Category: Uncategorized

Mbere y’umukino wa nyuma w’igikombe cy’Amahoro uhuza APR FC na Rayon Sports, wabanjrijwe n’imvururu nyuma y’uko amakipe yombi yari yananiwe kumvikana aho abasimbura bayo bari bwicare.

Ni umukino wagombaga gutangira saa 15h00′ ariko wakerereweho iminota 27 yose amakipe yananiwe kumvikana.

Amashusho yagaragaje ubwo abakinnyi basimbura ba APR FC bari bavuye mu rwambariro bagiye ku ntebe y’abasimbura (bench), umutoza w’abanyezamu yabahamagaye abatwara kuri bench yari iriho abakinnyi ba Rayon Sports.

Imvuru zatangiye ubwo maze n’abayobozi ba FERWAFA babyinjiramo, ni imvururu zamaze iminota 27 yose kugeza aho umusifuzi Cucuri yatangije uyu mukino.

Amakuru ISIMBI ikesha umwe mu bantu bo muri federasiyo bari i Huye ni uko ejo inama yabaye mbere y’umukino yemeje ko Rayon Sports ari yo izakina nk’iri mu rugo (yakiriye) ni mu gihe APR FC izakina yasuye.

Ikibazo cyaje kuvuka ubwo abakinnyi b’amakipe yombi bari basohotse bagiye ku ntebe z’abasimbura maze APR FC ijya aho Rayon yari yicaye ibabwira ko aho bicaye ari ah’ikipe yasuye.

Abakinnyi ba Rayon Sports babyanze bavuga ko baguma aho bateguriwe kandi ko ubushize ubwo bakinaga na APR FC bayisuye atari ho bari bicaye ndetse ko batajya kwicara kuri bench iri imbere y’abafana ba APR FC.

FERWAFA yinjiye muri iki kibazo ndetse hazamo n’abayobozi b’amakipe yombi maze biza kurangira APR FC yemeye kujya kwicara aho yari yateguriwe.

Ubusanzwe ku ntebe z’abasimbura mu mikino nk’iyi haba handitseho A indi B cyangwa se ku ikipe yakiriye handitseho (Home) mu gihe kuyasuye haba handitseho (Away), gusa ntabyo FERWAFA yigeze yandikaho.

Kuri bench bari bivanze

Byasabye ibiganiro byinshi

Source : http://isimbi.rw/siporo/article/imvururu-zabanjirije-umukino-wa-apr-fc-na-rayon-sports-abasimburana-bivangira-ku-ntebe-y-abasimbura-imwe-rubura-gica-amafoto

Umugabo wakoraga akazi k'ubufundi wari utuye mu Mudugudu wa Muganza mu Kagari ka Kimisagara mu Murenge wa Kimisagara mu Karere ka Nyarugenge, yiciwe mu nzira aho bikekwa ko byakozwe n'abo bakoranaga.

Urupfu rw'uyu mugabo rwamenyekanye kuri uyu wa Gatanu tariki ya 2 Kamena 2023.

Amakuru ducyesha IGIHE avuga ko uyu mugabo yumvikanye ari gutabaza mu ijoro ryo ku wa Kane rishyira ku wa Gatanu anasaba imbabazi abari barimo kumukubita bashaka kumwambura amafaranga yari yakoreye.

Umugore utarifuje ko amazina ye atangazwa yagize ati ' Ni umotari waje kutubyutsa aratubwira ngo wa mugabo bamwishe, ubwo twahise tubyuka n'umugabo tuhageze dusanga umuntu yapfuye, dusanga aho bamwiciye hari inkweto, hari n'amaraso twinjiye mu nzu dusangamo ikofi ye n'amaraso menshi.'

Umugore wa nyakwigendera yavuze ko umwana we ari we wa mbere wamubwiye ko umugabo we yapfuye.

Ati 'Numvise bavuga ngo hano hepfo haguye umuntu kubera ko yari yaraye atatashye kandi atajya arara mu gasozi ndavuga ngo wasanga ari papa w'abana reka njye kureba manuka nihuta n'igitenge nagitwaye mu ntoki ngezeyo nakubitanye n'umwana wanjye arambwira ngo ni papa wapfuye.'

