Webrwanda Backend

Category: Uncategorized

  • BKArena irakira imikino ya nyuma ya BAL 2023, REG BBC ihagarariye u Rwanda iratangirana na Al Ahly #rwanda #RwOT

    Guhera kuri uyu wa gatandatu tariki ya 20 Gicurasi 2023, mu nyubako ya BK Arena haratangira imikino ya nyuma y'irushanwa rya Basketball Africa League 2023, ni irushanwa rihuza amakipe 8 ya nyuma yitwaye neza.

    Iri rushanwa rikaba ririmo amakipe ya mbere yitwaye neza mu gice cya Sahara Conference n'andi ane yitwaye neza mu gice cya Nile Conference, aya makipe yombi akaba agiye guhurira mu mikino ya nyuma igomba kumara icyumweru kimwe mu mujyi wa Kigali.

    Iyi mikino iratangira kuri uyu wa gatandatu, aho ikipe ya Rwanda Energy Group Basketball Club itangira ikina na Al Ahly yo mu misiri, ni umukino utangira ku isaha ya saa Moya n'igice z'umugoroba.

    REG BBC ifite akazi katoroshye ko guhesha ishema u Rwanda rumaze imyaka itatu rwakira iyi mikino yo ku rwego rwo hejuru izakoresha bamwe mu bakinnyi bazwi hano mu gihugu ndetse no ku rwego mpuzamahanga.

    Urutonde rw'abakinnyi ikipe ya REG BBC izakoresha muri iri rushanwa:

    Adonis Filer, Cleveland Thomas Jr, Pitchou Manga, Delwan Graham, Olivier Shyaka, Jean Jacques Nshobozwabyosenumukiza, Ntore Habimana, Dieudonne Ndizeye, Pascal Nyonkuru, Jean Umuhoza, Ulrich Chomche na Axel Mpoyo.

    Uyu mukino utegerejwe n'abanyarwanda uzabanzirizwa n'uzahuza Stade Malien yo muri Mali ndetse na Cape Town Tigers yaje ihagarariye igihugu cya Afurika y'Epfo, ni umukino uzatangira guhera ku isaha ya Saa kumi zuzuye.

    Nk'uko abategura iri rushanwa babitangaje, ku isaha ya Saa kumi zo kuri uyu wa gatanu amatike yo kuri uyu mukino yari yamaze gushira, ibi bivuze ko ugiye kubera mu nyubako yakira abantu ibihumbi 10 ubu ntayo wabona yo kuri uyu mukino.

    The post BKArena irakira imikino ya nyuma ya BAL 2023, REG BBC ihagarariye u Rwanda iratangirana na Al Ahly appeared first on RUSHYASHYA.

    Source : https://rushyashya.net/bkarena-irakira-imikino-ya-nyuma-ya-bal-2023-reg-bbc-ihagarariye-u-rwanda-iratangirana-na-al-ahly/?utm_source=rss&utm_medium=rss&utm_campaign=bkarena-irakira-imikino-ya-nyuma-ya-bal-2023-reg-bbc-ihagarariye-u-rwanda-iratangirana-na-al-ahly

  • RDC: ishyirahamwe ry'aborozi ryavuze ko FDRL imaze kuritwara inka zirenga (…) – Umuryango.rw #rwanda #RwOT

    Ibi byemejwe kuri uyu wa gatanu n'ishyirahamwe ry'aborozi bo muri Kivu y'Amajyaruguru 'ACOGENOKI' nkuko byanditswe n'urubuga rwa radio Okapi.

    Iri shyirahamwe ritunga agatoki umutwe w'inyeshyamba wa FDLR usanzwe urwanya u Rwanda kuba ku isonga muri ibi bitero.

    Ni ibitero ngo byahungabanyije bikomeye ubworozi bwa benshi cyane cyane abafite inka nyinshi.

    Ubwoba ni bwinshi kuri aba borozi ndetse ngo abenshi muribo batangiye kugurisha inka zabo mu rwego rwo kwirinda ko bakomeza kugirirwa urugomo.

    Source : https://umuryango.rw/amakuru/mu-mahanga/umutekano/article/rdc-ishyirahamwe-ry-aborozi-ryavuze-ko-fdrl-imaze-kuritwara-inka-zirenga-1000

  • Raporo ya Kenya yashyize Rwanda ku mwanya wambere nk'isoko ryiza kuri banki (…) – Umuryango.rw #rwanda #RwOT

    Iyi raporo ivuga ko u Rwanda rwacurujweho miliyari zirenga 10 z'amashiringi y'amanyakenya, bingana na 31% mu mafaranga yacurujwe na banki z'ubucuruzi z'abanyakenya mu karere.

