Webrwanda Backend

Category: Uncategorized

  • Ikiganiro na Dr. Innocent Mugisha wagizwe Umu… – #rwanda #RwOT

    Dr.Mugihsa  ahamya ko Mount Kigali University  izakomeza  guhamya  ibigwi. 

    Mwatangira mutwibwira muri make ?

    Ndi Dr. Innocent Sebasaza Mugisha, mfite imyaka 64. Navukiye hano mu Rwanda ariko nize muri Suede, Isiraheli, Lesotho, Botswana na Uganda. Nakoze muri kaminuza mu buzima bwanjye bw’umwuga. Nari Umuyobozi mukuru mu Nama Nkuru y'Amashuri Makuru muri Minisiteri y'Uburezi kuva 2014-2017, nkaba n'umuyobozi ushinzwe ubuziranenge muri kaminuza y'u Rwanda (UoR) kugeza mu mwaka wa 2021. Nigishije kandi muri UoR no muri Kaminuza nkuru ya Lesotho. Ndi umwarimu ku bw’umwuga kandi nkunda kwiyita umwarimu.

    Ni iki cyahushishikaje cyane kurusha ibindi mu  burezi  ?

    Birashimishije, ndakeka. Nkomoka mu muryango wicisha bugufi cyane. Natangiye amashuri yanjye ya mbere muri Uganda mu ntangiriro ya za 70 aho twabanaga nk’impunzi. Sisitemu yuburezi muri kiriya gihe  yari iy’Abongereza. Ku kizamini cya nyuma gikorwa  mbere yo kwinjira muri Kaminuza nakoze Science nibwira ko nziga umwuga ujyanye na Kaminuza. Ariko igihe ababyeyi banjye banjyanaga muri Lesotho (Afrika y’Epfo), nisanze nkora Uburezi. Buhoro buhoro narushijeho kubishaka kandi sinigeze nicuza guhitamo. Noneho, nshobora kuvuga ko gukurikirana umwuga wanjye mu burezi byabaye ku bw’amahirwe.

    Nahawe impamyabumenyi ya Bachelor of Arts mu burezi muri Kaminuza nkuru ya Lesotho International School mu 1990, kandi mfite impamyabumenyi y’ikirenga yakuye mu kigo kimwe nyuma yimyaka itatu.

    Nyuma yaho, nigishije muri Kaminuza imwe mbere yo kujya muri Kaminuza ya Linkoping muri Suwede aho nakuye impamyabumenyi y’ikirenga ya PhD mu burezi mu mwaka wa 2010. Icyo gihe nari maze kuba umunyamuryango w’ishami ry’uburezi muri kaminuza y’u Rwanda.

    Ni  ayahe marangamutima  yawe ku izina  ‘ Mount Kigali University’ by'umwihariko  uburyo  rishushyanya ugukunda igihugu kw’Abanyarwanda?

    Izina ‘Kaminuza ya Mount Kigali’ ryemejwe binyuze mu  nama y’Abaminisitiri iyobowe  na Nyakubahwa Perezida Paul Kagame. Ndemera ibyakozwe n'inama y'Abaminisitiri  ku guhindura izina rya  Mount Kenya University.

    Mount Kigali  ni umusozi uzwi cyane mu mateka y'u Rwanda , kuwitirira Kaminuza ni ibintu biboneye.

    Guhindura Mount Kenya ikaba  Mountu Kigali  University  bigaragaza ishema  ku Rwanda  ndetse  bikerekana  mu buryo butomoye  umwimerere-nyarwanda.Ikindi biha Kaminuza  ibirango  gakondo  nubwo nk'ikigo izakomeza kuba nyambere  mu z'indi Kaminuza.

    Kaminuza ya Mount Kigali izubahiriza amahame yujuje ibisabwa mu Rwanda, n’amategeko agenga amashuri makuru mu gihugu. Ndahamya ko nk’uko  umubyeyi w’iyi  Kaminuza ari we Mount Kenya  yagwije ibigwi muri Kenya natwe tugomba  kugera ikirenge mu cye tukabigwiza na hano  mu  Rwanda. 

    Ni ikihe  cyerekezo cyawe nk’umuyobozi w’Inama ya kaminuza ya Mount Kigali University?

