Uncategorized – Page 2613 – Webrwanda Backend

Gasogi United yasezereye abakinnyi 4 #rwanda #RwOT

Ikipe ya Gasogi United yatangiye gukora isuku mu ikipe aho abakinnyi 4 bamaze kwerekwa umuryango bashimirwa uruhare bagize mu itera imbere ry’iyi kipe.

Ku ikubitiro habanje rutahizamu w’iyi kipe ukomoka muri Ghana, Godwin Blessing Henshaw wari winjiye muri Gasogi United muri Mutarama 2023 avuye muri Namungo yo muri Tanzania.

Godwin Blessing Henshaw yari yasinye amasezerano y’amezi 6, nyuma yo gusoza amasezerano iyi kipe ikaba itahisemo kumwongera amasezerano.

Undi yasezereye ni kapiteni wayo wari uyimazemo imyaka 6, Kazindu Bahati Guy, na we yari asoje amasezerano ye.

Yajyanye kandi na myugariro Ndabarasa Tresor nawe wari uyimazemo imyaka 6, bose bayikiniye ikiri mu cyiciro cya kabiri.

Hakizimana Abdulkairim wari uyimamazemo imyaka 2 aho yayigezemo avuye muri Etincelles FC, na we yashimiwe.

We Thank You Mr Godwin Blessing Henshaw, All the best. pic.twitter.com/l50duYdtRI

â” Gasogi United FC (@gasogi_united) June 6, 2023

Turashima cyane @GuyKazindu ,imyaka 6 tumaranye waduhaye byose. Tukwifurije ibyiza Imbere. pic.twitter.com/oH7Ym2yfai

â” Gasogi United FC (@gasogi_united) June 8, 2023

Turagushimiye cyane #NDABARASA Tresor, Twabanye neza imyaka 6 ishize, tukwifurije ibyiza Imbere. pic.twitter.com/xaVfp7BvtU

â” Gasogi United FC (@gasogi_united) June 8, 2023

Turagushimiye cyane #HAZIMANA Abdoulkarim. Tukwifurije ibyiza imbere pic.twitter.com/Afyb74dK8f

â” Gasogi United FC (@gasogi_united) June 8, 2023

Source : http://isimbi.rw/siporo/article/gasogi-united-yasezereye-abakinnyi-4

June 8, 2023

Kiyovu SC na Gasogi United mu makipe yatangiye gutandukana nabakinnyi babo bitegura 2023-2024 #rwanda #RwOT

Nyuma yaho Shampiyona y'u Rwanda mu mwaka w'imikino wa 2022-2023 irangiriye amakipe atandukanye yatangiye kureba uko yakwiyubaka yitegura umwaka guhatana umwaka utaha wa 2023/2024.

Ku isonga ikipe ya Kiyovu SC yasoje umwaka ushize w'ikino iri ku mwanya wa kabiri ndetse ni ku mwanya wa kane mu gikombe cy'Amahoro, yatandukanye n'abakinnyi babiri ndetse n'abandi batoza bayo babiri.

Kiyovu SC ibinyujije ku rubuga rwayo rwa Twitter yatangaje ko Mateso J de Dieu wari umutoza wayo wungirije atazakomezanya n'iyi kipe y'urucaca.

Uyu mutoza waje muri Kiyovu avuye muri AS Kigali atandukanye nayo nyuma yo gusoza amasezerano y'umwaka umwe yari yasinye.

Uyu mutoza akaba yaragize umwaka mwiza muri iyi kipe kuko we ku giti cye asigaranye Kiyovu yatoje imikino 10 ataindamo 9 anganya 1.

Kiyovu Kandi yanatangaje ko Umunya Mali Seydou Dabo wari ufite inshingano zoÂ kongerera abakinnyi imbaraga yageze mu atazakomezanya nayo.

Rutahizamu Erissa Ssekisambu nawe yatandukanye na Kiyovu Sport nyuma y'umwaka umwe yari ayimazemo.

