Umunyamakuru w'imikino hano mu Rwanda kuri Tereviziyo na Radio Rwanda akomeje gutera benshi urujijo kubera ifoto yashyize hanze arikumwe n'abakobwa babiri.
N'ifoto yashize ku rukuta rwe rwa Instagram arikumwe n'inkumi ebyiri arangije arenzaho ikibazo kugira kit: Mutabona dupfaniki? iyo foto ubona ko bajya gusa kuko abantu benshi bayibonye niko bari kuvuga.
Mu twenda tugufi cyane tumufashe umuherwekazi Alliah Cool yerekanye imiterere ye yose ntanakimwe ahishe.Â
Umukinnyi wa film uri muba ukunzwe cyane hano mu Rwanda akaba n'umwe mu bantu b'igitsina gore b'abaherwe, Alliah Cool yasohoye amafoto agaragaza uburanga n'imiterere ye yose.
Abinyujije ku rukuta rwe rwa Instagram yasangije abamukurikira amafoto yambaye imyenda myiza cyane, migufi, y'icyatsi, imufashe, ndetse inamugaragaza neza uko ateye.
Urukiko rw'Ibanze rwa Nyarugenge rwahanishije Tuyisenge Evariste wiyise Ntamawimana2 kuri Twitter, igihano cy'igifungo cy'imyaka itatu isubitse n'ihazabu ya miliyoni imwe y'amafaranga y'u Rwanda.
Ni nyuma yo ku muhamya icyaha cyo gushyira ahagaragara amashusho yerekeranye n'imikoreshereze y'ibitsina hakoreshejwe mudasobwa cyangwa urusobe rwa mudasobwa giteganywa kandi kigahanwa n'ingingo ya 34 y'itegeko ryerekeye gukumira no guhana ibyaha bikoreshejwe ikoranabuhanga.
Iki gihano yahawe gisubitswe mu gihe cy'umwaka umwe nk'uko Urukiko rwabitegetse.
 Ibi bivuze ko mu gihe yakora icyaha muri iki gihe cy'umwaka yasubikiwe igihano yahanwa haherewe kuri iyi myaka itatu yakatiwe mu rukiko rw'Ibanze.
Uyu mwaka ubarwa uhereye ku isomwa ry'icyemezo cy'urukiko, bivuze ko nushira uregwa adakoze icyaha, igihano cye kizaba kirangiye kitazaherwaho aramutse akoze icyaha nyuma nk'uko byari kugenda muri uwo mwaka.
Ubushinjacyaha burega bwavugaga ko mu bihe bitandukanye Tuyisenge Evariste wiyise ku rubuga rwe rwa Twitter Ntamawimana2 yagiye akwirakwiza ubutumwa ashishikariza rubanda gusambanya abana.
Ku wa 19 Werurwe 2023 nk'uko yabyivugiye mu nyandikomvugo ye, yanditse ubutumwa bushishikariza rubanda gusambanya abana b'abakobwa aho yanditse ati' Abakobwa bafite imyaka cumi n'irindwi bararyoshye', ibi akaba yarabyanditse abishyira ku rubuga rwe rwa Twitter na none agamije gushishikariza rubanda gusambanya abakobwa b'imyaka cumi n'irindwi anashyiraho amafoto y'abakobwa babiri.
Tuyisenge Evariste wiyise Ntamwawimana2 yireguye yemera icyaha anasaba imbabazi ndetse uko kwemera icyaha no gusaba imbabazi kwe bishimangirwa na Me Muramira Innocent umwunganira mu mategeko.
Yaburanye avuga ko ibyo yakoze byose atari agamije gushishikariza rubanda gusambanya abana b'abakobwa, ko yabonaga ari ibisanzwe byo gusetsa abamukurikira ku rukuta rwe rwa twitter, kandi ngo aho aboneye ko hari abo bitashimishije yahise asiba ayo magambo ndetse anandika asaba imbabazi.
