Category: Uncategorized

Imyaka 19 irashize Arsenal itazi uko igikombe cya Shampiyona y’icyiciro cya mbere mu Bwongereza gisa. Muri uyu mwaka w’imikino abafana b’iyi kipe icyizere cyari cyose ko bashobora kongera bakagiterura ariko byarangiye byanze mu munsi ya nyuma.

Iyi kipe y’abarashi niyo yayoboye igihe kinini urutonde rwa Shampiyona muri uyu mwaka gusa kubera kunganya imikino myinshi muri iyi minsi ya nyuma byatumye Manchester City ibyaza amahirwe umusaruro ihita yifatira umwanya wa mbere ndetse biranashoboka ko igikombe bagitwara muri izi mpera z’icyumweru nibatsinda ikipe ya Chelsea.

Uku kwitwara neza kwa Arsenal uramutse uvuze ko Mike Arteta abifitemo uruhare rwa 60% ntabwo waba ubeshye kuko nta bakinnyi bakomeye iyi kipe ifite ahubwo yakoresheje ubushobozi n’ubwenge bwe. 

Uyu mutoza ukomoka muri Espagne yagiye akoresha amayeri menshi kugira ngo abone intsinzi harimo n’ayo yakoresheje bitegura gukina na Liverpool.

Imyitozo yabanjirije urugendo rwerekeza kuri Anfield, umutoza wa Arsenal yashyizemo ikinanga cy’indirimbo iririmbwa n’abafana ba Liverpool yitwa You will never walk alone kugira ngo bamenyere uko biba byifashe.

Nk’uko Daily Mail yabitangaje mu kwezi gushize ubwo Arsenal yatangiraga kunganya imikino itari ngombwa kandi igikombe kigishiboka, umutoza yazanye uburyo bushya bwo kujya ajyana imbwa mu myitozo.

Impamvu ibi yabikoraga ni ukugira ngo ifashe abakinnyi kuruhuka mu mutwe mu buryo bworoshye ndetse inabagarure mu mwuka mwiza. Iyi mbwa yiswe ‘win’.

Mike Arteta wagiye akoresha amayeri menshi muri uyu mwaka w’imikino harimo no kujyana imbwa mu myitozo

Imbwa yiswe ‘win’ umutoza wa Arsenal yajyanye mu myitozo 

Source : https://inyarwanda.com/inkuru/129564/icyatumye-umutoza-wa-arsenal-ajyana-imbwa-mu-myitozo-129564.html

Amashusho y'iyi ndirimbo yasohotse mu ijoro ryo kuri uyu wa Kane tariki 18 Gicurasi 2023, ifite iminota 3'.

Confy yabwiye InyaRwanda ko amashusho yayo yayafatiye mu gihugu cya Tanzania, hagati y'itariki 15-17 Mata 2023.

Ni nyuma y'uko yari amaze kuyikora mu buryo bw'amajwi afashijwe na Producer Loader ndetse na Bob Pro.

Mu buryo bw'amashusho iyi ndirimbo yakozwe na Joma wo mu gihugu cya Nigeria bahuriye muri Tanzania.

Confy avuga ko iyi ndirimbo yayitondeye byatumye ajya muri Tanzania kuba ariho ayikorera, agahitamo no kuyifashishamo umwe mu bakobwa bagezweho.

Ati 'Yitwa Queen ni umwe mu bakobwa b'ikimero bari kwigaragaza cyane muri Tanzania. Ku munsi nafatiyeho amashusho na Diamond yaramushakaga kugirango bakorane mu ndirimbo, ariko icyo gihe ntibyakunze kuko twarimo dukora muri iyi ndirimbo yanjye.'

Mu byumweru bibiri bishize nibwo Confy yatangiye gukurikirana ibikorwa by’uyu mukobwa, bagiranye ibiganiro byagejeje kumwifashisha mu mashusho y’iyi ndirimbo ‘Takeova’.

Uyu mukobwa Mulerwa Queen [Cash Queen] agaragara mu buzima buhenze mu Mujyi irimo Dubai yo muri Leta Zunze Ubumwe z’Abarabu, mu gihugu cya Zimbawe n’ahandi. Ku rubuga rwe rwa Instagram agaragaza ko ariwe washinze sosiyete ya Mulerwa Accessory.

