Category: Uncategorized

Ubuyobozi bw'Akarere ka Ngoma bwagaragaje ko mu bana 38,954 babarurwa muri aka Karere bagejeje igihe cyo kwiga muri ECD abagera ku 37.456 bangana na 96% biga mu bigo mbonezamikurire.

Aba bana uko ari ibihumbi 37 biga mu bigo mboneramikurire 1083 biri mu Karere ka Ngoma, harimo ECD z'icyitegererezo icyenda, ECD zikorera mu ngo z'abaturage 946, ECD zashyizweho ku bufatanye n'abaturage (Community based ECD) 52 n'izindi 76 zishamikiye ku bigo by'amashuri.

Umuyobozi w'Akarere ka Ngoma, Niyonagira Nathalie, yavuze ko bishimira uburyo ingo mbonezamikurire zigira uruhare mu gukangura ubwenge bw'abana ndetse zikanatuma ababyeyi babona umwanya wo gukora indi mirimo.

Ati 'Twishimira uruhare rw'ingo mbonezamikurire mu gufasha abana bacu mu gukura mu bwenge, mu gihagararo no mu mibanire n'ibindi. Ubu mu Karere ka Ngoma ECD zirimo abana 37.456 kuri 38.954 by'abategereje gutangira muri iki gihembwe cyatangiye.''

Umuyobozi Mukuru w'Ikigo cy'Igihugu Gishinzwe Imikurire no Kurengera Umwana (NCDA), Ingabire Assumpta, yashimiye Akarere ka Ngoma ku mbaraga bakoresheje mu gukangurira ababyeyi kujyana abana mu ngo mbonezamikurire, abasaba ko abandi bangana na 4% basigaye harebwa uburyo na bo bakwitabira byihuse.

Ati 'Aba bana 96% barererwa muri ECD nabyo ntibihagije. Haracyari 4% bakiri mu ngo kandi n'abaje biganje mu ngo mbonezamikurire zikorera mu ngo zatoranyijwe ku kigero cya 45.6% gusa.'

Kuri ubu ingo mbonezamikurire mu Rwanda zavuye ku 4010 zari ziriho muri Mutarama 2018 zigera kuri ECD 31.638 muri Kamena 2024. Abana bazirererwamo bavuye ku bihumbi 256 bagera ku bana barenga miliyoni.

Umuyobozi w'Akarere ka Ngoma, Niyonagira Nathalie yavuze ko ingo mbonezamikurire zibarizwa mu ngo zagize uruhare mu kuzamura umubare w'abana bazigamo

Mu kiganiro na IGIHE, yagize ati “Umwana w'imyaka 15 aboneza urubyaro gute ataranarugira? Atazi ko azanarugira? Ntabwo uri kumva icyo kibazo? Hari abahita bakubwira ngo reba abana batwara inda zitatetanijwe […] mu burere abantu bahabwa hamaze kuzamo akantu ko gufungura. Aho rero kuko wadohotse reka urebe ikivuyemo. Ugiye kuzana iyo miti igiye yo kuzatera abantu ibibazo n'abakuru yarabananiye, umwana arayihera ku myaka 15 hanyuma bizajya kugera kuri icyo gihe cyo kugira urubyaro ameze ate?”

Yakomeje ati “Abana bo bazaba bameze bate? Ko uzi ko hari n'abantu bakuru babikora bajya kwizitura bikanga. Kuri wa mwana nibyanga bizagenda bite? Ni nko gukingira ikibaba ibiryi… ndasaba nkomeje, Inteko Ishinga Amategeko nijya gushyiraho itegeko ntikavuge ngo ahandi barabikora.'

Rutangarwamaboko yakomeje anenga imyitwarire y'abantu babana ariko bagira ngo barebe uko bizagenda.

