Category: Uncategorized

Ni isiganwa ryabaye ku bufatanye bw’Umujyi wa Kigali, Minisiteri ya Siporo, Ishyirahamwe ry’umukino wo gusiganwa ku maguru mu Rwanda ndetse na MTN Rwanda. 

Ni isiganwa n’ubundi rikunze kuba ngaruka kwezi, aho riba mu masaha y’umugoroba aho abasigwa banyura mu mihanda ya Kacyiru, Kimihurura no kugishushu ho mu Karere ka Gasabo.

Abasiganwa bageze kuri Kigali Heights ku isaha ya saa 18:00 PM, batangira kwishyushya, ku isaha ya saa 19:00 PM kaba bari batangiye kwiruka.

Ingeri zitandukanye zari zabukereye zaje kwikorera siporo nk’urukingo rw’ubuzima 

Ubusanzwe igitekerezo cy'iyi siporo ya Kigali Night Run cyaje ahanini hagamijwe gukangurira abantu gukora siporo ariko kinategura irushanwa ngaruka mwaka rya Kigali International Peace Marathon, aho abantu baboneraho umwanya wo gusobanurirwa byinshi kuri iri rushanwa, ndetse no kuryitegura.

Tariki 4 Nyakanga ni bwo u Rwanda ruzizihiza ku nshuro ya 29, umunsi wo Kwibohora nk’ikimenyetso cyo guhagarika Jenoside yakorewe Abatutsi mu 1994. 

Kuri iyi tariki ya 4 Nyakanga nibwo Ingabo zari iza RPA zaje kuba RDF, zafashe Umujyi wa Kigali ndetse zinahagarika Jenoside yakorerwaga Abatusi aho bari bamaze iminsi 100 bicwa  urw’agashinyaguro nta kivurira. 

Abato n’abakuru bose bari bitabiriye uyu mugoroba udasanzwe 

Inshuti z’u Rwanda nazo ntabwo ziba zacikanwa 

Abana bato nabo baba bizinduye bari kumwe n’ababyeyi babo  

Umutima wari umwe ku bitabiriye Liberation Day Night Run 

Kanda hano urebe amafoto menshi

AMAFOTO: Ngabo Serge InyaRwanda

Ni igikorwa cyabereye mu mujyi wa Kigali i Masaka ku kicaro gikuru cya DP World, aho abakozi ba kompanyi ya CMA-CGM, bari kumwe nabo mu zindi kompanyi bakorana nazo bakoze igikorwa cyo gutanga amaraso kubayakeneye kwa muganga.

Iyi kompanyi CMA-CGM yakoze iki gikorwa, ni kompanyi y’ubwikorezi ikura ibicuruzwa hanze ibizana mu Rwanda no kubikura mu Rwanda ibijyana mu bindi bihugu. Imaze imyaka 11 ikorera mu Rwanda ndetse iri ku mwanya wa gatatu ku isi mu bijyanye n’ubwikorezi. Ikaba ikora ubwikorezi bwo mu mazi no kubutaka.

Umuyobozi wa CMA-CMG, Fred Mulisa mu gikorwa cyo gutanga amaraso

Fred Mulisa umuyobozi wa CMA-CMG mu Rwanda no mu Burundi, yatangarije InyaRwanda ko igikorwa cyo gutanga amaraso bagitekereje mu buryo bubiri. Yagize ati: ”Buri mwaka tugira uburyo bw’amaboko cyangwa amafaranga dufashamo abanyarwanda. Ni uburyo twashyizeho kugirango dufashe kominote dukoreramo nk’uko natwe twahawe uburenganzira bwo gukora neza”.

Bamwe mu bitabiriye iki gikorwa cyo gutanga amaraso

Yakomeje agira ati: ”Twahisemo gutanga amaraso kuko ni igikorwa cyiza kandi gifite akamaro. Hari ibyo amafaranga atakora ariko amaraso yabikora. Yarengera ubuzima bw’abantu benshi. Iki ni igikorwa kitigeze kibaho mbere kuko ni inshuro ya mbere twihurije hamwe tugakora ikintu gifitiye akamaro ubuzima bw’abanyarwanda”.

