Category: Uncategorized

Kompanyi Karame Rwanda LTD ya Munyakazi Sadate yasinye amasezerano n’Umujyi wa Kigali yo kubaka imihanda, ni nyuma y’uko yari yarahombejwe no kuyobora Rayon Sports.

Munyakazi Sadate yayoboye Rayon Sports kuva muri Nyakanga 2019 kugeza mu Kwakira 2020.

Sadate yavuze ko mu gihe yayoboraga Rayon Sports, Kompanyi ye yaje guhura n’igihombo ndetse n’amasoko yari afite nko muri Gatsibo yaje guhomba.

Kuri ubu Munyakazi Sadate yishimira ko Kompanyi yaje kugaruka mu murongo, ni nyuma yo gutsindira isoko ryo kubaka imihinda m
y’Umujyi wa Kigali, yasinye amasezerano azageza muri 2026.

Ejo nibwo habaye igikorwa cyo gutangiza kubaka imihanda mu Mujyi wa Kigali, ku bufatanye bw’Umujyi wa Kigali n’abaturage bawutuye aho Umujyi wa Kigali uzajya utanga 70% n’aho abaturage bagatanga 30% by’amafaranga yose azakoreshwa.

Sadate yavuze ko iri soko batsindiye biramutse bigenze neza bazubaka ibilometero 300.

Ati “Kompani ya Karame Rwanda mpagarariye niyo izabuka iyi mihanda, ntekereza ko abaturage babyitabiriye nk’uko bigomba bishobora kuzagera ku bilometero 300 mu gihe cy’imyaka 3.”

Yavuze ko ubu imirimo yo kubaka igeze kure ndetse aho batangiye biteganyijwe ko mu kwezi gutaha imirimo izaba iri ku musozo.

Ati “Ubu twahereye mu Karere ka Gasabo, mu Kagari ka Kibagabaga, dufite undi mushinga uri Bumbogo, undi uri i Ndera, undi uri Gasogi n’undi uri Kacyiru, iyo mishinga yose nka Karame Rwanda twamaze kuyiha amabwiriza yo gutangira imirimo. Imirimo igeze kure ku buryo mu kwezi Gatandatu tuzaba twamaze gushyiramo kaburimbo.”

Yakomeje avuga ko mu gihe abaturage bakumva iyi gahunda, Umujyi wa Kigali wose uzaba urimo Kaburimbo.

Kuri ubu, Karame Rwanda Ltd ikorera mu bice byose by’Igihugu, ifite abakozi barenga 350. Yubaka amazu n’imihanda irimo iya kaburimbo, iy’ibitaka n’iy’amabuye. Ikora kandi imirimo yo kurwanya ibiza ibungabunga za ruhurura.

Hatangijwe igikorwa cyo kubaka imihanda mu Mujyi wa Kigali

Ibikorwa byo kubakwa bigeze kure

Sadate yishimira Kompanyi ye yongeye guhagarara neza

Bahavu uzwi muri iki gihe binyuze muri filime 'Impanga', yahagarutse ku kibuga cy'indege Mpuzamahanga cya Kigali, kuri uyu wa Gatatu tariki 24 Gicurasi 2023.

Amafoto amugaragaza ari muri mu ndege yerekeza mu Mujyi wa Dubai, mu mwanya w'indege bisaba kwishyura nibura arenga 1,400,000 Frw (kugenda unagaruka). InyaRwanda yamenye ko Bahavu yagiye muri gahunda z'akazi 'n'ibiruhuko'.

Uyu mugore aherutse gufungura urubuga yise 'ABA TV' rugamije guteza imbere filime Nyarwanda, ndetse no gushyigikira abahanzi cyane cyane abakora indirimbo zo kuramya no guhimbaza Imana.

Anyuzaho filime zirimo nka 'Impanga' yamuhesheje ibikombe bitatu muri Rwanda International Movie Awards (RIMA), 'My Ex', 'Above the Brave' igaruka ku butwari bw'abana b'i Nyange, 'Woman Needs', 'Kuki arinjye', 'Isi dutuye' n'izindi.

