Category: Uncategorized

Kuri uyu wa mbere tariki 5 Kamena 2023,nibwo u Rwanda rwakinnye imikino ya nyuma igihugu cya Brazil aho bageze ku mukino wa nyuma mu byiciro 2 ari nabyo batwaye, ubwo ni cyiciro cy’abatarengeje imyaka 11 na 13. Mu batarengeje imyaka 11 nibo babanje mu kibuga aho batsinze Brazil kuri Penariti 4-3 Brazil niyo yabanje igitego, u Rwanda ruza kucyishyura mu gice cya kabiri.

Nyuma y’uyu mukino hakurikiyeho umukino wa nyuma mu batarengeje imyaka 13, nabwo u Rwanda rwagombaga gukina na Brazil. Uyu mukino nawo amakipe yageze muri penariti, u Rwanda rutsinda penariti 3-2, nyuma yaho iminota isanzwe yari yarangiye amakipe anganya igitego kimwe kuri kimwe.

Umwaka ushize ubwo iyi mikino yaherukaga kuba, u Rwanda mu batarengeje imyaka 13 nabwo nirwo rwegukanye iki gikombe batsinze Brazil kuri Penariti 7-6 amakipe yari yanganyije igitego 1-1. 

Iyi mikino ngarukamwaka yari ibaye ku nshuro 7, aho ihuza amarerero yose y’ikipe ya Paris Saint-Germain akorera mu bihugu bitandukanye by’Isi. 

Academy ka PSG mu Rwanda kegukanye igikombe cy’Isi cyateguwe na PSG, gatsinze Brazil 7-6 nyuma y'aho amakipe yombi yari yanganyije igitego 1-1,mu batarengeje imyaka 11 umwaka ushize babaye abakane nyuma yo gutsindwa na Leta Zunze Ubumwe za Amerika mu guhatanira umwanya wa gatatu 

Tariki 27 Ugushyingo 2021, nibwo ishuri ryigisha umupira w’amaguru rya PSG ryafunguwe ku mugaragaro hano mu Rwanda, aho ribarizwa mu Karere ka Huye. Mu nshuro 2 rimaze kwitabira iyi mikino, rikaba rimaze kwegukana ibikombe bitatu. 

Abatarengeje imyaka 11 nicyo gikombe cya mbere begukanye 

Abatarengeje imyaka 13 begukanye igikombe 2 

Bakiniye kuri sitade ya Parc de princes isanzwe ikinirwaho na Paris Saint-Germain 

Source : https://inyarwanda.com/inkuru/130183/u-rwanda-rwegukanye-igikombe-cyisi-cyamarerero-ya-psg-rutsinze-brazil-ku-nshuro-ya-kabiri-130183.html

Mu gitondo cyo ku wa 29 Gicurasi ni bwo abarwanyi b'uriya mutwe bateye ibirindiro by'Ingabo za Uganda biherereye mu gace ka Buulo Mareer mu karere ka Lower Shabelle, aho boherejwe mu butumwa bw'Umuryango wa Afurika yunze Ubumwe bwo kugarura amahoro muri Somalia.

Al Shabaab mu itangazo yasohoye icyo gihe yatangaje ko yiciye muri kiriya gitero abasirikare 137 ba Uganda, abandi itatangaje umubare ibafata mpiri.

Perezida Yoweri Kaguta Museveni mu mpera z'icyumweru gishize ubwo yaganiraga n'abadepite bo mu ishyaka NRM bamaze iminsi mu mwiherero mu gace ka Kyankwanzi; yavuze ko imirambo y'abasirikare 54 ari yo iheruka kuboneka.

Museveni yavuze ko nyuma ya kiriya gitero abasirikare ba Uganda baje kwisuganya, birangira bitarenze ku wa Kabiri w'icyumweru gishize birukanye Al Shabaab muri biriya birindiro yari imaze iminsi yigaruriye.

Mu bishwe na Al Shabaab byamenyekanye ko harimo Lt Col Edward Nyororo uri mu bari bayoboye Ingabo za UPDF ziri muri Somalia.

Ni bwo bwa mbere Museveni yari avuze ku basirikare b'igihugu cye baguye muri kiriya gitero.

Yavuze ko n'ubwo kiriya gitero cyabaye ku bw'ibyago, “cyasize amasomo kuri bose.”