Ati 'Ibi bintu byo kubona akana k'agakobwa n'agahungu bifata bakavuga bati 'reka tubane nitubona bicamo tuzakomeza'. Nibidacamo nta kibazo uzigendere, hari n'igihe wampa 'pass' y'uwo mwigeze kubana…nyumvira ako kavuyo. Hari n'abasigaye babana bahuje ibitsina. Biragatsindwa. Ibyo ni uguca umuryango. Iyaremye ntabwo ariko yabigennye.'

Akomeza avuga ko “Urubyiruko rwacu rumaze kuba biri hanze. Umuntu udatinya no gushyira hanze ubusa bwe? Akajya guhenera u Rwanda. Uribuka umusore waje agahena tukabivuma. Ubu usigaye ubona utwana tw'udukobwa dusigaye tunezezwa no kwambara uko twavutse.'

Agaragaza ko “Hari n'abandi bambara utu twenda two ku mazi tutakundaga kugira mu muco wacu. Amazi kuyajyaho ni ibanga ryawe ntawe ukubujije kujyayo. Hari n'ahantu umuntu wiyubashye, umubyeyi atajya kogera umuntu wese amureba ngo ni uko ari ukoga gusa…ubu rero abantu barabyitwaza. Uribuka ibyo bintu biza muri twa twana tw'udukobwa twitwa ngo ni twa Miss mbabwira nti 'ibi bintu si iby'i Rwanda', muribuka ibyo byazanye?'

Akomeza asaba inzego zitandukanye zirimo Inteko y'Umuco, guhagurukira kurwanya ibiterasoni kuko bikabije ku mbuga nkoranyambaga.

Ibi byatangajwe kuri uyu wa Gatanu tariki ya 19 Nzeri 2025, ubwo mu Karere ka Ngoma hatangizwaga igihembwe cy'ihinga cya 2026 A. Ni igihembwe cyatangirijwe mu Murenge wa Rurenge.

Mu gihembwe cy'ihinga cya 2025 A muri aka Karere hahinzwe hegitari ibihumbi 45 ariko muri iki gihembwe cy'ihinga cya 2026 A ubutaka buzahingwaho ni hegitari 47,605.

Umuyobozi w'Akarere ka Ngoma wungirije ushinzwe Iterambere ry'Ubukungu, Mapambano Nyiridandi Cyriaque, yavuze ko batangiranye imbaraga iki gihembwe cy'ihinga cya 2026 A aho ngo bitezemo umusaruro mwinshi cyane mu bihingwa birimo ibishyimbo ndetse n'ibigori.

Yagize ati “Turashaka gushyiramo ibishoboka byose bikenewe muri tekinike z'ubuhinzi kugira ngo tuzamure umusaruro kuri hegitari ndetse tukaba twumva ko bigenze neza muri gahunda ya FOBASI cyangwa izo site zigomba kuzaba zishobora gukuba kabiri umusaruro uzaboneka ubu.”

Mapambano yasabye abahinzi kandi kwitabira ibikorwa byo gushyira ibihingwa byabo mu bwishingizi kugira ngo ikirere nikibahinduka bazashobora kugobokwa. Yabasabye kandi guhinga ubutaka bwose bwagenewe guhinga kugira ngo bongere umusaruro.

Habiyakare Stanislas usanzwe ari Umuyobozi wa Koperative Subiza ihinga ibigori mu Murenge wa Rurenge, yavuze ko ko biteguye gutera hakiri kare ndetse no gushinganisha ibigori bazahinga kugira ngo ikirere nikibahinduka bazabashe kugobokwa.

Mukamana Ancilla we yavuze ko bafite icyizere cyo kuzabona umusaruro mwinshi bitewe n'uko imvura yaguye kare bigatuma nabo babasha guhinga hakiri kare.

Kuri ubu ibihingwa bizibandwaho harimo ibigori bizahingwa kuri hegitari 22,239, ibishyimbo bihingwe kuri hegitari 22,368, umuceri uzahingwa kuri hegitari 1195, soya zizahingwa kuri hegitari 169, imyumbati ihingwe kuri hegitari 1500 mu gihe ibirayi bizahingwa kuri hegitari 134.