Kuri uru rubuga kandi usangaho album 'Ibyiringiro' ya James na Daniella, 'Yesu arashoboye' ya Jessica Mucyo n'izindi. Unasangaho indirimbo z'abahanzi barimo nka Ben na Chance n'izindi.

Umujyi wa Dubai Bahavu yerekejemo ufatwa nka nimero ya mbere mu Mijyi myiza kandi ikurura ba mukerarugendo ku Mugabane wa Afurika. Urazwi cyane, ku buryo abanyamafaranga baturutse imihanda yose yo ku Isi bifuza kujya kuharira ubuzima.

Mu 2016, abasura Umujyi wa Dubai bawinjirije Miliyari $ 28.50. Muri uwo mwaka kandi, Dubai wari mu Mijyi 10 ikurura ba mukerarugendo ariko wari utaragira agahigo ko kugira inzu ndende isumba izindi n'ubusitani bwitwa ‘Dubai Miracle Garden’ bwiza kandi bunini bwa mbere ku Isi.

Dubai irashyuha cyane ariko bitewe n'uburyo bukoreshwa mu kubuvomera bwitwa ‘Drip irrigation’, buhorana ubuhehere bitewe n'uko nibura litiro ibihumbi 750 buri munsi zikoreshwa mu kubwuhira.

Dubai isomwa Dubayy ni umurwa mukuru wa Emirate kimwe mu bihugu bigize Leta Zunze Ubumwe z'Abarabu. Wabayeho mu 1971 ubona ubwigenge ubukuye ku Bwongereza. Ni izina bivugwa ko rikomoka ku isoko ryari hafi y'aho uwo mujyi wubatse.

Ifite ubuso bungana na 4,114 Km2. Ni umujyi ugizwe n'ibikorwaremezo birimo inzu isumba izindi ku isi, amahoteli meza ndetse n'ibiyaga bibereye ijisho. Abawutuye abenshi ni abayisilamu ariko hari n'abahindu.

Ahagana saa saba z'ijoro ryo kuri uyu wa Gatatu, Bahavu yafashe indege yerekeza mu Mujyi wa Dubai

Bahavu yagiye muri gahunda z'akazi ndetse n'ibiruhuko 

Bahavu amaze iminsi afunguye urubuga rugamije guteza imbere Cinema Nyarwanda n’abahanzi bakora ‘Gospel’

Bahavu utegura filime ye yise 'Impanga' aherutse gushyikirizwa imodoka yatsindiye mu Rwanda International Movie Awards

Etienne Mbarubukeye Peacemaker ni umunyamakuru wa inyaRwanda, uzwi cyane mu biganiro bitandukanye by'ubusesenguzi. Ubu, yatangiye umwuga mushya wo kuvanga imiziki ahantu hatandukanye ibizwi mu ndimi z'amahanga nka Disc Jockey (DJ). Muri uyu mwuga yinjiyemo, yiyise 'Dj Pundit'.

Dj Pundit aganira na InyaRwanda, yavuze ko yakuze aririmba muri korari, nyuma biza kuvamo urukundo rw'umuziki ku buryo ageze mu mashuri yisumbuye yigaga neza ariko akibeta abandi banyeshuri akajya kwiga gucuranga ibyuma bya muzika bitandukanye birimo gitari n'ibindi.

Uyu musore yakomeje avuga ko nyuma yo kwiga gitari [Guitar] akiri mu mashuri yisumbuye, yaje no gukora zimwe mu ndirimbo zakunzwe ndetse zakozwe n'abatungamuziki bari bakomeye mu muziki w'u Rwanda icyo gihe barimo Track Slayer, Dany Beats n’abandi ndetse avuga ko zamwongereye urukundo yari afitiye umuziki, kugeza ageze muri Kaminuza.

Yagize ati 'Nakuze ndirimba muri chorale yo mu Kiliziya Gatolika ku buryo ngeze muri segonderi nize guitar ndayimenya. Mu 2014 nakoze indirimbo yitwa 'Amahoro' ni Big Team yayikoze ku Gisenyi nijye wa mbere wabajyanye ku mazi irakundwa.

