Category: Uncategorized

Miss Uwase Muyango Claudine yavuze ikintu akorera umugabo we, Kimenyi Yves iyo ikipe asanzwe abereye umunyezamu ya Kiyovu Sports yatsinzwe.

Ubwo yari mu kiganiro cya Take Over ku Isibo TV asanzwe akoreraho, Muyango yavuze ko iyo Kimenyi yatsinzwe, ntabwo yamubwira ngo 'pole'.

Yavuze ko iyo umugabo atashye yatsinzwe, Muyango ahita atangira kumuganiriza amwereka ukuntu indi kipe nayo yatsinzwe, akamubwira ko umunyezamu wiyo kipe nawe yasotse nabi mu izamu bigatuma atsindwa akamwumvusha ko ibyamubayeho bisanzwe bibaho.

Ikindi Muyango yabajwijwe niba hari umusore bigeze gukundana ariko bagatandukana 'Ex' Muyango yavuze ko nta wundi musore azi mu rukundo ngo kuko Kimenyi ariwe rukundo rwe rwa mbere.

Ndetse kandi yavuze ko iyo umwana wabo akeneye guhindurirwa ibyo ya nyayo 'pampex' ni Kimenyi ubimukorera ngo kuko Muyango bimugora ngo kubora ko akunda kurwara umugongo bityo bikaba bimugora kumuhindurira pampex.

 

Source : https://yegob.rw/sinamubwira-ngo-pole-uwase-muyango-yavuze-ikintu-akorera-umugabo-we-kimenyi-yves-iyo-yatsinzwe-anasubiza-bimwe-mu-bibazo-byamatsiko/

Rutahizamu w'ikipe ya Rayon Sports ukomoka mu gihugu cya Cameroon, Leandre Willy Essomba Onana yateye utwatsi ubusabe bwa SIMBA SC yo mu gihugu cya Tanzania yamwifuzaga cyane.

Ku munsi wo kuwa gatandatu ubwo ikipe ya Rayon Sports yakinaga n'ikipe ya APR FC mu mukino w'igikombe cy'amahoro, ikipe ya SIMBA SC yari yohereje umuntu uje kureba rutahizamu Leandre Willy Essomba Onana ndetse amakuru dufite ni uko yamushimye cyane bitewe ni uko yitwaye muri uyu mukino ariko uyu mukinnyi we kwerekeza muri iyi kipe bizaba ari amahitamo ya 2.

Amakuru YEGOB twamenye ni uko Leandre Willy Essomba Onana afite ikipe barimo kuvugana yo mu Barabu ndetse mu ibanga kuko umuntu ushinzwe kumushakira ikipe nawe ubwe ngo ntabwo abizi ariko amakuru turayafite Kandi irimo no kumuha amafaranga menshi kuyirengagiza byagorana.

Leandre Willy Essomba Onana uyu mwaka yarigaragaje cyane kugeza aho Shampiyona yarangiye ari we ufite ibitego byinshi ndetse n'igikombe cy'amahoro naho yari afite ibitego byinshi. Uyu mukinnyi nyuma yo guhesha Rayon Sports igikombe yashimwe cyane n'abafana b'iyi kipe ndetse n'abakunzi b'umupira w'amaguru benshi hano mu Rwanda bitewe ni uko yitwaye muri uyu mukino.

 

Source : https://yegob.rw/leandre-willy-essomba-onana-yateye-utwatsi-ubusabe-bwa-simba-sc-ahindura-icyemezo-yari-yafashe/

Umukinnyi ukomeye cyane ku Isi ukina ku mugabane w'i Burayi mu gihugu cy'u Bubiligi wifuzwaga cyane n'igihugu cy'u Rwanda ubu ari fuzwa cyane n'ikipe ikomeye yo mu gihugu cy'u Bwongereza.

Ndayishimiye Mike Trésor w'imyaka 24 y'amavuko ukinira ikipe yo mu gihugu cy'u Bubiligi yitwa KRC Genk umaze iminsi yitwara neza cyane ndetse wegukanye n'igihembo cy'umukinnyi w'Umunyafurika witwaye neza kurusha abandi muri iki gihugu.

Muri uyu mwaka w'imikino wa 2022-2023 uyu mukinnyi yakinnye imikino igera kuri 39 abasha gutsindamo ibitego bigera ku munani maze atanga imipira yavuyemo ibitego igera kuri 24 ubu uyu mukinnyi asa nk'uwamaze gutera uwinyuma ikipe y'igihugu y'u Rwanda Amavubi kubera ko abona igihugu cy'u Bubiligi gishobora kumuhamagara.

