Webrwanda Backend

Category: Uncategorized

  • Tina Turner ufatwa nk'umwamikazi wa 'Rock and Roll' yitabye Imana #rwanda #RwOT

    Umuririmbyi Tina Turner wari icyamamare muri muzika ya 'Rock and Roll' wakunzwe kubera indirimbo zizwi cyane nka The Best na What's Love Got to Do With It, yapfuye ku myaka 83.

    Mu myaka ya vuba aha, Tina Turner yagize ibibazo bitandukanye by'ubuzima birimo kanseri, gucika k'udutsi tw'ubwonko hamwe n'ikibazo cy'impyiko.

    Yatangiye kwamamara mu myaka ya 1960 ubwo yaririmbanaga n'uwari umugabo we Ike Turner mu ndirimbo nka Proud Mary, River Deep, na Mountain High.

    Mu 1978 yatandukanye na Ike kubera ihohoterwa yamukorereraga maze ajya gushaka iterambere rye nk'umunyamuziki wikorana mu myaka ya 1980.

    Tina yaje guhimbwa 'Umwamikazi wa Rock n Roll', kubera imbaraga ze kuri scène/stage, ijwi rikomeye kandi ry'imbaraga ry'umwihariko.

    Urupfu rwe rwatangajwe kuri page ye ya Instagram. Aho bagize bati: 'Muri muzika ye, yashimishije miliyoni z'abafana ku isi kandi aba ikitegererezo ku byamamare by'ejo hazaza. Uyu munsi dusezeye inshuti ikomeye idusigiye twese umurage ukomeye cyane; muzika ye.'

    Tina Turner yatwaye ibihembo umunani bya Grammy Awards ndetse ashyirwa muri Rock 'n' Roll Hall of Fame mu 2021 nk'umuririmbyi ku giti cye, mbere yari yarayishyizwemo mu 1991 nk'itsinda rye na Ike.

    Abaririmbyi yabereye urugero muri muzika bakiri bato barimo abaje kuba ibyamamare nka Beyoncé, Janet Jackson, Janelle Monae na Rihanna.

    The post Tina Turner ufatwa nk'umwamikazi wa 'Rock and Roll' yitabye Imana appeared first on FLASH RADIO&TV.

    Source : https://flash.rw/2023/05/25/tina-turner-ufatwa-nkumwamikazi-wa-rock-and-roll-yitabye-imana/?utm_source=rss&utm_medium=rss&utm_campaign=tina-turner-ufatwa-nkumwamikazi-wa-rock-and-roll-yitabye-imana

  • Urupfu rwe rwashenguye abarimo Joe Biden! Umunyabigwi muri muzika Tina (…) – Umuryango.rw #rwanda #RwOT

    Umuririmbyi Tina Turner wari icyamamare muri muzika ya Rock and Roll wakunzwe kubera indirimbo zizwi cyane nka The Best na What's Love Got to Do With It, yapfuye ku myaka 83.

    Abantu benshi bakunze muzika ye ku isi barimo gutangaza akababaro kabo, Perezida Joe Biden wa Amerika yavuze ko Turner — umukobwa wavutse mu rugo rw'umuhinzi muri leta ya Tennessee, 'yahinduye muzika ya Amerika iteka ryose'

    Ibindi byamamare nka Mariah Carey, Diana Ross, Sir Elton John cyangwa Sir Mick Jagger batangaje agahinda batewe n'urupfu rw'uwo bise 'icyamamare', 'ishuti' cyangwa 'uw'ikirenga'.

    Mu myaka ya vuba aha, Tina Turner yagize ibibazo bitandukanye by'amagara birimo canseri, gucika k'udutsi tw'ubwonko hamwe n'ikibazo cy'impyiko.

    Yatangiye kwamamara mu myaka ya 1960 ubwo yaririmbanaga n'uwari umugabo we Ike Turner mu ndirimbo nka Proud Mary, River Deep, na Mountain High.

    Mu 1978 yatandukanye na Ike kubera ihohoterwa yamukorereraga maze ajya gushaka iterambere rye nk'umunyamuziki wikorana mu myaka ya 1980.

