Category: Uncategorized

Iki gitaramo yise '50 Years Anniversary Music Celebration' yagishyize kuri iri tariki, mu rwego rwo kuzafasha Abanyarwanda kwizihiza Umunsi wo Kwibohora k'u Rwanda, kizabera kuri Romantic Garden ku Gisozi mu Mujyi wa Kigali.

Makanyaga yabwiye InyaRwanda ko nyuma y'uburwayi bwamugejeje mu bitaro, yafashe igihe cyo kuruhuka asubukura gahunda y'ibitaramo byo kwizihiza imyaka 50 ishize ari mu muziki, yisunze indirimbo zizwi nka 'Karahanyuze' zigera benshi ku nzoka.

Ati 'Ni igitaramo cyo kwizihiza imyaka 50 irenga maze mu muziki Nyarwanda ndetse no kongera guhura n'abantu bakunda ibihangano byanjye.'

Uyu munyamuziki wakunzwe mu ndirimbo zirimo nka 'Urukundo', 'Indwara y'umutima' n'izindi, avuga ko nyuma yo gukora iki gitaramo azajya gukorera ibitaramo i Burayi nyuma agaruke i Kigali, ategura ibitaramo azakorera mu Ntara zitandukanye z'u Rwanda.

Avuga ko nyuma y'ibi bitaramo byo mu Ntara azahita ajya muri Leta Zunze Ubumwe za Amerika, ariko kugeza ubu ibitaramo amaze kwemeza n'aho bizabera ni mu 'Bubiligi no mu Bufaransa'.

Akomeza ati 'Icyo abantu bakwitega muri ibi bitaramo ni ukubona Makanyaga wizihiza imyaka irenze 50 mu muziki, dore ko kizaba ari igitaramo cyo kwishimira ibyo nagezeho ndetse n'igitaramo kizagaragaza Makanyaga aho yavuye n'aho ageze, ubu mbese nibwo urugendo rwanjye muri muziki rutangiye.'

Muri iki gitaramo biteganyijwe ko, inzego za Leta zishinzwe umuziki zizashimira Makanyaga ku bw'uruhare rwe mu guteza imbere umuziki w'u Rwanda, no gufasha abakiri bato bagakomeza kuvoma ku isoko y'umurage n'umuco by'u Rwanda.

Amateka ye agaragaza ko amaze imyaka 56 yunze ubumwe n'umuziki. Imyaka itanu ya mbere yayibayemo yiga ibicurangisho by'umuziki no kuririmba.

N'aho imyaka 50 ari nayo yitegura kwizihiza muri ibi bitaramo, yatangijwe no gukora umuziki mu buryo bw'umwuga ubwo yaririmbaga muri Orchestre imwe n'abarimo Sebanani Andre witabye Imana, aho amajwi y'indirimbo zabo bayafatiraga kuri Radio Rwanda.

Inganzo ye yatumye ataramira abakomeye n'aboroheje, ari nayo mpamvu yahisemo gutegura ibitaramo nk'ibi byo kwizihiza uruhare umuziki wagize ku buzima bwe.

Muri ibi bitaramo azanacuruza iyi album kandi ayitangemo impano ku bantu banyuranye, kandi azayishyira ku mbuga zitandukanye zicururizwaho umuziki.

Ni album yakozweho na ba Producer batandukanye, cyane cyane Trackslayer wamufashije gusubiramo nyinshi mu ndirimbo ze zo ha mbere zakunzwe. 

Makanyaga yasubukuye ibitaramo byo kwizihiza imyaka 50 ishize ari mu muziki

Makanyaga avuga ko nyuma yo gutaramira abanya-Kigali azajya mu Bufaransa no mu Bubiligi gukorerayo ibitaramo

KANDA HANO UREBE AMASHUSHO Y'INDIRIMBO 'RUKUNDO' YA MAKANYAGA

“>

Source : https://inyarwanda.com/inkuru/130010/makanyaga-agiye-gukorera-igitaramo-abanya-kigali-mbere-yo-kujya-i-burayi-130010.html

Muri uyu mwaka wa 2023, Baba Vanga mu buhanuzi bwe avuga ko ari uw'amagorwa ku kiremwa muntu, ashimangira ko ibiribwa bizabura, abikabiriza avuga ko bizagera aho abantu barya abandi.