Umunyamabanga Nshingwabikorwa w'Umurenge wa Kimisagara, Kalisa Jean Sauveur, yabwiye IGIHE ko bari gushishikariza abaturage bo muri aka gace umuco wo gutabarana.

Ati ' Urebye nta muco wo gutabarana uhari kuko ukurikije uwo muntu uburyo bamumanuye barwana baturutse mu Murenge wa Kigali, yavuzaga induru ariko ntibamutabare. Twakoranye inama y'umutekano n'abaturage batuye muri aka gace ndetse twari twavuganye n'Umurenge wa Kigali kuko gahana imbibi n'uwo murenge twemeranya ko ku wa Mbere tureba ingamba zirambye kugira ngo habe imikorere n'imikoranire y'irondo.'

Yongeyeho ko bafite amakuru ko nyakwigendera yari afite amafaranga ndetse hari abagabo bane bakoranaga bamaze gutabwa muri yombi bakekwa ko ari bo bamwishe.

Source : https://umuryango.rw/amakuru/mu-rwanda/article/kimasagara-haravugwa-urupfu-rw-umufundi-bicyekwako-yishwe-n-abo-bakoranaga

Ibi bivuze ko Mukura vs ariyo yegukanye igikombe n'agaciro ka Miliyoni 5 mu mafaranga, ahabwa ikipe yegukanye umwanya wa gatatu mu irushanwa ry'Ikombe cy'Amahoro.

Umukino waberaga kuri Sitade mpuzamahanga ya Huye, ubanziriza undi w'amakipe ahatanira iki gikombe ariyo Rayon Sport na APR FC zageze ku mukino wanyuma.

Mbere y'umukino wa Kiyovu Sports na Mukura VS, hafashwe umunota wo kwibuka no guha icyubahiro abahitanywe n'ibiza.

Ibi byabaye mu ijoro ryo ku wa 3 Gicurasi, byatwaye ubuzima bw'abantu 135 mu Ntara y'Iburengerazuba, iy'Amajyaruguru n'iy'Amajyepfo.

FERWAFA yavuze ko igice cy'amafaranga yinjira kuri uyu wa Gatandatu, kizatangwamo inkunga yo gufasha abagizweho ingaruka n'ibi biza.

Source : https://umuryango.rw/imyidagaduro/imikino/article/mukura-victory-sport-itsinze-kiyovu-sport-biyihesha-umwanya-wa-3-muri-peace-cup

Miss Hannah Karema wegukanye ikamba rya Miss Uganda ry'uyu mwaka nyuma y'inkuru zavuzwe ko ari murukundo n'umuhanzi Eddy Kenzo yaciye amarenga ko ari we muhanzi wo mu gihugu cya Uganda yemera kurusha abandi.

Ibi yabitangaje mu kiganoro yagiranye na Musogo Eclipse ubwo yabazwaga ku bahanzi baza imbere mu bo akunda birumvikana Eddy Kenzo ntiyaburamo, ariko yahereye ku b'igitsinagore.

Miss Hannah ati: 'Nkunda Sheebah Karungi, Spice Diana, Chosen Becky, Juliana Kanyomozi, Cindy Sanyu n'abandi batandukanye.' Mu b'igitsinagabo ati: 'Jose Chameleone, Eddy Kenzo na Pallaso.'

Abajijwe impamvu Eddy Kenzo ari mu bahanzi akunda, yavuze ko ari ukubera ko yabashije kwigwizaho abafana yaba muri Uganda no hanze yarwo.Eddy Kenzo yavuzweho kugirana umubano wihariye na Miss Uganda 2023 Hannah ngo byanahesheje uyu mukobwa ikambaMiss Hannah wagarutse ku bahanzi akunda uburanga bwe bwatigishije imyidagaduro y'Akarere k'IbiyagabigariAheruka kujya gusura ku ivuko aho yakiriwe nk'Umwamikazi agenda mu modoka ahagaze.

Yavuzwe kandi mu rukundo na Eddy Kenzo ahanini bamwe bakanemeza ko ari we watumye yegukana ikamba, ibintu yahakanye avuga ko aziranye n'uyu muhanzi kuko ari inshuti y'umuryango w'iwabo.