    Reka ntangire mvuga ko nshimishijwe izi nshingano nshya.Icyerekezo cyanjye ni kirekire   ariko birashoboka. Kaminuza ya Mount Kigali ije mugihe bimaze kugaragara ko hakenewe   kongerera   amashuri urwego.

    Abarangije Kaminuza ntibagakwiye  gukora   gusa ibyo bize ma byumba by’amashuri ahubwo ko  bakwiye kuba umusemburo w’iterambere ry’aho batuye bibanda ku bushakashatsi bugamije  guhindura imibereho y’abaturage.

    Reka nguhe urugero, Vuba aha, u Rwanda kimwe n'ibindi bihugu byinshi byo mu karere byibasiwe n'ibiza . Abantu benshi barapfuye. Nari niteze ko abanyeshuri biga amasomo ajyanye n’iterambere ry’imijyi , imicungire y’ubutaka, igenamigambi, hamwe n'imicungire y'ibiza bazagira uruhare runini mu gushakira igisubizo iki cyago  bakagishakira igisubizo  kirambye.

    Umuti wihuse ni guhuza ubushakashatsi mu bikorwa byo kwigisha. .Si ibintu bigomba gukorwa nyuma .Uburyoamanota atangwa   ni ikigaragaza uruhare rw’umunyeshuri  mu  kunguka ubumenye biruseho mu byo yahisemo kwiga.

    Tugomba  gushyiraho uburyo  bwihariye  gahunda y'amahugurwa  ku barangije  kaminuza hagendewe ku byo bize. Ntekereza ko  ibi bizatanga umusanzu mu iterambere ry'igihugu.

    Tugomba kandi gushiraho imiyoboro ikomeye y'inganda (amabanki, amahoteri, ibitaro, amashuri yisumbuye nayibanze) kugirango abanyeshuri bacu bahabwe ubumenyi-ngiro.Iri  huriro cyangwa  umuyoboro  rizatanga amahirwe  yo kwimenyereza ndetse no kwihangira imirimo.Umunyeshuri urangije muri  Kaminuza ya Mount Kigali ntazakenera andi mahugurwa kugira ngo yinjire ku isoko ry'umurimo rijyanye n'inyo yize  kuko azaba afite impamba ifatika.

    Nishimiye cyane  ko Kaminuza ya Mount Kigali irimo kubaka Hotel y’inyenyeri enye (Kigali Paramount), izatanga ubumenyi ngiro ku banyeshuri bacu biga  ibijyanye no kwakira abantu . Mugihe barangije bazaba bafite ubumenyi buhagije ku buryo  batazakenera  ubwunganizi  mu kazi.

    Byongeye kandi tuzimakaza   iyi gahunda yo  kwimenyereza  umwuga ku  banyeshuri  ku buryo bizarangira bibaye umuco  bitakiri itegeko kuri bo mbere y'uko basoza.

    Ikindi kandi  tuzashaka  abarimu   baturutse mu bisata bitandukanye  ku buryo  amanota  atariyo azabahuza n'abanyeshuri ko ahubwo bazaba ari abanjyanama babo.Birumvikana ko izo mbaraga zizuzuzwa no gusubiramo integanyanyigisho zisanzwe kugira ngo imyigishirize n'inyigisho bihure n'ibikenewe  ku isoko ry'umurimo mu gihugu.

    Tugomba   kwizera kandi  ko Kaminuza ya Mount Kigali  igomba kugira uruhare  rukomeye mu mibereho myiza y'abaturage. Imwe muri gahunda zacu nyamukuru ni inkunga duha  Imbuto Foundation kandi  izakomeza.

    Ikindi Tuzakoresha  ivuriro riri muri Kaminuza kugirango dutange serivisi z'ubuvuzi ku baturage. Muri Hotel ya Kigali Paramount turimo kubaka na Farumasi izatanga imiti ivura abaturage.

    Byongeye kandi Kaminuza ya Mount Kigali izongera inkunga ku mashuri abanza n'ayisumbuye aturanye  nayo cyane cyane mu bijyanye na siporo, kubaka ibyumba by'ishuri, na bourse . Bourse izaba iri mu bice bitandukanye birimo siporo, ICT n’itangazamakuru.

