Category: Uncategorized

Wa mugabo wagiye gucyura umugore we kwa Sebukwe yitwaje inyundo n'akajerekani ka essance yavuze ukuntu byagenze kugira ngo ahure n'insanganya yahuriyeyo nazo.

Mu minsi yashize nibwo twabagejejeho inkuru ya Ntiziryayo Callixte wagiye gucyura umugore we kwa Sebukwe yitwaje inyundo n'akajerekani ka essance gusa akaza gutemwa na Sebukwe.

Uyu mugabo yabwiye BTN Tv ko yageze kwa Sebukwe agiye gucyura umugore we wari wahukanye asize amwibye amafaranga.

Ubwo yageraga mu rugo rwo kwa Sebukwe, Nyirabukwe yahise avuza induru ni uko Abanyerondo baza gutabara.

Bakihagera, bakubise uyu mugabo nk'uko yabyitangarije aho nyuma yo gukubitwa Sebukwe yaje agahita amutema mu mutwe.

Uyu mugabo akomeza avuga ko akimara gutemwa yahise ajyanwa gufungirwa mu Kagari gusa yaje kujyanwa ku bitaro bya Gitwe kugira ngo yitabweho kuko yari yakomeretse cyane.

Kuri ubu amakuru atangazwa na BTN TV ni uko Sebukwe wa Callixte yamaze kwishyikiriza RIB.

Source : https://yegob.rw/ruhango-wa-mugabo-wagiye-gucyura-umugore-we-kwa-sebukwe-yitwaje-inyundo-nakajerekani-ka-essance-yavuze-ukuntu-byagenze-kugira-ngo-ahure-ninsanganya-yahuriyeyo-nazo/

Kayonza: Abagabo babiri bishwe urwagashinyaguro baciwe ubugabo ndetse bakurwamo n'amaso

Abagabo babari barimo uwitwa Nkundabanyanga Issa na mugenzi we bacunganaga umutekano kuri depo y'inzoga bishwe bashinyaguriwe aho bakuwemo amaso ndetse bakanacibwa ubugabo.

Ibi byabereye aho iyi depo y'inzoga iherereye mu mudugudu w'irebero, akagari ka nyagatovo, umurenge wa Mukaranga mu karere ka Kayonza.

Yongwe Tv yagerageje kuvugisha banyiri iyi depo ariko birinda kugira icyo babivugaho dore ko n'imiryango y'abishwe itarahabwa amakuru y'uzuye cyangwa ngo ihabwe imirambo y'ababo.

Gusa kugeza ubu ntiharamenyekana icyaba cyateye ubu bwicanyi ndetse n'ababwihishe inyuma.

Mu gahinda kenshi umugore w'umwe mu bishwe yagize ati 'Ejo umugabo wange twari turi kumwe mu gitondo, nyuma aza kujya ku kazi ariko iryo joro ntiyataha, nibwo uyu munsi nari nagiye ngiye kubona mbona nimero ntazi iramamagaye iti' mama Milliam uri hehe, ati papa Milliam yishwe ' gusa kugeza ubu batwimye amakuru kandi imirambo y'abo yajyanywe I Kigali'.

Umwe mu baturage yagize ati' bishwe bashinyaguriwe, bateraguwe ibyuma ndetse banabakuramo amaso '

Ubuyobozi bw'akarere ka Kayonza bwemeje iby'urupfu rwababa bagabo ndetse bavuga ko iperereza rigikomeje.

 

 

 

 

 

Source : https://yegob.rw/kayonza-abagabo-2-bishwe-urwagashinyaguro-baciwe-ubugabo-ndetse-bakurwamo-namaso/

Ikipe ya Manchester United yo mu gihugu cy'Ubwongereza yaraye ishimangiye ko igomba gukina imikino ya Uaefa Champions League nyuma yo kubatiza ikipe ya Chelsea FC mu ijoro rya cyeye.

