Category: Uncategorized

– Urukiko rugiye gusoma urubanza rubanziriza urundi

-Uyu munsi ni uwa nyuma w'ubucamanza bivuze ko hashyizweho imanza nyinshi

-Ubushinjacyaha bwashyizemo ikimenyetso cy'amajwi

-Urukiko rwasanze ari ngombwa gusubika urubanza

-Amagarama yasubitswe, azemezwa mu icibwa ry’urubanza

Hanzuwe ko hazabaho isubukurwa ry'urubanza kugirango impande zombi ziburane ku kimenyetso cyashyziwe muri dosiye 23 Kamena 2023.

Urukiko rwanzuye ko ku itariki14 Nyakanga 2023 iburana rizasubukurwa Saa tatu ku Rukiko Rukuru  kugirango ayo majwi yashyizwe muri dosiye aburanweho.

Uko ubujurire bw'Ubushinjacyaha bwagenze mu Rukiko Rukuru

Urukiko Rukuru rwasoje kumva impande zombi mu bujurire bw'Ubushinjacyaha mu rubanza ruregwamo Ishimwe Dieudonné wahoze ategura irushanwa rya Miss Rwanda, ukurikiranyweho ibyaha byo gukoresha imibonano mpuzabitsina ku gahato no guhoza undi ku nkeke bifitanye isano n'imibonano mpuzabitsina.

Iburanisha ryo ku wa 28 Mata 2023 ryaranzwe no kwiregura ku ruhande rwa Prince Kid no kugaragaza ko ibimenyetso byatanzwe n'ubushinjacyaha biteye ugushidikanywaho.

Ubushinjacyaha bwajuririye icyemezo cy'Urukiko Rwisumbuye cyagize umwere Prince Kid, bugaragaraza ko umucamanza atitaye ku bimenyetso byatanzwe na zimwe mu mvugo z'abatangabuhamya.

Me Nyembo Emeline wunganira Prince Kid, yavuze ko ubusanzwe iyo ubushinjacyaha bujurira bukwiye kuba bunenga ingingo zaburanywe mu rubanza rwa mbere ariko ko ubu atari ko bimeze.

Yagaragarije urukiko ko Ubushinjacyaha bushaka kuzana ingingo zitaganiriweho mu Rukiko Rwisumbuye nk'ibimenyetso kandi atari ko byagakwiye kugenda.

Ku wa 28 Mata 2023 wari umunsi wa kabiri w'urubanza mu bujurire, mu Rukiko Rukuru.

Mbere y'iburanisha Umushinjacyaha yasabye urukiko ko rwakihanangiriza abanyamakuru kubera ko hari abakoresheje amazina y'abatangabuhamya kandi nyamara harakoreshejwe kode mu nyungu z'umutekano w'abatangabuhamya.

Perezida w'Inteko Iburanisha yahise agira ati 'Urukiko rwihanangirije itangazamakuru n'abanyamakuru bakora ibinyuranyije n'amategeko nyuma y'iri buranisha nihagira ikigarara cyakozwe kinyuranyije n'amategeko ingaruka zabyo azabyirengera.

Bimwe mu byatanzwe n'Ubushinjacyaha nk'ibimenyetso byerekana ko umutangabuhamya umwe yageze kwa Prince Kid, harimo akabati atunze avuga ko yabonye ubwo yajyagayo muri Werurwe 2020.

Iki cyateje impaka mu iburanisha riheruka ndetse uruhande rwa Prince Kid rugaragaza ko ibivugwa n'ubushinjacyaha atari ukuri.

Prince Kid yahawe umwanya ngo yitse kuri iki kimenyetso cyagaragajwe, avuga ko atari byo kuko mu rugo rwe akabati kahageze ku wa 31 Kanama 2020 bityo ko ibivugwa n'umutangabuhamya ari ibihuha.

Umushinjacyaha yahise agaragaza ko fagitire yatanzwe na Prince Kid igaragaza igihe akabati kaguriwe atari we yanditseho ahubwo ko iri mu izina rya Rwanda Inspiration BackUp kandi ko byakozwe agura ibikoresho byo mu biro.

Prince Kid yasobanuye ko nubwo fagitire iriho urutonde rw'ibikoresho yaguraga harimo n'ako kabati yanditswe ku mazina y'ikigo cye bwite, ibyo yaguze byari ibikoresho by'umuyobozi kandi bigomba kuba iwe mu rugo.

Yavuze ko ako kabati agatunze iwe aho kuba ako mu biro nk'uko ubushinjacyaha bubigaragaza bityo ko ibivugwa n'uwo mutangabuhamya bitagakwiye guhabwa agaciro.

Umushinjacyaha yavuze ko batakwita ku kabati cyane ngo kuko atari ko kakuraho kuba ibyaha akurikiranweho yarabikoze.

Ati 'Nta byinshi twabivugaho kuko ako kabati atari ko kagaragaza ko Ishimwe atahohoteye bariya bakobwa. Akabati ntabwo ari ko kasambanya umukobwa, si ko kamuha urumogi n'inzoga.'
Impande zombi zigaragaza ko ibimenyetso byagiye bitangwa na buri rumwe, bishidikanywaho akaba ari nayo mpamvu Urukiko Rwisumbuye rwa Nyarugenge bimwe rutabihaye agaciro.

Ubusanzwe itegeko rigaragaza ko iyo ibimenyetso bishidikanywaho uregwa ariwe ubyungukiramo kuko bitashingirwaho mu gufata icyemezo cy'urukiko.

Mu bujurire bw'Ubushinjacyaha, Me Ninahazwa Roselyne yagaragaje ko ibimenyetso bitandukanye batanze byirengagijwe n'umucamanza mu Rukiko Rwisumbuye.

Muri uru rubanza abatangabuhamya bahawe kode kubera umutekano wabo barimo TGK, TPF, TTF na VMF.

Yagaragaje ko hari imvugo z'abatangabuhamya ubwazo zishobora gufatwa nk'ikimenyetso bigendanye na kamere y'icyaha ndetse n'ibindi bishingiye ku butumwa Prince Kid yahererekanyije n'umwe muri abo bakobwa ndetse n'amajwi ye.

Yagaragaje ko ibyo byirengagijwe akagirwa umwere.

Yabwiye urukiko ko igihe rwashidikanya ku buhamya bwabo rwakongera rukabahamagaza bakabazwa.

Prince Kid yagaragaje ko ibyo bimenyetso bitirengagijwe ahubwo ko umucamanza yasanze bitahabwa agaciro kuko bishingiye ku magambo gusa.

Yagaragaje ko ubutumwa bwagaragajwe burimo ikibazo ngo kuko mu biganiro bagiranaga n'umwe mu bakobwa bivugwa ko yahojeje ku nkeke, Ubushinjacyaha bwafataga interuro imwe aho kugaragaza ikiganiro cyose.

