe byajyaga bigaragara ko bakiri inyuma.

Yakomeje avuga ko buri muturage iyi gahunda imureba kuko azajya abyuka yirirwe akora ariko nibigera ku mugoroba yiherere arebe nibura icyo umunsi bwije umusigiye.

Niyonagira yavuze ko na buri muyobozi ari uko azajya agera ku mugoroba akayikoresha akareba icyo bwije akoreye umuturage cyangwa icyo yakoze ku mihigo.

Ati 'Bizatuma nta muyobozi ugira ubunebwe kuko uzajya wicara niwisuzuma uvuge uti 'Bwije nkoze iki?'. Ni iki nagezeho umunsi wose? Ubu dusanzwe dufite uburyo tugenzura abayobozi twifashishije raporo batanga mu kurangiza imanza, gukurikirana ibibazo by'abaturage, Ejo Heza, mituweli n'ahandi henshi. Aho hose tuzahagenzura umunsi ku munsi, ikindi tuzajya tunifashisha ikoranabuhanga mu kureba icyo bwije bakoze.'

Yavuze ko bifashishije iyi gahunda nibura buri munsi umuyobozi azajya atanga raporo y'ibyo yakoze n'ibyo azakora kugeza atanze serivisi nziza ku baturage.

Bamwe mu banyamabanga nshingwabikorwa b'utugari bitabiriye iyi nama bavuze ko iyi gahunda izabafasha kwesa imihigo no gukurikirana ibibazo by'abaturage umunsi ku munsi.

Ndagijimana Jean d'Amour uyobora Akagari ka Nyinya mu Murenge wa Rukira yavuze ko iyi gahunda bayitezeho kubafasha kongera imikorere mu kazi kabo.

Yavuze ko nibura ngo yitezweho guhwitura buri muyobozi akamenya gukorera ku mibare n'ibipimo mu kwita ku baturage ayoboye no gukurikirana imihigo buri munsi.

Nyiransengimana Hervanie uyobora Akagari ka Munege mu Murenge wa Gashanda we yavuze ko Gahunda ya “Bwije nkoze iki?” bayitezeho kubafasha gukemura ibibazo by'abaturage batajenjetse.

Depite Nyirahirwa Veneranda, witabiriye iyi nama, yasabye abayobozi kurushaho kwegera abaturage bakabakemurira ibibazo bagendeye ku bipimo n'imihigo ngo kuko ari byo byabafasha kureba neza ibibazo bihari.

Muri iyi nama abanyamabanga nshingwabikorwa b'utugari 38 muri 64 bahawe moto nshya zizabafasha mu kurushaho kwegera abaturage no kubakemurira ibibazo mu buryo bwihuse. Abandi basigaye na bo bazazihabwa nyuma yo kuzuza ibisabwa.

Izi moto bahawe zanajyanye no kubongerera ibihumbi 50 Frw ku mushahara wabo nk'uko byemejwe n'Inama Njyanama y'Akarere ka Ngoma kugira ngo abafashe kuzishyura no kubona lisansi mu buryo bworoshye.

Umuyobozi w'Akarere ka Ngoma, Niyonagira Nathalie, yavuze ko Bwije nkoze iki? ari gahunda yitezweho gukemura ibibazo by'abaturage

Inama Mpuzabikorwa y'Akarere ka Ngoma yize ku 'Kwiyemeza bijyanye n'ibikorwa, imibare, ibipimo, imihigo, ingamba, igihe n'ingaruka'

Depite Nyirahirwa Veneranda yasabye abayobozi kwegera abaturage bakabakemurira ibibazo bafite

Iyi nama yitabiriwe n’abayobozi batandukanye ku rwego rw’ibanze mu Karere ka Ngoma

Ba gitifu bashimye ko bahawe moto zizabafasha mu ngendo zabo

Abanyamabanga nshingwabikorwa b'utugari 38 muri 64 bahawe moto mu gihe abandi bakiri gutekerezwaho

---

Source : http://igihe.com/amakuru/u-rwanda/article/bwije-nkoze-iki-uburyo-bushya-bwo-gukemura-ibibazo-by-abaturage-b-i-ngoma