    Tina yaje guhimbwa 'Umwamikazi wa Rock n Roll', kubera imbaraga ze kuri scène/stage, ijwi rikomeye kandi ry'imbaraga ry'umwihariko.

    Urupfu rwe rwatangajwe kuri page ye ya Instagram. Aho bagize bati:

    'Muri muzika ye, yashimishije miliyoni z'abafana ku isi kandi aba ikitegererezo ku byamamare by'ejo hazaza.

    Uyu munsi dusezeye inshuti ikomeye idusigiye twese umurage ukomeye cyane; muzika ye.'
    Tina Turner yatwaye ibihembo umunani bya Grammy Awards ndetse ashyirwa muri Rock 'n' Roll Hall of Fame mu 2021 nk'umuririmbyi ku giti cye, mbere yari yarayishyizwemo mu 1991 nk'itsinda rye na Ike.

    Abaririmbyi yabereye urugero muri muzika bakiri bato barimo abaje kuba ibyamamare nka Beyoncé, Janet Jackson, Janelle Monae na Rihanna.

    ' Yarafite Ingufu karemano'
    Uwari ushinzwe ibikorwa bye mu gihe cy'imyaka 30, Roger Davies, mu itangazo yavuze ko 'Tina yari umwihariko n'urugero rw'ingufu karemano kubera imbaraga ze n'impano ye nini cyane'.

    Yagize ati: 'Kuva ku munsi wa mbere duhura mu 1980, yari yifitiye icyizere rwose mu gihe ari bacye bari bakimufitiye…Nzamukumbura cyane.'

    Abandi bantu batandukanye barimo icyamamare mu kumurika imideri Naomi Campbell, icyamamare muri basketball Magic Johnson, n'abaririmbyi nka Kelly Rowland, Ciara, Sir Mick Jagger, Sir Elton John bavuze ubuhangange bwa Turner n'agahinda batewe n'urupfu rwe.

    Tina Turner yari muntu ki?
    Yavukiye muri leta ya Tennessee muri Amerika mu rugo rw'abahinzi nyuma ajya kuba umuririmbyi ufasha muri band ya Ike wahise aba umugabo we yitwa The Kings of Rhythm.

    Vuba vuba yahise ajya mu b'imbere b'iyo band, ariko umugabo we yari amugeramiye kubera kumuhohotera.

    Uyu mugabo we niwe wahinduye izina rye ry'ababyeyi rya Anna Mae Bullock akamwita Tina Turner — icyemezo yafashe batacyumvikanyeho, urugero rw'uburyo yamugenzuraga.

    Mu gitabo cy'ibyo yaciyemo yanditse mu 2018 yise My Love Story, Tina yibuka ihungabana yaciyemo aho agereranya imibonano mpuzabitsina n'uyu wari umugabo we utakiriho no 'gufatwa ku ngufu'.

    Yaranditse ati: 'Yafataga izuru ryanjye nk'umufuka wo gukubita amakofe kenshi ku buryo nigeze kumva amaraso ashoka kugera mu ijosi ndimo kuririmba.'

    Nyuma yo guhunga Ike, Tina yagiye kubaka muzika ye bwite maze aba umwe mu bakomeye mu myaka ya za 80 na 90 kubera indirimbo ze zakunzwe cyane nka Let's Stay Together, Steamy Windows, Private Dancer, I Don't Wanna Fight na It Takes Two.

    Yabonye ibyishimo ku mugabo we wa kabiri, Umudage Erwin Bac w'umushoramari muri mizika batangiye gukundana mu myaka ya za 80 bagashyingiranwa mu 2013.

    Aba bombi biberaga mu Busuwisi kuva icyo gihe ndetse Turner yari yarafashe ubwenegihugu bw'iki gihugu. Mu 2017 Erwin yahaye Turner impyiko ye imwe nyuma y'uko bamusanganye ikibazo cyazo.

    Tina yahuye kandi n'ibyago ubwo yapfushaga umuhungu we mukuru Craif wiyahuye mu 2018. Se w'uyu muhungu ni Raymond Hill wahoze aririmbana na Turner muri band.