    Ikinyamakuru Daily Nation cyandikirwa i Nairobi, kivuga ko u Rwanda rwongeye kuza ku mwanya wa mbere mu bihugu byo mu karere kuba isoko ryiza kuri izi banki z'abanyakenya mu 2022, nyuma y'uko n'umwaka wari wabanje wa 2021, nabwo arirwo rwari ku isonga.

    Repubulika iharanira Demokarasi ya Congo 'DRC' iza ku mwanya wa kabiri kuko mu mwaka ushize banki z'abanyakenya zahacuruje amafaranga yikubye inshuro zirenga 2 ugereranyije n'umwaka wa 2021

    Congo yinjirije Kenya ku kigero cya 30% naho Uganda iza ku mwanya wa gatatu kuko nayo yagize uruhare mu kwinjiza amafaranga mu isanduku ya banki zo muri Kenya ku kigero cya 16%.

    Izi banki z'abanyakenya kandi zifite isoko ryiza mu bihugu bya Tanzania, ibirwa bya Mauritius, Uburundi na Sudan Yepfo.

    Zikomeje no kwagura imipaka hakurya y'Afurika y'iburasirazuba, kuko izi banki z'abanyakenya, zamaze gufungura amashami yazo mu bihugu bya Malawi na Mozambique.

    Source : https://umuryango.rw/amakuru/mu-mahanga/ubukungu/article/raporo-ya-kenya-yashyize-rwanda-ku-mwanya-wambere-nk-isoko-ryiza-kuri-banki

  • Umubyeyi w'umuhanzi utunze agatubutse Chameleone yacyebuye abagabo badaha (…) – Umuryango.rw #rwanda #RwOT

    Nyina w'umuhanzi wo muri Uganda Joseph Mayanja wamamaye nka Jose Chameleone uri no bahanzi batunze agatubutse muri Afurika y'iburasirazuba ,yacyebuye abagabo badafata neza abagore babasuye mu ngo zabo .

    Abajijwe inama yagira abakiri bato kugira ngo bazabashe kugera mu myaka nk'iye kandi neza dore ko ikibaraje ishingana ari amafaranga.

    Uyu mubyeyi aseka cyane agaragaza ko ibyo bashaka aribyo ati “Kuki mudashaka kuyabaha umugore afite guhabwa ntabyo uzi se. Ubwo niba utabizi ni wowe mpamvu nyamukuru ituma inkumi zijagaraye.'

    Akomeza agira ati “Ntabwo ubaha itike none ucyeneye ko agendesha amaguru. Ubundi ni inshingano z'umugabo gufasha umukobwa mu buryo bw'amafaranga niyo mpamvu babasaba itike.'

    Inama z'uyu mubyeyi zatangaje benshi bavuga ko ibyo avuga aribyo cyane ko umugabo akwiye gukora akamenya umugore n'umuryango muri rusange byanakorwa n'umugore ariko atari inshingano ze.

    Mu busanzwe Proscovia Musoke Mayanja ni umugore wa Gerald Mayanja bamaranye imyaka itari micye wavuga ko bijyanye nibyo yavuze ari uko umugabo we yamumenyeraga itike akamwitaho ntiyaba abeshye.

    Aba bombi bakaba bafitanye abana batari bacye barimo n'abahanzi Joseph Mayanja [Jose Chameleone], Pius Mayanja [Pallaso] na Douglas Mayanja [Weasel].

    Imyaka ibaye myinshi Musoke Mayanja abana na Gerald Mayanja aha hariho ifoto yabo ya cyera ni ya none ya Musoke ateruye umwe mu buzukuru beGerald na Musoke babyaranye abana bakomeye mu muziki wa Afurika

    Source : https://umuryango.rw/imyidagaduro/article/umubyeyi-w-umuhanzi-utunze-agatubutse-chameleone-yacyebuye-abagabo-badaha-tike

  • REMA yatangije amahugurwa yitezweho gutanga icyerekezo ku mihindagurikire y'ibihe – #rwanda #RwOT

    Hashize iminsi mike u Rwanda ruhuye n'ibiza byahitanye abantu 135, hangirika byinshi mu bikorwaremezo n'imyaka y'abantu irangirika, biturutse ku mvura idasanzwe yaguye mu bice bitandukanye by'igihugu.