Muri uyu mwaka kandi, Nostradamus avuga ko hashobora guturitswa Bombe kirimbuzi zizagira ingaruka zitandukanye ariko by'umwihariko ku Burayi. 

Mu mvugo za gihanuzi yemeza ko hari igihe kigiye kuza Uburayi bukamara imyaka 40 butareba umukororombya, ubutaka bw'u Burayi buzumagara cyane ariko bizabanzirizwa n'imyuzure izamara benshi mu gihe gito kandi ko bizaterwa n'ibirimo 'Uguhumana kw'Ikirere bitewe n'ibisasu bya kirimbuzi by'ubumara bizaba byatewe’.

Akomeza avuga ko icyo gihe ngo amafi yo mu Nyanja azamera nk'atogosheje, amazi yibirindure kubera ubushyuhe, ubukana bw'uburozi buzatwika amazi kugeza ku ndiba y'Inyanja.

Asa n'uca amarenga ku ntambara ya Gatatu y'Isi, mu cyo yise ‘Great War', Nostradamus avuga ko hazaba intambara ikaze mu 2023 (Iri jambo rimaze gukoreshwa inshuro ebyiri gusa aho ryakoreshejwe ku ntambara ya Mbere y'isi n'iya Kabiri).

Avuga ko mu gihe cy'Amezi 7 muri uyu mwaka wa 2023, abantu bazaba bicana bitarabaho ku buryo bazavuga ko ubu bwicanyi ari ubw'abazimu. Umuhanuzi ati “People will be Killed by Evils'', gusa ntawe uzi niba intambara ya Gatatu y'Isi iramutse ibaye yamara amezi 7 gusa, ariko ngo muri aya mezi abantu bazaba bapfa nk'ibimonyo.

Mu myaka 60 ishinze byari byaravuzwe ko Nastradamus yahanuye ko umuntu azakandagiza bwa mbere ikirenge cye ku kwezi aho byaje kurangira Amerika ibigezeho ku cyiswe Mission Apollo11.

Uyu mugabo yahanuye byinshi ko habazaho urugendo rw'umuntu wa mbere ku mubumbe wa Mars.

Abakurikiranira hafi iby’ubu buhanuzi babihuza no kuba mu minsi ishize umuherwe Elon Musk yaravuze ko ikigo cye gikora ibijyanye n'isanzure kizohereza umuntu wa mbere ku mubumbe wa Mars mu 2029, gusa ubuhanuzi bwavugaga ko bizaba uyu mwaka 2023.

Gusa abasobanura neza iby'ubuhanuzi bemeza ko iyo bibaye nyuma y'imyaka Itandatu ntakwibeshya kuba kwabayeho.

Kwizera ko ubu buhanuzi ari bwo byaba ari ikosa rikomeye ariko nabwo kubwirengagiza ukabijya kure nabyo atari byiza.

Nostradamus agiye kumara imyaka 500 ashyize hanze imizingo y'ibitabo byinshi harimo icyiswe 'Prohpecy of Nostradamus’.

Niwe muhanuzi benshi bemeza ko ibyo yavuze atigeze yibeshya na gato, ni nawe bavuga ko yaba yarahanuye ibizaba hafi ya buri mwaka uhereye mu gihe yatangiriye kubikoreraho.

Ubuhanuzi bwa Michel de Nostradame uzwi nka Nostradamus cyangwa na Baba Vanga butandukanye n'ubw’abapfumu, ubwo mu nsengero cyangwa se bimwe byo kuryama ukarota kuko bo ni abantu bafite ubuhanga karemano bwo gusobanukirwa imiterere n'ingendo z'inyenyeri n'imibumbe mu Isanzure muri Siyansi yitwa Astrology.

Uyu muhanuzi Nostradamus byinshi byagiye biba harimo Impinduramatwara zo mu Bufaransa, ivuka rya Leta Zunze Ubumwe za Amerika, intambara z'Abongereza n'Abafaransa muri Amerika mu myaka 100, Intambara ya mbere n'iya Kabiri y'Isi, ivuka ry'ibihangange nka Adolfe Hitler, akaga k'inzara mu Bushinwa kahitanye abarenga Miliyoni 57, ibitero by'iya 11 Nzeri muri Amerika.

