Category: Uncategorized

Perezida w'umuryango wa Kiyovu Sports, Mvukiyehe Juvénal, yatanze ubutumwa ku bakunzi b'iyi kipe iherutse kubuzwa amahirwe yo gutwara igikombe cya shampiyona nyuma yo gutsindwa na Sunrise igitego 1-0.

Abinyujije ku mbuga nkoranyambaga ze, Juvénal yagize ati 'Intambara imenya nyirayo ari uko irangiye. Turaba abafana kuguma inyuma y'ikipe yabo, kuko hari ibitarakorwa i Muhanga. Turasaba abafana kwitabira umukino wo ku cyumweru, kuko ikipe irabakeneye.'

Kuvuga ko intambara imenya nyirayo ari uko irangiye. Ni ubutumwa Juvénal yahaye ikipe ya APR FC iyoboye urutonde rwa shampiyona, aho ayibwira ko bazizera ko batwaye igikombe cya shampiyona ari uko batsinze Gorilla FC bazakina ku mukino wa nyuma wa shampiyona.

Source : https://yegob.rw/hari-ihitarakorwa-i-muhanga-perezida-wa-kiyovu-sports-mvukiyehe-juvenal-yahaye-ubutumwa-apr-fc-ndetse-agira-ubwo-agenera-abakunzi-ba-kiyovu-sports/

Igihembo cya Ballon D'or gitangwa buri mwaka kandi kigahabwa umukinnyi mwiza wahize abandi ku Isi mu mupira w'amaguru.

Hari abakinnyi batanu bari guhabwa amahirwe yo kwegukana iyi Ballon D'or kurusha abandi bose ku Isi barimo n'umukinnyi wayitwaye inshuro nyinshi kurusha abandi bose mu mateka y'Isi ari we Lionel Messi umaze kwibikaho iki gihembo inshuro zigera kuri zirindwi zose.

Dore uko urutonde ruhagaze n'uko abakinnyi bagiye bakurikirana:

1. Lionel Messi:

Uyu niwe mukinnyi uhabwa amahirwe kurusha abandi bose yo kuba yakwegukana iki gihembo dore ko yatwaye igikombe cy'Isi afashije ikipe ye y'igihugu ya Argentina ku buryo bukomeye kandi yandikiyemo amateka yo kuba umukinnyi wa mbere ku Isi kubera ko mu mateka ya ruhago ari we wenyine wabashije kwegukana ibikombe byose bikomeye.

Lionel Messi amaze gutsinda ibitego bigera kuri 37 kandi amaze no gutanga imipira yavuyemo ibitego igera kuri 25 yose kandi birashoboka cyane ko yakwegukana na shampiyona y'igihugu y'u Bufaransa igikomeye kurusha ibindi n'uko yegukanye igikombe cy'Isi.

2. Erling Braut Haaland:

Uyu musore ukiri muto mu myaka ari guhabwa amahirwe cyane yo kuba yakwegukana iki gihembo ku nshuro ye yambere mu mateka bitewe n'ibintu bihambaye akomeje kugenda akora.

Haaland yatwaye igikombe cya shampiyona y'igihugu y'Ubwongereza Premier League kandi amaze gutsinda ibitego bigera kuri 53 anatanga imipira 8 yavuyemo ibitego.

3. Kylian Mbappe:

Uyu ni umukinnyi uhambaye cyane benshi mu bakunzi ba ruhago badukunze gutinya kuvuga ko ari we mukinnyi ushobora kuzasimbura ibihangage bibiri ku Isi muri ruhago aribyo Christian Ronaldo ndetse na kizigenza Lionel Messi bitewe n'uburyo uyu mukinnyi adahwema kwereka abantu ko ashoboye.

Mbappe yagejeje ikipe y'igihugu y'u Bufaransa ku mukino wa nyuma w'igikombe cy'Isi kandi amaze gutsinda ibitego 52 anatanga imipira igera kuri 13 yose yavuyemo ibitego kandi aracyafite amahirwe yo kwegukana igikombe cya shampiyona y'igihugu y'u Bufaransa.