Confy na Cash Queen ubwo bari mu ifatwa ry'amashusho y'iyi ndirimbo 'Tekova'

 

Confy yavuze ko yifashishije uyu mukobwa mu gihe na Diamond yamushakaga

Cash agaragaza ko arangamiye gukorana n'abasitari mu rwego rwo kuzamura urwego mu kumurika imideli

KANDA HANO UREBE AMASHUSHO Y'INDIRIMBO 'TEKOVA' YA CONFY

“>

Source : https://inyarwanda.com/inkuru/129562/uburanga-bwa-cash-queen-inkumi-iri-mu-ndirimbo-confy-yakoreye-muri-tanzania-amafoto-129562.html

Yabigarutseho mu ijoro ryo kuri uyu wa Kane tariki 18 Gicurasi 2023, ubwo yaganirizaga abiganjemo urubyiruko bitabiriye igitaramo cy'urwenya cya 'Gen-Z Comedy' cyabereye kuri Mundi Center- Rwandex, gihuriramo abanyarwenya bakomeye barimo Fally Merci.

Tom Close yavuze ko umuvuduko w'iterambere ry'u Rwanda wajyanye no gutera imbere kw'Abanyarwanda, imvugo y'uko abantu bazi ururimi rumwe nk'inka iracika, abantu bariga baraminuza, binatuma nawe yarahisemo gukora album 'Essence' mu rurimi rw'icyongereza kubera ko ashaka kugeza umuziki we ku rwego mpuzamahanga.

Uyu munyamuziki yavuze ko mu bihe bitandukanye yumvise abantu bavuga ko abahanzi bo mu Rwanda bakora ibihangano bitarenga umupaka, ariko avuga ko bishoboka ko umuhanzi wo mu Rwanda yatwara ibihembo bya BET Awards binyuze mu kuba abafana bamushyigikira.

Tom avuga ko kugirango umuhanzi wo mu Rwanda agere ku rwego rwiza, akwiye kugerageza gukora ibihangano bye mu ndimi zo mu mahanga zigera kure.

Ati 'Ese ntabwo mukeneye kutubona dutwara za BET. Ni ukuvuga ngo kugirango tujye hanze, tugire n'amahirwe yo gutsindira ibihembo, tugire n'amahirwe yo gutaramira hanze, ni uko tugerageze no kwagura indimi turirimbamo.'

Avuga ariko ko gukora ibihangano mu ndimi zo mu mahanga bidahagije, kuko abakunzi b'umuziki basabwa kubashyigikira.

Ati 'Byibuza icyo ng'icyo. Igisigaye ni mwebwe, abakunzi b'ibihangano byacu, ni abamenyekanisha ibihangano bazabikora ariko twabanje gukora icyo twagom ba dukwiye gukora. Rero mwadutumye hanze, turi tayari kugenda, ariko dukeneye impamba.

Ibihembo bya BET Awards bimaze imyaka irenga 21 bitangwa. Ni bimwe mu bikomeye bihabwa abahanzi bihagazeho ku rwego rw'Isi, muri uyu mwaka bizatangwa mu birori bizaba ku wa 25 Kamena 2023, bitegurwa na Black Entertainment Television.

Ikibuga cy'umuziki cyacuramiye muri Nigeria kubera gushyigikirwa:

Tom Close kuba umuhanzi nka Omah Lay wo muri Nigeria, ari mu bakomeye muri Afurika bituruka ku kuba iki gihugu gishyigikira cyane abanyamuziki, kandi n'abakunzi b'umuziki bakabigiramo uruhare, bakumva ibihangano byabo ku bwinshi.

Yavuze ko imiterere y'iki gihugu n'ibindi bituma 'n'umuhanzi uvutse uyu munsi atangira gukora ibitaramo muri Afurika'.

Tom Close avuga ko atekereza ko Omah Lay adafite indirimbo zirenga 20, ariko 'u Rwanda yarujemo, yagiye muri Uganda, yagiye Kenya, yagiye muri Afurika y'Epfo ubu ari mu bitaramo i Burayi'.