Ubu uyu musore ntagihindutse umwaka utaha agomba kwerekeza muri shampiyona ikunzwe cyane kurusha izindi ku Isi ya Premier League dore ko ashakishwa uruhindu n'umutoza w'ikipe ya Burnley witwa Vincent Campany.

Source : https://yegob.rw/bakureyo-amaso-umukinnyi-washakwaga-nikipe-yigihugu-amavubi-agiye-kwerekeza-muri-premier-league/

Umwaka w’imikino wa 2022-23 washyizweho akadomo, APR FC yegukanye shampiyona ni mu gihe Rayon Sports yegukanye igikombe cy’Amahoro, akaba ari nayo makipe azasohokera u Rwanda mu mikino Nyafurika. Igikurikiyeho ni ukwiyubaka.

Ubu amakipe ahugiye mu kureba uburyo yakwiyubaka yitegura umwaka w’imikino wa 2023-24, ashaka uburyo yazawitwaramo neza bitandukanye n’uko bitwaye muri 2022-23.

Amakipe y’inkwakuzi akaba yaramaze kugaera ku isoko aho Rayon Sports ku ikubitiro yamaze gusinyisha myugariro wo ku ruhande rw’ibumoso usoje amasezerano muri Gasogi United, Bugingo Hakim.

Uretse uyu mukinnyi bivugwa ko ari ikipe iri mu biganiro n’umunyezamu Ntwali Fiacre na we usoje amasezerano muri AS Kigali, bivugwa ko ibiganiro n’iyi kipe yambara ubururu n’umweru bigeze kure.

Amakuru aturuka mu bari hafi y’uyu munyezamu bivugwa ko yari afite n’andi makipe amwifuza hanze y’u Rwanda nko muri DR Congo, nyuma y’uko Rayon Sports itwaye igikombe cy’Amahoro ikaba izahagararira u Rwanda mu mikino Nyafurika ya CAF Confederation Cup, yatangiye gutekereza cyane kuba yakinira iyi kipe kuruta gusohoka.

Police FC itaragize umwaka mwiza w’imikino aho yasoje ku mwanya wa 5 muri shampiyona, nayo yageze ku isoko.

Iyi kipe bivugwa ko yamaze gusinyisha umunyezamu Kimenyi Yves wakiniraga Kiyovu Sports. Uretse uyu munyezamu bivugwa ko ibiganiro bigeze kure n’abandi bakinnyi babiri bakinanaga muri iyi kipe, myugariro Ndayishimiye Thierry ndetse na rutahizamu Mugenzi Bienvenue ushobora gusimbura Mugisha Didier.

Bivugwa ko kandi umutoza Mashami Vincent yabwiye ubuyobozi bw’iyi kipe gukora ibishoboka byose Niyonzima Olivier Seif usoje amasezerano muri AS Kigali akaza kumufasha mu kibuga hagati.

APR FC, ikipe ikora ibintu byayo bucece, bivugwa ko izasezerera umubare munini w’abakinnyi. Iyi kipe y’ingabo z’igihugu ubu haravugwamo rutahizamu wa Police FC, Mugisha Didier nta gihindutse umwaka utaha azaba akinira iyi kipe yambara umukara n’umweru.

Kiyovu Sports nyuma yo kubura ibikombe byose yakiniraga mu Rwanda (Shampiyona n’icy’Amahoro), bivugwa ko igomba gukora impinduka ihereye mu batoza aho Andre Landeut na Mateso Jean de Dieu bagomba kwerekwa umuryango, bivugwa ko yamaze gusimbuzwa umurundi Ndizeye Jimmy.

Uretse abatoza, iyi kipe bivugwa ko izarekura abakinnyi batari munsi y’abakinnyi 10 barangajwe imbere kapiteni Kimenyi Yves bivugwa ko warangizanyije ka Police FC, bakaba bifuza kumusimbuza umunyezamu w’umurundi wafatiraga Le Messager Ngozi, Rukundo Onesme.

Ndayishimiye Thieery (ubanza ibumoso), Mugenzi Bienvenue (hagati) na Kimenyi Yves (iburyo) bose bivugwa ko bamaze kumvikana na Police FC

Ntwali Fiacre mu muryango winjira muri Rayon Sports

Mugisha Didier nta gihindutse arerekeza muri APR FC

Bugingo Hakim yamaze gusinyira Rayon Sports

Source : http://isimbi.rw/siporo/article/agezweho-ku-isoko-ry-igura-mu-rwanda-apr-fc-rayon-sports-police-fc

Abagize umuryango'Inkotanyi', urimo abarokokeye Jenoside I Kabgayi aho bari bahungiye abicanyi, bunamiye Abatutsi bahiciwe ubwo bari bahahungiye bahizeye kuhakirira. Baherekeje kandi bagenzi babo gusura Urwunge rw'Amashuri rwitiriwe Mutagatifu Yozefu I Kabgayi aho barokokeye.