Yarahanuye agera naho avuga amazina y'abantu barimo Nicolas Salkozzy wategetse u Bufaransa kuva mu 2007 kugeza mu 2012.

Michel de Nostredame uzwi nka Nostradamus ni Umufaransa wabayeho kuva mu Kuboza 1503 kugeza muri Nyakanga 1566 yari umuhanga miterere n'ingendo z'inyenyeri n'imibumbe mu Isanzure muri. Yamamaye cyane mu mizingo y'ubuhanuzi ifite imikarago nk'iyibisigo yashyize hanze mu mwaka w'1555.

Mu nkuru ducyesha The Guardian ivuga ko hari byinshi Mchel Nostradamus yahanuye kandi bigasohora birimo urupfu rw’Umwamikazi Elizabeth II, Intambara yo muri Ukraine n’ibindi. Icyakora hari ibindi yahanuye ntibyaba harimo kuba yaravuze ko Isi izarangira tariki 04 Nyakanga 1999.

Source : https://inyarwanda.com/inkuru/130021/abantu-bashobora-kurya-abandi-ubuhanuzi-buteye-ubwoba-ku-mwaka-wa-2023-130021.html

Mu buryo busa n’ubugoranye, Rayon Sports igiye kwerekeza i Huye gukina umukino wa nyuma w’igikombe cy’Amahoro na APR FC uzaba mu mpera z’icyumweru aho yagiye bamwe mu bakinnyi bagasigara i Kigali.

Iyi kipe yagombaga kuba yaragiye ku wa Kabiri w’iki cyumweru ariko abakinnyi banga kugenda kubera ko batarahembwa imishahara y’amezi 2 ukwezi kwa Mata na Gicurasi 2023.

Ubuyobozi bwabasabye ko bajya i Huye ko bizageza ku wa Gatanu bamaze kubona amafaranga yabo ariko bo bavuga ko bazagenda bayajyanye. Aba bakinnyi bafite impungenge z’uko bamwe basoje amasezerano kandi akaba ari umukino wa nyuma bityo ko kuzayabona bigoranye.

Ejo hashize nyuma y’imyitozo babwiwe ko buri mukinnyi ashakirwa ibihumbi 50 yo gusigira imiryango yabo andi bakazayahabwa nyuma ariko babitera utwatsi bavuga ko ntaho bazajya.

Mu ijoro ryakeye nibwo Team Manager w’iyi kipe, Mujyanama yanditse ku rubuga rw’abakinnyi ko mu gitondo bajya i Huye aho imodoka iri bufate umuntu wa mbere saa 6h30′.

Abakinnyi bahise bamusubiza ko kugira ngo bagende ari uko bagomba guhabwa ibyo bagombwa.

Yabasabye ko buri umwe agomba kubaha amasezerano ye kuko ntawazanye n’undi. Bamubwiye ko yakora akazi ke akareka kubinjirira mu mikinire yabo.

Imodoka yabyutse ijya gufata abakinnyi ariko kugeza saa amakuru avuga ko harimo abakinnyi batatu bonyine.

Amakuru ISIMBI yamenye ni uko ubu imodoka yamaze guhaguruka yerekeza i Huye aho yagiyemo abakinnyi 15 batarimo kapiteni w’iyi kipe Rwatubyaye Abdul ndetse n’umwungiriza we Ndizeye Samuel.

ISIMBI yashatse kumenya icyo ubuyobozi buvuga kuri iki kibazo ariko ntibyakunda kuko umunyamabanga w’iyi kipe, Patrick Namenye atitabaga telefoni ye ngendanwa.

Rayon Sports yerekeje i Huye insigane

Source : http://isimbi.rw/siporo/article/bigoranye-rayon-sports-yerekeje-i-huye-nta-nkuru-bamwe-mu-bakinnyi-basigaye

Perezida wa Uganda, Yoweri Kaguta Museveni, yabwiye ibihugu bimusaba guhindura itegeko rihana abaryamana bahuje igitsina bazwi nk'abatinganyi aherutse gusinya, ko bitashoboka kuko ari ikintu cyamaze kurangira.

