Category: Uncategorized

Paulo de Tarso Milagres wahoze atoza ikipe y’igihugu y’u Rwanda ya Volleyball, yemeje ko agiye kugaruka mu Rwanda gutoza ikipe y’igihugu.

Muri Kanama 2021 nibwo yari yagizwe umutoza mukuru w’ikipe y’igihugu ya Volleyball y’abagabo n’abagore aho yayitoje ahereye mu gikombe cy’Afurika cyabereye mu Rwanda muri Nzeri 2021.

Ntabwo byaje kugenda neza bitewe n’amakosa u Rwanda rwakoze muri iki gikombe yo gukinisha abakinnyi babonye ibyangombwa byo kuba abanyarwanda mu buryo bunyuranyije n’amategeko, rwakuwe mu irushanwa ndetse rwahise ruhagarikwa amezi 6 nta bikorwa bya Volleyball rugaragaramo ndetse no kwishyura miliyoni 120 z’amafaranga y’u Rwanda.

Icyo gihe Paulo de Tarso Milagres yahise yisubirira iwabo cyane ko n’u Rwanda rwakomorewe mu gihe cya COVID-19 ubwo nta mikino yari yemewe mu gihugu.

Muri Werurwe 2023 nibwo Ishyirahamwe ry’umukino wa Volleyball mu Rwanda (FRVB) ryashyize umwanya w’umutoza w’ikipe y’igihugu ku isoko.

Uyu mutoza abinyujije ku mbuga nkoranyambaga ze, yemeje ko mu minsi ya vuba azaba ari mu Rwanda yagarutse mu kazi.

Ati 'vuba ndaba ndi mu rugo na none. Ndaje mu Rwanda.'

Amakuru avuga ko uyu mutoza ari we watsinze ikizami ndetse na Minisiteri ya Siporo ikaba yaramaze kumubwira ko agomba kuza gutangira akazi, byitezwe ko mu cyumweru gitaha nta gihindutse ari bwo azagera mu Rwanda.

Paulo de Tarso Milagres yongeye kugirwa umutoza w’ikipe y’igihugu ya Volleyball

Yabitangaje ubwo bari bamaze kuririmba indirimbo 'Nkoresha' yamamaye mu buryo bukomeye, mu gitaramo ‘Gathering of 1000 Special Extended Worship’ concert' bahurijemo abantu barenga 1000 cyabereye muri Kigali Convention Center, mu ijoro ryo ku Cyumweru tariki 4 Kamena 2023.

James yavuze ko nk'abandi banyamuziki bose, bafashe igihe cyo gusenga, basaba Imana kubaha ihishurirwa ry'icyo yabahamagariye ku Isi, kuko muri bo bari bafite gushidikanya.

Yavuze ko muri rusange indirimbo 'Nkoresha' ari ryo sengesho ryabo basengaga mu 2015. Ati 'Iyi ni indirimbo twatangiye kuririmba mu 2015, ni ryo sengesho twasengaga mu 2015 cyane cyane kugeza mu 2018, twari dufite gushidikanya muri twe, tutazi ko Imana utuzi cyangwa itatuzi.'

Yavuze ko bari baranyuze mu bintu byinshi byatumaga bagira gushidikanya mu buzima bwabo, kandi nta bumenyi buhagije bari bafite ku Mana, ku rukundo rw'Imana no kwizerwa  na yo.

Uyu mugabo yavuze ko ijoro rya tariki 5 Ugushyingo 2015, we n'umufashe we baraye ijoro basuka amarira, babwira Imana ko badafite amakuru menshi kuri yo, kandi bifuza kumenya icyo yabahamagariye.

Akomeza ati 'Iryo joro turara turira, turarira ijoro ryose, tubwira Imana, tukayibwira tuti ntabwo dufite amakuru menshi, ariko turifuza kumenya neza icyo waturemeye, dufite gushidikanya muri twe, turifuza kumenya neza icyo waturemeye.'