Akomeza ati 'Nkeka ko aho hantu nta muhanzi wo mu Rwanda wari wahatekereza ngo akore ibitaramo bimeze uko, kandi n'icyo twifuza.'

Tom yavuze ko nk'umuntu ukora akazi ko kuvura abantu, bisaba ko nyiri ubwite abanza kumenya ko arwaye, hanyuma muganga akamusuzuma akamenya indwara.

Yavuze ko kwemera ko umuziki wa Nigeria wateye imbere mu nguni zose atari ibintu byo gushidikanyaho ku buryo n'umwana w'abo uvutse akomera mu muziki. Ati 'Twemera ko Nigeria ituri imbere mu bintu byinshi.'

Leta ya Nigeria yashoye imari nini mu guteza imbere uruganda rw'imyidagaduro muri iki gihugu, byatumye abahanzi b'aho bisanga cyane ku isoko Mpuzamahanga. Ingero ni nyinshi z'abahanzi bo muri iki gihugu nka Burna Boy, Wizkid, Davido, Omah Lay n'abandi utabasha gutumira uko wiboneye mu bitaramo.

Nka Burna Boy kugirango aze i Kigali wamwishyura nibura Miliyoni 500 Frw. Aba banyamuziki baca uduhigo uko bucyeye n'uko bwije mu bitaramo, ku mbuga zicuruzizwaho umuziki n'ibindi, kandi bamaze kwegukana ibihembo bikomeye ku Isi.

Ubushakashatsi bwakozwe n'ikigo IFPI, bwagiye hanze ku wa 17 Ukwakira 2020, bwagaragaje ko uruganda rw'umuziki winjije Miliyari 81.9 € mu bihugu 27 bigize Umuryango w'Ibihugu by'u Burayi n'ubwami bw'u Bwongereza, kandi uru ruganda rw'umuziki rwahanze imirimo igera kuri miliyoni 2.

Ubundi bushakashatsi bwerekanye ko uruganda rw'umuziki rugira uruhare rwa Miliyari 170$ ku ngengo y'imari y'umwaka ya Leta Zunze Ubumwe za Amerika, kandi rugahanga akazi ku bantu barenga miliyoni 2.5 binyuze mu bitaramo, gucuruza ibihangano ku mbuga nkoranyambaga n'ibindi.

Imibare igaragaza ko uruganda rw'umuziki muri Nigeria rwinjiye Miliyoni 26$ muri Nigeria mu 2014, rwinjiza Miliyoni 34$ mu 2018, biteganyijwe ko muri uyu mwaka uru ruganda ruzinjiriza Nigeria nibura Miliyoni 44$. 

Tom Close yagaragaje ko umuziki wa Nigeria wabaye Mpuzamahanga kubera uburyo abatuye iki gihugu bashyigikira abahanzi 

Tom Close avuga ko abahanzi bo mu Rwanda bakwiye kugerageza kuririmba mu ndirimbo zo mu mahanga mu rwego rwo kwagura ibyo bakora

Source : https://inyarwanda.com/inkuru/129557/tom-close-yifashishije-umuziki-wa-nigeria-yagaragaje-igisabwa-ngo-umuhanzi-wi-kigali-yeguk-129557.html

Umurambo w'Umupolisi witwa PC Sibomana Simeon wakoreraga kuri Sitasiyo ya Rusizi, wabonetse ku wa Gatanu w'icyumweru gishize, tariki 12 Gicurasi, ku muhanda mu Kagari ka Karenge ku Murenge wa Rwimbogo.

Ni inkuru yababaje benshi barimo n'abaturage bo muri uyu Murenge, bababajwe no kuba uyu wari umwe mu babacungira umutekano, yishwe n'abagizi ba nabi.

Inzego zishinzwe iperereza, zahise ziritangira, biza gutuma ku wa Kabiri w'iki cyumweru tariki 16 Gicurasi, ku bufatanye bwa Polisi y'u Rwanda n'Urwego rw'Igihugu rw'Ubugenzacyaha, bata muri yombi abantu batatu barimo umwarimu, bikekwa ko ariwewagize uruhare mu rupfu rwa nyakwigendera.