Ubushinjacyaha bwari bwamusabiye ko ahanishwa igifungo w'imyaka itanu no gutanga ihazabu ingana na miliyoni imwe y'amafaranga y'u Rwanda ngo bibere abandi urugero bareke gukora bene ibi byaha.
Icyemezo cy'urukiko cyasomwe kuri uyu wa 14 Mata 2023, Urukiko rwategetse ko asubikirwa igifungo cyose yakatiwe mu gihe cy'umwaka umwe ariko akaba agomba kwishyura ihazabu yaciwe.
Urukiko rw'Ibanze rwategetse kandi ko ahita afungurwa uru rubanza rukimara gusomwa.
Rugaragaza ko kuva agifatwa yaburanye yemera, atananije ubutabera, bityo urukiko rukaba rusanga ibyo bigize impamvu zoroshya ububi bw'icyaha ari byo byatumye ahabwa igihano gisubitse.
Urukiko kandi rwagaragaje ko hanashingiwe ku mpamvu zirimo kwemera icyaha, kuba ari umunyeshuri no kuba ari ubwa mbere akoze icyaha ari byo byatumye asubikirwa igihano.
The post Umusore wo kuri Twitter uherutse gufungwa yahawe igifugno cy'imyaka itatu isubitse appeared first on FLASH RADIO&TV.
Hari abaturage baturiye ishuri rya Isangano riherere mu Murenge wa Mimuli mu Karere ka Nyagate, bavuga ko amazi aturuka ku nyubako z'iri shuri akomeje kubangiriza imyaka.
Hashize imyaka ibiri ikigo cy'amashuri ya Isangano muri uyu murenge cyubatswe.
Abaturage bafite imirima munsi y'iki kigo bavuga ko amazi aturuka ku nyubako zzacyo, yangiza imyaka yabo kuko nta buryo bwo gufata amazi bwashyizweho.
Umwe yagize ati 'Urabona imyaka yaragiye, abandi wenda bapfa kugeramo ariko njye amazi yarahatwikirye.'
Undi ati 'Urabona ko ikigo bacyubatse ahantu hato, ubwo rero amazi ava aha kuko ntaho afatira,ubwo ahita atwara ubuta bw'imirima ihegereye.'
Mugenzi we ati 'Imvura iyo yaguye amazi yose aturuka ku mashuri araza akaruhukir amu mirima, bigatuma hacikamo isuri.'
Uko ubihe by'itumba bisimburana niko bahura n'igihombo gituruka kuri aya amazi.
Iki kibazo bakigaragarije ubuyobozi ariko kugeza ubu ntabwo kiracyemuka.
Barasaba ko amazi yahagarikwa kuko bitabaye ibyo, bishobora kubatera inzara n'ubutaka bwabo bukagenda.
Umwe ati 'Njya ku murrenge barambwira ngo igisubizo bazakima, kugeza ubu ntacyo. Urabona ko nta bundi bushobozi mfite bwakumira aya mazi.'
Undi ati 'Iki kibazo gifite uburemere bitewe nuko umuntu ufite ubutaka bwe agira ngo abone uko yahinga agasarura. Ubu ntabwo abona uko ahinga bitewe n'amazi y'i8mvura amwangirizaa buri munsi.'
Ubuyobozi bw'Umurenge wa Mimuli, buvuga ko iki kibazo bwakimenye ndetse ko bwashyizeho gahunda yo gukora umuganda muri aka gace, mu rwego rwo gutangira aya mazi.
Umunyamabanga Nshingwabikorwa w'uyu Murenge, Bwana Ndamage Andrew, avuga ko bagiye kubaka imiyoboro y'amazi igizwe n'amabuye, mu rwego rwo gukemura iki kibazo mu buryo burambye.
Ati 'Icyo twakoze ni uko twacukuye umuyoboro uyayobora ayho agomba guca, tunafata imifuka kugira ngo tube dushyizeho amazi ye kujya aharenga, kuko twasanze amazi amanuka ari menshi akangiza imyaka y'abaturage. Ariko twemeranya ko igisubizo kirambye ari uko dufatanije n'ikigo cy'ishuri twahubaka igikuta cy'amabuye ku buryo amazi atagikubita ngo arenge.'
