Category: Uncategorized

Ku wa Gatatu, tariki ya 24 Gicurasi 2023, nibwo Ishyirahamwe rya Ruhago mu Rwanda FERWAFA, ryandikiye iryo mu Burundi, FFB, risaba uburenganzira bwemerera Ndikumana kugaragara ku mukino u Rwanda ruri gutegura wa Mozambique.

Ibaruwa yanditswe n'Umunyamabanga wa FERWAFA w'agateganyo, Karangwa Jules, isaba uyu mukinnyi kuza mu myiteguro y'uyu mukino mu gihe cy'iminsi 20.

Igira iti 'Twishimiye kubandikira iyi baruwa tubasaba kurekura umukinnyi wavuzwe uri gukinira Rukinzo FC kugeza ubu ibarizwa mu Ishirahamwe muyoboye. Tuzishimira kuzamuhabwa kuva tariki ya 30 kugeza 19 Kamena 2023.'

Ndikumana Danny wari mu Rwanda ari kumwe n'ikipe ya Rukinzo FC mu mikino yahuje Polisi zo mu Karere 'EAPCCO' yagaragaje ubuhanga budasanzwe ndetse akaba yarahise ahakura abafana benshi bitewe n'imikinire ye.

Uyu musore nyuma yo kumenyekana ko afite inkomoko mu Rwanda, byatangiye guhwihwiswa ko yifuzwa na APR FC, gusa yavuze ko nta byinshi yabivugaho, ahubwo yitsa ku kuba afite indoto zo gukinira u Rwanda.

Ati “Mama ni umunyarwanda, ndamutse nkiniye ikipe y'igihugu y'u Rwanda byaba ari amahirwe akomeye kuri njye, ndabyifuza.”

Amavubi ari kwitegura kwakira Mozambique tariki 18 Kamena 2023 mu mukino bitaramenyekana aho uzabera kuko u Rwanda rutarasubizwa niba Stade ya Huye yemerewe kwakira imikino mpuzamahanga.

Source : https://umuryango.rw/imyidagaduro/imikino/article/ndikumana-danny-yahamagawe-mu-mvubi-nyuma-yo-kwigaragaza-mu-mikino-ya-eapcco

Dmytro Kuleba yageze mu Rwanda kuri uyu wa Kane tariki 25 Gicurasi mu ruzinduko rw'umunsi umwe.

Minisiteri y'Ububanyi n'Amahanga y'u Rwanda ibinyujije kuri Twitter, yatangaje ko aba baminisitiri bombi bashyize umukono ku masezerano y'imikoranire mu bijyanye n'ubujyanama mu bya politiki hagati y'u Rwanda na Ukraine.

Mu butumwa Kuleba yanyujije kuri Twitter, yavuze ko yaganiriye na Dr Biruta ku bijyanye na gahunda ya Perezida Zelensky yerekeye umugambi w'amahoro ukubiyemo ibijyanye no kubungabunga ubusugire bw'igihugu, umutekano mu by'ingufu, gufunguza imfungwa z'intambara no gutahukana abaturage u Burusiya bwatwaye bunyago.

Uruzinduko Dmytro Kuleba yagiriye mu Rwanda ruje rukurikira urwo yagiriye muri Ethiopia, ku wa Gatatu tariki ya 24 Gicurasi aho yahuye n'abayobozi barimo Perezida wa Komisiyo ya Afurika Yunze Ubumwe, Moussa Faki Mahamat na Perezida wa Comores uyoboye uyu muryango, Azali Assoumani.

Kuleba yabwiye Azali Assumani na Musa Faki Mahamat kuri gahunda ya Ukraine yo gutsura umubano n'ibihugu bya Afurika, witezweho kubyara amahirwe menshi ku mpande zombi, ku bikorwa by'ubucuruzi n'abaturage.

Source : https://umuryango.rw/amakuru/mu-rwanda/politiki/article/minisitiri-dr-vincent-biruta-yagiranye-ibiganiro-na-mugenzi-we-wa-ukraine

Byatangajwe n'umunyamabanga wa Cabinet muri Kenya, CS Kithure Kindiki, avuga ko kugeza ubu imibare ikomeje kwiyongera. ku munsi w'ejo kuwa 3 , hari indi mibiri 12 yabonetse yiyongera kuri 129 yari iherutse gutahurwa.

Kugeza ubu imibare igaragaza ko abamaze kuboneka ari 241, mu gihe abataraboneka ngo barenga 600.Itsinda ry'abashinzwe gusuzuma ibyateye impfu ,bavuga ko bakomeje ibyo bikorwa umunsi ku wundi ari nako bagenda batahura indi mibiri.

