Webrwanda Backend

Category: Uncategorized

  • Kenya: Ubushinjacyaha bwashinje Pasiteri gushyingura Abakristu be bishwe (…) – Umuryango.rw #rwanda #RwOT

    Mackenzie uri mu maboko y'inzego z'umutekano za Kenya, yafashwe nyuma yo kuvumbura imva zashyinguwemo bamwe mu bakirisitu be bishwe n'inzara, kubera inyigisho yatangiraga mu ishyamba rizwi nka Shakahola mu Burasirazuba bwa Kenya.

    Izo nyigisho yahaga abayoboke be, zabahatiraga kwiyicisha inzara kugeza bashizemo umwuka ngo bazabone ubwami bw'ijuru.

    Kugeza ubu imibiri isaga 240 imaze gutabururwa muri iryo shyamba Pasiteri Mackenzie yari yaragize nk'ibirindiro bye, ariho atangira inyigisho.

    Ubushinjacyaha bwa Kenya bwashyikirije urukiko ibindi bimenyetso bishinja Pasiteri Mackenzie, aho abatangabuhamya biganjemo abatabawe bataricwa n'inzara muri iryo shyamba, bavuze uburyo ari we wayoboraga imihango yo gushyingura abiyirije bagapfa, ari nako ashishikariza abandi kwiyiriza kugira ngo bapfe vuba bajye mu ijuru.

    The Nation yatangaje ko mu gihe cyo gushyingura abapfuye, Pasiteri Mackenzie ngo yabitaga intwari.

    Mackenzie ngo yari yaratanze itegeko ko abana n'abagore aribo bazabanza guherwaho biyiriza kugeza bapfuye, abagabo bakaza nyuma mu gihe we ngo yababwiraga ko ari we uziyiriza bwa nyuma akabasanga mu ijuru.

    Muri iryo shyamba ngo Mackenzie yari yarashyizeho abarinzi bacunga abayoboke baryinjiyemo, ku buryo nta wapfaga kwemererwa kurisohokamo.

    Abo nibo bacungaga ko buri wese yiyiriza cyangwa se yitwara uko bikwiriye, ubirenzeho agakubitwa.

    Ngo yari afite abantu bake bafatwa nka Guverinoma, bakoranaga inama buri wa gatandatu ari nabo babaga bazi amabanga y'ibyo ateganya gukora byose.

    Mu koroshya imicungire y'ababaga binjiye muri iryo shyamba rya Shakahola, Mackenzie ngo yari yaraciyemo ibice bitandukanye byiswe imijyi, aho buri gice cyabaga gifite abagicunga.

    Mu mijyi yari yaraciye muri iryo shyamba harimo nk'iyitwa Galileya, Yudeya, Betelehemu, Yeruzalemu, Emawusi, Sidoniya n'indi.

    Mackenzie ni umwe mu babwirizabutumwa bari bakunzwe muri Kenya ahanini biturutse ku kwifashisha ibinyamakuru n'izindi nzira zose, zatumaga abagana itorero rye mu ishyamba rya Shakahola baba benshi.

    Kugeza ubu imibiri imaze gutabururwa igaragaza ibimenyetso byo kuzira inzara, kunigwa, gukubitwa n'ibindi. Ibikorwa byo gushakisha ahandi abayoboke ba Mackenzie baba baragiye bashyingurwa birakomeje.

    Source : https://umuryango.rw/amakuru/mu-mahanga/umutekano/article/kenya-ubushinjacyaha-bwashinje-pasiteri-gushyingura-abakristu-be-bishwe-n

  • U Buhinde:Abantu 288 nibo byamenyekanye ko bapfiriye mu mpanuka ya Gari ya (…) – Umuryango.rw #rwanda #RwOT

    BBC yatangaje ko iyi mpanuka yabaye ku wa Gatanu yatewe na gari ya moshi yavaga Shalimar-Chennai yayobye iva mu muhanda wayo birangira igonganye na ngenzi yayo yavaga ahitwa Yesvantpur ijya Howrah.

    Bivugwa ko mu rukerera rwo kuri uyu munsi hagiye habaho iki kibazo cy'uko gari ya moshi zagiye ziva mu muhanda wazo bikarangira zisanze mu bindi byerekezo, nubwo hataramenyekana icyabiteye.

    Nubwo umubare w'abamaze kwitaba Imana ari 288, inzego z'ubuyobozi mu Buhinde zatangaje ko ushobora gukomeza kuzamuka kuko hari indembe nyinshi.