Ariko mbere yaho nkiga muri segonderi nakoze indirimbo kwa Tracks layer na Danny Beat, ngeze mu kigo irakundwa yitwa “Hope in Heaven”. Ngeze Kaminuza nakomeje umuziki kuko mfite indirimbo zisaga enye zifite amajwi n'amashusho.'

Dj Pundit mushya muri uyu mwuga avuga ko yatangiye itangazamakuru ry'umwuga, agifitiye urukundo rwinshi umuziki ndetse ko yari amaze no kwiyumvamo kujya awuvanga kinyamwuga kuko byari bimaze gutera imbere cyane mu Rwanda. Avuga ko ajya gutera intambwe ya mbere yabajije Dj Phil Peter amubera ikiraro cy'aho yagombaga gukura ubumenyi bwo kubibyaza umusaruro.

Ati 'Natangiye Itangazamakuru ariko mfite gahunda yo kuzakora umuziki mu buryo bumwe cyangwa ubundi. Kuvanga imiziki narabikundaga ariko ntazi aho nabyigira. Nabajije Phil Peter ambwira ko muri Scratch Music Academy. Nagiyeyo mpura na Selekta Tony ambera umuvandimwe aranyigisha nubwo ntarasoza amasomo kuko nagiye mvanga kwiga n’akazi ariko maze igihe mvanga imiziki.'

Ikiraka cya mbere Dj Pundit biteganyijwe ko ari bugikore mu ijoro ryo kuri uyu wa Gatanu tariki 26 Gicurasi 2023, ahazwi nko kuri Boston Villa Resto-Bar iherereye Kicukiro, Sonatube, munsi ya Classic Hotel ku gahanda baparikaho amakamyo. 

Pundit yavuze ko aka kazi azagafatanya na Selekta Tony na Dj Puffy 250 ndetse ko bazajya bakorana ahantu hose nk’ikipe kuko abishyize hamwe Imana irabasanga.

Ku ntumbero afite muri uyu mwuga mushya, Dj Pundit avuga ko gahunda afite ari iyo gukuraho icyuho kiri mu muziki nyarwanda ku buryo azajya akora uruhererekane rw'indirimbo [Playlist] buri cyumweru;

Abantu bakazikura ku miyoboro azafungura ku mbuga nkoranyambaga ndetse n'izicuruza imiziki. Ikindi yifuza ngo ni uko azajya afasha abantu bashya bifuza kwiga no kwihugura ku mwuga wo kuvanga imiziki.

Ati 'Intumbero ni ukuba umu Dj ukora Playlist buri cyumweru ku buryo indirimbo nshya zizajya ziva kuri channel yanjye ya Dj Pundit kandi icyo ni icyuho mu muziki nyarwanda. Ikindi ndashaka kujya mfasha abifuza kwiga kuvanga imiziki kuko ntabwo dufite amashuri menshi abyigisha.'

Gufatanya imyuga ibiri ntabwo ari ibintu byorohera buri umwe, ariko Dj Pundit avuga ko azabifatanya bigakunda kuko kimwe cyunganira ikindi kandi ko Itangazamakuru ari urumuri ruzamurikira umwuga yatangiye wo kuvanga imiziki.

Yagize ati 'Nzafatanya n’itangazamakuru kuko kuvanga imiziki bizamurikirwa n’itangazamakuru. Muri make Itangazamakuru rizabera urumuri umwuga wo kuvanga imiziki.'

Ni kenshi abantu ku mbuga nkoranyambaga bibasira abandi bakora imyuga irenze umwe, bakavuga ko ari ukujarajara, Pundit yagaragaje ko abantu bakwiye guhindura imyumvire kandi bakakira ukuri kuri mu isi kuko abantu hafi ya bose bayoboye isi mu bukungu batakoze umwuga umwe rukumbi.