Ishimwe Bolla Chantal warokokeye mu rwunge rw'Amashuri yisumbuye rwaragijwe Mutagatifu Yozefu rwa Kabgayi, avuga ko bagize ibyishimo bakimara kubona inkotanyi zibasesekaraho zije kubabohora. Ahamya ko bari bamenye ko interahamwe zatangiye kubagotera hagati kandi bagomba kubatwikira aho bihishe mu mashuri yo muri iki kigo.

Yagize Ati' Tubona inkotanyi zije kuturokora twarishimye cyane kuko twari twamenye amakuru ko interahamwe zatangiye kuhagota kugirango natwe twari dusigaye tutarapfa baze kutwica, ndetse banatwike amazu twari twihishemo mu mashuri n'ibigo twari twihishemo'.

Akomeza avuga ko bigoye kugaruka aho abawe biciwe kuko baratwarwaga ntibagaruke. Avuga ko kuhaza bibafasha cyane gukomeza kubibuka no kubaha agaciro bambuwe, ariko kandi no kwigisha abato ko bakwiye kwanga ikibi. Ahamya ko Jenoside yakorewe abatutsi mu Rwanda yateguwe kandi yigishwa igihe kirekire, ko kutigishwa neza aya mateka byatuma hari abigishwa urwango rwasubiza Abanyarwanda mu macakubiri yatumye hari imiryango izima.

Rutaremara Clement bakunze kwita' Tresor' avuga ko Jenoside yabaye afite imyaka 9, ava i Kigali bamaze kwica Papa we umubyara. Yabwiye intyoza.com ko amaze kugera i Kabgayi yabaye mu kigo cy'Urwunge rw'amashuri yisumbuye rwitiriwe Mutagatifu Yozefu rwa Kabgayi, ko tariki ya 2 Kamena 1994 ari bwo inkotanyi zabagezeho ahagana saa tatu za mugitondo(9:00′), zirabarokora.

Avuga ko gusura aho yarokokeye bimushimisha, akibuka ibihe yanyuzemo ndetse bikamuha imbaraga zo kubasha kwiyubakamo intege zo gukora ibyiza no kubikangurira abakiri bato agamije kubaka igihugu cyiza kizira amacakubiri n'ingengabitekerezo.

Umuyobozi mu muryango w'Inkotanyi ushinzwe kwibuka n'amateka, Shyaka Regis avuga ko bafite inshingano zo kubungabunga amateka ndetse bakaba banasura inzibutso zifitanye amateka n'abari muri uyu muryango, bivuze ko ufite uwe ushyinguye mu rwibutso bagomba kuhagera. Akomeza avuga ko baje muri iki kigo kugirango aba baharokokeye babasangize amateka babayemo.

Akomeza ati' Twigisha abato duhereye no ku bana tubyara kandi uwo tujyanye nawe ku rwibutso ntabwo yahakana ko Jenoside yakorewe abatutsi itabaye'. Avuga kandi ko banabakangurira kwirinda impuha n'abagihembera amacakubiri bashaka gusenya igihugu, bakoresheje ingengabitekerezo ishingiye ku moko, aho babinyuza mu buryo n'inzira zitandukanye harimo no ku mbuga nkoranyambaga birirwa babeshyabeshya.

Tariki ya 2 Kamena 1994 nibwo Ingabo za APR (Arme Patriotique Rwandais) basesekaye i Kabgayi barokora abatutsi bagera ku bihumbi 2000 bari bataricwa. Bivugwa ako hari hahungiye abasaga ibihumbi 50, gusa benshi barishwe abandi bajyanwa kwicirwa ku ruzi rwa Nyabarongo, abandi bajyanwa kwicirwa ku ngoro ya Muvoma mu Ngororero.

Akimana Jean de Dieu

Source : https://www.intyoza.com/2023/06/06/muhanga-gusura-aho-twarokokeye-bidusubiza-intege-no-kwibuka-amateka-mabi-twanyuzemo-abarokokeye-i-kabgayi/

Lt General Mubarakh Muganga wagizwe Umugaba Mukuru w'Ingabo z'u Rwanda na yahererekanyije ububasha na General Jean Bosco Kazura asimbuye.