Ssekisambu akaba ariwe watsinze ibitego byinshi muri Kiyovu uyu mwaka kuko yatsinze ibitego 10.

Undi ni Riyad Nordien watandukanye na Kiyovu SC nawe ahamaze umwaka

Umwe wonyine, Uyu rutahizamu akaba yaratsinze ibitego 2 ndetse atanga imipira ibiri yabyaye ibitego.

Si Kiyovu SC yatandukanye n'abakinnyi kuko Gasogi United nayo imaze gutangaza ko yatandukanye n'abakinnyi batatu bayo bari basoje amasezerano.

Uwambere ni uwari kapiteni w'ikipe ariwe Kazindu Bahati Guy wari uyimazemo imyaka itandatu ayikinira nyuma yo kuva muri Musanze FC.

Undi ni Ndabarasa Trésor ukina nka myugariro, uyu nawe akaba yari asoje amasezerano nawe akaba yatandukanye na Gasogi yari amazemo imyaka itanu.

Gasogi United kandi yatangaje ko Hakizimana Abdoul Karim wakinaga yugarira inyuma atazakomezanya nayo kuko amasezerano ye yamaze kurangira mu ikipe y'Urubambyingwe.

The post Kiyovu SC na Gasogi United mu makipe yatangiye gutandukana nabakinnyi babo bitegura 2023-2024 appeared first on RUSHYASHYA.

Source : https://rushyashya.net/kiyovu-sc-na-gasogi-united-mu-makipe-yatangiye-gutandukana-nabakinnyi-babo-bitegura-2023-2024/?utm_source=rss&utm_medium=rss&utm_campaign=kiyovu-sc-na-gasogi-united-mu-makipe-yatangiye-gutandukana-nabakinnyi-babo-bitegura-2023-2024

June 8, 2023

Perezida Museveni bamusanzemo Covid-19 #rwanda #RwOT

Perezida Yoweri Museveni wa Uganda bamusanzemo Covid-19, ariko ameze neza kandi akomeje inshingano ze mu gihe arimo gufata imiti, nk'uko byatangajwe minisiteri y'ubuzima.

Ku mugoroba wo kuri uyu wa Gatatu tariki 7 Kamena 2023, Umunyamabanga uhoraho muri iyo minisiteri, Diane Atwine, yatangaje kuri Twitter ko Perezida Museveni yanduye Covid-19.

Ati 'Uyu munsI, Perezida bamusanzemo Covid-19. Ni nyuma y'uko yari yagize ibimenyetso bimeze nk'ibicurane byoroheje. Gusa ameze neza kandi akomeje imirimo ye bisanzwe.'

Kuri uyu wa Gatatu kandi ubwo yagezaga ijambo ku nteko ishinga amategeko, Perezida Museveni w'imyaka 78, yavuze ko ashobora kuba yaranduye Covid kuko mu gitondo yumvise akabeho, bigatuma asaba ko bamupima.

Yavuze ko ibipimo bibiri muri bitatu byerekanye ko ntayo afite, ariko ategereje igisubizo cy'ikindi cya gatatu.

Yagize ati 'Ndacyekwaho corona none mpagaze hano. Niyo mpamvu mwabonye nza mu modoka itandukanye n'iya Mama (Janet Museveni).'

Perezida Museveni ni umwe mu bategetsi bagifata ingamba zikomeye mu kwirinda Covid, aboneka kenshi mu bandi yambaye agapfukamunwa, kandi abantu yakiriye akenshi bicara kure ye.

Ubwo Covid yari irembeje Isi, Uganda iri mu bihugu byari bifite amabwiriza akarishye yo kuyirinda arimo imikwabu, gufunga amashuri n'ubucuruzi, gufunga imipaka, n'ibindi.

Iki gihugu cyongeye gufungura ibintu byose neza mu 2022.

The post Perezida Museveni bamusanzemo Covid-19 appeared first on FLASH RADIO&TV.