Ubutaka buzahingwaho bwiyongereyeho hegitari 2000

Gutangiza uwo mushinga byabereye mu Karere ka Rwamagana ku itariki 18 Nzeri 2025. Abo bagore babanje gubabwa amahugurwa y'igihe gito mu gukora imyuga itandukanye aho Bralirwa Plc izatanga inkunga yo kubagurira ibikoresho bijyanye n' iyo myuga.

Muri Mata uyu mwaka ni bwo BRALIRWA; uruganda rw'ibinyobwa rwa mbere mu Rwanda rwakoranye n'Umuryango utari uwa Leta wa Empower Rwanda wita ku iterambere rirambye ry'abagore n'abakobwa.

Uwo muryango ufasha mu kubaha amahugurwa n'ubumenyi bibafasha kwihangira imirimo.

Abahuguwe muri uyu mushinga ugamije impinduka mu mibereho ni abagore bakiri bato by'umwihariko babyaye imburagihe, batuye mu Murenge wa Muhazi mu Karere ka Rwamagana n'abo mu Murenge wa Kabarore muri Gatsibo.

Mu mahugurwa bigishijwe ubudozi, guteka no gutunganya imisatsi, bakaba bazahawa ibikoresho bijyanye n'iyo myuga bibashe gutangira gukora ndetse abize imyuga isa bakorere hamwe kugira ngo iterambere ryihute.

Ibyo bikoresho bazahabwa birimo imashini zidoda, gaze zo gutekesha n'ibikoresho bigezweho byo gutunganya imisatsi muri salon n'ibindi nkenerwa byose bizatwara agera kuri miliyoni 34 Frw.

Dr. Kabatesi Olivia washinze Empower Rwanda akaba anayiyobora, yashimiye BRALIRWA Plc n'inzego z' ibanze ku bufatanye n' ubwitange bagaragaje mu gushyigikira gahunda za Leta zirimo guteza imbere abagore no gushakira urubyiruko akazi.

Yagize ati: 'Abagore benshi barangiza amahugurwa ariko bakabura ibikoresho cyangwa amafaranga byo gutangira imishinga. Ubu, babonye ubumenyi n'ibikoresho bibafasha gutangira ubucuruzi burambye kandi butanga inyungu.'

Yakomeje agira ati 'Uyu mushinga uzafasha gukemura ikibazo kiri hagati yo guhabwa ubumenyi ndetse no gutangira kubukoresha mu kububyaza inyungu. Turashimira abafatanyabikorwa bose bagize uruhare mu guteza imbere abagore no guteza imbere imibereho myiza y'abaturage.'

Umuyobozi Mukuru wa Bralirwa, Ethel Emma-Uche, yavuze ko iterambere rirambye ari imwe mu nkingi z'imikorere kandi bigendanye na gahunda ya BRALIRWA Plc izwi nka Brew a Better World.

Ati 'Iterambere rirambye n'imwe mu nkingi z'imikorere yacu bigendanye na gahunda yacu ya 'Brew a Better World'. Uyu mushinga ugaragaza umuhate wacu wo kwita ku bantu n'umubumbe dutuye no guharanira ahazaza heza kandi nta we dusize inyuma. Gufasha abagore tubaha ubumenyi n'ibikoresho si ugushyigikira gusa ibyo bakora ahubwo ni n'uburyo bwo kubaka imiryango itajegajega n'imibereho irambye.'

Meya w'Akarere ka Rwamagana, Mbonyumuvunyi Radjab wari umushyitsi mukuru mugutangiza iki gikorwa ku mugaragaro yashimiye ubufatanye bukomeye hagati y'abikorera, imiryango itari iya Leta n'inzego z'ubuyobozi mu guteza imbere abaturage.

Ati 'Uyu mushinga ujyanye n'intego za gahunda y'igihugu yo kurwanya ubushomeri irimo gutanga amahugurwa y'ubumenyingiro no gufasha urubyiruko n'abagore kwihangira imirimo. Tubashimiye ubu bufatanye kuko ari umusanzu mu kuzamura imibereho no kubaka ejo hazaza heza kuri bo n'imiryango yabo.'

