Mba mbona ubwiza bukuriho,
N'ubushishozi bukurimo,
Ari byo bintu nagenewe,
Ngo njye mbireba nemere,
Ko uwaguhanze arenze twe,
Maze mushime mwemere,
Kuko yampaye ibyo nkwiriye.
Source : https://yegob.rw/ubwiza-nubushishozi-bwawe-ni-byo-bintu-nagenewe-umutoma-wumunsi/
Umukinnyi wa mbere ku Isi nk'uko amateka abigaragaza Lionel Messi yatangaje impamvu ikomeye yanze kwerekeza muri Saudi Arabia kandi yarahabwaga akavagari k'amafaranga.
Lionel Messi yatangaje ko imyaka ibiri ishize atari yishimye kandi ko ibi byagize ingaruka zikomeye ku muryango we. Uyu mugabo avuga ko yari akeneye kujya kuruhande akita ku muryango we mu buryo bukwiye kubera ko bamaze iminsi batishimiye ubuzima babayemo.
Rutahizamu w'umunya Argentina Lionel Messi yakomeje agira ati:' Iyo mba nshaka gukurikira amafaranga nari kwerekeza muri Saudi Arabia'.
Uyu mugabo w'umunyabigwi yatangaje ko mu makipe yose yo ku mugabane w'i Burayi yifuzaga cyane kujya mu ikipe ya FC Barcelona gusa ngo byari bigoranye niyo mpamvu aterekeje muri iyi kipe y'ubukombe mu mateka ye muri ruhago gusa yijeje abakunzi b'iyi kipe ko mu gihe kiri mbere azagaruka i Barcelona.
Uyu mukinnyi yatangaje ko azagaruka muri FC Barcelona mu ikipe y'umutima we akaba yatangaje ibi byose ubwo yaganiraga n'ikinyamakuru Sport cy'i Catalunha.
Indwara 4 zambere ziteye ubwoba ku isi kuburyo iyo uyirwaye nawe uba uteye ubwoba.
Ku isi hari ubwoko butandukanye bw'indwara, yaba izandura cyangwa izitandura, iziterwa na virusi cyangwa izitazwi aho zaturutse.
Ubu noneho tugiye kubereka indwara 4 za mbere ziteye ubwoba, ku buryo no kuzireba ubwabyo biteye ubwoba.
Iya mbere yitwa AMELOBLASTOMA : iyi n'indwara ifata urwasaya rw'umuntu ndetse ikomoka ku burwayi bw'amenyo, iyi ndwara iba ishobora kuvamo kanseri.
Iya kabiri ni TRYPOPHOBIA : Iyi ni indwara mbi cyane ku buryo iyo igufashe umubiri wose uzamo inyo, ubundi bakazajya bagukuramo urunyo ahantu hose, bikarangira waratobaguritse umubiri wose. 
Iya gatatu ni SMALLPOX : iyi ndwara mu kinyarwanda abenshi bayizi nka buyagari, iyi, iyo igufashe uzana ibiheri byuzuyemo amashyira umubiri wose, ku buryo iyo uzanye agaheri kamwe kakameneka, y'amashyira yako akajya ahandi bucya naho haje uduheri.
Iya kane ni Ebora : ebora yo buri wese azi ubububi bwayo, yo iyo igufashe uva amaraso mu myanya y'umubiri yose ifite umwenge. Ngaho ibaze wararwaye trypophobia imwe igutobagura nyuma ugahita urwara ebora, wahita upfa mu minota mike cyane. 
Â
Source : https://yegob.rw/indwara-4-zambere-ziteye-ubwoba-ku-isi-kuburyo-iyo-uyirwaye-nawe-uba-uteye-ubwoba/
Mu mpeshyi ya Nyakanga 1518 mu Mujyi wa Strasbourg mu Bufaransa hadutse indwara idasanzwe yandura yatumaga abantu babyinana imbaraga nyinshi nta muziki ucuranzwe bakabyina kugeza bashizemo umwuka.
Ni indwara y'amayobera kugeza n'ubu yiswe 'Dancing mania' cyangwa 'Dancing Plague of 1518' yatwaye ubuzima bw'abantu 400 mu mezi atatu.
Ni indwara bivugwa ko yafataga buri wese uhuje amaso n'uwayanduye na we agafatwa uko, agashishikara akajya kumufasha bakabyina nta kindi kintu bakora kugeza bananiwe bagashiramo umwuka.
Aba barwayi babyinaga bidasanzwe ku buryo bo ubwabo nta bushobozi bari bafite bwo kubihagarika.
Source : https://yegob.rw/icyorezo-cyo-kubyina-gishobora-kurimbura-imbaga-mu-minsi-mike-iri-imbere/
Kuri uyu wa Gatatu taliki 7 Kamena mu masaha ya ni mugoroba ni bwo iki gikorwa giteganyijwe mu bitararo biherereye i Roma byitwa Gemelli.