    Iyi mpanuka ya gari ya moshi ifatwa nk'aho ariyo ya mbere ikomeye ibaye mu Buhinde mu myaka 100 ishize.

    Minisitiri w'Intebe w'u Buhinde, Narendra Modi, yatangaje ko yababajwe cyane n'iyi mpanuka ndetse yihanganisha imiryango yabuze ababo.

    Kugeza ubu hashyizweho umunsi umwe wo kunamira abaguye muri iyi mpanuka.

    Source : https://umuryango.rw/amakuru/mu-mahanga/ubuzima/article/u-buhinde-abantu-288-nibo-byamenyekanye-ko-bapfiriye-mu-mpanuka-ya-gari-ya

  • Bugesera: Baribaza igihe nabo bazagobokwa bakava ku kunywa amazi mabi (…) – Umuryango.rw #rwanda #RwOT

    Aba baturage bavuga ko imyaka 12 ishize nta mazi meza bagira, amavomero yarumye bayoboka igishanga cya Kabarari.

    Amazi yo muri icyo gishanga bayavoma babyigana n'amatungo, ndetse n'aboza imodoka na moto, hari n'abikura imyenda bakayogeramo.

    Babwiye Umuseke ko ayo mazi y'igishanga kuyakoresha ari amaburakindi, kandi ko ubuzima butagira amazi nabwo budashoboka.

    Iyo bayagejeje mu rugo bitewe n'uko bayakura kure bananiwe, ntibabona umwanya wo kuyateka, ufite inyota ayanywa uko ameze.

    Hari kandi abana bataye ishuri bahitamo kwirirwa bavoma ayo mazi bakajya kuyagurisha kuko ari imari muri aka gace.

    Ijerekani y'ayo mazi udafite intege zo kugera mu gishanga ayigura 200 Frw ni mu gihe ay'imvura iyo yabitswe muri Shitingi agurishwa 400 Frw ku jerekani imwe.

    Uwimpuhwe Jeannette utuye mu Kagari ka Cyabasonga avuga ko bisaba kuzinduka mu gitondo cya kare, abana n'amatungo batarayatoba kugira ngo ubone ayo gukoresha mu rugo.
    Muhawenimana Claudette avuga ko bahora barwaza indwara z'inzoka n'izindi zituruka ku mwanda, agasaba ko bahabwa amazi meza nk'abandi.

    Mu bice binyuranye by'Akarere ka Bugesera kubona amazi meza biracyari ikibazo, dore ko hari henshi usanga amavomero amaze igihe yarapfuye n'aharagejejwe imiyoboro y'amazi ariko abaturage bakaba batayabona.

    Source : https://umuryango.rw/amakuru/mu-rwanda/ubukungu/article/bugesera-baribaza-igihe-nabo-bazagobokwa-bakava-ku-kunywa-amazi-mabi-y

  • Amahanga yerekeje amaso kuri RDC ayisaba kudakora ikosa mu matora agiye (…) – Umuryango.rw #rwanda #RwOT

    Ni ibikubiye mu itangazo rihuriweho ibi bihugu byasohoye ku wa Gatanu tariki ya 02 Kamena 2023.

    Mu mezi atandatu ari imbere ni bwo muri Congo Kinshasa hateganyijwe amatora rusange, arimo n'ay'Umukuru w'Igihugu.

    Mu gihe hakibura igihe ngo aya matora abe, ubutegetsi bwa Perezida Félix Antoine Tshisekedi n'abanyapolitiki batavuga rumwe n'ubutegetsi bwe; ku buryo hari impungenge z'uko ubushyamirane bw'impande zombi bushobora kuzavamo imvururu.

    Amerika n'ibihugu bigenzi byayo mu itangazo basohoye, bihanangirije RDC bayisaba gushyira imbere demukarasi, ndetse ikagendera kure icyo ari cyo cyose cyaganisha ku kubiba urwango.

    Bagize bati: “Turasaba iyubahirizwa ry'uburenganzira bw'ibanze bwa demokarasi n'amahirwe angana ku bakandida bose.”

    “Turamagana ingamba zo gucamo ibice abaturage hashingiwe ku moko, ururimi, akarere cyangwa inkomoko, kandi turahamagarira abafatanyabikorwa guteza imbere ukwishyira hamwe, aho gucamo abantu ibice, kandi turamagana ikwirakwizwa ry'imvugo z'urwango.”