Ibi abitangaje nyuma yaho ibihugu byo mu burengerazuba, birimo Uburayi na Leta Zunze ubumwe za Amerika n'imiryango iharanira uburenganzira bwa muntu yaho, bamaganye iryo tegeko.

Mu itangazo rya nyuma y'inama Perezida Museveni, yagiranye n'abo mu ishyaka NRM riri ku butegetsi muri Uganda, yavuze nta muntu n'umwe uzanyeganyeza uyu mwanzuro.

Yagize ati 'Gushyira umukono ku itegeko rihana ubutinganyi byarangiye, nta muntu n'umwe uzatunyeganyeza. Dukwiye kwitegura intambara.'

Yakomeje agira  ati 'NRM ntiyigeze na rimwe igira indimi ebyiri, ibyo tubabwira ku manywa ni byo tuzababwira na n'ijoro.'

Perezida w'Amerika Joe Biden yanenze iryo tegeko, avuga ko ari ihonyora ribabaje cyane ry'uburenganzira bwa muntu ku isi, asaba ko rikurwaho, yongeraho ko Amerika irimo gutekereza ku gufatira ibihano Uganda.

Umuryango w'Ubumwe bw'Uburayi EU, n'umukuru w'umuryango w'abibumbye ONU, António Guterres, na bo bamaganye iryo tegeko.

Gushyira umukono kuri iryo tegeko kwabaye nyuma yuko inteko ishinga amategeko ya Uganda ,yari yagabanyije ubukana bwaryo, ariko riracyari rimwe mu mategeko akaze cyane ku isi ahana abatinganyi.

Umuntu uwo ari we wese uhamijwe n'urukiko ko akora imibonano y'ubutinganyi ashobora gukatirwa gufungwa burundu.

Iryo tegeko rinateganya igihano cy'urupfu ku butinganyi bukaze cyane, harimo nko gufata ku ngufu umuntu utagejeje ku myaka 18, cyangwa igihe uwabukorewe yanduriyemo indwara yarwara ubuzima bwe bwose, nka SIDA.

The post Perezida Museveni yakuriye inzira ku murima abamusaba gukuraho itegeko rihana abatinganyi appeared first on FLASH RADIO&TV.

Source : https://flash.rw/2023/06/01/perezida-museveni-yakuriye-inzira-ku-murima-abamusaba-gukuraho-itegeko-rihana-abatinganyi/?utm_source=rss&utm_medium=rss&utm_campaign=perezida-museveni-yakuriye-inzira-ku-murima-abamusaba-gukuraho-itegeko-rihana-abatinganyi

Itsinda rigizwe n'abana bo muri Uganda rizwi ku izina rya 'Ghetto Kids' ryaraye rikoze amateka inshuro ya kabiri muro Britain's Got Talent 2023 nyuma yo kubyina bakigarurira imitima y'abagize Akanampa Nkemurampaka n'abafana.

Ghetto Kids bari bashyigikiwe mu buryo bukomeye, ku buryo ibihumbi by'abafana bavugije akaruru k'ibyishimo nyuma y'uko batangajwe kuri 'final' ya Britain's Got Talent 2023.

Travis yasigaye ahaganye na Harry bitegura kuvamo umwe ugera mu cyiciro cya nyuma. Ni icyemezo cyagombaga gufatwa n'Akanama Nkemurampaka.

Bruno Tonioli na Alesha Dixon bagize Akanama Nkemurampaka bahisemo ko Travis ariwe ujya mu cyiciro cya nyuma n'aho Amanda Holden na Simon n'abo bagize Akanama Nkemurampaka bahitamo ko Harry ariwe ujya mu cyiciro cya nyuma.

Ibi byatumye hitabazwa amajwi y'abafana, maze Ant na Dec bari bayoboye agace k'iri rushanwa, batangaza ko abafana bahisemo ko Travis ariwe ukomeza mu cyiciro cya nyuma.

Uyu munyamuziki yaranzwe n'amarangamutima menshi apfukama hasi ashimira abafana bamushyigikiye. Ati 'Murakoze cyane ku bwo gutuma nongera kwigirira icyizerere.'

Muri iri rushanwa, Ghetto Kids yemeje abafana binyuze mu ndirimbo babyinnye bakigwizaho igikundiro.