Muri Werurwe 2023 ni bwo Uganda yatoye Nyampinga mushya ari we Hannah Karema Tumukunde. Uyu mukobwa yavuzweho kuba umunyarwandakazi kubera ubwiza bwe n'amazina ye, nyamara atangaza ko ari umugande nubwo nyina ari umunyarwandakazi.

Source : https://umuryango.rw/imyidagaduro/article/miss-hannah-yaciye-amarenga-ku-rukundo-rwe-na-eddy-kenzo

Hano twabakusanyirije amwe mu mafoto y'ibyamamarekazi nyarwanda bitandukanye yabiciye bigacika kuri instagram muri iyi minsi y'icyumweru turangije,aho uri busange higanjemo amafoto ya bakobwa bazwi nk'aba Miss.

1.Amb.Isimbi Alliance

2.Miss Mutesi Jolly

3.Shaddyboo





4. Miss Doriane Kundwa

6.Sacha_katee



7.Kayumba darina

Source : https://umuryango.rw/imyidagaduro/article/ihere-ijisho-amafoto-y-ibyamamarekazi-nyarwanda-yabiciye-bigacika-kuri-71744

Urukiko mu Mujyi wa Cape Town, muri Afurika y'Epfo, rwimuye urubanza rwa Fulgence Kayishema, ukekwaho ibyaha bya Jenoside yakorewe Abatutsi, tariki  tariki 9 Kamena mu gihe hagishyirwa hamwe ibyaha byose ashinjwa bishingiye ku ruhare rwe mu gihe cya Jenoside.

Fulgence Kayishema uherutse gufatirwa muri Afurika y'Epfo, yongeye kugezwa imbere y'urukiko mu Mujyi wa Cape Town, kuri uyu wa Gatanu tariki 03 Kamena 2023.

Abashinjacyaha basabye umwanya wo kubanza kwegeranya ibyaha byose ashinjwa kugira ngo iburanisha ritangire.

Kayishema yafatiwe mu Mujyi wa Paarl uri mu bilometero 60 uvuye i Cape Town, aho yari amaze igihe yihishahisha ku mazina mahimbano.

Ni umwe mu banyarwanda bari barashyiriweho impapuro zimuta muri yombi kubera uruhare rwe muri Jenoside yakorewe Abatutsi, by'umwihariko abatutsi barimburiwe muri Kiliziya ya Nyange ku Kibuye.

Africa News dukesha iyi nkuru yatangaje ko kuri ubu Kayishema akurikiranyweho nibura ibyaha 14, gusa bishobora kwiyongera kuko hagikusanywa ubundi buhamya ku ruhare rwe muri Jenoside yakorewe Abatutsi.

Umuyobozi Nshingwabikorwa w'Umuryango Ibuka, Naphtali Ahishakiye yavuze ko icyo bifuza ari uko Kayishema yakoherezwa mu Rwanda, akaba ariho aburanira kugira ngo byorohere abarokotse Jenoside gukurikirana urubanza rwe.

Umwunganizi wa Kayishema mu matageko, Juan Smuts yavuze ko kuri ubu bategereje inyandiko z'ubushinjacyaha zigaragaza igihugu bashaka kumwohereza kuburaniramo, akaba aribwo bategura urubanza rw'uburyo bazaburana.

Fulgence Kayishema yatawe muri yombi tariki 24 Gicurasi 2023 mu gikorwa inzego z'ubutabera za Afurika y'Epfo zakoze zifatanyije n'Ubushinjacyaha Bukuru bw'Urwego rwasigaranye imirimo y'Urukiko Mpuzamahanga rwashyiriweho u Rwanda, IRMCT.

Urukiko Mpuzamahanga rwashyiriweho u Rwanda i Arusha muri Tanzania rwamushyiriyeho impapuro zo kumuta muri yombi mu 2001.

Yashinjwe ibyaha bya Jenoside birimo kuba umufatanyacyaha w'abakoze Jenoside, ubwumvikane bugamije gukora Jenoside n'ibyaha byibasiye inyokomuntu byakorewe muri Komine Kivumu, hagati y'itariki ya 6 n'iya 20 Mata 1994.