Bakomeza kubwira Imana bati 'Ntabwo abantu bameze gutya, bafite ubwenge bumeze gutya, bahagaze gutya baba ari ikimanuka kuba bari hano, iryo n'iryo sengesho twaririyemo Imana muri iryo joro, turarira ijoro ryose.'

Yavuze ko nyuma yo kwiginga Imana, babonye ihishurirwa ry'urugendo rw'abo nyuma y'iminsi itanu. Ati 'Imana yaduhishuriye, yatumenyesheje, urukundo rw'ayo n'uko ituzi, hashize iminsi itanu, mu cyumweru cyari gikurikiyeho.'

James yavuze ko kuva uwo munsi batongeye kubaho nk'abantu basanzwe, kuko batangiye gukurikira Imana 'turi abantu bazi iyo bagana'.

Uyu mugabo avuga ko mu busanzwe we n'umugore we atari abantu batwarwa n'ibihe. Ati 'Turi abantu batajya batwarwa n'ibigare, abantu barabizi. Ikigare cyanjye ni njyewe n'umugore wanjye. Turi babiri, duhora tugenda buri munsi, tugana ku mwami wacu”

James avuga ko nubwo iyi ndirimbo 'Nkoresha' yavuye mu isengesho basenga binginga Imana, ari n'isengesho ryiza 'ku muntu wese umenetse ushaka kubona Imana'. Yavuze ko nta muntu n'umwe ushaka Imana ngo imuhishe mu maso hayo. Ati 'Ibyo byo ntibibaho.'

Yumvikanisha ko ibyo baririmbye muri iyi ndirimbo 'Nkoresha' ari isengesho ryabakoreye, Imana ibahishurira ahazaza h'ubuzima bw'abo mu kuyikorera. Avuga ko Imana yabahaye ubwenge bwo kuyikorera, kandi ibahishurira Kristo.

James na Daniella batangaje ko mu Ukuboza 2015, baraye ijoro basenga basaba Imana kubahishurira icyo yahamagariye 

James yavuze ko nyuma y'iminsi itanu Imana yababwiye icyo bahamagariwe

 

James avuga ko indirimbo 'Nkoresha' yavuye mu isengesho basenze ijoro ryose basaba Imana kubaha ubwenge bwo kuyikorera 

James avuga ko hagati ya 2015 na 2018, ariyo myaka yabaye intangiriro y'urugendo rw'indirimbo zo kuramya no guhimbaza Imana binjiyemo

KANDA HANO UREBE AMASHUSHO Y’INDIRIMBO ‘NKORESHA’ YA JAMES NA DANIELLA

“>

Kanda hano urebe amafoto yaranzeigitaramo cya James na Daniella 

Mu ijoro ryo kuri uyu wa mbere tariki 5 Kamena,2023  nibwo Shampiyona y’u Bubiligi yatanze igihembo cy’umukinnyi mwiza wahize abandi muri shampiyona, umwaka w’imikino 2022-23. Ni igihembo cyahawe umukinnyi w’umunyarwanda Mike Trésor Ndayishimiye usanzwe akinira ikipe ya Genk yo muri iki gihugu.

Mike Trésor Ndayishimiye w’imyaka 23, muri uyu mwaka w’imikino urangiye, yatsinze ibitego 8 atanga n’imipira 23 ivamo ibitego. Uyu musore ufite Se umubyara  wakiniye ikipe y’igihugu y’u Burundi, yabaye umukinnyi wa mbere muri shampiyona utanze imipira myinshi ivamo ibitego, mu mwaka umwe w’imikino.

Ntabwo ari iki gihembo gusa uyu musore yegukanye, kuko mu Kwezi gushize, nabwo yegukanye igihembo cya Ebony Shoe Award gihabwa umukinnyi w’Umunyafurika witwaye neza.

Mbere y’uko ahabwa iki gihembo, Mike Trésor yari yabanje gushimira abakinnyi abantu ku buryo babanye mu mwaka w’imikino. 