4. Vinicius Junior:

Uyu musore nawe afite impano idasanzwe mu gikina ruhago nk'uko yabigaragarije abakunzi b'umupira w'amaguru ku Isi.

Uyu musore nawe ukiri muto mu myaka amaze gutsinda ibitego bigera kuri 24 yatanze imipira yavuyemo ibitego igera kuri 25 kandi amaze kwegukana igikombe cya Copa Del Rey n'igikombe cy'Isi cy'amakipe asanzwe hamwe na Uaefa Super Cup.

5. Kevin De Bruyne:

Uyu mugabo ari mu bakinnyi bakina hagati mu kibuga abantu bose bareba ruhago bemeza ko ari mu bakinnyi beza Isi yatunze b'abahanga bakina hagati mu kibuga.

Uyu mukinnyi amaze gutsinda ibitego 10 kandi amaze gutanga imipira yavuyemo ibitego igera kuri 30 akaba yaragize uruhare rukomeye kugira ngo ikipe ya Manchester City itware igikombe cya shampiyona ndetse ibashe no kugera ku mukino wa nyuma w'igikombe cya Uaefa Champions League.

Source : https://yegob.rw/bizagorana-guhitamo-nyiracyo-gusa-bose-ni-beza-irebere-urutonde-rwabakinnyi-batanu-bahabwa-amahirwe-yo-kwegukana-ballon-dor-kurusha-abandi-ku-isi/

Shakib uherutse gusezerana kubana akaramata n'umuherwekazi Zari Hassan, yerekanye imodoka agendamo aho asimburanya umunsi ku munsi.

Uyu musore, abinyujije ku rukuta rwe rwa Instagram, yasangije abamukurikira amashusho agaragaza imodoka zihenze ajyendamo aho yavuye muri imwe ajya mu yindi.

Reba videwo aho hasi:

Source : https://yegob.rw/shakib-imodoka-azihinduranya-nkuhindura-imyenda-yimbere-ihere-ijisho-imodoka-zitunzwe-numusore-watsindiye-umutima-wumuherwekazi-zari-the-bosslady-videwo/

Mu mujyi wa kigali hagaragaye umugabo wazanye agashya ko gucuruza inkoni zo gukubita abajura, cyane cyane aba Nyamirambo, Kimironko na Remera kuko ngo ariho haba abajura benshi.

Uyu mugabo yavuze ko inkoni yo gukubita umujura wibye telefone n'utundi tuntu duto akubitwa inkoni igura ibihumbi bibiri by'amanyarwanda(2000 frw).

Naho uwibye Mashine (mudasobwa) n'ibindi bijya kunganya agaciro, akubitwa inkoni agurisha ibihumbi bitanu (5000frw).

Uwatoboye inzu we akubitwa inkoni y'akamaramaza nini cyane agurisha ibihumbi (8000frw) akaba ari nayo nkoni nini irimo.

Ariko izi nkoni, ibyo sibyo yazikoreye ahubwo asanzwe akora inkoni nziza akazigurisha ku bantu bisanzwe, cyane cyane ku basaza n'abacecuru.

 

Source : https://yegob.rw/abajura-barapfuye-barashize-kigali-abajura-bafatiwe-imyanzuro-idasanzwe-ubu-kwiba-ni-nko-kwicukurira-imva/

Nyuma yuko FPR Inkotanyi ihagaritse Jenoside yakorerwaga Abatutsi, ikabohora n'u Rwanda muri Nyakanga 1994, ambasade zose z'u Rwanda zari zikiri mu maboko y'abahagarariye Leta y'abicanyi ; niko byari bimeze na New York aho Ambasaderi Bizimana Jean Damascene wari uhagarariye u Rwanda mu kanama gashinzwe umutekano ku isi yibye umutungo wose n'inyandiko maze ambasade isigara yambaye ubusa. Iki cyari kimwe mu bibazo Leta yari iyobowe na FPR Inkotanyi yihutiye gukemura nubwo nta mikoro yari ifite.

