Category: Uncategorized

Umuhanzi w'indirimbo zo kuramya no guhimbaza Imana, Israel Mbonyi yemeje ko afite umukunzi n'ubwo atifuza kumutangazaho byinshi.

Uyu muhanzi ukunzwe na benshi biganjemo ab'igitsina gore, ni kenshi abantu bagiye bifuza kumenya uruhande rwe ahagazeho mu rukundo ariko ntibikunde kuko icyo kibazo inshuro zose yakibajijwe atifuzaga kugira icyo abitangazaho.

Ku nshuro ya mbere Israel Mbonyi aganira Isimbi TV nibwo yemeye aya makuru avuga ko ari mu munyenga w'urukundo nubwo atigeze yifuza guhishura izina ry'umukobwa bakundana.

Ati “ubuzima bwo kuba nta mukunzi cyangwa ahari, uwazakugusubiza se atari kuri camera? Ibintu by'urukundo hari umwanzuro nabifatiye, ni wo ngiye kukubwira mbone kukigusubiza, kera nigeze gutekereza ko nzibera padiri, mbitekereza numvaga ntashaka kujya mu bindi bintu bitajyanye no gukorera Imana.”

“Muri ibi bihe ibintu by'urukundo mba numva nifuza kutabivugaho, ayo matsiko rwose reka nyamarire hano, nzabivugaho tutari kuri camera, ariko uzi n'ibindi mfite umukunzi, mfite umukunzi rwose. “

Israel Mbonyi akaba yitegura kumurika Album ye ye 5 izajya hanze mu mpera z'uyu mwaka ni mu gihe tariki ya 11 Kamena 2023 azataramira mu Bubiligi.

Source : https://umuryango.rw/imyidagaduro/article/bwa-mbere-israel-mbonyi-yahishuye-ko-ari-mu-rukundo

Jeune Afrique yanditse ko Salomon Kalonda yagaragaye afite intwaro yo mu bwoko bwa Pistori, yamucitse ikagwa hasi ubwo bari mu myigaragambyo iheruka y'abatavuga rumwe n'ubutegetsi bwa kinsha, intwaro yahise atoragura byihuse akayihisha ariko ngo polisi yari yamaze kuyibona kuko ngo ireshya na cm 9

Salomon Idi Kalonda Della asanzwe ari umujyanama wihariye w'umunyapolitiki Moise Katumbi utavuga rumwe n'ubutegetsi bw'I Kinshasa,wanakomeje kumutabariza mbere y'uko urwego rw'ubutasi muri Congo rwemera ko rumufunze

Mu cyumweru gishize ni bwo yatawe muri yombi n'ubutasi bwa gisirikare muri Congo nyuma yo kumufatira ku kibuga mpuzamahanga cya Ndjili.

Ni itabwa muri yombi ryamaganiwe kure n'abanyapolitiki batavuga rumwe n'ubutegetsi, banotsa igitutu Perezida Felix Antoine Tshisekedi bamusaba kumurekura.
Kimwe n'abandi benshi batabwa muri yombi muri Congo Kinshasa, itabwa muri yombi rya Kalonda ukurikiranweho ibyaha bitatu ryahujwe n'u Rwanda; igihugu kimaze umwaka kidacana uwaka n'ubutegetsi bw'i Kinshasa.

Iby'uko uyu mugabo yaba aryozwa u Rwanda byatangajwe n'ubutasi bwa gisirikare muri RDC buvuga ko we na rwo bari bahuriye mu mugambi wo guhirika ubutegetsi bwa Perezida Tshisekedi.

Umujyanama mu by'ubutabera mu buyobozi bukuru bw'urwego rushinzwe ubutasi bwa gisirikare muri Congo, Col Kangoli Ngoli, yatangaje ko mu byo Salomon Kalonda azira harimo kuvugana n'abarimo abantu ba hafi ya Gen James Kabarebe usanzwe ari umujyanama wa Perezida Paul Kagame mu bya gisirikare cyo kimwe na Vincent Karega wahoze ahagarariye u Rwanda muri Congo Kinshasa.

Source : https://umuryango.rw/amakuru/mu-mahanga/ubutabera/article/rdc-ubutasi-bwemeye-ko-bwafunze-umujyanama-wa-katumbi-kubera-gutunga-imbunda-no

Minisitiri w'Ububanyi n'amahanga, Christophe Lutundula, kuri uyu wa Mbere yavuze ko bandikiye Sudani bayisaba ibisobanuro, kuko ubu bwicanyi bwakozwe n'ingabo za Leta.