    Undi muhungu we, Ronnie, yabyaranye na Ike Turner, we yapfuye mu 2022. Afite abandi bahungu babiri yakiriye, Ike Jr na Michael, abahungu Ike yabyaye mbere ku bandi bagore.

    Mu kiganiro yagiranye na Magazine yitwa Marie Claire South Africa mu 2018, Turner yagize ati: 'Abantu bibaza ko ubuzima bwanjye bwabaye ubukomeye, ariko nyamara ni urugendo rwiza cyane. Uko usaza niko ugenda ubona ko atari uko byagenze.'

    Source : https://umuryango.rw/imyidagaduro/article/urupfu-rwe-rwashenguye-abarimo-joe-biden-umunyabigwi-muri-muzika-tina-turner

  • Ingabo za Leta ya Congo na MONUSCO biyemeje gushaka umuvuno mushya wo (…) – Umuryango.rw #rwanda #RwOT

    Ingabo za Leta ya Congo FADC na MONUSCO biyemeje gukora iyo bwabaga ngo bahashye imitwe y'inyeshyamba ibarizwa mu burasirazuba bwa Congo, ikomeje kubica bigacika muri aka gace.

    Ibi byabereye mu nama yahuje komite ishinzwe umutekano ya MONUSCO na FARDC kuri uyu wa 23 Gicurasi, bakemeza ko bagiye gufatanya bakarandura imitwe yitwaje intwaro nk'uko byagarutsweho n'umwe mu bayobozi ba MONUSCO, Mirhanda Filho ubwo yasuraga turiya duce.

    Nimugihe ingabo za Leta na MONESCO zarebeye hamwe uko zabungabunga umutekano wa baturage bakarwanya iriya mitwe yitwaje intwaro ikomeje gutwara ubuzima bw'abaturage n'ibyabo.

    Mu mitwe yatunzwe agatoki harimo ADF,umutwe w'iterabwoba ukomoka muri Uganda ukaba ukorera mu bursirazuba bwa Congo, muri Kivu y'amajyaruguru.

    Umuyobozi wa MONUSCO Mirhanda Filho, yasabye abaturage bo muri Ituri kwizera ibyo MONUSCO yiyemeje kandi ko bazabigeraho.

    Yagize ati 'Ndashaka guhumuriza abaturage bo muri Ituri nkabamenyesha ko twiyemeje kurinda umutekano wabo. Kuri ubu sinshobora kuvuga neza icyo tugiye gukora, Ariko ndashaka gusaba abaturage kutwizerako tugiye kubaha umutekano '.

    Kuri uyu munsi guverineri wungirije w'intara ya Ituri Jenerali Johnny Luboya yatangaje ko ibikorwa bya gisirikare bafatanyije na MONUSCO bagiye gutangira kurwanya imitwe yi twaje intwaro ikomeje kwica abaturage.

    Source : https://umuryango.rw/amakuru/mu-mahanga/article/ingabo-za-leta-ya-congo-na-monusco-biyemeje-gushaka-umuvuno-mushya-wo-guhashya

  • Hizihijwe umunsi w’igitabo, hahembwa abagarag… – #rwanda #RwOT

    Ku itariki 24 Gicurasi niho isi yose yizihiza umunsi wahariwe igitabo, ni muri urwo rwego urugaga rw’abanditsi mu Rwanda (Rwanda Writers Federation) rwijihije uyu munsi rufatanije n’abanditsi b’ibitabo mu Rwanda aho bamwe muri bo bahawe ibihembo bya ‘Ubudasa Book Award’ kubera uruhare rwabo mu guteza imbere ubwanditsi.

    Iki gikorwa cyabereye ku cyicaro gikuru cy’urugaga rw’abanditsi mu Rwanda giherereye i Remera mu mujyi wa Kigali. Abitabiriye iki gikorwa biganjemo urubyiruko babonye umwanya wo guhura no kuganira n’abanditsi ndetse banasoma ibitabo binyuranye ari nako banishimira aho u Rwanda rugeze mu bwanditsi.

    Umwanditsi kabuhariwe Hategekimana Richard ukuriye urugaga rw’abanditsi mu Rwanda, yafashe umwanya yibutsa urubyiruko ko rukwiye kumenyera gusoma ibitabo ndetse ko ahazaza h’ubwanditsi hari mu maboko yabo. 