Yagaragarije urukiko ko n'amajwi Ubushinjacyaha buvuga adakwiye guhabwa agaciro kuko hari ibyakuwemo byatumye buyatwara uko bushaka.

Uruhande rwa Prince Kid rwagaragaje ko impamvu ibyo bimenyetso bitahawe agaciro ari uko bamwe muri abo bakobwa biyandikiye amabaruwa bemeza ko nta hohoterwa bakorewe akanashyirwaho umukono na noteri n'ubwo ubushinjacyaha buvuga ko izo nyandiko zitakwemerwa.

Prince Kid yavuze ko uretse izo nyandiko ariko batumiwe n'Umucamanza bakongera gusubiza ko batigeze bakorerwa ihohoterwa.

Yagaragaje ko ibimenyetso bitanu by'Ubushinjacyaha birimo gukomanga ku muryango w'umwe mu bakobwa bari bakoranye urugendo, ubutumwa bugufi bwahererekanyijwe kuri telefoni, amajwi n'urutonde rwabo bahamagaranye (call history) bishidikanywaho.

Ni urubanza rwaranzwe n'imvugo zikakaye ku mpande zombi, by'umwihariko uruhande rw'uregwa rwagaragaza ko Ubushinjacyaha ibyo buvuga bidafite ishingiro.

Ibi byatumye inteko y'abacamanza bane ikomeza kujya yibutsa impande zombi koroherana no guhana ijambo mu gihe rumwe rwisobanura.

Me Nyembo yongeye kubwira urukiko ko ibimenyetso byari byatanzwe byasuzumwe bikagaragaza ko nta shingiro bifite kandi bimwe byagiye bikurwamo bakiburana ku ifunga n'ifungurwa ry'agateganyo.

Prince Kid yavuze ko ibimenyetso byatanzwe nko ku cyaha cyo gusambanya undi ku gahato n'ishimishamubiri ari ibimenyetso byo mu mvugo gusa asaba abacamanza kubisuzuma.

Ikindi Prince Kid yagaragaje ni uburyo inyandiko z'abatangabuhamya zimwe zigaragaza ko babarijwe rimwe, isaha imwe, kandi n'umugenzacyaha umwe bityo ko ari ibintu byo kwibazwaho.

Kimwe mu bimenyetso byatanzwe n'Ubushinjacyaha bugaragaza ububasha Ishimwe Dieudonné yari afite kuri aba bakobwa bitabiraga irushanwa rya Miss Rwanda, ni umwe mu bakobwa wavuze ko yigeze guhagarikirwa umushahara.
Ibi bikifashishwa nko kugaragaza ko iyo umukobwa atakoraga ibyo Prince Kid ashaka yashoboraga kumufungira amayira.

Prince Kid yagaragarije ko atari ko byagenze kuri uwo mukobwa ahubwo ko abatsindaga bagiranaga amasezerano y'imikoranire n'Ikigo 'Rwanda Inspiration BackUp ariko ugasanga imishahara yabo itangwa n'ibigo bibagira aba 'Brand Ambasodor' binyuze muri yo.

Uko ni ko byagenze ku mukobwa umwe ariko ngo nyuma y'ibyumweru bibiri gusa yaje kwandika itangazo ko atakomeza gukorana na Rwanda Inspiration Back Up bituma ikigo cyamuhembaga gihagarika umushahara kuko wanyuraga muri iki kigo cyateguraga amarushanwa.

Yavuze ko ibyo nta ruhare yari yabigizemo icyakora baje kumuganiriza aza kwisubiraho nyuma y'ibiganiro.

Mu rubanza rwabereye mu muhezo mu Rukiko Rwisumbuye rwa Nyarugenge, Ubushinjacyaha bwari bwasabye ko Prince Kid yahamwa n'ibyo akurikiranyweho agahanishwa imyaka 16 y'igifungo.

No mu bujurire iki cyifuzo nticyahindutse kuko aricyo kigiye kugenderwaho mu gufata icyemezo.

Prince Kid yongeye kuvugira imbere y'urukiko ko yizeye kubona ubutabera kandi ko ibyaha akurikiranwaho ntabyo yakoze. Prince Kid kuva ku itariki 31 Ukwakira mu 2013 nibwo binyuze muri Rwanda Inspiration Back Up yatangiye gufata mu biganza irushanwa rya Miss Rwanda kugeza aryambuwe ubwo yatabwaga muri yombi.

Yatawe muri yombi ku itariki 25 Mata 2022 yahise afungirwa kuri Station ya RIB I Remera. Yatangiye kuburana ku ifungwa n'ifungurwa ry'agateganyo ku itariki 11 Gicurasi aburana ku ifungwa n'ifungurwa ry'agateganyo ku rukiko rw'ibanze rwa Kicukiro. Ku itariki 16 Gicurasi 2022 yakatiwe gufungwa iminsi 30 y'agateganyo.

 Ku itariki 26 Gicurasi 2022 yaburanye ku bujurire ku ifungwa n'ifungurwa ry'agateganyo. Ubujurire yari yabutanze ku itariki 19 Gicurasi 2022 nkuko itegeko riteganya iminsi 5 yo gutanga ubujurire. 

Ku itariki 3 Kamena 2022 urukiko rwisumbuye rwatesheje agaciro ubujurire bwe. Ku itariki 05 Ukwakira 2022 yatangiye kuburana mu mizi. Ku itariki 12 Ukuboza 2022 yagizwe umwere ahita afungurwa by'agateganyo.

Ibi bitaramo byabaye ku mugoroba wo kuri uyu wa Kane, ariko byabereye ahantu hanyuranye. Igitaramo '5 Years Anniversary Live Concert' cya Kigali Protocal cyabereye muri Kigali Conference and Exhibition Village ahazwi nka Camp Kigali.

Iki gitaramo cyaririmbyemo abahanzi barimo Ariel Wayz, Ruti Joel ndetse na Bushali. Ni mu gihe Davis D, B-Threy, Boy Chopper na Kenny uzwi nka 'Imana y'imihanda' batunguranye muri iki gitaramo cyahuje ibyamamare.

Ni kimwe mu bitaramo byari bimaze igihe bitegerejwe mu Rwanda, ahanini biturutse ku kuba iyi kompanyi ya Kigali Protocal yaragiye ikorana n'abantu banyuranye ndetse n'ibigo.

Umukundwa Joshua washinze Kigali Protocal yavuze ko bagejeje imyaka itanu biturutse ku bantu bakoranye bagiye babaha akazi, uhereye ku munyarwenya Clapton Kibonke, Aline Gahongayire wakunze kubashyigikira, ikigo cya Samsung 250 gicuruza telefoni, umubyeyi we, ababyeyi b'abasore n'abakobwa babarizwa muri iyi kompanyi n'abandi.