Nk'uko umuvugizi mukuru wahabarizwa Papa i Vatikani, Matteo Bruni yabitangaje, Papa Francis agiye kubagwa bitewe n'indwara yo mu nda afite yitwa 'Hernia' ndetse ngo na nyuma yo kubagwa bateguye ko azaba agumye mu bitaro iminsi itari myinshi cyane.
Source : https://yegob.rw/ubuzima-bwa-papa-buri-mu-mazi-abira/
Rutahizamu ukomoka muri Argentine wakiniraga Paris Saint-Germain, Lionel Messi yemeje ko agomba kwerekeza muri Major League Soccer (MLS) shampiyona y’Amerika muri Inter Miami, icyemezo cyatunguye benshi.}}
Amazezerano ye na PSG azarangira tariki ya 30 Kamena 2023, akaba yaramaze gusezerwaho n’iyi kipe ko batazakomezanya.
Hibazwaga aho azerekeza cyane ko amakuru yamusubizaga muri FC Barcelona muri Espagne yavuyemo 2021, andi akamutwara muri Al-Hilal yo muri Saudi Arabia yishyuraga akayabo.
Yaje gutungurana avuga ko agomba kwerekeza muri Inter Miami ku bw’ineza y’umuryango we.
Ati “nafashe umwanzuro ko ngomba kwerekeza muri Inter Miami. Ntabwo birarangira 100%, hari ibitararangira ariko twahisemo gukomeza muri iyo nzira. Niba ibyo muri Barcelona bidakunze nashakaga kuva i Burayi, nkatekereza ku muryango wanjye.”
Yavuze ko haje amakipe menshi amwifuza i Burayi ariko nta n’umwanya yigeze afata areba ibyo amuha, mu gihe byanze rero akaba yagombaga kuhava.
Ati “nari mfite andi makipe y’i Burayi anyifuza, ariko sinigeze nanayatekerezaho, igitekerezo cyanjye kwari ukujya muri FC Barcelona, mu gihe byanze kuva mu mupira w’u Burayi maze gutwara Igikombe cy’Isi nibyo byari bikenewe.”
“Ubu urugendo rwanjye nzarusoreza muri iki gihugu nkina muri MLS, mpishimira umunsi ku munsi ariko inshingano nta cyahindutse ni ugutsinda, nkora ibintu neza ariko mfite amahoro yo mu mutwe.”
Yakomoje avuga ko imyaka 2 yari amaze muri PSG atari yishimye n’umuryango we, bityo ko cyari cyo gihe cyiza cyo kujya ahantu hatuje.
Ati “ndi muri cya gihe cyo nagombaga gutekereza ku muryango wanjye cyane. Nari maze imyaka 2 aho mu muryango bitari byiza, sinabyishimiye. Nagize ukwezi kw’agatangaza ko gutwara igikombe cy’Isi ariko kubyikuramo ntabwo byari binyoroheye. “
Yemeje ko abizi neza ko Barcelona yakoraga ibishoboka byose ngo abe yagaruka harimo kugurisha abakinnyi, kugabanya imishahara kugira ngo irebe ko ihuza n’ingengo y’imari ya shampiyona ya La Liga.
Yavuze ko nyuma yo kumva ibyo bibazo by’amikoro bikirimo atari kujyayo kuko atifuza kunyura mu byo yanyuzemo 2021 ubwo yayivagamo.
Mu Murenge wa Cyanzarwe hagaragaye imbunda ebyiri mu murima w'umuturage zibonwa n'uwari uri guhinga ziri mu kirundo cy'amabuye.
Ni imbunda zo mu bwoko bwa 'M16 na G3' zabonetse mu isambu y'umukecuru witwa Sinibagiwe Therese nk'uko bemejwe n'Umuvugizi wa Polisi mu Ntara y'Iburengerazuba.
CIP Mucyo Rukundo umuvugizi wa Polisi muri iyi Ntara kandi avuga ko izi mbunda zishobora kuba zifitanye isano no kuba muri aka gace zasanzwe harigeze kuba indiri y'abacengezi kugeza mu mwaka wo mu 1998
Source : https://yegob.rw/rubavu-umukecuru-yagiye-guhinga-asarura-imbunda-2/
Ku ikubitiro mu ikipe ya Rayon Sports, umutoza Haringingo Francis niwe wamaze gusezera ku bakinnyi be ndetse n'ubuyibozi bw'ikipe avuga ko atazakomezanya nabo. Hakaba hari amakuru avuga ko yamaze kumvikana n'ikipe imwe yo mu karere (Africa y'Iburasirazuba).