Yagize Ati “Sinzi aho nahera ariko icyonzi cyo ni uko nshaka gushimira abantu bose bamfashije muri uyu mwaka w’imikino urangiye. Reka twishimire ibyo twakoze kuko byatuguze abo turi bo.”

Mike Trésor Ndayishimiye nta kipe y’igihugu n’imwe arakinira y’aba u Bubiligi, u Burundi ndetse n’u Rwanda, hitazwe  niba u Rwanda rwarushaho kumwegera bakaba bamwumvisha agakinira Amavubi.

Ndayishimiye  w’imyaka 23 y’amavuko afite ubwenegihugu Butatu burimo ubw’u Rwanda,u Burundi ndetse n’u Bubiligi.

Nyina  umubyara akaba ari umunyarwandakazi   uvuka  mu ntara y’Amajyepfo  wanakunze  kumusaba gukinira u Rwanda.

Mike Ndayishimiye hari amahirwe y’uko yakinira u Rwanda 

USHINZWE KUGURISHA INGWATE ARAMENYESHA ABANTU BOSE KO AZAGURISHA MU CYAMUNARA IKIBANZA  CYUBATSEMO INZU KIBARUWE KURI UPI: UPI: 1/02/14/07/4841 UHEREREYE MU MUJYI WA KIGALI, AKARERE KA  GASABO-UMURENGE WA RUSORORO- AKAGARI KA NYAGAHINGA-UMUDUGUDU WA KIGARAMA. 

UKO CYAMUNARA ZIZAKURIKIRANA ZINYUZE MU BURYO BW'IKORANABUHANGA: 

 

UMUTUNGO UGIZWE N'IBI BIKURIKIRA: 

∙ INZU UGURISHWA IFITE UBUSO BUNGANA NA 595Sqm 

∙ AGACIRO KAGENWE N'UMUHANGA KURI UYU MUTUNGO NI: 232,350,000Rwfs 

∙ INGWATE Y'IPIGANWA KURI UWO MUTUNGO NI 11,617,500Rwfs AHWANYE NA 5% Y'AGACIRO K'UMUTUNGO  YISHYURWA KURI KONTI NO 00040-06965754-29 iri muri BK yanditse kuri MINIJUST-AUCTION FUNDS ∙ USHAKA GUPIGANWA AFUNGURA KONTI MURI IECMS, AKUZUZA NEZA IMYIRONDORO YE N'ADERESE YE MU  IKORANABUHANGA BINYUZE K'URUBUGA RW'IMANZA ZIRANGIZWA ARIRWO www.cyamunara.gov.rw ∙ GUSURA UYU MUTUNGO NI BURI MUNSI MU MASAHA Y'AKAZI  

∙ UWAKENERA IBINDI BISOBANURA YAHAMAGARA KURI NO 0788350947 /0728350947 

N.B : UZABA YATSINDIYE IPIGANWA RY'UYU MUTUNGO AZISHYURA IKIGUZI CYAWO KURI KONTI NO 2012008160003 Y'USHINZWE KUGURISHA INGWATE IFUNGUYE MURI BANK OF AFRICA RWANDA Plc 

Bikorewe I Kigali, kuwa 05/06/2023 

Me NIYONGIRA François Xavier  

USHINZWE KUGURISHA INGWATE

Munyakazi Sadate wahoze uyobora Rayon Sports yasabye Minisitiri wa Siporo, Munyangaju Aurore Mimosa guhagarika amatora y’ishyirahamwe ry’umupira w’amaguru ku neza y’umupira w’amaguru, aya matora yayise baringa.

Tariki ya 24 Kamena 2023 nibwo hazaba amatora y’ishyirahamwe ry’umupira w’amaguru mu Rwanda (FERWAFA) hazatorwa Komite Nyobozi isimbura iya Nizeyimana Mugabo Olivier uheruka kwegura ku nshingano ze.

