Rayon Sports izahagararira u Rwanda muri CAF Confederation Cup, mu gihe APR FC izakina CAF Champions League.
Iki ni Igikombe cy'Amahoro cya 10 cyegukanywe na Gikundiro iraza guhabwa sheki ya miliyoni 10 Frw.
APR FC ifite ibikombe byinshi, yagitwaye inshuro 14.
Umwanya wa gatatu wegukanywe na Mukura itsinze Kiyovu SC igitego 1-0.
Rayon Sports yaherukaga Igikombe cy'Amahoro mu 2016 ubwo yatsindaga APR FC 1-0.
Ni igikombe cya mbere Gikundiro itwaye kuva mu 2019 itwaye Shampiyona.
Nyuma y'uko ikipe ya Rayon Sports itwaye igikombe cy'Amahoro itsinze APR FC, byatumye abafana y'iyi kipe yambara Ubururu n'Umweru bagaragaza akanyamuneza.
Mu bakunzi ba Murera bishimiye ko yatwaye igikombe, harimo Anita Pendo ndetse na Mc Buryohe.
Reba videwo aho hasi:
Kuri uyu wa gatandatu tariki 3 kamena 2023, ku isaha ya saa cyenda z'amanwa hakinwaga umukino wa nyuma w'igikombe cy'amahoro wahuje ikipe ya APR FC na Rayon Sports zihora zihanganye.
Ni umukino wari wahuruje abanyarwanda benshi baturutse mu turere dutandukanye, ku isaha ya saa munani z'amanwa Sitade yari yamaze kwinjira ndetse na Sitade yari yafunzwe nkuko FERWAFA yari yabitangaje mbere. Umukino ugiye gutangira habaye igisa no gushwana cyane hagati y'amakipe yombi bapfa ibyicaro.
Umukino waje gutangira ikipe zombi ubonako zishaka gutwara igikombe ariko ikipe ya APR FC ntibyaza kuyihira nyuma y'uburyo yagiye ihusha amahirwe asekera Rayon Sports yegukana igikombe itsinze igitego 1-0 cyatsinzwe mu gice cya mbere kigizwemo uruhare na Ngendahimana Eric.
Nyuma y'umukino Minisitiri w'imikino Madam Aurore Mimosa Munyangaju niwe wahereje igikombe ikipe ya Rayon Sports nk'umutumirwa mukuru wari uri kuri uyu mukino. Iki ntabwo ari agashya ahubwo ni uko akimara gutanga iki gikombe yagiye kumbuga nkoranyambaga ze atangaza amagambo agira Ati' Ohh RAYOOOON 🏆, Congratulations ' bigaragaza ko ashobora kuba nawe intsinzi ya Rayon Sports yayishimiye mu buryo bukomeye.
Ikipe ya Rayon Sports nyuma yibyavugwaga byose ko ishobora gusohokera u Rwanda ibifashijwemo na APR FC, yahise byose ibitera umugongo nyuma yo kubona intsinzi imbere ya Gikundiro, ikipe ikunzwe n'abatari bacye hano mu Rwanda.
Mu mafoto y'ubwiza agaragaza ikimero, ihere ijijo ubwiza bw'umukobwa wahoze akundana na Nizzo Kaboss wo muri Urban Boyz.
Bamwita Sacha Kate akaba ari umukobwa mwiza cyane wahoze akundana n'umusore Nizzo Kaboss akibarizwa mu muryango wa Urban Boyz.
Uyu mukobwa yakundaga Nizzo birenze Igipimo ku buryo yari yarishyirishijeho tattoo y'izina rya Nizzo inyuma mu bitugu.
Gusa nyuma yo gutandukana uyu mukobwa yahise ajya guhinduza tattoo, ryazina barikuraho bashyiraho ibindi. 
Ihere ijijo ubwiza bw'uyu mukobwa. 