Usibye umutoza, kandi rutahizamu w'umunya-Cameroon, Leandre Willy Essombe Onana watsindiye iyi kipe ya Rayon Sports ibitego byinshi '16' muri shampiyona, yamaze gusezera kuri bagenzi be aho agiye kujya mu ikipe yo mu Barabu cyangwa se akajya muri Simba SC yo muri Tanzania zikomeje kumwifuza.
Ndetse kandi kuri uyu wa Kabiri tariki 6 Kamena 2023, nibwo hamenyekanye amakuru avuga ko umunyezamu wari uwambere muri Rayon Sports, yamaze gusezera ku bakinnyi bagenzi be aho yamaze kumvikana n'ikipe ya APR FC.
Gusa ariko iyi kipe yambara Ubururu n'Umweru, yamaze kwibikaho myugariro Bugingo Hakim wakiniraga Gasogi United imusinyisha imyaka 2.
Aba bana bari hagati y’imyaka 13 n’imyaka 8 bari bamaze iminsi ari imvugo mu Rwanda, nyuma yo kwitwara neza mu mikino y’igikombe cy’Isi gitegurwa n’ikipe ya Paris Saint-Germain yo mu Bufaransa. Â
Byari ku nshuro 7 iyi mikino ngarukamwaka ibaye, ikaba inshuro ya kabiri u Rwanda rwari rwitabiriye iyi mikino. U Rwanda rwagiye ruhagarariwe n’amakipe abiri, harimo ikipe y’abatarengeje imyaka 13, ndetse n’imyaka 11.
Aya makipe yombi yitwaye neza, ndetse agera ku mukino wa nyuma aho yahuye na Brazil. U Rwanda mu batarengeje imyaka 11 batsinze Brazil kuri Penariti 4-3, naho mu batarengeje imyaka 13 nabo batsinda Brazil kuri Penariti 3-2. Muri ibi byiciro byombi amakipe akaba yari yanganyije igitego 1-1 mu minota isanzwe y’umukino.
Ndanguza Theonas wagiye ayoboye iri rerero ubwo bageraga ku kibuga cy’indege, yatangarije InyaRwanda ko urugendo rwegenze neza bigendanye n’ibikombe begukanye. Yagize ati: “Muri macye urugendo rwagenze neza, kuko icyo twashakaga byari ukwitwara neza, Kandi byarakunze ndetse dutwara n’ibikombe byose twahaniye”.Â
Yakomeje agira ati “Twakinnye imikino myinshi kandi mu gihe gito, abana berekana ko bafite umwuka wo gutsinda, kandi ni ko byagenze.” Theonas avuga ko abana b’u Rwanda bafite umuco uri hejuru, akaba ariyo mpamvu usanga abandi bana babishimiye.
Ndanguza Theonas uyoboye iri rerero yari yasazwe n’ibyishimo ubwo yageraga ku kibuga cy’indegeÂ
Theonas yunzemo ko abanyarwanda bashoboye, ahubwo ikibazo batangira gukina bakuze. “Mu by’ukuri abanyarwanda turashoboye, nanjye ntabwo najyaga mbyizera, gusa ubu maze kubibona ko turi abanyembaraga.Â
Ikibazo gihari, abanyarwanda dutangira gukinira dukuze umuntu afashe umwana akamuha buri kimwe akiri muto, tukagenda tuzamuka bitewe n’imyaka agezemo, uko byagenda kose umupira w’u Rwanda wazatera imbere.”
Ababyeyi bari baje kwakira abana babo ndetse ubwuzu ari bwoseÂ
U Rwanda nyuma yo kwegukana ibi bikombe bibiri, rwahise rugira ibikombe bitatu bivuze muri aya marushanwa, nyuma yaho mu mwaka ushize bari begukanye igikombe kimwe mu batarengeje imyaka 13.
Shema Samuel wari Kapiteni w’abatarengeje imyaka 11 ndetse akaba ari nawe wabaye umukinnyi w’irushanwa, avuga ko ibyo yari yarazeranyije abanyarwanda yabikoze. Yagize ati: “Amakipe twarayatsinze. Ibyo nari narasize mvuze nabikoze. Natsinze ibitego bigera kuri 15 biri mu byadufashije. Amakinnyi twahuye nabo bari ku rwego rwo hejuru cyane cyane Brazil.
Abajijwe impamvu ibindi bihugu byabakunze (u Rwanda), Shema yavuze ko “Ibindi bihugu ntabwo bikunda Brazil barayanga cyane kuko yari yarabamaze ibatwara ibikombe tutaraza. Gusa kuri ubu iyo tugiye guhura baratubwira ngo tuyibatsindire, twayitsinda bakaza bakishimana natwe.”