    Tuzongera kandi  uruhare rwacu  mu gushyigikira  gahunda ya Girinka  n'Umuganda ku nyungu z’abanyarwanda  muri rusange.

    Ni gute Kaminuza ya Mount Kigali   izakomeza gusigasira ibigwi bya Mount Kenya University ?

    Kugirango dukomeze guhatana haba mu Karere ndetse no ku rwego mpuzamahanga, Kaminuza ya Mount Kigali izabyaza umusaruro abakozi bayo baba abo mu gihugu cyangwa  mu mahanga.Kugeza ubu abashoramari  kimwe n'ibigo  by’ambukiranya imipaka bashoye  imari    haba ibikoresho  n'abakozi muri  Mount Kigali University . Biyemeje kandi gukomeza gushora imari mu bikorwa remezo kugirango abanyeshuri bacu barangije bashobore guhangana  ku isoko  atari mu Karere gusa ahubwo no no  ku rwego mpuzamahanga. 

    Imiterere mishya yemerera Kaminuza gutegura ibirori byo gutanga impamyabumenyi  ku barangije, igakuraho inzitizi  ku barangije  basabwaga  kujya muri Kenya.

    Munyemerere nshyire ahagaragara  ko Kaminuza ya Mount Kigali yasinyanye amasezerano y'ubwumvikane na kaminuza ya Mount Kenya kandi ko azakomeza gushyira mu bikorwa nta nkomyi.

    Ni uwuhe mugambi ufitiye  Kaminuza ya Mount Kigali mu bijyanye  no kwiga hifashishijwe ikoranbuhanga?

    Kwiga  hifashishijwe ikoranabuhanga  bizorohereza buri wese  aho ari hose gukurikirana amasomo ya Kaminuza. Ibi tuzabikora dushyiraho ibikorwa remezo bya ICT kandi tunagenzure   ibyo  gutanga impamyabumenyi hakoreshejwe ikoranabuhanga .

    Byongeye kandi tuzashyiraho  uburyo bwo kwishyura ikiguzi kuri module cyane cyane ku banyeshuri bifuza kwiga amasomo yacu kugirango bunguke ubumenyi n'ubuhanga runaka  batagamije gushaka impamyabumenyi.

    Ubu buryo bwacu bw'imyigishirize  hifashishijwe ikoranabuhanga  buzagera ku bantu benshi ku Isi  hose  bakeneye kwiyungura ubumenyi no kuba impuguke.  

    Isi igenda  yinjira mu ikorershwa ry'ubwenge bw'ubukorano .Twabonye  abanyeshuri babukoresha  mu kwandika ubushakashatsi, ibinyamakuru  bikoresha ama-robo mu gusoma amakuru.Wowe ubona gute iki kintu?

    Ndabona ari amahirwe ntabwo ari iri ikintu kigomba gutera abantu ubwoba. Igihe natangiraga kwigisha mu 1990, Microsoft PowerPoint yari  igezweho cyane . Bamwe mu barimu banje babishidikanyagaho cyane. Ariko ubu, nk'uko mubizi, hafi ya bose barabikoresha.

    A.I (Artificial  Intelligence) ishobora kwigana ibiranga abantu ariko ni ngombwa kumenya ko nta munsi n'umwe ubwonko bw'umuntu buzigera busimburwa. Muri kaminuza ya Mount Kigali, tuzaharanira kuba igicumbi cya  A.I.

    Tuzerekeza  gahunda yacu y'imyigishirize iganisha abanyeshuri  mu ikoreshwa ry'ikoranabuhanga  aho bizaba ngombwa tuzakoresha A.I  bitangije  ireme ry'uburezi dutanga.


    Mount Kigali University  yiyemeje  kuyobora izindi Kaminuza mu ireme ry’uburezi

    Source : https://inyarwanda.com/inkuru/130277/ikiganiro-na-dr-innocent-mugisha-wagizwe-umuyobozi-winama-njyanama-ya-mount-kigali-univers-130277.html

  • Hagiye gusohoka amabwiriza mashya agenga irondo ry'umwuga #rwanda #RwOT

    Minisiteri y'ubutegetsi bw'igihugu iravuga ko mu gihe cya vuba hagiye gusohoka amabwiriza mashya agenga irondo ry'umwuga ndetse habeho n'amavugurura mu mikoreshereze y'umusanzu w'umutekano utangwa n'abaturage.