Ati' Umuntu akwiriye gukora ibyo yumva byose byamuha amafaranga. Nta mpamvu yo kwihambira ku mwuga umwe kuko abakire bariho ni abakora imirimo myinshi kandi buriya uko wubaka izina mu mwuga umwe ni nako waryubaka mu wundi mwuga. 

Urugero akazi k’itangazamakuru amafaranga mpembwa ku kwezi angana n’amafaranga nishyurwa ijoro rimwe ndi kuvanga imiziki. Buriya rero ni byiza guhora twiga, gusa kuvanga imiziki bitanga umunezero.'

Umunyamakuru Etienne Peacemaker Mbarubukeye yatangiye umwuga mushya wo kuvanga imiziki

Dj Pundit yatangiye gukunda umuziki kuva kera awutangirira muri korali yo muri Kiliziya Gatolika

Dj Pundit agiye gukora ikiraka cya mbere mu ijoro ryo kuri uyu wa Gatanu tariki 26 Gicurasi 2023

Bamenya ufite inzu zirenga ebyiri mu mujyi wa Kigali, yerekanye agaciro ko gushimira ababyeyi, abarezi cyangwa undi wese wagize uruhare mu iterambere ryawe. 

Ati: 'Jye umushahara wa mbere nahembwe wari mwinshi. Yari ibihumbi 80 Frws. Nayahaye mama nawe akuramo 20,000 frws arayampa ngo njye kuyaguramo inkweto. Nari narumvise ko igihembo kinini cyangwa umushahara wa mbere uwuha ababyeyi'.

Bamenya uri mu bakinnyi ba sinema nyarwanda bafite ubutunzi budashidikanywaho yabwiye Isimbi Tv ko umugisha wose afite awukesha umubyeyi we kuko akimuha ariya mafaranga yamusabiye umugisha ku Mana anamwifuriza kugera ku byiza byose yifuza. Kandi koko kuri ubu Bamenya yahiriwe na Sinema icyo afasheho cyose kiba zahabu.

Usibye ko kuba nyina yaramuhesheje umugisha, Bamenya nawe yabereye abakinnyi benshi umugisha. Urugero rwa vuba ni Ketchup uherutse kwibaruka abana batatu nawe ufite ubucuruzi i Nyamirambo kuri 40 avuga ko yakuye mu gukina filime,

Hari Bijoux nawe uri mu bakinnyi ba filime bihagazeho yaba ku butunzi no ku gikundiro. Icyo akoze cyose bucya cyabaye inkuru kubera uburyo akunzwe. Yaba ubukwe bwe butavuzweho rumwe we na Lionel Sentore dore bwamaze hafi igice cy'umwaka bugarukwaho mu nkuru z'imyidagaduro.

Abakinnyi nka Natasha Ndahiro bashimira Bamenya uruhare agira mu kubafasha kugera ku byiza muri Sinema Nyarwanda. Agaragara mu bitaramo bitandukanye by'abanyarwenya yaje kubafasha.

Ubwo twaganiraga yavuze ko 'Jye ntacyo Imana itampaye. Ubu rero ngomba gufasha barumuna banjye nabo bagatera ikirenge mu cyanjye'.

Bamenya yakebuye abagera ku butunzi bakirengagiza aho bavuka

Bamenya yanenze abantu bagera ku butunzi bakirerengiza ku ifishi (ku ivuko). Ati:'Umuntu akampamagara ngo arashaka inzu ifite ubwiherero bubiri n'ibyumba bitatu nyamara iwabo nta bwiherero bagira. Wagiye wohereza 300,000 Frws bagasana inzu cyangwa bagashyira ibiti ku bwiherero'. 

Akomeza avuga ko ariya mafaranga avugurura inzu yo mu cyaro igasa neza. Ati: 'Ababyeyi bo mu cyaro birata umwana batanabyaye wo mu gasozi kubera uruhare yagize mu guhindura ubuzima bw'aho avuka. Ati:'Mukajya gutabara ugasanga nta n'intebe ziri mu ruganiriro kandi we afite amafaranga menshi”. 