    Yanaboneyeho gutangaza ku mugaragaro ko urugaga abereye umuyobozi rugiye kujya rutanga ibihembo bya ‘Ubudasa Book Award’ ku bantu bagaragaje ubudasa mu bwanditsi no kubushyigikira.

    Bwa mbere kandi ibi bihembo byahise bitangwa aho bamwe mu banditsi bahembwe ndetse n’ibinyamakuru byagize uruhare mu gukora inkuru zivuga ku bitabo n’iterambere ryabyo. 

    Mu banditsi bahembwe harimo rwiyemeza mirimo akaba n’umwanditsi Sina Gerard, Rugero David, Leatitia Mugabo, Karekezi Martine, Prof Malonga Pacifique, Hon. Rwagatare Joseph, kaminuza ya PIASS n’abandi.

    Mu cyiciro cy’itangazamakuru hahembwe ibinyamakuru 5 byateje imbere gusoma no kwandika ibitabo binyuze mu nkuru byakoze zigaruka ku bitabo n’iterambere rw’ubwanditsi mu Rwanda. Ibi binyamakuru byahembwe ni InyaRwanda.com, RBA, Igihe.com, Kigali Today na Life Radio.

    Epimac Twagirimana umuyobozi wungirije w’umuryango uharanira agaciro k’abanyafurika (Panafrican Movement) ishami ryo mu Rwanda, niwe wari umushyitsi mukuru muri iki gikorwa. Mu ijambo rye yashimiye aho kwandika no gusoma ibitabo bimaze kugera ndetse anasaba urubyiruko gushyira imbaraga mu gusoma no kwandika ibitabo bakabitangira bakiri bato.

    Mu kiganiro yagiranye na InyaRwanda, Epimac Twagirimana yasobanuye impamvu Panafrican Movement n’urugaga rw’abanditsi mu Rwanda bakunze gukorana cyane. Y

    agize ati: ”Twese duhuje intego, twifuzako abanyafurika bose baba bamwe, ibikorwa dukorana biharanira iterambere ry’Afurika kandi twese turashaka gukuraho umuco wa gikoroni bazanye uvuga ko ushaka guhisha abirabura abahisha mu bitabo. Twese turashaka ko abanyafurika biga kwandika no gusoma ibitabo”.

    Mu butumwa bwihariye Hategekimana Richard umuyobozi mukuru w’urugaga rw’abanditsi mu Rwanda, yageneye abanditsi yabasabye kwandika ku byiza by’u Rwanda, kwandika ku budasa  kwibyagezweho mu Rwanda nk’uko Perezida Paul Kagame akunda kubivuga nk’uko ariwo musingi w’iterambere ry’igihugu. 

    Yasoje asaba abantu badasoma ko bakwiye kwiga uyu muco. Yanasabye kandi abanditsi kudacika intege bagakomeza kwandikira u Rwanda ibitabo byiza birutaka.

    Abitabiriye umunsi w’igitabo bafashe ifoto y’urwibutso

    Umuyobozi w’urugaga rw’abandisti mu Rwanda, Hategekimana Richard

    Rwiyemezamirimo waje no mu mwuga wo kwandika ibitabo Sina Gerard, yahawe ‘Ubudasa Book Award’ 

    Umwanditsi Rugero David yahawe igihembo cy’Ubudasa Book Award

    Mutesi Gasana nawe ari mu bashimiwe uruhare rwe mu bwanditsi

    InyaRwanda yashimiwe uruhare rwayo mu guteza imbere ubwanditsi binyuze mu nkuru z’ibitabo 

    Ikigo cy’igihugu cy’itangazamakuru RBA nacyo cyashimiwe 

    Hakaswe umutsima hishimirwa umunsi w’igitabo ndetse n’imyaka 4 ishize urugaga rw’abanditsi mu Rwanda rubayeho

    Habayeho no gusangira muri ibi birori byo kwizihiza umunsi w’igitabo

    Bimwe mu bitabo byasomwe n’abitabiriye iki gikorwa

    Source : https://inyarwanda.com/inkuru/129744/hizihijwe-umunsi-wigitabo-hahembwa-abagaragaje-ubudasa-mu-bwanditsi-amafoto-129744.html

  • Bamenya yagendeye mu kigare bituma atumizwaho na RIB (VIDEO) #rwanda #RwOT

    Benimana Ramadhan yavuze agahinda yagize nyuma yo gushinjwa ko ari we watumaga Bahavu adahabwa imodoka ye yatsindiye muri RIMA, ibintu byatumye anatumizwaho n’Urwego rw’Igihugu rw’Ubugenzacyaha (RIB).