Yunzemo ati: “Ikosa ryakozwe na ba komanda babiri Maj. Oluka na Maj. Obbo bategetse abasirikare gusubira inyuma.”

Perezida Museveni yavuze ko aba bofisiye bombi “batawe muri yombi ndetse bazagezwa imbere y'urukiko rwa gisirikare.”

Amafoto yakwirakwijwe ku mbuga nkoranyambaga ubwo kiriya gitero cyabaga yerekana abasirikare ba Uganda baraswa mu cyico n'ibyihebe.

Museveni yavuze ko kiriya gitero cyatewe n'intege nke z'imbere muri UPDF; ndetse na ruswa yamunze ubuyobozi bwayo.

Yavuze kandi ko Al Shabaab yanagerageje kugaba igitero ku mujyi wa Baraawe, gusa icyo gitero kikaza kuburizamo n'Ingabo za Uganda.

Source : https://umuryango.rw/amakuru/mu-mahanga/umutekano/article/uganda-updf-aba-officiye-bayo-yashinje-ubugwa-imbere-ya-al-shabaab-iherutse

Minisitiri Sammy Adubango yabitangaje ku wa Gatanu w'icyumweru gishize, ubwo yagezaga ijambo ku nama y'Abaminisitiri y'ijana Perezida Félix Tshisekedi yayoboye.

Yavuze ko “Ingabo za Congo ziryamiye amajanja ku bw'ibyihebe bya M23 bifashwa n'u Rwanda, mu byifuzo byabo byo gukomeza kwigarurira ubutaka [bwa Congo] bakomeje ibikorwa byabo byo guhungabanya umutekano muri Kivu y'Amajyaruguru.”

Uyu kandi yashinje Ingabo z'u Rwanda kuba zikomeje kwinjira ku butaka bwa Congo mu rwego rwo kongerera imbaraga M23 ziciye ku mupaka w'ahitwa Mwaru.

Ku wa Mbere w'icyumweru gishize Igisirikare cya Congo biciye muri Général Major Sylivain Ekenge ukivugira cyatangaje ko M23 yaba iri mu myiteguro yo kugaba igitero simusiga cyo kwigarurira Umujyi wa Goma.

Ni gahunda uyu mutwe wahakanye; uvuga ko Guverinoma ya Congo ari yo imaze igihe mu myiteguro y'intambara; ibishimangirwa n'amagambo amaze igihe atangazwa n'abarimo Tshisekedi na Minisitiri w'Ingabo, Jean Pierre Bemba.

Umuvugizi wa M23 mu bya Politiki Kanyuka we aherutse kudutangariza ko biteguye guhangana n'amabi ya leta yabo ya Congo, kandi ko n'intwaro RDC iherutse kugura zo kubarwanya ngo barabizi ko bazazigabana binyuze mu mirwano

Maj. Willy Ngoma uvugira M23 mu bya gisirikare nawe yunzemo ko icyo bashyize imbere ari ibiganiro, binajyanye no kuba bamaze igihe bubahiriza imyanzuro y'abakuru b'ibihugu by'akarere.

Source : https://umuryango.rw/amakuru/mu-mahanga/politiki/article/rdc-icyegera-cya-bemba-cyatangaje-ko-fardc-iryamiye-amajanja-kubera-m23

Umukobwa wo mu gihugu cya Uganda witwa Jemimah Lulu igitutu cy'ababyeyi be cyatumye akora agashya katarakorwa ku Isi , ko gukora ubukwe ari wenyine nta Mugabo barikumwe.

Jemimah Lulu kuri ubu afite imyaka 37 y'amavuko , yasoje amasomo ye muri 2018 ubwo yarafite imyaka 32 , akimara gusoza amasomo ye ntiyorohewe n'ababyeyi bamubyara bamusaba gukora ubukwe maze ahimba imitwe yo gusaba ubuyobozi ko bwamufasha kumwandika mu gitabo cy'abasezeranye, maze atumira inshuti n'abavandimwe, akora ubukwe ari wenyine.

Ku ya 27 Kanama 2018, Lulu, nibwo yasoje amasomo ye muri kaminuza ya Oxford, yahisemo kwambara imyenda y'abageni maze yikorera ubukwe ubwe ku giti cye , bwitabiriwe n'inshuti ze magara bubera mu kabari kitwa Quepasa Bar kari mu mujyi wa Kampala muri Uganda, ibi ngo yabitewe no kurambirwa no kubazwa n'ababyeyi be igihe azarongorerwa.