Mu ruzinduko uwari Perezida Bizimungu yagiriye muri Leta zunze ubumwe z'Amerika m'Ukwakira 1994 yitabiriye Inteko rusange ya LONI yari aherekejwe nuwari Minisitiri w'ububanyi n'amahanga icyo gihe ariwe Jean Marie Vianney Ndagijimana yitwaje amafaranga kugirango ambasade yongere isubukure ibikorwa byayo.

Ambasade y'u Rwanda yirukanwe mu kanama k'Umuryango w'Abibumbye hagati mu kwezi kwa Kamena 1994 nuko abari abakozi b'Ambasade babona umwanya wo kwiba amafaranga yose n'inyandiko z'ibanga. Mu mezi atanu yari amaze, Ambasaderi Jean Damascene Bizimana yibye n'ibikoresho bishyashya abijyana aho yari acumbitse. Inzego z'umutekano z'Amerika zaramenyeshejwe igihe ambasaderi mushya yari yoherejwe muri icyo gihugu maze igisubizo kiza kivuga ko gushaka Bizimana ari nko gushakira urushinge mu byatsi kuko yihishahisha.

Ibyo byose Leta y'ubumwe yari iyobowe na FPR Inkotanyi yari ibizi kuko ambasade hafi ya zose z'u Rwanda niko byari bimeze. Ababikurikiraniraga hafi icyo gihe harimo na JMV Ndagijimana wari Ministiri w'ububanyi n'amahanga kandi Jenoside ikimara guhagarikwa ntabwo uburyo bwo kohereza amafaranga hakoreshejwe ikoranabuhanga byashobokaga.

Mu ruzinduko Perezida Bizimungu yagiriye muri Amerika m'Ukwakira 1994, Leta y'u Rwanda mu bushobozi bwayo buke yitwaje amadorali ibihumbi 187 kugirango amasade y'u Rwanda ibone uko ikora. Ayo mafaranga yatwawe na JMV Ndagijimana wari mu itsinda ryari riherekeje Perezida wa Repubulika.

Bakigera muri Amerika, ambasade yahise ibwirwako amafaranga yoherejwe maze Ndagijimana abwira uwari Ambasaderi icyo gihe Manzi Bakuramutsa ko amafaranga yabikijwe kuri Hotel kugirangi agire umutekano.

Ku munsi wakurikiyeho Perezida yabajije Ambasaderi Bakuramutsa niba yakiriye amafaranga igisubizo kiba oya. Ku munsi wa gatatu, Perezida yohereje abantu batatu kujya gufata ayo mafaranga ngo bayashyikirize ambasade barimo Dr Charles Murigande na Joseph Mutaboba. Umujura Ndagijimana yababwiye ko bazahurira kuri ambasade ku munsi ukurikiyeho ku isaha ya saa tanu akaba amafaranga.

Kuri uwo munsi Ambasaderi Manzi Bakuramutsa yarazindutse agiye gufata amafaranga ategereza saa tanu araheba birinda bigera saa sita. Bigeze saa saba bahamagaye kuri Hotel yari imucumbikiye mazi babwirwako Ndagijimana yasezeye muri Hotel.

Babanje gukeka ko yahinduye Hotel cyangwa yagiye gusura inshuti ariko bigeze mu masaha ya nimugoroba bahitamo kubibwira inzego z'umutekano. Ambasaderi Bakuramutsa yabanje guhamagara abari bashinzw umutekano wa Perezida Bizimungu bababwira ko hari umuntu wabuze kandi afite amafaranga menshi. Izo nzego z 'umutekao zabahuje na Polisi zaje gukora iperereza riza kubwira Amasaderi Bakuramutsa ko Ndagijimana yageze mu gihugu cy'Ubufaransa. Inkuru yabaye kimomo maze ibinyamakuru bikomeye muri Amerika byandika iyo nkuru harimo na New York Times.

Nyuma yuko inkuru isohotse uwari ukuriye umuryango utegamiye kuri Leta AmeriCare yaje kwegera ambasade y'u Rwanda ibabwira ko yaba ibagurije amafaranga yatwawe na Ndagijimana akazishyurwa mu gihe cy'amezi atandatu. Nyuma y'amezi atandatu ayo mafaranga yarishyuwe maze bose batangarira ubunyangamugayo bwa Leta y'u Rwanda.