Iyo ugeze muri aka gace imvura imaze guhita usanga ubutaka bugenda busaduka
Ibice bimwe na bimwe byatangiye gucika kubera kunyurwamo n'amazi ngo abura aho yanyura akishakira inzira.
Ntambara Garleon
The post Nyagatare-Mimuli: Barasaba inzego zibishinzwe gukemura ikibazo cy'amazi aturuka ku nyubako z'Ishuri abangiriza imyaka appeared first on FLASH RADIO&TV.
Mu kiganiro gito yagiranye na inyaRwanda mu ijwi ryuzuyemo ibyishimo, Kecapu yahamije amakuru y’uko yamaze kwibaruka.
Ni nyuma y’uko mu mwaka wa 2022 yiyemeje kubana akaramata n'umugabo we Jean Luc. Aba bombi bibarutse abana batatu b’impanga barimo abahungu babiri n'umukobwa umwe.
Urukundo rwa Kecapu na Jean Luc rukaba rutaramenyekanye cyane, ariko rwari rumaze igihe kitari gito.
Muri Werurwe 2022 ubwo yaganiraga na InyaRwanda, Kecapu yavuze ku rugendo rw'urukundo rwabo.
Yatangiye agira ati: 'Twamenyanye 2009 dutangira gukundana 2010, ariko urumva icyo gihe nari umwana nigaga mu mashuri abanza mu wa 5 ndumva niba ntibeshye, nawe ntabwo yari mukuru cyane ariko yarandutagaho gato.'
Akomeza agira ati: 'Na none kandi urukundo rw'abantu bato ntabwo ruba rufite gahunda, hakabaho igihe tuburanye urumva ariko iyo wakunze umuntu uri umwana nta kibazo cyavutsemo ntacyababuza gukomeza.'
Agaruka ku buryo bagiye baburana ariko bakaba bari mu rukundo ruzira kwihishira, ati: 'Hagati aho ariko twarahuraga n'ubwo hari n'igihe hacagamo igihe tukaburana, kuri ubu ariko ntiwavuga ngo umuntu ni umwana cyangwa se n'ibindi, turi kumwe neza.'
Ku kijyanye no kuba Jean Luc yabangamirwa no kuba Kecapu ari icyamamare, abisubiza agira ati: 'Urumva rero twamenyanye tukiri bato azi uwo ndiwe akanamenya na Kecapu uwo ari we kandi azi kubitandukanya kuko anzi wese.'
Kecapu asobanura akazi k'umukunzi we n'icyo amukundira ati: 'Akora akazi gasanzwe ntari buvuge, ariko hari aho gahuriye n'imyidagaduro.Â
Mukundira uko ankunda, kandi ko atankunda ku bwo kubihatiriza cyangwa kubera ko aje kuko hari izina mfite, kuko hari abagiye baza kubera izina mfite ubu.'
Arakomeza ati:'Rero ankunda bitari iby'izina, atari uko ashaka ko abantu bamenya ko turi kumwe bituma kandi mukunda cyane. Ikindi rero aranyumva, ni umuntu udashobora kuvuga kuki wakoze ibi ahubwo areba ibiri imbere.'
Mu gosoza ikiganiro yagiranye na inyaRwanda, Kecapu yagarutse ku bukwe bwabo agira ati: 'Sinavuga igihe neza tuzakorera ubukwe, ariko burahari.'
Bibarutse abana batatu nyuma y’imyaka itari micye bamenyanye banakundana 
Mu mwaka wa 2022 ni bwo biyemeje kubana akaramata
Source : https://inyarwanda.com/inkuru/128050/kecapu-numugabo-we-bibarutse-abana-batatu-bimpanga-128050.html
Mu kiganiro na InyaRwanda, Paulette Ndekwe uhagarariye Embrace Africa mu Rwanda itegura Rwanda Global Top Model, yasobanuye byinshi ku irushanwa boherejemo Diane Ngabonziza n'inyungu bategereje mu barihataniye.