    Ibi Minisitiri w'ubutegetsi bw'igihugu Musabyimana Jean Claude, yabigarutseho kuri uyu wa gatatu mu nteko rusange y'umujyi wa Kigali yahuje abayobozi bose mu nzego z'ibanze mu mujyi.

    Ni kenshi abaturage bagiye bashyira mu majwi abanyerondo ko badakora akazi kabo neza bigatiza umurindi ibikorwa by'ubujura mu mujyi.

    Si rimwe si kabiri humvikana abaturage bakemanga imikorere y'irondo ry'umwuga by'umwihariko mu mujyi wa Kigali ndetse hakaba n'abemeza badashidikanya ko aho abanyerondo batarangaye bigaha icyuho abajura hari n'aho bashinjwa kugira uruhare mu bikorwa by'ubujura bo ubwabo.

    Umwe mu baturage yagize ati 'Ntabwo imikorere y'abanyerondo ihwitse,niba utuye ahantu ugasanga mu ma saa tanu,saa sita uribwe,ugatera induru ntihagire umunyerondo n'umwe uhagera kandi ryitwa ngo rirahari.'

    Mugenzi we ati'Cyane cyane nko kuba Mama nk'ubu ashobora kuba yihagarariye gutya kandi ureba bariya ari abanyerondo telefoni bakayitwara.'

    Ibivuga n'abaturage birashimangirwa n'urwego rw'imiyoborere RGB mu bushakasgatsi buheruka bugaragaza uko abaturage biyumva mu nzego zibaha serivisi zibegereye.

     Dr Usta Kayitesi, akuriye urwego RGB aha yatangaga ikiganiro mu nteko rusange y'umujyi wa Kigali yateranye kuri uyu wa gatatu.

    Yagize ati 'Ubujura ni ikintu tugomba guha imbaraga zikwiye kuko ni ikibazo cy'umutekano,u Rwanda rumaze kugaragara kenshi nk'igihugu abantu bishimira kugenda nijoro bakumva barisanzuye iki rero tugomba kukitaho.'

    Hari abagize inteko ishingamategeko umutwe w'abadepite nabo bagaragaje impungenge ku bujura buri kwiyongera nyamara rubanda rwirya rukimara utanga umusanzu w'umutekano.

    Uyu mudepite we yagize ati 'Ikibazo cy'ubujura,ubu abaturage Nyakubahwa Minisiter mu cyaro barahinga hano hakaba abantu bazamuka mu  mujyi bagiye  gusaruro,niba turi buzane Camera zihariye niba irondo ry'umwuga turigeza he?'

    Minisiteri y'ubutegetsi bw'igihugu, ivuga ko mu gihe cya vuba hagiye gusohoka amabwiriza mashya agenga irondo ry'umwuga ndetse habeho n'amavugurura mu mikoreshereze y'umusanzu w'umutekano utangwa n'abaturage mu buryo Minisiteri w'ubutegetsi bw'igihugu, Jean Claude Musabyimana asobanura.

    Yagize ati 'Hari amabwiriza agiye gusohoka yo kuvugurura uburyo irondo rikorwa,kuko dufite ikibazo cy'amarondo,yaba ku marondo y'umwuga n'ayatarayumwuga,ndetse n'aho dufite ay'umwuga hano mu mijyi,amenshi ntabwo adukorera twakoze ubugenzuzi dusanga amafaranga y'irondo igice kinini ntabwo gikoreshwa mu irondo gikoreshwa mu bindi.'

    Bamwe mu bayobozi b'imidugudu mu mujyi wa Kigali bagaragaje kunyurwa n'icyemezo cya Minisiteri y'ubutegetsi bw'igihugu yafashe ku birebana n'amavugurura ku irondo ry'umwuga.Tuyisenge Aimable Sandru Abdu ayobora umudugudu wa Kirwa mu murenge wa Nyakabanda ni mu karere ka Nyarugenge.Mu gihe Mukabaranga Marcella ayobora umudugudu w'Ibuhoro muri uwo murenge.