Ubwo CARE yagurizaga Ambasade amafranga, yatumiye itangazamakuru maze u Rwanda ruri kurangiza umwenda narwo rutumiza itangazamakuru. Mu gutumira itangazamakuru AmeriCare yahaye ambasade icyapa kimeze nka Cheque handitseho ngo “ From AmeriCares to the people of Rwanda' maze u Rwanda rumaze kwishyura narwo rukora cheque yanditseho ngo “ From People of Rwanda to the AmeriCares “

Ni iby'Agaciro ku gihugu nk'u Rwanda cyari kimaze kuva mu mateka mabi ya Jenoside yakorewe Abatutsi. Tugarutse kuri Ndagijimana wigize umuntu uharanira uburenganzira bwa muntu yirirwa asebya u Rwanda igihugu yahemukiye ariko ntabwo yari aziko umutima w'u Rwanda ukomeye ubu umaze kugera kuri byinshi. Ikindi sinzi niba agifite ayo mafaranga dore ko asigaye yirirwa ashakishiriza ubuzima kuri YouTube asebya u Rwanda.

Na Faustin Twagiramungu wari Minisitiri w'Intebe icyo gihe kandi basangiye ishyaka yamaganye ibyo bikorwa bya Ndagijimana by'ubujura.

The post Sobanukirwa uburyo JMV Ndagijimana yibye amadorali 187.000 yagombaga gufasha amabasade y'u Rwanda muri Amerika gufungura ibikorwa byayo appeared first on RUSHYASHYA.

Source : https://rushyashya.net/sobanukirwa-uburyo-jmv-ndagijimana-yibye-amadorali-187-000-yagombaga-gufasha-amabasade-yu-rwanda-muri-amerika-gufungura-ibikorwa-byayo/?utm_source=rss&utm_medium=rss&utm_campaign=sobanukirwa-uburyo-jmv-ndagijimana-yibye-amadorali-187-000-yagombaga-gufasha-amabasade-yu-rwanda-muri-amerika-gufungura-ibikorwa-byayo

Nubwo benshi bamaze kwemeza ko Kiyovu Sports yamaze gutakaza igikombe cya shampiyona, Mvukiyehe Juvenal uyobora Kiyovu Sports LTD yasabye abakunzi b’iyi kipe kudacika intege bakaza kuyishyigikira ku mukino wa nyuma kuko byose bigishoboka.

Ubwo Kiyovu Sports yatsindwaga na Sunrise FC 1-0 mu mukino w’umunsi wa 29 ubanziriza uwa nyuma wa shampiyina ya 2022-23 yahise itakaza umwanya wa mbere wafashwe na APR FC banganya amanota 60 ariko ikayirusha ibitego izigamye.

Benshi mu bakunzi ba Kiyovu Sports bahise biheba bavuga ko igikombe bagitaye kuko niyo batsinda Rutsiro ku mukino wa nyuma ntacyo bimaze kuko batizeye ko APR FC izatakaza kuri Gorilla FC.

Gusa ibi siko perezida wa Kiyovu Sports LTD, Mvukiyehe Juvenal abibona, yasabye abakunzi b’iyi kuza kubashyigikira ku mukino usoza shampiyona kuko byose bigishoboka.

Ati “Intambara imenya nyirayo ari uko irangiye. Turasaba abafana kuguma inyuma y’ikipe yabo kuko hari ibitararangira i Muhanga. Turasaba abafana kwitabira umukino ku Cyumweru kuko ikipe irabakeneye.”

Kiyovu Sports izasoza shampiyona yakira Rutsiro FC ku Cyumweru tariki ya 27 Gicurasi 2023 aho kugira ngo yegukane igikombe biyisaba gutsinda uyu mukino ariko APR FC ikaba itatsinze Gorilla FC.

Juvenal atangaje ibi mu gihe atari mu Rwanda aho amakuru avuga ko ari i Bujumbura mu Burundi aho ari ibikorwa by’ubucuruzi yagiyemo.