Â
Â
Â
Kuri uyu wa gatandatu tariki ya 3 Kamena 2023 nibwo hakinwe umukino wa nyuma w'igikombe cy'Amahoro, Rayon Sports yatwaye igikombe itsinze APR FC igitego kimwe ku busa.
Uyu mukino wagiye kuba impande zombi zihigira kwitwara neza, cyane kuri APR FC yo yashakaga gutwara igikombe cya Kabiri cyayo cya kabiri muri uyu mwaka w'imikino.
Kuri Rayon Sports yo yashakaga gutwara igikombe kimwe mu bikinirwa hano mu Rwanda dore ko muri shampiyona yari yasoje ku mwanya wa gatatu.
Uyu mukino wa nyuma wabereye kuri Sitade y'akarere ka Huye mu ntara y'Amajyepfo, Rayon Sports ikaba yegukanye igikombe itsinze igitego kimwe cyatsinzwe na Ngendahimana Eric ubwo hari ku munota wa 39 w'umukino.
Iki gitego kimwe cyabonetse muri uyu mukino cyaherekeje ikipe ya Rayon Sports kugeza ku munota wa 90 ubwo umusifuzi Ishimwe Claude yashimangiye ko umukono urangiye, Rayon sports yegukana igikombe.
Rayon Sports yegukanye igikombe ndetse inahabwa imidali hamwe na Miliyoni 10 z'amafaranga y'u Rwanda.
APR FC ikaba yasoje ku mwanya wa kabiri naho Mukura Victory Sports yatwaye umwanya wa gatatu itsine Kiyovu SC igitego kimwe ku busa cyatsinzwe na Hakiziman Zubel.
APR FC yegukanye Miliyoni 5 z'amafaranga y'u Rwanda naho Mukura yo yegukanye Miliyoni Eshatu.
Gutwara igikombe kwa Rayon Sports byatumye izahagararira u Rwanda mu mikino Nyafurika ya CAF Confederation Cup.
The post Rayon sports yegukanye igikombe cy'Amahoro itsinze APR FC 1-0, yegukana Miliyoni 10Frw appeared first on RUSHYASHYA.
APR FC yegukanye igikombe cy’Amahoro 2023 itsinze APR FC 1-0 ku mukino wa nyuma cya Ngendahimana Eric.
Aya makipe yombi yaherukaga guhurira ku mukino wa nyuma w’igikombe cy’Amahoro 2016 ubwo Rayon Sports yatsindaga APR FC1-0 cya Ismaila Diarra.
Rayon Sports kandi ikaba ari bwo iheruka kwegukana igikombe cy’Amahoro ni mu gihe APR FC igiheruka muri 2018 ubwo yatsindaga ku mukino wa nyuma Espoir FC. Bivuze ko aya makipe akumbuye igikombe cy’Amahoro.
Ni umukino wabanjirijwe n’imvururu abakinnyi bashwanira kuri bench imwe bose bashaka kuyicaraho ntawushaka kubisa undi.
APR FC yatangiye umukino isatira ndetse no mu minota ya mbere nk’itanu Mugisha Gilbert ndetse na Nshuti Innocent babona amahirwe batagize icyo bayabyaza.
Rayon Sports yahise yinjira mu mukino ndetse irasatira cyane ku munota wa 9 Onana yatanze umupira mwiza ariko Luvumbu ntiyawubyaza umusaruro.
Ku munota wa 23, Ndayishmiye Dieudonne yarokoye ikipe ye aho yakuyemo umupira wari uvuye muri koruneri yari itewe na Luvumbu.
Ku munota wa 26 Ishimwe Pierre yarokoye ikipe ye ubwo yakuraga umupira ku mutwe wa Onana, ni ku mupira yari ahawe na Ojera.
Rayon Sports yari yakomeje kwisirisimbya imbere y’izamu rya APR FC yaje kubona igitego cya mbere ku munota wa 48 ubwo Ojera yahaga umupira Luvumbu atera mu izamu maze Pierre arawuruka, Ngendahimana Eric ahita awushyira mu rushundura. Amakipe yombi yagiye kuruhuka ari 1-0.