Ingabo za Sudani zimaze iminsi zihanganye n'umutwe wa Rapid Support Forces, RSF, mu mirwano imaze kugwamo benshi.

Lutundula yavuze ko aba banyeshuri bishwe n'ibisasu byatewe kuri campus ya Université Internationale d'Afrique i Khartoum.

Yakomeje ati “Twasabye guhabwa ibisobanuro ndetse ko hafatwa ingamba zose zishoboka na Guverinoma ya Sudani kuko ni ingabo za Leta zateye ibisasu kuri kaminuza, kugira ngo imibiri y'abishwe iboneke, Guverinoma ibashe kubacyura kugira ngo bashyingurwe mu cyubahiro giteganywa n'umuco wacu, hafi y'imiryango yabo.”

Lutunduka yavuze ko kuva imirwano yatangira, basabye abanye-Congo bari muri Sudani ko bimenyekanisha kuri ambasade mu Misiri no muri Ethiopia, kugira bafashwe gutaha bwangu.

Kuva mu byumweru birindwi bishize, intambara ishyamiranyije Ingabo za Leta ya Sudani ziyobowe na Gen Abdel Fattah al-Burhan ndetse na RSF ya Gen Mohamed Hamdane Daglo, imaze guhitana abasaga 1800, mu gihe abarenga miliyoni imwe n'igice bavuye mu byabo.

Source : https://umuryango.rw/amakuru/mu-mahanga/article/biravugwa-ko-ari-abanye-congo-10-barasiwe-muri-sudani

Abinyujije mu ibaruwa yandikiye ubuyobozi bwa As Kigali, Shema Fabrice yavuze ko atazakomeza inshingano zo kuyobora As Kigali ku mpamvu ze bwite.

Mu 2020 ni bwo Shema Fabrice yari yatorewe kuyobora manda ya kabiri kuko yari amaze imyaka 2 n’ubundi ari umuyobozi w’iyi kipe.

Shema Fabrice ni umwe mu bayobozi bagaruriye As Kigali igitinyiro nyuma yaho yegukanye igikombe cy’Amahoro inshuro ebyiri, ndetse ikipe igatangira kugira abakinnyi bakomeye ku ngoma ye barimo Haruna Niyonzima, Olivier Saif Ntwari Fiacre n’abandi.

Gusa n’ubwo ibyo byose byakozwe, ntabwo As Kigali yabashije kwegukana igikombe cya shampiyona nk’uko babishakaga. Uyu mwaka w’imikino urangiye, As Kigali yasoje iri ku mwanya wa 4 n’amanota 47.

Kubera impamvu ze bwite Ngoga Shema Fabrice yatanze umwanya w’ubuyobozi wa As Kigali  

As Kigali igiye kujya mu biganza by’ubuyobozi 

Source : https://inyarwanda.com/inkuru/130192/shema-fabrice-wayoboraga-as-kigali-yeguye-kuri-iyi-mirimo-130192.html

Umuyobozi wa APR FC, Lt Gen Mubarakh Muganga wari umugaba w’ingabo zirwanira ku butaka yahinduriwe inshingano agirwa umugaba mukuru w’ingabo z’u Rwanda.

Umugaba mukuru w’ikirenga w’ingabo z’u Rwanda, Perezida wa Repubulika y’u Rwanda, Paul Kagame yarakoze impinduka mu nzego za gisirikare.

Benshi mu basirikare bakaba bahinduriwe inshingano harimo na Lt Gen Mubarakh Muganga usanzwe ari umuyobozi wa APR FC.

Kuva muri Kamena 2021, Lt Gen Mubarakh Muganga yari umugaba w’ingabo zirwanira ku butaka akaba yasimbuwe na Gen Maj Vincent Nyakarundi.

Muri izi mpinduka zakozwe, Lt Gen Mubarakh Muganga akaba yagizwe Umugaha Mukuru w’Ingabo z’u Rwanda aho yasimbuye Gen Jean Bosco Kazura.

Ibi bikaba bishimangira ko mu minsi ya vuba hazatangazwa umusimbura we ku mwanya w’umuyobozi wa APR FC, cyane ko na we mu minsi yashize yavuze ko inshingano afite zitamwemerera gukomeza kuri uyu mwanya ndetse akaba yaranabimenyesheje ubuyobozi bw’ingabo, bivugwa ko Lt Col Richard Karasira ari we uzaba umuyobozi mushya wa APR FC.