Manchester United yaraye itsinze ikipe ya Chelsea FC ibitego bine kuri kimwe maze ihita ibona itike yo gukina igikombe cy'abagabo cya Uaefa Champions League nyuma y'aho yari ifite igitutu kubera ikipe ya Liverpool yashoboraga kubasimbura kuri uyu mwanya.

Abakinnyi baraye batsindiye ikipe ya Manchester United ni Casemiro ku munota wa 6 w'umukino ku mupira yari ahawe na Ericksen akaba ari we wafunguye amazamu igitego cya kabiri cyatsinzwe na Martial mu minota y'inyongera mu igice cya mbere ku mupira yari ahawe na Sancho.

Igitego cya gatatu cyatereswemo na kapiteni Bruno Fernandes kuri penaliti hari ku munota wa 73 w'umukino, igitego cya nyuma cya kane cyatsinzwe na Rashford ku munota wa 78 w'umukino n'aho igitego kimwe rukumbi cya Chelsea FC cyatsinzwe na Joao Felix ku mupira yari ahawe na Ziyech hari ku munota wa 89 w'umukino.

Iyi ntsinzi ya Manchester United yahise ituma ishimangira ko igomba kuguma mu makipe ane ya mbere azakina Uaefa Champions League.

Source : https://yegob.rw/manchester-united-yahaye-isomo-rya-ruhago-ikipe-ya-chelsea-fc-ikatisha-itike-yo-gukina-igikombe-kiruta-ibindi-ku-mugabane-wi-burayi/

Va mu rujijo! Hari ibintu byavuzwe ku bahanzi bo muri Kenya wafashe nk'aho aribyo gusa hari ubindi bishya bimaze kumenyekana

Itsinda ry'abanyamuziki rikomoka muri Kenya, Sauti Sol ryakuyeho urujijo ku byavugwaga ko itandukana ryabo rishingiye ku mwuka mubi wari hagati yabo.

Ni nyuma y'uko cyumweru gishize, iri tsinda riri mu yakomeye ku mugabane wa Afurika, ryashyize hanze itangazo ko nyuma y'imyaka 20 bagiye gutandukana burundu, buri wese agakora ku giti cye.

Ibi nibyo byatumye benshi batangira gutekereza ko iri tsinda rigiye gutandukana kubera amakimbirane ari hagati yabo.

Mu kiganiro baherutse kugirana n'umunyamakuru Ivy Awino, ukomoka muri Kenya ukorera radiyo imwe muri Amerika, aba basore bagize Sauti Sol, batangaje ko nta bibazo cyangwa amakimbirane bafitanye nk'impamvu yatumye bafata umwanzuro wo gutandukana.

Bien-Aimé Baraza, yagize ati: 'Uburyo twabyitwayemo ni iby'icyubahiro ku buryo abantu bamwe basa n'abatengushywe no kuba nta makimbirane twagiranye. Hari abashakaga kugaragaza ko byabaye ku bwo gushyamirana, ariko si ko byagenze. Turacyari inshuti nziza, kandi turacyari kumwe.'

Source : https://yegob.rw/va-mu-rujijo-hari-ibintu-byavuzwe-ku-bahanzi-bo-muri-kenya-wafashe-nkaho-aribyo-gusa-hari-ubindi-bishya-bimaze-kumenyekana/

Umunyamakuru ukunzwe cyane mu Rwanda agiye kurongorwa n'umusore yahariye ibye byose kugeza ku iherezo.

Umunyamakurukazi wa Isibo Tv agiye kurongorwa n'umusore yimariyemo akamwemerera ko amubera umugore.

Mahoro Kety uzwi nka Gigi Kety kuri Televisiyo, agiye kurushinga na Fred Karuganda.

Mu butumire bwasohotse, bwerekana ko aba bombi ku wa 29 Nyakanga bazakora umuhango wo gusaba no gukwa.

Ni mu gihe ku wa 4 Kanama hazaba indi mihango isigaye y'ubukwe harimo no gusezerana imbere y'Imana.

Aba bagiye kurushinga nyuma y'uko umwaka ushize Fred yari yambitse Kety impeta yo kuzabana akaramata.