Iyi mibiri ikomeje gutahurwa mu gihe Pasiteri Paul Mackenzi ufite itorero rya New Life Church, ari mu gihome aho akurikiranyweho kuba ngo yaragize uruhare mu mpfu z'abo bayoboke be aho ngo bategetswe kwiyiriza ubusa ngo bazahure na Yesu.

Uyu Kandiki, atangaza ko bagerageze kurokora, abagera kuri 90, naho abagera abandi babahuza n'imiryango baba, ariko ngo hari n'ababonywe baramaze kuba ibikanka.

Source : https://umuryango.rw/amakuru/mu-mahanga/ubuzima/article/kenya-umubare-w-abishwe-n-inzara-ukomeje-gutumbagira

Abarebwa n'iki cyemezo ni impunzi zigera ku bihumbi 8 zituye mu mijyi cyangwa ahandi mu duce tw'igihugu tutari muri iyo nkambi.

Leta ya Malawi yari yatanze itariki ntarengwa ya 15 z'ukwezi kwa kane kugira ngo abarebwa n'aya mabwiriza babe bimutse, bitaba ibyo bakajyanwa muri iyo nkambi ku ngufu.

Mu mpunzi ziri muri Malawi harimo abanyarwanda, abarundu n'abanyekongo.

Source : https://umuryango.rw/amakuru/mu-mahanga/umutekano/article/impunzi-zifungiye-muri-malawi-nyuma-yo-kwanga-kujya-dzaleka-zihangayikishije

Kuri uyu wa Kane tariki 25 Gicurasi 2023, nibwo Prince ubarizwa mu Mujyi wa Texas yashyize ahagaragara iyi ndirimbo y'iminota 2 n'amasegonda 48'.

Asohora iyi ndirimbo, yavuze ko ashima buri wese wagize uruhare mu ikorwa ryaryo n'abahanzi bamuhaye amahirwe yo gukorana indirimbo kuri album ye ya mbere yise 'True Love' nka Davis D, Kevin Kade ndetse na Onika.

Amashusho y'iyi ndirimbo y'urukundo agaragaramo umukobwa witwa Nelly usanzwe umunyerewe mu ndirimbo z'abahanzi banyuranye. Ni we wakinnye ubutumwa uyu muhanzi yaririmbye afatanyije n'umusore bari kumwe muri Video.

Prince yabwiye InyaRwanda ko indirimbo 'Ibirenze' ivuga ku 'muntu wari waragize ibihe bibi mu rukundo agacika intege gusa akaza guhura n'umuntu umuhoza amarira akanamwibagiza ibihe bibi yagiriye mu rukundo.'

Yavuze ko yandika iyi ndirimbo 'nashakaga kubwira abantu bazinutswe iby'urukundo ko hakiri icyizere cyo guhura n'umuntu ukurutira abandi bose mwahuye mbere'.

Uyu musore avuga ko yishimye bitewe n'uko abashije kurangiza indirimbo zose zigize album ye ya mbere nk'umuhanzi wigenga.

Ati 'Ndumva Nishimye cyane kuko nateye intambwe mu muziki wanjye nanjye nkaba ningiye mu bahanzi bafite Album y'indirimbo. Kuko bisaba gukora cyane kugirango umuntu abigereho.'

Album ye iriho indirimbo 10 ndetse n'inyongezo 'Bonus Track' imwe. Yubakiye ku ndirimbo zigaruka ku rukundo, umubano hagati y'abantu babiri bakundana n'uburyo bagomba kwitwara mu rukundo rw'abo.

Prince avuga ko ubwo yatangiraga gukora kuri iyi album, yatekereje abahanzi bakomeye kandi bagezweho muri iki gihe bahuza imbaraga ahitamo Davis D na Kevin Kade.

Akomeza ati 'Impamvu natekereje gukorana na Davis D ndetse na Kevin Kade n'uko ari abahanzi nkunda kandi mfana no mu buzima busanzwe, kandi bakaba ari abahanga cyane, niyo mpamvu nakoranye nabo.'

Nk'umuhanzi akaba n'umunyeshuri ubarizwa muri Canada, avuga ko atekereza kugaruka mu Rwanda gusura imiryango n'ibindi.

Yavuze ko ashaka kubanza gushyira hanze indirimbo zigize iyi album, mbere y'uko atangira gutekereza uko yakora igitaramo cyo kumurika iyi album.

Prince Salomon avuga ko yandika indirimbo zigize iyi album yifashishije Kevin Kade, Davis D, Ndayambaje Patrick, Eesam na Fella Music.

Iyi album ye iriho indirimbo nka ‘Ninde’, ‘Bindimo’ yakoranye na Khalfan na Onika, ‘Pending’, ‘Wowe’ na Davis D, ‘Kare’ yakoranye na Kevin Kade na David D, ‘Ibirenze’, ‘Never before’ yakoranye Vega Divine, ‘Igitenge’, ‘Monalisa’ yakoranye na Kevin Kade ndetse na ‘True Love’.