Ati 'Ndashimira buri wese wagize uruhare kugirango ubu tube twizihiza imyaka itanu ishize. Rwari urugendo rutoroshye, ariko rwarimo amasomo akomeye, twizeye kuzakomeza gutanga serivisi za 'Protocol' tubifashijwemo namwe mu gihe kiri imbere.'

Ubwo igitaramo cya Kigali Protocal cyarimo kiba, Kenny yari yahuje inshuti ze, abavandimwe, abanyamakuru n'abandi bagira uruhare mu guteza imbere umuziki abamurikira Extended Play ye ya mbere yise 'Strong than before' mu birori byabereye kuri Century Park i Nyarutarama.

Ep ye iriho indirimbo: 'Intro', 'More one Time' yakoranye na Harmonize, 'Enough', 'Falling in Love' yakoranye na Ariel Wayz, Joli yakoranye na Peruzzi, Call yakoranye na Fik Fameica, Addicted ndetse na Stronger than before yitiriye EP.

Ni EP idasanzwe mu rugendo rw’umuziki wa Kenny Sol. Yavuze ko ashima byihariye aba Producer bose barambitse ikiganza kuri iki gihangano by’umwihariko Prince Kiizi.

Kenny Sol yavuze ko yakoranye indirimbo na Harmonize binyuze ku nshuti yabahuje. Avuga ko byari amata abyaye amavuta nyuma y’uko ahuye na Harmonize yumvise igihe kinini ubwo ‘nari mu buzima bwo kuri ghetto’.

Yavuze ko ubwo Harmonize yazaga mu Rwanda kuhakorera indirimbo, Producer Element yamwumvishije indirimbo ‘Stronger than before’ arayikunda maze yanzura kuyikorana nawe. Kenny avuga ko guhura akaganira na Harmonize zari inzozi ze.

Kenny Sol avuga ko EP nziza idashingira ku mubare w'abayikunze, ahubwo urwibutso isiga n'amarangamutima ku bayumvise nicyo gisobanuro cyayo nyacyo. Yavuze ko yashyize umutima mu ikorwa ry'iyi EP, imbaraga ze zose, amajoro adasinzira n'ibindi byatumye  ayifata nk'idasanzwe mu buzima.

Ibi bitaramo byombi byabaye mu gihe cy'amasaha amwe. Juno Kizigenza uherutse gushyira ahagaragara album ye ya mbere yise 'Yaraje' yarimo aganiriza urubyiruko n'abandi bitabiriye igitaramo cy'urwenya cya Gen-Z Comedy cyabereye kuri Mundi Center.

Uyu musore yagarutse ku rugendo rw'umuziki we ubwo yaganiraga na Fally Merci usanzwe utegura ibi bitaramo, ndetse anitsa kuri album ye yise 'Yaraje'.

Ni album yihariye mu rugendo rwe rw'umuziki, kuko yayikoranye n'abahanzi bakuru mu muziki barimo Butera Knowless, King James, Bull Dogg, Riderman, Bruce Melodie, Kenny Sol ndetse na Ally Soudy.

Yakozweho na ba Producer barimo MadeBeats usigaye abarizwa mu Bwongereza, Santana wo muri Hi5, Price Kiizi wo muri Country Records, Kozze, Bob Pro, Kina Beats, Nase Beat n'abandi banyuranye bagiye bahuza imbaraga mu gutuma  igira icyanga.

Ubwo yashyiraga  hanze iyi album, Juno Kizigenza yagize ati 'Imfura yanjye mu mizingo yageze hanze ahantu hose bumvira imiziki. Reka mfate umwanya wo gushimira buri wese wagize uruhare kuri iyi album, abahanzi bagenzi banjye, aba Producer n'abandi.'

Knowless Butera aherutse kubwira InyaRwanda ko iyi album iri mu zo yishimiye gutangaho umusanzu we. Ati 'Juno ni umuhanzi mwiza nkunda, nawe afite album nziza cyane, hari n’indirimbo twakoranyeho. Muyitege, ni album iteye ubwoba, izabashimisha.”

Iki gitaramo cy’urwenya cyarimo Joshua, Joseph, Nkirigito Clement, Cardinal, Mavide&Pazzo, Herve Kimenyi n’abandi.

    

Kigali Protocal yakoze igitaramo cyo kwizihiza imyaka itanu ishize babonye izuba cyabereye muri Camp Kigali 

Ariel Wazy yaririmbye muri iki gitaramo ashyigikira urugendo rw’imyaka itanu ishize batangiye

Ruti Joel yaririmbye indirimbo ze zirimo kuri album ‘Musomandera’ ndetse na ‘Nasara’ ya Meddy

 

Bushali na B-Threy bahuje imbaraga bunamiye umuraperi Jay Polly wabaye intangiriro y’umuziki wabo

Umunyamuziki Davis D yatunguranye muri iki gitaramo nyuma yo gusohora indirimbo ‘Bermuda yakoranye na Bull Dogg
 

Kenny Sol yamuritse Ep ye anayishyira ku mbuga zinyuranye zicurizwaho umuziki

Juno Kizigenza yagarutse ku rugendo rw’umuziki we 

Juno Kizigenza yaganiriye na Fally Merci kuri album ye ‘Yaraje’

 

Umunyarwenya Nkirigito Clement

 

Byageze aho aryama hasi! Umunyarwenya Joshua yemeje abantu 

Umunyarwenya Herve Kimenyi uri mu bakomeye, akunze kwifashisha cyane icyongereza iyo atera urwenya

Umunyarwenya Michael Sengazi yongeye gususurutsa abitabiriye Gen-Z Comedy
Umunyarwenya Admin ari mu batanga icyizere bari kunyura muri Ge-Z Comedy 

Fally Merci yavuze ko Gen- Z Comedy ikurikira iyi izaba tariki 13 Nyakanga 2023

KANDA HANO WUMVE INDIRIMBO ZIGIZE EP YA KENNY SOL YISE ‘STONGER THAN BEFORE’

“>

Kanda hano urebe amafoto menshi yaranze igitaramo cya Kigali Protocal

Iyi nkuru ishingiye ku busesenguzi bwite bwa muntu mu mpinduka zishobora kuba muri APR FC cyangwa ntizibe mu mwaka w’imikino 2023-24. APR FC niyo kipe mu Rwanda igira inyota y’igikombe cya Shampiyona y’u Rwanda kurusha izindi, n’ikimenyimenyi niyo kipe ifite ibikombe byinshi bya Shampiyona kuva igihe yatangiye gukinira.