Source : https://umuryango.rw/imyidagaduro/article/ghetto-kids-yongeye-gukora-amateka-muri-britain-s-got-talent-amafoto

Uwitwa NGURUBE Marcel yasabye guhindura amazina mu buryo bwemewe n'amategekoIGIRANEZA Marcel mu bitabo by'irangamimerere.

Impamvu atanga zituma asaba guhindura amazina akaba ari uko ari amazina amuteye ipfunwe.

Source : https://umuryango.rw/amatangazo/article/itangazo-ngurube-marcel-yasabye-guhindura-amazina-akitwa-igiraneza-marcel

Miss Mwseneza Josiane wamenyekanye cyane mu irushanwa ry'ubwiza rya Miss Rwanda 2019 yongeye guzamura amarangamutima y'abafanabe ku mbugankoranyamabaga.

Miss Mwiseneza Josiane yumvikanye cyane mu irushanwa rya Miss Rwanda 2019, ryegukanwe na Miss Nimwiza Meghan, mu gihe we yabashije kwegukana ikamba ry'umukobwa ukunzwe na rubanda kurusha abandi [Miss Popularity).

Miss Mwseneza Josiane yasangije abamukurikira amafoto yambaye agakanzu gafite pasuwa kuruhande ku rukuta rwe rwa Instagram maze benshi mu bamukurikira bongera kumwereka ko yarakumbuwe cyane.

Source : https://umuryango.rw/imyidagaduro/article/miss-mwseneza-josiane-yongeye-gutigisa-imbugankoranyambaga-amafoto

N'ubwo buri muntu muri rusange aba ateye ukwe noneho by'umwihariko abagore n'abakobwa nabo bakaba baba batandukanye mu mico, imyitwarire, mu byo bakunda n'ibindi nk'ibyo, byanze bikunze hari bimwe mu byo abagore bose bifuza ku bagabo babo mbere na nyuma y'uko bashakana.

Kimwe n'abasore cyangwa abagabo, abakobwa cyangwa abagore nabo baba bafite ibintu bifuza ku bagabo bashatse cyangwa ku basore bakundana.

Bimwe muri byo ni ibi bikurikira :

1. Kumuganiriza mu mvugo nziza :

Igitsina gore cyangwa se abagore muri rusange ni abantu bakunda kwitabwaho no kubwirwa neza buri gihe. Umukobwa rero iyo arimo kurambagizwa akunda umusore umubyinirira, umubwira amagambo meza atuma yiyumvamo ubwuzu n'urukundo, akamuganiriza amubwira icyo amukundira n'icyo yamukundiye, zimwe mu ngingo z'umubiri we akunda n'ibindi.

Iyo anageze igihe cyo kurushinga rero aba yumva umugabo we agomba gukomeza akabikora uko, akirinda icyo ari cyo cyose gishobora kumuhutaza kabone n'iyo yaba ari mu makosa, umugore aba yifuza ko wamukosora umubwira neza.

2. Kumwambika neza :

Muri kamere y'abagore bahora bashaka gusa neza, kwambara neza, ni ukuvuga imyenda ijyanye n'igihe, bakanisiga bagacya. Iyo umugore ashatse umugabo rero aba yumva agomba kumurimbisha akamwambika imyenda myiza izamuhesha icyubahiro aho azajya anyura hose. Iyo rero umukobwa akiri mu gihe cyo kurambagizwa yishimira umusore umuzirikana rimwe na rimwe akamuha impano y'imyambaro myiza by'umwihariko ijyanye n'uko ateye.

Iyo amaze gushaka rero kenshi na kenshi aba yumva byabaye inshingano z'umugabo ko agomba kumwambika neza. Abagore b'abanyarwandakazi bakunda ko abagabo babo babagurira imyenda yiyubashye nk'ibitenge , amabubu, inkweto, isakoshi n'utundi tuntu duto duto tubashimisha turimo isaha , inigi , amaherena n'ibindi.

3. Kwihangana no gutanga imbabazi :

Umugore ahora yifuza umugabo uzamwihanganira igihe cyose cyane cyane mu gihe yagize intege nke, ndetse akanamubabarira igihe ya kosheje. Nta mugore ukunda umugabo uhora umucyurira cyangwa umuhoza ku nkeke z'ibintu atatunganyije neza, ahubwo akunda wa wundi umuhora hafi kandi agahora yiteguye kumubabarira no kumwihanganira muri byose.