Ibikorwa nk'ibi BRALIRWA Plc isanzwe ibikora kuko mu mwaka ushize nabwo yafashije ingo 250 zo mu murenge wa Munyiginya muri Rwamagana kubona amazi meza, binyuze mu kubagezaho ibikoresho biyayungurura (water filters) ifatanyije n'umuryango Spouts of Water Rwanda Ltd.

Umuyobozi Mukuru wa BRALIRW Plc, Ethel Emma-Uche, yavuze ko iterambere rirambye ari imwe mu nkingi z'imikorere kandi bigendanye na gahunda ya BRALIRWA Plc izwi nka Brew a Better World

Meya w’Akarere ka Rwamagana, Mbonyumuvunyi Radjab, yashimye ubufatanye bw’imiryango itari iya Leta

BRALIRWA Plc igiye gutanga inkunga y'ibikoresho ku bagore 100 mu rwego rwo kubateza imbere.

Abo bagore babanje guhabwa amahugurwa

Ibiganiro byahuje impande zombi byabaye ku wa 19 Nzeri 2025. Byagarutse ku kuba u Rwanda rwahawe kwakira imikino ya FIFA Series 2026, iteganyijwe kuba mu mpera za Werurwe 2026.

Iyi mikino izahuza amakipe y'ibihugu y'abagabo n'abagore, ikomeza gushimangira ko u Rwanda ari igicumbi cy'ibikorwa mpuzamahanga by'imikino.

Mu bindi abayobozi bombi baganiriyeho harimo ugufungura ku mugaragaro inyubako nshya ya FERWAFA izajya icumbikira abakinnyi, aho izahindurwa ikanashyirwamo FIFA Academy.

Iyi nyubako izaba igicumbi cyo guteza imbere impano z'abato mu mupira w'amaguru mu Rwanda no ku mugabane wa Afurika muri rusange.

Perezida wa FERWAFA Shema Fabrice kandi yasobanuriye Infantino aho imirimo yo kubaka ibibuga bine igeze, barimo ibibuga biri i Kigali hafi y'inyubako ya FERWAFA, i Gicumbi, i Rutsiro n'i Rusizi. Byose biteganyijwe ko bizuzura mu Ukuboza 2025.

Yanagarutse ku mushinga wa FIFA Arena uteganya kubaka ibibuga 10 bito, aho Guverinoma y'u Rwanda ibinyujije muri Minisiteri ya Siporo yamaze gutanga igice cy'amafaranga yo gutegura aho bizubakwa.

Amakipe y'umupira w'amaguru azabyungukiramo

Ibiganiro by'abayobozi bombi kandi byagarutsweho kuri gahunda yo guteza imbere imicungire y'amakipe kinyamwuga mu Rwanda (Club Professionalization and Management Program). FIFA yiyemeje gufatanya na FERWAFA mu kongera ubushobozi n'ubunyamwuga mu makipe yo mu gihugu.

Perezida Shema kandi yasobanuriye Infantino ibyerekeye amahugurwa y'ubutabazi bw'ibanze ya CPR/AED yatanzwe kuva ku wa 18-19 Nzeri 2025.

Yateguwe ku bufatanye bwa FERWAFA, itsinda ry'ubuvuzi rya FIFA; n'Ihuriro ry'Abahanga mu kuvura indwara z'umutima muri Afurika (AFHRA), agamije kongerera ubumenyi abakinnyi, abakozi n'abafana mu bijyanye no gutanga ubutabazi bw'ibanze mu gihe hari ugize ibibazo by'umutima.

VAR yakomojweho…

Kuva Stade Amahoro yavugururwa igahabwa ubushobozi bwo kwakira abafana ibihumbi 45 bicaye, yanashyizwemo ikoranabuhanga rya VAR ku buryo umukino wahabereye rishobora kwifashishwa mu gukemura impaka zibaye mu kibuga cyangwa kunganira abasifuzi ku byo batabonesheje amaso.