Iyo nyota rero, ituma iyi kipe ikora buri kimwe ngo ihorane imyenda ifuze, ariyo mpamvu gutandukana n’abakinnyi ari kimwe mu gikorwa gikunze kuyiranga buri mwaka w’imikino. Uyu mwaka rero ni injyana muntu kuko bishoboka ko APR FC yagaruka mu bakinnyi   b’abanyamahanga nyuma y’imyaka isaga 10 itabikozwa.

Byagenda gute APR FC igaruye abanyamahanga?

Ntabwo itandukaniro ryaba rinini ku rya 2013 ubwo APR FC yafataga umwanzuro wo gukoresha abakinnyi b’abanyarwanda gusa, kuko nabwo yirukanye abanyamanga   benshi.

Umushinga mushya uri gutegurwa mu ikipe ya APR FC nyuma y’imyaka 10 ikinisha abanyarwanda gusa

Umukinnyi w’umunyarwanda wasigara muri APR FC (wa gurwa na APR FC) yaba ari ku rwego  rw’ubuhanga n’ubwitange nk’ubwo Haruna Niyonzima, Iranzi Jean Claude na Miggy bariho ubwo iyi kipe yakoreshaga abakinnyi b’abanyamahanga.

Umwanzuro wo gukoresha abakinnyi b’abanyamahanga, uratanga igisubizo kiziguye ko abakinnyi benshi bari muri iyi kipe batandukana nayo kandi hagendewe ku mpamvu zirenze imwe.

Ntabwo ari ubwa mbere APR FC yaba yirukanye  abakinnyi barenze abo Mukura yatangiranye umwaka w’imikino 2022-23

Mu 2019, APR FC yirukanye abakinnyi 16 mu buryo butunguranye, nyuma yo kubura igikombe cya Shampiyona yambuwe amanota na Rayon Sports.

Abakinnyi 16 birukanwe na APR FC nyuma y’umusaruro muke  bari bagaragaje

Mu nkuru ya BBC yasohotse tariki 28 Kamena 2019, BBC yavuzeko “Umwe mu bakozi b’ikipe ya APR FC yabwiye BBC ko hari impamvu zinyuranye zatumye APR FC isezerera abakinnyi bayo barimo n’abasanzwe babanza mu kibuga nka Kapiteni wayo Jean Baptiste Mugiraneza ‘Miggy’, Michel Rusheshangoga na Nshuti Dominique Savio.”

Iri jambo impamvu zitandukanye ni naryo rishobora kuzagaruka mu gihe APR FC izaba itandukanye n’abakinnyi bayo kuko hazaba harimo abakinaga n’abatakinaga.

Muri iyi nkuru, BBC yakomeje ivuga ko “Zimwe mu mpamvu zivugwa n’abakurikiranira hafi APR FC harimo kuba hari abandi bakinnyi bashya APR FC igiye kuzana, harimo abava muri mukeba Rayon Sports, ndetse n’abakinnyi APR idashaka kuko bavugwaho gukoresha ‘amarozi’ mu kibuga.”

Ni uku byari bifashe mu 2019 ubwo APR FC yashimiraga abakinnyi 16  umuhate bagaragaje birangira iyi kipe ibasezereye

Kuba hari abandi bakinnyi bashya APR FC ishaka, nabyo bishoboka kuzakora ku bakinnyi bari bahari kuko harimo abari kurambagizwa bavuye mu mahanga.

Ubundi se koko abo banyamahanga bazaza?

Lt Col Richard Karasira uherutse kuba umuyobozi mushya wa APR FC yemeza ko abakinnyi b’abanyarwanda bakomeye ariko hari aho bataragera.

Aha yaganiraga n’itangazamakuru nyuma y’amatora ya FERWAFA. ” Turemera ko hari aho bageze mbere mu mupira, ni yo mpamvu twabitabaza. Abanyarwanda barashoboye, mboneraho gusaba abanyamakuru cyane, Abanyarwanda nimubafashe kwiyubaka na bo, tureke kubarata ntaho baragera. Turabarata cyane, tukabataka kandi bakiri kure cyane. Ntekereza ko mu mitwe hari uburyo bibakoraho.”

Manishimwe Djabel ni umukinnyi mwiza akaba na Kapiteni wa APR FC, ariko bisa naho batakimufitiye agahararo

Umunyamakuru amubajije ku imaramatsiko abafana ba APR FC bafite ku bakinnyi bashya n’abatoza. Chairman yavuzeko babirimo. Yagize Ati”APR FC iri kurambagiza abakinnyi b'imbere mu gihugu no hanze yacyo ku buryo bazayifasha kugera kure mu mikino Nyafurika ya CAF Champions League 2023/24.  Twabizeza ko tubirimo neza, umuntu wese twumva ko tuzifashisha kuba twagera kure mu mikino Nyafurika, intwaro zose tuzabona zo gukoresha hano mu gihugu no hanze, tubirimo neza kandi turizeza ko bizagenda neza mu gihe kidatinze bazamenya amakuru.”

Tumaze kubona ko abakinnyi bashya bazaza muri APR FC, ese ni bande bashobora gutandukana n’iyi kipe? 

Mutabaruka Alexandre, Imanishimwe Djabel, Rwabuhihi Aimee  Placide, Ishimwe Anicet, Ishimwe Fiston, Mugunga Yves, Itangishaka Blaise, Yannick Bizimana, Tuyizere Jean Luc, Nsengiyumva, Uwiduhaye Aboubakal, Ndayishimiye Dieudonne, Nsanzimfura Keddy, Ndikumana Fabio na Nizeyimana Djuma. 

Aba bakinnyi tuvuze haruguru, harimo ababanza mu kibuga kuko hari abirukanwe mu 2019, hari abashinjwa imyitwarire mibi nk’uko byagenze mu 2019, hari abadafite umwanya uhagije mu kibuga  kandi ubusanzwe umukinnyi udakina iyo ikipe ikoze impinduka ishaka umusaruro mwiza abo nibo bagenda mbere.

Nk’uko mu 2019 byagenze ubwo APR FC yerekanaga Manzi Thierry, Manishimwe Djabel na Mutsinzi Ange mu buryo butunguranye, ni nako bizagenda ejobundi ubwo izaba yerekana abakinnyi bashya yaguze.

Aha ubuyobizi bwa APR FC bwari bwatumijeho abakinnyi babamenyesha ko imyitwarire yabo itari kubanyura. Ni n’uko bizaba bimeze ubwo bazaba baje gufata inzandiko zabo, gusa icyo gihe ntabwo bazaba bambaye impuzankano

Mu bo APR FC  ishaka  harimo n’abatoza

Nk’uko byari biteganijwe ku isaha ya Saa kumi z'umugoroba imiryango yarifunguye mu ihema rimwe mwagize Camp Kigali.