    Tuyisenge Aimable Sandru Abdu yagize ati 'Umurongo aduhaye ku bwacu twe dufite amabwiriza agenga I rondo turawushyigikiye,atugaragarije ko amafaranga y'irondo yakagombye kumanuka akajya mu kagari,ibyo rero bizatuma akari n'imidugudu bikora cyane kurusha uko abantu babonaga ko bitabareba.'

    Mukabaranga Marcella  ati 'Icyo kintu turagishyigikiye cyane pe kuko n'ubundi ni cyo cyari icyifuzo cyacu,tubona byafasha irondo gukora neza.'

    Urwego rw'igihugu rw'imiyoborere, RGB, rwagaragaje ko abaturage bo mu karere ka Nyarugenge

    ari bo baza ku isonga mu turerere dutatu tw'umujyi  mu kugaragaza ko babangamiwe n'ubujura.RGB  igaragaza ko abatuye Nyarugenge bagaragaje ko babangamiwe n'ubujura ku gipimo cya 89.1%.

    Mu gihe abo muri Gasabo bo babangamiwe n'ubujura ku gipimo cya 87.7% naho icukiro  ikaba kuri 73%.

    Tito DUSABIREMA

    The post Hagiye gusohoka amabwiriza mashya agenga irondo ry'umwuga appeared first on FLASH RADIO&TV.

    Source : https://flash.rw/2023/06/07/hagiye-gusohoka-amabwiriza-mashya-agenga-irondo-ryumwuga/?utm_source=rss&utm_medium=rss&utm_campaign=hagiye-gusohoka-amabwiriza-mashya-agenga-irondo-ryumwuga

  • Itangazo:FASHI Rugoyera yasabye guhindura amazina akitwaFASHI RUGOYERA (…) – Umuryango.rw #rwanda #RwOT

    Uwitwa FASHI Rugoyera yasabye guhindura amazina mu buryo bwemewe n'amategeko FASHI RUGOYERA Alphonse mu bitabo by'irangamimerere.

    Impamvu atanga zituma asaba guhindura amazina akaba ari uko ari amazina yakoreshaga kuva yatangira kwiga.

    Source : https://umuryango.rw/amatangazo/article/itangazo-fashi-rugoyera-yasabye-guhindura-amazina-akitwafashi-rugoyera-alphonse

  • Gisagara:Amafaranga 500 yatumye umugore yipfakaza – Umuryango.rw #rwanda #RwOT

    Umugore wo mu Murenge wa Save mu Karere ka Gisagara, akurikiranyweho kwica umugabo we amuhoye amafaranga 500 Frw yari amuhaye ngo ajye kuyahahisha, ariko agashaka kuyisubiza.

    Uyu mugore w'imyaka 39 akurikiranywe n'Ubushinjacyaha ku Rwego Rwisumbuye rwa Huye, bwamaze gushyikiriza ikirego Urukiko Rwisumbuye rwa Huye.

    Akekwaho kwica umugabo we w'imyaka 41 amukubise umuhini mu mutwe, mu ijoro ryo ku ya 24 Gicurasi 2023 saa mbiri z'ijoro.

    Ubushinjacyaha busobanura ko iki cyaha cyabereye mu Mudugudu wa Kivumu mu Kagari ka Rwanza mu Murenge wa Save mu Karere ka Gisagara, ubwo nyakwigendera n'umugore we bari batashye bavuye mu kabari kunywa inzoga.

    Buvuga ko ubwo bari batashye, umugabo yahaye umugore we amafaranga maganatanu (500 Frw) ngo ajye guhaha, ariko agashaka kuyisubiza, bigatuma bayarwanira, ari na bwo umugore yahise afata umuhini bahurisha umuceri, akawukubita nyakwigendera mu mutwe, agahita ajya mu cyumba, yajya kureba agasanga yapfuye.

    Source : https://umuryango.rw/amakuru/mu-rwanda/umutekano/article/gisagara-amafaranga-500-yatumye-umugore-yipfakaza

  • Bahati uheruka kubatizwa agiye kurushinga n'Umudiyasipora – Umuryango.rw #rwanda #RwOT

    Nyuma yo kubatizwa mu mazi menshi akakira Yesu nk'umwami n'umukiza Bahati wamenyekanye mu itsinda rya Just Family yateguje ubukwe bwe n'umukunzi we witwa Unyuzimfura Cecile, usanzwe utuye hanze y'u Rwanda.