Fred Mulisa yanatangaje ko abakozi ba kompanyi ya CMA-CMG ataribo gusa bitabiriye iki gikorwa kuko bafatanyije n’abandi bakorana mu bwikorezi barimo nk’abazana ibicuruzwa byabo babikuye hanze babizanye mu Rwanda hamwe n’abandi bafite ibicuruzwa mu Rwanda bohereza hanze. Aba bose ni bamwe mu bafatanyije na CMA-CMG muri iki gikorwa.

Umwe mu bakozi ba CMA-CMG watanze amaraso yatangarije InyaRwanda uko yakiriye iki gikorwa, yagize ati: ”Ubuyobozi bukitugezaho iki gitekerezo twacyakiriye neza kuko ni ingirakamaro ku buzima. Ni ibintu bikomeye kuba abantu bangana gutya twahuriye muri iki gikorwa kuko hari benshi babitinya. Ni igikorwa kiri busige ingaruka nziza ku buzima bwa benshi bari kwa muganga bakeneye amaraso”.

Abakozi ba CMA-CMG bari kumwe n’aba DP World bitabiriye iki gikorwa

CMA-CMG yakoze iki gikorwa, yanatangaje ko ibikorwa byayo byo gufasha abanyarwanda bitagarukiye ku gutanga amaraso gusa kuko bateganya no gukora ibindi birimo nko gutanga ubufasha bw’amafaranga nk’uko bajya babikora.

Kanda HANO urebe andi mafoto menshi y’iki gikorwa cyo gutanga amaraso

AMAFOTO: Rwigema Freddy

Kuri uyu wa Gatanu nibwo iyi kipe yamanutse mu kibuga ku mukino wa nyuma bahuyemo na Tanzania, bayitsinda amanota 66 kuri 65.Nk’ibisanzwe, uyu mukino nawo wabereye muri LDK doreko ari naho iyi mikino yose yaberaya haba mu bahungu n’abakobwa.

Agace ka mbere, karangiye u Rwanda rufite amanota 14 kuri 17 ya Tanzania, agace ka kabiri karangira Tanzania ifite amanota 32 kuri 31 y’u Rwanda, agace ka gatatu karangira Tanzania ifite amanota 47 kuri 49 y’u Rwanda, mu gihe agace ka kane karangiye u Rwanda rufite amanota 66 kuri 65 ya Tanzania.

U Rwanda rwahise rwegukana igikombe cyo muri Zone ya gatanu, ndetse rubona itike y’igikombe cy’Afurika kizabera muri Tunisia kuva tariki 13 kugera 23 Nyakanga uyu mwaka. 

U Rwanda mu batarengeje imyaka 16, banze ko igikombe gutaha imahanga 

Abanyeshuri bo muri LDK bari abafana bakuru n’aba bana kuva amarushanwa yatangira 

Tanzania n’u Rwanda zahatanye kugera ku munota wa nyuma  

Ibyishimo byari byose muri sitade nyuma yo gutsinda

Kaminuza ya Mount Kigali yakiriye amarushanwa ya Mourt Court

Kuri uyu wa Kane, tariki ya 29 kamena 2023, nibwo mu nzu mberabyombi ya Kaminuza ya Mount Kigali, hateraniye imbaga y'abanyeshuri benshi baturutse muri Kaminuza zitandukanye, ubona ko bari babukereye, biteguye neza igikorwa cy'amarushanwa bari bitabiriye. Mu myambaro myiza cyane, aba banyeshuri bose baje bagaragiwe na bagenzi babo n'abayobozi baje bahagarariye Kaminuza zabo.

Abanyeshuri bose bari bitabiriye basaga neza ubona ko biteguye irushanwa

Aya marushanwa, yitabiriwe na Kaminuza eshanu arizo: Kaminuza ya Mount Kenya, ishami rya Parklands Law (MKU), Kaminuza ya Kigali (UK), Ines Ruhengeri, Kminuza y'u Rwanda ishami rya Huye, ndetse na UNILAK. Aya marushanwa, yari afite insanganyamatsiko igira iti: 'Imihindagurikire y'ibihe ku mpunzi — Guteza imbere Guverinoma ikorera mu mucyo kandi yita ku nshingano zayo mu guteza imbere uburenganzira bwa muntu.'