Muri ayo masaha umuziki warimo ujya mbere ari nako abantu bagenda baza.

Birumvikana akazi karangira Saa Kumi n’Imwe kandi wari umunsi w’akazi bityo abantu batangiye kwinjira cyane mu masaha ya Saa kumi n’Ebyiri Saa Mbiri.

Mu masaha ashyira Saa Mbiri nibwo Rusine yatangaje ko hagiye gutangira igikorwa cyo gutambuka ku itapi y'umutuku.

Abiganjemo ibyamamare babifashijwemo na Ally Soudy na Nikita Imani batangira kwiyereka abitabiye iki gitaramo.

Uko amasaha yagendaga yicuma niko n'abantu bagenda barushaho kwiyongera ku buryo imyanya y'imbere yageze aho irashira n’isanzwe bidatinze biba uko.

Abantu babaga banyuranamo bajya gufata ibyo kunywa no kurya aho rero niho ufite ijisho rizima yitegereza akabona ibidasanzwe mu bafana byumwihariko mu myambarire.

Uhereye ku y'abakobwa ba Kigali Protocal bamaze kwamamara mu bwiza no kugira ubuhanga mu gutanga serivisi nziza za Protocol no kwamamaza ibikorwa bitandukanye.

Tukaba rero ibyo tutabirenza ingohe, ari  nayo mpamvu  twifuje kubagezaho amafoto ya zimwe mu nkumi zitabiye iki gitaramo n’uko zari ziteguye tutirangagije aba Kigali Protocal bagendaga bahinduranya amakanzu ubutitsa.

Umwe mu bakobwa bitabiye iki gitaramo afata ibihe by’urwibutsoMu myambarire buri umwe yari yahisemo iyo abona ijyanye n’ibiroriGisele Byusa byamurenze ashyira ibiganza mu kirereAbakobwa ba Kigali Protocal bagendaga bahinduranya amakanzu mu bihe bitandukanyeUmuhanzikazi Ange Bebe yari yabucyereye n’akanyamuneza ari kose ku masoBiba ari amateka atazagaruka buri umwe yitwaraga uko mwuka abimweretseBamwe mu bakobwa bagize Kigali Protocal bari ku ruhembe rw’imbere muri ibi biheWitegereje ku maso ha Byusa wabona ko ibirori byari byaryoshyeInseko izira imbereka ya bamwe mu bakunzi ba Kigali ProtocalDJ Briane byari byamurenze ari nako abyinana n’umwe mu bafana bari bahariUvuze ko bitari ibyishimo waba unyuranije n’ukuri kw’ibyabayeGucikanwa no gufata amashusho n’amafoto ni kimwe mu byo abitabiye batari bukoreAline Gahongayire wakomeje kuba hafi Kigali Protocal ari mu bari baje kwizihizanya nayo imyaka 5 imazeUmuziki wajyaga mbere ariko abantu bafata icyo kunywa banaganiramoNi amateka atazibagirana mu myidagaduro yo mu RwandaAbantu banyuzagamo bakabyina ari nako bongororerana ku byiza biri kujya mbereIgitaramo cya Kigali Protocal ni kimwe mu byiyubashye kandi byatanze ibyishimoUmwe mu bakobwa bakorera Samsung250 ni uku yaserutse yambayeSamsung 250 iri mu bateye inkunga igitaramo cya Kigali ProtocalIgisonga cya kabiri cya Miss Rwanda 2022 ari mu bitabiye iki gitaramoUmwe mu bahanga mu by’imideli ni uku yaserutse yambayeUmufotozi wabigze umwuga Promesse Kamanda n’umubyinnyi uri mu bagezweho Saddie Vybez

AMAFOTO: NATHANAEL NDAYISHIMIYE+SERGE NGABO-INYARWANDA.COM

 

Hagiye hanze amajwi ya Zari Hassan arimo asa n’usebya umugabo we baheruka gukora ubukwe, Shakib Lutaaya, aho yavuze ko ubugoryi bwe ari bwo amukundira.

Zari yumvikana avuga ko umugabo we nta cyizere yigirira, ari umuntu ucecetse cyane ndetse ko imyitwairire ye itangaje.

Aya majwi ye yasaga n’urimo aganirira umuntu kuri telefoni, yavuze ko yamutunguye cyane ubwo bari barimo bashaka visa yo kujya mu Bwongereza aho yari yagize igitutu cyinshi n’ubwoba.

Akomeza avuga ko umugabo agira ubwoba cyane kandi akaba ari umuntu uba utuje cyane ndetse ngo ubwo bugoryi bwe ari bwo amukundira.

Ati 'Aracecetse cyane, agira ubwoba, buri gihe aba afite isoni n’ubwoba bwinshi cyane ariko mukundira ubwo bugoryi bwe.'

Muri Mata 2023, ubwo Abayisilamu bari mu gisibo cya Ramadhan, ni bwo Zari Hassan na Shakib bari bamaze igihe kitari kinini bakundana bakoze imihango y’ibanze y’ubukwe bwabo yabereye muri Afurika y’Epfo.

Mu mpera z’umwaka ushize wa 2022 nibwo Zari yahishuye ko yavuye kwerekanwa iwabo wa Shakib ndetse bamwishimiye.

Icyo gihe yagize ati 'Yego nahuye n’ababyeyi be. Yantwaye mu muryango we n’inshuti ze kandi bose baranyemeye. Nzamubyarira ariko si ukubera igitutu cy’abantu.'

Kuva yatandukana n’uwahoze ari umugabo we Ivan Semwanga muri 2013 nyuma akaza no kwitaba Imana, Zari yagiye agerageza kujya mu rukundo kenshi ndetse no kuba yakongera kurushinga aho yanabanye na Diamond bakanabyarana abana 2 ariko bakaza gutandukana nta bukwe bari barakoze.

Iki gitaramo cyiswe '5 Years Anniversary Live Concert' cyabaye mu ijoro ryo kuri uyu wa Kane tariki 29 Kamena 2023 mu ihema rya Kigali Conference and Exhibition Village ahazwi nka Camp Kigali, nyuma y'ukwezi kurenga cyamamazwa.

Ni kimwe mu bitaramo bikomeye byari bitegerejwe mu Rwanda; ahanini biturutse ku kuba iyi kompanyi yarakoranye n'ibigo bikomeye mu bihe binyuranye, abahanzi yatumiye mu kwizihiza iyi myaka n'abandi banyuranye bayifashije kwizihiza iyi sabukuru.