    Ibihugu birimo Leta Zunze Ubumwe za Amerika, u Bubiligi, Canada, Espagne, u Bufaransa, u Bugeleki, u Butaliyani, u Buyapani, Nirvège, u Buholandi, Portugal, u Bwongereza, Suède, u Busuwisi, Repubulika ya Tchèque ndetse n'Umuryango w'Ubumwe bw'u Burayi ni byo byihanangirije Congo.

    Ibi bihugu kandi byayisabye ko amatora izakora yazarangwa no guhatana, akaba mu mutuzo, ikindi akaba mu mucyo nk'uko biteganywa n'itegekonshinga ryayo.

    Ibi bihugu by'umwihariko byasabye Komisiyo y'amatora (CENI) “gukorera mu mucyo”, mu rwego rwo gushimangira icyizere cy'abaturage ba congo.

    Iyi CENI yasabwe gukorera mu mucyo mu gihe mu matora yabaye mu myaka ine ishize yashinjwe kugira uruhare mu bujura bw'amajwi bwasize Perezida Tshisekedi atsinze amatora mu buryo budasobanutse.

    Amerika na bagenzi bayo kandi bamaganye ingufu z'umurengera inzego z'umutekano ziheruka gukoresha ubwo zatatanyaga abo ku ruhande rutavuga rumwe n'ubutegetsi bigaragambyaga, basaba ko hakorwa iperereza kugira ngo ababigizemo uruhare babiryozwe.

    Source : https://umuryango.rw/amakuru/mu-mahanga/politiki/article/amahanga-yerekeje-amaso-kuri-rdc-ayisaba-kudakora-ikosa-mu-matora-agiye-kuba

  • Minisiteri Édouard Ngirente ari i Luanda mu nama idasanzwe – Umuryango.rw #rwanda #RwOT

    Ni inama iteganyijwe kuri uyu wa Gatandatu tariki ya 03 Kamena, ikaza kubera i Luanda.

    Ni ku ncuro ya 10 iyi nama ira ibaye.

    Minisitiri w'Intebe, Dr Édouard Ngirente uri muri Angola kuva ku mugoroba wo ku wa Gatanu, yayihagarariyemo Perezida wa Repubulika, Paul Kagame.

    Byitezwe ko abitabira iyi nama baganira ku ngingo zitandukanye, zirimo amahoro, umutekano ndetse n'iterambere mu karere k'ibiyaga bigari.

    Source : https://umuryango.rw/amakuru/mu-rwanda/politiki/article/minisiteri-edouard-ngirente-ari-i-luanda-mu-nama-idasanzwe

  • Eritrea: Perezida yeruye avuga uruhare rw'America mu ntambara y'Uburusiya na (…) – Umuryango.rw #rwanda #RwOT

    Afwerki yavuze ko iyi ntambara Amerika yayiteguye mu myaka 30, aho yashyizeho gahunda yo gukora uko ishoboye kose igihugu gishaka kugaragaza ko hari ikindi gishoboye ku rwego mpuzamahanga, gicibwa intege, kigafatirwa ibihano cyangwa kigatezwamo amacakubiri.

    Aganira n'ikinyamakuru Sputnik cyo mu Burusiya, Afwerki yagize ati 'Intambara hagati ya Ukraine n'u Burusiya, ntabwo ari intambara mu by'ukuri. Ni intambara yatangijwe na NATO ku bufatanye na Amerika bashaka kwikiza u Burusiya guhera mu myaka 30 ishize. U Burusiya bufite uburenganzira bwo kwirwanaho rero.'

    Yakomeje agira ati 'Ntabwo wabaho buri gihe ukoresha imbaraga n'iterabwoba ngo uhoze ibihugu munsi yawe. Ntibishoboka. Iyi ni imyitwarire y'amabandi dukwiriye gusohokamo, abantu bakwiriye kwitwara kimuntu bakabaho bisanzuye.'

    Eritrea ni kimwe mu bihugu bitanu byatoye muri Loni bishyigikira intambara u Burusiya bwatangije muri Ukraine.

    Afwerki yavuze ko ubwo intanbara y'ubutita yari irangiye, Amerika yakomeje kwikanga u Burusiya, ikomeza gushyiraho imyanzuro n'ibikorwa bituma butinyagambura nyamara yo irushaho kwiyegereza ibihugu byahoze kuri Leta Zunze Ubumwe z'Abasoviyeti, bikanakoreshwa ngo bihungabanye umutekano w'u Burusiya.