    Tariki ya 1 Mata 2023 nibwo hatanzwe ibihembo muri RIMA 2023 (Rwanda International Movie Awards) aho igihembo cya ‘People’s Choice Awards’ cy’imodoka cyegukanywe Usanase Bahavu Jeannette wari wagize amajwi menshi.

    Gusa iyi modoka ntabwo yahise ayihabwa aho yahise yiyambaza Urwego rw’Igihugu rw’Ubugenzacyaha ngo rumufashe, nabwo byafashe igihe kinini kuko hari ibyo batumvikanagaho n’umuterankunga aho we yavugaga ko atayigendamo iriho ibirango by’iyo sosiyete ni mu gihe iyi sosiyete yavugaga ko ari yo masezerano bagiranye na RIMA.

    Byasabye ibiganiro byinshi ariko ku munota wa nyuma, Bahavu yemera gufata iyo modoka y’agaciro ka miliyoni 12 z’amafaranga y’u Rwanda iriho ibirango, yayishyikirijwe tariki ya 15 Gicurasi 2023.

    Ubwo ibi byose byabaga, hagiye hasohoka inkuru nyinshi aho bamwe bavugaga ko nayanga bari buze kuyiha Bamenya wari wabaye uwa kabiri mu majwi.

    Mu kiganiro Bamenya yahaye ikinyamakuru ISIMBI, yavuze ko abantu bamwitwayeho umwikomoko ko yari abyihishe, ibintu avuga ko atari byo cyane ko n’iyo modoka bavuga yarwaniraga, iyo agendamo iyikubye kabiri mu giciro.

    Ati 'Abantu banyitwayeho umwikomo bari bazi ko ndimo ndahatanira iriya modoka na nyuma y’amatora. Si byo. Imodoka yanjye iguze 2 z’iriya. Byarabaye byararangiye umuntu yatsindiye imodoka yarayitwaye, nagende yishimiye.'

    Uku kumwibasira byamuteye umutima mubi kuko ibyo yavugwagaho byari bitandukanye n’ukuri.

    Ati 'Nagize umutima mubi nyuma kubera ko hari abantu biyumvishaga ko imodoka kuba Bahavu atayihabwa mbiri inyuma, bakanabimbwira, njyewe ndi Ndoli? Ndi Jackson? Ndi Isimbi? Ndi RIMA?'

    Bamenya akomeza avuga ko atababajwe n’uko yatsinzwe ahubwo yababaye nyuma y’irushanwa bimye imodoka Bahavu wari wayitsindiye.

    Ati 'barayimwimye bavuga ko ari njye ubiri inyuma, ngo ninjye urimo kubwira The Cat ngo yibasire Bahavu kandi sindavugana na we kuva nabaho, nkibaza uwo muntu aranshakaho iki? Kandi nyuma na Fleury (umugabo wa Bahavu) yampaga urubuga rwabo rwa ABA ngo mbapositingire abantu bajye baza kurebaho filime, nkabikora ariko nyuma naje gutungurwa n’uko nabo bazi ko mbagambanira, Bahavu bishoboka ko na we ariko yari abizi.'

    Ngo byageze aho yitaba Urwego rw’Igihugu rw’Ubugenzacyaha abazwa ibintu na we atazi, ahubwo ari akagambane na we yarimo akorerwa.

    Ati 'Byageze aho nitaba RIB, nyitaba atari ku bushake, RIB irampamagara ngo Bamenya ngwino, ndanga iminsi 2, barambwira ngo nukomeza kwanga turaza kukwifatira, babimbwira ndi hafi yo kuri RBA mpita nkatira ku biro bikuru byabo.'