Mvukiyehe Juvenal yasabye abafana ba Kiyovu Sports kudacika intege kuko bitararangira

Source : http://isimbi.rw/siporo/article/mvukiyehe-juvenal-yanze-kuva-ku-izima

Sitade Amahoro ni cyo kibuga gikuru cy’umupira w’amaguru mu Rwanda kuva yakubakwa ahagana mu 1986. Kuva muri Nzeri  umwaka ushize, imirimo yo kuvugurura iyi sitade yaratangiye, aho hari intego yo kubaka iki kibuga mu buryo bugezweho, ndetse ikongererwa n’ingano, ikajya yakira abantu ibihumbi 45 bavuye ku bihumbi 25.

Nyuma y’amezi 8 gusa, winjiye muri iyi sitade usanga hamaze guhindurwa byinshi, ndetse umuntu yavuga ko imirimo yo kubaka igeze nko mu cya kabiri. Biteganyijwe ko iyi sitade izuzuza mu 2024, ahagana mu mpera z’ukwezi wa Kamena, ndetse ikaba izakoreshwa mu muhango w’irahira ry’umukuru w’igihugu, ndetse ikazakira imikino y’igikombe cy’Isi cy’abakanyujijeho, kizabera mu Rwanda muri uwo mwaka.

Imirimo yo kubaka sitade Amahoro igeze kure, ndetse icyizere ni cyose ko umwaka utaha izatangira gukoreshwa

Ukinjira ahahoze amarembo manini, usanganirwa n’ibikorwa by’ubwubatsi n’urusaku rw’ibimashini 

Kanda hano urebe video igaragaza aho imirimo yo kuvugurura sitade Amahoro igeze

Umuzenguruko wa sitade, ku ruhande ruteganye n’imyanya y’icyubahiro 

Ahahoze ari mu myanya ya macye naho hazaba hatwikiriye nta zuba n’imvura bizagera ku bahicaye

Ibisima bizaterekwaho udutebe byatangiye guterekwa mu mwanya wabyo

Abubatsi barubaka ijoro n’amanywa ndetse bagasimburanwa kugira ngo imirimo yihute

Usibye ibice bizaba byegereye ikibuga bizaba bihenze, imyanya yo hejuru niyo izaba ihendutse ndetse ni naryo tandukaniro ku mafaranga abafana bazajya bishyura 

Ubu ikigezweho kuri iyi sitade ni uko abubatsi barimo gushyiraho inkingi zizafata igisenge 

Hanze ya sitade hari ibikorwa bitandukanye harimo n’amazu araramo abakozi 

Mu myanya y’icyubahiro hari kubakwa mu buryo budasanzwe bakoresheje ibyuma 

Abakozi bashishura amarangi yari asize ku bikuta ni bamwe mu bantu bakora akazi gakaze kubera ivumbi riba ritumuka 

Ikibuga cyazamuwe hejuru metero 3 ku buryo abafana bicaye hasi bazaba begeranye n’abakinnyi 

Aho abafana bazajya batangirira kwinjirira hari umwanya munini ndetse hari n’ibyumba bazajya bafatiramo icyo kunywa no kurya 

Ibyuma bizafata igisenge byamaze kuhagera ari byinshi ndetse bizazenguruka sitade yose

Iyi sitade izaba ifite uburebure busaga metero 30 bivuze ko umuntu uzajya yicara hejuru, azajya aba ameze nk’umuntu uri muri etaje ya gatandatu ibaye ari inyubako igeretse

Imodoka ni nyinshi ndetse zikora akazi gatandukanye ku buryo imirimo ihita yihuta 

Imvura igwa itagwa, abakozi barakora

Kanda hano urebe amafoto menshi

AMAFOTO: Ishimwe Olivier Ba

VIDEO: Ishimwe Olivier Ba 

Source : https://inyarwanda.com/inkuru/129727/tembera-sitade-amahoro-igiye-kuzura-ikibuga-cyarahinduwe-amafoto-video-129727.html

Uyu muhanzi wari usanzwe yitwa Rubangura David azumvikana mu ndirimbo 'Fou de Toi' yahuriyemo na Bruce Melodie na Producer Element. Ku rubuga rwa Spotify iyi ndirimbo yamaze kugeraho.