Rayon Sports nubundi yatangiranye igice cya kabiri imbaraga aho ku munota wa 52 yabonye kufura yatewe na Luvumbu ariko Pierre awushyira muri koruneri.
Ku munota wa 59, APR FC yakoze impinduka za mbere havamo Kwitonda Alain Bacca hajyano Ishimwe Anicet.
Kumunota wa 62, Bonheur yakuyemo umupira wa Bizimana Yannick maze Anicet awusubijemo unyura hejuru y’izamu.
Ku munota wa 66 Osalue Rapahael yahaye umwanya Kanamugire Roger ku ruhande rwa Rayon Sports ni nako APR FC yakuyemo Bizimana Yannick hajyamo Mugunga Yves. APR FC yakoze impinduka za nyuma ku munota wa 78 ubwo Niyibizi Ramadhan yasimbuye Mugisha Gilbert. Umukino warangiye ari 1-0 Rayon Sports yegukana igikombe cy’Amahoro 2023, kiba igikombe cya 11 yegukanye mu mateka yayo.
Source : http://isimbi.rw/siporo/article/rayon-sports-yegukanye-igikombe-cya-11-cy-amahoro-itsinze-apr-fc
Abarokokeye Jenoside yakorewe Abatutsi i Kabgayi ku itariki ya 2 Kamena 1994, bibutse ababyeyi, Abavandimwe n'inshuti bahavanywe bajyanwa kujugunywa mu ruzi rwa Nyabarongo ahitwa ku Cyome. Abatarajugunywe mu ruzi bakomezaga inzira y'Umusaraba bakajyanwa kwicirwa ku ngoro ya Muvoma, ubu yahinduwe urwibutso mu karere ka Ngororero.
Mu butumwa bahawe n'Umuyobozi w'Akarere ka Muhanga wungirije Ushinzwe iterambere ry'ubukungu, Bizimana Eric yabwiye abibuka ababo bajugunwe muri Nyabarongo n'abandi biciwe ku ngoro ya Muvoma mu karere ka Ngororero ko ababo bishwe kubera ingengabitekerezo y'amoko yigishijwe igakomeza gufumbirwa, ikabagarwa nk'ikimera, ikaba igiti cy'Inganzamarumbo cyatumye abari abaturanyi bica ababyeyi, abavandimwe n'inshuti zabo.
Yagize ati' Turibuka abatutsi bishwe nabi bazira urwango rukomoka ku ngengabitekerezo ya Jenoside yabibwe igihe kirekire, iragenda irakura iba nk'igiti cy'Inganzamarumbo cyatumye abatutsi bahereye cyera batotezwa kugeza ubwo ababyeyi bacu n'abavandimwe bicwa n'abari inshuti zabo, bari baturanye'.
Akomeza avuga ko Leta mbi yatumye' abacu bicwa bajyana agahinda ariko dufite inshingano zo gutuma abahindutse imfubyi batabizi bakomeza kwiyubaka'. Asaba ko buri wese warokotse ndetse n'abandi banyarwanda bakwiye gukomeza kwirinda abagikomeje ubuhezanguni, batumye habaho Jenoside yakorewe abatutsi mu Rwanda, ahubwo bagaharanira ko ibyabaye bitakongera kubaho, bagakomeza kwiyubakira u Rwanda bategura neza ejo heza h'Igihugu.
