Ni nyuma y'amakuru y'ibihuha yari yakwirakwiye ku mbuga nkoranya mbaga avuga ko Perezida Museveni yitabye Imana azize Covid 19 yari aherutse kwandura.
Prezida Museveni byemejwe ko yanduye Covid 19 kuya 7/6/2023, ahita atangaza ko afashe ikiruhuko gitunguranye mu rwego rwo kwiyitaho.
Ubutumwa yaraye yanditse, Museveni yagize ati”Ndabasuhuje, ubu ndi kumunsi wa 5 w'akato nishyizemo kubera Covid nanduye. Mu ijoro ryakeye nasinziriye neza cyane kugera nka saa kumi (saa kumi za usiku, ibyo abanyaburayi bita 4am)
Ibihuha byasakaye ku mbuga nkoranyambaga cyane kuri Tweeter mu minsi mike ishize ko Perezida Museveni yajyanywe mu bitaro by'igitaraganya, nyuma akitaba Imana azize Covid 19.
Ishami ry'umuryango w'Abibumbye ryita ku buzima ku isi WHO riherutse gutangaza ku mugaragaro ko Covid 19 itakiri icyorezo gihangayikishije Isi , icyakora ngo iyi virusi iracyahari. BBC
Byavuzwe na Musenyeri Fulgence Muteba imbere y'imbaga y'aba Kristu bari bamushagaye bitabiriye igitambo cya Misa yaturiwe kuri kuri Stade ya TP Mazembe kuri iki cyumweru tariki ya 11 Kamena 2023.
Ati: “Aba baturage batuye ku butaka bwuzuye ubutunzi butagira ingano, ariko ikibabaje! Ntabwo babwungukiramo bihagije. Yaba umuringa cyangwa cobalt hano muri Katanga, yaba diyama iva Kasai cyangwa ibiti biva muri Equateur hamwe n'amafaranga yinjira muri gasutamo ava ku mipaka n'ibihugu icyenda bidukikije, inyungu z'ubwo butunzi butagira ingano zihariwe n'agatsiko k'intore ziri ku butegetsi ndetse n'ibigo by'ibihugu byinshi nta shingiro. '
Nk'uko iyi nkuru dukesha Politico.cd ivuga, Musenyeri mukuru wa Lubumbashi yakomeje avuga ko muri iki gihe, abaturage ba Repubulika ya Demokarasi ya Congo, ari bo ba nyir'umutungo kamere uri mu butaka bw'igihugu cyabo ariko bakomeje kwibasirwa n'ubukene bukabije n'amakuba ashingiye kuri uwo mutungo.
Mu gusoza ijambo rye, yavuze ko mu buryo bwumvikana, ubu bigaragara ko “uzashaka gucamo igihugu ibice kubera ibitekerezo bya politiki, azasanga abaturage mu nzira ye”.
Umukinnyi w’ikipe y’igihugu y’Amavubi wakiniraga Lille y’abatarengeje imyaka 19, Hakim Sahabo yatandukanye n’iyi kipe mbere yo kwitabira ubutumire bw’ikipe y’igihugu.
Sahabo Hakim ari mu bakinnyi 28 umutoza Carlos Alos Ferrer yahamagaye azitabaza ku mukino w’umunsi wa 5 w’itsinda L mu gushaka itike y’igikombe cy’Afurika cya 2023 kizabera muri Côte d’Ivoire umwaka utaha wo u Rwanda ruzakira Mozambique ku wa Gatandatu.
Uyu mukinnyi ukina mu kibuga hagati ariko asatira akaba agomba kugera mu Rwanda ku wa Kane w’iki cyumweru tariki ya 15 Kamena 2023.
Bivugwa ko icyatumye atinda ari uko agomba gutandukana n’iyi kipe yo mu Bufaransa aho yakinaga mu batarengeje imyaka 19 ndetse n’ikipe ya kabiri yayo.
Amakuru ISIMBI yamenye ndetse ava mu bantu ba hafi mu muryango b’uyu mukinnyi ni uko uyu munsi agomba kurara asinyiye Standard de Liège mu Bubiligi ari n’aho yavukiye.
Hakim Sahabo yatandukanye na Lille, arerekeza muri Standard de Liège
Bamwe mu baturage batuye mu Mudugudu wa Isangano, mu Murenge wa Rwimiyaga mu Karere ka Nyagatare, barasaba leta gushyira mu bikorwa umugambi yatangije wo kubimura cyangwa ikabivamo kugira ngo bave mu gihirahiro.
Imyaka ine irashize aba baturage, babwiwe ko bagomba kwimurwa bagatuzwa mu kandi gace kegereye ibikorwaremezo.
Uyu mudugudu uri ku musozi uhana imbibi n'igihugu cya Tanzania, kuko batandukanwa n'umugezi w'Akagera.
Abanyamakuru ba Flash bahageze, basanga abaturage babayeho mu buzima bwihariye.
Uyu ni umugudu ukikijwe n'ishyamba rya Kimeza, nta mazi, nta mavuriro, nta mashanyarazi ndetse nta n'amashuri ahari.
Abaturage baravuga ko bategetswe n'ubuyobozi bw'Akarere, kutagira igikorwa na kimwe cyo kubaka cyangwa kuvugurura bakora muri uyu mudugudu, mu gihe bagitegereje kwimurwa.