Ines Ruhengeri

Kaminuza ya UNILAK

Kaminuza ya Kigali

Kaminuza ya Mount Kenya ishami rya Parklands Law

Kaminuza y’u Rwanda ishami rya Huye

Nyuma y'uko buri Kaminuza yahawe umwanya wo kumurika ibyo yateguye, abagize akanama nkemurampaka biherereye maze bagaruka batangariza imbaga yari iteraniye aho uko Kaminuza zagiye zirushanwa mu manota. 

Ku ikubitiro hatashye Kaminuza y'u Rwanda, hakurikiraho Kaminuza ya UNILAK, ku mwanya wa gatatu haje Ines Ruhengeri, ku mwanya wa kabiri haza Kaminuza ya Kigali, naho umwanya wa mbere wegukanwa na Kaminuza ya Mount Kenya. 

Nyuma yo gutangaza uko Kaminuza zagiye zikurikirana, hakurikiyeho kurushanwa hagati ya Kaminuza ebyiri zatsindiye imyanya ibiri ya mbere arizo: Mount Kenya na Kaminuza ya Kigali. Iri rushanwa naryo ryarangiye nta mpinduka rikoze, kuko n'ubundi umwanya wa mbere wagumanwe na Kaminuza ya Mount Kenya.

Mount Kenya mu byishimo byinshi byo gutahana intsinzi

Mu byiciro byahembwe harimo icyiciro cy'uwavuze neza mu ruhame kurusha abandi mu basore, cyegukanwe na Moses Mumo wa Mount Kenya, ishami rya Parklands Law. 

Akanyamuneza kari kose kuri Moses watsindiye iki gihembo

Mu bakobwa, iki gihembo cyegukanwe na Ratipfa Mariza wiga muri Kaminuza ya Kigali.

Ratipfa yashyikirijwe igihembo cy’umukobwa wavuze neza mu ruhame 

Kaminuza yegukanye iri rushanwa, ni Mount Kenya yahawe igikombe nyamukuru k'ishimwe. Izindi Kaminuza zisigaye, nazo zagiye zihembwa uko zagiye zikurikirana mu manota.

Kaminuza ya Mount Kenya yabaye iya mbere, yashyikirijwe igihembo

Ibyishimo byari byose kuri Mount Kenya nyuma yo kwegukana intsinzi

Umuyobozi Mukuru wa Kaminuza ya Mount Kigali yakiriye iri rushanwa, Dr Martin Kimemia yasobanuye ko akamaro k'aya marushanwa ari ugufasha abanyeshuri biga amategeko gushyira mu bikorwa ibyo biga, ndetse bamwe bakagira ubumenyi bwisumbuye bungukira ku bandi.

Uyu muyobozi kandi yavuze ko bifuza ko aya marushanwa yava ku rwego ariho uyu munsi, akaba mpuzamahanga kuko basanga ari ingirakamaro. Yagize ati 'Uyu ni umwanya mwiza ku banyeshuri biga amategeko aho bagaragaza icyo bashoboye, ubushobozi bwo gukorera hamwe nk'itsinda ndetse n'ubumenyi bafite mu bijyanye n'ubushakashatsi. 

Nizera ntashidikanya ko impande zombi zize, icyizere kiyongereye, kandi haribyo abanyakenya babonye ko bakwigira ku banyarwanda, kimwe nuko n'abanyarwanda haricyo babigiraho.'

Martin yavuze ko abanyeshuri bakwiye kwigira byinshi muri aya marushanwa kuruta kurushanwa

Yongeye ati 'Aya ni amarushanwa ahuza ibihugu byo mu Karere, turifuza kubatangariza ko ibi bitareba u Rwanda na Kenya gusa, ejo byaba Cameroon cyangwa Nigeria n'ahandi. Iki ni igikorwa mpuzamahanga. Mwibuke ko ejobundi tuvuye muri covid, ubu turi kuzahura ibyasaga n'ibyahagaze. 