Paulette ati: 'Igikorwa yitabiriye ni Supermodel Worldwide kiri kuba ku nshuro ya 4, hakorwamo ibikorwa birimo Fashion Show, uhize abandi baba baturutse mu bihugu binyuranye, ahabwa ibihembo bitandukanye.'
Akomeza avuga ku bihembo bahataniye ati: 'Uwegukanye iri rushanwa ahabwa ibihumbi 20 by'amadorali [Asaga miliyoni 20Frw] akanafashwa mu iterambere ry'umwuga we mu ruhando mpuzamahanga.'
Kuwa 15 Mata 2023 ni bwo hazaba ibirori byo gusoza iri rushanwa rya Supermodel Worldwide 2023 riba ririmo ibyiciro bitatu icy'abari, abasore n'abakobwa babyaye ariko bifitemo impano yo kumurika imideli.
Kuwa 28 Ukuboza 2022 ni bwo irushanwa rya Rwanda Global Top Model 2023 ryafunguye amarembo aho abasore n'inkumi bagera ku 150 biyandikishije nyuma haba ibyiciro birimo n'amatora kugera muri Gashyantare ubwo hamenyekanaga batandatu bahize abandi.
Muri abo harimo Diane Ngabonziza uhagarariye u Rwanda mu Buhinde mu marushanwa ya Supermodel Worldwide, Munyana Kenson, Sarah Laura, Mwiza Amelia, Rwemerakurinda Mac Alan na Nshogoza Jean.
Aba bose biteganijwe ko bazitabira ibirori n'ibikorwa bitandukanye bahagarariye u Rwanda mu bihugu binyuranye byo ku mugabane w'u Burayi na Aziya.
Ifoto y’urwibutso ubwo Diane Ngabonziza mu minsi micye ishize yerekezaga mu Buhinde, aha yari kumwe n’Umuyobozi Mukuru wa Embrace Africa Rwanda Ltd, Paulette Ndekwe
Diane Ngabonziza yitwaye neza mu bihembo yakwegukana harimo Miliyoni 20Frw
Yitabiriye Supermodel Worldwide nyuma yo kuba umwe mu begukanye Rwanda Global Top Model 2023
Akanyamuneza ku matama kari kose ubwo yabaga umwe mu begukanye Rwanda Global Top Model 2023 mu birori byabereye kuri Olympic Hotel mu mpera za Gashyantare
Diane Ngabonziza ubwo yari kumwe n’abandi bakobwa begukanye Rwanda Global Top Model
Abasore babiri n’abakobwa 4 nibo begukanye Rwanda Global Top Model 2023
Mukantabana warokotse Jenoside yakorewe Abatutsi, azashimirwa ku buryo atigeze aheranwa n'agahinda nyuma yo kubura ababyeyi be, abavandimwe n'inshuti zishwe muri Jenoside yakorewe Abatutsi.
Jenoside yabaye ari muri Amerika aho yigishaga ibijyanye n'amateka nyuma yo kubona impamyabumenyi y'icyiciro cya gatatu cya Kaminuza muri California State University, Sacramento.
Yagize uruhare mu kumenyakanisha amateka ya Jenoside yakorewe Abatutsi muri Amerika ndetse no gukusanya inkunga zo gufasha abasizwe iheruheru na yo binyuze mu ihuriro Friends of Rwanda Association.
Binyuze muri uyu muryango, hakusanyijwe inkunga yifashishijwe mu kubaka ishuri ry'imyuga ku bana bavuka ku babyeyi bishwe muri Jenoside yakorewe Abatutsi.
California State University, Sacramento yageneye Mukantabana ishimwe ry'impamyabumenyi ihanitse y'icyubahiro 'Honorary Doctor of Humane Letters' azashyikirizwa muri Gicurasi uyu mwaka.
Biteganyijwe ko Mukantabana n'abandi bahawe imyabumenyi zihanitse z'icyubahiro baza kwakirwa mu musangiro uba kuri uyu wa Gatanu tariki 14 Mata 2023.