Kuri uyu wa Gatanu tariki 18 Gicurasi 2023, abaturage bo mu Murenge wa Rwimbogo wabonetsemo umurambo w'uyu Mupolisi, bagiye mu Nteko yabo ari benshi, kuko bari bumvise amakuru ko bari bwerekwe abakekwaho ubu bugizi bwa nabi.

Bamwe mu bari baje muri iyi Nteko y'Abaturage, babwiye RADIOTV10 ko bashenguwe n'urupfu rwa nyakwigendera, bavugaga ko bari bafite amatsiko yo kureba abo bita 'inkozi z'ibibi' (baracyari abere kuko batarahamwa n'ibyaha bakekwaho), ariko ko bababajwe no kuba batashye batababonye kuko bifuzaga kubareba amaso ku maso ngo babanenge.

Aba baturage barimo abavugaga ko bigomwe imirimo yabo kugira ngo baze kureba abo bantu bishe Umupolisi, batashye bijujuta.

Gusa umuyobozi w'Akarere ka Rusizi, ubwo yaganirizaga aba baturage, yababwiye ko kwerekwa abo bantu bakekwaho uruhare mu rupfu rwa nyakwigendera 'atari yo ntego y'inama.'

Aba baturage batashye bavuga ko nubwo bateretswe abo bakekwaho ubwo bugizi bwa nabi, basaba ko nibabihamwa, bazahabwa igihano kibakwiye.

Source : https://umuryango.rw/amakuru/mu-rwanda/ubutabera/article/abaturage-ba-rwimbogo-baje-ku-bwinshi-mu-nteko-yabaturage-bataha-bateretswe

Kuva tariki ya 20 kugeza 27 Gicurasi 2023 ni bwo muri BK Arena hazaba hari kubera aya marushwanwa azitabirwa n'amakipe umunani yahize andi muri Afurika.

Ni irushanwa rikurikirwa n'abatari bake kuko Abanyarwanda n'abanyamahanga bamaze kurimenyera bitewe n'uburyohe bwayo.

Ibi binagaragarira ku buryo amatike y'abazareba BAL agurwa. Mu buryo bugezweho, igurishwa ry'amatike ryashyizwe mu ikoranabuhanga ku buryo buri mufana wese azakurikira imikino ya nyuma, azi neza umwanya ndetse n'intebe azicaraho.

Imyanya yagurishijwe mu buryo butatu, Igice cy'iruhande rw'ikibuga ni cyo gisa n'ikiri hejuru kuko abazahicara bishyura 41.250 Frw, igikurikiyeho hejuru amatike yaho agurwa 12.750 Frw, mu gihe mu cyo hejuru muri BK Arena hazaba hishyurwa 1500 Frw.

Ugendeye ku rubuga rugurishirizwaho amatike uciye kuri https://bal.nba.com/ usanga imyanya myinshi yaramaze kugurwa ukurikije uko imikino izagenda iba.

Ku munsi wo gufungura iri rushanwa ni ho bigaragara ko amatike yaguzwe ari menshi. Mu myanya y'icyubahiro cyane cyane iyegereye ikibuga, yamaze kurangira, kuko imyinshi muri yo yagenewe abanyacyubahiro bifuje kureba iyi mikino.

Buri mukunzi wa Basketball waguze itike azajya aba yemerewe kureba imikino yose uko ari ibiri iteganyijwe ku munsi. Abashoboye kwihuriza hamwe bakagura itike imwe ari abantu icumi, bari kugabanyirizwa 15% ku matike biyemeje kugura.

Usibye mu myanya y'abishyura 12.750 Frw, hasigayemo imyanya iri munsi ya 150, ahandi hose amatike yamaze kurangira.

Amakipe ategerejwe muri BAL 2023 ni Cape Town Tigers, Clube Ferroviário da Beira, Al Ahly Sporting Club, Clube Atlético Petroleos de Luanda zakomeje muri Nile Conference. Hakiyongeraho Abidjan Basketball Club, Rwanda Energy Group, Association Sportive des Douanes na Stade Malien zavuye muri Sahara Conference.

Tariki ya 20 Gicurasi 2023 ni bwo imikino ya 1/4 cya BAL izatangira aho uwa mbere uzahuza Stade Malien na Cape Town Tigers saa Kumi mbere y'uko Al Ahly Sporting Club icakirana na REG saa Moya n'Igice z'ijoro.