Murwego rwo gushimisha ababyeyi be, Lulu yakoze ubukwe bwatangaje benshi, yatumiyemo abantu binshuti ze magara, yambara agatimba ndetse akorerwa ibirori nk'ibya'abakoze ubukwe.

Uyu mugore avugako ikintu cyamugoye cyane, ari ibisobanuro yasabwaga nabo yari yatumiye muri ubwo bukwe ati 'Nohereje ubutumire mpita mbona telefoni nyinshi zose zimbaza ngo umukwe uwo ari we. Nabwiye abantu ko bitunguranye, ntawe nigeze nsobanurira ibigye kuba. '

Kimwe n'ubundi bukwe bwose, Lulu yahamije ko ubukwe bwe bwagenze neza cyane, yari yambaye umwambaro wera nk'abageni, ndetse ngo abo yari yatumiye bazanye impano barazimuha ndetse ngo yafashe ijambo asobanura impamvu yamuteye gukora ubukwe butagira umukwe.

Source : https://umuryango.rw/ubuzima-115/udushya/article/ntibisanzwe-igitutu-cy-ababyeyi-cyatumye-umukobwa-warusoje-kaminuza-akora

Ishyirahamwe mpuzamahanga ryo gutwara abantu n'ibintu mu kirere (IATA) ryatangaje ko guhera kuri uyu wa Mbere Umuyobozi wa Rwandair Yvonne Manzi Makolo yatangiye imirimo ye nk'Umuyobozi w'Inama y'Ubutegetsi ya IATA mu gihe cy'umwaka umwe.

Ni umwanzuro wafatiwe mu Nteko Rusange ngarukamwaka ya IATA ya 79 yabereye muri Türkiye kuri uyu wa 05 Kamena 2023.

Makolo agiye kuri uyu mwanya w'Umuyobozi Mukuru w'Inama Nkuru ya ba Guverinero ba IATA, ari uwa 81, akaba ari na we mugore wa mbere ufashe izi nshingano, nk'uko byatangajwe n'iri shyirahamwe ku rubuga rwaryo.

Yanakoze mu Nama nkuru ya Guverineri b'iri shyirahamwe kuva mu kwezi k'Ugushyingo 2020. Kuri izi nshingano nshya, asimbuye Umuyobozi mukuru w'Inama nkuru ya Pegasus Airlines Mehmet Tevfik Nane, na we uzakomeza kuba umwe muri ba Guverineri bagize Inama Nkuru y'iri shyirahamwe rya IATA.

Yvonne Manzi Makolo wishimiye gutangira izi nshingano, yavuze ko iri Shyirahamwe agiye kuyobora rigira uruhare mu bikorwa byose by'ingendo z'ikirere, yaba mu bikorwa byoroheje ndetse n'ibyo ku rwego rwo hejuru, ndetse no mu bice byose by'Isi.

Ati 'Kuyobora Sosiyete y'indege isanzwe muri Afurika, birampa umwihariko mu gushakira umuti ibibazo bihuriweho bicyugarije urwego rw'ubwikorezo bw'indege.'

Yavuze ko mu bibazo by'ibanze agiye kwibandaho, harimo gahunda yo kugabanya ibyuka bihumanya ikirere izwi nka decarbonisation, ndetse no kurushaho kuzamura umutekano mu ndege no gutuma urwego rw'ingendo zo mu kirere rurushaho kugera ku rwego rugezweho, no kuzamura ibikorwa remezo.

Ati 'Nishimiye by'umwihariko gufata izi nshingano mu gihe IATA iri gutangiza gahunda ya 'Focus Africa' igamije guhuriza hamwe abafaranyabikorwa b'Umugabane, bityo dushyize hamwe tukarushaho kuzamura uruhare rw'ubwikorezi bwo mu kirere mu guteza imbere imibereho n'ubukungu bya Afurika.'

Yovonne Manzi Makolo yatangiye imirimo mu bwikorezi bw'Indege kuva muri 2017, aho muri uwo mwaka yagizwe Umuyobozi Mukuru Wungirije ushinzwe imikoranire, akaza kugirwa Umuyobozi Mukuru muri Mata 2018.