Umwe ati 'Turahaba ariko bigeze nyuma baza kuvuga ko hano hantu hadakwiye guturwa. Baraza barabarura, buri muturage utuye aha arabaruwe inzu ye n'ubutaka bwe. Bivuze ngo kuva iryo barurwa ryakorwa ninabwo bahise batanga ariya mabwiriza , ni ukuvuga ngo niba ari inzu ni iyo , ntushobora kubaka iyindi, mbese ni ukuvuga ngo nta kindi gikorwa cy'iterambere cyakorwa aha. '
Mugenzi we ati 'Natwe byaratuyobeye! Baratubwiye ngo bazatwimura ariko twarategereje turaheba, natwe biratuyobera. '
Undi ati 'Kuva twahatuzwa nta buzima.Twabayeho bigeze aho imyaka ine ishize bati hano ni amanegeka. Nta terambere, nta mazi muzabona, nta mashuri muzabona, muzahimuka.Baratubarura n'ibyacu byose,ariko iyo myaka ine irashize. Nk'ubu nitanzeho urugero inzu zanjye zihirimye kane kose habaye imbuga. '
Nubwo bahinga bakeza baravuga ko bacitse integer, kubera ko amafaranga yabo ntacyo bayamaza.
Umubare munini w'abana bo muri uyu mudugudu bataye amashuri, bitewe no kubura aho bigira.
 Icyakora hari ababarirwa ku ntoki bajya kwiga bakoze urugendo rurerure.
Barasaba leta kubimura mu maguru mashya cyangwa se ikabivamo kugira ngo bave mu gihirahiro.
Umwe ati 'Impamvu abana batiga ni uko amashuri ari kure ni ukuvuga ngo nugiyeyo agenda ari ukubimuhatira kubera ko akora urugendo rurerure. Mbese urebye abana bibera mu rugo.'
Undi ati 'Ntabwo tuzi aho duhagaze , ntituzi niba turi abaturage batuye cyangwa se tudatuye.'
Mugenzi we ati 'Twasabaga ko twava mu gihirahiro , niba ari ukwimuka tukimuka, niba ari ukuguma aha tukahaguma, tukabona amajyambere nk'abandi.'
Ubuyobozi bw'Akarere ka Nyagatare, bugaragaza ko bwafashe umwanzuro wo kwimura aba baturage, kubera ko babayeho mu bwigunge.
Icyakora Umuyobozi w'aka Karere, bwana Gasana Stephen, avuga ko ntawababujije guhinga mu gihe, igihe cyo kubimura kitaragera.
Ati 'Hari abantu twabonye mu myaka yashize, batuye ahantu hatabafasha mu mibereho nk'uko muhabona ni inyuma ku mupaka wacu n'igihugu cya Tanzania, ni ahantu ku Kagera, ni ahantu iyo tubonye ibikorwaremezo by'imihanda by'amazi, by'amashanyarazi, bishobora gutinda.'
Yakomeje agira ati 'Niyo mpamvu hagiye hafatwa icyemezo cy'uko aho twabonaga ndetse hateye ikibazo abana kwiga , hagiye habaho kwimura abantu. Ariko iyo umuntu atarimuka nk'uko ubizi ko amategeko abiteganya, utarimuka ari mu butaka bwe arahinga agasarura.'
Amateka y'uyu mudugudu agaragaza ko mu mwaka wa 2009, mu gihe cya komisiyo yo gusaranganya ubutaka, abaturage bari bakenye kurusha abandi ari bo bahatujwe ndetse banahabwa n'ubutaka bwo guhingaho.
Aha hari ishyamba rya kimeza ariko uko ibihe byagiye bisimburana niko n'abaturage bagiye bahinga ubutaka baratura.
 Icyakora kuva icyo gihe kugeza ubu imibereho yakomeje kubagora, kubera nta gikorwaremezo na kimwe gihari.
Irene Murindahabi usanzwe ari umujyanama w'abahanzi Vestine na Dorcas anarenerera inyungu, ku munsi w'isabukuru ye y'amavuko yavuze uburibwe Mama we ari gucamo kubera uburwayi.
Ubwo Irene yari mu kiganiro Sunday The Choice Live, ku Isibo TV, cyabaye mu ijoro ryo kuri iki cyumweru tariki 11 Kamena 2023, bagenzi be, Phil Peter na Babu ndetse n'umuhanzi Niyo Bosco bamutunguye maze bamuzanira 'keke' baranamuririmbira.
Gusa mu ijambo yavuze, Irene yatangaje ko umubyeyi we arembye cyane, akaba ari guca mu buribwe, ku buryo anafite ubwoba ko yakitaba Imana.
Uwahoze ari Perezida wa Rayon Sports Gacinya Deny nyuma y'iminsi yangiwe kuyimamariza kuba visi Perezida wa kabiri wa Ferwafa yamaze kongera kubiherwa uburenganzira.
Akana k'ubujurire ka komisiyo y'amatora kamaze kwemeza ko Perezida w'ikipe ya Gorilla FC wigeze no kuyobora ikipe ya Rayon Sports Gacinya Chance Deny afite ukuri kandi yemerewe kongera kwiyamamariza kuba Visi Perezida wa kabiri w'ishyirahamwe ry'umupira w'amaguru mu Rwanda Ferwafa.
Umukobwa w'ikizungerezi yarize arahogora nyuma yo gukorerwa ibintu biteye ubwuzu n'umukunzi we maze nawe amarira ayasuka hasi karahava.
Mu mashusho yashyizwe ku rubuga rwa Instagram na Kazungu Kaboss yagaragaje umukobwa ari kurira cyane ku buryo budasanzwe nyuma y'uko umukunzi we amutereye ivi mbese ari kumusaba kumubera umugore.