Source : https://umuryango.rw/imyidagaduro/imikino/article/hasigaye-amasaha-make-irushanwa-rya-bal-ya-2023rigatangira-uko-amatike-yifashe

Umugaba Mukuru w'ingabo z'u Rwanda Gen. Jean Bosco Kazura asanga igihe kigeze ngo habe amavugurura mu mikorere y'ubutumwa bw'amahoro hirya no hino ku Isi kuko kubungabunga amahoro bisaba kubanza kuyashaka no kuyagarura aho yahungabanye.

Gen. Kazura yabigarutseho mu kiganiro ku hazaza h'ibikorwa by'ubutumwa bw'amahoro ari na cyo gisoza inama ku mutekano, National Security Symposium 2023 imaze iminsi 3 ibera muri Kigali Convention Centre.

Gen. Kazura yavuze ko gusuzuma no gusesengura ahazaza h'ibikorwa by'ubutumwa bw'amahoro ari ikiganiro cy'ingirakamaro kuko muri iki gihe kuko umutekano mu bihe biri imbere uri mu rwijiji kubera ibibazo by'iterabwoba n'ibitero by'ikoranabuhanga bivuka buri munsi.

Umugaba Mukuru w'Ingabo z'u Rwanda yavuze ko bitumvikana uburyo hashyirwaho ubutumwa bwo kubungabunga amahoro mu gace runaka katarangwamo amahoro kandi akazi k'ibanze kakabaye gakorwa aho hantu ari ukuhagarura amahoro nyuma akaba ari bwo hashyurwaho uburyo bwo kuyabungabunga.

Gen. Kazura atanga urugero rwa MINUAR ubutumwa bw'amahoro bwa LONI bwari mu Rwanda mu gihe cya jenoside yakorewe abatutsi bwatereranye Abanyarwanda icyo gihe kandi ari bwo bari babakeneye cyane kurusha ikindi gihe.

Avuga ko amakosa agenda akorwa mu mikorere y'ubutumwa bw'amahoro ashobora gukosorwa niba koko ubwo butumwa buba bufite intego yo kurinda abaturage kuko ari bo baba bakeneye amahoro.

Yavuze ko ingero z'ibikwiye kuba bikorwa zihari kandi zigenda ziyongera, agatanga urugero ku mikoranire y'u Rwanda n'ibihugu bya Santarafurika na Mozambique. Nko muri Mozambique Gen. Kazura yagaragaje ko icyo ingabo z'u Rwanda zabanje gukora ari ukugarura umutekano wari warabuze mu Btara ya Cabo Delgado none ubu ibikorwa bihari bikaba ari ibyo kubungabunga uwo mutekano n'amahoro kuko byamaze kugaruka.

National Security Symposium, ni inama ku mutekano itegurwa n'Ishuri rikuri ry'Ingabo z'u Rwanda, Rwanda Defense Force Command and Staff College ku bufatanye n'ubuyobozi bw'ingabo z'u Rwanda, RDF. Iy'uyu mwaka ikaba imaze iminsi 3 ibera muri Kigali Convention Centre, ikaba yaritabiriwe n'impuguke ndetse n'inararibonye mu by'umutekano ziturutse hirya no hino ku Isi, abashakashatsi n'inzobere mu nzego zitandukanye mu nzego za gisivile n'iza gisirikare mu bihugu bitandukanye no ku rwego mpuzamahanga.

National Security Symposium yitabiriwe n'impuguke ndetse n'inararibonye mu by'umutekano ziturutse hirya no hino ku Isi, irimo kubera muri Kigali Convention Centre. Photo: Rwanda MoD

Source : https://umuryango.rw/amakuru/mu-rwanda/article/gen-kazura-yavuze-impinduka-zakorwa-mu-mikorere-y-ubutumwa-bw-amahoro

Uwitwa MUSABYI Alexis yasabye guhindura amazina mu buryo bwemewe n'amategeko MUHIRE MUSABYI ALEXIS mu bitabo by'irangamimerere.

Impamvu atanga zituma asaba guhindura amazina akaba ari uko ari amazina ari kuri passport.