Umukundwa Joshua washinze Kigali Protocol yavuze ko bagejeje imyaka itanu biturutse ku bantu bakoranye bagiye babaha akazi, uhereye ku munyarwenya Clapton Kibonke, Aline Gahongayire wakunze kubashyigikira, ikigo cya Samsung 250 gicuruza telefoni, umubyeyi we, ababyeyi b'abasore n'abakobwa babarizwa muri iyi kompanyi n'abandi.

Ati 'Ndashimira buri wese wagize uruhare kugirango ubu tube twizihiza imyaka itanu ishize. Rwari urugendo rutoroshye, ariko rwarimo amasomo akomeye, twizeye  kuzakomeza gutanga serivisi za 'Protocol' tubifashijwemo namwe mu gihe kiri imbere.'

Iyi Kompanyi uretse gukorana n'ibigo bikomeye muri iyi myaka itanu ishize, yanakoranye n'abahanzi ndetse n'abandi bakenera serivisi za Protocol.

1.Bushali na B-Threy bunamiye Jay Polly

Ibi biri mu byatumye umuraperi Bushali afata ikiruhuko mu bitaramo yari afite mu Burayi aza kwifatanya na Umukundwa Joshua avuga ko ari 'inshuti ye y'igihe kirekire'.

Ku rubyiniro, Bushali yari kumwe n'umuraperi B-Threy utari kuri gahunda y'abaza kuririmba muri iki gitaramo. Bombi binjiriye mu ndirimbo 'Ku gasima' yakunzwe mu buryo bukomeye.

Nyuma y'iyi ndirimbo, Bushali yavuze ko bishimiye kuba ari bamwe mu bafashije Kigali Protocol kwizihiza imyaka itanu ishize bari ku isoko. Ati 'Mumfashe dushimire Joshua ku bwo kwizihiza iyi myaka itanu ishize. Murakoze.'

Aba baraperi baririmbye indirimbo zinyuranye kugeza ubwo baririmbaga indirimbo ya Jay Polly yitwa 'Ndacyariho' mu rwego rwo kumwunamira.

B-They yavuze ko baha icyubahiro Jay Polly kubera ko 'yabaye icyitegererezo cya benshi bakora umuziki muri iki gihe'. Ati 'Imana ikomeze kumuhisha mu mababa yayo'.

Ubwo baririmbaga iyi ndirimbo, aba baraperi basabye abantu bose gucana amatara ya telefoni mu rwego rwo guha icyubahiro Jay Polly.

2.Davis D yatunguranye muri iki gitaramo:

Uyu muhanzi niwe washyize akadomo ku gitaramo cya Kigali Protocol cyarangiye ahagana saa sita z'ijoro.

Ni nyuma y'amasaha macye yari ashize abashije kugarura ku rubuga rwa Youtube indirimbo ye yise 'Bermuda' yakoranye n'umuraperi Bull Dogg.

Davis D yabwiye InyaRwanda ko yishuye Miliyoni 1.8 Frw kugirango iyi ndirimbo igarurwe kuri Youtube.

Byari byatewe n'uko umucuranzi wacuranze Saxophone yumvikana muri iyi ndirimbo atari yabitangiye uburenganzira.

Uyu musore w'umucuranzi asanzwe akorana n'abahanzi bakomeye muri Nigeria nka Burna Boy, Wizkid n'abandi.  Yari yacuranze Saxophone muri iyi ndirimbo nyuma y'ibiganiro yagiranye na Producer Element wakoze iyi ndirimbo, ariko ntiyishyurwa.

Davis D yaririmbye iyi ndirimbo 'Bermuda' n'izindi nshya aherutse gushyira hanze. Asoza ashima uko yakiriwe muri iki gitaramo.

3.Ruti Joel yaririmbye indirimbo 'Nasara' ya Meddy

Muri iki gihe Meddy yafashe ikiruhuko mu muziki, ndetse benshi mu bakoresha imbuga nkoranyambaga bakunze gutebya bamusaba kugaruka mu muziki.

Uyu mugabo w'umwana umwe aherutse gutangira gukora umuziki w'indirimbo zihimbaza Imna. Indirimbo ye 'Nasara' iri mu zaciye ibintu.

Ubwo yari ku rubyiniro, Ruti Joel yasabye abitabiriye iki gitaramo gufatanya nawe kuririmba indirimbo 'Nasara' ya Meddy.

Ku rubyiniro yari kumwe na Producer Clement wanamufashije kuririmba indirimbo zirimo izo aherutse gukubira kuri album ye 'Musomandera'.

Ruti avuga ko ari gutekereza gukora igitaramo cyo kumurika iyi album, kuko kuva yayishyira hanze abantu bataramubona ayibaririmbira. 

  

Abasore n’inkumi bo muri Kigali Protocol bakase umutsima mu kwizihiza imyaka itanu ishize 

Ally Soudy yifashishije undi mukobwa nyuma y’uko abuze Kayumba Darina na Mutabazi Sabine

Mwiseneza Josiane wabaye Miss Popularity muri Miss Rwanda 2019

Abanyamideli bo muri Uno Fashion mu batambutse ku itapi itukura

4.Ibyamamare byatambutse ku itapi itukura

Kuva kuri Bertrand wakiniye Kiyovu Sports kugeza kuri Mwiseneza Josiane wambitswe ikamba rya Miss Popularity muri Miss Rwanda 2019, ibyamamare byanyuranye umuco ku itapi itukura.

Abanyuze ku itapi itukura barimo abasore n'abakobwa babarizwa muri Kigali Protoco, itsinda ry'abanyarwenya rya Zuby Comedy ryitegura gukorera ibitaramo mu Burundi, umunyarwenya akaba n'umukinnyi wa filime Clapton Kibonke, umuraperi Danny Nanone, Babo uherutse gusohora indirimbo 'Yogati' yakoranye na Bruce Melodie, Dj Sonia, Benimana Ramadhan [Bamenya] n'abandi.

Bakirwaga na Ally Soudy wayoboye ibirori byo gutambuka ku itapi itukura, ubundi buri wese akabazwa uko yamenye Kigali Protocol yizihiza imyaka itanu ishize.

Samu wo muri Zuby Comedy yavuze ko kimwe mu byo azi kuri Kigali Protocol ari uko 'ifite abakobwa beza' kandi ko ubwo babahaga akazi mu gitaramo cyabo bahuriyemo n'umunyarwenya Tricky wo muri Kenya, abantu babishimiye cyane.

5.Umuraperi Chopper, Bruce the 1^st ndetse n'umuhanzi uzwi nka 'Imana y'imahanda' bagaragaje ko bafite ahazaza

Umuraperi Boy Chopper azwi n'abantu benshi cyane cyane abakoresha imbuga nkoranyambaga kuko atakunze kumvikana cyane mu itangazamakuru. Imiterere ye, imyambarire ye n'imivugirire yisanisha cyane na mugenzi we Bushali.