Uwari uhagarariye imiryango yibuka ababo bajyanywe kujugunywa muri Nyabarongo n'abandi bajyanwe kwicirwa ku ngoro ya Muvoma ahari Sous Perefegitura ya Ngororero, Niyodusenga Thomas avuga ko hari itariki zitazibagirana harimo tariki ya 24-25 Gicurasi 1994 ubwo abatutsi bavanwaga i Kabgayi bagezwa mu Meru, ubu ni mu Murenge wa Muhanga mu yahoze ari Segiteri Mushubati, abahagezwaga bacuzwaga imyambaro yabo bakabakomezanya ku ruzi, aho bamwe babiciraga bakabajugunya mu ruzi, abandi bakabajyana kubicira ku ngoro ya Muvoma.
Yagize ati' Itariki ya 24-25 Gicurasi 1994 ni itariki kuri twebwe n'abacu kuko bari bahahungiye bava ahantu hatandukanye mu ma Perefegitura atandukanye, ariko interahamwe zazaga gutwara abatutsi bagahamagara amazina yabo n'amakomini baturutsemo, bakurizwa amamodoka y'icyahoze ari 'Onatracom' bakajya kwicirwa ku mugezi wa Nyabarongo bakajugunywamo babanje gucuzwa imyambaro yabo, abandi baticirwaga aha bajyanwaga ku ngoro ya Muvoma mu Ngororero bakahicirwa. Abacu barishwe kandi bicwa nabi, ariko kubibuka biradusubiza icyizere cyo kubaho no kugarura agatima impembero'.
Umuyobozi wungirije mu muryango uharanira inyungu z'Abarokotse Jenoside yakorewe abatutsi-Ibuka mu karere ka Muhanga, Fidele Turahirwa avuga ko bashimira inkotanyi zabashije kurokora abatutsi bari basigaye bataricwa muri benshi bari bahungiye i Kabgayi.
Avuga ko tariki ya 24-25 Gicurasi 1994 bari bagoswe n'Interahamwe ku buryo ntawari gusigara. Avuga kandi ko hari andi makuru bamenye y'uko abageze ahitwa mu Meru hari abakuruwe inyuma y'imodoka, abandi bacuzwa imyambaro mbere yo kwicwa.
Akomeza ashimangira ko ababarokoye babashimira kuko iyo badatabara nta wari burare. Ko bumvise ko bahari babanza kuza kubarokora, ko ndetse hari hahungiye benshi mu bakomoka mu makomini yaragize Perefegitura ya Gitarama. Yongera ho ko ubu bamaze kwiyubaka kandi bashimira n'akarere ka Muhanga kuko kagira uruhare mu gufasha abarokotse Jenoside yakorewe abatutsi mu Rwanda, aho ubuyobozi bugira uruhare mu gukomeza kubaha ubuzima.
Urwibutso rw'Akarere ka Ngororero rushyinguyemo imibiri y'Abatutsi bishwe muri Jenoside, harimo abatwawe n'amamodoka yatwaye bamwe bari barahungiye i Kabgayi bagatwarwa, bagacuzwa imyenda, bakajugunywa muri Nyabarongo abaharenze bakicirwa ahari Sous Perefegitura ya Ngororero.
Kugeza ubu nta mibare iramenyekana y'abatwawe n'amamodoka bavanwa i Kabagayi bajugunywe mu ruzi rwa Nyabarongo ndetse n'abaharenze bakicirwa ku Ngoro ya Muvoma. Gusa uru rwibutso rushyinguyemo imibiri 8,477.
Akimana Jean de Dieu
Kuri uyu wagatandatu saa sita zuzuye kuri sitade mpuzamahanga y'akarere ka Huye habereye umukino wo gushaka umwanya wa gatatu mu gikombe cy'Amahoro cya 2023. Mukura VS yasezerewe na Rayons Sports muri ½ yatsinze Kiyovu Sports yasezerewe na APR FC.
Abakinnyi 11 ba Kiyovu Sport babanje mu kibuga:Nzeyurwanda Djihad ,SERUMBOGO Ally,IRACYADUKUNDA Eric,MUGIRANEZA Froduard,MUHOZI Fred,NSHIMIYIMANA Ismail,NSABIMANA Denis,TWAHIRWA Olivier,BIGIRIMANA Abedy na BIZIMANA Amissi.