    Nubwo atari igihamya cya nyuma cy'ihinduka ry'ibihe, abahanga mu by'iteganyagihe babihuza n'ingaruka zaryo ndetse REMA ivuga ko hakenewe amakuru yizewe kandi abonekera ku gihe yerekana ingaruka zishobora kubaho mu bihe biri imbere.

    Kuri uyu wa 19 Gicurasi 2023, REMA yatangije amahugurwa ku bakozi 50 b'ibigo bya Leta n'ibyigenga, bari guhabwa ubumenyi mu gusesengura amakuru ajyanye n'imihindagurikire y'ibihe, no gutanga raporo inoze kuri ayo makuru babonye.

    Umuyobozi Mukuru wa REMA, Juliet Kabera, yavuze ko kugira ngo habeho ubujyanama ku nzego zifata ibyemezo, bisaba kugira abakozi basobanukiwe amakuru atangwa n'ibigo bishinzwe iteganyagihe.

    Yagize ati 'Tuba dukeneye gukoresha imibare ifatika tugendeye ku bipimo by'ubushyuhe cyangwa iby'imvura, niba tubona hagiye kugwa imvura tukabikuramo ubutumwa bwumvikana, tukabikuramo amakuru atuma twakwirinda kubura ubuzima bw'abantu cyangwa ibintu. Ibyo ntitwabigeraho tudafite abakozi babasha gukoresha aya makuru tuba dufite ngo bakuremo amakuru akenewe twashingiraho dufata ibyemezo.'

    Kabera avuga ko mbere bakoreshaga abakozi bavuye hanze kugira ngo bafashe mu gutegura aya makuru ariko nyuma y'amahugurwa azamara amezi icyenda bizeye ko abo bakozi bazaba bafite ubushobozi bwo gusuzuma ingaruka z'imihindagurikire y'ibihe mu bigo bakorera.

    Umuyobozi Mukuru w'Ishami rishinzwe Imihindagurikire y'Ibihe muri Minisiteri y'Ibidukikije, Cyiza Beatrice, yavuze ko ubumenyi aba bakozi bari guhabwa ari igisubizo ku guhangana n'imihindagurikire y'ibihe mu Rwanda no ku Isi muri rusange.

    Ati 'Iyo dufite raporo nziza, irimo amakuru yizewe habaho igenamigambi rinoze. Ntitwakora igenamigambi ry'igihe kirekire tudafite amakuru ateguye neza yo gushingiraho. Ntitwashyiraho politiki nziza hatari amakuru yizewe yashingirwaho.'

    Buri myaka ibiri u Rwanda rutanga raporo igaragaza uko ibigo na za Minisiteri bigira uruhare mu kurengera ibidukikije, ikazajya igirwamo uruhare runini n'aba bakozi bari guhugurwa.

    Aya mahugurwa atangwa ku bufatantye na Kaminuza ya AIMS, abari guhugurwa bakazahabwa impamyabushobozi ziri ku rwego mpuzamahanga.

    Umuyobozi Mukuru wa REMA, Juliet Kabera, yavuze ko bizeye ko nyuma y’amahugurwa abakozi bazaba bafite ubushobozi bwo gusuzuma ingaruka z'imihindagurikire y'ibihe mu bigo bakorera

    Umuyobozi Mukuru w'Ishami rishinzwe Imihindagurikire y'Ibihe muri Minisiteri y'Ibidukikije, Beatrice Cyiza

    Bategerejweho kuzana impinduka mu bigo bakorera

    Abakozi bo mu bigo bitandukanye bari guhugurwa ku gutanga amakuru ku mihindagurikire y’ibihe

    Source : http://igihe.com/amakuru/u-rwanda/article/rema-yatangije-amahugurwa-yitezweho-gutanga-icyerekezo-ku-mihindagurikire-y

  • Top 20 Most Visited Websites in Tanzania 2023 Popular #rwanda #RwOT

    In our previous post, we covered the most visited websites […]

    The post Top 20 Most Visited Websites in Tanzania 2023 Popular appeared first on UGWIRE.

    Source : https://ugwire.com/most-visited-websites-tanzania/

  • Mama Nick wo muri City Maid nyuma y’igihe gito akoze impanuka, yapfushije umuhungu we #rwanda #RwOT

    Mukakamanzi Beatha ukina ari Mama Nick muri filime y’uruhererekane yitwa City Maid ari mu gahinda gakomeye ko gupfusha umwana we w’umuhungu.