    Ubukwe bwabo buteganyijwe ku wa 27 Nyakanga 2023 na Tariki 5 Kanama 2023 nk'uko integuza zabwo zibigaragaza.

    Gusaba no gukwa bizabera ahitwa Prime Garden i Gikondo ku wa 27 Nyakanga 2023.
    Gusezerana imbere y'Imana ni ku wa 5 Kanama 2023 mu busitani bwa St Paul ari naho hazakirirwa abatumiwe muri ibi birori.

    Mu gushaka amakuru, umwe mu nshuti za hafi z'uyu muhanzi yavuze ko agiye gukora ubukwe n'umukobwa uba muri Canada.

    Amakuru avuga ko bombi bamaze igihe bamenyanye ndetse mu minsi yashize bahuriye hanze y'u Rwanda, ari nabwo bemeranyije ibyo kubana, Bahati akamwambika impeta.

    Ku rundi ruhande amakuru avuga ko nyuma y'ubukwe, Bahati azahita atangira gushaka ibyangombwa byo kwimukira muri Canada aho umugore bagiye kurushinga asanzwe atuye.

    Si Bahati gusa uzaba wimukiye hanze y'u Rwanda mu bo babanye mu itsinda rya Just Family kuko Kim Kizito asigaye atuye i Burayi, Jimmy na Chris baherutse kwimukira muri Leta Zunze Ubumwe za Amerika mu gihe Croidja atuye muri Afurika y'Epfo.

    Source : https://umuryango.rw/imyidagaduro/article/bahati-uheruka-kubatizwa-agiye-kurushinga-n-umudiyasipora

  • Yari umujura – ibintu 10 bitangaje kuri Zlatan wiyitaga Imana wasezeye ruhago mu marira #rwanda #RwOT

    Amarira ashoka, tariki ya 4 Kamena 2023 rutahizamu ukomoka muri Sweden wakiniraga AC Milan mu Butaliyani yasezeye umupira w’amaguru burundu, hari mbere y’umukino batsinzemo Verona 3-1.

    Uyu rutahuzamu w’imyaka 41 yakiniye amakipe atandukanye akaba yasoreje muri AC Milan yakiniye imikino 125 ayitsindira ibitego 76.

    Yasezeye mu marira

    Muri 2016 nyuma y’igikombe cya Euro, uyu rutahizamu wa Sweden yatangaje ko asezeye mu ikipe y’igihugu ya Sweden, muri 2021 yakuyigarukamo. Yayiyikiniye imikino 122 ayitsindira ibitego 62.

    Icyo gihe avuga kuri ubu butumire bw’ikipe y’igihugu, Zlatan Ibrahimovic, yifashishije urukuta rwa Twitter yagize ati'kugaruka kw’Imana muri Svensk Fotboll(ikipe y’igihugu ya Sweden)'

    Ibrahimovic yongeye guhamagarwa mu ikipe y’igihugu nyuma y’imyaka 5 yari amaze asezeye

    Zlatan ni umwe mu bakinnyi batangaje Isi yagize akenshi bitewe n’ibyo agenda atangaza cyangwa se imibireho ye.

    Tugiye kurebera hamwe ibintu 10 bitangaje kuri uyu mukinnyi ukwiye kumenya, yaba ku buzima bwe cyangwa ibisubizo yagiye asubiza itangazamakuru.

    10. Mu bwana bwe yari umujura

    Zlatan Ibrahimovic mu bwana bwe igihe kinini yakimaraga kuri sitasiyo ya polisi muri Sweden, mu myaka yatambutse yatangaje ko muri iyo myaka y’ubuto bwe yari azwi nk’umujura w’amagare.

    Uretse ibi kandi iyo usomye ibimwerekeyeho usanga yarajyaga anamena ama super market akoresheje amatafari.

    9. Umukinnyi w’ibihe byose kuri we

    Bitewe n’uburyo ateye, benshi bamufata nk’uwiyemera, bazi ko Zlatan Ibrahimovic ashobora kuvuga ko ari we mukinnyi mwiza ku Isi, ariko kuri we umukinnyi yemera ni umunya-Brazil, Ronaldo.