Abakinnyi 11 ba Mukura VS babanje mu kibuga:SEBWATO Nicholas,,KUBWIMANA Cedric,KAYUMBA soter,MUHOZA Tresor,NGIRIMANA Alex,NTARINDWA Aimable,HABAMAHORO Vincent, IRADUKUNDA Elie Tatou,HAKIZIMANA Zubel, MICO Justin na MUKOGHOTYA Robert.
Uko umukino uri kugenda umunota ku munota
Umukino urangiye Mukura VS ariyo yegukanye umwanya wa 3 itsinze igitego 1-0
90′ MUkura VS ibonye igitego gitsinzwe na HAKIZIMANA Zubel ahawe umupira na KUBWIMANA Cedrick
86′ Umuzamu wa Mukura VS aryamye hasi ari kwitabwaho n’abaganga nyuma yo kugongwa na BIZIMANA Ammissi
83′ Mukura VS ikoze impinduka mu kibuga, Elie TAtou avuyemo hinjiramo NSABIMANA Emmanuel
78′ Mukura VS yongeye kurata igitego cyabazwe,Mukoghotya azamukanye umupira acenze umuzamu ariko b IRACYADUKUNDA Eric ahita atabara ashyira umupira muri koroneri
79Abakinnyi ba MUkura VS nibo bafite umupira bahererekanya gake gake
76′ BIZIMANA Amissi aryamye hasi ari kwiatabwaho n’abaganga
73′ Umukino washyushye amakipe yombi yatangiye gusatirana cyane ashaka igitego
66′ Mukura VS itsinze igitego umusifuzi aracyanga bitewe nuko hari habyemo kurarira,NTARINDWA Aimable arekuye ishoti maze umuzamu arikuramo umupira uhita usanga Elie Tatou atsinda igitego yari yarariye
61′ Kiyovu Sports ikoze impinduka mu kibuga havamo MUHOZI Fred hinjiramo ISHIMWE Patrick
60′ Zubel agerageje uburyo arekura ishoti ariko rinyura hejuru kure
58′ Kiyovu Sports irase igitego kitaratwa,bamyugariro ba Mukura VS bakoze amakosa maze MGENZI Bienvenue abona umupira ahita aroba umuzamu asigarana n’izamu gusa ariko gutereka mu nshundura biranga
54′ NSABIMANAÂ Denis ahaye umupira mwiza IRACYADUKUNDA Eric ahita arekura ishoti ariko umuzamu wa MUkura VS awufatira ku giti cy’izamu
51′ SERUMBOGO Ally ahinduye umupira Mugenzi ariko SEBWATO ahita asohoka arawumutanga
Igice cyakabiri n’ubundi Mukura VS ikomeza gusatira cyane
Igice cyambere kirangiye ari 0-0
43′ Mukura VS iri kurata uburyo bw’inshi cyane imbere y’izamu, HABAMAHORO Vincent arekuye ishoti riremereye imbere y’izamu ariko Djihada ahita arifata
39′ Muhozi Fred ateye kufura maze Bizimana Amissi asimbutse ngo ashyireho umutwe ahita anyerera aragwa
36′ SERUMBOGO Ally ahawe ikarita y’umuhondo nyuma yo gukorera ikosa Zubel ndetse akanasuzugura umusifuzi
32’Mukura VS ikomeje kubona uburyo imbere y’izamu,Habamahoro Vincent arekuye ishoti riremereye ariko umuzamu wa Kiyovu Sports aratabara
31′ Zubel yongeye kuzamukana neza umupira ariko arekuye ishoti rijya kure y’izamu
26′ Mugenzi Bienvenue akinanye neza na Abedi imbere y’izamu ariko umuzamu wa Mukura VS aba maso akuraho umupira hakirikare
24’Zubel ahaye umupira Mukoghotya nawe awushyira kwa Mico Justin arekuye ishoti rinyura hejuru y’izamu kure
22’Amakipe yose akomeje gukina asa nkayigana nta nimwe ishaka gusatira cyane