Nubwo amatora ataraba ariko benshi baha amahirwe Munyantwali Alphonse ko ari we uzatsinda aya matora bitewe n’uburyo yagizwe umuyobozi bwa Police FC nta gihe kirashira ahita yiyamamariza kuba perezida wa FERWAFA ndetse akaba ari we wenyine kuri uyu mwanya. Akigirwa umuyobozi wa Police FC benshi bahise bemeza ko ari cyo kimuzanye.

Munyakazi Sadate wahoze ayobora Rayon Sports, yasabye ko amatora ya FERWAFA yahagarara kuko ateye isoni maze hagategurwa amatora azatorerwamo komite izateza imbere umupira w’amaguru kubera ko ikigaragara arimo gutegurwa ari baringa.

Avuga ko gutegura amatora atanyuze mu mucyo, FERWAFA izaba nyirabayazana wo gusenyuka kwa ruhago Nyarwanda n’ubundi ahamya ko iri mu manegeka.

Avuga ko aya matora yagakwiye guhagarikwa ashingiye ku bintu bine abona nk’inenge.

Ikintu cya mbere yavuze ko bibabaje kuba abantu bigabanya imyanya kugera aho 95% by’imyanya izatorerwa ari umukandida umwe rukumbi (candidat unique).

Ati 'Birababaje kubona abantu bigabagabanya imyanya kugera aho 95% y’imyanya itorerwa ari umukandida umwe (candidat unique) iyi akaba ari umusaruro wa manyanga kandi bikaba bidakwiriye mu gihugu nk’u Rwanda (ntabwo FERWAFA yakagombye kuba nk’inka yipfishije bagabagabana uko bashaka nabwo itagira nyirayo).'

Icya kabiri yavuze ko biteye isino n’ikimwaro kuba hari abakandida batanzwe n’amakipe kandi nyamara batarigeze baba abanyamuryango bayo.

Ati 'Birababaje kubona hari abakandida batanzwe n’amakipe nyamara batarigeze baba abanyamuryango bayo cyangwa batarasezeye aho basanzwe ari abanyamuryango, mu buryo bw’amategeko iyi ni inenge n’ikimwaro gikomeye cyane ku mupira n’igihugu cyacu.'

Yakomeje avuga ko ikindi kintu ikomeye ari ukuba bamwe muri Komite y’Inzubacyuho mu nshingano bafite harimo no gutegura amatora nabo bari mu biyamamaza.

Ati 'FERWAFA iyobowe na Komite y’Inzibacyuho, mu gihe cy’inzibacyuho Komite iyiyoboye iba ifite inshingano nk’ebyiri; gufata ibyemezo byihutirwa (affaires courantes) no gutegura amatora. Birasekeje kubona abayoboye inzibacyuho bari no mubiyamamaza kuyobora, muri macye ni ugutegura amatora yo kwitora, ibi ni ikimwaro kidakwiye mu gihugu kirangwa n’imiyoborere myiza nk’u Rwanda.'

Aha yashakaga kuvuga perezida w’inzibacyuho, Habyarimana Matiku Marcel wiyamamariza kuba visi perezida wa mbere ndetse na Mukankaka Ancila wiyamamariza kujya muri Komisiyo y’umupira w’amaguru w’abagore.

Inenge ya nyuma ni uko FERWAFA itoranyirizwa abayobozi baza kugira ibyo biga mu mupira aho kuba hari ibyo baje kuwigishamo.

Ati 'Iri shyirahamwe niryo ritoranyirizwa abayobozi baje kugira ibyo biga mu mupira aho kugira ibyo bigisha umupira, ibi byatugizeho ingaruka kandi ucyirwana nazo niba aya matora adahagaze bizakomeza kuba bibi.'

Yavuze ko ibyo byose ari byo bituma umupira w’u Rwanda udatera imbere. Yibaza impamvu abantu basanzwe bazwi mu mupira w’amaguru, abawukinnye bo badahabwa umwanya muri FERWAFA.

Munyakazi Sadate yatanze inenge 4 zatuma amatora ahagarikwa