Lt Gen Mubarakh Muganga yagizwe Umugaba mukuru w’Ingabo z’u Rwanda

Source : http://isimbi.rw/siporo/article/umuyobozi-wa-apr-fc-lt-gen-mubarakh-muganga-yahinduriwe-inshingano

Perezida Paul Kagame akaba n'Umugaba w'Ikirenga w'Ingabo z'u Rwanda yashyizeho abayobozi bashya mu nzego z'umutekano, aho Juvenal Marizamunda yagizwe Minisitiri w'Ingabo mu gihe Lt Gen Mubarakh Muganga yahawe inshingano zo kuba Umugaba Mukuru w'Ingabo z'u Rwanda.

Marizamunda asimbuye Maj Gen Albert Murasira, yari asanzwe ari Komiseri Mukuru w'Urwego rw'Igihugu rushinzwe Igorora (RCS), umwanya yagiyeho mu 2021 avuye muri Polisi y'u Rwanda.

Ni mu gihe Lt Gen Muganga wagizwe Umugaba Mukuru w'Ingabo z'u Rwanda yari asanzwe ari Umugaba w'Ingabo zirwanira ku butaka. Yasimbuye Gen Jean Bosco Kazura, wagiyeho mu 2019.

Umwanya w'Umugaba w'Ingabo zirwanira ku butaka wahise uhabwa Maj Gen Vincent Nyakarundi, wari usanzwe ari Umuyobozi w'Urwego rushinzwe ubutasi bwa gisirikare.

Yahise asimburwa by'agateganyo mu butasi bwa gisirikare na Colonel Francis Regis Gatarayiha, n'ubundi wari usanzwe amwungirije. Uyu mbere yaho yayoboye Urwego rw'Abinjira n'Abasohoka.

Mu bandi bashyizweho, Maj Gen Alex Kagame yagizwe Umuyobozi w'ibikorwa by'Inzego z'Umutekano z'u Rwanda muri Mozambique, abisikana na Maj Gen Eugene Nkubito wagizwe Umuyobozi wa Diviziyo ya Gatatu ya RDF, ikorera mu Burengerazuba bw'u Rwanda.

Colonel Theodomir Bahizi yagizwe Umuyobozi ushinzwe ibijyanye n'urugamba mu Ngabo z'u Rwanda ziri muri Mozambique.

Muri izi mpinduka kandi, Lt Col Augustin Migabo yazamuwe mu ntera ahabwa ipeti rya Colonel, agirwa Umuyobozi wungirije w'umutwe udasanzwe w'Ingabo z'u Rwanda, Special Force Command.

Urwego rushinzwe Igorora rwahise ruhabwa umuyobozi mushya, Brig Gen Evariste Murenzi, wasimbuye CG Marizamunda. Gen Murenzi yari asanzwe ari Umuyobozi wungirije wa diviziyo ishinzwe ibikorwa byihariye.

Mu bahawe imyanya kandi harimo Jean Bosco Ntibitura, wagizwe Umuyobozi Mukuru mu Rwego rushinzwe Iperereza n'umutekano w'igihugu, NISS, ushinzwe umutekano w'imbere mu gihugu. Uyu mwanya wahozemo Gasana Alfred wagizwe Minisitiri w'Umutekano mu 2021.

The post Marizamunda yagizwe Minisitiri w'Ingabo naho Lt Gen Muganga aba Umugaba Mukuru w'Ingabo appeared first on FLASH RADIO&TV.

Source : https://flash.rw/2023/06/06/marizamunda-yagizwe-minisitiri-wingabo-mu-gihe-lt-gen-muganga-umugaba-mukuru-wingabo/?utm_source=rss&utm_medium=rss&utm_campaign=marizamunda-yagizwe-minisitiri-wingabo-mu-gihe-lt-gen-muganga-umugaba-mukuru-wingabo

Perezida Paul KAGAME akaba n'Umugaba w'Ikirenga w'Ingabo z'u Rwanda yashyizeho Abayobozi bashya mu nzego z'umutekano n'Iperereza! Juvenal MARIZAMUNDA wayoboraga urwego rw'Amagereza mu Rwanda (RCS) yagizwe Minisitiri w'Ingabo asimbuye Gen Albert MURASIRA.

MARIZAMUNDA abaye Minisitiri wa 12 uyoboye Minisiteri y'Ingabo kuva u Rwanda rwabona Ubwigenge mu 1962. Muri izi mpinduka, RCS yahise ihabwa Brig Gen Evariste MURENZI.