Inyandiko y'ikirego ya ICTR yerekana ko muri Mata 1994, Kayishema n'abandi bemeranyije ku buryo bwo kwica no kurimbura Abatutsi muri Kivumu. Hagati ya tariki 7 na tariki 10 Mata 1994, abayobozi b'ibanze na polisi ya komini bagabye ibitero ku batutsi bamwe baricwa, abandi bahungira kuri Paruwasi ya Nyange.

Ku wa 15 Mata bivugwa ko Kayishema yajyanye lisansi kuri Paruwasi ya Nyange ikoreshwa n'Interahamwe mu gutwika Kiliziya yari irimo Abatutsi. Kayishema kandi ari mu batanze amabwiriza yo gusenyera Kiliziya ku batutsi bari bayirimo, hapfa abarenga 2000. Abatutsi barokotse icyo gihe nabo barishwe.

The post Urubanza rwa Kayishema ukekwaho ibyaha bya Jenoside rwimuriwe ku yindi Tariki appeared first on FLASH RADIO&TV.

Source : https://flash.rw/2023/06/03/urubanza-rwa-kayishema-ukekwaho-ibyaha-bya-jenoside-rwimuriwe-ku-yindi-tariki/?utm_source=rss&utm_medium=rss&utm_campaign=urubanza-rwa-kayishema-ukekwaho-ibyaha-bya-jenoside-rwimuriwe-ku-yindi-tariki

Abantu barenga 260 bahitanwe n'impanuka ya gariyamoshi zagonganye mu buhinde muri leta ya odisha naho abarenga 900 barakomereza.

Aljazeera yanditse ko iyi impanuka yabaye kuri uyu wa Gatanu mu karere ka Balasore, ubwo gari ya moshi yavaga Shalimar-Chennai yataye umuhanda igongana n'indi yavaga ahitwa Yesvantpur ijya Howrah.

Icyateye iyi mpanuka ntikiramenyekana.

Leta ivuga ko ariyo mpanuka ikomeye ibaye mu buhinde mu myaka 100 ishize.

Minisitiri w'intebe mu Buhinde Narendra Modi, yavuze ko yababajwe cyane n'ibyabaye kandi ko yifatanyije n'imiryango yabuze ababo muri ibi bihe.

Hahise hashyirwaho umunsi umwe w'icyunamo muri iki gihugu.

The post Abarenga 260 bahitanwe n'impanuka ya Gari ya moshi mu Buhinde appeared first on FLASH RADIO&TV.

Source : https://flash.rw/2023/06/03/abarenga-260-bahitanwe-nimpanuka-ya-gari-ya-moshi-mu-buhinde/?utm_source=rss&utm_medium=rss&utm_campaign=abarenga-260-bahitanwe-nimpanuka-ya-gari-ya-moshi-mu-buhinde

Benshi mu bakinnyi b’ikipe ya Kiyovu Sports bigumuye banga gukina umukino w’umwanya wa 3 nyuma y’uko bishyuza ubuyobozi bw’iyi kipe umushahara w’ukwezi kumwe.

Kiyovu Sports irimo gukina na Mukura VS umukino w’umwanya wa 3 mu gikombe cy’Amahoro urimo kubera muri Stade Mpuzamahanga ya Huye, ukaba wabanjirije umukino wa nyuma w’igikombe cy’Amahoro uri buhuze Rayon Sports na APR FC.

Kiyovu Sports yatunguranye ubwo ku mukino yazanaga abakinnyi 13 gusa benshi biganjemo ababanza mu kibuga nka Kimenyi Yves kapiteni, Nsabimana Aimable, Ndayishimiye Thierry, Iradukunda Jean Bertrad, Riyaad Nordien n’abandi ntibabonetse ku kibuga.

Uretse Nzeyurwanda Djihad, Serumogo Ali, Iracyadukunda Eric, Mugenzi Bienvenu, Bigirimana Abedi, Bizimana Hamissi, Muhozi Fred, Mugiraneza Frodouard, Nkinzingabo Fiston, Twahirwa Olivier, Nshimirimana Ismael Pitchou na Nsabimana Denis yabanje mu kibuga, yari ifite abasimbura babiri gusa, umunyezamu Patrick ndetse na Tuyisenge Hakim Dieme.