    Amakuru y’uko uyu mwana w’umusore yitabye Imana, yamenyekanye ku mugoroba wo kuri uyu wa Gatanu tariki ya 19 Gicurasi 2023 ari nawo munsi yapfiriyeho.

    Yitabye Imana nyuma y’iminsi mike arwaye. Mu butumwa bwa nyina bwuzuyemo ahahinda, yagize ati “Mwana wanjye warariwe urihangana ukomera gisirikare kugeza ku munota wa nyuma, ariko Imana yagukunze kuturusha. Ugiye tukigushaka ariko twizeye ko aho ugiye ariho heza. Imana ikwakire mu bayo.'

    Abuze umuhungu we na we atarakira imvune yatewe n’impanuka ikomeye yakoze tariki 11 Werurwe 2023 akaba agendera mu kagare.

    Mama Nick wakinnye muri filime zitandukanye zirimo ‘Intare y’Ingore’, ‘City Maid’ yitiriwe, afite abana 6 ndetse n’abuzukuru 5.

    Mama Nick ari mu gahinda gakomeye ko gupfusha umwana we

    Umuhungu we yari amaze iminsi arwaye

    Source : http://isimbi.rw/sinema/article/mama-nick-wo-muri-city-maid-nyuma-y-igihe-gito-akoze-impanuka-yapfushije-umuhungu-we

  • Ubushomeri mu Rwanda bwageze kuri 17.2% – #rwanda #RwOT

    Iyo mibare yakusanyijwe muri Gashyantare 2023 yerekana ko nubwo ubushomeri bwagabanutseho 7.1%, iyo ugereranyije na Gashyantare 2022, bwazamutseho 0.7 ku ijana kuko icyo gihe bwari kuri 16.5 ku ijana.

    Ku rundi ruhande, ubushomeri buri hejuru mu bagore (19.2 ku ijana) ugereranyije n'abagabo (15.5 ku ijana), bukaba hejuru mu rubyiruko rufite imyaka hagati ya 16 na 30 kuko buri kuri 20.4 ku ijana, ugereranyije n'abarengeje iyo myaka (15.1 ku ijana.)

    Iyo mibare yamuritswe muri iki cyumweru yerekana ko Abanyarwanda bafite imyaka yo gukora, ni ukuvuga hejuru ya 16, bari miliyoni 7,9.

    Barimo miliyoni 4,5 bari ku isoko ry'umurimo ubaze abafite akazi n'abashomeri, bangana na 57.6% by'Abanyarwanda, mu gihe abatari ku isoko ry'umurimo bari miliyoni 3,3, bahwanye na 42.4 %.

    Abari ku isoko ry'umurimo

    Muri aba bantu bari ku isoko ry'umurimo, harimo miliyoni 3,8 bafite akazi bahwanye na 47.7 % by'abaturage bose, naho ibihumbi 792 bangana na 17.2% nta kazi bafite.

    Urwego rw'ubuhinzi ruza imbere mu gutanga imirimo myinshi ku bagera kuri 46.2%, urwego rw'inganda rugatanga imirimo kuri 14.6%, mu gihe urwego rwa serivisi rufite 39.1%.

    Mu bushomeri, abadafite akazi biganje mu rubyiruko kuko mu bafite imyaka hagati ya 16-24 bwari kuri 21.8 ku ijana, mu bafite hagati y'imyaka 25-34 bwari 17.3 ku ijana, mu gihe mu bafite imyaka hagati ya 35-54 bwari 15.7 ku ijana.

    Ibyiciro bifite ubushomeri bwo hasi ni abafite imyaka hagati ya 55-64 (13.1 ku ijana) n'abarengeje 65 (9.7 ku ijana).

    Mu rwego rw'ubuhinzi kandi habarirwamo abantu bagera kuri 53.4 % bafatwa nk'abadafite akazi, bakora ubuhinzi bubaha ibibatunga gusa.

    Muri iyi mibare, abanyeshuri badakora indi mirimo yinjiza amafaranga, babarirwa mu batari ku isoko ry'umurimo.

    Imibare yabo muri Gashyantare 2023 yari 761,200, bangana na 22.5 ku ijana by'abaturage bose batari ku isoko ry'umurimo. Muri Gashyantare babarirwaga kuri 25.9 ku ijana, mu gihe mu Ugushyingo 2022 bari 26.3 ku ijana.

    Umubare usigaye w'abantu batari ku isoko ry'umurimo ugizwe n'abakuze, abafite ubumuga, abatagifite ubushake bwo gushaka akazi n'abandi. Bose babarirwaga muri miliyoni 1.09 muri Gashyantare 2023, bangana na 32.2 ku ijana.