15′ Muhoza Trezol wa Mukura VS akoze amakosa maze Bigirimana Abed abona uburyo ariko gutereka mu nshundura biranga
11′ Umupira uri gukinirwa mu kibuga hagati gusa Mukura VS irikunyazamo ikabona uburyo imbere y’izamu ariko ba myugariro ba kIyovu Sports bakihagararaho
7’Mukura yaritsinze igitego habura gato,Zubel ahinduye umupira uragenda ukubita ku giti kizamu hejuru uhita urenga
5’Uruhande rw’ibumoso rwa Mukura VS ruri kunyurwaho na Zubel rurikubona imipira myinshi ariko ntihagire ikivamo imbere y’izxamu
3′ Muhoza Tresol wa Mukura VS agerageje guhindura umupira mwiza imbere y’izamu ariko Mugiraneza Froduard aba hafi akuraho umupira
1′ Ikipe ya Kiyovu Sports niyo yatangije umukino ndetse inahererekanya neza
abakinnyi 11 ba Kiyovu Sports babanje mu kibuga
abakinnyi 11 ba Mukura VS babanje mu kibuga
Source : https://inyarwanda.com/inkuru/130110/live-kiyovu-sports-iri-kwesurana-na-mukura-vs-130110.html
Kuri uyu wa Gatanu tariki 2 Kamena 2023, ni bwo Inyange yamuritse ku mugaragaro ibi binyobwa. Ni igikorwa cyabereye ku isoko rya Kimironko aho abantu benshi bari babukereye, baje kumva uburyohe buri muri iyi mitobe (Juice).Â
Muri ubu bwoko bw’imitobe harimo ubukoze muri Pome, umwembe ndetse n’umutobe ukoze muri Cherry. Iyi mitobe yose iboneka muri litiro 2 ndetse na litiro 5.
Abaturage bakorera hafi y’isoko rya Kimironko bari babukereye ndetse bamwe batahanye imitobe bihitiyemo dore ko yari no ku giciro cyo hasi
Umwihariko w’iyi mitobe
Imitobe yose twavuze haruguru, uwo uguze bitewe n’uko ungana, uwufungura ukoresheje amazi akubye gatatu ingano y’umutobe waguze. Urugero: Niba uguze umutobe w’umwembe wa litiro 1, urawufunguza litiro 3, ubwo uhite ubona litiro 4.
Maureen Maina ushinzwe ubucuruzi mu Inyange, aganira n’itangazamakuru, yavuze ko bahisemo gukora iyi mitobe kugira ngo batange amahitamo ku bakiriya bayo. Yagize ati “Twumva ko abakiriya bacu baba bakeneye guhangirwa udushya ndetse dukubiyemo uburyohe butandukanye, kandi natwe ni byo dukunda.Â
Hanyuma imitobe mishya rero twahisemo kuyikora kugira ngo dutange amahitamo ku bakiriya bacu, ndetse tukaba twari tugamije korohereza itsinda ry’abantu bakorera mu biro, imiryango minini, ndetse n’abantu bateguye ibirori, kuko iratubuka cyane.”
Uwimana Shakira umwe mu baturage banyweye kuri iyi mitobe yemeza ko ifite icyanga ndetse izamufasha mu muryango we. Yagize ati “Iyi mitobe, twayishimye cyane kuko iraryoshye. Yose nagerageje kuyinywaho ariko ifite icyanga cyanshi. Ubu niyemeje kuyigura nkayifungura, ubundi nkajya nsukiraho abana banjye bagiye ku ishuri.”Â
Ntabwo ari Kimironko gusa Inyange igomba kwerekana iyi mitobe yashyize ku isoko, kuko no kuri iki cyumweru bazakomereza muri Nyabugogo.