Biteganyijwe ko iyi ndirimbo yitsa ku rukundo izajya hanze kuri uyu wa Gatanu tariki 26 Gicurasi 2023, ku mbuga zitandukanye zicururizwaho umuziki. Iyi ndirimbo aba bahanzi bombi bamaze igihe bayiteguza abakunzi babo.

Iri mu rurimi rw'Igifaransa, Ikinyarwanda ndetse n'Icyongereza. Muri iyi ndirimbo, hari aho Bruce Melodie aririmba agira ati 'Uko uteye n'uko usa, birangaragura…Amaso yanjye ni wowe areba, urukundo wampaye rumara kwifuza, kandi sinicuza…'

Ross Kana witegura kwinjira mu 1:55 am yahoze yitwa Rubangura David, mu ntangiriro za 2021 yafashijwe n'umunyamakuru Irene Murindahabi gushyira hanze indirimbo ya mbere 'Selection' nyuma imikoranire iranga.

Mu 2022, uyu musore yakoze indi ndirimbo 'Inana' ayishyira hanze mbere y'uko Chriss Eazy asohora iyo byitiranwa. Kugeza ubu indirimbo ya mbere iri kuri MIE, indi yamaze kuyisiba ku muyoboro we wa Youtube.'

Umwe mu bakora muri 1:55 am yabwiye InyaRwanda ko ibiganiro byinjiza Ross Kana muri iyi Label byamaze kurangira, igisigaye ari ukubitangaza. Ati 'Ibiganiro bigeze kure, ariko muri rusange amasezerano ari hafi gushyirwaho umukono.'

Mu minsi ibiri ishize, Label ya 1:55 am yanditse ahatangirwa ibitekerezo baha ikaze Ross Kana, bagira bati 'Ikaze mu rugo Ross Kana.'

Coach Gael uri mu biruhuko muri Leta Zunze Ubumwe z'Amerika muri iki gihe, yifashishije imbuga nkoranyambaga ze yatangaje ko ahaye ikaze uyu muhanzi werekanye impano idashidikanywaho mu ndirimbo zirimo 'Selection' na 'Inana'.

Ross Kana yize gucuranga ibyuma bitandukanye birimo Piano, Acoustic, guitar, Drums n'ibindi bitewe n'uko yumvaga umuziki ari ubuzima. Mu 2021, yabwiye InyaRwanda ko yinjiye mu muziki afite intego yo kuba umuhanzi w'umumaro ku banyarwanda biciye mu ndirimbo zinezaza, zihugura kandi zigisha.

Icyo gihe uyu musore yavugaga ko afite umujyanama witwa Cindy de Jong ufite ubwenegihugu bwa Hollande, kandi bari bafitanye amasezerano y'imyaka itatu. Bahuye bigizwemo uruhare na M Irene wamufashaga mu muziki.

Indirimbo za mbere ebyiri yashyize hanze zari mu mazina ya Rubangura David, ariko kuri ubu yamaze gufata icyemezo cyo guhindura amazina yitwa Ross Kana.   

Source : https://inyarwanda.com/inkuru/129720/yahinduye-amazina-ross-kana-yinjiye-muri-155-am-ibarizwamo-bruce-melodie-129720.html

Umujyi wa Kigali watangije ku mugaragaro gahunda uhuriyeho n'abaturage yiswe 'Tujyanemo' igamije guhuza imbaraga hubakwa imihanda y'imigenderano ya kaburimbo, aho abaturage batanga 30%, umujyi wa Kigali ugatanga 70%.

Mu murenge wa Kimironko mu Karere ka Gasabo, ahari kubakwa imihanda y'imigenderano ya kaburimbo ya 2km ihuza imidugudu itatu ya Karongi, Buranga na Rugero two mu kagari ka Kibagabaga.

Iyi mihanda iri kubakwa iri muri gahunda ya tujyanemo aho abaturage bahuza imbaraga n'umujyi wa Kigali bakiyubakira imihanda. 