    'Ngo nze ntange amakuru ku gihe. Nashinjwaga ko ndimo ndagumura abantu kugira ngo imodoka ntitangwe, birangire imodoka bayimpaye.'

    Yahimije ko ibyo bari barimo hari harimo ubugambanyi bwinshi, ngo na we yaragambaniwe ndetse hari n’uwamugambaniye arabimenya amufasha kugambanirwa.

    Icya mbere yahereyeho avuga ko yaba yaranagambaniwe ni uko n’urubuga rwatorerwagaho amatora akirangira bahise barukuraho ntibagaragaza n’uko bakurikiranye mu majwi.

    Bamenya yavuze ko yagize agahinda kubera kubeshyerwa

    Bahavu yaje guhabwa imodoka ye

    Source : http://isimbi.rw/sinema/article/bamenya-yagendeye-mu-kigare-bituma-atumizwaho-na-rib-video

  • Nyagatare: Abahinzi bahangayikishijwe nuko bashobora kwibasirwa n'amapfa #rwanda #RwOT

    Hari abahinzi mu Karere ka Nyagatare, basaba leta kubafasha kuhira imyaka yabo kuko bitabaye ibyo bakwibasirwa n'amapfa.

    Hashize ibyumweru hafi bitatu nta mvura igwa muri aka karere, kandi ubusanzwe muri ibi bihe yagwaga igaca mu mpera z'ukwezi ka gatanu.

    Ni ikibazo ku bahinzi bo muri aka gace kubera ko nubundi batangiye guhinga batinze, kubera kubura kw'imvura.

    Ibice bimwe na bimwe imyaka yatangiye kwangirika, kuburyo nta gikozwe hari abashobora kurumbya burundu.

    Ati 'Imyaka yumye, imvura yabuze. Urumva rero nta kindi twakora nka twe abaturage, ni ugutegereza nyine uko bizagenda.'

    Undi ati 'Twari twarahinze ibigori umuntu atreganya nko kuzasarura, twarashoye amafumbire, none murabona ko ibigori byumye byashize.'

    Mugenzi we ati 'Ikibazo cy'inzara cyo kirahari gikomeye kandi muranakireba. Urabona ibigori byumye bitaranaheka, ibishyimbo byarapfuye byose birumye. Mbese ikibazo cy'inzara kirakomeye cyane inaha muri Karangazi.'

    Kugeza ubu iyo ugenda genda mu bice bitandukanye by'aka Karere ka Nyagatare, usanga ibigori byahinzwe nyuma ku butaka bw'imusozi izuba ryarabikubise birababuka.

    Hari abaturage bahinze mu bishanga ariko babuze ubushobozi bwo kuhira.

    Barasaba Leta ubushobozi bwo kuhira, kuko bitabye ibyo ubizima buzarushaho kuba bubi mu bihe biri imbere.

    Umwe ati 'Tujya twumva ko hari ahantu bajya babaha moteri zo kuhira natwe kubera ko dufite igishanga hano Karangazi, tubonye moteri  zagira icyo zitwongerera kugira ngo tubone umusaruro.'

    Mugenziw e ati 'Tubonye uko twuhira inzara yacika kuko nk'ubu igihe ryatangiye (Izuba) kuva bamwe baba baratangiye kuhira. Ariko mu cyumweru kiri imbere niyo zaboneka izo moteri bakuhira nta kintu amazi yaramira , byamaze kuma urabibona.'

    Minisiteri y'ubuhinzi n'ubworozi nayo ibona ko ari ikibazo,nubwo yizera ko abahinzi batazaviramo aho burundu.

    Minisitiri muri iyi minisiteri Dr. Ildephonse Musafiri, avuga ko abahinzi bagomba kuhira imyaka yabo.

    Ati 'Minagri ntabwo duhagarika izuba. N'ubundi izuba ni igihe cyaryo ni ibintu bimenyerewe, wenda nuko twagize n'ibyago imvura ntigwire igihe, abantu bagahinga bacyererewe ariko ntabwo dufite impungenge nyinshi ko imyaka izapfa bitewe naho yari igezeariko naho itarera […]izuba iyo ryaje igishoboka cyose ni ukuvomerera aho bishoboka hose.   '

    Birasa naho minisiteri ntacyo yiteguye gufasha aba bahinzi mu gihe arimo ibasaba kwirwariza.