Lt General Mubarakh kandi yanahererekanyije ububasha na Major General Vincent Nyakarundi Umugaba w'Ingabo zirwanira ku butaka.

The post Lt General Muganga yahererekanyije ububasha na Gen Kazura asimbuye appeared first on FLASH RADIO&TV.

Source : https://flash.rw/2023/06/06/lt-general-muganga-yahererekanyije-ububasha-na-gen-kazura-asimbuye/?utm_source=rss&utm_medium=rss&utm_campaign=lt-general-muganga-yahererekanyije-ububasha-na-gen-kazura-asimbuye

Bamwe mubo indagamuntu zabo zatembanwe n'amazi y'umugezi wa sebeya mu Karere ka Rubavu, barashima Leta y'u Rwanda nyuma yaho ikigo gishinzwe indangamuntu kibasanze ku masite aho bacumbikiwe bagafashwa kubona izindi bitabagoye.

The post Rubavu: Abahuye n'ibiza bari guhabwa izindi ndangamuntu appeared first on FLASH RADIO&TV.

Source : https://flash.rw/2023/06/06/rubavu-abahuye-nibiza-bari-guhabwa-izindi-ndangamuntu/?utm_source=rss&utm_medium=rss&utm_campaign=rubavu-abahuye-nibiza-bari-guhabwa-izindi-ndangamuntu

Guverinoma ya Malawi yatangiye gukora iperereza ku buryo Fulgence Kayishema, ukekwaho ibyaha bya Jenoside yakorewe Abatutsi, yabonye urwandiko rw'inzira ruzwi nka Passport (soma Pasiporo) rw'iki gihugu.

Iki gihugu kivuga ko uru rwandiko rw'inzira rwa Kayishem rwakoreshejwe hagati ya 2017-2018 mu mazina ya Positani Chikuse yari yarihimbye.

Kuri uyu wa Mbere, tariki ya 5 Kamena2023, Minisitiri w'imiturire, Kenneth Zikhale Ng'oma, yatangarije abanyamakuru ko abatanze urwo rwandiko rw'inzira muri iriya myaka bazabiryozwa nibaramuka babonetse.

 Ati 'Twarabikurikiranye kandi buri wese wamuhaye iri Pasiporo azahanwa n'amategeko. Turi gukosora amakosa yakozwe muri sisiteme.'

 Ku rundi ruhande ariko Minisitiri Zikhale yasobanuye ko Guverinoma y'u Rwanda yanatanze impapuro zo guta muri yombi abantu 55 bari muri iki gihug, bakekwaho kugira uruhare muri Jenoside yakorewe Abatutsi mu 1994, kandi ko batangiye gushakishwa hashingiwe ku mazina  yatanzwe.

Ati 'Aba ni Abanyarwanda ariko bashobora kuba barahinduye imyirondoro yabo kuko bari muri bamwe mu bashakishwa cyane ku Isi. Turi gushakisha isano baba bafitanye n'u Burundi kugira ngo kugira ngo dute muri yombi abo bantu bakekwaho kwica abantu barenga 2.000.'

The post Malawi yatangiye iperereza ku buryo Kayishema yabonye Pasiporo y'iki gihugu appeared first on FLASH RADIO&TV.

Source : https://flash.rw/2023/06/06/malawi-yatangiye-iperereza-ku-buryo-kayishema-yabonye-pasiporo-yiki-gihugu/?utm_source=rss&utm_medium=rss&utm_campaign=malawi-yatangiye-iperereza-ku-buryo-kayishema-yabonye-pasiporo-yiki-gihugu

Uwitwa MUDAGIRI Eric yasabye guhindura amazina mu buryo bwemewe n'amategeko MUDAGIRI CHRIS MUGANWA mu bitabo by'irangamimerere.

Impamvu atanga zituma asaba guhindura amazina akaba ari uko ari amazina ari kuri passport.

Source : https://umuryango.rw/amatangazo/article/itangazo-mudagiri-eric-yasabye-guhindura-amazina-akitwa-mudagiri-chris-muganwa

Miss Nishimwe Naomie wegukanye ikamba rya Miss Rwanda 2020 , umaze igihe mu munyenga w'urukundo n'umusore ukomoka muri Ethiopia yahishuye byinshi abantu batazi ku rukundo rwe .

Ibi Naomie yabitanagaje mu kiganiro asubiza bimwe mu bibazo yabajijwe n'abafana abinyujije kuri shene ye Youtube.

Nishimwe yabanje kubaza abamukurikira kuri Instagram ibibazo bashaka kubaza ku rukundo rwe.