    Icyakora bagabanyutseho 2.2 ugereranyije n'Ugushyingo 2022.

    Mu bindi byiciro byibasiwe n'ubushomeri, hagendewe ku ho abantu batuye, ubushomeri mu mujyi bugeze kuri 15.9 ku ijana, mu byaro bukaba 18.0 ku ijana.

    Muri rusange ibyiciro bifite ubushomeri buri hasi ni abafite hagati y'imyaka 35-54 kuko ubushomeri buri kuri 13.2 ku ijana, n'abafite imyaka hagati ya 55-64 kuko ubushomeri buri kuri 13.8 ku ijana.

    Ushingiye nko ku mashuri abantu bize, abize kaminuza bari mu bushomeri ni 12.9 ku ijana, mu gihe abarangije amashuri yisumbuye ari 25.6 ku ijana.

    Icyorezo cya COVID-19 gifatwa nk'icyatije umurindi ubushomeri, kuko imirimo imwe yafunzwe, indi ikagabanyirizwa ingengo y'imari cyangwa ishoramari ryashyirwagamo.

    Bibarwa ko muri Gashyantare 2023, urwego rw'ubuhinzi rwongereye imirimo ihangwamo ho igera ku bihumbi 144, ugereranyije n'Ugushyingo 2022.

    Ku rundi ruhande, bibarwa ko abakozi basaga ibihumbi 43 batakaje imirimo yabo mu rwego rw'inganda, ugereranyije n'igihembwe cyabanje. Icyakora, iyo mirimo iri hejuru ho ibihumbi 31, ugereranyije n'igihembwe nk'iki mu mwaka ushize.

    Mu rwego rwa serivisi, nibura abakozi ibihumbi 131 babonye akazi ugereranyije n'Ugushyingo 2022.

    Imibare igaragaza ko ubushomeri buri no mu rubyiruko rurangiza kaminuza

    Source : http://igihe.com/amakuru/u-rwanda/article/ubushomeri-mu-rwanda-bwageze-kuri-17-2

  • Cimerwa yatanze imifuka ya sima 2100 yo kubakira abasenyewe n'ibiza – #rwanda #RwOT

    Minisiteri y'Ibikorwa by'Ubutabazi yashyikirijwe iyi nkunga, ivuga ko ari ugufasha igihugu gusana no kongera kubaka ibyangijwe n'ibiza, aho mu byumweru bibiri biri imbere imirimo yo kubakira abaturage izatangira.

    Kuri ubu hirya no hino mu turere harimo gushakishwa ahantu heza hagomba gutuzwa iyo miryango.

    Ibi biza byo ku wa 2 -3 Gicurasi 2023, byahitanye abantu 135 mu gihe abakomeretse bo ari 110. Muri abo, abamaze gukira ni 97 mu gihe abari mu bitaro ari 13.

    Kugeza ubu habarurwa abaturage 20.326 bakuwe mu byabo n'ibi biza bacumbikiwe muri site z'agateganyo 83.

    Perezida Kagame yashimye abakomeje kwihanganisha u Rwanda muri ibi bihe bikomeye. Ati 'Turabashimira ko mwabaye hafi mukanafasha Abanyarwanda. Mu gihe dukora ibishoboka byose ngo dusane ibyangiritse tunafasha abarokotse, ubutumwa bwanyu butwibutsa ko tuzatsinda izi nzitizi.'

    Guverinoma y'u Rwanda itangaza ko nyuma y'ibyo biza ikomeje kwakira ubufasha butandukanye bwaba ubw'abantu ku giti cyabo ndetse n'ibigo byigenga.

    Umunyamabanga Uhoraho muri Minisiteri Ishinzwe Ibikorwa by'Ubutabazi, Habinshuti Philippe, yabwiye IGIHE ko 'Hari abantu benshi bari kudufasha baduha ibikoresho bitandukanye, ari abatanga inkunga y'amafaranga, ibikoresho by'ibanze dukeneye gukoresha uwo mwanya ariko ntabwo turi kureba iby'iminsi mike gusa, tugiye kureba n'iby'igihe kirambye.'

    Icyo gihe MINEMA yatangazaga ko mu buryo butandukanye bwashyizweho bwo gukusanya inkunga haba kuri nimero ya konti cyangwa kuri telefone, yashyizweho hari hamaze gukusanywa miliyoni 110 Frw.

