Category: Uncategorized

Nyampinga w’u Rwanda wa 2016, Mutesi Jolly yavuze ko umunyamakuru Karegeya Omar yivovota avuga ubusa, ni nyuma yo kumugira inama y’uko yakoresha amafaranga ye.

Ibi byaje nyuma y’inkundura yagarutse ku mbuga nkoranyambaga bamwe bibaza impamvu Miss Mutesi Jolly yatanze miliyoni 4 Frw agura ibitabo 100 bya Miss Nishimwe Naomie (kuko kimwe kigura ibuhumbi 40).

Ibi umunyamakuru Karegeya Omar ubwo yaganiraga n’umunyamakuru Cassien Pizzo, yavuze ko na we atabona impamvu yaguze kopi 100 z’igitabo cya Nyampinga w’u Rwanda wa 2020, Nishimwe Naomie yise “More Than Crown”.

Ngo aya mafaranga yari kuyafashisha abatishoboye cyangwa akaba yayishyuriramo abari bataye amashuri.

Miss Mutesi Jolly, akaba atakiriye neza aya magambo aho yavuze ko Karegeya Omar yavuze ubusa kuko impamvu yaguze biriya bitabo yumvikana kandi ko nta muntu ukwiye kumugira inama y’uko akoresha amafaranga ye, ni mu butumwa yanyujije ku rukuta rwe rwaTwitter.

Ati 'Ngaho reba nawe ukuntu yivovota avuga ubusa. Ubuse iyi 'analysis’ (ubusesenguzi) ni bwoko ki? Ibi bitabo bigenewe kuzakoreshwa bihabwa abanyeshuri batandukanye badafite ubushobozi mu bukangurambaga Naomie azakora.'

Yongeyeho ko gushyigikira igitabo n’ubwanditsi nabyo ari imwe mu nzira zifatika zo guteza imbere urubyiruko n’igihugu muri rusange.

Ku ruhande rwe, Miss Nishimwe Naomie na we yigeze gutangaza ko inkunga yakiriye mu kumurika igitabo cye izamufasha kugigeza ku bantu benshi, by’umwihariko abatishoboye, kugira ngo inkuru n’ubutumwa bikubiyemo bigere kure.

Ngaho Reba nawe ukuntu yivovota avuga ubusa.Ubuse iyi analysis ni bwoko ki?
Ibi bitabo bigenewe kuzakoreshwa bihabwa abanyeshuri batandukanye badafite ubushobozi muri campaign naomi azakora. Ikindi,nakoresheje ayajye uko byumva, singombwa ngo tubyumvikaneho. Ntimugakabye Kabisa https://t.co/UAMNBKDkT2

— Jolly Mutesi. #TeamPK (@JollyMutesi) December 17, 2025

Karegeya ntiyumva ukuntu Miss Mutesi Jolly yaguze kopi 100 z’igitabo cya Naomie

Miss Mutesi Jolly yabwiye Karegeya ko atari we ugena uko akoresha amafaranga ye

Umuhanzi Lolilo Simba yatangaje ko Big Fizzo agomba gusaba imbabazi abahanzi bose bo mu Burundi nyuma yo gutangaza ko nta terambere ryigize riba mu ruganda rw’umuziki uhereye igihe yaviriye muri iki gihugu akerekeza ku mugabane w’u Burayi.

Mu ntangiriro z’uku kwezi ni bwo Umuhanzi Mugani Désiré wamenyekanye nka Big Fizzo yongeye kuvugisha abakurikirana imbuga nkoranyambaga muri iki gihugu nyuma yo gutangaza ko uruganda rwa Muzika mu gihugu cye rutajya ruhinduka mu mpande zose kuva yahava.

Uyu mugabo kuri ubu usigaye ubarizwa ku mugabane w’i Burayi aho abana n’umuryango we, ibi yabigarutseho mu kiganiro yagiranye na radio ya Irebe, aho yahishuye ko umuziki wo mu gihugu cye udatera imbere na gato ukurikije aho ibindi bihugu byo mu karere bigeze.

Ati 'Ntacyo mbona kiyongereye mu muziki, sinzi icyabiteye ariko nta mpinduka mbona. Uko ibitaramo byategurwaga nta na rimwe cyahindutse, Urubyiniro uko rwubakwaga nikwa kundi, ibyumva bisakaza majwi ni kwa kundi, ntacyahindutse kuva nahava.'