Perezida wa FARWAFA, Shema na Perezida wa FIFA Infantino banaganiriye ku gusuzuma ubushobozi bwo gukoresha uburyo bushya bwa VAR buzwi nka Football Video Support (FVS), bugamije gufasha kongera ubushobozi n'ubumenyi bw'abasifuzi mu marushanwa yo mu Rwanda.

FERWAFA yagaragaje ubushake bwo kwakira amahugurwa y'akarere yateguwe na FIFA agenewe abatoza b'abasifuzi muri Afurika, bituma u Rwanda rukomeza kujya ku isonga mu guhugura no kongerera ubushobozi abasifuzi b'Afurika.

Perezida Fabrice Shema yemeje ko FERWAFA yiteguye gukorana bya hafi na FIFA hamwe na Guverinoma y'u Rwanda mu guteza imbere umupira w'amaguru.
Ati 'Iyi mishinga n'izi gahunda ntibizubaka gusa ibikorwaremezo, ahubwo bizafasha no kongera ubunyamwuga, umutekano n'ubumenyi mu mukino wacu. U Rwanda rwishimiye kuba izingiro ry'iterambere ry'umupira w'amaguru muri Afurika.'

Ibi biganiro ni intambwe ishimangira ubufatanye busanzwe hagati ya FIFA n'u Rwanda. Impande zombi zisanzwe zifatanya mu bikorwa bitandukanye bigamije iterambere ry'umupira w'amaguru mu Rwanda no muri Afurika muri rusange.

Bemeranyije gufatanya mu mishinga irimo no kubaka ibibuga by’umupira w’amaguru

FERWAFA na FIFA byemeranyije gukomeza ubufatanye buzateza imbere amakipe yo mu Rwanda

Perezida wa FERWAFA, Shema Fabrice na Gianni Infantino wa FIFA bemeranyije ku mishinga izateza imbere umupira w’amaguru mu Rwanda

Ibiganiro by’impande zombi byasize hemejwe ko u Rwanda ruzakira imikino ya FIFA SERIES 2026

Ni ubwa mbere Shampiyona y'Isi y'Amagare ibereye ku Mugabane wa Afurika by'umwihariko i Kigali.

Amakipe y'ibihugu menshi yageze mu Rwanda akoresheje indege ya RwandAir.

Nk'urugero ku wa 18 Nzeri 2025, Ababiligi barimo abagabo n'abagore bahagurutse ku kibuga cy'indege cya Zaventem (Bruxelles) bitabiriye Shampiyona y'Isi y'Amagare babwiye IGIHE ko afite amatsiko menshi yo kugera i Kigali bagatangira ingendo z'igare rya VTT bakanakurikirana irushanwa.

Faeza Bladj waturutse mu Majyaruguru y'u Bubiligi ahavugwa Igifarama, yagize ati 'Jye ni ubwa mbere njyiye kujya muri Afurika, mfite amatsiko menshi yo kugera i Kigali ngatangira ingendo z'igare rya VTT nkanakurikirana iri rushanwa ry'Isi ry'Imikino y'Amagare mpibereye n'abo tujyanye, ndizera ko iyi ndege ya RwandAir yatwakiriye neza ikaza no kutugezayo dufashwe neza.'

Martine Hofstede we ugeze mu Rwanda ku nshuro ya kabiri yavuze ko abamuherekeje bajyanye kureba ubwiza bw'iki gihugu.

Ati 'Ubu ni inshuro ya kabiri njyiye kujya mu Rwanda, njyanye n'irindi tsinda kuko ubwa mbere abo twajyanye si bo dusubiranyeyo, haje abandi mu rwego rwo kwirebera ubwiza bw'iki gihugu nakunze cyane, tukaba twishimiye kuzitabira iri rushanwa ry'Isi ry'Imikino y'Amagare, tukanasura aho twateganyije.'