    Hari abahinzi bakomeye muri aka karere ka Nyagatare batangiye kuhira mu gihe abandi boroheje bihebye kubera kubura ubushobozi.

    Hari abatangiye gusubiza amaso inyuma ku mapfa yeteye mu mwaka wa 2003 naho imvura yarabuze , izuba rirava imyaka irarumba , abaturage barumirwa.

    Ntambara Garleon

    The post Nyagatare: Abahinzi bahangayikishijwe nuko bashobora kwibasirwa n'amapfa appeared first on FLASH RADIO&TV.

    Source : https://flash.rw/2023/05/25/nyagatare-abahinzi-bahangayikishijwe-nuko-bashobora-kwibasirwa-namapfa/?utm_source=rss&utm_medium=rss&utm_campaign=nyagatare-abahinzi-bahangayikishijwe-nuko-bashobora-kwibasirwa-namapfa

  • Ni we muto wuzukuruje mu Rwanda: Umubyeyi w’imyaka micye cyane ufite umwuzukuru yatangaje ubuzima bushariye abayemo – YEGOB #rwanda #RwOT

    Umubyeyi ukiri muto cyane mu myaka wo mu karere ka Rubavu mu murenge wa Rugerero mu kagari ka Rugerero mu mudugudu wa Rukingo ku myaka ye 34 y'amavuko afite umwuzukuru gusa abayeho mu buzima bushariye.

    Sumwiza Gaudence w'imyaka 34 y'amavuko ubu yamaze kugira umwuzukuru nyuma y'uko mwana we w'imfura ufite imyaka 17 ubu yamaze kwibaruka gusa uyu mubyeyi avuga ko abayeho mu buzima bushariye dore ko ari kwita k'umukobwa we wamaze kwibaruka ndetse n'inzu bakodesha.

    Uyu mubyeyi akomeza avuga ko ibi byose yabitewe n'uburyo atigize yitabwaho n'ababyeyi be akaba aribyo byatumye ibi byose bibaho kandi avuga ko afite abana batatu b'abakobwa ubu nta mugabo afite babana kuko bamaze gutandukana.

    Source : https://yegob.rw/ni-we-muto-wuzukuruje-mu-rwanda-umubyeyi-wimyaka-mike-cyane-ufite-umwuzukuru-yatangaje-ubuzima-bushariye-abayemo/

  • Dore uburyo wakosora ubutumwa bwa WhatsApp wanditse ugashyiramo amakosa utabizi ndetse n’uwo wandikiye ntabimenye ko wari wibeshye  – YEGOB #rwanda #RwOT

    Dore uburyo wakosora ubutumwa bwa WhatsApp wanditse ugashyiramo amakosa utabizi ndetse n'uwo wandikiye ntabimenye ko wari wibeshye.

    Nyuma yuko abashinzwe urubuga rwa WhatsApp bateranye bakabona ko abantu benshi bahura n'ikibazo cyo kwandika message ugasanga rimwe na rimwe bibeshye bashyiramo amakosa, ubu barabicyemuye bashyiraho uburyo wayakosora.

    Video..

     

     

    Source : https://yegob.rw/dore-uburyo-wakosora-ubutumwa-bwa-whatsapp-wanditse-ugashyiramo-amakosa-utabizi-ndetse-nuwo-wandikiye-ntabimenye-ko-wari-wibeshye/

  • Ubushakashatsi bwagaragaje ibibi byo kwiga cyangwa se Negative effects of Education (English and Kinyarwanda)  – YEGOB #rwanda #RwOT

    Ni ubushakashatsi bwagaragajwe n'ibigo bitandukanye byandika ibitabo byifashishwa mu masomo ya buri munsi, yaba mu Rwanda ndetse no hanze yarwo.

    Ese wakwibaza ngo ubirezi ni izihe ngaruka mbi bugira kuri sosiyete, biragoye kubyiyumvisha, ariko numara gusoma ndetse no kureba videwo iri hasi uribusobanukirwe neza.