Turacyafite imbogamizi y'ubushobozi, tunahamagarira za kaminuza zose kubigira ibyabo, mu rwego rwo kugeza abanyeshuri biga amategeko ku kigero gishimishije.'

Dr. Martin Kimemia, umuyobozi wa Mount Kigali

Serugo Jean Baptiste, umwalimu w'amategeko muri Kaminuza y'u Rwanda ishami rya Huye, yavuze ko nubwo batabashije kwegukana intsinzi ariko hari byinshi bigiye muri iri rushanwa ndetse bagiye kongeramo imbaraga nk'ishuri.

Ati 'Iki gikorwa ni ingenzi cyane, kuko twari tumenyereye kurushanwa nka Kaminuza z'imbere mu gihugu gusa, ariko kuba uyu munsi haje n'abanyamahanga twizeye ko haricyo baje kwigisha abanyeshuri bacu. 

Twiteze ko ibikorwa nk'ibi bigiye kongera ingufu mu butabera bwacu ndetse n'ubushakashatsi. Icyo twe, nka Kaminuza tubura ni ugutinyuka kw'abanyeshuri cyane cyane mu kuvuga ururimi rw'icyongereza;

Kuko usanga abanyeshuri bo mu Rwanda bafite ubumenyi, bandika neza ariko rimwe na rimwe bakananirwa gusobanura ibyo bazi kubera imbogamizi y'ururimi. Igikwiye gushyirwamo imbaraga, ni ukongera ibiganiro mpaka (debates) n'aya marushanwa ya Moot Court.'

Serugo Jean Baptiste, Umwalimu w’amategeko muri Kaminuza y’u Rwanda ishami rya Huye

Moses Mumo, watsindiye igihembo cy'umusore wavuze neza muri aya marushanwa, yatangarije Inyarwanda ko icyamufashije gutsinda aruko yagiye yitabira andi marushanwa nk'aya anavuga ko yishimiye kwitabira kuko hari byinshi yigiyemo mu rugendo rwe rwo kuzaba umunyamategeko mu gihe kiri imbere.

“Nize kandi nkomeje kwiga.” Moses Mumo wegukanye igihembo cy’uwavuze neza mu ruhame mu basore

Ati 'Nagiye kuba naragiye nitabira amarushanwa atandukanye muri Kenya, nibyo byamfashije kubona iyi nsinzi. Aha nahigiye byinshi bizamfasha, kandi nanahungukiye abantu bashya. Uru ni urugendo rwo gukura, kwiga, gukorera hamwe kugira ngo uzashobore kuvamo umunyamategeko mwiza. Nize kandi ndacyakomeje kwiga.'

Moses mu rukiko

Aya marushanwa yateguwe na Kaminuza ya Mount Kigali ku bufatanye na Kaminuza ya Mount Kenya, ishami rya Parklands Law riherereye muri Kenya mu rwego rwo gufasha abanyeshuri biga amategeko gusangira ubumenyi no kuzamura ubushobozi bwabo mu bushakashatsi, kugira ngo bazavemo abanyamategeko bafitiye umumaro Afurika ndetse n'isi yose mu cyiciro cy'ubutabera.

Abagize uruhare mu gutegura iki gikorwa bafashe ifoto y’urwibutso

Abari bagize akanama nkemurampaka

Abashyitsi bakuru muri aya marushanwa

Umuyobozi ushinzwe imibereho myiza y’abanyeshuri muri Mount Kenya, ishami rya Parklands Law

Abitabiriye basusurukijwe n’itorero rya Kaminuza ya Mount Kigali

Intore nazo ntizahatanzwe 

Abitabiriye nabo bari bizihiwe

Byari biryoheye ijisho muri aya amarushanwa yasusurikijwe n’Itorero rya Mount Kigali University

AMAFOTO: Ngabo Serge – inyaRwanda.com

Rayon Sports yatangaje ko mu mwaka w’imikino wa 2023-24 hashyizwe ku isoko amatike y’umwaka (season tickets) iri mu byiciro 3 harimo n’izajya igura miliyoni 5 z’amafaranga y’u Rwanda.

Ni mu kiganiro yagiranye n’itangazamakuru kuri uyu wa Gatanu aho cyagarukaga kuri ubu buryo buzifashishwa mu mwaka w’imikino wa 2023-24.