Michael Tesfay yatangiye abara inkuru y'ukuntu yamenyanye na Miss Nishimwe Naomie, kuko aricyo kibazo cya mbere bahingukiyeho.

Ati 'Naje hano mu 2021 muri Nzeri, hari umuryango nari naramenye hano mu 2018 bongera kuntumira mu 2021 mu rugo rwabo. Hari abakobwa babiri bavukana bambaza niba nteganya kurushinga, batangira kunyereka abanyarwandakazi babonaga nahitamo umwe.'

'Byaje kurangira tugeze kuri Mackenzies [itsinda rya Miss Naomie nabo mu muryango we], barambwiye ngo aba bakobwa ni ibyamamare mu Rwanda kandi ni beza cyane.'

Avuga ko nyuma yaje guhurira muri restaurant na Uwase Kathia wo muri Mackenzies , inshuti bari kumwe zikamumwereka zimubwira ko ari umuvandimwe wa Miss Rwanda kandi afite umushinga ujyanye n'ibyo nawe yari ari gukoraho.

Ngo Michael yegereye Uwase , amwaka nimero ya Naomie ariko baranaganira aramwibwira amubwira n'icyamuzanye mu Rwanda. Michael yamubajije niba yazahura na Naomie kuko umushinga yari ari gukora yumvaga uyu mukobwa yaba umufatabikorwa mwiza.

Kathia ngo we iby'umushinga ntabwo ari byo yagiye abwira Miss Naomie ahubwo we yagiye amubwira ko yamuboneye umugabo.

Naomie kuri iyi ngingo yagize ati 'Nategereje ko Michael ampamagara ibyumweru bibiri […] nabwiye Kathia ko yampa nimero ye nibura nkaba nareba ifoto ye kuri WhatsApp.''

Ngo yarayimuhaye ariko undi atungurwa n'ifoto yari afiteho.
Naomie yahise asaba Kathia guhamagara uyu mukunzi we amubaza niba yaributse kumuvugisha, undi arabikora.

Michael yahise ahamagara Naomie amusaba ko bahura, nyuma bahurira ku iduka rya Mackenzies.

Miss Naomie ati 'Michael ahageze yabonye amafoto ya bagenzi banjye, ahita abaza niba muri bo hari ufite umuryango. Mbamusobanurira mbavuga nabi ariko mu buryo bwiza [aha Naomie yahise aseka]. Nigezeho nahise nitaka cyane mvuga ko nta mukunzi mfite.''

Noamie avuga ko bwa mbere ahura na Michael yahise abona amushituye.
Michael yabajijwe niba ari ubwa mbere akundanye n'umukobwa uzwi, asubiza ko ari ubwa mbere.

Miss Naomie yavuze ko bwa mbere ahura na se w'umukunzi we, kuvuga byamunaniye.

Ati 'Mpura na Papa wa Michael nari ndi muri Ethiopia, nandikira Michael musaba guhura na se […] ubwo nahuraga na we ntabwo navugaga. Ntabwo byari byoroshye ariko byari byiza.'

Michael we yavuze ko ahura na se wa Naomie bahuriye mu iduka ry'uyu mukobwa, bikarangira bamenyanye bakaganira bisanzuranyeho.

Naomie yahuye na mama w'umukunzi we mu minsi mike ishize ubwo yari mu Rwanda. Ati 'Twarahuje , twisanzuranaho.''

Mama wa Naomie we yahuye na Michael mu minsi mikuru ishize.
Naomie muri iki kiganiro yavuze ko akunda ukuntu umukunzi we amwitaho, agaterwa ishema n'ibikorwa bye. Umukunzi we yagaragaje ko mu gihe habayeho kutumvikana uyu mukobwa ariwe ucisha make.

Inkuru y'urukundo rw'aba bombi yatangiye kumvikana mu itangazamakuru bitandukanye kuva muri Mata 2022.

Michael Tesfay ukundana na Nishimwe ni umusore ufite Masters mu bijyanye n'ubuvuzi. Yize muri Kaminuza ya Edinburgh mu Bwongereza ariko muri iki gihe asigaye aba mu Rwanda.

Afite imishinga itandukanye ijyanye n'ubuzima irimo n'uwo afatanya na Miss Akaliza Amanda ujyanye no kwita ku buzima bwo mu mutwe hifashishijwe ikoranabuhanga.

Source : https://umuryango.rw/imyidagaduro/article/miss-naomie-yahishuye-aho-yahuriye-n-umukunzi-we-n-uwabahuje-amfoto