    8. Yari afite amahirwe yo gukinira ibindi bihugu 2

    Uretse kuba yaravukiye muri Sweden, Zlatan ababyeyi be babaye impunzi mu bihugu bya Croatia na Bosnia-Herzegovina, nabyo yari afite amahirwe yo kubikinira. Yahamagawe bwa mbere mu ikipe y’igihugu ya Sweden muri 2001.

    7. Zlatan ni ijambo riri mu nkoranyamagambo(dictionary)

    Twese tuzi hashtag ya #daretozlatan yakwirakwiye kuri Twitter mu myaka yatambutse, ariko se uzi ko interuro 'to Zlatan’ iri mu nkoranyamagambo yo muri Sweden? Bisobanuye gukora ikintu n’impano yo hejuru.

    Bimwe mu bisubizo bitangaje yasubije itangazamakuru

    6.Ubwo Raphael Van der Vaart yamushinjaga kumukinira nabi kuko yari yamuvunnye, Ibrahimovic yagize ati' Sinakuvunnye ku bushake, ni impanuka nagize niwongera kunshinja ibyo binyoma noneho nzavuna amaguru ya we yose kandi icyo gihe nzabikora mbishaka.'

    5. Nyuma y’uko igihugu cye cya Sweden kibuze itike y’igikombe cy’Isi cya 2014, yatangaje ko igikombe cy’isi kitarimo Zlatan nta rushanwa rikirimo.

    Yagize ati'ikintu kimwe kandi cy’ukuri ni uko igikombe cy’Isi ntarimo, nta kintu na kimwe waba ukirebamo.'

    4. Mu mwaka w’imikino wa 1999-2000 Arsene Wenger yasabye Zlatan kuza gukora igeragezwa mu ikipe Arsenal arabyanga, itangazamakuru rimubajije impamvu yabyanze yagize ati'Arsene Wenger yansabye kuza gukora igeragezwa muri Arsenal ubwo nari mfite imyaka 17 ariko ndamwangira mubwira ko Zlatan atajya ageragezwa.'

    3. Ubwo yendaga kuva muri PSG, yabajijwe ikintu cyatuma aguma mu ikipe ya Paris Saint Germain yavuze ko kereka bakuyeho umunara muremure ubarizwa mu mujyi wa Paris bakawusimbuza ishusho ye.

    Yagize ati'Sintekereza ko basimbuza umunara wa Eiffel ishusho yanjye, n’abayobozi b’ikipe ntibabikora gusa babikoze nahaguma.'

    Yasabye ko kugira ngo agume muri PSG umunara wa Eiffel usimbuzwa ishusho ye

    2. Abajijwe imyanya ashobora gukina mu kibuga yavuze ko afite ubushobozi bwo gukina imyanya yose uko ari 11.

    Yagize ati'Njyewe imyanya yose uko ari 11 mfite ubushobozi bwo kuba nayikinamo kuko umukinnyi yakina aho ariho hose.'

    1. Ubwo Zlatan Ibrahimovic yabazwaga imyaka ye yagize ati”Ndi nk’inzoga ya Wine, uko nshaje ni byo bituma nitwara neza nka kundwa na benshi.'

    Yakiniraga AC Milan mu Butaliyani

    Source : http://isimbi.rw/siporo/yari-umujura-ibintu-10-bitangaje-kuri-zlatan-wiyitaga-imana-wasezeye-ruhago-mu-marira

  • Abakunzi be bashonje bahishiwe: Umuhanzi Davis D agiye gukorana indirimbo n’ibyamamare muri muzika nyarwanda – YEGOB #rwanda #RwOT

    Umuhanzi ukomeye cyane hano mu Rwanda Davis D ukunze kwiyita umwami w'abana agiye gushyira hanze indirimbo nshya ari kumwe n'ibyamamare muri muzika nyarwanda.

    Davis D uzwiho kugira udushya twinshi mu Rwanda yamaze gutangaza ko agiye gushyira hanze indirimbo nshya yise 'Bermuda' yakoranye n'abaraperi bakomeye cyane hano mu Rwanda aribo Bull Dog ndetse na Bushali uri kubarizwa ku mugabane w'i Burayi muri iyi minsi.