Source : https://flash.rw/2023/06/08/perezida-museveni-bamusanzemo-covid-19/?utm_source=rss&utm_medium=rss&utm_campaign=perezida-museveni-bamusanzemo-covid-19

June 8, 2023

Ubushinjacya bw'America bwabwiye Trump ko bumukoraho iperereza ku mabanga ya (…) – Umuryango.rw #rwanda #RwOT

CNN yatangaje ko Trump yohererejwe ibaruwa imumenyesha ko ari gukurikiranwa, nubwo abatanze amakuru batabonye ibiyikubiyemo.

Gushyikirizwa iyo baruwa ni ikimenyetso cy'uko ubushinjacyaha bwaba bugeze kure ibijyanye no gukusanya ibimenyetso bizashyikirizwa urukiko hatangwa ikirego.

Inyandiko Trump ashinjwa kubika kandi zikubiyemo amabanga ya Leta ni izabonetse mu nyubako ye ya Mar-a-Lago muri Leta ya Florida.

Ubusanzwe inyandiko zifite ibirango by'amabanga ya Leta, zigomba kubikwa ahantu hizewe kandi harindiwe umutekano, hatoranyijwe n'inzego zibifitiye ububasha.

Muri Kanama umwaka ushize, Urwego rw'Iperereza (FBI) rwakoze isaka mu nyubako ya Trump, Mar-a-Lago bahakura inyandiko zisaga ijana zirimo amabanga ya Leta Trump yatwaye amaze kuva ku butegetsi.

Ubushinjacyaha bumaze igihe bukora iperereza ari nako bwumva ubuhamya bw'abakozi ba Trump muri Mar-a-Lago ndetse n'abo bahoze bakorana mu biro bya Perezida, kugira ngo hategurwe ikirego cyo gushyikiriza urukiko.

Ubushinjacyaha bufite uburenganzira bwo gutanga ikirego cyangwa bukabireka ku byo bushinja Trump, icyakora bivugwa ko amahirwe menshi ari uko ikirego kizatangwa.

Trump amaze iminsi yinubira uburyo akomeje kugendwaho n'inzego z'ubutabera za Amerika mu gihe ateganya kwiyamamariza kuyobora icyo gihugu mu matora ya 2024.

Akabihuza no kuba ngo ubutabera bwa Amerika bwaba buri gukoreshwa n'abamurwanya badashaka kumubona yiyamamaza kongera kuyobora iki gihugu cy'igihanganjye ku isi.

Source : https://umuryango.rw/amakuru/mu-mahanga/politiki/article/ubushinjacya-bw-america-bwabwiye-trump-ko-bumukoraho-iperereza-ku-mabanga-ya

June 8, 2023

Real Madrid yaguze umkinnyi wa Dortmund ku kayabo – Umuryango.rw #rwanda #RwOT

Real Madrid yemeranyijwe na Borussia Dortmund ku masezerano yo kugura umukinnyi wo hagati w'Umwongereza Jude Bellingham kuri miliyoni 103 z'ama-Euro (miliyari 124Frw).

Uyu mukinnyi w'imyaka 19, wageze muri Dortmund mu kwezi kwa Nyakanga (7) mu 2020 avuye muri Birmingham City, ni umwe mu bakinnyi bitwaye neza cyane mu ikipe y'igihugu y'Ubwongereza mu gikombe cy'isi cyo mu 2022.

Bellingham arashaka kwerekeza muri Real ndetse azakorerwa isuzumwa na muganga mu minsi micye iri imbere.

Uyu mukinnyi wo hagati, washakishijwe n'amwe mu makipe akomeye y'i Burayi, azashyira umukono kuri kontaro yo gukinira Real imyaka itandatu.

Mu itangazo, Dortmund yemeje ko Real yemeye kuriha miliyoni 103 z'ama-Euro kuri uyu mukinnyi, ndetse ko bishoboka ko hari amafaranga y'inyongera kuri ayo ngayo.

Mu gihe izo nyongera zaba zibayeho, amasezerano yo kugura Bellingham ashobora kugera kuri miliyoni 133.9 z'ama-Euro.