Source : https://yegob.rw/baramujyanye-umunyamakuru-ukunzwe-cyane-mu-rwanda-agiye-kurongorwa-numusore-yahariye-ibye-byose-kugeza-ku-iherezo-amafoto/

Ibye yarabisoje? Muri 2012, hari ifoto ya King James ushinjwa gutinda gushaka ari kumwe n'abakobwa barenze babiri bamugwatiriye bidasanzwe.

Ku rubuga rwa Instagram hari ifoto ya King James ikomeje kuhazenguruka ubwo byafatwaga uyu yari ari ku rubyiniro.

Ubwo yari ari ku rubyiniro, inkumi zigera kuri eshatu zari zamugwatiriye impande zose.

Iyo foto yafashwe mu mwaka wa 2012 ubwo uyu muhanzi yari ari mubayoboye umuziki nyarwanda w'icyo gihe.

IFOTO

Source : https://yegob.rw/ibye-yarabisoje-muri-2012-hari-ifoto-ya-king-james-ushinjwa-gutinda-gushaka-ari-kumwe-nabakobwa-barenze-babiri-bamugwatiriye-bidasanzwe-ifoto/

Ndayishimiye Mike Trésor wari uhanzwe amaso n’ikipe y’igihugu Amavubi, ashobora kutayikinira kubera ko u Bubiligi bushobora kumwitabaza kuri iyi nshuro.

Ni umukinnyi wakomeje kugenda yiregangizwa n’ikipe y’igihugu y’u Bubiligi ariko we yanga kuba yagira ikindi gihigu akinira kubera ko yari yizeye ko umunsi umwe inzozi ze zizaba impamo.

Trésor aheruka kwandika amateka yo kuba ari we mukinnyi wabashije gutanga imipira myinshi yavuyemo ibitego mu mwaka umwe mu mateka ya shampiyona y’icyiciro cya mbere mu Bubiligi aho mu mwaka w’imikino wa 2022-23 yatanze imipira 23 yavuyemo ibitego akanatsinda ibitego 8.

Uyu rutahizamu wa Genk uheruka gutorwa nk’umukinnyi mwiza ukomoka muri Afurika ukina muri shampiyona y’u Bubiligi, bivugwa ko yaba yageze ku nzozi ze.

Ndayishimiye Mike Trésor bivugwa ko nta gihindutse kuri iyi nshuro agomba guhamagarwa mu ikipe y’igihugu y’u Bubiligi, ibyo kuba yakinira u Rwanda cyangwa u Burundi ayo mahirwe asa n’ayamaze kuyoyoka kuri ibi bihugu.

Amakuru agera ku kinyamakuru ISIMBI ni uko Mike Trésor ku mahitamo ye ya mbere yari u Bubiligi ni mu gihe hagati y’u Rwanda n’u Burundi yari atarafata umwanzuro w’igihugu yakinira.

Bivugwa ko ku giti cye abona umupira w’u Burundi uri hejuru y’uw’u Rwanda ariko na none akaba akunda u Rwanda.

Kuba akunda u Rwanda ni byo byatumaga yumva ari cyo gihigu yakinira mu gihe u Bubiligi byaba byanze.

Ni kenshi ikipe y’igihugu Amavubi yagiye yifuza uyu mukinnyi uvuka kuri nyina w’Umunyarwandakazi ndetse na se w’umurundi ngo aze gukinira Amavubi ariko inshuro zose byageragejwe ibiganiro ntacyo byatanze.

Mike Trésor agiye gukinira u Bubiligi

Aheruka guhembwa nk’umukinnyi ukomoka muri Afurika witwaye neza muri shampiyona y’u Bubiligi

Source : http://isimbi.rw/siporo/article/ibya-mike-tresor-mu-mavubi-byajemo-kidobya

Kwibuka urubyiruko rwishwe muri Jenoside yakorewe Abatutsi mu 1994, byabereye mu murenge wa Kigabiro kuwa Kane tariki ya 25 Gicurasi 2023. Ubutumwa bwahawe urubyiruko, rwasabwe kwimakaza Ubumwe n’Ubudaheranwa ndetse bakirinda abashuka urubyiruko barutoza guhembera amacakubiri.