    Ati 'Uko gushaka guheza u Burusiya hasi kumaze imyaka isaga 30, nta gishya kirimo. Rero iyo ubujije igihugu gutera imbere, ukakibuza gutanga umusanzu wacyo mu iterambere, nta kindi uba ushaka kitari intambara.'

    Eritrea ni kimwe mu bihugu byafatiwe ibihano na Leta Zunze Ubumwe za Amerika birimo iby'ubukungu nko kuvanwa mu ikoranabuhanga ryo kwishyurana mu mabanki rizwi nka SWIFT n'ibindi.

    Afwerki yavuze ko Isi ikeneye ubundi buryo bw'imiyoborere budashingiye ku bushake bwa Amerika n'Abanyaburayi, kuko icyo bashaka ari ugutera imbere bonyine ubundi bakitambuka undi wese ushaka kuzamuka.

    Source : https://umuryango.rw/amakuru/mu-mahanga/politiki/article/eritrea-perezida-yeruye-avuga-uruhare-rw-america-mu-ntambara-y-uburusiya-na

  • Mu myaka 60 Umuryango Utabara Imbabare CICR uri mu Rwanda wakoze (…) – Umuryango.rw #rwanda #RwOT

    Byari mu muhango wo kumurika amafoto agaragaza ibikorwa by'uyu muryango mu myaka umaze mu Rwanda.

    Ku kicaro cy'uyu muryango kiri mu kiyovu mu mugi wa Kigali, hamurikiwe amafoto anyuranye y'ibikorwa by'umuryango mpuzamahanga utabara imbabare CICR.

    Amafoto yamuritswe, agaragaza ibikorwa by'uyu muryango guhera mu mwaka 1990, ubwo CICR yari imaze kugira ikicaro mu Rwanda.

    Muri aya maforo, hagaragaje ibikorwa irimo kwita ku mpunzi zari Nyacyonga mu mugi wa Kigali.

    Ni impunzi zari zavuye mu duce twabagamo intambara hagati ya Leta y'u Rwanda n'umuryango wa RPF inkotanyi muri 1993.

    Muri ibi bihe, CICR ivuga ko aribwo yahuye n'akazi, ariko kaje kuba kenshi nyuma y'umwaka umwe, habaye Jenoside yakorewe abatutsi.

    CICR igaragaza ko nubwo byari bigoye gukora ubwo Jenoside yatangiraga, ariko yishimira ko yo itigeze ihagarika ibikorwa byayo byo gutabara abari mu bibazo.

    Namahoro Julien umunyamategeko wa CICR ashinzwe n'itumanaho, yabibwiye Ijwi ry'Amerika.

    CICR irishimira umuhate yagize wo gukomeza gukorera mu Rwanda, mu gihe imiryango myinshi mpuzamahanga yanenzwe gutererana u Rwanda mu gihe cya Jenoside yakorewe abatutsi.

    Umunyamabanga Mukuru w'Umuryango w'Abibumbye, António Guterres, aherutse kubigaruka ho ubwo u Rwanda rwibukaga ku nshuro 29 Jenoside yakorewe Abatutsi.

    António Guterres, yanenze uko amahanga yatereranye u Rwanda muri ibyo bihe.

    Source : https://umuryango.rw/amakuru/mu-rwanda/ubuzima/article/mu-myaka-60-umuryango-utabara-imbabare-cicr-uri-mu-rwanda-wakoze-iki

  • Tanzania: Ubutegetsi na OMS batangaje ko babashije guhashya virusi ya (…) – Umuryango.rw #rwanda #RwOT

    Iyi ndwara izwi nka Marburg virus disease (MVD) yagaragaye bwa mbere mu Karere ka Bukoba mu Ntara ya Kagera, ku wa 21 Werurwe 2023.

    Nubwo ari ubwa mbere MVD yari yemejwe muri Tanzania, byageze muri Mata mu 2023 imaze kwica abantu batandatu.

    Nyuma y'amezi arenga abiri iki cyorezo cyibasiye Tanzania, Ishami ry'Umuryango w'Abibumbye ryita ku Buzima, ryatangaje ko kuri ubu iki gihugu cyamaze kugihashya kuko nta murwayi mushya urongera kuboneka.

    Amakuru dukesha Ijwi rya Amerika avuga ko tariki 19 Mata aribwo umuntu wa nyuma wapimwe iyi ndwara ntibayimusangemo.