Perezida wa Rayon Sports, Uwayezu Jean Fidele yavuze ko ari mu rwego rwo kurinda abantu guhora bakanda akanyenyeri buri uko umukino wabaye.

Ati “Ubishoboye uko umukino wabaye ajye ahora akanda akanyenyeri, yagura itike y’umwaka, igihe ashakiye akaza ku mupira akaba yakwicazwa bigendanye n’itike yaguze.”

Yakomeje avuga ko ibi bizafasha ikipe mu buzima bwa buri munsi kuko aba ari amafaranga azaba aziye rimwe.

Ati “Iyo baguze itike y’umwaka amafaranga azira rimwe, mu bihe nk’ibi dukeneye amafaranga nko kugura abakinnyi biradufasha. Uyu munsi rero turaza gushyira hanze amatike y’umwaka atandukanye n’ibizajya bigenerwa abayaguze.”

Ni amatike ari mu byiciro 3, Zahabu (Gold), Ifeza (Silver) n’Umuringa (Bronze), akaba ari amatike yo mu myanya y’icyubahiro (VIP) kuko ari cyo gice cyoroshye kuba abantu bategura neza bakakira abantu mu buryo bwa Kinyamwuga.

Igice cya mbere ni icya VVIP kirimo ibice 2 icya VVIP A na VVIP B ni mu gihe igice cya gatatu ari muri VIP isanzwe.

Itike ya mbere ya Zahabu cyangwa Gold izajya igura miliyoni eshanu y’amafaranga y’u Rwanda.

Ibyo azahabwa: Umuntu azaba afite intebe ye yaba ahari cyangwa adahari nta muntu uzajya uhicara, azaba afite parikingi iriho izina rye, azaba afite amahirwe yo kwerekana umukinnyi no kumuha Jersey kuri Rayon Day, azahabwa ibikoresho byose bya Rayon (buri gikoresho kizacuruzwa ku isoko cya Rayon Sports azaba afiteho icye), azaba ari muri delegasiyo ya Rayon Sports izajya mu mikino Nyafurika, azahita yinjira mu kanama ngishwanama ka Rayon Sports, ahita abona itike yo kwinjira ku mikino yose Rayon Sports yakiriye ariko azahita abona n’iyo ku mikino Rayon Sports yasuye, azitabwaho mu buryo bwihariye (ni mu cyumba bakiriramo abantu muri halftime), afite kandi uburenganzira bwo kwinjira ku bikorwa byose bya Rayon Sports yateguye atishyuye.

Itike ya kabiri y’Ifeza cyangwa Silver ni miliyoni imwe y’amafaranga y’u Rwanda.

Ibyo azahabwa: Uyu azaba afite intebe ye azajya yicaraho yaba ahari cyangwa adahari, azajya aba afite parikingi imbere muri stade ariko asanze yuzuye aparike hanze, azahabwa umwambaro w’ikipe wo mu rugo, hanze ndetse n’uwa gatatu, mu gihe yifuje kujyana n’ikipe hanze bazamufasha kujya muri delegasiyo, azajya mu kanama gishwa nama, kwinjira ku mikino Rayon Sports yakiriye gusa, kwitabwaho muri halftime no kwinjira mu bikorwa Rayon Sports byose yateguye.

Itike ya gatatu ya Bronze cyangwa se Umuringa izajya igura ibihumbi 500 y’amafaranga y’u Rwanda.

Ibyo azahabwa: Azajya yinjira ku mikino Rayon Sports yakiriye, ahabwe Jersey imwe muri eshatu z’ikipe bitewe n’iyo yifuza, guhabwa amakuru y’ikipe ya buri munsi, umwanya we uzaba uhari mu myanya y’ubururu n’umweru no guhabwa icyo kunywa mu gihe cya halftime.

Ni amatike azagurwa hifashishijwe uburyo bw’ikoranabuhanga ariko ishobora kugurwa mu byiciro bibiri aho umuntu ashatse yagura irangirana n’igice kibanza cya shampiyona ikindi kikishyurwa mu mikino yo kwishyura.