Umuyobozi Ushinzwe ibikorwa bya RwandAir ku kibuga kindege cya Bruxelles, Karangwa Olivier, yavuze ko yavuze ko kugenda n'iyi ndege ari uburyo bwo gukabya inzozi zo gusura no gutembera muri Afurika.

Ati 'Ubu rero dufite amahirwe akomeye yo kuba ari twe nka kompanyi y'u Rwanda imwe mu zatwaye amakipe n'ibikoresho byabo bagana mu Irushanwa ry'Isi ry'Imikino y'Amagare UCI-Kigali-2025.'

'Uyu mwanya tumaranye hano maze kwakira abarenga 40 barimo Abagore, Abagabo, hari n'abaherekejwe n'abana babo, bikwereka ukuntu aya marushanwa yitabiriwe n'imiryango yabo.'

Hari kandi n'abandi bagiye gukora ubukerarugendo bw'amagare ya VTT, bazanakurikirana Irushanwa ry'Isi ry'Imikino y'Amagare imbonankubone.

Ati 'Aha ni inyungu ku Gihugu mu Bukerarugendo no muri gahunda ya VisitRwanda, kuko aba bose bazakomeza kubera u Rwanda ba ambasederi beza, kuko wabonye ko kubakira neza byahereye hano ku ndege yacu igiye kubatwara.'

Karangwa yavuze ko hateganyijwe Airbus A330-300, indege nziza kandi ngari 'nini mu zo dufite zijyanye n'ibihe tugezemo by'ikoranabuhanga rihanitse.'

Ifite ibyiciro bitatu (three‑class configuration) kandi ishobora gutwara abagenzi 274.

Shampiyona y'Isi y'Amagare, ni irushanwa ngarukamwaka rizakinwa ku nshuro ya 98 kuva ribaye bwa mbere mu 1921.

Ku wa Cyumweru, tariki ya 21 Nzeri 2025, hazakinwa icyiciro cy'abasiganwa n'ibihe mu bagore no mu bagabo, aho Umunya-Afghanistan, Yulduz Hashimi, mu cyiciro cy'abagore ari we uzahaguruka mbere y'abandi saa Ine n'iminota 10.
Aho bose bazanyura hamaze gutegurwa, haba ku byapa byo ku mihanda bibayobora, ndetse n'ibyuma bifasha abafana kureba igare hirindwa n'impanuka byagezemo.

Abakinnyi b'inkwakuzi baturutse mu bihugu 110 bageze i Kigali kare, batembera imihanda ndetse banakora imyitozo izabafasha kwitwara neza muri iri rushanwa rizamara iminsi irindi rikinwa.

Faeza Bladj (iburyo) yavuze ko afite amatsiko menshi yo kugera i Kigali

Martine Hofstede yavuze ko ari ubwa kabiri ageze mu Rwanda ariko ahageranye n’itsinda ritandukanye n’irya mbere

Karangwa Olivier Ushinzwe ibikorwa bya RwandAir ku kibuga kindege cya Bruxelles yavuze ko biteye ishema gutwara abantu bazasubira iwabo bavuga ukuri ku byo babonye mu Rwanda

[email protected]

Umuhanzi w’injyana gakondo, Massamba Intore yavuze ko afite icyizere ko nyina umubyara ari Imana yamuhamagaye.

Uyu muhanzi ari mu gahinda gakomeye nyuma y’uko umubyeyi ejo hashize yitabye Imana.

Mu butumwa yanyujije ku mbuga nkoranyambaga, yavuze ko yari amaze iminsi itari myinshi ari mu bitaro akaba yizeye ko ari Imana yamuhamagaye.

Ati 'Nguwo uwafashije Gitare kundema, Imana imwakire mu bayo, isangire Sentore data ijabiro kwa Jambo.'

'Yari amaze iminsi ari mu bitaro ariko itari myinshi dufite n’icyizere, ariko Imana yamuhamagaye.'

Massamba Intore yavuze ko umubyeyi we amusigiye umurage wo gukomeza gutoza abakiri bato umuco gakondo, no gukunda Igihugu.