Source : https://umuryango.rw/amatangazo/article/itangazo-musabyi-alexis-yasabye-guhindura-amazina-akitwa-muhire-musabyi-alexis

Aba yobozi bo mu murenge wa Rugerero, bafashwe tariki 18 Gicurasi, 2023 ni Uwiringiyimana Alice, w'imyaka 28, ni SEDO w'Akagari ka Kabirizi na Habumugisha Cyprien w'imyaka 33 y'amavuko, we ni Umuyobozi w'umudugudu wa Nyamyiri.

UMUSEKE wamenye ko bakurikiranyweho ibyaha birimo kwaka amafaranga abaturage bagizweho ingaruka n'ibiza kugira ngo, bashyirwe kuri lisiti y'abahabwa imfashamyo y'amafaranga, ari guhabwa bene abo bantu.

Ikindi ngo bariya abayobozi bakurikiranyweho gushyira kuri lisiti abataragizweho ingaruka n'ibiza, 'babanje kubaha amafaranga'.

Aba bayobozi kandi ngo banakurikiranyweho kuba na bo barishyize kuri lisiti y'abahabwa amafaranga, kandi bataragizweho ingaruka n'ibiza.

Abacyekwaho icyaha bafungiye kuri Sitasiyo ya RIB ya Gisenyi mu gihe dosiye yabo iri gukorwa ngo ishyikirizwe Ubushinjacyaha.

Ubusanzwe mu Rwanda GUSABA, KWAKIRA CYANGWA GUTANGA INDONKE ni icyaha gihanwa n'itegeko. ugihamije ahabwa igihano cy'igifungo kitari munsi y'imyaka itanu (5), ariko kitarenze imyaka irindwi (7) n'ihazabu y'amafaranga y'u Rwanda yikubye inshuro kuva kuri eshatu (3) kugeza kuri eshanu (5) z'agaciro k'indonke yatse cyangwa yakiriye.

KUNYEREZA UMUTUNGO cyo ugihamijwe n'urukiko ahanishwa igifungo kitari munsi y'imyaka 7, ariko kitarenze imyaka 10 n'amafaranga y'u Rwanda yikubye inshuro kuva kuri 3 kugeza kuri 5 z'agaciro k'umutungo yanyereje.

KWIHESHA IKINTU CY'UNDI HAKORESHEJWE UBURIGANYA, cyo ugihamijwe ahabwa igifungo kitari munsi y'imyaka ibiri (2), ariko kitarenze imyaka itatu (3) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Source : https://umuryango.rw/amakuru/mu-rwanda/ubutabera/article/rubavu-abayobozi-2-baravugwaho-indonke-mu-bagizweho-ingaruka-n-ibiza

Kunda unkundire ngukunde,
Ngukunde rwose ntunze,
Utuze maze ukundwakaze,
Itoto rigwe ritembagare,
Umutima ukunde utekane,
Utere utuje utikanga,
Unsekere neza ubishaka,
Maze ngushimire Imana.

Source : https://yegob.rw/umutoma-wumunsi-ku-wa-19-05-2023-kunda-unkundire-ngukunde/

Umwarimu witwa Ndahayo François wigisha ku ishuri rya G.S Mukamira mu karere ka Nyabihu umurenge wa Mukamira aracyari umusore ku myaka 44 y'amavuko.

Ndahayo François umaze imyaka irenga 15 yose ari mu mwuga w'uburezi ndetse yitwara neza cyane mu kazi ke yatangaje ko akiri ingaragu mbese atarashaka umugore gusa ngo hari byinshi yagezeho mu myaka yose amaze atarashaka umugore kuko yaguze amasambu menshi ndetse akubaka n'inzu.

Gusa ubu Ndahayo François avuga ko isaha n'isaha ashobora gushaka umugore ntubwo nta gihe gihamye atanga gusa ibyatunga umugore ndetse n'abana byo ara bifite kandi atangaza ko icyo adakunda ari ukugendera mu kigare mbese kwigana abandi ibyo bakora ngo nawe abikore.

Source : https://yegob.rw/icyo-nta-kunda-ni-ukwigana-mawarimu-ndahayo-francois-agejeje-imyaka-44-yose-akiri-ingaragu/