Amakuru avuga ko abakinnyi bose bari bakoze imyitozo ya nyuma ariko babwira ubuyobozi ko batari bujye i Huye kuko batarahembwa ukwezi kwa 5 kandi uyu mukino ntacyo uvuze.

Ubuyobozi bw’iyi kipe bwafashe umwanzuro ko abakinnyi babishaka ari bo bajya gukina uyu mukino ndetse bawutsinda amafaranga y’umwanya wa 3 angana na miliyoni 5 bakazigabana. Abakinnyi 13 nibo bonyine bemeye kujya gukina uyu mukino.

Kiyovu Sports yakinnye umukino wa Mukura VS ari abakinnyi 13

Source : http://isimbi.rw/siporo/article/abakinnyi-ba-kiyovu-sports-bigumuye

Iyi sosiyete yashinze muri Nzeri 2017, ahanini niyo yamwongereye imbaraga ku mutungo we aho yagize uruhare mu gutuma agira umutungo ungana na miliyari 1.4 z'Amadorali.Uyu mutungo kandi wanamuhesheje kuza mu baherwekazi 20 bakize muri Leta Zunze Ubumwe za Amerika muri uyu mwaka.

Urutonde rwa Forbes magasine, ruherutse gushyirwa hanze kuri uyu wa kane rwagaragaje ko Rihanna aza ku mwanya wa 20 mu bagore bakize muri Amerika, akaza ku mwanya wa mbere mu bahanzikazi aho yanikiye abarimo Taylor Swift na Beyonce baza bamukurikiye.

Umutungo wa Rihanna ukubye kabiri uwa Taylor swift kuko we abarirwa muri miliyoni 740 z'amadolari ariko nanone nawe akaba yanyuze kuri Madonna, bivugwa ko afite umutungo wa miliyoni 580 z'amadolari, ndetse na Beyoncé ubarirwa miliyoni 540 z'amadorari.

Mu bindi byamamare byaje mu b'imbere muri rusange harimo Oprah Winfrey waje ku mwanya wa 13 ubarirwa miliyari 2,5 z'amadorari, na Diane Hendricks ubarirwa miliyari 15 z'amadorari.

Rihanna yaje mu b'imbere mu gihe yari amaze igihe adakora cyane nyuma y'uko yibarutse imfura ye agasa n'ugabanyije umwanya yashyiraga mu muziki kugirango yite ku mwana n'umukunzi we Asap Rocky.

Source : https://umuryango.rw/imyidagaduro/umuziki/article/rihanna-na-fenty-beauty-ye-imugize-umuherwe-w-umugore-mu-bambere-muri-america

CNN yatangaje ko byari bifite ibimenyetso bigaragaza ko ari iby'abakozi b'ikigo cy'Ubushinjacyaha cya Jalisco bakoraga muri serivisi yo kwakira abifuza ubufasha kuri telephone, ibi bizwi nka Call Center.

Umwe mu bashinjacyaha bakorera muri iki kigo witwa Joaquin Mendez Ruiz yatangaje ko aba bakozi bagera kuri barindwi baburiwe irengero mu gace ka Guadalajara mu burengerazuba bwa Mexico hagati ya tariki 20 na 22 z'ukwezi kwa Gatanu 2023, aho ngo polisi yahise ibimenyeshwa, igatangira iperereza.

Ikigo gikora ubugenzuzi bw'imirambo hagamijwe kuvumbura umuntu wapfuye n'icyateye urupfu cyitwa Jalisco Institute of Forensic Science, kiracyakora ubucumbuzi ngo kimenye neza ba nyir'ibindi bice by'imibiri byasigaye kugira ngo imiryango yabo ibimenyeshwe.

Muri Mexico, ikibazo cyo kuburirwa irengero kw'abantu bya hato na hato cyabaye nk'icyorezo gikomeye, aho buri mwaka habarurwa abarenga ibihumbi 100 baburirwa irengero, cyane cyane abimukira.

Source : https://umuryango.rw/amakuru/mu-mahanga/umutekano/article/mexico-urujijo-ku-bikapu-45-byavumbuwe-byuzuyemo-imibiri-y-abantu