Bamenya yabwiye abafana be ko batsinzwe bareka guhangana. Ati:'Murakeka ko turi guhangana kandi byararangiye.' Bamenya wari uhatanye na Bahavu muri Rwanda international Movie Awards kuko amajwi yabo yari yegeranye. 

Ariko Bamenya yagaragaje ko atunze imodoka nziza irimo ebyiri z'iyo bahaye Bahavu. Ati:'Imodoka yanjye iguze ebyiri z'iriya '. Bamenya avuga ko yagize inabi kubera abantu bakomeje gukwiza ibihuha ko ariwe uri kugambanira Bahavu ngo ntahabwe imodoka. 

Ati:'Irushanwa twarimo ryari iry'amafaranga kandi sijye wabwiye TheCat ngo asebye Bahavu kuko sindavugana nawe. Na nyuma y'uko Bahavu atsindiye iriya modoka, nakomeje kumufasha kwamamaza ibikorwa bya Bahavu kugira ngo abafana be bakomeze kureba filime zica ku rubuga rwe'. 

Kuba abategura ibihembo bya RIMA barakuyeho urubuga rwanyuragaho amatora byateje impagarara ku bari bazi ko Bamenya arusha amajwi Bahavu. 

Ati:'Mukuyeho urubuga abafana banjye barababwira ko Bamenya mwamwibye. Iyo mugumishaho urubuga byari kugaragara ko ndi uwa kabiri!'. 

Bamenya avuga ko yize mu gihe gito muri ririya rushanwa. Ati:'Mwarakoze kunyishyurira minerivale kuko nize mu gihe gito cy'ibyumweru bibiri. Nize umuntu, abenshi twambaye impu zitari izacu, nabonye aho inshuti ikugambanira. 

Nabonye aho nshobora gucukurirwa umwoba nywusimbuka kubera akavuyo k'abantu muri kumwe. Bafana banjye twaratsinzwe turekere ihangana kuko baziko turi gusebya abantu'.

Bamenya hamwe na Soleil bakinana muri filime Bamenya

InyaRwanda ifite kopi y'ubutumire 'Invitation' igaragaza ko ku wa 29 Nyakanga 2023, hazaba umuhango wo gusaba no gukwa n'aho ku wa 4 Kanama hazaba indi mihango y'ubukwe, irimo no gusezerana imbere y'Imana.

Aba bombi batangaje itariki y’ubukwe, nyuma y’uko ku wa 26 Kanama 2022, Fred yatunguye umukunzi we Ketty mu birori byabereye Century Park Hotel amwambika impeta y’urukundo.

Icyo gihe, Gigi yanditse kuri konti ye ya Instagram, avuga ko kubwira ‘Yego’ umukunzi we ari cyo cyemezo yafashe mu buzima bwe ‘ntashidikanyijeho’. Arenzaho ati “Ndagukunda Fred.”

Kety azwi cyane mu kiganiro ‘Chapa Chapa Show’ cya Isibo Tv. Kuri konti ye ya Instagram, asobanura ko ‘sinjya mva ku izima mu buryo bworoshye’.

Gigi Kety asanzwe ari rwiyemezamirimo washinze inzu y'imideli yise 'Blance Boutique'. Uyu mukobwa ni umwe mu bayoboye ibirori byo gutanga ibihembo The Choice Awards 2021 byabereye kuri Onomo Hotel.

Hashize igihe ari mu rukundo n'uyu musore bagiye gukora ubukwe. Uyu musore atuye muri Leta ya Texas muri Leta Zunze Ubumwe z’Amerika, ari na ho akorera imirimo ye ya buri munsi. 

Gigi Kety n'umukunzi Fred bamaze gutangaza amatariki y'ubukwe bw'abo 

Muri Nzeri 2022, nibwo aba bombi biyemeje kurushinga nk'umugabo n'umugore 

Gigi yahamije ko yabwiye 'Yego' urukundo rw'ubuzima bwe 

Ku wa 4 Kanama 2023, aba bombi bazakora ubukwe 

Integuza y’ubukwe bwa Gigi Kety n’umukunzi we Fred Karuganda