Abaturage batuye muri iyi midugudu bakusanyije asaga miliyoni 200 kugirango bageze 30% basabwa ngo kuko bayitezeho guca isuri yibasiraga iyi mihanda n'amazu ya bamwe ndetse ikazanagabanya umuvundo w'ibinyabiziga uba mu muhanda kimironko-Kibagabaga.

Umwe yagize ati 'Byagabanije ikibazo cy'isuri hafi nka 80%. Mbere byari bimeze nabi kuko yarazaga igatwara n'ingo z'abaturage hepfo, ariko ibyo byose byarahagaze.'

Undi nawe ati 'Izatuma uriya muhanda uva kimironko ujya ku bitaro bya Kibagabaga traffic jam (umuvundo w'ibinyabiziga) igabanuka kuko imodoka zose niho zacaga, Uyu muhanda nurangira, zimwe zizajya zica hano izindi zice haruguru.'

Ubwo yatangizaga ku mugaragaro gahunda ya Tujyanemo, Umuyobozi Wungirije w'Umujyi wa Kigali ushinzwe imiturire n'Ibikorwaremezo Mpabwanamaguru Merard, yavuze ko abaturage bose bo muri Kigali bagize ubwitange nk'ubwaba, imihanda iteganijwe kubakwa yakuzura vuba ikanafasha mu kurushaho kugira umujyi ucyeye, abasaba ko bazayibungabunga ubwo izaba yuzuye.

Yagize ati 'Turashimira uruhare rwabo bari kugira mu kwiyubakira ibikorwaremezo, kandi mbasaba ko mu kubaka ibi bikorwaremezo ijisho ryabo ryahaba, bakabireba umunsi ku wundi, ndetse n'igihe bizaba birangiye hakazabaho ko n'ubundi ijisho ryabo rizakomeza kureba no kurwanya icyakwangiza ibikorwaremezo.'

Abashinzwe gukusanya imisanzu muri iyi midugudu uko ari itatu bavuga ko nubwo hamaze kuboneka miliyoni 200 hakenewe izindi 25 kugira ngo uruhare basabwa rwa 30% rwuzure. Icyakora ngo nta mpungenge bafite kuko amaze gutangwa ari yo menshi kandi n'icyizere cyo kubona asigaye gihari.

Aba kandi bavuga ko kugira ngo iyi gahunda igerweho, buri rugo rwasabwe gutanga miliyoni 1.5 mu ngo zisaga 200 zituye muri iyi midugudu uko ari itatu.

CYUBAHIRO GASABIRA Gad

The post Umujyi wa Kigali n'abaturage batangiye kubakwa imihanda y'imigenderano appeared first on FLASH RADIO&TV.

Source : https://flash.rw/2023/05/24/umujyi-wa-kigali-nabaturage-batangiye-kubakwa-imihanda-yimigenderano/?utm_source=rss&utm_medium=rss&utm_campaign=umujyi-wa-kigali-nabaturage-batangiye-kubakwa-imihanda-yimigenderano

Volker Turk yavuze ibi ababaye cyane kubera inzira karengane zikomeje kubabarira muri iyo ntambara yabuze gica.

Yasabye Abdel Fattah al-Burhan na Mohamed Hamdan Dagalo bahanganiye ubutegetsi muri Sudani guhagarika byihuse ibyaha nk'ibyo we yise urukoza soni.

Ni mu gihe hari agahenge gake cyane nako katurutse kukuba impande zihanganye zari zemeye gutanga agahenge kuri uyu wambere ariko nti byubahirizwe uko bikwiye.

Abaturage mu mugi wa Khartoum babwiye BBC ko ibisasu bikomeje guterwa mu bice bitandukanye by'umugi.

El Obeid umugi w'amajyaruguru ya Kordofan umuganga yabwiye iki gitangazamakuru abaturage bagera kuri 5 bamaze kwitaba Imana nyuma y'uko agahenge kumvikanyweho katubahirijwe.

Source : https://umuryango.rw/amakuru/mu-mahanga/umutekano/article/sudani-un-yamaganye-abajenerari-bari-gufata-abore-ku-ngufu