Mu gusubiza aya magambo y’uyu muhanzi banazamukanye mu myaka yo muri 2010, Lolilo mu kiganiro yagiranye n’umunyamakuru Landry Promoter yagaragaje ko nubwo Big Fizzo afatwa nk’umunyabigwi mu Burundi ariko ko ibyo kwigamba ko yagiye ibintu byose bigasubira inyuma ari ukurengera cyane.

Ati 'Big Fizzo ni umuntu wubashywe hano mu gihugu ariko icyo kuvuga ngo ni umuntu ushobora kuva hano ubuzima bwose bwa gihanzi bugahagarara ntabwo ari byo rwose . Njyewe mbona akwiye kwisubiraho kuri ibyo yavuze ndetse agasaba n’imbabazi .'

Uyu muhanzi wakoranye indirimbo na Diamond Platinumz bise 'Najuwa’ yanagaragaje ko iyi mvugo ya Big Fizzo igaragaza agasuzuguro no guca amazi ibikorwa biri kugerwaho n’abahanzi bari kuzamuka neza muri iki gihugu.

Ati 'Usibye nawe na Kidum Kibido ntabwo yavuga gutyo, ibyo ni ukwirengagiza nkana ibikorwa by’abahanzi bari kuzamuka neza nka Kirikou Akili, Double Jay na B-Face.'

Big Fizzo aheruka ku rubyiniro ubwo yari yatumiwe mu gitaramo yahuriyemo na Jose Chameleone cyiswe 'Amahoro i Wacu Festival’ cyabaye tariki 29 Ugushyingo 2025.

Lolilo yasabye Big Fizzo gusaba imbabazi

Ibyo Big Fizzo yavuze byafashwe nko gusuzugura abahanzi bagenzi be

Nyuma yo kubona imyitwarire y’umukinnyi w’uwumunya-Misiri wari mu igeragezwa muri Rayon Sports, Al Ismael Ahmed yamaze gusezererwa muri iyi kipe ngo ntazigere agaruka.

Ku munsi w’ejo hashize ku wa Kabiri tariki ya 16 Ukuboza 2025 ni bwo Al Ismael Ahmed yatunguranye mu myitozo ya Rayon Sports agiye gukora igeragezwa.

Ni umukinnyi watunguranye cyane bitewe n’uburyo agaragaramo asa nk’aho rwose atigeze akina umupira.

No mu kibuga byaje kwigaragaza ko yagaragaje urwego rwo hasi cyane ndetse n’umutoza Lomami Marcel yavuze ko abona ko akiri hasi cyane ari ukureba mu minsi iri imbere byazakunda ariko aka kanya ari hasi cyane.

Gusa amakuru ISIMBI yamenye ni uko nyuma y’iyi myitozo, perezida wa Rayon Sports, Murenzi Abdallah yegereye Ahmed amubwira ko umwanya yahawe uhagaije atazagaruka kuko ntacyo batabonye.

N’ikimenyi menyi Rayon Sports yakoze imyitozo mu gitondo cyo kuri uyu wa Gatatu, abakinnyi ba Rayon Sports bakoze imyitozo ariko uyu rutahizamu ukomoka mu Misiri ntabwo yigeze ahagaragara.

Al Asmael Ahmed yirukanywe muri Rayon Sports

Shakib Lutaaya, umugabo wa Zari Hassan uzwi cyane mu bucuruzi no ku mbuga nkoranyambaga, yatangaje ko we n’umugore we bahisemo kudakurikirana ibikorwa bya buri wese ku mbuga nkoranyambaga, mu rwego rwo kubungabunga amahoro no gutuma urugo rwabo ruguma rutuje.

Mu kiganiro yagiranye n’umunyamakuru wa YouTube, Shakib yasobanuye ko icyo cyemezo gishingiye ku gusobanukirwa ubuzima Zari abayemo nk’umuntu uzwi cyane.

Yavuze ko Zari akunze gutanga ibitekerezo bye ku ngingo zitandukanye, bityo akumva ko atari ngombwa guhora akurikirana ibyo avuga cyangwa ashyira ku mbuga nkoranyambaga.

Ati 'Zari ni umuntu uzwi cyane, avuga byinshi ku buzima n’ibibera hirya no hino. Iyo avuze akibeshya gato, ni ibisanzwe kuko na we ni umuntu. Icy’ingenzi ni ukumva uko ubuzima bwe bumeze.'

Shakib avuga ko gukurikirana buri jambo umugore we avuga byamutera kwishora mu kutumvikana kudafite ishingiro. Yongeyeho ko hari amagambo ashobora gufatwa nabi kandi atamureba na gato, ari na yo mpamvu ahitamo kutivanga mu bintu atarebwa na byo.