4. Kumukunda no kumwitaho nka mbere :

Abagore cyangwa abakobwa bakunda abagabo badacika intege mu rukundo ; ni ukuvuga umugabo cyangwa umusore uhora ubereka urukundo, atari umukunda mu minsi ya mbere yamara gufatisha agaterera iyo. Abagore bifuza ko abagabo babo bahora babereka urukundo amanywa n'ijoro, mbese bakunda kubona urukundo rukura aho gusubira inyuma.

5. Kumwita akazina keza :

Iyo umukobwa cyangwa umugore amaze kwinjira mu rukundo neza neza aba yifuza ko umusore bakundana cyagwa umugabo we amuhindurira izina ; akamwita akazina k'urukundo mu rwego rwo ku mutetesha no kumubyinirira.

Iyo rero umukobwa cyangwa se umugore afite akazina yiswe n'umukunzi we aba yumva akunzwe ndetse nta n'undi umuntu umurusha gukundwa. Ariko ikimushimisha kurushaho ni uko aka kazina agahamagarwa igihe bari ahandi hantu cyangwa bari mu bantu benshi.

6. Kumutembereza :

Abakobwa kimwe n'abagore bakunda gusohoka, ibi rero bituma bakunda umusore cyangwa umugabo ubasohokana. Umugore aba yifuza ko umugabo we amuhindurira uburyo babanamo, atari ukwirirwa mu rugo cyangwa kwirirwa mu byo bamenyereye byo kujya ku kazi no kugaruka mu rugo gusa.

Aba yifuza ko rimwe na rimwe mu bihe by'ikiruhuko batakoze, anyuzamo akamusohokana cyangwa bagira ikiruhuko cy'akazi bombi bagafata urugendo bakajya kuruhukira ahatari aho basanzwe bamenyereye.

Ibi rero bituma urukundo rukura kandi bikagaragariza umugore ko yitaweho. Kandi ibi ntibivuga ko ari ugukunda ibintu kuko hari n'umukobwa cyangwa umugore uba wifitiye amafaranga ye ariko akumva byaba akarusho umukunzi we afashe icyemezo cyo kumusohokana kabone n'iyo umukobwa cyangwa umugore ari we wakwishyura !

Source : https://umuryango.rw/ubuzima-115/udushya/article/reba-ibintu-6-abagore-baba-bashaka-ku-bagabo-babo-mbere-na-nyuma-yuko-babana

Muri Saint Vincent, ishuri riri muri Muhoza, bivugwa ko kuwa mbere w'iki cyumweru umwana w'umukobwa wigaga muwa 5w'amashuri yisumbuye (S5) yafashwe aruka amaraso , Bamujyana mu bitaro bya Ruhengeri biranga, bamujyana CHUK ariko naho biranga arapfa!

Ni mu gihe hari hashize iminsi iki kigo kibuze undi mwana w'umukobwa wigaga nawe S5 ariko we urupfu rwe ntirwatunguranye kuko yari afite indwara ya Kanseri yamenyekanye bitinze, baramuvuza hose kugeza na za Butaro biranga yitaba Imana.

Muri Exel School, ishuli ryigenga riri inyuma y'Akarere ka Musanze,bivugwa ko kuwa mbere w'iki cyumweru, ubwo umwana yari mu ishuli, yahagurutse aragenda akomanga mwalimu wari ku kibaho, undi nawe ahindukiye abona akana kari kudandabirana gasa n'agafite isereri aragaterura. Byaje kurangira aka kana gashizemo umwuka.

Amakuru kandi akomeza avuga ko no muri ES Janja hapfuye undi munyeshuli ejo hashize !

Amakuru y'izi mfu abaye ariyo, urupfu rwabo rwaba ruje rukurikira urundi rw'umwana w'umukobwa w'imyaka 12 wigaga Muri Ecole des Sciences de Musanze muri S1 wapfuye taliki 13/5/2023 nawe urupfu rw'amarabira nyuma y'igihe arwariye muri infirmerie y'ikigo!