Ntiyari ku rutonde rw'abagombaga kuririmba muri iki gitaramo, ariko yageze ku rubyiniro ibintu birahinduka.

Byari bimeze nk'aho yitwaje abafana be muri iki gitaramo. Ariko byaturukaga ku murindi w'abafana bari bicaranye na mushiki we. Uyu musore nawe ashyize imbere injyana ya Drill.

Asanzwe afite indirimbo ebyiri: 24/7 ndetse na 'Do it again'. Ariko yanaririmbye indirimbo nshya avuga ko izasohoka mu gihe kiri imbere.

Undi muraperi watunguranye muri iki gitaramo ni Bruce the 1^st . Uyu musore asanzwe afitanye indirimbo 'Demo' na Ariel Wayz biri mu byamufashije kumusanga ku rubyiniro bagafatanya kuyiririmba, anamuha umwanya wo kuririmba zimwe mu ndirimbo ziri kuri album ye ya mbere aherutse gusohora.

Kenny uzwi nka 'Imana y'imihanda' niwe wafunguye iki gitaramo.

Uyu musore nawe ntiyari ku rutonde rw'abagombaga kuririmba muri iki gitaramo. Asoje kuririmba iyi ndirimbo 'Imana y'imihanda' yamuciriye inzira, yashimye abari kumufasha mu muziki.

6.Luckman Nzeyimana, Mutabazi Sabine na Kayumba Darine babuze mu gitaramo:

Kuva igitaramo cya Kigali Protocol cyatangazwa, cyaherekejwe no gutangaza ko umunyamakuru w'Ikigo cy'Igihugu cy'Itangazamakuru Luckman Nzeyimana azafatanya na Rusine Patrick kuyobora iki gitaramo cyo kwizihiza imyaka itanu ariko siko byagenze.

Kuko Rusine Patrick yayoboye iki gitaramo ari wenyine kuva gitangiye kugeza kirangiye. Hari amakuru avuga ko Luck yagize inshingano zatumye atabasha kuboneka muri iki gitaramo.

Mutabazi Sabine uri mu bakobwa 10 bavuyemo Miss Rwanda 2022 ndetse na Kayumba Darine wabaye igisonga cya kabiri cya Miss Rwanda 2022, nibo bagombaga gufatanya na Ally Soudy kuyobora ibirori byo gutambuka kuri 'Red Carpet' ariko siko byagenze.

Aba bakobwa bari bicaye ku meza y'imbere, ndetse Rusine yabasabye gusohoka gufatanya na Ally Soudy kuyobora abatambuka ku itapi itukura ariko ntibahakandagiye.

Ibi byatumye Ally Soudy yitabaza Rusine Patrick mu gihe cy'iminota micye, ubundi aranzika anifashisha undi mukobwa ubarizwa muri Kigali Protocol. 

Uyu musore yahaye indabo Ally Soudy, amubwira ko akunda ibikorwa bye

Rukundo Patrick uzwi nka Patycope ni umwe bitabiriye iki gitaramo
 

Kayumba Darina na Mutabazi Sabine bari muri iki gitaramo ariko ntibayoboye umuhango wo gutambuka ku itapi itukura nk’uko byari biteganyijwe 

Ababyinnyi bo muri Seven Stars barimo Jojo Breezy babyinnye indirimbo zinyuranye muri iki gitaramo

Umuhanzi Sky2 ndetse na Kamaro banyuze kuri Red Capet- Sky2 yabajije Kamaro igihe azakorera ubukwe, Kamaro abaza Sky2 impamu bamufata nk’ikirara
 

Amagana y’abantu yashyigikiye Kigali Protocol mu kwizihiza imyaka itanu ishize babonye izuba

Inkumi z’ikimero zari zakoze ku myambaro yihariye muri iki gitaramo

Mu gitaramo nk’iki ufata amashusho n’amafoto by’urwibutso by’igihe kirekire

Umuraperi Bruce the 1st yasanganiye ku rubyiniro Ariel Wayz

 

Umunyamuziki Chriss Eazy yaririmbye muri iki gitaramo afite ku mutima indirimbo ‘La La’ aherutse gusohora yakoranye Kirikou Akilli

Umuraperi Danny Nanone ntiyacitswe  n’iki gitaramo 

Ibyishimo birahenda niko abahanga mu buzima bwa muntu bavuga…… 

Umuhanzikazi Ariel Wayz yaririmbye muri iki gitaramo nyuma yo gutanga ibyishimo mu gitaramo cya Amstel 

Mutesi Lea uri mu bakobwa 10 bavuyemo Miss Rwanda 2022, ni umwe mu babarizwa muri Kigali Protocol [Uri ibumoso]

Umuraperi Boy Chopper yigwijeho abafana muri iki gitaramo

Ruti Joel yaririmbye indirimbo ‘Nasara’ ya Meddy, n’izindi ndirimbo ziri kuri album ye nshya

Dj Brianne yarangaje benshi ubwo yabyinanaga n’umukobwa mugenzi we 

Umunyarwenya Claptoni Kibonke niwe wa mbere wakoranye na Kigali Protocol 

Byari ibyishimo bidasanzwe ku nkumi zibarizwa muri Kigali Protocol

Umushyushyarugamba Ally Soudy asoje kuyobora ‘Red Carpet’ yagiye kwicara 

Umuhanzikazi Aline Gahongayire yashimiwe gushyigikira Kigali Protocol-Aha yari kumwe na Rusine Patrick

Umuraperi B-Threy yatunguranye muri iki gitaramo asaba abantu kunamira Jay Polly 

 

Bushali yaririmbye asaba abafana gufatanya nawe kwishimira intambwe ya Kigali Protocol

Ni uku Davis D yaserutse muri iki gitaramo cyo kwizihiza isabukuru ya Kigali Protocol

Abakinnyi ba filime ‘Nyaxo’ na ‘Bamenya’ bazwi cyane ku rubuga rwa Youtube- 

Umuraperi B-Threy yatunguranye muri iki gitaramo afatanya na Bushali gutanga ibyishimo 

Inkumi z’ikimero zari zabukereye mu gushyigikira bagenzi babo babarizwa muri Kigali Protocol

REBA UKO IBYAMAMARE MU NGERI ZINYURANYE BANYUZE KU ITAPI ITUKURA

“>

UMUHANZIKA BABO YAGARUTSE KU RUPFU RWA PASITERI THEOGENE

“>

ZUBY COMEDY BAKOMEJE KU BITARAMO BAFITE MU BURUNDI

“>

Kanda hano urebe amafoto menshi yaranze igitaramo cya Kigali Protocol

AMAFOTO: Nathanael Ndayishimiye&Serge Ngabo-InyaRwanda.com

VIDEO: Murenzi Dieudonne- InyaRwanda.com

Uraranganyije amaso mu mashusho y’indirimbo ziri gusohoka mu Rwanda, biragoye ko wareba icumi utarabonamo zirindwi zatunganyijwe na Taher Visuals.