    Inzobere mu buvuzi zigaragaza ko bisaba iminsi 42 nyuma y'igipimo cya nyuma kugira ngo byemezwe ko icyorezo runaka cyarangiye.

    Iyi ndwara yandura iyo habayeho uguhura kw'amatembabuzi y'abantu babiri, barimo ufite virus ya Marburg.

    Nta muti cyangwa urukingo by'iyi ndwara biraboneka, icyakora iyo umuntu ageze kwa muganga atarararemba, yitabwaho, akabasha kurokoka.

    Kugeza ubu kuyirinda hakoreshwa uburyo bumwe n'ubwifashishwa mu kwirinda Ebola.

    Ni icyorezo bivugwa ko gifite inkomoko muri Afurika ngo kuko iyo virus yasanzwe bwa mbere mu nkende yari yakuwe muri Uganda.

    Abantu bakunze kuyirwara ni abakunze kumara igihe mu birombe no mu buvumo ahantu hashobora kuba indiri y'uducurama.

    Marburg ni virusi mbi kuko yica hafi 88% by'abayanduye. Bisaba gusa iminsi hagati y'umunani n'icyenda kugira ngo uwayanduye atangire gukenera kongererwa amaraso.

    Ubusanzwe abahanga bagaragaza ko ishobora gukwirakwizwa binyuze mu ducurama, inkende ndetse n'ingurube.

    Source : https://umuryango.rw/amakuru/mu-mahanga/ubuzima/article/tanzania-ubutegetsi-na-oms-batangaje-ko-babashije-guhashya-virusi-ya-marburg

  • CNDD FDD yasubije FRODEBU batavuga rumwe iyishinja kubangamira demokrasi (…) – Umuryango.rw #rwanda #RwOT

    Ubusanzwe Sahwanya FRODEBU yizihiza imyaka 30 yamaze ku butegetsi ivuga ko bwari bushingiye ku kwisanzura kw'ashyaka anyuranye mu gihugu kuva mu 1993.

    Umuyobozi wungirije uw'ishyaka , Leonce Ndikumana, mu kiganiro yahaye itangazamakuru , yavuze ko mu gihe cyabo Amashyaka yemererwaga guhangana mu buryo bweruye na Leta.ariko ngo kuri ubu si ko bimeze mu Burundi.

    Leonce Ngendakumana yavuze ko ishyaka riri ku butegetsi CNDD FDD ritemera byeruye uko guhangana mu bwisanzure n'uburinganire kugirango rikomeze ryikubire ubutegetsi.

    Ni ubutumwa bwarakaje cyane iyaka CNDD FDD riri ku butegetsi, naryo ryatangaje ko ibyo FRODEBU ibavugaho ataribyo ahubwo ngo bo bemera ubwisanzure bw'amashyaka yose ndetse no kwishyira ukizana ku mwene gihugu w'Umurundi.

    Umuvugizi wa CNDD FDD ,Nancy Ninette Mutoni yashimangiye ko ugaye demokarasi mu gihugu ari uwo kwamaganwa no kwitondera kuko ngo mu Uburundi ihari isesuye kuva igihe bwabereyeho.

    Source : https://umuryango.rw/amakuru/mu-mahanga/politiki/article/cndd-fdd-yasubije-frodebu-batavuga-rumwe-iyishinja-kubangamira-demokrasi-mu

  • Aba-Rayon ntibasize bya bizungerezi! Abafana ba Rayon Sports bahagurutse Nyabugogo bari kumwe n’abakobwa bihebeye Murera ‘morale’ ari yose – VIDEWO – YEGOB #rwanda #RwOT

    Mu gihe habura amasaha abarirwa ku ntoki ngo ikipe ya Rayon Sports ihure na APR FC, abafana aba Rayon Sports bahagurutse Nyabugogo bari kumwe n'abakobwa bihebeye iyi kipe yambara Ubururu n'Umweru.

    Bahagaritse berekeza i Huye, aho uyu mukino wa nyuma w'igikombe cy'Amahoro ugiye kubera, ukaba uratangira ku isaha ya saa Kenda zo kuri uyu wa Gatandatu tariki 3 Kamena 2023.

     

    Source : https://yegob.rw/aba-rayon-ntibasize-bya-bizungerezi-abafana-ba-rayon-sports-bahagurutse-nyabugogo-bari-kumwe-nabakobwa-bihebeye-murera-morale-ari-yose-videwo/