Kugeza ubu ,nta cyatangajwe nk'icyateye urupfu rw'uwo mwana n'ubwo Urwego rw'igihugu rw'ubugenzacyaha rwatangaje ko ruri gukora iperereza kucya mwishe byanatumye imihango yo gushyingura nya kwigendera yigizwa inyuma ho gato.

Icyakora ababyeyi b'umwana witabye imana muri Ecole des Sciences de Musanze babwiye Umuryango ko bagitegereje ibizava mu iperereza bihanganye n'ubwo ntayandi makuru arenzeho kuri iki kibazo ngo bazi

Ni ki kiri gutera imfu z’abanyeshuli muri Musanze? Amakuru avuga ko muri iki cyumweru hamaze gupfa abana 3 mu bigo binyuranye!

Muri Saint Vincent, ishuri riri Muhoza, amakuru avuga ko kuwa mbere w’iki cyumweru umwana w’umukobwa wigaga S5 yafashwe aruka amaraso ! Bamujyana mu… pic.twitter.com/mqs4rMaUOx

— HAKUZWUMUREMYI Joseph (@HAKUZWUMUREMYI) June 1, 2023

Source : https://umuryango.rw/amakuru/mu-rwanda/ubutabera/article/musanze-amayobera-ku-mpfu-z-abanyeshuri-aho-mu-cyumweru-1-hamaze-gupfa-3-mu

Kim Kardashian uri mubanyamidelikazi bubatse izina ku Isi yahishuye ko Kanye West wahoze ari umugabo we ari we wabaye intandaro y'itanduka rye n'umunyarwenya Pete Davidson bari bamaze igihe mu rukundo.

Nyuma yaho Kim Kardashian yatandukaniye n'umuraperi Kanye West Ye, yahise ajya mu rukundo n'umunyarwenya Pete Davidson. Umubano wabo watigishije imbuga nkoranyambaga ndetse unagarukwaho cyane mu itangazamakuru gusa ntiwarabye kuko warangiye nyuma y'amezi 11 gusa.

Kim Kardashian umaze iminsi avuze ko agifitiye urukundo Pete Davidson, yashinje Kanye West kuba ariwe wagize uruhare runini mu itandukana rye na Pete ndetse ko byamubabaje cyane.

Ibi yabivugiye mu gice cya 3 kuri sezo (season) ya gatatu y'ikiganiro 'The Kardashians' kinyura kuri Hulu kerekana ubuzima uyu muryango uvukamo ibyamamare ubayemo.

Muri iki gice Kim Kardashian yagarutse ku itandukana rye na Pete Davidson agira ati: 'Benshi baziko twatandukanye kubera ikibazo cy'imyaka. Uko si ukuri kuko icyo batamenye n'uko Kanye West ariwe wabiteye'.

Kim yashinje Kanye kumutandukanya na Pete

Yakomeje agira ati: 'Kanye yibasiye Pete inshuro nyinshi kugeza naho akoze indirimbo zirenga 3 avuga ko azamugirira nabi. Yamwohererezaga ubutumwa kuri telefoni ye amutera ubwoba. Abafana be nabo bakunze kwibasira Pete ku mbuga nkoranyambaga. Byari ibibazo kuri we kandi mbona Kanye atazahagarara mpitamo guhagarika umubano wacu'.

Kim Kardashian w'imyaka 41 akaba n'umubyeyi w'abana 4 yabyaranye na Kanye West yakomeje ashinja uyu muraperi kumubuza ibyishimo. Yagize ati: 'Kanye ntiyashakaga kubona nishimanye n'undi utariwe. Nubu abonye mfite umukunzi ndabizi yakora ibishoboka ngo adutandukanye. Sinzi impamvu atishimira ko nkundana kandi we ntarigeze mbimubangamiraho'.

Kim Kardashian na Pete Davidson bakanyujijeho

Hollywood Life, yatangaje ko Kim Kardashian yavuze ko Kanye West ariwe nkomoko yo gutandukana kwe na Pete Davidson, mu gihe byavugwaga ko batandukanye kubera ikinyuranyo cy'imyaka dore ko Kim yamurushaga imyaka 15.

Source : https://umuryango.rw/imyidagaduro/article/uko-kanye-west-yabaye-intandaro-y-itandukana-rya-kim-kardashian-na-pete