Mukantabana yashimiye uruhare iyo kaminuza yagize mu kuba uwo ari we uyu munsi, ndetse ko batigeze bamutererana mu mirimo ye ya buri munsi.
Umuyobozi w'inama y'ubutegetsi ya California State University, Sonney Chong yavuze ko Mukantabana ari ishusho nyayo y'amahame iyo kaminuza ihagazeho.
Yavuze ko no mu gihe yabaga ari mu zindi nshingano igihugu cyamuhaye kure ya Amerika, atigeze atererana iyo Kaminuza.
Mu gitondo cyo ku wa Kane tariki ya 13 Mata 2023 nibwo uyu mubiri wabonetse. Iyi Stade iherereye mu Mudugudu w'Amahoro mu Kagari ka Rukiri ya II mu Murenge wa Remera mu Karere ka Gasabo.
Umwe mu bakozi bari mu mirimo yo kuyivugururra yabwiye IGIHE, ko uyu mubiri bawubonye ahari hasanzwe hari ubusitani ubwo bari barimo kuhacukura imiyoboro yo kunyuzamo insinga z'amashanyarazi ndetse bakeka ko hashobora kuba harimo indi mibiri.
Umunyamabanga Nshingwabikorwa w'Umurenge wa Remera, Rugababirwa Deo, na we yemereye IGIHE ko aba bakozi babonye umuburi w'umuntu bikekwa ko yishwe muri Jenoside yakorewe Abatutsi mu 1994.
Yagize ati Nibyo habonetse umubiri umwe ejo ahagana saa tanu ubonwa n'abantu bari barimo gucukura ahantu.'
Yongeyeho ko kuri uyu wa Gatanu tariki 14 Mata bafitanye inama n'abakozi b'Umuryango Uharanira inyungu z'abarokotse Jenoside yakorewe Abatutsi, Ibuka n'abandi baturage bafite amakuru y'ibyabereye muri aka gace muri Jenoside yakorewe Abatutsi mu 1994 kugira ngo babashe kumenya niba haba harimo indi mibiri y'abandi bantu.
Iyi nama itegurwa n'umuryango StreetNet International izabera mu Rwanda guhera tariki 1 Gicurasi kugeza tariki 6 uko kwezi, yitabirwe n'abasaga 150 barimo abavuye mu mahuriro y'ubucuruzi atandukanye, abahagarariye abakora ubucuruzi bwo mu muhanda, abarengera uburenganzira bw'abakozi n'abandi.
Intego nyamukuru y'iyi nama ni ukuganira ku buryo bwo kurengera uburenganzira bw'abakozi n'ibibazo abakozi barimo abacuruzi baciriritse bahura na byo, ingaruka z'imihindagurikire y'ibihe n'ibindi.
Muri iyi nteko kandi niho hazatorerwa ubuyobozi bushya bw'Inteko Mpuzamahanga ya StreetNet International, buzayobora iryo huriro mu gihe cy'imyaka ine iri imbere.
Umuhuzabikorwa w'Inteko rusange ya StreetNet International, Oksana Abboud yavuze ko muri iyi nama izabera i Kigali, abazitabira bazungurana ubumenyi n'ingamba zarushaho gufasha abanyamuryango n'abakozi muri rusange.
Yavuze ko ibitekerezo bizava muri iyo nama bizafasha mu gukomeza ubuvugizi ku bacuruzi baciriritse n'abacururiza mu mihanda, ari na ko baharanira ko uburenganzira bwabo bwubahirizwa.
Perezida w'Umuryango StreetNet , Lorraine Sibanda yavuze ko 'kwemerwa kw'abakora imirimo itanditse ni ingenzi cyane mu iterambere ry'ubukungu bw'igihugu icyo ari cyo cyose. Ibi bizanaborohereza kuba babona akazi keza, ibintu bidakunze gukorwa mu bihugu byinshi. Hakenewe ibiganiro kugira ngo abakora imirimo iciriritse nabo bahabwe ijambo.'