Prince yagaragaje urutonde rw'indirimbo 10 zigize album ye ya mbere yise 'True Love' 

Prince avuga ko yishimiye gushyira akadomo kuri izi ndirimbo zigize album ye ya mbere

Davis D yakoranye kuri album na Prince Salomon indirimbo bise 'Wowe'

Prince yahuje imbaraga na Kevin Kade bakorana indirimbo bise 'Monalisa' 

Prince Salomon abarizwa muri Canada mu ntara ya Québec mu Mujyi wa Montreal

KANDA HANO UREBE AMASHUSHO Y'INDIRIMBO 'IBIRENZE' YA PRINCE SALOMON

“>

Source : https://inyarwanda.com/inkuru/129784/prince-salomon-yatangiye-gusohora-indirimbo-kuri-album-yahurijeho-davis-d-na-kevin-kade-vi-129784.html

Abaturage barenga Miliyoni 6.3 bakuwe mu byabo muri RDC, baba impunzi imbere mu gihugu, akaba ari wo mubare munini w'abavuye mu byabo muri Afurika. Ibi bisonura uburyo abakeneye ubufasha biyongereye bidasanzwe,

Lemarquis yavugiye i Genève mu Busuwisi kuwa Kabiri w'iki cyumweru ko 'ikibazo cy'abanye-Congo bakeneye ubufasha gikomeje kwirengagizwa n'isi yose', aho gituruka ku ntambara, ibyorezo ndetse n'ibiza.

Ati 'Gikomezwa n'ibintu byinshi birimo kuba Leta itagenzura ibice bimwe na bimwe no kuba nta bikorwaremezo bihari'.

Guhera mu ntangiriro z'uyu mwaka, abantu barenga ibihumbi 200 bavuye mu byabo mu ntara ya Ituri, bituma muri iyi ntara bagera kuri miliyoni 1.6, aho abagore bagize hafi kimwe cya kabiri.

Nibura hejuru ya 80% by'abavuye mu byayo byaturutse ku ntambara n'ibitero by'imitwe yitwaje intwaro. Mu mezi 18 ashize, abantu hafi ibihumbi 829 basubiye mu byabo, bagizwe na 36% by'abo muri teritwari ya Irumu.

Uyu mwaka hakenewe nibura miliyari 2.25 z'amadolari yo gufasha abari mu kaga muri RDC, aho hamaze gukusanywa 20% yayo.

Source : https://umuryango.rw/amakuru/mu-mahanga/umutekano/article/l-onu-yatunze-agatonyi-amahanga-ku-kibazo-cy-abari-mu-kaga-muri-rdc

Nyuma y'aho aya mafoto n'iki kiganiro bikwirakwiye mu matsinda ya WhatsApp, tariki ya 14 Gicurasi 2023, Nzeyimana wabaye Umuvugizi wa Perezida Evariste Ndayishimiye yasobanuye ko koko konte ari iye.

Yagize ati: 'Amafoto adakwiye ava kuri compte yanjye ya WhatsApp ari guhererekanywa ku matsinda mbereyemo umwe mu bayagize. Yaba yarinjiriwe cyangwa itarinjiriwe, iyi konte ni iyanjye. Umukozi wa Leta nkanjye, nta mugambi mfite wo guhindanya isura y'igihugu kandi ndasaba imbabazi.'

Kuri uyu wa 24 Gicurasi 2023, byamenyekanye ko Nzeyimana yashyikirije Perezida Ndayishimiye ubwegure. Ikinyamakuru gikorana bya hafi n'urwego rw'u Burundi rushinzwe iperereza, cyasobanuye ko bifitanye isano n'aya mafoto n'ikiganiro byakwirakwiye.

Mbere y'uko Nzeyimana yeguye kandi, yasibye konte yari afite ku rubuga rwa Twitter.

Source : https://umuryango.rw/amakuru/mu-mahanga/politiki/article/burundi-umwe-muri-guverinoma-yeguye-nyuma-y-amafoto-amusebya-yasohotse

Amagambo yasubiwemo n'Umuvugizi, Matthew Miller, avuga ko Umunyabanga wa Leta ya America, Antony J. Blinken ku wa Kabiri tariki 23 Gicurasi, 2023 ari bwo kuri telefoni yahamagaye Perezida Félix Tshisekedi wa Congo.

Itangazo rivuga ko baganiriye ku bikorwa bibi, ndetse bibangamiye kiremwa muntu bikomeza kubera mu Burasirazuba bwa Congo.