Kugira ngo yirinde izo mpaka zose, Shakib yavuze ko yafashe icyemezo cyo kutareba na gato ibiri ku mbuga nkoranyambaga za Zari. Yavuze ko n’iyo hari abantu bamwoherereza ubutumwa burimo amashusho cyangwa amagambo atifuza kubona, ahita abusiba atazuyaje.
Ati 'Kugira amahoro bisaba kwirinda ibintu byinshi. Guhagarika, gusiba no kutareba ubutumwa ni byo bizana ituze.'

Shakib yanavuze ko n’umugore we yubahiriza iyo gahunda, kuko na we atajya akurikirana ibyo ashyira ku mbuga nkoranyambaga ze zirimo Snapchat. Ku bwe, iyo myitwarire igira uruhare runini mu gutuma urugo rwabo ruguma mu mahoro no mu bwumvikane.

Shakib yavuze impamvu we na Zari nta n’umwe ukurikira undi

Rutahizamu wa APR FC, William Togui Mel yavuze ko mu gihe utiteguye guhangana n’abakunenga ubu utarakura bihagije ku buryo watekerezwa mu gukora ibintu ibyo ari byo byose.

Ni amagambo uyu rutahizamu wa APR FC yatangaje anyujije ku mbuga nkoranyambaga ze, by’umwihariko ku rukuta rwa Instagram.

Ibi benshi bahise babihuza no kuba amaze iminsi agarukwaho ku mbuga nkoranyambaga, mu bitangazamakuru no mu bafana b’ikipe ye bavuga ko adatsinda, atarimo gufasha ikipe ye APR FC.

William Togui Mel utavuze icyo yabikoreye ahubwo abantu bakabihuza n’ibihe arimo, yashyizeho amafoto mu mwambaro wa APR FC maze aherekezwa n’amagambo agira ati “Niba udakomeye bihangije ngo wihanganire kunengwa, uracyari muto cyane ntukwiye gutekerezwaho.”

Uyu rutahizamu wageze mu Rwanda mbere y’uyu mwaka w’imikino, ntabwo aremeza abakunzi b’iyi kipe kubera ko ataratsinda ibitego nk’uko bari babyitize.

Kugeza ubu mu mwaka w’imikino wa 2025-26, mu mikino ya shampiyona 11 APR FC amaze gukina, William Togui Mel amaze gutsindira iyi kipe y’Ingabo z’Igihugu ibitego bitatu, yabitsinze Gicumbi FC, Rayon Sports na Musanze FC.

William Togui yatangaje amagambo akomeye

Umutoza wungirije wa Rayon Sports, Lomami Marcel yavuze ko umukinnyi ukomoka mu Misiri, Al Ismael Ahmed imyitozo ye ikiri hasi bizasaba igihe.

Ku gucamunsi cy’ejo hashize ku wa Kabiri, ni bwo inkuba yakubise ku mbuga nkoranyambaga bitewe n’uyu mukinnyi wari ugaragaye mu Nzove mu mwambaro wa Rayon Sports.

Ni umukinnyi ufite igihagararo gikanganye, kwambara umwambaro wa Rayon wo ubona utamukwira neza.

Abari mu Nzove batangiye kwibaza aho iki gihanyaswa kivuye, bari basigaye kureba mu kibuga niba awuhamya.

Nyuma y’iyi myitozo, umutoza Lomami Marcel yavuze ko nta byinshi yabitangazaho kuko ubona imyitozo ye ikiri hasi.

Ati “Uriya Munya-Misiri yaje adafite imyitozo, yaje adafite imyitozo ikintu kiriho nta byinshi navuga kuko hari imyitozo nashyize hariya ubona ko ananiwemo ariko ni mu rwego rwo kumureba, n’ejo tuzongera kandi tumurebe, haracyari igihe mu buryo bwo kumureba, icyo navuga imyitozo ye ni mike. “

Abajijwe niba abona yazavamo umukinnyi mwiza, yagize ati “Ni ukureba kuko ibintu byose mu mupira w’amaguru haracyarimo igihe.”

Ni imyitozo kandi yakozwe na rutahizamu w’Umugande, Ssenoga Kagawa uri mu Rwanda kurangizanya n’iyi kipe.

Al Ismael waje muri Rayon Sports yatunguye benshi

Lomami Marcel yavuze ko mu kibuga atameze neza