Muri aya mavugururua kandi, Lt Gen Mubarakh Muganga yagizwe Umugaba Mukuru w'Ingabo z'u Rwanda, umwanya yasimbuyeho General Jean Bosco KAZURA nawe wari wasimbuye Gen Patrick NYAMVUMBA mu Ugushyingo 2019.

Lt Gen Mubarakh MUGANGA yari yabaye Umugaba w'Ingabo zirwanira ku butaka hafi umunsi umwe n'ukwezi yaherewe inshingano zo kuyobora Ingabo zose, nabwo hari taliki 04/6/2021.

Ingabo zirwanira ku butaka yari ayoboye zahawe Maj Gen Vincent NYAKARUNDI wari usanzwe akuriye iperereza rya Gisirikare, umwanya wahawe Col Francis Regis GATARAYIHA nk'Umuyobozi w'Agateganyo.

Jean Bosco NTIBITURA nawe muri izi mpinduka yahawe kuba Umuyobozi wa NISS. Ku zindi mpinduka zabaye, soma itangazo riri hano hasi:

Source : https://umuryango.rw/amakuru/article/marizamunda-yabaye-minisitiri-wa-12-uyoboye-minadef-lt-gen-mubarakh-muganga

Byabaye kimomo ko Diamond Platnumz yateye inda Zuchu ndetse ko bari hafi yo gutanga igikoma.

Inshuti ya hafi ya Diamond Platinumz yemeje ko Zuchu atwite inda y'imvutsi.

Umunyamakuru kuri Radio ya WASAFI yateje impaka ku mbuga nkoranyambaga ubwo yemezaga ko Zuchu atwite.

Uyu yavuze ko Zuchu atwitiye Diamond Platnumz.

Juma Lokole aganira na kimwe mu binyamakuru bikomeye muri Tanzania, yeruye avuga ko Zuchu atwitiye Diamond Platinumz ndetse avuga ko aba bombi bari mu rukundo kandi ko bameranye neza cyane.

Uyu mugabo yemeje ko urukundo rwabo rumeze neza ndetse avuga ko igihe cyose Zuchu abari kwa Diamond Platinumz munzu ye.

Source : https://yegob.rw/we-ntajya-aswata-byabaye-kimomo-ko-diamond-platnumz-yateye-inda-zuchu-ndetse-ko-bari-hafi-yo-gutanga-igikoma/

Ibiranga umukobwa uzavamo umugore mwiza mu rugo rushya umusore azaba agiye kumutuzamo.

Hari ibintu byinshi cyane twarondora gusa muri iyi nkuru twaguteguriye iby'ibanze byakwereka umukobwa wavamo umugore w'ejo hazaza.

Ibyo bintu ni ibi bikurikira:

• Umukobwa ugushyigikira
• Umukobwa wigomwa
• Umukobwa ucisha make
• Umukobwa uzi gukunda
• Umukobwa uzi gukunda
• Umukobwa udahuzagurika
• Umukobwa usenga
• Azi kugabura ku gihe
• Akunda gufasha abo arusha ubushobozi
• Amenya kubana neza n'abaturanyi
• Yita ku bashyitsi akabagirira neza
• Azi kwifata mu magambo
• Yihanganira ubukene n'igihombo
• Ubukire ntibumutera isumbwe no kwishyira hejuru
• Aharanira ibyakubahisha umugabo we

Source : https://yegob.rw/umukobwa-wese-ubifite-yirukwaho-nabahungu-bafatika-ibiranga-umukobwa-uzavamo-umugore-mwiza-mu-rugo-rushya-umusore-azaba-agiye-kumutuzamo/

Umukobwa yafashe icyemezo cyo kwikorana ubukwe kubera ikintu kitari gikwiye yakorewe n'umuryango we.

Mu gihugu cya Uganda haravugwa umukobwa witwa Jemimah Lulu wikoranye ubukwe kubera igitutu cy'ababyeyi be.

Jemimah Lulu kuri ubu afite imyaka 37 y'amavuko akaba yaratangiye gushyirwaho igitutu ubwo yasozaga kaminuza afite imyaka 32.

Uyu mukobwa yahisemo kwambara imyenda y'abageni maze yikorera ubukwe ubwe ku giti cye.

Ubu bukwe bwitabiriwe n'inshuti ze magara bubera mu kabari kitwa Quepasa Bar kari mu mujyi wa Kampala muri Uganda.

Source : https://yegob.rw/biratangaje-kandi-biranasekeje-mu-baturanyi-umukobwa-yafashe-icyemezo-cyo-kwikorana-ubukwe-kubera-ikintu-kitari-gikwiye-yakorewe-numuryango-we/