    Uyu muhanzi kandi yatangaje ko igihe k'inkundo cyamaze kurangira ubu hagezweho igihe cyabo ibi yabitangaje ubwo yateguzaga iyi ndirimbo.

    Source : https://yegob.rw/abakunzi-be-bashonje-bahishiwe-umuhanzi-davis-d-agiye-gukorana-indirimbo-nibyamamare-muri-muzika-nyarwanda/

  • Umunyamakuru w’imikino Sam Karenzi bwa mbere avuze ikintu yakoze gikomeye ku mupira kigatuma yirukanwa kuri Radio 10 – YEGOB #rwanda #RwOT

    Umunyamakuru w'imikino ukunzwe na benshi hano mu Rwanda Sam karenzi yatangaje ikintu yavuze agahita yirukanwa kuri Radio 10 Kandi we yumvaga ntacyo bitwaye.

    Sam karenzi ukunze kuvuga atarya iminwa ku bintu bitagenda neza ndetse n'ibigenda neza muri Siporo y'u Rwanda, amaze igihe akora kuri Radio Fine FM nyuma yo kwirukanwa kuri Radio 10.

    Mu kiganiro uyu munyamakuru akora buri munsi kuri Radio Fine FM, Kuri uyu wa gatatu yatangaje ko ubwo yakoraga kuri Radio 10 yaje gutabaza Perezida wa Repubulika y'u Rwanda kubera ibintu yari abonye biri gukorwa muri Siporo bitanogeye abanya-mupira ariko kuva icyo gihe yahise atangira kudakundwa na benshi binamuviramo kwirukanwa kuri iyi Radio.

    Ibi yabitangaje ubwo abanyamakuru akorana nabo bavugaga ku bantu biyamamaje mu nshingano zitandukanye zo kuyobora FERWAFA bibaza ikintu kiba cyakozwe kugirango abantu batari basanzwe mu mupira bemererwe kwiyamamaza abawusanzwemo bagakurwamo.

     

    Source : https://yegob.rw/umunyamakuru-wimikino-sam-karenzi-bwa-mbere-avuze-ikintu-yakoze-gikomeye-ku-mupira-kigatuma-yirukanwa-kuri-radio-10/

  • Barangajwe imbere na Leandre Essombe Onana! Muri Rayon Sports amatora ararimbanyije hatorwa umukinnyi mwiza w’ukwezi wa 5 – YEGOB #rwanda #RwOT

    Mu ikipe ya Rayon Sports amatora ararimbanyije hatorwa umukinnyi umwe muri batatu bitwaye neza mu kwezi kwa Gicurasi 2023.

    Aba bakinnyi uko ari batatu barangajwe imbere na Leandre Willy Essombe Onana, Hategekimana Bonheur ndetse na Elie Ganijuru Ishimwe.

    Source : https://yegob.rw/barangajwe-imbere-na-leandre-essombe-onana-muri-rayon-sports-amatora-ararimbanyije-hatorwa-umukinnyi-mwiza-wukwezi-wa-5/

  • Bwa mbere hatangajwe ikipe Lionel Messi azerekezamo – YEGOB #rwanda #RwOT

    Nyuma yo gutandukana na PSG,  hatangajwe ikipe kizingenza Lionel Messi azerekezamo mu mwaka utaha w'imikino.

    Bigitangazwa ko atazasinya andi masezerano muri Paris Saint Germain, hatangajwe ibihuha byinshi bivuga amakipe azerekezamo,  gusa birangiye uyu mugabo w'imyaka 35 yerekeje muri Leta zunze ubumwe za Amerika.

    Nk'uko umunyamakuru Guillem Balague dukesha iyi nkuru yabitangaje,  Lionel Messi yafashe umwanzuro wo kwerekeza mw'ikipe ya Inter Miami.

    Iyi kipe ikaba ari iy'umugabo wakanyujijeho muri ruhago, David Beckam ndetse ikaba itozwa na Phil Neville bahoze bakinana muri Manchester United.

    Source : https://yegob.rw/bwa-mbere-hatangajwe-ikipe-lionel-messi-azerekezamo/