Manchester City na Liverpool ni amakipe abiri yari mu yashaka cyane Bellingham, witezweho kuba umukinnyi wa gatatu w'umupira w'amaguru uguzwe amafaranga menshi cyane ku isi uri munsi y'imyaka 20.

Uyu wabaye umukinnyi w'umwaka muri shampiyona y'icyiciro cya mbere mu Budage, Bundesliga, azanaba umukinnyi wa kabiri w'umupira w'amaguru uhenze cyane w'Umwongereza ndetse n'umukinnyi wa kabiri uhenze cyane Real Madrid iguze, nyuma ya Eden Hazard yaguze kuri miliyoni 115 z'ama-Euro mu 2019 avuye muri Chelsea.

Bellingham yavuye muri Birmingham ajya muri Dortmund kuri miliyoni 25 z'amapawundi, aba umukinnyi w'imyaka 17 wa mbere uhenze cyane ku isi mu mateka y'umupira w'amaguru.

Yitwaye neza muri Dortmund, ndetse mu kwezi kw'Ukwakira (10) mu mwaka ushize, yanditse amateka aba kapiteni w'iyo kipe wa mbere muto mu myaka, ku myaka 19.

Muri uyu mwaka w'imikino, Bellingham yakiniye iyo kipe imikino 42, ayitsindira ibitego 14 ndetse atanga imipira irindwi yavuyemo ibitego.

Source : https://umuryango.rw/imyidagaduro/imikino/article/real-madrid-yaguze-umkinnyi-wa-dortmund-ku-kayabo

June 8, 2023

Amakuru agezweho: Police FC imaze gusinyisha umukinnyi ukomeye cyane ihita yongera amasezerano umukinnyi wigenzi washakwaga n’andi makipe (Amafoto) – YEGOB #rwanda #RwOT

Ikipe ya Police FC itozwa n'umutoza Mashami Vincent watoje ikipe y'igihugu y'u Rwanda Amavubi ikomeje kwiyubaka ku buryo budasanzwe.

Police FC imaze gusinyisha amasezerano y'imyaka ibiri umukinnyi ukiri muto cyane w'imyaka 21 y'amavuko witwa Nyamurangwa Moses imukuye mu ikipe ya Sunrise akaba ari umusore w'umuhanga cyane ukina hagati.

Ikipe ya Police FC yongereye amasezerano umukinnyi wayo Nsabimana Eric Zidane ukina hagati mu kibuga akaba ari n'umukinnyi w'ikipe y'igihugu Amavubi wifuzwaga n'andi makipe.

Source : https://yegob.rw/amakuru-agezweho-police-fc-imaze-gusinyisha-umukinnyi-ukomeye-cyane-ihita-yongera-amasezerano-umukinnyi-wigenzi-washakwaga-nandi-makipe-amafoto/

June 8, 2023

Ikipe ya Rayon Sports yamaze gusinyisha umukinnyi w’ikipe ya Kiyovu Sports – YEGOB #rwanda #RwOT

Nyumya y'iminsi bivugwa cyane, umukinnyi wa Kiyovu Sports yamaze gusinyira ikipe ya Rayon Sports nubwo bitarashyirwa ahagaragara.

Igihe kigura n'igurishwa ry'abakinnyi hano mu Rwanda cyamaze gufata indi ntera ari ko amakipe amwe n'amwe agenda asezerera abakinnyi ndetse akomeza ashaka abandi bagomba kubasimbura. Muri ayo makipe harimo ikipe ya Rayon Sports yatangiye gusinyisha abakinnyi nubwo hakiri kare.

Ku munsi w'ejo hashize, nibwo byatangiye kuvugwa cyane ko umukinnyi wa Kiyovu Sports yamaze gusinyira Rayon Sports. Amakuru yizewe YEGOB dufite ni uko uwo mukinnyi urimo kuvugwa ni Nshimiyimana Ismael Pitchou wigaragaje cyane mu myaka 2 amaze mu ikipe ya Kiyovu Sports.