    Ikitonderwa : iyi nkuru ishingiye ku byanditse mu bitabo bya leta byifashishwa mu kwiga Economics mu mashuri y'isumbuye.

    English and Kinyarwanda 

    • Education may cause balance of payment problem because the educated tend to copy and buy expensive things from abroad (bituma igihugu kigura ibintu byinshi gikuye mu mahanga kurenza ibyo kijya gucuruza yo)..

     

    • It may cause unemployment especially theoretical education which produces job seekers than job creators. (bituma habaho umubare munini w'abashomeri kubera ko uburezi burema abakozi bajya gushaka akazi kurenza uko burema abatanga akazi, ibyo bigatuma abashaka akazi baba benshi kurusha akazi ahari).

     

    • Education causes rural urban migration as the educated seek better opportunities in the urban centres. Excess migrations lead to open urban unemployment.(uburezi butumwa habaho kwimuka cyane kw'abaturage birundira mu mujyi kubera gushaka ahari uburezi ufite ireme).

     

    • There is social discrimination among the educated and the uneducated as the educated see themselves as superior.(uburezi butuma habaho ivangura ryo muri rubanda, kuko akenshi usanga abantu bize bironda kuko baba biyumva mo ko barenze bigatuma baha akato babandi batize).

    • Education accelerates income inequality since the educated will acquire better paying jobs than the uneducated. (Uburezi butuma habaho icyuho kinini cyubusumba bwibyo rubanda binjiza, umuntu wize yinjiza menshi kurenza utarigize yiga, ibyo ari nabyo bitera ubusumbane mu iterambere ry'igihugu cyangwa se icyo twakwita Dualism ).

    • It may lead to brain drain in search for employment opportunities abroad after failing to get employment home.(uburezi butuma habaho kwimukaba ubumenyi, rimwe na rimwe hari ubwo usanga umuntu yarize ariko akabura akazi iwabo, bigatuma ajya kugashaka mu bindi bihugu. Hari ubwo usanga agezeyo agahurirayo n'ibibazo bigashyira umutwaro ku gihugu).

    Muri iyi videwo ibi byose turabisobanura neza kuburyo ntamatsiko usigarana . Kurikira ikiganiro witonze.

     

    Source : https://yegob.rw/ubushakashatsi-bwagaragaje-ibibi-byo-kwiga-cyangwa-se-negative-effects-of-education-english-and-kinyarwanda/

  • Umukobwa w’ikizungerezi yasohowe mu birori amaguru adakora hasi nyuma y’amahano yari amaze gukora(AMAFOTO) – YEGOB #rwanda #RwOT

    Umukobwa w'ikizungerezi yasohowe mu birori amaguru adakora hasi nyuma y'amahano yari amaze gukora(AMAFOTO)

    Umunyamideli wo muri Ukraine akaba n'utoza imyitozo ngororangingo yakuwe ku itapi itukura nyuma yo guserukana ikanzu ifite amabara y'ibendera ry'igihugu cye akimenaho ibisa n'amaraso ari imbere ya camera.

    Uyu mukobwa witwa Ilona Chernobai yahise akurwa muri ibi birori igitaraganya n'abashinzwe umutekano nyuma y'uko iki gikorwa yari akoze cyafashwe nko gukora imyigaragambyo.

    Nk'uko bigaragara mu mashusho Ilona Chernobai yinjiye muri ibi birori bya Festival de Cannes nk'umunyamideli usanzwe ariko yari yitwaje ishashi irimo amatembabuzi asa n'amaraso.

    Ubwo yari ageze ku itapi itukura yakoze mu isutiye ye akuramo ayo mashashi abiri atangira kwimenaho ibyari birimo bisa n'amaraso umubiri wose.

    Nyuma yo kubona ibikozwe n'uyu mukobwa abashinzwe umutekano bahise bamukura muri iyi nzira inyuraho ibyamamare bamusohora hanze.

    Source : https://yegob.rw/umukobwa-wikizungerezi-yasohowe-mu-birori-amaguru-adakora-hasi-nyuma-yamahano-yari-amaze-gukoraamafoto/