Uruganda rw’Inyange rwatangiye ibikorwa byarwo ahagana mu 1999, aho batangiye bagurisha amata, nyuma batangira gukora n’amazi yo kunywa yaba amato ndetse n’amanini.
Habaye n’igikorwa cyo kumvisha abaturage icyanga cy’iyo mitobeÂ
Bamwe mu bakinnyi ba filime barimo Intare y’ingore, bari baje gususurutsa abaturageÂ
Iyi mitobe iri mu tubido twa Litiro 2 ndetse na Litiro 5Â
Abitabiriye iki gikorwa basusurukijwe bikomeye
Iki cyemezo kije gikurikira kwijujuta kw'ababyeyi bavuga ko Bibiliya ya King James ifite inyigisho zidakwiriye abana.Â
Guverinoma ya Repubulika ya Utah yemeje itegeko muri 2022 ribuza amashuri gutunga ibitabo bya birimo ibiiteye isoni. Ibyinshi mu bitabo byahagaritswe kugeza ubu birimo insanganyamatsiko zifitanye isano n'imibonanompuzabitsina.
Kubuza ibitabo bimwe na bimwe bifatwa nk’ibitutsi nabyo muri Texas, Florida, Missouri na Carolina y’Amajyepfo. Ibihugu bimwe byigenga byabujije kandi ibitabo mu mashuri no mu masomero amwe n’amwe, kubera ko bigaragara ko bikubiyemo ivanguramoko.
Icyemezo cya Utah cyafashwe muri iki cyumweru n'ishuri ry'akarere rya Davis riherereye mu majyaruguru y'Umujyi wa Salt Lake City nyuma y'ikirego cyatanzwe mu Kuboza 2022.Â
Abayobozi bavuga ko bamaze gukura kopi zirindwi cyangwa umunani za Bibiliya bari bafite ku bubiko bwabo, bavuga ko inyandiko zayo zitigeze zijya na rimwe mu nteganyanyigisho z’abanyeshuri. Komisiyo ntiyasobanuye neza impamvu zayo cyangwa ngo ivuge ibice birimo “ubugome cyangwa urugomo”.
Nk'uko ikinyamakuru Salt Lake Tribune kibitangaza ngo umubyeyi winubye yavuze ko Bibiliya ya King James “nta gaciro gakomeye ifitiye abana bato” kubera ko arimo ibiteye isoni,' ashingiye ku itegeko ryo guhagarika ibitabo ryo muri 2022.
Umudepite wa leta ya Utah wanditse itegeko rya 2022 mbere yari yaranze icyifuzo cyo gukuraho Bibiliya, ariko muri iki cyumweru yisubiraho nyuma yo kubyita “ibigoye gusomwa” n'abana bato.
Icyemezo cy’akarere cyemeje ko ibikubiye muri Bibiliya bitanyuranyije n’amategeko yo muri 2022, ariko ko bikubiyemo inyigisho z'ubugome cyangwa urugomo bidakwiriye abanyeshuri bato”. Igitabo kizagumaho mu mashuri yisumbuye yaho gusa.
Bob Johnson, se w'umunyeshuri wiga kuri iryo shuri ry'ibanze rya Davis, yabwiye CBS News ko atishimiye ikurwaho rya Bibiliya. Ati: “siniyumvisha ibiri muri Bibiliya bakeneye  gukuramo kandi nta n'amashusho arimo.”
Aka karere ntabwo ari aka mbere muri Amerika gakuye Bibiliya mu bubiko bwayo.
Ishuri ryo mu karere kamwe muri Texas umwaka ushize, yakuye Bibiliya mu bubiko bw'ibitabo nyuma y'ibirego by'abaturage babuzaga ibitabo bimwe na bimwe. Ukwezi gushize, abanyeshuri bo muri Kansas basabye ko Bibiliya yakurwa mu isomero ry'ishuri.