Shema Samuel aganira n’itangazamakuru yishimiye ko igikombe yasezeranyije abanyarwanda akizanyeÂ
Imikino nk’iyo izongera kuba mu ntangiriro za Kamena 2024, aho izaba igiye kuba ku nshuro ya 8 bikaba biteganyijwe ko u Rwanda rushobora kuzayitabira rufite n’abakinnyi batarengeje imyaka 15, ari bwo bwa mbere bazaba bagiyeyo.
Jules Karangwa ubanza ibumoso, umunyamabanga wa FERWAFA w’agateganyo, Habimana Hamdan, na Mudaheranwa Hadji bari baje gushyigikira no kwakira abanaÂ
Abana bari bashakiwe imodoka ya Tembera u Rwanda yabatembereje bimwe mu bice by’umujyi wa Kigali, ndetse ibajyana i HuyeÂ
Abana bahise batangira kuyijyamo bizihiwe
Ishimwe Ganza niwe wabaye uwa kabiri mu batsinze ibitego byinshi, 8, akaba akurikira PatrickÂ
Abatazi Kigali bagiye bayibereka ndetse wabonaga bashaka kutayivamo n’ubwo bari bananiwe
Ntakirutimana wabaye umunyezamu w’irushanwa, ari kumwe na Muhayimana Claude uhagarariye abafana b’Amavubi
Abana bahise bajya kwakirirwa kuri Saint Famille nyuma yaho bahava bajya i Huye
Abana bari baje kwakira abana bagenzi babo
Kanda hano urebe amafoto menshi
AMAFOTO: Ngabo Serge – InyaRwanda
VIDEO: Nyetera Bachir – InyaRwanda
Kuri uyu wa Gatatu tariki 7 Kamena, mu nzu ikoreramo Minisiteri ya siporo, habereye igikorwa cyo gusinya amasezerano y’ubufatanye, n’ubuterankunga hagati y’ishyirahamwe ry’umukino Ngororamubiri (RAF) ndetse n’ikigo cy’itumanaho cya MTN Rwanda.Â
Muri ubu bufatanye, MTN Rwanda yatanze Miliyoni 50 Frw, nk’amafaranga azatangwa mu bihembo. MTN kandi yatangaje ko izatanga bimwe mu bikoresho abakinnyi bazakoresha mu gusiganwa.
Umuyobozi Ushinzwe Abakiriya n’Ikoranabuhanga muri MTN, Ruhinguka Desire, yavuze ko MTN yishimira kuba mu bikorwa biteza imbere Igihugu.Â
Yagize ati 'Imyaka ibaye myinshi tubana na Kigali International Peace Marathon. Uyu mwaka rero twifuje gutera inkunga iri rushanwa mu byiciro bitandukanye kugira ngo rikomeze kugenda neza.'
Ruhinguka yakomeje avuga ko nka MTN bishimira urwego irushanwa rimaze kugeraho ndetse ko baryungukiramo kwimenyekanisha no kumenyakanisha igihugu muri rusange ndetse bagamije no guteza imbere imikino mu Rwanda.
Mutabaruka Dieudonne wari uhagarariye RAF, yashimiye cyane MTN ku buryo bakorana bya hafi, kandi yishimira ko ku ruhande rwa MTN ibyo yemeye ibyubahiriza, nabo kandi bakuzuza ibyo baba bumvikanye.
Umuyobozi Mukuru Ushinzwe Iterambere rya Siporo muri Minisports, Rwego Ngarambe, yashimiye MTN uburyo idahwema guteza imbere siporo mu Rwanda. Ndetse n’uburyo ikomeza kwera imbuto umwaka ku wundi.
Rwego Ngarambe, Umuyobozi Mukuru ushinzwe iterambere rya siporo muri Minisiteri ya Siporo
Kigali International Peace Marathon ni isiganwa rya gatatu rihemba amafaranga menshi muri Afurika. Isiganwa rya mbere muri Afurika ni Marathon ya Nairobi ihemba ibihumbi 60$ ku mukinnyi wa mbere mu gihe iya Lagos ihemba ibihumbi 30$.
Mu 2022, Kigali International Peace Marathon yegukanywe n'Abanya-Kenya Wilfred Kigan na Margaret Agai mu bagabo n'abagore. Muri Half-Marathon hatsinze Umunya-Kenya, Shadrack Kimining Korir n'Umunyarwandakazi Musabyeyezu Adeline.Â
Iri rushanwa ryari ryitabiriwe n'abarenga 3000 baturutse mu bihugu byiganjemo ibyo mu Karere.
Umuyobozi Ushinzwe Abakiriya n’Ikoranabuhanga muri MTN, Ruhinguka Desire
Mutabaruka wari waje mu mwanya w’umuyobozi w’ishyirahamwe ry’umukino ngororamubiri, yatangaje ko banyurwa n’ubufatanye bakunze kugirana na MTN RwandaÂ
Imyiteguro ya Kigali International Peace Marathon irarimbanyije