Andi makuru avuga ko Pitchou yaganirijwe n'abayobozi ba Kiyovu Sports ngo yongere amasezerano aza kwemera ariko aca inyuma akomeza kuganira n'ikipe ya Rayon Sports ibiganiro bigira icyo bitanga mu ibanga ahita asinya amasezerano nubwo iyi kipe itarabishyira ahagaragara.

Ikipe ya Kiyovu Sports yasoje iri kumwanya wa kabiri muri Shampiyona irushwa ibitego gusa n'ikipe ya APR FC. Iyi kipe ibiri kuyibamo ntabwo benshi barimo kubisobanukirwa bitewe n'abakinnyi ndetse n'abatoza imaze iminsi irimo gushimira kandi barayifashije cyane uyu mwaka w'imikino. Muri abo bakinnyi harimo Nordien, Seksambo ndetse n'abandi ngo baraza gushimirwa.

Â

Source : https://yegob.rw/ikipe-ya-rayon-sports-yamaze-gusinyisha-umukinnyi-wikipe-ya-kiyovu-sports/

June 8, 2023

Yarababajwe bihagije: Theo Bosebabireba yatangaje ikintu gikomeye ahimisha agahinda yahuye n’ako kuva kera (video) – YEGOB #rwanda #RwOT

Umuhanzi ukomeye cyane hano mu Rwanda mu ndirimbo zo kuramya no guhimbaza Imana Uwiringiyimana Theo wamamaye cyane ku izina rya Bosebabireba yatangaje ikintu gikomeye ahimisha agahinda.

Mu kiganiro n'umunyamakuru Murungi Sabin kuri YouTube channel yitwa Isimbi Tv umuhanzi Theo Bosebabireba yatangaje ko agahinda agahimisha kukareka kuko n'ubundi igihe cyose yakagiriye kagiye kijyana.

Amashusho:

Source : https://yegob.rw/yarababajwe-bihagije-theo-bosebabireba-yatangaje-ikintu-gikomeye-ahimisha-agahinda-yahuye-nako-kuva-kera-video/

June 8, 2023

Yabashotoye: Amafoto agaragaza ubwiza bwa Miss Nyambo Jesca yatumye abantu bamuhundagazaho imitima (Amafoto) – YEGOB #rwanda #RwOT

Umukinnyikazi wa filime nyarwanda Nyambo Jesca uzwiho kugira ubwiza bushotora benshi yatumye ahundagazwaho imitima.

Mu mafoto yashyizwe ku rubuga rwa Instagram na mwenyewe Nyambo Jesca yamugaragaje asa neza cyane maze abakunzi be bamukurikira kuri uru rubuga nabo ntibaripfana.

Amafoto:

Bimwe mu byo abantu bagiye batangaza nyuma yo kubona amafoto ya Nyambo Jesca:

Source : https://yegob.rw/yabashotoye-amafoto-agaragaza-ubwiza-bwa-miss-nyambo-jesca-yatumye-abantu-bamuhundagazaho-imitima-amafoto/

June 8, 2023

“Imba naraguhereyeho iyomba ndya imbwa”: Abagabo batembagaje abantu imbavu zirabarya mu misango y’ubukwe (video) – YEGOB #rwanda #RwOT

Abagabo batembagaje imbaga y'abantu ubwo bari mu misango y'ubukwe bitewe n'amagambo bakoreshaga.

Mu mashusho yacaracaye ku mbuga nkoranyambaga z'abantu batandukanye hano mu Rwanda harimo n'umunyamakuru akaba n'umushyushya rugamba Anita Pendo yaragaragaje abagabo babiri bari mu misango y'ubukwe bari gukoresha amagambo asekeje ku rwego rwo hejuru.

Na we ihere ijisho amashusho:

Source : https://yegob.rw/imba-naraguhereyeho-iyomba-ndya-imbwa-abagabo-batembagaje-abantu-imbavu-zirabarya-mu-misango-yubukwe-video/

June 8, 2023

Category: Uncategorized