Nyuma yo kunamira abazize Jenoside yakorewe Abatutsi mu 1994 bashyinguye mu rwibutso rwa Jenoside yakorewe Abatutsi mu 1994 rwa Rwamagana, bakomereje igikorwa cyo kwibuka urubyiruko rwishwe muri Jenoside yakorewe Abatutsi mu 1994.

Ni igikorwa cyabereye mu nzu mberabyombi y’urwunge rw’amashuri ryitiriwe Mutagatifu Aloyizi rw’i Rwamagana (Groupe Scolaire Saint Aloys Rwamagana), ahabereye ibikorwa birimo gucana urumuri rw’icyizere hanatangwa ibiganiro byibanze ku mateka yaranze u Rwanda.

Urwo rubyiruko rwo mu karere ka Rwamagana rwagaragarijwe uburyo ubutegetsi bwa mbere ya Jenoside bwatotezaga Abatutsi ndetse bakicwa guhera mu 1959. Ubwo butegetsi bubi bwacengezaga amacakubiri mu bo bayobora kugeza aho inyigisho mbi zatumye Abatutsi barenga miliyoni bicwa muri Jenoside yakorewe Abatutsi mu 1994.

Mu kiganiro cyatanzwe na Dukesha Paul umukozi wa Minisiteri y’Ubumwe bw’Abanyarwanda n’Inshingano Mboneragihugu afatanyije na Murigo Emmanuel Umwarimu wigisha muri Kaminuza ya UTAB, bagaragarije urubyiruko uburyo abayobozi bayoboye u Rwanda mbere ya Jenoside bigishaga abaturage kwanga Abatutsi ndetse urubyiruko bakarukoresha kwica Abatutsi barimo abari urungano rwabo mu 1994.

Muri icyo kiganiro hagarutswe ku mateka mabi abakoloni basigiye abanyarwanda kuko bashenye Ubumwe bw’Abanyarwanda bitewe no kwigisha ko ibyiciro by’imibereho y’abanyarwanda ari amako kugira ngo babone uburyo babacamo ibice.

Urubyiruko rwagaragaje ko ibikorwa byo kwibuka bagenzi babo bishwe muri Jenoside yakorewe Abatutsi mu 1994 bifasha kwisuzuma bagafata ingamba zo guhangana n’ibyatuma Jenoside yongera kubaho.

Umwe mu rubyiruko rwitabiriye ibikorwa cyo kwibuka urubyiruko rwazize Jenoside yakorewe Abatutsi mu 1994, Muhozi Bright, avuga ko amateka ya Jenoside yakorewe Abatutsi mu 1994 abafasha kumenya ukuri ku byabaye muri Jenoside.

Yagize ati: “Ibikorwa cyo kwibuka urubyiruko rwazize Jenoside yakorewe Abatutsi, ni igikorwa duha agaciro kuko abishwe twibuka bari urubyiruko rungana natwe abandi bari bato. 

Iyo twibuka urwo urubyiruko tuzirikana ko tugomba kuba urubyiruko rwubaka igihugu kandi amateka ya Jenoside bakwigishije twakuyemo isomo ryo gukora ibikorwa byubaka igihugu ndetse tukarwanya ingengabitekerezo ya Jenoside n’amacakubiri kuko byashenye Ubumwe bw’Abanyarwanda.”

Umuyobozi w’Akarere ka Rwamagana wungirije ushinzwe imibereho myiza y’abaturage, Umutoni Jeanne mu butumwa yahaye urubyiruko yarushishikarije guharanira kubaka Igihugu kizira amacakubiri.

Yagize ati: “Urubyiruko mugomba kwigira ku mateka y’inkotanyi biyemeje kubohora u Rwanda kandi abenshi bari urubyiruko nkamwe. Uyu munsi turatekanye kubera urubyiruko rwiyemeje guhagarika Jenoside yakorewe Abatutsi mu 1994 bakabohora u Rwanda kubera kwitanga.