StreetNet ni umuryango umaze imyaka isaga 20 uvuganira abakora imirimo iciriritse itanditse barimo n'abazunguzayi, kugira ngo uburenganzira bwabo bwubahirizwe kandi bagaragare mu nzego zitandukanye zifata ibyemezo.
Ni umuhango wabaye ku wa 12 Mata 2023 witabirwa na Amb. Joseph Nsengimana, wari uhagarariye abagize inama z'ubuyobozi bw'ibigo byitabiriye iki gikorwa cyo kwibuka n'abayobozi babyo.
Umukozi wa Rwanda Mountain Tea, Nsengiyumva François, warokotse Jenoside yakorewe Abatutsi ari umwana w'imyaka irindwi, yatanze ubuhamya bw'uko Abatutsi batotezwaga na mbere y'uko Jenoside itangira.
Ati ''Hari igihe cyageraga, interahamwe cyangwa se n'abandi bari muri uwo mugambi, kandi yari mbere ya Jenoside, bakaza gusaka. Bakaza gusaka mu ngo kandi bagasaka mu ngo z'Abatutsi''.
Nsengiyumva avuga ko basakaga bavuga ko bashaka inyenzi, ibintu byose bakabisohora mu nzu ndetse bakabatoteza bikomeye.
Kalisa Evariste watanze ikiganiro cyateguwe na Minisiteri y'Ubumwe bw'Abanyarwanda n'Inshingano Mboneragihugu (MINUBUMWE), na we yagarutse ku mateka yabonesheje amaso ye, yihanganisha ababuze ababo muri Jenoside.
Ati ''Ndagira ngo mbanze nihanganishe mwese abo dusangiye ibi bihe, abarokotse Jenoside yakorewe Abatutsi muri hano, nihanganishe n'abatarabona ababo ngo babashyingure''.
Yakomeje agira ati ''Mwihangane rero mukomere, mutwaze, dukomeze kwibuka twiyubaka''.
Umuyobozi Ushinzwe Ibikorwa muri Rwanda Mountain Tea, Nsengimana Jonathan, avuga ko uyu ari umunsi ukomeye ku kigo cyabo, kuko bibutse abazize Jenoside yakorewe Abatutsi bakanashimira abayihagaritse.
Ati ''Twe nka Rwanda Mountain Tea turi abashoramari, nyuma ya Jenoside yakorewe Abatutsi twagiriwe amahirwe yo kubona umwanya wo gukora ubucuruzi mu gihe igihugu cyari gitekanye, kimeze neza, gifite amahoro, giteza buri munyarwanda wese imbere kitavangura''.
Nsengimana avuga ko igihe nk'iki, abashoramari baboneraho gushimira ubuyobozi bwiza bwazanye umutekano mu gihugu, buri muturarwanda wese akaba ashobora gukora imirimo ye mu mudendezo.
Amb. Joseph Nsengimana wari ahagarariye abagize inama z'ubuyobozi bw'ibigo byitabiriye iki gikorwa cyo kwibuka n'abayobozi b'ibyo bigo, yasabye abawitabiriye gukomeza gusenyera umugozi umwe bakubaka u Rwanda, bakanigira ku mateka yaruranze bagakomeza kuzana impinduka nziza mu iterambere ry'igihugu.
Ibigo bitandatu byifatanyije muri uyu muhango ni Rwanda Mountain Tea Ltd, Prime Insurance Ltd, SP, Petrocom Ltd, Prime Life Insurance na Integrated Infrastructures Company Ltd.
Byashibutse kuri Etablissement Gatera Egide, yashinzwe n' umushoramari Egide Gatera mu mwaka wa 1980, nyuma ya Jenoside yakorewe Abatutsi muri 1995 iza guhinduka Petrocom Ltd.
Ku rwibutso rwa Jenoside rwa Kigali ahabereye uyu muhango, hashyinguye Abatutsi basaga 250.000 bakuwe mu Mujyi wa Kigali no mu nkengero zawo.