 Ni umusore utunganya amashusho ubimazemo igihe kitari gito ndetse izina rye riri muri amwe akomeye muri uru ruganda rw’amashusho rumaze kwaguka no gutera imbere ugereranije n’imyaka yashize.

Kabanda Bertrand uzwi cyane nka Taher Visuals cyangwa Tallboy, ibiganza bye byahaye umugisha indirimbo nyishi z’abahanzi batandukanye yaba mu Rwanda no hanze yarwo. Niwe uri inyuma y’amashusho y’indirimbo zitandukanye zirimo nka Hafi ya Bulldog, Tequila ya Amalon, Si Swing ya Yago, Curvy Neighbor ya B2C bafatanyije na Bruce Melodie n’izindi nyinshi zatumye Taher akundirwa ibikorwa bye.

Taher uri mu bahetse uruganda rwo gutunganya amashusho mu Rwanda

Uretse kuba yarayoboye amashusho y’indirimbo nyinshi, yanabaye Director Of Photography (DOP) wazimwe mu ndirimbo zigezweho muri iyi minsi zirimo nka My Type ya Dany Nanone, Woman ya Nel Ngabo, Do Me ya Bwiza, Sawa ya Izra afatanije na DJ Marnaud, Full Stop ya Ish Kevin na Juno Kizigenza hamwe n’izindi.

Mu kiganiro cyihariye Taher yagiranye na InyaRwanda, yagarutse ku rugendo rwe mu gutunganya amashusho. Yagize ati” Indirimbo ya mbere nakoreye amashusho ikamenyekana ni Sindaza ya B Threy. Niyo abantu batangiye kumenyeraho ibikorwa byanjye”.

Yakoranye cyane na Sasha Vybz Produtions ari naho yakuye bumwe mu bumenyi bwo gutunganya amashusho

Taher uvuga ko yahoze akunda umuziki no gutunganya amashusho yawo, yatangaje ko akimara kwiyemeza kubikora bya kinyamwuga yahise agana muri Uganda agakorana na Sasha Vybz uri mu bakomeye muri Afurika y’Iburasirazuba, akamuha ubumenyi mu bijyanye no gutunganya amashusho ndetse banagiye banafatanya gutunganya zimwe mu ndirimbo.

Ntibyagarukiye aho, Taher yakomeje kugira inyota y’ubumenyi bwinshi mu gutunganya amashusho maze ahitamo kujya kubyiga muri Proline Film Academy muri Uganda. Nyuma yahise agaruka mu Rwanda kuza gutanga umusanzu we mu kuzamura uruganda rwo gutunganya amashusho ndetse biranamuhira dore ko ubu ari mu bayatunganya bahagaze neza.

Avuga ko aharanira kugira umwihariko mu kazi ke

Yashimangiye ko afite umwihariko mu kazi dore ko agaha igihe gihagije akirinda guhubuka ndetse akatanga amashusho meza kandi  aryoheye  uyareba wese. Ikindi kandi uyu musore ngo yirinda gukora ibisa n’iby’abandi ku buryo ibye biza bifite umwimerere.

Taher nubwo ashima aho ibyo  gutunganya ry’amashusho bimaze kugera mu Rwanda, avuga ko bagihura n’imbogamizi nyinshi zirimo nko kuba badahabwa uburenganzira bwo gukoresha ibikoresho birimo nka Drone. Aho gukorera amashusho naho ni hacye aho usanga no kuhabona biba ingorabahizi.

Ubwo yarari gufata amashusho y’umuhanzikazi Ariel Wayz

Mu ifatwa ry’amashusho y’indirimbo Nyash ya Kataleya & Kandle bakoranye na Afrique

Uyu musore uvuga ko ahazaza mu  gutunganya amashusho ari heza mu Rwanda, yasabye abashoramari ko batera ijisho muri uru ruganda ruri kwaguka uko bwije n’uko bukeye, bagashora imari mu kugura ibikoresho nkenerwa mu gutanganya amashusho  ndetse bakanashora imari bubaka aho kuyakorera kuburyo abahanzi nyarwanda batazongera kurira indege bajya gushaka aho bakorera amashusho.

Taher yasabye abashoramari gushora mu ruganda rwo gutunganya amashusho

Taher wakoranye n’abahanzi bafite izina muri East Africa, barimo nka Bobi Wine, Pallaso, itsinda rya B2C, Kataleya & Kandle n’abandi, kugeza ubu anamaze gukorana n’abandi ba Directors barimo nka Meddy Saleh, Fayzo, Oscar Oskados n’abandi. Byumwihariko anakunze gukorana byahafi na Eazy Cuts uhagaze neza muri uyu mwuga ndetse banahuriye mu itsinda rya ‘Jewish Brothers’.

Yasoje avuga ko abatunganya amashusho mu Rwanda bakwiye gushyigikirwa ndetse byumwihariko asaba abari muri uru ruganda ko bafatanyiriza hamwe kugeza igihe bagejeje ku rwego mpuzamahanga amashusho y’abahanzi nyarwanda.

Bivugwa ko umunyezamu w’umunyarwanda, Ntwari Fiacre yamaze kumvikana n’ikipe ya TS Galaxy yo muri Afurika y’Epfo isaha n’isaha yahita ayisinyira.

Mu rukerera rwo ku wa Gatatu w’iki cyumweru tariki ya 28 Kamena 2023 nibwo uyu munyezamu wari umaze imyaka 2 muri AS Kigali yafashe rutemikirere yerekeza muri Afurika y’Epfo.

Ntabwo hari hazwi ikipe agiyemo ariko ejo ku wa Kane tariki ya 29 Kamena 2023 nibwo byamenyekanye ko ari iyi kipe agiyemo ndetse ko yamaze kumvikana na TS Galaxy ikina mu cyiciro cya mbere muri iki gihugu.

Bivugwa ko bamaze kumvikana aho igomba kumwishyura ibihumbi 80 by’amadorali akazajya ahembwa ibihumbi 9 by’amadorali.

Nyuma yo kumvikana akaba yarahise akoreshwa ikizami cy’ubuzima, nagitsinda azahita asinya imyaka 2.

Ntwari Fiacre yakuriye mu ishuri ryigisha umupira wa APR FC, nyuma imutiza muri Marines FC azajya kujya muri AS Kigali ari nayo asojemo amasezerano.