Source : https://umuryango.rw/amakuru/mu-rwanda/article/makolo-uyobora-rwandaair-yagizwe-umuyobozi-ukomeye-ku-isi

Umuhanzi ukomeye cyane hano mu Rwanda mu ndirimbo zo kuramya no guhimbaza Imana Israel Mbonyi ntarara ku butaka bw'u Rwanda.

Israel Mbonyi arafata rutemikirere kuri uyu mugoroba yerekeza ku mugabane w'i Burayi aho araba agiye gutaramira Abanyarwanda batuye kuri uyu mugabane ndetse n'abakunzi be muri rusange.

Uyu muhanzi yatangaje ko ajyanye n'itsinda ry'abantu bagera kuri batandatu bazajya bamuba hafi muri ibi bitaramo azakorera kuri uyu mugabane w'i Burayi.

Source : https://yegob.rw/aragiye-umwami-wa-gospel-mu-rwanda-israel-mbonyi-ntara-kuri-ubu-butaka/

Mu mikino y'igikombe cy'Isi yaberega mu gihugu cy'Ubufaransa yaje kurangira abana b'Abanyarwanda bitwaye neza cyane maze begukana ibikombe byahatanirwaga mu byiciro bibiri.

Umwana witwa Ntakirutimana Derrick yabaye umunyezamu mwiza w'irishanwa mu bana batarengeje imyaka 11 y'amavuko mu gihe uwitwa Shema Samuel yabaye umukinnyi mwiza w'irushanwa mu mikino y'igikombe cy'Isi cy'Amarerero ya Paris Saint Germain yo mu gihugu cy'Ubufaransa.

Source : https://yegob.rw/niwe-kwizera-olivier-wejo-hazaza-umuzamu-mwiza-yabaye-umwana-wumunyarwanda/

Umunsi w'agahinda kuri Criss Eazy! Umubyeyi wa Criss Eazy yizihirije isabukuru y'amavuko mu Ijuru.

Mu gahinda kenshi cyane umuhanzi ukunzwe cyane hano mu Rwanda, Criss Eazy yifurije Papa we umubyara isabukuru y'amavuko nubwo yamaze kwitaba Rurema.

Taliki nk'iyi 5/6 nibwo umubyeyi wa Criss Eazy yifatanyaga n'umuryango we bizihiza isabukuru y'amavuko.

Uyu mubyeyi yitabye Imana Christia uzwi nka Criss Eazy akiri umwana muto cyane wigaga mu mashuri abanza (Primary).

Source : https://yegob.rw/umunsi-wagahinda-kuri-criss-eazy-umubyeyi-wa-criss-eazy-yizihirije-isabukuru-yamavuko-mu-ijuru/

Mugihe Kim Kardashian akomeje kugenda avuga ko uwahoze ari umugabo we wisezerano Kanye West agenda asebya umuryango we, awushinja ko intandararo yo gutandukana kwabo ari agasuzuguro Kim Kardashian n'umuryango we ba musuzuguraga , ibi Kim Kardashian akaba abyita ibinyoma bigamije gusebya umuryango we,

mu gihe Kim Kardashian avuga ibyo Kanye West we akomeje gutungurana n'umukunzi we mushya urebye ku mafoto agenda acicikana kumbuga nkoranyambaga za Kanye West n' Umukunzi we Bianca .
Reba imwe mumyambarire isigaye ibaranga

 

Kanye West na Bianca basigaye bakundana, uko niko bagaragaraga mu myambarire itamenyerewe n'abenshi.

Source : https://yegob.rw/kanye-west-wahoze-ari-umugabo-wa-kim-kardashian-akomeje-kugarara-bitangaje-we-numukunzi-we-bianca/

Umukinnyi ukomeye cyane hano mu Rwanda ukinira ikipe y'igihugu Amavubi ndetse n'ikipe ya Kiyovu Sports yatangaje ikintu gishobora gutuma n'amaguru ye acika ariko aka kigeraho.

Kanyarwanda Jean Bertrand ukina ku ruhande rw'iburyo mu ikipe ya Kiyovu Sports abinyujije ku rubuga rwa Instagram yatangaje ko n'amaguru ye yacika mu gihe ari gushakira umugati abavandimwe be ndetse n'umuryango we.

Amashusho ya Bertrand ari kumwe n'umuryango we:

Source : https://yegob.rw/nta-maguru-yacika-kanyarwanda-jean-bertrand-yatangaje-impamvu-ikomeye-yatuma-namaguru-ye-acika-video/