    Cimerwa yatanze imifuka ya sima 2100 yo kubakira abasenyewe n'ibiza

    Source : http://igihe.com/amakuru/u-rwanda/article/cimerwa-yatanze-imifuka-ya-sima-2100-yo-kubakira-abasenyewe-n-ibiza

  • Inteko y'Umuco yashyizeho uburyo bwo gusura Ingoro Ndangamurage hifashishijwe ikoranabuhanga – #rwanda #RwOT

    Byatangarijwe mu Karere ka Karongi mu birori byo kwizihiza Umunsi Mpuzamahanga w'Ingoro Ndangamurage, wizihizwa tariki 18 Gicurasi buri mwaka.

    Intebe y'Inteko Amb. Robert Masozera yavuze ko umubare w'abasura ingoro Ndangamurage wongeye kwiyongera nyuma y'uko bari baragabanutse kubera icyorezo cya Covid-19.

    Mu Rwanda habarirwa ingoro ndangamurage umunani zisurwa n'abagera ku bihumbi 400 ku mwaka biganjemo Abanyarwanda ku kigero cya 70%. Gusa nubwo Abanyarwanda aribo benshi basura ingoro z'umurage w'u Rwanda sibo bazinjiriza menshi kuko bishyura make.

    Amb. Masozera avuga ko mu rwego rwo korohereza abasura ingoro ndangamurage w'u Rwanda bashyizeho uburyo bw'ikoranabuhanga zirohereza abakeneye gusura izi ngoro bitabaye ngombwa ko batega indege cyangwa imodoka ngo bagere aho zubatse.

    Ni uburyo bushya, Inteko y'Umuco ifatikanyije n'ikigo cy'ikoranabuhanga Google ishami ryacyo ryita ku muco n'umurage ryitwa Google Art.

    Amb. Masozera avuga ko icyorezo cya Covid-19 cyeretse Inteko y'Umuco ko ikoranabuhanga ari ngombwa, bituma itangira gushyira imbaraga ku mishinga yo gushyira Ingoro Ndangamurage mu ikoranabuhanga, ku buryo umuntu aho yaba ari hose ku Isi ashobora gusura ibimuritswe akoresheje ikoranabuhanga.

    Ati “Ni gahunda turimo dukora ingeze nko kuri 80%, twaranayimuritse ejobundi ikindi twigisha n'urubyiruko narwo gukoresha ikoranabuhanga atari mu ngoro ndangamurage gusa ahubwo n'abaturage ubwabo bamenye gukoresha mu kubyaza umusaruro amahirwe ari mu murage'.

    Umuntu ukeneye gusura ingoro ndangamurage ajya kuri Google Art agahitamo ingoro ashaka gusura, akabona agace gatoya yakenera kureba ibirenzego ikoranabuhanga rikamwereka ikiguzi agomba kwishyura yakishyura rikamuha uburenganzira bwo gusura.

    Iri koranabuhanga rizafasha kandi mu kunoza ubushakashatsi ku buryo bwo gufata neza ingoro ndangamurage, ndetse no kugeza amakuru ku bashakashatsi bashya mu bijyanye n'umurage w'u Rwanda.

    Inteko y'Umuco ivuga ko mu musaruro biteze kuri iri koranabuhanga harimo no kongera umubare w'abasura Ingoro Ndangamurage kuko bitazaba bisaba ikiguzi cyo gutega indege cyangwa imodoka ngo umuntu agere aho zubatse.

    Ingoro Ndangamurage z'u Rwanda zifite igihugu akamaro kanini karimo kwigisha Abanyarwanda uko abababanjirije babaganga n'indangagaciro zabaranze hakiyongeraho no kuba zinjiriza igihugu amafaranga agera kuri miliyoni 400Frw buri mwaka, amafaranga biteganywa ko azakomeza kwiyongera bigendanye n'ubwiyongere bw'abasura izi ngoro.

    Ikiguzi cyo gusura Ingoro Ndangamurage z'u Rwanda ku Munyarwanda ni 700Frw ku mwana na 1500Frw ku muntu mukuru. Umunyamahanga utaba mu Rwanda ni 6000Frw naho ku munyamahanga uba mu Rwanda ni 5000Frw. Ku munsi mpuzamahanga w'Ingoro Ndangamurage gusura biba ari ubuntu.

    Ingoro Ndangamurage y’u Rwanda mu Karere ka Huye

    Source : http://igihe.com/amakuru/u-rwanda/article/inteko-y-umuco-yashyizeho-uburyo-bwo-gusura-ingoro-ndangamurage-hifashishijwe