Urubyiruko rw’uyu munsi kandi mufite inshingano zo guharanira gusigasira Ubumwe bw’Abanyarwanda mugaharanira kurwanya amacakubiri kandi mukirinda icyatuma habaho indi Jenoside.”

Umuyobozi Mukuru ushinzwe Itangazamakuru n’imikoranire n’izindi Nzego muri Minisiteri y’Ubumwe bw’Abanyarwanda n’Inshingano Mboneragihugu, Rukesha Paul, yasabye urubyiruko kwiga amateka kandi akabafasha kumenya ububi bwa Jenoside .

Yagize: “Urubyiruko turarusaba kwiga amateka yose yaranze u Rwanda, bagasoma amateka ya Jenoside yakorewe Abatutsi mu 1994 mu bitabo biri mu isomero rya MINUBUMWE. Gusoma ayo mateka bizatuma bamenya ukuri kuri Jenoside yakorewe Abatutsi mu 1994 kuko hari inyigisho dutanga ariko hari ababyeyi babi bashobora  kubigisha inyigisho mbi zihembera amacakubiri.”

Rukesha yakomeje ashimira urubyiruko rugaragaza ko rwiyemeje guharanira kubaka Ubumwe n’Ubudaheranwa. Yagize ati: “Turashimira urubyiruko rwashinze imiryango myinshi muri gahunda yo kubaka Ubumwe bw’Abanyarwanda, ibyo ni ibikorwa dushima kandi bakora ibikorwa byiza byubaka Igihugu.”

Kwibuka urubyiruko rwazize Jenoside yakorewe Abatutsi mu 1994 byabereye no mu tundi turere tugize Ibyara y’Iburasirazuba ndetse urubyiruko duhabwa ibiganiro byibanze ku ruhare rw’urubyiruko mu kubaka Ubumwe, Ubudaheranwa no kurwanya ingengabitekerezo ya Jenoside.

Urubyiruko rwo mu Karere ka Rwamagana rwibutse bagenzi babo b’urubyiruko bishwe muri Jenoside yakorewe Abatutsi

Source : https://inyarwanda.com/inkuru/129783/rwamagana-hibutswe-urubyiruko-rwazize-jenoside-yakorewe-abatutsi-mu-1994-129783.html

Abakoresha urubuga rwa Instagram bakomeje gucika ururondogoro nyuma yo kubona ifoto ya Anita Pendo atwite inda y'umwe mu bahungu be ubu bakuze.

Ni ifoto igaragaza uyu mubyeyi kuri ubu ufite abana babiri b'abahungu, aho agarara ari kurya irindazi arimo asomeza Fanta.

Dore uko bamwe bakiriye iyi foto:

 

Source : https://yegob.rw/inda-yari-imumereye-nabi-yararikiye-irindazi-ifoto-ya-anita-pendo-atwite-ari-kurya-irindazi-asomeza-na-fanta-yaciye-igikuba-kuri-instagram-ifoto/

Uru rugomero rukoresha amazi y'umugezi w'Akagera rwamuritswe kuri uyu wa 25 Gicurasi 2023, ahitwa Isingiro muri Uganda.

Uru rugomero rwa Kikagati-Murongo Hydropower Plant ruzatanga kilowate 14 z'umuriro.

Uyu ni umwe mu mushinga migari ya EAC izafasha abatuye ibihugu biri muri uyu muryango kugerwaho n'ibikorwaremezo.

Umushinga nk'uyu w'urugomero rw'amashanyarazi na none uri mu karere ka Ngara mu ntara ya Kagera, aho uteganyijwe ko uzakoreshwa n'ibihugu bitatu, ari byo Tanzania, u Rwanda n'u Burundi. Biteganyijwe ko wo uzatanga megawate 80, kuri ubu uyu mushinga ukaba ugeze kuri 99% ushyirwa mu bikorwa.

Source : https://umuryango.rw/amakuru/mu-mahanga/ubukungu/article/perezida-wa-uganda-n-uwa-tanzaniya-bamuritse-igikorwa-remezo-bujuje