Blinken ngo yagaragarije Tshisekedi ko ahangayikishijwe n'abantu bicwa, abakomeretse n'abavuye mu byabo, ndetse n'abandi bagirwaho ingaruka n'ibikorwa bibi.

Itangazo rigira riti ' America yahamagariye u Rwanda guhagarika ubufasha kuri M23, anagaragaza ko hakenewe ko ibihugu byose bihagarika ubufatanye na FDLR, n'indi mitwe yitwaje intwaro.'

Blinken na Perezida Tshisekedi banavuganye uburyo byihutirwa ko umutwe wa M23 uva aho wafashe, ugashyira intwaro hasi bigendanye n'ibyemezo byafatiwe i Luanda muri Angola, n'ibikubiye mu myanzuro ya Nairobi.

Umunyabanga wa Leta muri America yagaragaje ko ahangayikishijwe n'imbwirwaruhame, n'imvugo zihembera amacakubiri n'urwango.

Blinken yagaragarije Tshisekedi ko abanye-Congo bakwiye kurekerwa uburenganzira bafite bwo kwigaragambya mu mahoro, bakagaragaza ibyifuzo byabo n'ibyo babona bitagenda.

Leta zunze ubumwe za America zizeje Congo ko zizatera inkunga amatora.

Source : https://umuryango.rw/amakuru/mu-mahanga/politiki/article/america-yasabye-u-rwanda-guhagarika-gufasha-m23-inabisaba-rdc-kuri-fdlr-no

Ni igikorwa cyabaye kuri uyu wa Kane, tariki 25 Gicurasi 2023 ku biro bya Minisiteri ya Siporo.

Nyuma yo gushyira umukono ku masezerano, Perezida w'Ishyirahamwe rya Basketball muri Afurika, Anibal Aurelio Manave, yavuze ko u Rwanda rumaze kwigaragaza nk'igicumbi cya Basketball ari na yo mpamvu bahisemo kuzana iri rushanwa i Kigali.

Yagize ati “Mu myaka itatu ishize twavuga ko Kigali ari umurwa mukuru wa Basketball kuko yakiriye amarushanwa menshi cyane arimo na BAL. Ikindi kandi hari ibikorwaremezo ndetse duhuje n'intego yo guteza imbere Basketball y'abari n'abategarugori.”

Minisitiri wa Siporo, Munyangaju Aurore Mimosa, yavuze ko bazakora iyo bwabaga irushanwa rikazagenda neza.

Yagize ati “Basketball ni umukino uri gutera imbere mu Rwanda. Twizeye ko iri rushanwa rizatera imbaraga abana b'abakobwa ba Afurika kuzagera ku nzozi zabo, ndetse duhaye ikaze amakipe yose kandi tubijeje ko iri rushanwa rizagenda neza.”

Perezida w'Ishyirahamwe Nyarwanda rya Basketball, Mugizwa Désiré, yavuze ko Ikipe y'Igihugu ikomeje imyiteguro kugira ngo izitware neza.

Ati “Ikipe ikomeje imyiteguro ndetse iheruka n'i Kampala mu mikino yo gushaka itike y'iyi mikino mu rwego rwo kurushaho kwitegura. Ntekereza ko Abanyarwanda bakwiye kuyizera.”

Iri rushanwa rizitabirwa n'amakipe 12 agabanyije mu matsinda ane aho buri tsinda rizaba rigizwe n'amakipe atatu.

Amakipe ane ya mbere azajya muri ¼ mu gihe aya kabiri n'aya gatatu azahura arwanira imyanya ine isigaye muri iki cyiciro kizajyamo amakipe umunani.

Kugeza ubu, amakipe umunani ni yo amaze kubona itike ari yo u Rwanda, Mali, Cameroun, Mozambique, Nigeria, Repubulika Iharanira Demokarasi ya Congo, Misiri na Sénégal.

Amakipe abiri ya mbere azabona itike y'Imikino Olempike izabera i Paris mu Bufaransa mu 2024.

Source : https://umuryango.rw/imyidagaduro/imikino/article/u-rwanda-rwasinye-amasezerano-azatuma-rwakira-afrobasket-y-abagore

Karabaye! Umugeni n'umugabo we barwaniye mu bukwe

Burya ngo buri gahugu kagira umuco wako, ku mbuga nkoranyambaga hakomeje gusakara amashusho y'imihango y'ubukwe itangaje.

Ubu bukwe bwo mu bihugu byo hanze, buratangaje cyane kuko bakoze imihango imeze nk'urugamba rw'abakinnyi bakina kace.

Biravugwa ko impamvu bahisemo gukora ibi ari uko umugabo ashobora kuba asanzwe akina iyi mikino njya rugamba.

 

Source : https://yegob.rw/karabaye-umugeni-numugabo-we-barwaniye-mu-bukwe-amashusho/